قصص و روايات - قصص رومانسية :

رواية طبيبة قلبي الجزء الأول للكاتبة سلسبيل كوبك الفصل السادس

رواية طبيبة قلبي الجزء الأول للكاتبة سلسبيل كوبك الفصل السادس

رواية طبيبة قلبي الجزء الأول للكاتبة سلسبيل كوبك الفصل السادس

في بيت ليث.
حياة: مساء النور...
صفاء: مساء الخير يا حبيبتي.
حياة: اتفضلي دؤاء حضرتك.
صفاء: مالك؟ شكلك مضايقة.
حياة: لا انا كويسة.
حياة(لنفسها): يعني هي الشجاعة خدتني اوي علشان اقف في وشه.
حياة(لنفسها): بس ده سافل انتوا مش شايفين اتعامل مع البنت ازاي...
حياة(لنفسها): بس دلوقتي هيحطني في دماغه و انا مش ناقصة انا عايزة اعيش حياتي في هدؤء. حرام.
صفاء: حيااااااااة...
حياة(بوعي): ها؟ حضرتك بتنادي؟

صفاء: لا انتي مش معايا خالص، مالك؟
حياة: لا خالص مفيش انا بخير.
صفاء: طيب احكي مالك.
حياة: لما يبقي في حاجة هأجي اتكلم...
صفاء: براحتك يا بنتي.
تليفون حياة رن...
الخط اتفتح.
حياة: الو يا فردوس.
فردوس: حياة في طلبات هنزل اشتريها من تحت.
حياة: لا يا فردوس قولي عايزة ايه و انا اجيب.
فردوس: متخافيش هأخد حور معاايا.
حياة: ابدا يا فردوس. لا خليكوا في البيت.
فردوس: حياة ما كدة هننحبس.

حياة: خلاص هبقي اخد اجازة و اخدك و ننزل نشتري.
فردوس: لا هنزل. انا كويسة.
حياة: لا مش كويسة انا عارفة...
فردوس: طيب يا حياة. عايزين خضار و عايزين فرختين و عايزين.
حياة: بس بس يا بابا، مش هحفظ انا ابعتيلي كل اللي عايزاه ماسدچ...
فردوس: طيب. باي.
تالا: بخ، اخيرا شوفتك.
حياة: تسلمي يا روحي. اخبارك؟
تالا: بخير. عاملة ايه؟
حياة: الحمد لله.
صفاء: هنزل انا للدادة نور، و انتوا اتكلموا.
تالا: طيب يا ماما.

تالا: ايه رأيك تيجي اوضتي؟
حياة: تمام يا روحي.
حياة و تالا كانوا طالعين السلم و ليث نازل و ليث بص بخبث ل حياة. و كعبلها برجله.
حياة(بصريخ): عااااا.
-في لحظة ليث مسكها من خصرها و حضنها و نزل بيها من علي السلم و هو ماسك في سور السلم و هي كانت ماسكة فيه جامد...
تالا(بصدمة): اوف ايه ده؟
صفاء(بخضة): حصل ايه؟
-ليث سند بضهره علي الحيطة و هو حاضن حياة و ماسكها بتملك و هي ماسكة فيه جامد خوف...

حياة(بنفس متقطع): الحمد لله الحمد لله...
ليث(بهمس و خبث): دي حاجة بسيطة يا حياة.
حياة(بنفس متقطع و صدمة): انت انت! انت اللي عملت كدة.
صفاء: انتي كويسة يا بنتي.
حياة بعدت عن ليث بسرعة و ليث باصص ليها باستفزاز...
حياة: اه اه الحمد لله. انا كويسة الحمد لله.
تالا: ابقي خدي بالك يا حياة.
حياة: المرة الجاية ان شاء الله.
حياة بصت ل ليث بغضب و ليث بص ليها ببرود.
تالا: تعالي بقي معايا...

تالا مسكت ايد حياة و طلعت علي اوضتها...
صفاء: تسلم يا ابني.
ليث: علي ايه بس؟
ليث كمل طريقة و هو بيفكر في اللي حصل...
صفاء: لما اروح اشوف كنت بعمل ايه...

