رواية طبيبة قلبي الجزء الأول للكاتبة سلسبيل كوبك الفصل الثامن
ان في حالة حالتها حرجة جت في المستشفي...
فتون: اتصلوا بحياة...
احمد طلع تليفونه و قعد يتصل بحياة كتير.
عند حياة.
محمد: تليفونك بيرن يا حياة.
حياة: مين؟
محمد: حبيبي اتنين.
حياة: هات.
كان الكل قاعد علي السفرة و محمد نازل من اوضته.
الخط اتفتح.
حياة: اخبارك يا عريس؟
احمد(بتوتر): محتاجينك ضروري يا حياة.
حياة(بقلق): حد حصله حاجة؟
احمد: في حالة خطيرة سيخ جمب القلب مش عايزين نشيله ممكن نغرسه في القلب. و كمان النبض مش مظبوط شوية عالي و شوية بطئ...
حياة: انا جاية حالا. جهزوا اوضة العملية و اياكوا تحركوا السيخ فاهمين.
حياة قامت بسرعة و هي بتكلم احمد و كانت بتحط حاجتها في الشنطة.
حياة: اي خبطة غلط يا احمد فيها موت. جاية فورا متخافش.
حياة: عن اذنك مدام صفاء بس في حالة مستعجلة في المستشفي. عن اذنك.
محمد: هوصلك.
حياة: لا.
محمد: لا جاي.
محمد و حياة طلعوا بسرعة و حياة ركبت عربية محمد و وصفتله الطريق.
صفاء: خير يا رب؟
تالا: شكل مهنة الطب صعبة. ربنا معاها.
و بعد فترة حياة وصلت المستشفي.
حياة دخلت جري علي احمد.
حياة: جهزتوا اوضة العمليات؟
فتون: اه اه.
مرزوق: بسرعة يا حياة.
حياة دخلت جهزت نفسها و دخلت اوضة العمليات و معاها احمد و بدأوا يجروا العملية.
محمد كان واقف بره مع فتون و مرزوق و اهل المريض.
فتون: يا رب يا رب تنجح.
محمد: ان شاء الله خير متقلقيش.
فتون: مين حضرتك؟
محمد: انا ابن مدام صفاء اللي حياة بتابعها.
فتون: اه تمام.
و عدي وقت كبير علي حياة و احمد في اوضة العمليات. و بعد فترة حياة خرجت و قعدت علي اول كرسي لقته.
فتون: عملتي ايه؟
حياة(بتعب): الحمد لله.
احمد(بفرحة): انقذنا المريض.
فتون(بفرحة): الله الله.
فتون نزلت في حياة احضان و بوس.
حياة(بتعب): يا بت ابعدي مش ناقصة هي.
مرزوق: انا فخور بيكوا.
احمد: حياة هي الاولي في كل شئ.
حياة: يااااه علي الافورة. انا قايمة اغير.
حياة: معلش تعبتك معايا يا محمد.
محمد: لا و لا يهمك انا انبسطت جدا انك نجحتي.
حياة: شكرا.
محمد: هتروحي علي البيت اوصلك.
حياة: لا معرفش و احتمال فتون تيجي معايا.
محمد: هوصلكوا عادي.
مرزوق: مرتباتكوا هتزيد يا حياة انتي و احمد.
حياة(بفرحة): اخيرااااااا.
احمد(بفرحة و ضحك): حس اني هتجوز قريب.
فتون: طب و انا؟
مرزوق: ايه انتي عملتي ايه؟
فتون: مش انا اللي قولت اتصلوا بحياة و لا هو ايه بالظبط.
احمد و حياة ضحكوا عليها.
حياة: خلاص معلش يا دكتور مرزوق.
مرزوق: ربنا يسهل.
مرزوق سابهم و مشي.
فتون: عيال واطية.
احمد: نعملك ايه؟
حياة راحت غيرت هدومها و خرجت محمد وصلها هي و فتون لبيتها.
حياة: شكرا يا محمد تعبتك معاايا اسفة.
محمد: انتي اختي.
حياة: ميرسي.
فتون: يلا يا اختي. ما تروحي تبوسيه احسن...
