رواية طريق الهلاك للكاتبة سلسبيل كوبك الفصل الخامس عشر
إيلاف كانت هتنزل بس سمعت حد بيتكلم بصوت واطي.
(بالالمانية): هنقتلهم الليلة دي.
إيلاف وقعت في الأرض من صدمتها و حطت ايديها على بوقها تمنع شهقتها.
دارك: إيلاف.
إيلاف رفعت عينيها لدارك اللي نزل لمستواها.
دارك: اتأخرتي ليه قومي.
دارك سند إيلاف، إيلاف شاورت على الاوضة.
إيلاف: اوضة مين دي؟
دارك: طاهر بتسألي ليه؟
إيلاف فتحت الباب و دخلت ملقتش حد، دارك بصلها باستغراب.
دارك: بتعملي إيه؟
إيلاف: مفيش.
إيلاف و دارك نزلوا لتحت، جوليا جريت على إيلاف حضنتها جامد.
إيلاف: خلاص اهدي.
إيلاف بصت لكل اللي موجودين لاحظت أن طاهر و ريان و كمال مش موجودين، إيلاف رفعت رأسها لما سمعت صوتهم وراها.
طاهر: اهي الهانم لقيناها.
ريان: ألف سلامة عليكي.
كمال: حمدلله على سلامتك.
أصلي: ألف سلامة.
رائد: أنا آسف يا إيلاف كل ده بسببي بعتذر.
إيلاف: شكرا ليكم و متعتذرش يا رائد حصل خير.
كلهم بدأوا يقعدوا على السفرة و يأكلوا، إيلاف مركزة مع طاهر و دارك مستغرب تصرفها.
طاهر: هتطلقوا امتى؟
دارك كان بيشرب ماية شرق و قعد يكح كتير، جوليا قعدت تطبطب على ضهره.
جوليا: أنت كويس؟
دارك: مش عارف مين جاب في سيرتي.
كلهم بصوا لبعض و كملوا أكل، تليفون ريان رن.
الخط اتفتح.
ريان: دارك.
دارك: ايه؟
ريان: ألبرتو عايزك.
دارك مسك التليفون من ريان و بِعد عنهم.
جوليا: أنا مبسوطة أوي أنك رجعتي.
إيلاف: تسلمي.
كمال: كنتي فين ده كله؟
إيلاف شردت للحظة و بعدها بصت لكمال.
إيلاف(بتنهيدة): بلاش نتكلم في الموضوع ده.
أصلي: خلاص يا جماعة خلونا نشوف موضوع تاني نتكلم فيه.
رائد(بضحك): الستات.
كمال(بضحك): قصدك جوليا.
جوليا: موضوع منحرف زي صاحبه.
إيلاف: أنت إيه رأيك يا طاهر؟
طاهر: سيبي طاهر في حاله.
كمال: ما تحكيلنا عن مغامراتك أنتي.
إيلاف: مش عندي كتير يعني.
دارك كان خلص تليفونه و جه يقعد علشان يكمل أكله.
جوليا: كان عندك حبيب قبل دارك؟
دارك قعد و بص لإيلاف اللي استغربت السؤال.
إيلاف: و هو دارك يعتبر حبيب!
جوليا: مش جوزك يبقى حبيبك.
إيلاف: تختلف كتير.
جوليا: ازاي.
إيلاف: الواضح بينك و بين كمال انكم بتحبوا بعض ف بكدة جوزك هو اصلا حبيبك.
إيلاف: أنا و دارك اتجوزنا مصلحة.
دارك: أو غلطة تتحملي أنتي نتيجتها.
ريان: أعتقد بعدنا عن السؤال الأصلي كان عندك حبيب قبل ما تتجوزي دارك.
إيلاف: كنت مخطوبة ب ابن عمي.
رائد: لما ترجعي هتكملوا؟
إيلاف: ليه لا؟
طاهر: مش عارف مين الأهبل اللي هيستحملك ده، هيستحمل واحدة غبية و مش مسؤولة و؟
إيلاف: ليه طب ما أنا مستحملاك بقالي أكتر من 10 دقايق و متكلمتش رفقا بالحيوان.