-في مكان تاني.
عند فهد و فريد...
فهد: نفسي اعرف ليث ده بيفكر ازاي...
فريد: و انا و حياتك...
فهد: هو معذب نفسه ليه؟
فريد: يعني محصلش حاجة تخليه كدة. كله بسبب ابوك.
فهد: انا ايه ذنبي. ده وارث كل حاجة عنه.
فريد: بس برضو ابوك غلطان.
فهد: عندك حق...
فهد(بخبث): بس انت ايه سر اختفائك؟
فريد: لا مفيش اي حاجة...
فهد: اه اه عارف...
فريد: في ايه؟
فهد: مفيش حاجة...
فريد: انا رايح اشتغل باي.
فهد: باي.

-في مكان تاني...
عند فتون و احمد في المستشفي.
فتون و احمد كانوا في الاستراحة. نهلة جت قعدت جمبهم...
فتون: خير؟
نهلة: هو فعلا حياة عايشة في قصر ليث بيه؟
احمد: انتي مالك يا نهلة ما تشوفي حالك.
نهلة: هي تقربله حاجة؟ طب هو يعرفها منين؟
فتون: نهلة ما تلتزمي حدودك بطلي رزالة.
نهلة: طيب طيب. بس هعرف هعرف كل حاجة.
احمد: اعرفي بعيد عننا.
نهلة قامت بغضب و راحت مكانها.
فتون: زنانة و حيوانة.
احمد: تصدقي لايقة.

فتون: طيب، طعم الكشري حلو اوي المرة دي.
احمد: لانه مضيف ليه نكهة الحب.
فتون(باستغراب): ايه نكهة الحب دي؟
احمد(بضحك): بهبل بهبل متأخديش في بالك.
فتون: ربنا يكون في عونك يا ياسمين.
احمد: اه صحيح افتكرت.
فتون: خير؟
احمد: الخطوبة بكرة.
فتون: ايه؟! ازاي؟
احمد: كنا هنخليها بعد شهر بس ابو العروسة قال لا و تفضل تدخل و تطلع من غير اي حاجة رسمي.
احمد: و بكرة الخطوبة.
فتون: انا لسة مجهزتش نفسي.

احمد: الحق اقول لحياة علشان تأخد اجازة...
فتون: طيب.
احمد طلع تليفونه و اتصل بحياة...
الخط اتفتح.
حياة: نعمين؟
احمد: اهلا يا بت.
حياة: بت لما تبتك. عايز ايه يا اقرع؟
احمد: و ربي لما اشوفك هنفخك.
حياة: انجز عايز ايه؟
احمد: الخطوبة بكرة و بدون نقاش استأذني بقي.
حياة(بصدمة): ايه و ليه؟

احمد: كدة ابو العروسة قال كدة، انجزوا بقي ده انا هأجي اخدك بكرة من قدام القصر شوفتي عريس في ليلة خطوبته بيعمل كدة، علشان تعرفي غلاوتك.
حياة(بتوتر): طيب طيب يا احمد، باي.
احمد: شكل في حاجة، من ساعة ما حياة راحت تشتغل في القصر و هي بقت متوترة و مش حياة القديمة...
فتون: لا بقي انا شايفة ان حياة مش حياة القديمة بالنسبة ليك.
احمد: مش فاهم.

فتون: معرفش يعني انا دخلت هنا لان بابا زميل الدكتور مرزوق، اما حياة دخلت ازاي؟
احمد: معرفش.
فتون: هي بتقول حظ، بس انا مش مصدقة.
احمد: لا حياة مش بتكدب، انتي بس اللي دماغك بتحب تروح في حتت غريبة.
فتون: طيب، يلا ميعاد الاستراحة خلص...
احمد: طيب.
فتون و احمد راحوا يكملوا شغل...

-في مكان تاني.
عند نعمان.
نعمان: يلا نخش الدرس.
زميل1: من امتي؟
نعمان: من دلوقتي، عن اذنكوا.
نعمان دخل حضر الدرس. و خرج.
زميل2: طب تعالي...
نعمان: علي فين؟
زميل1: بقالنا كتير مخرجناش.
نعمان: مش هنتأخر...
زميل3: من امتي بنتأخر؟ يلا بينا.
و الاربع شباب خرجوا يتفسحوا...