حياة: ايه السفالة دي؟
فتون: انا مروحة.
حياة: لا استني عايزاكي.
فتون: خير؟
حياة: لا اطلعي موضوع مهم.
حياة و فتون طلعوا البيت.
حور(بفرحة): حياااااة.
حياة: قلب حياة و عقل حياة.
حياة باست حور و حضنتها.
نعمان: اخيرا جيتي وحشتيني.
حياة: مالك بترتعش ليه؟
نعمان: لا مفيش مفيش. ازيك يا فتون.
فتون: ازيك انت يا بطل.
نازلي: هاي. ايه اللي جابك؟
فتون: انتي طالعة لمين مش بتفهمي في الذوق يا بت.
فردوس: شكل حياة عايزة تقول حاجة؟
حياة: ايه ده؟ هو باين اوي كدة؟
فردوس: بتفركي في ايديك يا بيضة و كمان عيونك بتتكلم.
حياة: ايه الاحراج ده؟
حياة: طيب اقعدوا يلا...
-و الكل قعد و حياة وقفت قصادهم و غمضت عنيها و خدت نفس عميق و طلعته براحة و فتحت عنيها.
حياة: اللي هقوله مهم يعني اتمني تتقبلوا الموضوع.
نعمان: شوقتينا.
حياة(بارتباك): كتب كتابي بكرة.
الكل بصولها بصدمة و هما مش مستوعبين.
فتون(بضحك): البت دي بتعرف تقول نكت بايخة حلو اوي.
حياة(بيأس): للاسف مش نكتة حقيقة.
فتون ابتسامتها بدأت تختفي تدريجيا.
فردوس: حياة انتي تعبانة فيكي حاجة؟
نعمان: فهمينا يا حياة.
حياة(لنفسها): سامحني يا رب. هكدب.
حياة: انا بحب واحد الواحد ده ليث ابن الست اللي انا براعيها. معرفش امتي و فين حبيته بس طلع هو كمان بيحبني و هو اللي طلعك من القسم. يعني و هو مستعجل فهنعمل كتب كتاب بكرة و مش عايزة اعمل فرح يعني لكذا سبب.
نازلي: غني اكيد يا حياة.
حياة(بتنهيدة): اه يا نازلي.
نازلي(بفرحة): الف مبروك يا روحي...
حور(بعياط): يعني انتي هتسبيني و تمشي. انتي مش بتحبيني.
حور جريت علي اوضتها و قعدت تعيط.
حياة: حاولوا استوعبوا لغاية ما اروح اقنع البت دي.
حياة راحت لاوضة حور و فتحت الباب...
حور(بعياط): اطلعي بره.
حياة حضنت حور جامد و عيطت معاها...
حياة(بعياط): الموضوع صعب عليا انا كمان يا حور و الله. انا مش عايزة اسيبكوا بس ده نصيب.
حياة(بعياط): مصيري اتجوز و مصير نازلي و فردوس و انتي برضو هتتجوزي.
حياة(بعياط): انا مش هسيبك هأجي اشوفك كل فترة اوعدك. و مش هسيبك و هدخلك احسن مدارس يا روحي. اوعدك.
حور(بعياط): انتي مش هتنسيني صح؟
حياة: يا عبيطة انسي روحي ازاي بس، انا هكلمك علطول من تليفون فردوس و هأجي هنا و هبقي ابات معاكي.
حور: وعد؟
حياة: وعد.
حياة فضلت حاضنة حور لغاية ما حور نامت.
نعمان: حد مصدق؟
فتون: اختك اتهبلت يا نعمان.
فردوس: ايه يا جماعة ما احنا كنا بنتحايل عليها تتجوز من زمان و جه الوقت اهو.
نازلي: و كمان الراجل غني و محترم و طلع نعمان من القسم اهو...
نعمان: طيب، طالما حياة شيفاه مناسب يبقي خلاص.
حياة: ها موافقين صح؟
نعمان قام و حضنها.
نعمان: المهم سعادتك.
نازلي: مبروك يا احلي اخت.
فردوس: مبروك.
فتون: مبروك بس ابقي ظبطيلي اخوه.