كلهم ضحكوا على منظر طاهر المصدوم، إيلاف كملت أكلها بهدوء.
جوليا: حد يشرب حاجة معينة؟
أصلي: هقوم اعمل معاكي.
جوليا و أصلي قاموا دخلوا المطبخ، دارك بص لإيلاف و شاور ليها بس هي مفهمتش.
إيلاف: مش مجرمة زيكم علشان أفهم لغاتكم.
كلهم بصوا ليها و كذلك دارك اللي بصلها ببرود.
دارك: طالما مش مجرمة زينا ليه قبلتي تبقي مرات زعيم المجرمين.
إيلاف بصت لدارك و سابتهم و طلعت على أوضتها، إيلاف دخلت وقفت في البلكونة و ربعت ايديها بدأت تبص على الناس اللي بتمشي في الشوارع و اتنهدت بقوة.
تحت.
جوليا: اومال فين إيلاف؟
ريان: قلت أدبها و طلعت على أوضتها.
جوليا بصت لكمال و دارك، و كانت هتطلع على فوق.
طاهر: سيبيها.
جوليا: لازم.
أصلي: هتلاقيها متضايقة بس شوية من اللي حصلها مش سهل علي أي حد يتقبله.
دارك(بحدة): مش هنشغل بالنا بيها.
رائد: ألبرتو كان عايز إيه؟
دارك: بيأكد على ميعاد الاجتماع.
رائد: تمام.
رائد: عن أذنكم.
رائد سابهم و كان هيطلع لأوضته بس راح ناحية أوضة إيلاف و خبط كذا مرة بس ملقاش رد، رائد فتح الباب و دخل لمح إيلاف و هي في البلكونة.
رائد: احم احم.
إيلاف: نعم.
رائد: ممكن اجي أقف معاكي.
إيلاف: أنت دخلت مش محتاج أذن بقى.
رائد: بعتذر لو كنت دخلت من غير علمك بس أنا خبطت كتير و لما ملقتش رد قلقت عليكي.
إيلاف: تمام.
إيلاف بصت لرائد خدت نفس عميق.
إيلاف: أنا أنا سمعت و انا نازلة من شوية.
رائد: سمعتي إيه؟
دارك(بحدة): رائد هو ده اللي هتروح اوضتك.
رائد(باحراج): قولت اطمن عليها.
دارك(بحدة): اخرج بره.
رائد: حاضر.
رائد استأذن منهم و خرج، دارك قرب و وقف قدام إيلاف اللي سابته و مشيت لكنه سندها على حيطة البلكونة و حط ايد جمب رأسها.
دارك: طالما أنتي شيفاني مجرم أنا و اللي معايا قبلتي تكوني مراتي و تنقذي حياتي أنا و رائد ليه؟
إيلاف: مش مهم.
دارك: متقدريش تنكري أنك اتجوزتي مجرم بكامل رغبتك.
إيلاف: قاتل.
دارك: طب ما أنتي كمان قتلتي زي ما قولتي.
دارك: شوفت دم شخص غيرك على ايدك.
إيلاف بصت على ايديها و رفعت عينيها لدارك اللي لاحظ خوفها، دارك مال بوشه على إيلاف.
إيلاف: أنا متقارنش بيك.
دارك: عايزة تفهميني إن قتل عن قتل مثلا يفرق انتي قتلتي و انا قتلت ايه الفرق.
إيلاف: ابعد عني.
إيلاف كانت هتبعد عن دارك لكنه شدها ليه أكتر و مسكها من كتفها الاتنين.
دارك: وديني مبرر.
إيلاف(بحدة): أنا مش زيك و عمري ما هكون زيك أبدا.
إيلاف(بحدة): أنت بتقتل من غير ما يغمض ليك جفن بتقتل ببرود الدم بالنسبة ليك شئ عادي.
