رواية طبيبة قلبي الجزء الأول للكاتبة سلسبيل كوبك الفصل السابع
ان نعمان اتصل بحياة و قال ليها.
نعمان(بعياط): الحقيني يا حياة انا في القسم...
حياة(بصدمة): قسم ايه؟ و ليه؟ انت بتهزر صح؟
نعمان(بعياط): لا يا حياة تعالي بسرعة علي قسم()متتأخريش و النبي.
حياة: جاية جاية.
حياة دخلت مكان الخطوبة و خدت الجاكت و شنطتها.
حياة: فتون خلي احمد يروحك انا مش قادرة اكمل الخطوبة الدوشة صدعتني.
حياة سابت فتون و طلعت جري.
فتون: بس استني.
فتون: اوف مشيت يلا مش مشكلة.
حياة طلعت تجري و ركبت تاكسي.
حياة(بتوتر): ارجوك بسرعة.
السواق: حاضر حاضر.
و بعد فترة حياة وصلت للقسم و دخلت بسرعة.
اول ما حياة دخلت لقي نعمان و شوية شباب قاعدين مع بعض.
نعمان(بعياط): حياة.
نعمان جري علي حياة حضنها و هو بيعيط.
حياة: اهدي اهدي يا حبيبي.
حياة: حصل ايه؟
نعمان كل اللي عمله بص لحياة و هو حزين و بيعيط.
حياة: طيب خليك انا هتصرف هشوف.
حياة: لو سمحت عايزة اقابل الظابط هنا و لا اللي قبض عليهم ده.
شخص: طيب.
و بعد فترة حياة متوترة و مش عارفة تعمل ايه.
شخص: اتفضلي.
حياة دخلت اوضة الظابط.
حياة: اهلا.
الظابط: اتفضلي اقعدي.
حياة: لو سمحت هما الشباب اللي بره دول عملوا ايه؟
الظابط: هو انتي تبع الشمامين اللي بره. قومي يا بت.
حياة قامت بسرعة و بفزع.
حياة: شمامين ايه؟
الظابط: شمامين يعني بيشموا يا اختي. دول مدمنين مخدرات.
حياة بصتله بصدمة و هي مش مستوعبة الموضوع.
حياة: في سوء تفاهم بس حضرتك.
الظابط: ماسكينهم متلبسين تحت الكوبري يا اختي.
حياة: طب و ايه اللي هيحصل دلوقتي؟
الظابط: السجن طبعا و يتعرضوا علي النيابة. بس شكلك بنت ناس بلبسك ده.
حياة: انا و اخويا و الله محترمين مش كدة.
الظابط: انتي كنتي في بيت دعارة يا بت؟
حياة: ابدا و الله.
الظابط: ارزعها بره.
العسكري: حاضر.
العسكري مسك حياة و خرجها بره.
نعمان: انا آسف يا حياة.
حياة(بحدة): انت تخرس خالص فاهم...
العسكري: هاتي حاجتك يا بنتي.
حياة: طب طب بص ممكن اعمل مكالمة ارجوك.
العسكري: بس بسرعة الظابط حسام مش بيتهاون يا بنتي.
حياة(بدموع): شكرا شكرا ليك اوي.
-حياة مسكت تليفونها و هي مش عارفة مين ممكن يساعدها في الموقف ده.
حياة(لنفسها): مين ممكن ينقذني من الموقف ده غير الزفت ليث؟
حياة(لنفسها): حياة حياة اتنازلي المرة دي.
حياة(لنفسها): اتنازل عن كبريائي.
حياة(لنفسها): للاسف مستقبل اخوكي اهم يلا. انتي شجاعة...
حياة جابت رقم ليث و اتصلت بيه...
بعد فترة الخط اتفتح.
ليث: خير؟
حياة(بتوتر): ممكن اتكلم معاك لحظة؟
ليث: ليه؟
حياة: بص ممكن تيجي علي قسم()...