-في مكان تاني...
عند حياة.
تالا: بصي ده حلو؟
حياة: اه بس مش هيليق عليه ده.
تالا: اومال؟
حياة: استني هشوفلك.
تالا: طيب.
-حياة قعدت تدور في هدوم تالا لغاية ما طلعت طقم شيك جدا.
تالا(بصدمة): الله ذوقك تحفة.
حياة: تسلمي يا روحي، خشي جربيه عقبال ما هعمل حاجة و اجي.
تالا: طيب.
حياة نزلت و هي نازلة علي السلالم لقت محمد.
محمد: اخبارك؟
حياة: بخير الحمد لله، و انت؟
محمد: كويس. مشوفتكيش.
حياة: بأجي الساعة 12.

محمد: اه ربنا معاكي.
حياة: و معاك، عايز حاجة؟
محمد(باحراج): يعني هو.
حياة: اتفضل...
محمد: يعني انتي دكتورة و انا في كلية طب وكنت عايزك تشرحيلي.
حياة: حاضر، ايه الوقت المناسب ليك؟
محمد: في اي وقت.
حياة: بص هروح دلوقتي اعمل حاجة و ارجع و تكون مجهز الحاجة اللي مش فاهمها...
محمد: طب اخد شاور و اغير هدومي.
حياة: طيب. عن اذنك.
حياة كملت طريقها و راحت للمطبخ.
صفاء: ايه يا حبيبتي؟
حياة: ميعاد الدواء.

صفاء: طيب يا حبيبتي.
حياة: انا كنت عايزة استأذن بكرة همشي بدري.
صفاء: ليه؟
حياة: خطوبة حد اعرفه...
صفاء: طيب يا حبيتي، بس قولي ل ليث.
حياة: طب ما تقولي انتي ليه.
صفاء: لا هيزعق.
حياة: طيب.
حياة: هو فين؟
صفاء: في اوضة مكتبه.
حياة: طيب عن اذنك.
حياة مشيت و هي بتكلم نفسها...
حياة(لنفسها): اهدي انتي هتقولي كلمتين و هتمشي.
حياة(لنفسها): اهدي.
حياة وقفت قدام الباب علطول و لسة هتخبط وقفت.
حياة: لا لا مش هدخل.

حياة: انتي شجاعة خبطي.
حياة كانت قريبة من الباب و مايلة عليه و بتقدم خطوة و ترجع خطوة...
-و فجأة لقت الباب بيتفتح و لانها كانت مايلة علي الباب كانت هتقع بس ليث مسكها بسرعة و وقعوا هما الاتنين...
حياة: يا ربي ايه ده؟ هو انت مكتوب عليا.
ليث(بخبث): لا هكتب عليكي...
حياة: بلاش ثقتك الزايدة دي.
حياة قامت بسرعة و ليث قام وقف...
ليث: خير كنتي جاية ليه؟
حياة: كنت عايزة استأذن اني همشي بكرة بدري.
ليث: ليه؟

حياة: اعتقد دي خصوصيات.
ليث(بحدة): ليه؟
حياة: ملكش فيه.
ليث: ماشي مفيش مرواح.
حياة: فرح حد اعرفه.
ليث: قريب منك؟
حياة: ايوه.
ليث: تمام.
حياة: شكرا.
حياة سابته و مشيت و هو كمان خرج طلع علي اوضته.
محمد: جيت اهو يا ستي.
حياة: تمام اتفضل. هشوف بس تالا و اجي.
حياة طلعت و لقت تالا نايمة. و نزلت لمحمد و بدأت تشرحله اللي هو عايزه...
و بعد فترة هي وصلت البيت روحت...

عند حياة في بيتها...
فردوس: جبتي الطلبات؟
حياة: اوف نسيت.
فردوس: طيب و هنأكل ايه؟
حياة: معرفش اتصرفي يا بطة.
فردوس: بكرة هنزل اجيب اكل.
حياة: طيب بس خلي بالك من نفسك و مطوليش مع حد في الكلام. و متسمحيش لحد انه يقولك كلام مش لطيف. و...
فردوس: بس بس. انتي كل ما اجي انزل تفضلي تقولي كدة، حرام.
حياة: ايوه بخاف عليكي.
حور: و اشمعنا مش بتخافي عليا؟
حياة: ده انتي الوحيدة اللي بخاف عليها.
فردوس: و النبي.

