رواية طبيبة قلبي الجزء الثاني للكاتبة سلسبيل كوبك الفصل الثالث
حياة لقت عربيات محاوطاهم من كل ناحية و عربية خبطتهم من ورا. و عم محسن وقف بسرعة و مات.
حياة كانت شبه فاقدة الوعي.
شخص1: يلا بسرعة خدوهم.
حياة حست بحد بيفتح الباب و بيشد ليلي من حياة بس حياة حاولت تقاوم و مقدرتش. ولقت حد تاني بيأخد عز و برضو مقدرتش تقاوم.
شخص2: دي هنجيبها ازاي؟
شخص1: تعالي هنا.
شخص3: نعم.
شخص1: شيلها يلا و تعالي ورانا.
شخص3: حاضر.
الشخص راح لحياة و شالها كان ضخم و ركبها العربية جمب ليلي و عز، ليلي كانت خايفة و عز كان مغمي عليه...
و العربيات مشيت و راحت اتجاهها.
-في مكان تاني.
في القصر.
ادهم: سارة سارة.
سارة: نعم يا بيه.
ادهم: هطلع اخد دوش افوق انزل الاقي اكل علشان جعان.
سارة: حاضر.
ادهم كان طالع بسرعة و خبط في شمس.
شمس: انت اعمي اياك.
ادهم(باستغراب): اياك؟!
شمس: انت مبحلق فيا كدة ليه؟
ادهم: لا مفيش مفيش. انتي صعيدية؟
شمس: ايوه بس لا...
ادهم: يعني ايوه و لا لا؟
شمس: لاحظ انك كترت حديد معايا(كلام او حديث).
ادهم: انتي يا بت مصرية و لا صعيدية و لا ايه بالظبط.
فردوس: مالكوا واقفين كدة ليه؟
ادهم: مفيش يا فردوس عن اذنك.
ادهم طلع و دخل اوضته خد دوش وغير هدومه.
فردوس: هدوم حياة علي مقاسك بالظبط.
شمس: و الله بجد بجد بشكركوا جدا.
فردوس: يا بنتي متقوليش كدة انتي زي اختنا...
ماهر: ماما.
فردوس: حبيبي اخيرا رجعت.
ماهر: ايوه.
فردوس: يلا اطلع غير هدومك و تعالي نعمل ال Homework.
ماهر: حاضر.
شمس: بسم الله ما شاء الله عسل.
فردوس: تسلمي يا حبيبتي.
ادم(بزعيق): خشي يا اختي.
حور: بطل تتحكم فيا و في حياتي زهقت بقي.
فردوس: في ايه يا ادم؟
ادم: قال الواد صاحبها باسها من خدها علشان هي اللي قفلت في الامتحان و كدة يعني بيشجعها.
حور: صاحبي و انا حرة.
ادم(يغضب): يا بت اظبطي عايز اضربك. اللي مانعني عنك انك لسة صغيرة...
حور: اديك قولتها لسة صغيرة. يعني براحتي.
حور سابتهم و طلعت جري علي اوضتها.
فردوس: اهدي بس يا ادم.
ادم: خليها تغور في داهية.
فردوس: الصبر...
-في مكان تاني.
عند نعمان.
نعمان(بصوت عالي): انجزي.
حنين(من فوق): يا رب مش بيصبر ده ايه ده؟
حنين(بصوت عالي نسبيا): حاضر جاية اهو.
حنين ربطت الكوتشي بسرعة.
حنين: باي يا ماما.
حنين نزلت جري ل نعمان.
نعمان: سنة يا ست هانم.
حنين: آسفة.
نعمان: طيب. يلا هنبدأ السهرة من بدري.
حنين: هنروح فين قولي النظام.
نعمان: يا ستي هنروح الملاهي لانك طفلة و بتحبي الملاهي و بعدها هنتغدي و بعدها هنطلع علي السينما و بعدها ارجعك بيتك حاجة تاني.
حنين: بحبك اوي.
حنين باست نعمان علي خده و حضنته.
نعمان: مش عارف اسوق يا بت.
حنين: حيوان.
نعمان: بحبك اكتر.
