رواية طبيبة قلبي الجزء الثاني للكاتبة سلسبيل كوبك الفصل الثاني
أن ادهم كان سايق بسرعة كبيرة و من غير ما يأخد باله خبط شخص.
ادهم(بصدمة): يا نهار اسود!
ادهم نزل بسرعة من العربية و راح ناحية الشخص اللي خبطه.
ادهم: يا استاذ. يا استاذ.
ادهم لقي شخص لابس لبس صعيدي و مغطي وشه بالشال بتاعهم. ادهم شال الشال اتصدم لما لقي بنت قدامه.
ادهم شال البنت بسرعة و ركبها عربيته و رجع البيت...
ادهم دخل القصر شايل البنت في ايده.
سيف: ماما ماما...
حياة(بصدمة): ايه اللي حصل يا ادهم؟
ادم(بحدة): عملت ايه يا زفت و مين ده و لا دي؟
ادهم: شوفيها الاول يا حياة.
حياة: طيب تعالي في اوضة الضيوف.
ادهم: ها يا حياة؟
حياة: اصبر كنت كشفت عليها.
تالا: مين دي يا ادهم؟ اتكلم.
ادهم: خبطتها بالعربية.
ادم: يا حيوان مبتعرفش تسوق مثلا.
حياة: النفس طبيعي الحمد لله. و مفيش اي اثار اصطدام.
ادهم: بجد يعني متكسرتش و لا اي حاجة.
حياة: الحمد لله.
حياة: نسيبها ترتاح.
الكل كان لسة بيخرج من الاوضة.
حياة: يا زبالة منك ليه انا مش قادرة اقوم.
ادهم: تعالي.
ادهم قوم حياة من علي السرير.
السرير كان ارتفاعه منخفض نوعا ما.
حياة: امتي بقي اخلص منهم.
تالا: انا قولت ل حاتم اخرنا سيف و شهد.
حياة: ربنا معاكي. اما انا خلاص زهقت اوف.
كاميليا: في ايه يا ادهم. سيف بيقول انك جيت و شايل بنت.
ادهم: احم هو يعني انا خبطتها.
كاميليا: يا نهار. لازم تقول ل ليث و يديها اي مبلغ و تسكت.
حياة: طب مش لما تفوق و ممكن تطلع محترمة.
ادم: وجهة نظر حياة صح.
حياة: اطلع غير هدومك يا ادهم.
ادهم: عن اذنكوا.
تالا: تعالي يا حياة نقعد نتكلم.
حياة: طيب. بس هو فردوس هنا و لا راحت الشغل.
حياة: يا سارة سارة.
سارة: نعم يا هانم.
حياة: اطلعي شوفي فردوس فين.
سارة: حاضر.
تالا: ناويتي تسمي ايه؟
حياة: و الله معرفش. قولت هسيبها ل ليث.
تالا: امممم طب ايه رأيك في قمر و ممكن بدر.
حياة: الله فكرة حلوة البنت قمر و الولد بدر.
تالا: علشان تعرفي بس.
حياة: هقول ل ليث ممكن يرفض متتغريش اوي كدة.
حور: حياة حياة.
حياة: نعم يا حور.
حور: خدي ذاكريلي ده.
حياة(بخبث): ادم فاضي.
ادم(بلامبالاة): عادي.
حياة: طيب ذاكر لحور. روحي يا حور...
تالا بصت لحياة و حياة بصت ليها و ضحكوا بخفوت.
حور: لا مليش فيه ذاكريلي انتي. هو مش بيذاكر.
حياة(بأستغراب): اومال؟
ادم(بتوتر): احم قصدها اني بذاكر ليها بطريقة غير تقليدية، تعالي يا حور.
ادم شال حور و طلع علي اوضته...
ادم(بحدة): يا غبية مش قولتلك اي حاجة تحصل بينا متقوليش لحد...
حور: بس انا عايزة اذاكر بقي.
ادم: مجتهدة اوي حضرتك. اقعدي.
حور: خد اشرحلي ده.
ادم بدأ يذاكر ل حور و كل شوية يضايقها.
فردوس: اهلا بيكوا متجمعين علي خير.