حياة(بضحك): واطية طب و اللي سهرك ليالي.
فتون: شكله نسي...
و قعدوا يباركوا لحياة.
نعمان: اسيب بقي كلام الستات و رايح انام.
حياة: مالكوا اتلميتوا عليا ليه؟
حياة: تصبحوا علي خير.
حياة لسة هتجري نازلي مسكتها و فردوس و فتون قعدوها علي الكنبة.
فتون: امممممم. شوية في الوش.
حياة: ماله وشي؟
فردوس: شعرها.
حياة: شعري حصله ايه؟
نازلي: لازم نعملها اعادة تدوير كدة.
حياة: انتوا اتهبلتوا، سيبوكوا من الكلام ده. انا راحة انام...
فتون: امشي يا بت، متخافيش هروح اجيب هدومي و اجي ابات هنا يا اختي.
فتون: باي مش هتأخر عليكوا.
نازلي و فردوس قعدوا مع حياة و حياة مستغربة من تصرفهم و هما بيتكلموا.
فردوس: طب الفستان.
نازلي: هو مش هيجبلك فستان؟
حياة: انا قولت لا هلبس فستان من اللي عندي.
فردوس: طيب.
نازلي: نختار اشيك فستان عند البت دي.
و عدي فترة و لقوا الباب بيخبط.
نعمان(بخضة): في ايه مين اللي بيخبط كدة؟
حياة: معرفش.
فتون: افتحي يا بت.
حياة فتحت الباب لقت احمد و فتون.
حياة: يا نهارك اسود.
احمد: ايه كنتي ناوية تتجوزي من غير ما اعرف، واطية.
فردوس: ايه الشنطة اللي في ايدك دي؟
احمد: اخو العروسة عندكوا مانع.
احمد: فين اوضتك يا نعمان؟
نعمان: حبيبي.
حياة: يا ولاد المجانين.
فتون: وسعي يا اختاه. انا جيبالك ايه بقي شوية حاجات كدة ماما كانت جيباهم ليا علشان العريس يدلع.
نازلي: تعالي وريني...
احمد: لا دي حاجات ستات ملناش دعوة بيها يلا يا ابني...
حياة: استنوا هنااااا، مبدأيا هو كتب كتاب بس و هروح معاه.
نازلي: ودوني علي بيت حبيبي نعيش مع بعض فيه.
حياة: انتوا اتجننتوا؟
احمد: مع ان فتون حكت ليا بالمختصر بس يلا مش مشكلة هتنازل، عايز اشوف اللي وقع حياة.
نازلي: ده ليث بيه صاحب اكبر شركات في العالم كله.
حياة كانت بتتسحب علشان تخش اوضتها.
فتون مسكتها من هدومها.
فتون: عندك. محاولة هرب.
حياة: انتوا ليه مكبرين الموضوع ده هو كتب كتاب.
نعمان: و دخلة، يلا بقي يا احمد.
فردوس: الواد احرجك.
نعمان و احمد دخلوا اوضة نعمان.
و البنات قعدت ترقص و تهيص و حور قامت و بدأت ترقص معاهم.
فتون: و الله لتقومي.
حياة قامت غصب عنها و بدأت ترقص معاهم.
نازلي: والعة يا عم.
و حياة اندمجت معاهم و نسيت انها هتتجوز.
حور: اختي هتبقي عرووووووووسة.
حياة(لنفسها): فكرتيني ليه يا بت انتي؟
حياة(بتعب): لا تعبت. هخش انام...
فتون: طيب.
-في مكان تاني.
في بيت ليث.
كان الكل قاعد علي السفرة.
ليث: حياة مش جاية بكرة.
تالا: ليه؟
صفاء: بس هي مقالتش ليا.
محمد: هتلاقيها تعبت لانها خرجت النهاردة من اوضة العمليات اترمت علي اول كرسي قابلها.
فهد: ربنا معاها.
ليث: فهد و فريد عايزكوا بعد العشاء.
ليث: مستنيكوا في اوضة المكتب.
ليث قام و سابهم.
فريد: ماله ابنك ده يا صفصف؟
صفاء: و الله ما اعرف.