الظابط(بصوت عالي): مخدتش ليه منها التليفون؟
الظابط شد من حياة التليفون.
الظابط: ايه كنتي بتتكلمي مع زبون و لا ايه؟
حياة(بدموع): بليز ممكن تتكلم باحترام شوية.
الظابط: دي تترزع هنا جمب العيال الشمامين دول و لما اقولك جيبهم جيبهم.
عسكري: حاضر يا بيه.
نعمان(بعياط): اسف و الله يا حياة.
حياة(بصريخ و دموع): اخرس اخرس خالص ابعد عني.
حياة وقفت في جمب لوحدها و هي بتعيط.
عسكري: معلش يا بنتي. خير خير.
شخص1: هي دي اختك يا واد يا نعمان.
نعمان: اخرسوا بقي.
و بعد فترة.
ليث دخل بكل برود و وراه حراسة.
ليث دخل و بص بعيونه علي حياة لغاية ما لقاها قرب منها بهدوء و وقف قصادها.
ليث: حياة.
حياة(بدموع): عارفة انك هتفتكر اني رخيصة بس و الله العظيم انا معرفش ايه اللي حصل.
حياة(بدموع): انا.
ليث: اسكتي.
ليث: دخلني للظابط اللي جوا.
عسكري: حاضر يا بيه، ثانية.
العسكري دخل قال للظابط و خرج.
شخص: اتفضل يا بيه.
ليث مسك ايد حياة و دخل بيها للظابط تحت نظر نعمان.
حسام: اهلا اهلا ليث بيه ده القسم نور.
ليث(ببرود): اخرس.
حسام: مين اللي جاب البت دي؟
ليث: دي معايا.
حسام: اسف اسف يا باشا اتفضلوا.
ليث: اقعدي علي الكنبة.
حياة: طيب.
ليث قعد و حط رجل علي رجل.
ليث: ايه الحكاية؟
حسام: في شوية شباب لقيناهم بيشموا بودرة و مدمنين الانسة و اشك في ده جت هنا و عايزة تخرج اخوها المرمي بره و انا شاكك فيها انها شغالة في الدعارة فخليتها بره لغاية ما نتحقق من ملفها.
-ليث طلع شيك من جيبه و قلم و كتب شيك و رماه علي مكتب الظابط.
ليث(ببرود): طب و كدة.
حسام: بس كدة كتير.
ليث(ببرود): اخلص.
حسام: نلغي المحضر علشان جنابك يا بااشا.
ليث: اطلع بره.
حسام: تؤمر يا باشا.
حسام خرج و ساب ليث و حياة في اوضة مكتبه.
ليث قام بكل هدوء من مكانه و حط ايديه في جيبه و قرب من حياة و بص ليها ببرود.
حياة: شكرا.
حياة قامت وقفت و بقت قصاد ليث.
ليث(ببرود): تتخيلي المقابل هيبقي ايه؟
حياة بصتله و هي مصدومة.
حياة: هدفعلك الفلوس اللي حضرتك دفعتها للظابط بس اصبر عليا.
ليث(بسخرية): اشك انك هتقدري.
حياة: اومال؟
ليث قرب من حياة و شال شعرها من علي كتفها و قرب من ودانها.
ليث(بكل برود و بطئ): تتجوزيني.
حياة بعدت عن ليث و هي متوترة و محتارة.
حياة: اولا انت عملت ليا خدمة المفروض تبقي خدمة انسانية. ثانيا الاخلاق انك متستغلش حد محتاجك و تستخدمه علشان تنفذ حاجة انت عايزاها.
حياة: لو سمحت يا ليث بيه بلاش تعمل كدة. انا حرفيا مش قادرة استحمل...
ليث(ببرود): دي مشكلتك مش مشكلتي يا انسة حياة...
ليث: هسيبك النهاردة بكرة تقوليلي قرارك ايه.
ليث كان هيمشي بس رجع تاني.
ليث: اه هو اخوكي كان اسمه ايه؟ اصل نسيت.