حياة(بتنهيدة): طول ما انا حامل مش هيبقي خير ابدا، و قال انا اللي كنت عايزة اخلف قال كنت غبية.
حياة: هخلف علشان اتعب تاني مش كفاية ليلي و عز.
فردوس: انا كفاية عليا ماهر...
حياة: ايوه بس طفل واحد برضو مش كفاية يعني. و الواد فهد قرب يكبر...
فردوس: هفكر.
سيف: ماما.
تالا: نعم يا حبيبي.
سيف: جعان.
حياة: تعالي.
حياة مسكت ايد سيف و راحت للمطبخ.
تالا: معلش هتعبك يا حياة.
حياة: و لا يهمك.
فردوس: انا مبسوطة اوي لانها هي هنا ست البيت.
تالا: و انا، ماما كان اختيارها صح.
فردوس: ايوه طنط صفاء هي اللي قالت كدة. قالت الكبير هنا ليث و ست البيت المسئولة عن كل حاجة حياة.
تالا: ربنا معاها...
فردوس: اومال فين حاتم؟
تالا: في شغله يا بنتي، انا بحمد ربنا انه فتح شغله الخاص بيه و خلانا ننقل في شقة واسعة و كبيرة في مكان راقي علشان العيال.
فردوس: اه.
حياة: سيف.
سيف: نعم.
حياة: هسألك سؤال لو كدبت هزعل منك.
سيف: حاضر قولي.
حياة: انت كنت بتستعبط علشان متروحش المدرسة.
سيف(بتوتر): لا انا تعبان.
حياة: بتكدب طيب انا زعلانة منك.
سيف: لا خلاص بس توعديني مش هتقولي لحد.
حياة: اوعدك.
سيف: في ميس في المدرسة بتفضل ترخم عليا كل شوية و انا مش بحب اروح للمدرسة علشان كدة.
حياة: اسمها ايه الميس دي؟
سيف: ميس رحمة.
حياة: طيب يا حبيبي متشلش هم هتصرف. و كمان مش لازم نكدب علشان نهرب. واجه و كنت تيجي تقول لمامتك او باباك و المدرسة حاجة جميلة و حلوة لازم نحبها.
سيف: حاضر.
حياة: من بكرة هتروح المدرسة.
سيف: حاضر بحبك جدا.
حياة: و انا اكتر يا حبيبي، يلا نأكل انا و انت...
حياة و سيف قعدوا يأكلوا كتير...
-في مكان تاني.
عند فتون في المستشفي.
فتون: انت ياض ابعد عن بنتي...
ولد: سيبيني يا طنط.
فتون: اسيبك ايه يا حيوان. و الله لاقول لابوك.
فتون: احمد يا احمد. احمد.
احمد: في ايه يا بت؟
فتون: ابعد ابنك عن بنتي.
احمد: باسم ده بلسم يا اختي بلسم.
فتون: بلسم اه. خليه يبعد عن بنتي.
فتون: تعالي يا ورد.
احمد: روح ياض بوسها براحتك.
فريد: يبوس مين بقي؟
احمد(بتوتر مصطنع): احم احم مين قال كدة.
باسم: بابا جاب ورا. تعالي يا ورد نلعب في جنينة المستشفي.
ورد: طيب يا باسم يلا.
باسم و ورد خرجوا يلعبوا في الجنينة.
فريد: لم ابنك ياض، و غور من هنا عايز استفرد بمراتي.
احمد: انا بطرد. احم عن اذنكوا...
فريد: وحشتيني.
فتون: و انت كمان...
فريد قرب من فتون و حاوطها بأيده.
فريد: اممم بقالنا كتير مخرجناش.
فتون(بصدمة): نعم هو مش احنا روحنا شهر كامل بريك.
فريد: ايوه بس برضو اي مكان انتي بتبقي فيه بيبقي جنة.
فتون: بحبك يا فريد اوي...
فريد: و انا اكتر يا حبيبتي.
-في مكان تاني.
في بيت كريم.
مامت كريم: حافظي علي الواد يا نازلي انتي سقطي قبل كدة مرتين.
نازلي(باحراج ودموع): حاضر يا طنط. عن اذنك...
نازلي قامت و طلعت علي اوضتها بسرعة.