دارك: و أنتي ايه! ما الدم عندك شئ سهل برضو مش أنتي دكتورة و بتعملي عمليات عمرك ما شوفتي دم.
إيلاف: أنا عشت طول حياتي أنقذ أشخاص و أنت عشت طول حياتك تقتل الناس.
دارك: لو في مشرط واحد قدامك و قدام عيونك مريض محتاج مساعدة و إصابته بالغة و قدامك حد عزيز عليك محتاج مساعدتك هتعملي ايه.
دارك: أقولك انا هتعملي ايه هتختاري الشخص العزيز عليكي بالرغم من أن إصابته مش بالغة لكن الشخص التاني في داهية يموت و ساعتها هتكوني قتلتي.
دارك: كلنا جوانا شر يا حضرة الدكتورة كلنا جوانا حب النفس.
دارك: دور البرئية اللي أنتي فيه ده مش دايم.
دارك: و أول حاجة تثبت ده أنك بقيتي قاتلة لا فرق بيني و بينك نهائي.
دموع إيلاف نزلت على خدها و بصت لدارك اللي ابتسم بسخرية و شاور على دموعها.
دارك: حتى أن الدموع دي مش دايمة.
دارك: هيجي اليوم اللي تقتلي فيه بقلب ميت و دم بارد لو فضلتي معايا هنا لكام يوم كمان.
إيلاف بصت لدارك و كانت هتمشي دارك شدها ناحيته بحيث ضهرها لصدره.
دارك: حصل ايه اليوم ده؟
إيلاف: مش مجبرة إني أجاوبك.
إيلاف لفت لدارك اللي بِعد عنها و هي كانت هتدخل الحمام و بعدها رجعت.
إيلاف راحت ناحية دارك اللي لقاها بتحضنه و بتعيط بانهيار، دارك اتردد و رفع ايده و ضمها ليه أكتر و حط ايده على شعرها.
إيلاف(بعياط): هتصدق أنه كان مش قصدي.
دارك(بهمس): احكي.
إيلاف ركبت مع تشارلي في عربيته و بدأ يمشي في طرق غريبة بالنسبة لإيلاف.
إيلاف(بالانجليزية): أعتقد أننا مش رايحين المطار.
تشارلي(بالانجليزية): هتفرق، مش المهم تسافري.
إيلاف(بالانجليزية): وقف العربية دي.
تشارلي(بالانجليزية): تقدري تفهيني هتروحي فين؟
تشارلي(بالانجليزية): وصلنا.
إيلاف(بالانجليزية): وصلنا فين؟
تشارلي وقف العربية و نزل فتح باب عربية إيلاف و شدها ناحيته.
تشارلي(بالانجليزية): مهما اتكلمتي محدش هيسمعك.
إيلاف زقت تشارلي و طلعت تجري بعيد عنه، تشارلي طلع يجري وراها و طلع مسدسه من ورا ضهره و ضرب نار عند رجليها.
إيلاف اتخضت و نطت من مكانها، تشارلي وصلها في لحظه و حط المسدس على رأسها.
تشارلي(بالانجليزية): مفيش داعي لده.
تشارلي شد إيلاف ناحية الغابة اللي قدامه، إيلاف حاولت تزق تشارلي كتير لكن معرفتش.
إيلاف بدأت تبص حواليها و تبص على الأرض تحفر خطوات مشيها.
بعد فترة زقها تشارلي على الارض وقعت على رجليها و ايديها و رجليها اتجرحت.
تشارلي(بالانجليزية): اقعدي على ركبك.
إيلاف(بالانجليزية): مين بعتك؟
تشارلي(بالانجليزية): شخص عايزك تسافري بس لبعيد خالص.
إيلاف(بالانجليزية): دارك!
تشارلي(بالانجليزية): مش مضطر أجاوب.
تشارلي(بالانجليزية، بحدة): اقعدي على ركبتك.
إيلاف قعدت على ركبتها قدام تشارلي اللي رفع مسدسه في وشها، إيلاف غمضت عينيها جامد.