محمد: انتوا مستنين انه يأكلكوا.
فهد و فريد قاموا بسرعة وراحوا ل ليث في مكتبه.
فهد: خير؟
فريد: قلقتنا.
ليث(ببرود): بكرة الساعة 9 جهزوا نفسكوا هتجوز.
فريد(بهمس): ما تقول حاجة جديدة.
فهد: طب فيها ايه ما انت علطول بتتجوز.
ليث: انتوا اللي هتشهدوا علي عقد الجواز.
فريد: طيب.
فهد: حاجة تاني؟
ليث: لا. تقدروا تروحوا.
ليث(ببرود): محدش يطلع لسانه بره و يقول كلمة. لانه عارف غضبي فبلاش اغضب عليكوا.
فريد: طيب طيب.
فهد: يلا يا ابني ده هيقتلنا.
فهد و فريد خرجوا لقوا تالا و صفاء و محمد مستنيهم.
صفاء: ها؟
فهد: عايزينا نموت...
فهد طلع جري علي اوضته.
فريد: حذرنا اننا منقولش لحد.
تالا: عادي هنعرف اكيد.
فريد: هتعرفوا بكرة يلا باي.
فريد مشي و راح علي بيته.
-في الصباح الباكر.
حياة كانت نايمة و حست بحركة حواليها فتحت عنيها بسرعة.
حياة: انتوا بتعملوا ايه هنا؟
نازلي: بنجهز هدومك.
فتون: ايوه حطي الاسود ده.
حياة(باحراج): يا نهارك اسود انتي و هي. انتوا مجانين ايه القرف ده اللي انتوا بتحطوه.
فتون: مش عروسة انتي و لا مش عروسة.
حباة: بت منك ليها انا مش هلبس من ده ريحوا نفسكوا.
فردوس: ها يا بنات ده و لا ده؟
فتون: نخليها تقيس ده.
حياة: ايه ده؟
نازلي: فستان الفرح.
حياة: اختاروا الفستان الاسود و خلاص.
فردوس: مينفعش انتي عروسة و لازم تلبسي ابيض.
حياة: يا ستي انا راضية.
نازلي: فكك منها. حطيه مع باقي الفساتين علشان تقيس.
حياة: مين مشغل الاغاني دي؟
فردوس: احمد و نعمان مبسوطين و مشغلين اغاني.
حياة مشيت و هي بتكلم نفسها.
حياة: ايه ده هما اتجننوا؟
حياة دخلت الحمام و غسلت وشها و لسة هتخرج لقت البنات في وشها.
حياة: خير؟
فردوس: النهاردة الفرح.
حياة: مفهمتش.
نازلي: يعني خشي خدي دوش لمدة ساعة ساعتين يا روحي كدة متخرجيش من البانيو فاهمة.
حياة: ايه القرف ده؟
فتون: انتي بتحبي الماية يلا...
فتون زقت حياة و قفلت الباب.
حياة: ربنا يأخدك يا ليث.
حياة: استغفر الله العظيم مينفعش كدة.
حياة: لا بسم الله ما شاء الله بتكلم كدة في الحمام.
حياة: ايه ده ايه ده انا اتهبلت.
حياة دخلت ملت البانيو و حطت شامبو و قعدت تستجم.
حياة: و الله الماية مريحة اهدي نفسي بقي.
حياة غمضت عنيها و رجعت رأسها ورا.
و بعد فترة سمعت صوت خبط علي الباب.
حياة: امممممم خير؟
فتون: هتباتي يا بت في الحمام بقالك 3 ساعات.
حياة: اوف طيب قايمة.
حياة لبست اي حاجة بسرعة و خرجت جري علي اوضتها...
حياة بدأت تنشف جسمها و لبست بنطلون و تي شيرت بيتي و خرجت للباقي بره.
نازلي: نعم يا اختي.
حياة(بفزع): ايه الله يخرب بيتك...
فردوس: ايه يا حياة انتي كدة هتتأخري؟
حياة: في ايه ها في ايه؟ ما لسة فاضل 3 ساعات.