كريم: مساء الخير.
مامت كريم: مساء النور يا حبيبي.
كريم: نازلي هنا؟
مامت كريم: ايوه.
كريم: عن اذنك.
كريم راح لاوضته و فتح الباب.
كريم(بقلق): نازلي مالك؟
نازلي مسحت دموعها بسرعة و بصتله.
كريم: حصل ايه؟
نازلي: مفيش يا حبيبي انا كويسة...
كريم: مش عليا يا نازلي، مالك؟
نازلي: خايفة لاسقط زي المرة اللي فاتت.
كريم: متخافيش يا حبيبتي انا معاكي. و حتى لو مش هنخلف خالص المهم انك معايا انتي الحاجة الوحيدة اللي كنت بتمناها في الدنيا و اكيد مش هسيبك.
نازلي: بحبك اوي.
كريم: و انا بعشقك يا ست البنات كلهم و سيبك من امي. المهم عندي هو انتي.
نازلي: طب يلا قوم غير هدومك علشان نتغدي.
كريم: عيوني يا ست البنات.
في قصر ليث.
عدي وقت كبير و جم ليلي و عز و ماهر.
حياة كانت مستنياهم علي بوابة القصر و حضنتهم...
حياة: يلا خشوا بسرعة يلا يلا.
دخلوا و قعدوا علطول.
حياة: يلا علي فوق خدوا دش الاول.
حياة: فردوس خدي ابنك يلا حميه.
فردوس: ياه هو انتي كنتي بتعملي ده كله.
حياة: شوفتي.
ادهم: احم هي البنت دي لسة مفاقتش.
عز: بنت مين يا ادهم؟
ادهم: ملكش فيه...
ليلي: ياض متزعلش اخويا.
حياة: ليلي عيب ده اخوكي الكبير.
ليلي: لا ده مش اخونا ده ابن طنط كاميليا.
حياة(بحدة): ليلي علي فوق بسرعة.
ليلي(بغضب): اوف طيب.
ليلي طلعت اوضتها و رمت شنطة المدرسة بغضب.
عز: اسف بالنيابة عنها.
ادهم(بابتسامة باهتة): و لا يهمك.
حياة: ادهم انا اسفة جدا و الله ليلي صغيرة و مش فاهمة حاجة، ارجوك متزعلش.
ادهم: عن اذنك يا حياة.
ادهم طلع جري علي اوضته و حياة طلعت بس براحة لانها كانت تعبانة.
حاتم: مساء الخير.
تالا: مساء النور يا حبيبي...
حاتم: طب يلا علشان نروح.
تالا: استني نتغدي كلنا مع بعض.
حاتم: بس.
تالا: بليز بليز بليز.
حاتم: طيب يا حبيبتي.
تالا: تعالي غير هدومك.
حاتم: اومال فين سيف و شهد.
تالا: شهد نامت. و سيف قاعد مع حور و ادم.
حاتم: طيب.
و بعد فترة ليث و فهد جم.
فهد: حبيبتي وحشتيني.
فردوس: و انت اكتر. عامل ايه؟
فهد: الحمدلله.
فهد: ماهر فين؟
فردوس: لما رجع خليته يأخد دوش و خليته يعمل ال Homework. و سيبته شوية ترفيه.
فهد: حبيبتي انتي. يلا تعالي هطلع اغير هدومي.
فردوس: طيب.
فوق.
حياة(بحدة): قسما بربي يا ليلي لو عملتي كدة تاني لاضربك.
ليلي: ده مش انتي اللي مخلفاه يبقي مش اخويا.
حياة: بس ليث خلفه يبقي ابنه و متقوليش انه مش اخوكي تاني و الا هخلي ليث يتعامل معاكي بتصرف تاني.
ليلي: ان شاء الله.
عز: ليلي عيب اللي انتي عملتيه تحت ده.
ليلي: طبعا ما هو بيجبلك اللي انت عايزه.
حياة: و الله لو حد فيكوا قال لادهم و ادم انهم مش اخواته مش هيعرف هعمل فيه ايه.
حياة سابتهم و راحت اوضة ادهم و خبطت الباب.
ادهم: ادخل.
