رواية طريق الهلاك للكاتبة سلسبيل كوبك الفصل الثالث والعشرون
إيلاف قامت مفزوعة من نومها على صوت ضرب نار...
إيلاف حطت ايديها على ودانها بفزع، دارك صحى بسبب إيلاف و بصلها لقاها بترتعش و حاطة ايدها على ودانها بخوف.
دارك قام بسرعة و شد إيلاف لحضنه.
إيلاف(بدموع): أبعد عني.
دارك: طب فهميني حصل ايه؟
إيلاف(بدموع): مفيش مجرد كابوس وسع.
إيلاف بِعدت عن دارك اللي بصلها بقلق على حالتها، إيلاف دخلت الحمام و حاولت تكتم صوت عياطها.
إيلاف بدأت تغسل وشها كذا مرة و في كل مرة تزيد دموعها على خدها...
الباب خبط، دارك فتح باب الحمام و بص لإيلاف اللي بِعدت عينيها بعيد عنه.
دارك: ممكن أعرف حلمتي بإيه؟
إيلاف: ملكش الحق.
إيلاف سابت دارك و راحت ناحية السرير بدأت تنام، دارك جه و نام علي الناحية التانية.
إيلاف فضلت صاحية معرفتش تنام و بدأت تتقلب كل شوية في السرير.
دارك: خايفة تنامي؟
إيلاف: لا مش بخاف.
دارك نام على جمبه و بقى وشه في وش إيلاف و حط كف ايده على خدها.
دارك: بس عينيكي بتقول كلام غير.
إيلاف: المشكلة في عينيك بقى...
دارك: و تفتكري أنا هصدق ايه، عينيكي و لا كلامك؟!
إيلاف لا رد.
دارك: عايزة تنامي؟
إيلاف: اه.
دارك قرب من إيلاف و شدها لحضنه و حاوطها بايده، دارك شبك صوابع ايده بايد إيلاف.
إيلاف(بملل): و هي دي طريقة للنوم!
دارك(بهمس): جربي كدة.
إيلاف غمضت عينيها و مر قدامها حادثة عائلتها ضغطت على ايد دارك جامد.
دارك(بهمس): فاكرة أول مرة شوفتك فيها كان باين عليكي القوة عينيكي اتحدتني، فين إيلاف اللي مش بتسمح لأي حد يتجاوز حدوده!
دارك(بهمس): و مش مجرد ذكرى أو حلم هيضعفوا الدكتورة إيلاف.
دارك(بهمس): غمضي عينك و فكري في شيء جميل.
إيلاف غمضت عينيها تاني و بدأت تحاول تنام لغاية ما نامت من غير كوابيس و لا أحلام.
بعد عدة ساعات، إيلاف بدأت تفتح عينيها لقت دارك واقف قدامها بيعدل قميصه قدام المراية.
إيلاف: أنت رايح فين؟
دارك: هروح مشوار و اجي.
إيلاف: أيوه فين؟
دارك: مش مهم تعرفي.
دارك قعد جمب إيلاف على السرير.
دارك: حاسة بإيه دلوقتي؟
إيلاف: احسن.
دارك: طب يلا قومي غيري هدومك.
إيلاف قامت من على السرير و خدت الهدوم اللي جابتها ميرنا و دخلت الحمام بدأت تغير هدومها.
إيلاف لبست جيبة جينز قصيرة لغاية الركبة و فوقها تي شيرت بنص كم باللون الأسود، لبست كوتشي ابيض عالي شوية و عملت شعرها ديل حصان.
إيلاف نزلت هي و دارك لتحت لقت ميرنا في وشها.
ميرنا: كنت لسة هطلع أصحيكوا ايه ده كله نوم!
ميرنا(بهمس): هو جوزك قمر في أي حاجة بيلبسها كدة.
إيلاف: خالو.
إيلاف حضنت إيهاب و باست خده.
أمينة: تعالي يا حبيبتي أنتي و جوزك علشان تأكلوا.
أمينة: اخيرا لقيت حد اتكلم معاه عربي بدل العفريتة دي.
إيلاف: يا جميلة.