إيلاف فتحت عينيها و مسكت ايد تشارلي بعيد عنها، تشارلي ضغط على الزناد و كذا طلقة طلعت من مسدسه.
إيلاف قامت وقفت و هي ماسكة ايد تشارلي، تشارلي حاولي كتير يزقها.
المسدس وقع من ايدين تشارلي، إيلاف مسكته بسرعة و حطته في وش تشارلي.
إيلاف(بالانجليزية): هتسبني امشي و لا؟
تشارلي جري على إيلاف بهجوم، إيلاف غصب عنها ضغطت على الزناد.
تشارلي وقع على الارض و قميصه الأبيض غرقان ب دمه، إيلاف بصت لتشارلي بصدمة و دموع.
ايد إيلاف بدأت ترتعش و المسدس وقع من ايديها إيلاف قعدت فترة عقبال ما استوعبت اللي حصل.
إيلاف قربت من تشارلي و حطت ايديها مكان الجرح بصدمة و رفعت ايديها قدام عينيها بصدمة.
إيلاف شافت النبض و النفس و بِعدت عنه بفزع و هي خايفة و مصدومة من نفسها.
إيلاف بصت حواليها و قامت تجري بعيد عنه، إيلاف و هي بتجري وقعت كذا مرة على الأرض.
إيلاف(بنفي): انتي معملتش حاجة. لا لا لا انتي مقتلتيش حد يا إيلاف.
إيلاف مسحت دموعها اللي نزلت على عينيها و كملت تجري لبره الغابة.
إيلاف بدأت تمشي و هي متعرفش تروح فين و كانت خايفة و دايما بتخبئ ايدها في جيب الجاكت بتاعها.
إيلاف بدأت تمشي في طرق كتيرة و اتعرضت لكلمات سيئة و كلام مسئ لسمعتها.
إيلاف قضت التلت أيام في الشارع خايفة من أنها تختلط بأنسان، بتمشي على أمل تلاقي حد تعرفه أو حد يساعدها.
إيلاف وصلت للكوبري و وقفت بدأت تشتكي همومها للبحر، إيلاف مسحت دموعها و بدأت تمشي لغاية ما سمعت صوت دارك.
خلصت إيلاف سردها للي حصل، الاتنين فضلوا صامتين لفترة...
دارك رفع ايده و مسح دموعها بهدوء، إيلاف غضمت عينيها...
دارك: تقدري توصليني للغابة دي؟
إيلاف: معرفش.
دارك: هنجرب.
دارك: اجهزي و انزلي ورايا ن.
إيلاف: انا جاهزة مش معايا حاجة أخدها.
دارك: طيب.
دارك و إيلاف خرجوا بره أوضتهم و نزلوا لتحت، الكل بص ليهم و استغربوا من حالتهم.
دارك: هنروح مشوار.
كمال: رايحين فين؟
دارك: مش مهم.
رائد: بنطمن.
رائد(بخبث): هتغيبوا مثلا؟
رائد(بخبث): عايزين تعرفوا اسم فندق جميل لحديثي الزواج.
كلهم ضحكوا على كلام رائد، إيلاف رجعت خطوة لورا ضهر دارك.
دارك(بابتسامة): هتقدر تساعدني؟
رائد: حالا.
دارك(بابتسامة): طيب شوف كدة فندق محترم.
دارك قرب من رائد اللي شد اللاب بتاعه بسرعة و بدأ يبحث عن أفضل فندق موجود في ألمانيا.
فجأة فتح عينيه بصدمة لما لقى دارك موجه سكينة على رقبته.
دارك: كمل كمل علشان ابعت جثتك على الفندق ده.
كمال(بضحك): و نقول كان نفسه يتدفن هناك.
دارك: الحاجات دي خليها لنفسك.
دارك قرب من إيلاف و مسك ايديها و خرج بره البيت و فتح ليها باب العربية.
إيلاف: شكرا.
الاتنين ركبوا العربية، دارك ساق ناحية المطار و إيلاف بدأت تدله على الطريق.