حياة: ينفع ادخل.
ادهم: اكيد يا حياة.
حياة: عامل ايه؟
ادهم: كويس.
حياة: ادهم انا آسفة و الله.
ادهم: هششش اهدي مفيش حاجة هتعيطي ليه بس يا حياة. انا بعتبرك امي.
حياة: اختك الصغيرة ياض.
ادهم(بضحك): طبعا طبعا.
حياة: و الله انا بحبك جدا انت و ادهم و يمكن اكتر من ليلي و عز...
ادهم: بحبك جدا.
حياة: و انا كمان بس بليز متزعلش.
حياة: هات حضن بقي.
ادهم(بضحك): بالبطختين.
حياة: يا واطي.
ادهم حضن حياة جامد.
ليث: يا خيانين.
حياة: اوف خضتني يا حيوان.
ليث: بتعمل ايه ياض مع مراتي؟
ادهم(بغمزة): نفس اللي انت بتعمله لما تكون خايفة.
حياة: هتوقع ايه من ابن منحرف.
حياة قامت و سابتهم.
ليث: عامل ايه يا بطل؟
ادهم: عامل حادثة.
ليث: غور ياض...
ليث ساب ادهم و راح ورا حياة.
حياة: بص يا ليث لاما تخلي ليلي تحترم اخوها ادهم و لاما و الله هضربها.
ليث قرب من حياة و (لخيالكوا).
ليث: بصي يا حياة لاما تسكتي شوية و تتكلمي بهدوء لاما هعمل حاجة هتندمي عليها، بس.
حياة: يا واطي بطل تقلدني.
ليث قرب من بطن حياة و باسها.
ليث: حبايب بابا.
حياة: وسع ياض خش غير هدومك و اغسل ايدك مليان جراثيم.
ليث: يا بت هضربك.
حياة: لو عرفت تمسكني.
حياة بعدت عن ليث و ليث بيحاول يمسكها.
حياة: لا انا تعبت.
ليث: علشانك شايلة بطختين.
حياة: يا واطي متقولش علي عيالي انهم بطيخ.
ليث: طيب تعالي معايا.
ليث شال حياة و دخل الحمام و بدأ يغسل ايده.
ليث: ها الجراثيم اختفت.
حياة(بضحك): استحمي باي...
ليث: تعالي هنا يا بت.
بعد الفترة الكل اتجمع علي السفرة و كانوا بيأكلوا.
الكل سمع صوت بنت بتصرخ و خرجت قدامهم.
حياة(لنفسها): النهاردة موتي.
ليث(باستغراب): مين دي؟
حياة(بتوتر): ددي ددي دي. (دي دي).
بنت: انتوا مين؟ و انا فين؟
حياة: ااان تي فف ي. (انتي في).
ليث(بزعيق): ما تتكلمي عدل يا حياة.
حياة(بخوف): خلاص حاضر حاضر.
حياة: احم يعني هو ادهم النهاردة خبط في البنت دي و البنت دي اغمي عليها فهو جابها لهنا بس.
بنت: يعني انا مش في بيت عمي.
ادهم: احنا منعرفش انتي مين اسااسا.
ليث: حسابك بعدين يا حياة.
ادهم: يا ليث.
ليث: اخرس انت.
بنت(بدموع): آسفة لو عملت ليكوا ازعاج و شكرا لانكم انقذتوني.
فردوس: لا لا اقعدي هنا. متخافيش خدي نفسك بس و لما تبقي كويسة روحي.
بنت: بس...
ادهم: خلاص.
ليث: و جنابك خدت القرار نيابة عني مثلا.
حياة حطت ايديها في ايد ليث و بصتله برجاء.
ليث: هتقعدي هنا لغاية ما تبقي كويسة و بعدين هتحكي حكايتك...
بنت: بس.
ليث(بحدة): مفهوم.
حياة: يا ربي عليك لما بتقلب.
حياة قامت و قربت من البنت و حضنتها.
حياة: انتي اسمك ايه يا حبيبتي متخافيش.
بنت: شمس.
حياة: اسمك جميل يا حبيبتي.
شمس: شكرا.
حياة: حبيبتي. اقعدي كلي.