إيلاف باست خد أمينة، الكل قعد على السفرة و بدأوا يفطروا مع بعض.
إيهاب: خلص فطارك و تعالى نقعد في الجنينة عايزك.
دارك: عندي مشوار مهم لازم اعمله علشان ارجع اللي اتسرق مني و لازم أقابل حد هنا.
إيهاب: أنا بمثابة حماك و المفروض لما اطلب طلب يتنفذ.
أمينة: طب يظبط أموره بس يا إيهاب متبقاش كدة بقى.
ميرنا: كويس انا هأخد إيلاف و نتسوق شوية.
دارك: لا.
ميرنا: افندم!
دارك: بلاش إيلاف الزيارة التانية إن شاء الله لكن حاليا انا جاي امريكا اخلص ورق و هأخد إيلاف و نسافر.
إيهاب: خلي بالك مش مرتاحلك.
إيلاف: سيبه براحته يا خالو.
دارك قام وقف و باس رأس إيلاف و مال على ودنها و اتكلم بصوت واطي هي بس اللي سمعته.
دارك: أجي الأقياكي في البيت إياكي تخرجي يا إيلاف.
إيلاف(بهمس، برفعة حاجب): و لو خرجت؟
دارك(بابتسامة مستفزة): أعمليها و أنتي تعرفي.
دارك باس إيلاف على خدها و سابهم و مشي.
أمينة: واضح عليه بيحبك.
إيهاب: بارد.
إيلاف(بضحك): عندك حق يا خالو.
إيهاب: بتتعاملي معاه ازاي ده البرود بيمشي في دمه.
إيهاب: وقعتي عليه منين؟
إيلاف: قدري.
ميرنا: احكيلنا عن اول لقاء بينكم.
إيهاب: احكيلي بقى ازاي تتجوزي و انا معرفش ايه مش قد المقام يا بنت صبا!
إيلاف: ظروف يا خالو.
إيلاف: و كمان اضطرينا نتجوز بسرعة علشان خاطر حازم انت عارفه المجنون ده.
أمينة: حد ميعرفش حازم ربنا ينتقم من أمه.
ميرنا: هتيجي نتسوق.
إيلاف: اكيد بس شوية كدة.
إيلاف(بابتسامة): واحشني اوي.
عند دارك.
دارك وقف عمل مكالمة من تليفون الشارع.
دارك(بالانجليزية): م أ ي ك ر ا.
رائد(بفرحة، بالانجليزية): أنت هنا؟
دارك(بالانجليزية): عايز عربية في.
رائد(بالانجليزية): تمام.
عدت فترة بسيطة و كان رائد بعربيته قدام دارك، رائد نزل و جري حضن دارك.
دارك(بضيق): وسع كدة ده هما يومين.
رائد: اركب اركب.
دارك ركب مع رائد اللي بدأ يسوق ناحية الباقي.
رائد: إيلاف فين؟
دارك: في مكان أمن.
رائد: هنا؟
دارك: اه.
رائد وقف قدام العمارة اللي الشباب ساكنين فيها، الاتنين طلعوا ناحية الشقة.
طاهر(بابتسامة): دارك.
ريان: اخيرا رجعت.
كمال: حمدلله علي سلامتك يا بطل.
جوليا جريت ناحية دارك و حضنته.
طاهر(بضيق): اومال فين الرخامة؟
اصلي: فين إيلاف؟
طاهر: ما هي دي الرخامة.
دارك: إيلاف كويسة.
جوليا: اومال مجتش معاك ليه؟
دارك: سيبتها مع خالها شوية.
ريان: طب ده مش خطر عليها؟
دارك: لا أكيد مش خطر عليها لأن احنا بس اللي عارفين.
أصلي: هنفضل هنا كتير!
دارك: مقابلة جاك امتى؟
كمال: بكرة.
دارك: طيب و انا عايز الشباب اللي سرقوني امبارح.
رائد(بضحك): و هو حد قدر يسرقك!
دارك(بضيق): كان لازم اسيبهم يسرقوني علشان الظابط ميأخدش باله و لا تحصل مشكلة.