احمد(بضحك): ياااه لو تلبسي كدة قدام المأذون هيقول طفلة بتتجوز.
حياة: اخرس يا لطيف.
فتون: تعالي قيسي الفساتين.
حياة بدأت تقيس الفساتين.
نازلي: لفي كدة.
حياة(بملل): اهوو.
فتون: لا لا. جربي ده.
حياة(بزهق): الصبر يا رب.
حياة لبست و هي بتحاولي تداري جسمها.
حياة: لا طبعا مستحيل البس ده.
نازلي: ليه بس ما حلو و جميل. و ياما لبستي زي ده.
حياة: و النهاردة بالذات مش هلبس ده...
فتون: يا بت وسعي ايدك نقييم.
حياة: علي جثتي ليث يشوفني لابسة الفستان ده.
فردوس: ايه المشكلة في ليث ما انتي لبستي زي ده قبل كدة.
حياة: ابدا اتصرفوا...
فتون: مفيش غير ده بس كدة.
فردوس: ايوه مفيش فساتين تاني.
حياة: ما اهو جمبكم في فساتين انا لسة مجربتهاش.
نازلي: لا مفيش هو ده و دخل دماغنا و هتلبسيه.
حياة: ده عريان يا نازلي.
فتون: ما طويل اهو و محترم.
حياة: ده محترم يا شيخة اتقي الله...
حياة: بصوا انا هتحجب. يلا انا ماشية.
نازلي: تعالي بس يا جميل.
فتون: يا حبيبتي ده هيبقي جوزك يعني عادي يعني.
حياة: طب طب ما المأذون مش جوزي ها يعني مش لازم البس كدة قدامه يعني مش عادي. انسوا.
فردوس: حياة انتي مشكلتك ليث. مش مشكلتك الباقي انتي بس بتتكسفي منه و هتتعودي متخافيش. و كمان انتي لبستي فستان زي ده قبل كدة يعني عادي.
فتون: امتي ده؟
حياة: هو ده وقته.
نازلي: ده جميل اوي.
فردوس: هنسيب شعرها.
فتون: الصندل و لا الجذمة.
نازلي: لا هي طويلة بلاش كعب عالي خليها تلبس كعب واطي بس صندل.
فتون: اه عندك حق.
فردوس: و جهزنا هدومها. كدة فاضل بقي نظبطها للعريس.
حياة: طب هنام ساعتين طب.
نازلي: لا طبعا يلا.
-و البنات بدأت تجهز حياة تحت ملل و زهق حياة من الموضوع...
-في مكان تاني...
عند ليث.
ليث: هروح الشقة هلبس.
فريد(برفعة حاجب): طيب.
ليث(ببرود): متبصليش.
ليث ساب فريد و راح علي شقته.
فريد جري راح علي فهد.
فهد: في ايه يا ابني؟
فريد: شفت ليث قبل كدة بيظبط نفسه قبل ما يتجوز؟
فهد: لا.
فريد: البيه رايح الشقة يلبس.
فهد: و النبي، هتلاقيه مثلا بيغير من الروتين يعني.
فريد: طب يلا نلبس و نروح ليه.
فهد: هظبط الحراسة الاول.
فريد: طيب. يلا.
عند ليث.
ليث وصل لعمارته و طلع لشقته دخل اوضته و دخل الحمام قعد استحمي في البانيو و ريح اعصابه شوية. و بعدها قام و بدأ يلبس بدلته...
ليث لبس بدلة باللون الاسود اغلي ماركة و لبس قميص باللون الابيض و حزام جلد باللون الاسود. و بدأ يلبس جذمته اللي بتلمع و لبس ساعته و سرح شعره و حط البرفيوم بتاعه.
ليث بص لنفسه في المراية و وقف بغرور.
ليث نزل لقي فريد و فهد مستنينه كانوا لابسين شيك.
فريد: تحب تركب عربية لوحدك و لا؟
ليث: و انا راجع.
فريد: تمام اتفضل.
ليث و فهد ركبوا في العربية من ورا و فريد و السواق قدام.
فهد: ايه سر الشياكة؟
ليث(ببرود): من امتي و انا مش شيك يا فهد؟
فريد: مغرور و بارد.