دارك وقف العربية بقوة و بص لإيلاف بابتسامة برود، إيلاف بصت للمطار و بعدها بصت لدارك.
دارك: مش ملاحظة أن دي رابع مرة نرجع فيها للمطار، و أنا عايز أروح الغابة قبل ما الليل يجي.
إيلاف: يعني كنت عشت في ألمانيا دي قبل كدة!
دارك(بتنهيدة): حاولي تركزي.
دارك شغل العربية و بدأ يسوق، إيلاف بدأت تبص حواليها و على كل شارع.
إيلاف: اهو اهو اهو.
دارك بص ناحية ما إيلاف شاورت، دارك بدأ يسوق ناحية ما شاورت إيلاف.
دارك وصل لمدخل الغابة و بص لإيلاف و نزل من العربية و تأكد ان مسدسه ورا ضهره.
إيلاف: هتسبني هنا لوحدي!
دارك: دخولك خطر عليكي.
إيلاف فتحت باب العربية بسرعة و راحت لدارك و مسكت في ايده و هي بتبص حواليها.
إيلاف: متسبنيش هنا لوحدي.
دارك دخل للغابة و معاه إيلاف، إيلاف بدأت توصفله الطريق لغاية ما وصل لجثة تشارلي اللي كان باقي منها أجزاء.
إيلاف صرخت و خبت وشها في دارك اللي شدد على رأسها يمنعها من انها ترفع رأسها و تشوف المنظر تاني.
دارك: اهدي خلاص جايين نعمل حاجة و هنمشي علطول...
دارك بدأ يبص حواليه و ساب إيلاف و قرب من المسدس، طلع كيس حط المسدس فيه و خده و مسك ايد إيلاف و بدأ يخرج بره الغابة.
إيلاف: جيت هنا ليه؟
دارك: مش مهم.
إيلاف(بتوتر): متأكد أننا هنخرج من هنا.
دارك رفع رأسه و لقى قدامه مجموعة بسيطة من سكان الغابات، كانوا ماسكين في ايديهم أدوات حادة.
إيلاف وقفت ورا دارك و حضنته من ضهره، دارك بص ليها بطرف عينيه و كان وشه قريب من وشها.
إيلاف: مش هتتصرف!
دارك: أنا شايف أنك خدتي عليا أوي.
إيلاف: قصدك؟
دارك: أحضان هنا و هناك و مش عارف إيه.
دارك: المرة الجاية ناوية تعملي إيه تاني؟
إيلاف(بصريخ): همسك سلاحك و اقتلك لو فضلنا عايشين.
دارك لمح اللي جاي ناحيتهم بسرعة كبيرة زق إيلاف على الارض و طلع سلاحه و بحركة سريعة قتله.
باقي أصدقائه بصوا لدارك بغضب و جريوا ناحيته و بدأ يضرب نار بسلاحه.
دارك: قومي.
إيلاف قامت بسرعة و مسكت في ايد دارك الممددوة ناحيتها و بدأوا هما الاتنين يجروا.
دارك ضرب كذا مرة ناحيتهم، إيلاف كانت هتقع دارك سندها بسرعة و شدها معاه و كملوا جري.
إيلاف وقفت من التعب و بصت لدارك.
إيلاف(بتعب): أكتر من كدة هموت و.
إيلاف لقت دارك شالها على كتفه و كمل جري إيلاف مسكت فيه كويس.
-في مكان تاني...
في المستشفى.
مؤنس(بصوت عالي): بسرعة.
مؤنس بدأ يودي صدمات كهربية ليوسف، رشا كانت واقفة بره منهارة في العياط.
مؤنس: ناوليني يا أروى.
كل الدكاترة بدأت تعمل كل اللي في ايديها علشان تنقذ يوسف اللي كان مثلهم الأعلى.
صابرين(بدموع): هو كدة خلاص.
مؤنس(بحدة): اطلعي بره.
مؤنس ودى صدمات كهربائية بأعلى قيمة ليوسف، يوسف خد نفس عميق دلالة على رجوعه للحياة.