طاهر: و هو مسدسك بيعمل معاك ايه؟!
دارك(ببرود): شايفكم واخدين عليا أوي.
طاهر: بقولك يا جوليا ما تعمليلي عصير.
رائد: كنت عايز اناقشك في موضوع غاية الاهمية يا ريان يلا بينا يا فتى.
كمال: سيبك من العيال دي ما تحكي ايه اللي حصل.
دارك: إيلاف إيلاف.
إيلاف فتحت عينيها و بصت لدارك.
دارك: يلا لازم نتحرك.
دارك مسك إيد إيلاف و خرجوا بره القطر و ركبوا تاكسي و وصلوا لمحطة قطر تانية و ركبوا القطر و بعد فترة وصلوا لأمريكا.
إيلاف(بوجع): حد يسافر لامريكا بقطر!
دارك: كنا هنلفت الأنظار لينا يلا.
إيلاف: أه يا جسمي كله.
دارك: شدي حيلك كدة لسة فاضل.
إيلاف(بضيق): لسة تاني!
دارك: لو عايزاني أشيلك معنديش مانع.
إيلاف لا رد.
دارك: ها؟
إيلاف بِعدت عنه بسرعة و بصتله بضيق.
إيلاف: أنت عايز دلوقتي؟
دارك: انا مش عايز أنتي اللي عايزة.
دارك لمح ظابط شرطي مسك ايد إيلاف ناحية طريق ضلمة و فيه ضوء بسيط جدا.
إيلاف(بخفوت): احنا جايين نعمل ايه هنا؟
دارك: هغتصبك امشي يا إيلاف قدامي.
إيلاف و دارك كانوا ماشين فجأة في شخصين ظهروا قدام دارك و إيلاف.
إيلاف(بخضة): دارك.
دارك وقف قدام إيلاف، إيلاف مسكت في ايده.
إيلاف(بهمس): تعالى نمشي.
شخص(بالانجليزية): كل حاجة معاك طلعها بهدوء.
دارك بص وراه و بعدها بص لشخص اللي قدامه و رفع ايده قدامه.
دارك(بالانجليزية): مش معايا.
شخص2(بالانجليزية): يبقى حبيبتك من نصيبنا الليلة دي.
دارك فتح شنطة ضهره و طلع موبايله و محفظته و رمتهم في الأرض.
دارك(بالانجليزية): تقدروا تمشوا دلوقتي.
في شخص منهم طلع سكينة حادة و حطها في وش دارك، إيلاف ضغطت على كتف دارك جامد.
شخص2(بالانجليزية): لكن حبيبتك عجبتني.
دارك(بالانجليزية): قدامك كل حاجة تقدر تأخدها.
شخص(بالانجليزية): مش هو قالك انها عجبتنا.
دارك طلع من ورا ضهره مسدسه و ضرب نار جمب رجلهم.
دارك(بالانجليزية): الطلقة التانية هتكون في رأسك.
خدوا محفظة و موبايل دارك و طلعوا يجروا، دارك مسك ايد إيلاف و كان لسة هيجري.
ظابط(بالانجليزية): اقف مكانك.
دارك(بضيق): ايه المصايب دي!
دارك رمى سلاحه على الارض و رفع ايده و قرب من الظابط بهدوء.
ظابط(بالانجليزية): وريني بطاقتك.
دارك مسك ايد الظابط و تناها لورا ضهرها، الظابط ضرب دارك في رجله و لف ضربه بوكس في وشه.
الاتنين بدأوا يضربوا بعض، إيلاف كانت واقفة مصدومة و حاطة ايديه على بوقها بخوف على دارك.
دارك مسك رأس الظابط و لفها أدى لكسر رقبته. الظابط وقع في الأرض و كذلك دارك اللي غمض عيونه بتعب.
إيلاف(بخضة): دارك.
إيلاف(بدموع): دارك فتح عينك.
كمال: طب ما الظابط كدة شاف وش إيلاف.
دارك: لسة فترة على ما يفوق و يتكلم و يعترف يعني.