ليث: بتقول حاجة يا فريد؟
فريد: لا طبعا انا اقدر.
و بعد فترة لقوا السواق وقف.
فريد: جاي هنا ليه؟
ليث: انزل جيب بوكيه باسمي.
فهد و فريد بصوا لبعض بصدمة.
ليث: يلا.
فريد نزل بسرعة و جاب بوكيه ورد شيك جدا باللون الابيض...
فريد: خد.
و فريد ركب و بعد فترة لقوا السواق وقف تاني.
فهد: خير؟
ليث: انزل جيب شيكولاتة موصي عليها.
فريد: هي مين العروسة؟
ليث: قربنا نوصل يا فريد.
فهد: انجز.
فريد نزل و جاب علبة شيكولاتة و وداها ل ليث.
و بعد فترة وقفوا العربية.
فريد: الصبر ايه تاني؟
ليث: الدبل.
فهد(فرحة): انت قررت خلاص تتجوز و تستقر؟
ليث(ببرود): ابدا. انجز يا فريد.
فريد بصله بخيبة امل و راح جاب الدبل و وداها ل ليث، و ركب و السواق كمل مشي.
و بعد فترة وصلوا لبيت حياة.
فريد: حاسس اني اعرف البيت ده.
ليث: يلا...
ليث حط الدبل في جيب الجاكت. و مسك بوكيه الورد و في ايديه الشيكولاته...
ليث طلع بكل وقار و هدوء، و فهد و فريد وراه مش فاهمين اي حاجة.
عند الباقي فوق.
ليث رن الجرس و لقي بنت صغيرة هي اللي فتحت.
فريد(بهمس و ضحك): هي دي العروسة؟
حور: افندم؟
احمد: عيب تتعاملي كدة يا حور.
احمد: شكلك انت العريس؟
ليث(بابتسامة مصطنعة): اه.
حور(بغضب): ده اللي هيأخد مني حياة.
فهد(لنفسه): لا لا اكيد مش حياة اللي جت في بالك يا فهد...
احمد: اتفضل اتفضل.
ليث و فريد و فهد دخلوا و قعدوا علي الكنبة.
فتون: مين يا احمد؟
احمد: ليث بيه.
فريد(بصدمة لنفسه): العب...
فتون كانت شايفة فريد بس.
فتون(بصدمة): هو ده يا احمد؟
فريد(بسرعة): لا لا مش انا ده صاحبي. العريس اسمه ليث انا فريد.
فتون شافت ليث و فهد.
فتون: تمام اهلا و سهلا.
حياة(بصريخ): فتوووووون تعالي هنا.
فتون: البت اتجننت.
نعمان: في ايه؟
فتون(بضحك): بنعذبها.
نعمان: اه يا فتون انتي مشكلة.
فتون: لو مش عجبك طلقني طلقني.
احمد: امشي يا بايرة...
فتون: لينا بيت يلمنا يا فوزي.
نعمان: اهلا اهلا، مين فيكوا ليث؟
نعمان: اكيد انت انا شوفتك.
ليث: اه.
نعمان: اهلا و سهلا.
كان الكل سامع صوت حياة.
حياة: احلمي يا ماما انا مش هلبس انا القرف ده.
حياة: انتوا اتجننتوا يععععععععع...
و البنات كانوا بيضحكوا علي حياة.
فتون: العريس بره.
نازلي: بجد يعني اطلع اشوف.
احمد: فردوس تعالي.
فردوس: مبحبش الصوت عالي يا زفت انت.
فهد: احم هو انت ايه موقعك من العائلة.
نعمان: ده اخونا الكبير...
احمد: صاحبي يا صاحبي.
نعمان: يا سيد الناس.
فريد بص لفهد و هما فاهمين نظرات بعض. انها ممكن تكون حياة.
نازلي: يلا يا عروسة.
حياة: طب ما جيبوا المأذون و امضي و يأخد بعضه و يمشي.
نازلي: يا بت يا هبلة.
بره.
فردوس: اتفضلوا.
فهد لمس ايد فردوس غصب عنه.