ليث سابها و مشي. و حياة فهمت انه بيهددها بأخوها.
حياة خرجت و خدت حاجتها و مسكت نعمان من دراعه و خرجت بعصبية.
حياة(بعصبية): تاكسي.
نعمان: حياة.
حياة(بعصبية): و لا كلمة اخرس.
حياة ركبت نعمان التاكسي و ركبت هي كمان.
نعمان: انا انا آسف.
حياة: قسما بربي يا نعمان لو سمعت منك كلمة طول الطريق يبقي انسي انك عندك اخت اسمها حياة.
-نعمان فضل طول الطريق ساكت و حياة بتفكر المفروض تعمل ايه...
السواق: وصلنا.
حياة: شكرا.
حياة دفعت الفلوس للسواق و طلعت و نعمان وراها.
و فتحت الباب و زقت نعمان بعنف.
فردوس: اخيرا رجعتوا كنا خايفين عليكوا.
نازلي: ايه اللي اخركوا.
حور: وحشتيني اوي يا حياة.
فردوس: مالكوا؟ مالك يا نعمان عيونك حمراء ليه؟
حياة(بعصبية): البيه الراجل بتعنا طلع شمام طلع مدمن و انا لسة جيباه من القسم. اللي هيذاكر و اللي هيجتهد و اللي هيطلع الاول مش كدة.
نعمان(بعياط): حياة انا و الله.
حياة(بعصبية): اخرس. اخرس يا زفت اخرس، انا زهقت بقي حرام عليكوا حرام.
حياة(بعصبية): انا بعمل كل حاجة علشان مخلكوش محتاجين حاجة. لبس و بتلبسوا احسن لبس و انتوا عارفين ده كويس. جامعة و دخلتك يا نازلي مقولتش ليكي كفاية عليكي كدة مقولتش ليكي انا مش معايا فلوس و مش هتكملي تعليمك. و انت خليتك تطلع الاول في الاعدادية رغم اننا كنا في اسوء ظروفنا. و انا روحت اشتغلت في محل ملابس كنت بنظفه و بمسحه و استحملت إهانات علشان اعرف ارجع بأكل، بشتغل علشان منطردش من البيت ده بشتغل علشان ادفع الايجار، بشتغل علشان اجيبلك كتبك اللي جنابك تذاكر فيها بس حضرتك لا طلعت مدمن.
حياة(بعصبية): ارحموني شوية. عمري ما اشتكيت بس لغاية هنا و كفاية عملت ليك ايه علشان تروح تشرب مخدرات و تهمل دروسك.
حياة(بعصبية): ابعدوا عني حرام عليكوا.
حياة اول ما خلصت كلامها مسكت قلبها.
فردوس(بخضة): حياة حياة.
حياة(بتعب و دموع): نفسي اموت و ارتاح.
و بعدها حياة اغمي عليها و وقعت في الارض.
فردوس(بعياط): حياة حياة.
فردوس(بصريخ): اتصل بفتون بسرعة...
حور(بعياط): حياة مش انتي بتحبيني قومي.
نازلي: هجيب ماية.
و نازلي جابت ماية وحاولت تفوقها بس حياة مفاقتش.
نعمان طلع تليفونه و اتصل بفتون.
الخط اتفتح.
نعمان(بدموع): فتون فتون تعالي و النبي بسرعة علي بيتنا...
فتون(بقلق): في ايه؟
نعمان: حياة اغمي عليها ارجوكي تعالي.
فتون(بخوف و قلق): طيب جاية.
و الاربع اخوات كانوا حوالين حياة بيحاولوا يفوقوها...
بعد فترة الباب خبط. و نعمان فتح بسرعة.
فتون(بقلق): حصل ايه؟
فردوس: و النبي يا فتون شوفي مالها...
فتون قربت من حياة و شافت النبض لقته بطئ.
فتون: ساعدوني ندخلها اوضتها.
و الكل ساعد فتون دخلوها اوضتها و نيموها علي السرير.