دارك: دلوقتي عايز اخد حقي من الشباب البايظة بتوع امبارح دول.
طاهر: طيب يلا بينا.
دارك: ابحثلي عنهم يا رائد.
رائد: حاضر.
كمال: ستيفان اتعرض ليك؟
دارك: الطرد وصلكم؟
طاهر: أيوه.
دارك: كويس عايزك تبعته لمصر.
دارك: فين مالك؟
كمال: مع ألبرتو.
دارك: طيب.
دارك: ماركوس في أي أخبار عنه؟
كمال: جوليا خدي أصلي و ادخلوا جوا.
طاهر: ماركوس بيشتغل مع ستيفان و جين.
دارك(ببرود): يعني هما عارفين إني دارك!
كمال: اه.
دارك(ببرود): و مع ذلك لعبوا معايا!
دارك: تمام حلو جدا يستحملوا.
دارك: ريان.
ريان: نعم؟
دارك: عايزك النهاردة تبعت حملة على قصر ستيفان عايزهم رماد الليلة.
ريان: تمام.
ريان سابهم و خرح بره الشقة، دارك بدأ يشتغل مع الشباب شوية.
-في مكان تاني...
عند حازم.
حازم كان قاعد قدام شغف و بيهز رجله بعصبية.
حازم: يعني إيه مش عايزة تروحي معايا؟
شغف: قولت هروح مع بابا.
حازم(ببرود): شغف.
شغف: ايه؟
حازم: قدامي على البيت.
شغف: لا هروح مع بابا عندًا فيك.
حازم: طيب يا حبيبتي اختارتي.
حازم شال شغف على كتفه و خرج بره المكتب.
شغف(بصوت عالي): الحقوني.
ادهم: ابن المجنونة ده بيعمل ايه؟!
سراج: بتعمل ايه يا حازم؟
شغف: بابا متسبنيش.
حازم: لو سمحت يا سراج بيه أنا هعرف كويس أتعامل مع بنت حضرتك.
حازم: مش انت جوزتهالي انا حر بقى.
حازم خرج بره المبنى و ركب شغف في عربيته و لف بسرعة ركب و ساق قبل ما شغف تنزل.
شغف: يا حقير استغلتني.
حازم لا رد.
حازم وقف قدام الفيلا بتاعته و نزل فتح باب العربية لشغف.
حازم: انزلي.
شغف: مش نازلة.
حازم(بحدة): شغف متعصبنيش منك يا شغف.
شغف: اللي عندك اعمله.
حازم(بحدة): شغف.
شغف بصت لحازم بضيق و نزلت من العربية، حازم مسكها من دراعها و دخلها الفيلا.
حازم: مهرة يا مهرة.
مهرة: نعم يا بيه.
حازم: شغف هانم مراتي.
مهرة: نورتي بيتك يا ست شغف.
بهيرة(بحدة): مرات مين يا حازم؟
حازم: مراتي يا بهيرة هانم.
بهيرة(بحدة): علي جثتي ده يحصل جايبلي واحدة من الشارع و تقولي مراتي.
شغف بصت لحازم بحزن و كانت هتمشي، حازم مسك ايد شغف و شدها ناحيته...
حازم: مراتي مقامها من مقامي يا بهيرة هانم عن اذنك.
حازم مسك ايد شغف و طلع لأوضته و قفل الباب وراه، شغف ودت ضهرها لحازم و حاولت تمنع دموعها.
شغف: عايزة امشي من هنا.
حازم: للاسف مش هينفع لفترة مؤقتة.
حازم قرب من شغف و حضنها من ضهرها و باس رقبتها بهدوء، شغف عيطت.
حازم: بتعيطي ليه دلوقتي؟
شغف: انت بتكرهني مش كدة؟
حازم: لا.
شغف(بدموع): اومال؟
حازم: سمعتي عن الحب قبل كدة؟
شغف: عشت الحب معاك انت.
حازم: اه انا بحبك يا شغف بس للاسف يا شغف مصدوم، مصدوم من فكرة أني كنت لعبة بتحركيها انتي و والدك براحتكم مش قادر اسامح.