و راحوا قضوا اليوم بتاعهم في سعادة...
-في مكان تاني.
عند ليث في الشركة.
ليث: زي ما فهمتكوا الصفقة دي مش هتضيف لينا حاجة يعني مش هنخسر لو مكسبنهاش هما اللي محتاجنا، يعني نشرط براحتنا...
فريد: تمام يا ليث. هتبدأ انت المشروع الجديد امتي.
تليفون ليث رن بس مردش.
فهد: هتبدأ بعد بكرة و لا بكرة.
ليث: من بكرة تبدأوا.
ليث فتح الخط.
ليث: الو مين معايا؟
شخص: حضرتك زوج مدام حياة.
ليث(بقلق): ايوه حياة مالها و هي فين و انت مين ما تتكلم يا زفت.
شخص: احنا لقينا عربية بسواق السواق مات و مفيش حد تاني موجود و شنط مدرسة و شنطة واحدة ست موجودين.
ليث(بحدة): فين المكان ده انطق؟
شخص: في ().
ليث قام خد حاجته و نزل جري.
فريد: يا ابني استني مالك حصل ايه؟
فريد: خليك هنا يا فهد.
فهد: طيب طمني.
فريد نزل جري ورا ليث و ركب عربيته لانه ملحقش ليث.
و بعد فترة ليث وصل لمكان العربية لقي الاسعاف و الشرطة و ناس ملمومة.
ليث(بزعيق): فين مراتي؟
ظابط: حضرتك زوج مدام حياة.
ليث(بزعيق): اكيد يعني ما تنطقوا قولوا ليا فين مراتي.
ظابط: حضرتك عندك ولاد؟
ليث مسك الظابط من لبسه.
ليث(بغضب): قسما بربي لو مقولتليش فين مراتي لاكون دافنك مكانك.
فريد: اهدي يا ليث اهدي. احنا اسفين يا باشا.
فريد: هو حصل ايه؟
ظابط: الاول بس الاستاذ ليه ولاد؟
فريد: ايوه.
ظابط: الام و الاطفال مختفين. لان هنا في شنط مدارس و شنطة مدام حياة و لما فتحناها قدرنا نعرف هي مين و فتحنا موبايلها و جبنا رقم حضرتك.
ليث(بعصبية): و دلوقتي انا عايز مراتي و ولادي.
فريد: اهدي بس يا ليث اهدي.
ليث: اهدي ازاي يا زفت انت. حياة و عز و ليلي و غير ولادي اللي لسة مجوش مختفين.
ظابط: هي المدام كانت حامل؟
فريد: اه.
ظابط: كدة لازم حضرتك تيجي معانا هنعمل محضر.
فريد: يلا يا ليث يلا.
فريد و ليث راحوا مع الظابط و راحوا لقسم الشرطة.
الظابط: حضرتك بتشك في حد؟
ليث: لا.
الظابط: بس حضرتك راجل اعمال اكيد ليك اعداء من مصلحتهم يحرقوا قلبك.
فريد: مفيش داعي للكلام ده. احنا بس كل للي عايزينه مراته و عياله.
الظابط: هنعمل محضر و لو في جديد هبلغكوا.
ليث(بغضب)يعني ايه انا مش هروح الا و مراتي معايا...
فريد(بهمس): اهدي يا ليث. هما هيشوفوا شغلهم و احنا هنشوف شغلنا.
فريد: متشكرين يا باشا. يلا يا ليث.
الظابط: حاجات المدام و الاولاد، اتفضلوا.
ليث خد الحاجة من الظابط و فريد خد ليث و رجعوا علي البيت.
ليث: ممكن تكون جت علي هنا صح؟
ليث نزل جري و دخل القصر.
ليث(بصوت عالي): حياة حياة.
فردوس: ازيك يا ليث. احم هي حياة مش هنا.
ليث: اومال فين يا فردوس ارجوكي اتكلمي.
فردوس: هي قالت هتأخد الاولاد و تيجي عندك الشركة تعملك مفأجاة.
فردوس شافت فريد دخل بصتله بمعني هو حصل ايه.