فتون: حصل ايه؟
نازلي: كانت متعصبة و بتتكلم بانهيار.
فتون(بعصبية): حصل ايه يعني؟
حور(بعياط): نعمان ططلع مدمن.
فتون(بصدمة): انت حيوان؟!
نعمان(بعياط): ارجوكي حاولي تفوقيها.
فتون جابت برفيوم و بدأت تشممه لحياة. و حياة بدأت تفتح عنيها براحة و هي تعبانة...
فتون: حياة سمعاني.
حياة(بتعب): سيبوني هنام و هبقي كويسة. اخرجوا بره.
نعمان(بعياط): حياة.
حياة(بتعب): الكل يخرج.
فردوس: يلا يلا. تعالي يا حور نامي معايا.
حور مسكت ايد حياة و هي بتعيط.
حياة(بتعب): سيبيها. و اخرجوا.
حور طلعت نامت في حضن حياة و هي بتعيط.
حياة(بخفوت): متعيطيش انا كويسة. هنام و هبقي كويسة...
عند الباقي.
نازلي: انت ايه اللي عملته ده؟
فتون: يعني بعد كل اللي هي بتعمله ايه معندكش ذرة دم.
فردوس: ازاي قلبك طاوعك؟ انت نسيت اصلك و نسيت تربيتك...
نعمان(بعياط): و الله غصب عني. واحد خلاني اجرب مرة و من ساعتها بقيت بشرب حشيش و بودرة...
فردوس: ازاي اساسا كنت بتجيب فلوس القرف ده؟
نعمان(بحرج): كنت كنت بأخد فلوس الدروس. و كنت بزوغ من الدروس.
فتون: انت حيوان ها رد. دي بتتعب علشان انتوا تقعدوا مرتاحين تقوم تعمل كدة حرام عليك.
نازلي: طب دلوقتي هي هتعمل ايه؟
فردوس: معرفش. معرفش.
فتون: انا هبات هنا علي الكنبة لغاية ما تفوق.
فردوس: لا خشي نامي علي سريري...
نازلي: انا داخلة انام.
نعمان(بحزن): عن اذنكوا.
فردوس: انا مش هنام.
فتون: و لا انا...
-في الصباح الباكر.
حياة فاقت من نومها و قامت قعدت علي السرير.
حياة(بدموع): يا رب انا معملتش حاجة علشان يحصل ده كله ليا.
حياة: الحمد لله. بس ارجوك عدلها من عندك.
حياة قامت و دخلت الحمام و هي راحة الحمام لقت فتون و فردوس قاعدين علي الكنبة و نايمين.
حياة دخلت الحمام غسلت وشها و خرجت صحتهم.
حياة: فتون فتون.
فتون: ها؟ حياة انتي كويسة؟
حياة: الحمد لله. قومي يا فردوس. فردوس.
فردوس: نعم يا حبيبتي عايزة حاجة؟
حياة: لا قومي نامي جوا.
فردوس: بس...
حياة: يلا لسة بدري خشي نامي.
فردوس: طب لو عوزتي حاجة قوليلي.
حياة: طيب.
فردوس دخلت نامت او بمعني اصح حاولت تنام.
فتون: ايه يا بنتي اللي حصلك؟
حياة اترمت جمبها علي الكنبة.
حياة(بسخرية): قولي ايه اللي محصلش.
فتون: طيب يا حبيبتي اهدي و احكي حصل ايه؟
حياة: مفيش مفيش.
فتون: هساعدك.
حياة: لا انا هروح الشغل.
فتون: لا انتي تعبانة.
حياة: و يا تري مين هيأكلنا؟ انا راحة البس.
حياة: روحي البسي. يلا.
فتون: طيب خلي بالك من نفسك باي.
فتون نزلت راحت بيتها علشان تلبس.
حياة دخلت لبست اسدالها و بدأت تصلي و تعيط.
و حياة خلصت صلاة و قامت بدأت تطلع هدومها.