حازم: بس اللي متأكد منه أنه هيجي الوقت اللي هقدر فيه احبك بشكل صحيح.
حازم باس رأس شغف و مسح دموعه بايده.
حازم: خليكي هنا متخرجيش بره الاوضة دي لغاية ما اجيلك هروح مشوار مهم و اجي.
حازم ساب شغف و خرج بره اوضته، بهيرة مسكته بغضب من دراعه.
بهيرة: الجربوعة بتعمل ايه فوق؟
حازم: قاعدة في أوضة جوزها.
بهيرة: حازم متخلنيش اندم إني سيبتك براحتك.
حازم: بهيرة هانم دي مراتي و مش هتخلي عنها.
بهيرة: اتجوزتها ليه بالسرعة دي بتداري علي خيبة عملتها؟
حازم: مسمحلكيش.
حازم بِعد عن بهيرة و خرج بره البيت و ركب عربيته و مشي.
سراج: شغف أنا عارف انها ضعيفة و دخلت كلية الشرطة إرضاءًا ليا و انا اللي دمرتها لما استخدمت مركزي و شغلتها في المخابرات و ساعدتها رغم عدم قدرتها الكافية.
سراج: بس كان عندي امل و لو بسيط.
سراج: أنا و والدتها منفصلين والدتها عاشت بره مصر و انا كنت دايما مشغول بالشغل.
سراج: اتقدم واحد علشان يخطبها حب ضعفها.
سراج: بس شغف مكنتش قادرة تعيش معاه.
سراج: و الحكاية كلها طلعت أنه كان متراهن مع صحابه أن شغف تبقى ليه.
سراج: نفسية شغف تعبت و شخصيتها ضعفت اكتر و والدتها مكنتش موجودة تاخد بالها منها و انا مكنتش عارف احتويها بسبب مشاغلي.
سراج: الشخص ده بقى خوف و ضعف شغف هوسه بيتسلى بخوفها.
سراج: كل فترة بيخوفها هو و صحابه مستمتعين باللي بيحصل ليها.
سراج: للأسف مفيش ولا دليل يدينهم على ده.
سراج: انا خايف علي شغف أوي.
حازم: سراج بيه عايز اطلب منك طلب.
سراج: قول.
حازم: عايز اتجوز شغف...
سراج: بس.
حازم: انت عارف إني بحبها و عمري ما هأذيها.
حازم: هيبقى صعب الحياة بينا في الاول بس صدقني هحميها بروحي.
حازم: و كمان علشان اوقف ال عند حده.
سراج: طب و اهلك؟
حازم: مش مهم.
سراج(بتفكير): بس.
حازم: على بركة الله.
حازم وقف قدام شركة كبيرة و نزل من العربية.
حازم: لو سمحت عزم بيه موجود.
موظفة: مين يا فندم؟
حازم: الظابط حازم.
حازم دخل علطول مكتب عزم من غير اي إجراءات كبقية الأفراد.
عزم: مين؟
حازم طلع مسدسه من ورا ضهره و حطه في وش عزم.
عزم(بخوف): في ايه؟
حازم: إنا ابقي زوج شغف.
حازم: و جاي ابلغك رسالة.
حازم مسك عزم من هدومه و شده ناحيته.
حازم(بحدة): مجرد التفكير في شغف من دلوقتي هتبقى كتبت الموت علي نفسك.
حازم زق عزم على الحيطة اللي وراه و ضرب نار جمب رجله و سابه و خرج بره الشركة كلها.
-في مكان تاني...
عند إيلاف.
إيلاف: يا ميرنا خلاص مش هنشتري حاجة تاني.
ميرنا: لا طبعا لازم لما ترجعي بيتك يكون معاكي هدايا مني تفتكريني بيها يا عالم امتى هنشوف بعض تاني.
ميرنا: بقالنا سنين مشوفناش بعض.
ميرنا: بس بالرغم من ده عمرك ما سيبتيني لحظة كنتي دايما بتطمني عليا و تسمعي مشاكلي و عمرك ما اشتكيتي مني.
ميرنا: انتي دايما الافضل في كل شيء.