فردوس: هي مجتش.
فريد: للأسف العربية اللي كانت راكباها عملت حادثة و حياة و الاولاد مفقودين.
فردوس(بصدمة): انت بتقول ايه انت مجنون. حياة اكيد كويسة، ما تتكلم يا ليث.
ليث مسك حاجات حياة و عز و ليلي و طلع علي اوضته و قعد يعيط.
تحت.
فردوس: انت بتهزر يا فريد صح انتوا عاملين فيلم.
فريد: لا اكيد يا فردوس اهدي بس.
شمس: احم هو في حاجة؟
فريد: انتي شمس؟
شمس(بأحراج): ايوه.
ادم: مساء الخير. في ايه؟ مالكوا؟
فريد: للأسف حياة و عز و ليلي مفقودين.
ادم(بعصبية): انت بتقول اي كلام يا زفت انت.
فريد: هكدب ليه بس؟
ادم: طب و ليث عمل ايه؟
فريد: للأسف مش مصدق و مصدوم.
ادهم: مين ده؟
فردوس(بعياط): حياة يا ادهم مخطوفة هي و عز و ليلي.
ادهم(بصدمة): بتهزروا صح؟ و كمان يعني مين اللي هيعملها لا لا بلاش هزار من النوع ده.
ادهم(بصدمة): و كمان حياة حامل يعني هتولد قريب لا لا، ده كدب.
فريد: يا جماعة لازم كلنا نهدأ العصبية و ده مش هيجيب حل.
الكل لقي ادهم خرج بسرعة من القصر شمس خرجت وراه لقته هيركب عربيته.
شمس(لنفسها): اروح و لا؟
شمس(لنفسها): لا هو ساعدني مرة قبل كدة.
شمس جريت و ركبت جمب ادهم في العربية.
ادهم(بغضب): انزلي.
شمس: اهدي بس مينفعش اساسا تسوق و انت متعصب كدة...
ادهم ساق العربية بأقصي سرعة و شمس كانت خايفة.
في القصر.
فردوس: اتصلوا بنازلي و بالكل لازم كلنا نبقي موجودين.
فريد: طيب اهدي اهدي.
فريد طلع تليفونه و اتصل بالكل و قالهم لازم يجوا ضروري.
الكل جه و فردوس قالت ليهم اللي حصل و الكل قاعد مصدوم.
كريم: اهدي يا نازلي متنسيش انك حامل.
نازلي(بعياط): حياة يا كريم و كمان حامل هي كمان.
كريم: طيب يا حبيبتي اكيد هنلاقيها هي و عز و ليلي.
فتون: طب ما تتصرف يا فهد انت او فريد ما تتصرفوا هنفضل قاعدين كدة.
تالا: ازاي بس و مين ليه يد انه يعمل كدة؟
ادم: قسما بربي مهما كان مين لاندمه.
حاتم: اهدوا نفكر بالعقل لغاية ما ليث ينزل.
عند ليث.
ليث من كتر عياطه نام مكانه علي الارض بس صحي علي ايد علي وشه.
ليث(بلهفة): حياة.
ليث: مين جابكوا هنا؟
ماهر: عمو ليث احنا عرفنا كل حاجة.
ورد: ايوه و عايزين نقولك ان اكيد طنط حياة و عز و ليلي كويسين.
حور: مش انت دايما بتقول ان حياة قوية. و انا علطول بشوف حياة قوية هي اكيد هتكون بخير.
سيف: طنط حياة هترجع و هنعيش في سعادة اكيد.
شهد: متزعلش كلنا معاك. و كمان انت اللي هتنقذ طنط حياة من الاشرار صح.
ليث ابتسم علي جملة شهد و افتكر حياة...
Flash back.
حياة في بداية حملها بعد عز و ليلي.
حياة: ليث.
ليث: خير مش فاضيلك.
حياة: يا واطي انا غلطانة كنت هتكلم معاك. ليك في الشغل غور انت و هو.
ليث: اهون عليكي.
حياة: لا لا بتكسف.
ليث ضحك علي حياة و قام و شالها و حطها علي السرير.