فردوس(بعصبية): انت اتجننت.
نعمان: خلاص يا فردوس الراجل مكنش يقصد.
فردوس حطت ايديها علي ودانها تحت نظر الكل.
احمد: تعالي معايا.
نعمان: عن اذنكوا اسفين.
احمد: هشششش اهدي غصب عنه اهدي.
فردوس(بدموع): انا مكنش قصدي.
احمد: خلاص اهدي مكنش قصده و لا انتي كان قصدك.
فردوس: طيب.
فتون: جاهزين؟
الكل بص لفتون باهتمام.
نازلي: تعالي.
حياة دخلت و هي موطية رأسها و قلقانة و خايفة و متوترة و محرجة.
ليث غصب عنه اتكتم انفاسه بس اتعصب من اللي حياة لابساه.
حياة كانت لابسة فستان باللون الابيض طويل بحمالة متوسطة العرض علي الكتف و نازل بعلامة سبعة و مبين بياض جمسها و مبين بطنها و الضهر برضو كان نفس العلامة برقم سبعة و ضهرها باين. و من اول الخصر نازل بوسع بسيط جميل و عليه فراشات صغيرة باللون الاسود و لبست صندل اسود بكعب بسيط. و لبست سلسلة رقيقة و صغيرة في رقبتها حلقين جمال و لمت شعرها لفوق بشكل جميل و منزلة كام خصلة من شعرها و حاطة روچ باللون الاحمر الغامق و كحل محدد عنيها.
-بصوا كانت قمررررررر????...
نازلي(بفرحة): اتفضل يا عريس...
فهد(بصدمة لنفسه): دي هي.
فريد(لنفسها و بصدمة): ملقتش غير دي يا ليث. اه يا رزل. حرام عليك.
-ليث مسك ايد حياة و داس عليها جامد حياة رفعت رأسها و اتقابلت عيون بعض و بدأ يقلل من قوة مسكته تدريجيا.
احمد: اتفضلوا اقعدوا.
حياة قعدت جمب ليث.
ليث: اتفضلي.
حياة(بخفوت): شكرا.
حياة مسكت بوكيه الورد و قعدت تبص فيه و باصه للارض.
نعمان: في ايه يا بنتي هتموتي من كتر الاحراج.
حياة(لنفسها): مش وقتك يا زفت يا نعمان.
حياة(بتوتر): ها؟
فتون(بضحك): الف مبروك يا اختي.
فردوس: مبروك يا حياة...
نازلي: مبروك يا عروستنا الحلوة.
حور: مبروك يا حياة...
فريد: مبروك.
فهد: مبروك.
حياة(بخجل و احراج): الله يبارك فيكوا...
احمد: ايه ده حياة طلعت بتتحرج زي الناس.
حياة: ليه حد قالك معنديش دم و لا معنديش دم.
احمد: شوفتي انا الوحيد اللي بطلعك من مود الاحراج.
حياة: متشكرين يا معلم.
ليث حاوط خصر حياة بايده و ضغط عليه جامد. و حياة بصتله بغضب.
ليث: طيب المأذون شوفه فين يا فريد.
فريد: طيب.
نعمان: بس انتوا ازاي حبيتوا بعض بسرعة كدة؟
-ليث بصله بعدم فهد و بعدين فهم ان حياة قالتلهم انهم بيحبوا بعض. و بص لحياة لقاها بتبصله برجاء.
ليث: قدر.
فريد: تحت البيت.
فهد: طب خليه يطلع.
فريد: خلاص طلع.
الباب خبط. نعمان فتح الباب.
نعمان: اتفضل...
المأذون: بسم الله. السلام عليكم.
الكل: و عليكم السلام و رحمة الله و بركاته.
المأذون: اين العريس؟
ليث(ببرود): انا.
المأذون: و العروسة؟
حياة(بتوتر): انا.
المأذون: وكيل العروسة؟
احمد: حياة والدهاوو والدتها ميتين.
المأذون: عمها خالها اي حد من عائلتها.
نعمان: انا اخوها بس عندي 16 سنك ينفع اكون وكيلها...
المأذون: لا.