ميرنا(بغمزة): حتى في اختيار زوجك.
إيلاف: اممممم حاسة كدة عينك منه.
ميرنا(بصدمة): انا!؟
إيلاف ضحكت و شربت من العصير اللي قدامها و بصت حواليها و اتنهدت بعمق.
ميرنا: امتى ناوية تجيبي بيبي؟
إيلاف(بصدمة): ايه! قولتي ايه؟
ميرنا: قولت امتى ناوية تجيبي بيبي و لا ناوية تأجلي الخلفة!؟!
ميرنا: عايزة اشيل بيبي كدة جميل طالع لأمه او لابوه ايهما اقرب.
ميرنا(بحماس): هيبقى لطيف أوي.
إيلاف: هدخل الحمام بطني قلبت.
إيلاف سابت ميرنا و جريت على الحمام و بدأت تغسل وشها كذا مرة كانت بتهرب من سؤال ميرنا.
إيلاف خرجت لكنها خبطت في شخص.
شخص(بالانجليزية): انا آسف انا فعلا آسف مكنش قصدي.
إيلاف(بالانجليزية): و لا يهمك عن اذنك.
إيلاف رجعت تاني لميرنا و قعدت تاني و الاتنين بدأوا يتكلموا في مواضيع مختلفة، طلبوا أكل و قعدوا يأكلوا و قضوا وقت طويل مع بعض.
ميرنا(بفرحة): كانت احلي خروجة من احلي بنت عمة في الدنيا.
ميرنا باست خد إيلاف كتير و إيلاف قعدت تضحك عليها، حطوا الشنط في العربية و ميرنا بدأت تسوق ناحية البيت.
تليفون ميرنا رن، الخط اتفتح.
ميرنا(بالانجليزية): أهلا لورين.
لورين(بالانجليزية): انا في مشكلة يا ميرنا ممكن تيجي؟
ميرنا(بالانجليزية): ايه هي المشكلة؟ ابعتي العنوان؟
لورين(بالانجليزية): صاحب الملهى مش عايزني أمشي و مش عايز يوديني الحساب.
ميرنا(بالانجليزية): الخنزير ده مش بيحرم.
ميرنا(بالانجليزية): جاية.
إيلاف: في ايه؟
ميرنا: واحدة صاحبتي في مشكلة هرجعك البيت و.
إيلاف: لا هأجي معاكي طبعا.
إيلاف: بس حصل ايه فهميني؟
ميرنا: لورين بتشغل في ملهى ليلي و.
إيلاف بصت لميرنا، ميرنا بصت قدامها و بعدها بصت لإيلاف.
ميرنا: متخافيش بتشغل بشرف بتفتح بس.
إيلاف(بسخرية): ميرنا و هو ده شغل بشرف! إيلاف: هتساعديها المرة دي بس و المرة الجاية هتقطعي علاقتك بيها اصلا.
إيلاف: كملي.
ميرنا: عايزها تشتغل لساعات إضافية و هي رافضة و عايزة تروح لان الوقت متأخر.
ميرنا: و علفكرة هي بتشتغل كدة مؤقتا بتجمع فلوس وبتدور على شغل تاني شريف.
ميرنا وقفت قدام ملهى ليلي، إيلاف بصت لميرنا و فتحت باب العربية و نزلت بصت قدامها.
إيلاف(بضيق): عارفة إني بكره الاماكن دي.
ميرنا: عارفة علشان كدة قولتك اوصلك.
إيلاف: و هو هينفع تتصرفي بنفسك!
إيلاف و ميرنا دخلوا الملهى الليلي كانت لورين بتتخانق مع صاحب الملهى.
لورين(بحدة، بالانجليزية): قولتلك خلصت ساعات شغلي مش مضطرة أشتغل تاني.
صاحب الملهى(بالانجليزية): لا إما الشغل لا إما مش عايز اشوف وشك هنا تاني...
إيلاف مسكت ايد الراجل من على هدوم لورين.
إيلاف(بالانجليزية، بحدة): ايدك.