ليث: جنابك مش عايزة تنامي ليه؟
حياة: انا عايزة انام بس هما مش جايلهم نوم.
ليث: مين؟
حياة: اصل هما بيفكروا.
ليث: مين دول؟
حياة: ولادنا.
ليث: عز و ليلي نايمين.
حياة: هو احنا معندناش غير عز و ليلي؟
ليث(بصدمة): قصدك انك حامل؟
حياة: ايوه عندك مانع.
ليث(بصدمة): و في تؤام كمان. لا لا كفاية عليا عز و ليلي.
حياة: هو بمزاجك يا واطي.
ليث(بفرحة): بس حقيقي انا فرحان.
حياة: و انا كمان انا في الشهر الرابع و احتمال كبير انهم تؤام.
حياة: هات ايدك.
ليث ودي حياة ايده و حياة حطتها علي بطنها.
حياة: حاسس بالنبض.
ليث(بفرحة): بجد يا حياة انتي نعمة من ربنا و انا بحبك جدا. و الله بعشقك مش بحبك بس.
حياة: تعرف.
ليث: ايه؟
حياة: لسة متفرجة علي فيلم كانت البطلة فيه مخطوفة و البطل راح انقذها من الاشرار.
ليث: فيها ايه بقي؟
حياة: امممم نفسي اتخطف علشان اعرف غلاوتي عندك و تيجي تضرب كل اللي قرب مني او اللي ضربني او اللي عملي اي حاجة.
ليث: بتتفرجي علي افلام كتير.
حياة: ياض هضربك. هتيجي تنقذني من الاشرار.
ليث(بضحك): نامي يا حياة نامي.
حياة: عيل فصيل كنت بحلم و انت جاي كدة و تضرب واحد يمين واحد شمال و برجلك تطير خمسة ستة.
ليث(بضحك): كدة انا هبقي ليث الخارق، او الاوفر علي الاغلب.
Back.
ليث: طيب يا حبايبي يلا انزلوا و انا جاي وراكوا.
الاطفال: حاضر.
-في مكان تاني.
عند ادهم و شمس.
شمس(بصريخ): الله يخرب بيتك. اقف اقف بسرعة.
ادهم(ببرود): محدش قالك تيجي.
شمس(بصريخ): خلاص انا آسفة بس لاما تبطئ السرعة لاما وقف العربية.
ادهم كمل سواقة و بنفس سرعته و راح لمكان هادئ و وقف العربية و نزل منها.
شمس: الله يسامحك هرجع.
شمس نزلت ببطئ و هي دايخة و راحت ناحيته. و اول ما حطت ايديها علي كتف ادهم.
شمس لقت نفسها في حضنه. ادهم حضن شمس جامد.
ادهم(بدموع): كنت بعتبرها امي التانية و مش بعيد كانت الاولي غلاوتها كانت كبيرة اوي.
شمس(باحراج و توتر): اه اكيد. هي اكيد ان شاء الله هترجع ليكوا متخافوش.
-في مكان تاني.
في مكان شبه خالي في مصنع قديم.
المكان كله ضلمة الا ضوء بسيط جدا.
حياة كانت مرمية علي الارض و جمبها عز و ليلي.
و فجأة الباب اتفتح و دخل منه اشخاص ملثمين لابسين اقنعة...
و بدأوا يفوقوا حياة و عز و ليلي.
عز و ليلي فاقوا الاول و كانوا دايخين و خايفين.
ليلي: ماما ماما يا ماما قومي.
عز: امي يا حياة قومي احنا خايفين ارجوكي...
حياة بدأت تفوق و حاولت تقوم معرفتش عز و ليلي ساعدوها، حياة قعدت نص قاعدة...
دخل شاب حياة شافته و مكنتش الرؤية واضحة اوي.
حياة مشكت في عز و ليلي جامد و قربتهم منها.
حياة: انت مين؟
شخص: ممكن تكوني نسيتي بس ليه مفكركيش.
الشخص قرب من حياة اوي و حياة بصت في ملامحه و لما عرفت هو مين اتصدمت.
حياة(بصدمة): مستحيل!
السؤال: مين الشخص ده؟