حياة لبست بنطلون اسود و تي شيرت ابيض طويل لقبل الركبة و مفتوح من الجنبين مبين جزء بسيط من البطن. و كوتشي ابيض و لمت شعرها كحكة
حياة خرجت و راحت للمطبخ و بتشرب.
نعمان: حياة.
حياة اتجاهلته و راحت تحاول تعمل فطار ليها...
نعمان حضنها من ورا.
نعمان: ارجوكي متزعليش مني انتي امي و اهلي و الله العظيم مقدرش اشوفك زعلانة مني.
حياة زقته بعيد عنها. و بدأت تجهز ليها فطار و عملت حاجات بسيطة و قعدت تأكل...
نعمان: طب مش هتقوليلي تعالي اقعد يا حبيبي...
نعمان: اينعم يوم واحد بس اللي عدي بس لانك زعلانة فيه حاسه سنة.
نعمان(بدموع): ارجوكي متزعليش مني و كلميني.
حياة قامت من مكانها و حاوطت وش نعمان بأيديها.
حياة: سبب واحد يخليك تعمل كدة.
حياة: انا مربتكش علي كدة يا نعمان...
حياة: لولا اني اعرف الشخص اللي خرجك، كان زمان مستقبلك ضاع عارف يعني ايه ضاع يعني لما تيجي تتجوز و تخلف عيالك هيكونوا مذلولين بين اصحابهم بسبب غلطة ابوهم عملها...
نعمان: اسف و الله ما هعمل كدة تاني. و هذاكر و هطلع الاول.
حياة: هجربك يا نعمان. بس لو عملت حاجة غير كدة تصرفي مش هيعجبك.
نعمان حضن حياة و حاول يشيلها.
حياة: يا مجنون نزلني.
حياة: فاكر نفسك يعني تقدر تشلني.
نعمان: لا انا قوي و اعجبك.
حياة: غور، يلا تعالي افطر.
نازلي: صباح الخير.
حياة و نعمان: صباح النور.
حياة: اخبار الجامعة؟
نازلي: كويسة.
حياة: طيب. افطري يلا...
حياة: فلوسك علي الترابيزة يا نازلي...
نازلي: طيب شكرا.
حياة: فلوسك علي اللاب.
نعمان: طيب. تسلمي يا احسن اخت في الدنيا.
حياة: يلا باي فتون زمانها لبست و جت.
حياة: خلوا بالكوا من نفسكوا.
حياة: نعمان انت نازل امتي؟
نعمان: النهاردة اجازة و الله.
حياة: طيب قول لفردوس تنزل تجيب اللي البيت محتاجه و تخلي بالها من نفسها. و متسبش حور لوحدها يا نعمان فاهم...
نعمان: حاضر. يلا باي.
حياة نزلت و لقت عربية ليث بالسواق تحت. و بعد تفكير راحت ركبت و راحت علي بيت فتون و راحوا هما الاتنين علي المستشفي...
فتون: عملتي ايه؟
حياة: الحمد لله.
فتون: بطلي تكتمي في نفسك يا بت...
حياة: حاضر يا قمر.
حياة و فتون نزلوا و بدأوا يشتغلوا و حياة بالها مشغول...
-في مكان تاني...
في بيت ليث.
الكل قاعد علي السفرة.
تالا: ليث.
ليث: قولي.
تالا: في في واحد متقدملي.
ليث: مين؟
تالا: زميل ليا في الكلية و اتعرفت عليه في النادي يعني.
ليث: لا...
صفاء: ليه بس يا ليث؟ مصيرها تتجوز.
ليث: اعتقد قولت كلمة.
فهد: طيب و انا هسافر بعد بكرة.
ليث: طيب.
فريد: اخباركوا؟
محمد: كويسين من غيرك.
فريد ضربه قلم علي قفاه.
فريد: بتقول حاجة؟
محمد: انا اقدر. ابعد عني.
ليث: مش يلا.