حياة: لا طبعا.
حور: و الله.
حياة: اولعوا بجاز ايه ده.
حور: طب انا زعلانة...
فردوس: و انا.
حياة: انا اقدر اكون سبب في زعلكم، معايا احلي بنتين.
حور: بحبك.
حياة: و انا بعشقك يا حوريتي.
فردوس: طب يلا انتي بقيتي بتتعبي كتير.
حياة: اه بكرة خطوبة احمد.
فردوس: طيب ربنا معاكي. من الشغل للخطوبة حرام.
حياة: لا يا روحي ده شغلي و ده يعتبر اخويا.
حياة: اومال فين نعمان و فين نازلي؟
فردوس(بتوتر): الصراحة لسة مجوش.

حياة: افندم؟
حور: اهدي...
حياة طلعت تليفونها و اتصلت بنازلي، الخط اتفتح.
حياة: انتي فين يا زفتة انتي؟
نازلي: اهو علي اول الشارع.
حياة: ماشي يا نازلي الاقيكي قدامي في دقيقتين.
حياة: لما تيجي بس.
و بعدها اتصلت بنعمان. الخط اتفتح.
حياة: يا تري الباشا ناوي يبات بره.
نعمان: اسف يا حياة بس كان في مراجعات و دروس...
حياة: تيجي بسرعة يا نعمان، فورا.
فردوس: متتعصبيش و النبي يا حياة.

حياة: هما ليه مش بيقدروا و لا بيعملوا اي حاجة؟
الباب خبط و حور فتحت الباب.
حياة: اهلا بالهانم، يا تري جنابك كنتي فين؟
نازلي: كنت بذاكر مع واحدة صاحبتي.
حياة: و صاحبتك مين هو انتي عندك صحاب.
نازلي: اتعرفت عليها.
حياة: اول و اخر مرة يا نازلي.
الباب خبط و حور فتحت و نعمان دخل.
نازلي: ما انتي بترجعي برضو في الوقت ده.

حياة: انا بشتغل ها بشتغل. و كمان انتي في جامعة و الجامعة اخرها يعني ده كبيرها الساعة 6 تقومي حضرتك تيجي البيت الساعة 12 بليل.
حياة: و الباشا كان فين؟ هو مش انا و انت مظبطين اليوم ده انك تروح دروسك ترجع الساعة 5 تريح ساعة و تتغدي و بعدين تصحي تذاكر لغاية 12. ذاكرت حضرتك ايه بقي؟ ممكن افهم؟
نعمان: خلاص و النبي مضايقيش نفسك. اسف.
حياة: طيب يا نعمان ماشي يا نازلي، مش عايزة اي حاجة تتكرر من دي فاهمين...

نعمان: حاضر...
نازلي: انا كبيرة و اعرف مصلحتي.
حياة: عمرك ما هتفهمي...
-حياة دخلت غيرت هدومها و نامت علطول.
فردوس: اهي مكلتش حتي. و تعبانة و بتشتغل علشانا. و كمان متنسوش انها اي مجهود عليها تعب. و مع ذلك بتشتغل و مش بتخلي حد فينا يشقي.
نعمان: اسف.
نازلي: انا داخلة انام...
و الكل راح ينام. و حور حضنت حياة جامد.
حياة: متعيطيش انا كويسة.
حور(بعياط): لا انتي زعلانة.

حياة: لا يا روحي مش زعلانة، انا هنام و هبقي كويسة.
حور: انا بحبك اوي.
حياة: و انا كمان، اجدعني كلها كام شهر و تدخلي احلي مدرسة.
حور: انا بحبك اوي اوي.
حياة: و انا بعشقك يلا نامي.
و ناموا...

-في الصباح الباكر.
في بيت ليث.
ليث قام خد شاور و راح اوضة الملابس.
ليث لبس بدلة باللون الرمادي و قميص ابيض و جذمة سوداء و حط البرفيوم الخاص بيه و لبس ساعته الماركة. كان في كامل اناقته.
-ليث نزل بكل برود من الدور بتاعه و لقي الكل قاعد علي السفرة مستنيه.
ليث: صباح الخير.
الكل: صباح النور.
ليث: اخبار الشغل امبارح ايه يا فهد؟
فهد: الحمد لله تمام.
فريد: جاي الشركة النهاردة؟
ليث: اه. حضروا اجتماعنا مع شريف.