شمس: لا شكرا.
حياة: ابدا و الله ازعل منك، يلا بقي.
شمس: شكرا.
و الكل كمل اكله و لاحظوا ان شمس بتأكل كتير و كأنها مأكلتش بقالها كتير.
ادم(بهمس): دي مفجوعة...
ادهم(بهمس): حرام عليك شكلها متبهدلة.
ادم(بهمس): وقعت.
ادهم(بهمس): مش كدة.
ليث(بحدة): مفيش كلام علي الاكل.
ليث: حياة ا.
الكل: مفيش كلام علي الاكل.
ليث(بحدة): الا انا.
حياة: كلنا سواسية.
ليلي: بابا.
ليث: نعم يا حبيبتي.
ليلي: يرضيك ماما متخلنيش اكل.
ليث(برفعة حاجب): مأكلتهاش ليه يا حياة؟
حياة: لانها غلطت لازم تعرف حجم غلطها.
ليلي: لا مغلطتش.
حياة: غلطتي.
ليث: بسسسسسسسسسسسسس، متجوز طفلة و مخلف طفلة.
حاتم: بترجع في البيعة و لا ايه؟
حياة: سيبهولي.
حياة مسكت ليث من التي الشيرت بتاعه.
حياة: لا بص يا حبيبي اتجوزنا الاول بكتب كتاب و قولت ماشي. عشت في مأساة و قولت ماشي. حبينا بعض و قولت ماشي كنت كل يوم بتتجوز واحدة و وقولت ماشي. عصبي و قولت ماشي بارد و قولت ماشي شخص مبيعرفش يعبر عن احاسيسه قولت ماشي. خلتني احمل و جالي تسمم حمل و قولت ماشي بعد الخلفة كنت تخينة و قولت ماشي خسيت بعد ما اخس خلتني احمل تاني و اتخن تاني و قولت ماشي لكن انا طفلة و مش عاجبك لا يا حبيبي انسي. و كمان عايز ترجع في البيعة.
ليث: ربنا يأخدك يا حاتم.
الكل ضحك علي كلام ليث و حياة. و ادهم سرح في ضحكة شمس.
عدي اليوم بدون احاديث مهمة...
-في الصباح الباكر.
الكل راح علي شغله و الاطفال في المدرسة و البنات قعدوا اتكلموا مع شمس. و ادم و ادهم في جامعتهم.
حياة: هقوم البس علشان هطلع اجيب العيال و اعمل مفأجاة ل ليث.
فردوس: ماشي يا عم.
حياة: باي.
حياة طلعت خدت دوش و خرجت.
حياة لبست فستان واسع باللون الاسود و قصير لغاية الركبة و بأكمام واسعة و مفتوحة من الجمب. و لبست صندل عريض باللون الابيض، سيبت شعرها و حطت روچ هادئ و خدت شنطتها و نزلت.
شمس: بسم الله ما شاء الله قمر...
حياة: ميرسي يا حبيبتي...
فردوس: ربنا معاكي.
حياة: طيب. تحبي اخد معايا ماهر و لا.
فردوس: لا خليه يرجع هنا.
حياة: طيب.
حياة ركبت عربية بسواق و وراحت للمدرسة و خدت عز و ليلي.
عز: ليه كدة؟
حياة: هنعمل مفأجاة لابوكوا.
ليلي: الله طيب.
حياة: اركبوا يلا.
حياة: يلا يا عم محسن.
السواق بدأ يمشي ناحية الشركة، و بعد فترة.
حياة: في ايه يا عم محسن؟
محسن: مش عارف يا ست هانم حاسس بحركة غريبة.
حياة: يا رب يا رب. يا رب ارجوك احميني انا و ولادي.
ليلي: ماما هو في ايه؟
حياة: مفيش يا حبيبتي.
عز: اومال انتي مالك شكلك خايفة؟
حياة: لا مفيش متخافوش.
حياة حضنت عز و ليلي.
حياة(بصريخ): عاااااااااااااااااا.
حياة لقت عربيات محاوطاهم من كل ناحية و عربية خبطتهم من ورا. و عم محسن وقف بسرعة و مات.
يا تري هيحصل ايه؟ خمنوا؟