مؤنس قعد في الارض و هو مش قادر يأخد نفسه من المجهود اللي بذله.
أروى: مبروك.
مؤنس: لازم نحطه تحت الرقابة لمدة 24 ساعة.
لميس: شكله مدخلش في غيبوبة تاني.
مؤنس: هنتأكد كمان شوية.
مؤنس خرج لرشا اللي كان هيغمي عليها من شدة انهيارها و هو لحقها بين ايديه.
مؤنس(بابتسامة): مبروك دكتور يوسف لسة عايش.
رشا(بخفوت): بابا.
مؤنس: اهدي.
مؤنس: سيدة تعالي بسرعة.
سيدة: نعم يا دكتور.
مؤنس: تعالي ساعديني انقلها أوضة.
مؤنس و سيدة نقلوا رشا لأوضة مرضى عادية، مؤنس علق ليها محاليل و سابها و خرج.
مبروك: عرفت عن عملك العظيم.
مبروك: مصدوم من واحد كيوت زيك قدر يعمل كدة الصراحة.
مؤنس: الإيمان و الثقة و الخبرة اللي اكتسبتها من دكتور يوسف هي اللي خلتني احقق الانجاز ده.
مؤنس ساب مبروك و مشي و مبروك بصله بغيظ.
هنا: بقى حتة الاهبل ده قدر ينقذ دكتور يوسف؟
مبروك: حظ يا بنتي.
هنا: اكيد.
مبروك: وراكي حاجة بليل؟
هنا: لا.
مبروك: هستناكي النهاردة.
مبروك(بغمزة): متتأخريش.
هنا: ماشي مش هتأخر.
كل واحد بدأ يشوف شغله في المستشفى.
-في مكان تاني...
عند حازم.
إسماعيل: وصلت لأي حاجة؟
حازم: لا.
بهيرة: بقى خلاص نعلن عن وفاتها و نأخد الورث احنا.
حازم: و بعدين؟ مش هتعرفوا تعملوا كدة لأن مفيش ورق يثبت بأنها توفت فمتحاوليش.
بهيرة: نحاول نتصرف.
حازم: براحتكم.
بهيرة: بس شكلك كدة كدة مش هتتجوز إيلاف هشوفلك واحدة من اللي بيقعدوا معايا في النادي.
حازم: مش عايز.
بهيرة: ليه بس؟
حازم: كدة مزاجي.
بهيرة: لا لازم تتجوز علشان.
إسماعيل: اهدي يا بهيرة مش كدة.
بهيرة: لازم يعرف فين مصلحته.
حازم: ايوه انا لما اتجوز هنبسط في ايه؟!
بهيرة: جرب بس بنت جميلة و من عائلة و اسم و.
حازم: هل يا والدي لما قررت تتجوز امي اتجوزتها لانها من عائلة غنية و فلوس.
بهيرة بصت لاسماعيل اللي بصلهم باحراج، حازم سابهم و قام مشي بره البيت.
حازم طلع تليفونه و اتصل بأدهم. الخط اتفتح.
حازم: تعالى عايزك.
أدهم: بخصوص؟
حازم: القضية.
أدهم: هنتقابل فين؟
حازم: في.
أدهم: تمام.
حازم ركب عربيته و راح ناحية المكان اللي قال لأدهم عليه كان أدهم متواجد فيه لأنه قريب من مكان شغلهم.
أدهم: خير حازم بيه طالبني مخصوص علشان قضية ده انا سيبت كل اللي في ايدي و جيت مخصوص علشانك.
حازم: اه بالنسبة لموضوع إيلاف أنا شايف أنه لازم نلاق.
حازم(بصدمة): شغف!
-في مكان تاني...
عند إيلاف و دارك.
إيلاف(بقلق): دارك.
إيلاف(بدموع): فتح عينك أرجوك فتح عينك.
إيلاف قعدت تهز في دارك كتير، إيلاف حطت ايديها على رأسه حست بدم على ايدها...
إيلاف بصت بصدمة لدارك و بصت لايدها اللي مليانة بدم دارك.