فهد: طيب هأكل اخر حاجة.
ليث(بحدة): يلا.
فهد: عني ما كلتها يا عم مالك قفوش ليه.
محمد و تالا و صفاء و فريد ضحكوا عليه.
ليث و فهد و فريد مشيوا راحوا لشركتهم، و محمد راح علي جامعته...
بعد فترة حياة جت علي القصر...
صفاء: اهلا يا حبيبتي اخبارك؟
حياة: الحمد لله.
تالا: ايه في عريس جديد و لا ايه؟
حياة: ليه؟
تالا: اصل اللي يشوفك امبارح المفروض يطير عقله و يجي علطول يطلبك...
حياة(بابتسامة بسيطة): تسلمي يا روحي.
صفاء: طب ايه اخبار الخطوبة امبارح كانت عاملة ازاي؟
حياة: اهو كويسة. العروسة حلوة و اهله ناس حلوة الحمد لله. احمد محظوظ.
صفاء: عقبالك.
حياة: تسلمي يا مدام صفاء.
صفاء: بصي يا بنتي انتي بقالك هنا معايا يعتبر مدة اسمي صفصف.
حياة: ما انا مش متعودة.
صفاء: طيب قولي اي حاجة غير مدام صفاء.
تالا: انسة مثلا.
صفاء: الشبشب وحشك.
تالا استخبت في ضهر حياة.
تالا: انا في حماية.
صفاء: طيب يا تالا.
حياة: يلا ميعاد دؤاء حضرتك.
صفاء: مفيش فايدة. هموت.
حياة(بابتسامة): لما اتعود بقي.
حياة ودت لصفاء الدؤاء و قعدوا هما التلاتة يتكلموا و حياة برضو دماغها مشغولة...
-في مكان تاني...
عند نازلي في الجامعة.
نازلي راحت الجامعة و ملقتش ايهاب و قعدت زعلانة و محضرتش ولا محاضرة و اتصلت بيه.
الخط اتفتح...
نازلي: فينك يا ايهاب؟
ايهاب: معلش يا حبيبتي تعبان شوية.
نازلي: طب اجيلك؟
ايهاب: لا لا، مش عايز حد يتكلم عليكي كلمة وحشة.
نازلي: طب انت كويس طيب؟
ايهاب: اه يا روحي. المهم انتي خلي بالك من نفسك و متكلميش ولاد فاهمة.
نازلي(بحب): حاضر يا حبيبي. بحبك.
ايهاب: طيب. ابقي طمنيني لما توصلي.
نازلي: تمام يا حبيبي انا هروح علطول اساسا اليوم من غيرك ملهوش لازمة...
ايهاب: طيب يا حبي. بحبك.
نازلي: و انا كمان...
نازلي رجعت تاني البيت...
عند حياة.
ليث رجع من غير فهد و لا فريد.
صفاء: اومال فين فهد يا ليث؟
ليث: لا قررت اجي اتغدي معاكوا النهاردة في البيت.
تالا: طيب.
ليث: طب يلا جهزوا السفرة.
حياة: عن اذنك مدام صفاء هطلع اعمل مكالمة...
حياة طلعت اوضة مدام صفاء و طلعت تليفونها و اتصلت بفردوس.
الخط اتفتح.
حياة: ازيك؟
فردوس: الحمد لله.
حياة: بقولك انا نسيت اوديكي الفلوس تمام. خليكي بقي النهاردة.
فردوس: انا اساسا مش قادرة انزل.
حياة(بقلق): انتي كويسة؟
فردوس: اه يا روحي بس علشان منمتش.
حياة: طيب. نازلي رجعت؟
فردوس: اه و بتأخد دوش و بتغني.
حياة: غبية.
حياة: طب و نعمان.
فردوس: حابس نفسه في اوضته...
حياة: طيب. خلي بالك منه. خلوا بالكوا من بعض.
حياة: متخليش حور تنزل.
فردوس: حااااااضر، خلي انتي بالك بقي من نفسك.