فهد: طيب.
فريد: هتشتغل معاه؟
ليث: هبقي اقولكوا.
ليث: محمد.
محمد: نعم.
ليث: الترم ده عايز فيه امتياز. فاهم؟
محمد: حاضر...
تالا: امتياز مش جيد او مقبول...
محمد(بهمس): و ربي لما يمشي.
ليث: خلاص.
صفاء: هي حياة قالتلك انها هتمشي بدري النهاردة؟
ليث: اه. يلا.
ليث قام و وراه فهد و فريد و راحوا للشركة.
محمد: يا بت انتي مالك بيا؟
تالا: بحب اضايقك عندك مانع؟
محمد: انا رايح الجامعة غوري من وشي.

صفاء: تالا احترمي اخوكي شوية.
تالا: هحاول حاضر.

-في مكان تاني.
عند حياة.
حياة: يلا صحوا النوم.
نعمان: صباح الخير يا احلي اخت.
حياة: صباح الفل...
فردوس: صباح النور.
حياة: صباح الخير.
نازلي: Good morning.
حور: انا جعانة.
حياة: يلا حضرت الفطار.
نعمان: ايه سر الفطار ده؟
حياة: علشان عندي نشاط يلا. كلوا.
فردوس: عاااااا...
حياة: ايه؟
فردوس: البيض مسكر.
حياة: ازاي؟
حور: هتلاقيها بتسستعبط.
حور كلت و قعدت تكح.
حور: ايه القرف ده؟ سوري يا حياة يعني.

نعمان: هو انتي متأكدة انك حطيتي ملح.
حياة راحت جابت العلبة و اكتشفت انه سكر...
حياة(باحراج): اسفة علطول بنسي.
نازلي: طب نفطر ايه؟
حياة: خلاص هوديكوا فلوس. او استنوا فردوس تعمل فطار.
نازلي: هاتي فلوس.
حياة راحت جابت فلوس و ودتها ل نازلي.
نازلي: انا راحة البس.
نعمان: انا هستني.
حياة: اسفة.
فردوس: معلش يا حياة نازلي مش مقدرة.
حياة: لا عادي. بس يلا الحقي فطري الباقي هدخل اخد دوش علشان ابقي منعشة...

حياة دخلت خدت دوش و خرجت دخلت اوضتها...
حياة لبست بنطلون و تي شيرت و لمت شعرها و لبست كوتشي.
حياة: دلوقتي بقي نأخد الفستان.
حياة اختارت فستان و خدت كل حاجة هتلبسها.
حياة: معلش يا نعمان هشرحلك بكرة بقي.
نعمان: تمام و لا يهمك.
حياة: يلا هروح لفتون علشان هختار معاها الفستان.
حياة: باي.
حياة نزلت بسرعة و ركبت العربية و طلعت لفتون.
حياة خبطت الباب. فتون فتحت.
فتون: خشي.
حياة دخلت و راحت علي اوضة فتون.

فتون: البس ايه محتارة.
حياة: اممممممم.
حياة: بصي ده.
فتون: لا وحش.
حياة: طب استني...
و بعد فترة...
حياة: ده حلو اوي.
فتون: جبتيه منين ده؟ ده اول مرة اشوفه.
حياة: طب يلا جربيه.
فتون جربته و حياة قالت علي كذا ملحوظة.
حياة: خلاص كدة تمام، اقلعيه بقي و ابقي البسيه قبل ما تيجي مع احمد.
فتون: طيب.
فتون غيرت هدومها و لبست و نزلت هي و حياة و راحوا للمستشفي...
-تسريع بسيط.

حياة خلصت شغل في المستشفي و ودعت فتون و خرجت ركبت العربية و راحت للقصر.
حياة دخلت و ودت صفاء الدواء بتاعها. و قعدت مع تالا...
(حياة اتفقت مع تالا انها هتلبس في اوضتها و هتظبط نفسها من عندها).
و عدت فترة كبيرة...
حياة: هقوم انا البس.
محمد: ليه لسة بدري؟
حياة: لا احمد هيعدي عليا.
محمد: احمد ده العريس؟
حياة: اه قالي لازم ادخل معاكي انتي و فتون.
محمد: رينا يخليه ليكوا.
تالا: اجي معاكي.
حياة: تمام.