إيلاف زقت ايد الراجل بعيد عن لورين اللي مسكت في ايد ميرنا.
ميرنا(بالانجليزية): متخافيش دي بنت عمتي اللي كلمتك عنها كتير...
لورين(بالانجليزية): مستر تشارلي سيبني امشي أنا مش عايزة اشتغل ساعات اضافية.
تشارلي(بالانجليزية): و انا عندي شغل و الطلب بيكون انتي بالاسم.
إيلاف(بالانجليزية): مفيش شغل.
إيلاف(بالانجليزية): يلا يا بنات.
تشارلي(بالانجليزية): مفيش خروج من هنا.
تشارلي(بالانجليزية): بدل ما يبقى عندي واحدة هيبقى عندي تلاتة الليلة دي.
إيلاف مسكت الازازة اللي كانت في ايد تشارلي و ضربته على رأسه بيها.
في راجلين جم ناحية إيلاف، إيلاف بدأت تضرب واحد منهم و التاني زق إيلاف على الأرض رأسها اتخبطت.
إيلاف(بوجع): مش قولتلك الأماكن دي مبحبهاش.
إيلاف كعبلت شخص من الاتنين و قامت وقفت بمساعدة ميرنا و لورين.
إيلاف بدأت تضرب الشخص التاني.
لورين(بالانجليزية): روك.
لورين(بالانجليزية): آرني متعملوش كدة.
إيلاف(بالانجليزية): و هما الخنازير بتسمع يا بنتي.
آرني مسك إيلاف رفعها لفوق و رماها على الأرض، إيلاف قعدت تكح و نزلت دم من بوقها.
تشارلي(بغضب): خدوهم من هنا.
ميرنا قومت إيلاف من على الأرض.
لورين(بالانجليزية): آرني إياك تعمل كدة.
لورين(بانفعال، بالانجليزية): مش عايزة اشتغل هنا تاني خلاص خلاص.
إيلاف(بصدمة): دارك!
ميرنا(بفرحة، بصوت عالي): را.
إيلاف حطت ايديها على بوق ميرنا و شدتها بعيد و شدت معاها لورين...
ميرنا: نناديه ا.
إيلاف(بالانجليزية): اجروا.
التلت بنت بدأوا يجروا تحت استغراب ميرنا من تصرف إيلاف و آرني و روك وراهم.
دارك(ببرود): هما دول.
كمال و رائد قربوا من الشابين اللي اتعرضوا لدارك و بدأوا يضربوهم تحت صدمتهم.
دارك طلع مسدسه و ضرب عليهم نار.
تشارلي(بصوت عالي، بالانجليزية): آرني روك.
آرني و روك جم ناحية تشارلي اللي شاور على دارك و الباقي أول ما روك مشي ناحية دارك وقع مرمي في الأرض بسبب الطلقة اللي خدها من مسدس دارك و كان نصيب آرني زيه.
لورين(بالانجليزية، و هي بتنهج): مشيوا.
إيلاف(بالانجليزية): لازم نخرج من المكان المقرف ده.
إيلاف بدأت تبص حواليها بحذر و حمدت ربنا أنها ملقتش دارك.
إيلاف خرجت بسرعة هي و ميرنا و لورين و كانوا لسة هيركبوا العربية، في نفس اللحظة كان رائد بيجيب العربية و الشباب بتركب.
دارك(بحدة): إيلاف.
إيلاف(بخفوت): ميرنا اللي انا سمعته صح؟
ميرنا: أيوه رائف وراكي.
إيلاف حطت ايديها على وشها و لفت ببطء ناحية دارك، دارك مشي ناحيتها و شدها من دراعها بعنف.
دارك(بغضب): مش قولتلك م.
كمال: دارك ماركوس هنا.
في أقل من لحظة كان الكل متحاوط من رجالة ماركوس و موجهين مسدساتهم ناحية الكل...
دارك حمى إيلاف بجسمه و حاوطها بايده...
ماركوس(بالانجليزية): أظن أنك منفذتش مهمتك.
ماركوس وجه مسدسه ناحية إيلاف اللي بصت لدارك و غمضت عينيها بخوف.