حياة: طيب. باي.
حياة لسة هتلف لقت ليث وراها بالظبط.
حياة اتخضت و شهقت.
ليث كان واقف و حاطط ايديه في جيبه و باصص لحياة.
ليث(ببرود): احب اسمع ردك.
حياة كان هتسيبه و تمشي بس ليث مسك دراعها و رجعها بحيث تكون واقفة جمبه بالظبط...
حياة: سيب ايدي.
ليث: ردك؟
حياة: لسة مفكرتش.
ليث: اممممم تصدقي صعبتي عليا.
ليث(بحدة): انطقي.
حياة: قولتلك لسة مفكرتش يعني لسة مخدتش قرار.
ليث: و انا مش هصبر، بس تصدقي بيقولوا السجن للرجالة برضو.
ليث: خلاص روحي.
حياة: هتعمل ايه؟
ليث: فلوسي الصراحة كدة راحت علي الفاضي. يرضيكي؟
ليث طلع تليفونه و لسة بيفتحه.
حياة: موافقة.
ليث(ببرود و استهبال): موافقة ايه؟
حياة: موافقة علي اللي انت عرضته عليا.
ليث: اللي هو؟
حياة غمضت عنيها و فتحتهم و خدت نفس عميق و طلعته براحة و بصت ل ليث...
حياة(هدوء): موافقة اتجوزك.
ليث: بكرة كتب الكتاب.
حياة: بدري اوي.
ليث: بكرة كتب الكتاب، هأجي بكرة انا و المأذون و الشهود تكوني مجهزة شنطتك و قايلة لاخواتك...
حياة: طيب بس عندي شروط.
ليث: مبحبش الشروط اسمها طلب.
حياة: عندي كام طلب.
ليث: احب اسمعهم.
حياة: بعد ما تطلقني انا مش هشتغل عندك تاني فبالتالي مش هكون مضطرة ادفع المليون جنيه، و طول فترة جوازي منك سواء يوم او عشرة تتكفل بكل مصاريف اخواتي، و تخلي بالك منهم. و تسيبني ازورهم. و ايا كانت الفترة اللي هقضيها هنا هروح شغلي.
ليث: مبدأيا انا هأخد منك حاجة و هطلقك يعني متفتكريش انك هطولي.
ليث ساب حياة و مشي. و حياة مش قادرة تفكر حتي. و كانت متعصبة من كلامه.
حياة نزلت و خبطت في تالا.
حياة: آسفة.
تالا: و لا يهمك يا روحي.
صفاء: تعالي يا بنتي. اقعدي
حياة: تمام.
-في مكان تاني...
في الشركة.
فريد: هو في ايه؟
فهد: معرفش. ليث بيخطط لحاجة.
فريد: معرفش. بس تفكيره دلوقتي ايه؟
فهد: ما انا معرفش الله.
فريد: طيب متزعقش.
فهد: ربنا يهديه.
فريد: انا ماشي.
فهد: رايح فين؟
فريد: اخوك قالي اعدي عليه ورق الشغل.
فهد: طيب. باي.
فريد: باي.
-في مكان تاني.
عند فتون.
فتون: اخبارك يا عريس؟
احمد: انا لسة اتجوزت.
فتون: طيب. اخبار الشغل ايه؟
احمد: وحش من غير حياة.
فتون: معلش معلش. هي برضو محتاجة كل قرش زيادة. ربنا معاها.
احمد: يا رب.
ممرضة(بزعيق): الحقونا، في حالة خطيرة جاية.
احمد: في ايه؟
مرزوق: ايه الصوت ده؟
فتون: السيخ قريب جدا من القلب...
احمد(بتوتر): هنعمل ايه؟
مرزوق(بزعيق): اتصرفوا انتوا مش دكاترة جراحة.
فتون: اتصلوا بحياة فورا.
شخص: احنا لسة هنستني ده زمانه مات.
مرزوق: اتصلوا بحياة. انجزوا.