حياة: عن اذنك مدام صفاء.
صفاء: قولنا صفصف.
حياة: طيب. يلا عن اذنكوا.
حياة طلعت اوضة تالا.
تالا: طب خدي دوش تاني سريع.
حياة: لا مينفعش.
تالا: طب علشان خاطري و هستني بره يا ستي. و هتفأجي بيكي.
حياة: طيب.
حياة دخلت خدت دوش سريع و خرجت بدأت تطلع فستانها و تظبط الميكب و و تظبط شعرها...

حياة لبست فستان اسود بنص كم و حمالات الفستان مايلة علي الكتف يعني الجزء اللي فوق باين و مفتوح من الضهر. قصير واصل لقبل الركبة بالظبط و سادة و ضيق من الجزء اللي فوق و نازل بوسع من تحت، كان الفستان شيك اوي. حطت روچ بلون الاحمر الغامق و حطت كحل حدد عنيها. و لبست صندل بكعب بسيط احمر و سيبت شعرها الاسود ورا ضهرها بس مع اي تحريكة من حياة كان بيجي علي الكتف و لبست حلقين بيلمعوا...

حياة كانت قمر جدا و حلوة بغباء.
-حياة مسكت الجاكت بتاعها في ايديها و شنطتها لبستها في ايديها.
حياة خرجت من الاوضة و بدأت تنزل علي السلالم.
كان فهد و ليث لسة راجعين.
مع اول صوت طلع من صندل حياة ليث رفع رأسه.
ليث كان مصدوم من كتلة الجمال اللي قدامه و كمية الرقة اللي هو شايفها...
حياة كانت نازلة بكل هدوء علي السلالم لغاية ما وصلت للكل تحت.
صفاء(بصدمة): بسم الله ما شاء الله.

تالا(بفرحة): انتي جميلة اوي اوي اوي.
محمد: تصدقي اول مرة اشوف شعرك و هو مفرود شعرك طلع جميل اوي و انتي اجمل. بصي انتي خيال.
حياة(باحراج): شكرا...
فهد: طالعة جميلة يا حياة.
حياة(باحراج): شكرا بس راعوا اني بتحرج يعني.
تالا(بضحك): قمر يا ناس.
صفاء: ليث ليث.
ليث: ها؟ بتنادي؟
صفاء: بقولك تتعشي؟
ليث: لا لا هروح المكتب.
تليفون حياة رن، الخط اتفتح.
حياة: تمام يا احمد جاية.
احمد: طيب متتأخريش.
حياة: طيب معاك فتون؟

احمد: مرزوعة جمبي.
حياة: طيب مالك مضايق ليه؟
احمد: الزفتة بوظتلي بوكيه الورد.
حياة: خلاص هنشتري غيره انت عريس انبسط بطل كئابة يلا طالعالك...
حياة: عن اذنك يا مدام صفاء. باي محمد باي تالا باي فهد.
حياة مشيت و خرجت من القصر و ركبت جمب احمد.
فتون(بدموع): يا احمد اسفة انا كنت عايزة اتصور بيه بس...
حياة: خلاص حصل خير. و كمان ممكن يبقي شكله وحش و ميعجبش العروسة يلا بس بينا.

و طلعوا راحوا لمحل ورد و اشتروا بوكيه ورد تاني.
و وصلوا لشقة العروسة.
احمد: انا متوتر...
حياة: يلا يا ابني يلا.
و دخلوا و رحبوا بيهم و قعدوا مبسوطين.
حياة: مبروك يا عروسة مبروك يا عريس.
احمد: الله يبارك فيكي يا احلي اخت...
فتون: الف مبروك.
ياسمين: الله يبارك فيكوا...
و لبسوا الشبكة و كانوا مبسوطين.
فتون: تعالوا نتصور.
و كانوا بيتصوروا و مبسوطين.
و بعد فترة تليفون حياة رن. الخط اتفتح.

حياة: الو الو يا نعمان مش سمعاك.
حياة: هكلم نعمان بره.
فتون: طيب.
حياة طلعت و كلمت نعمان.
حياة: الو يا ابني.
نعمان(بعياط): الحقيني يا حياة انا في القسم...

الفصل التالي
جميع الفصول
روايات الكاتب
روايات مشابهة