ليث: يبقي احمد يعتبر اخوها ينفع يكون وكيلها.
المأذون: وريني بطاقتك.
احمد طلع بطاقته و وداها للمأذون.
المأذون: طيب ينفع.
المأذون: الشهود.
فريد و فهد: احنا.
المأذون: فلنتوكل علي الله.
المأذون بدأ يكتب البيانات.
المأذون: امضي يا عريس.
ليث مسك الدفتر و مضي و ودي الدفتر ل حياة.
حياة بصت كتير لايده الممدودة للدفتر و للدفتر ومسكته بتردد و بدأت تمضي.
المأذون: بارك الله لكما و بارك عليكما و جمع بينكم في خير.
فتون حاولت تزغرط لكن معرفتش.
نعمان: الف مبروك يا عرسان.
و الكل قعد يبارك ل حياة و ل ليث...
فريد: الدبل.
-ليث طلع علبة الدبل و فتحها و مسك ايد حياة و بدأ يلبسها دبلته. و حياة مسكت الدبلة الفضي و لبستها ل ليث.
ليث(بهمس): لبسك ده هتتعاقبي عليه.
حياة(بهمس): بس.
و لسة هتكمل كلامها لقت حور جت قعدت بينها و بين ليث.
فتون: تعالي هنا يا حور.
حور: مرتاحة هنا.
حياة(بضحك): سيبيها سيبيها.
حور: عمو عمو.
ليث: خير؟
حور: وطي شوية هقولك حاجة.
ليث قرب من حور.
حور(بهمس): لو زعلت ابلة حياة انا هزعلك.
ليث ابتسم علي برائة حور.
ليث: طيب...
حياة(بهمس): كنتي بتقولي ايه؟
حور: كلام كبار ملكيش فيه.
حور سابت حياة بصالها بصدمة و قامت وقفت جمب الباقي.
حياة: يا واطية.
ليث: شنط حياة فين؟
فتون: جوا.
ليث: طيب فريد خلي الحراس يأخدوها...
حياة(بتوتر): هو احنا هنمشي دلوقتي.
ليث: كمان ربع ساعة كدة.
حياة(بتوتر): طيب.
فريد(بهمس): اخبارك؟
فتون: الحمد لله. اخبار جرح ايدك؟
فريد: الحمد لله بخير بسببك.
فتون: عملت واجبي.
فريد: تسلمي.
فهد: اسف انسة فردوس.
فردوس: تمام و لا يهمك...
فردوس سابته و وقفت بعيد.
و بدأت شنط حياة تنزل للعربية...
نعمان: البيب هيبقي فيه فراغ.
ليث: يلا.
حياة: طيب هسلم عليهم.
ليث: مستني.
احمد: خلي بالك من نفسك.
حياة: حاضر.
احمد باس رأس حياة. حياة راحت حضنت نازلي.
نازلي: هتوحشيني اوي.
حياة: و انتي كمان خلي بالك من نفسك، و متتبرتيش علي النعمة فاهمة.
نازلي: حاضر.
حياة: خلي بالك علي نعمان و حور و فردوس.
نازلي: حاضر حاضر.
حياة راحت حضنت فردوس.
فردوس: هتوحشينا اوي. البيب هيفضي بجد...
حياة: هبقي اجي ابات يا اختي هنا. هتوحشيني اكتر.
حياة: خلي بالك من نفسك.
فردوس: حاضر.
حياة راحت حضنت نعمان.
حياة: نعمان اوعدني انك مش هتبقي مدمن تاني و هتركز في دروسك.
نعمان: حاضر. اوعدك
حياة: بحبك. خلي بالك من نفسك و من اخواتك.
نعمان: و انتي كمان.
حياة حضنت حور جامد و باستها.
حياة: خلي بالك من نفسك و متبقيش شقية.
حور: حاضر.
حياة: و نامي جمب فردوس.
حور: حاضر.
حياة: و متنزليش الشارع كتير...
حور: حاضر.
فتون(بدموع): هتوحشيني يا بت.
حياة حضنت فتون و فتون قعدت تبوس فيها.
حياة: يا بت اتعدلي.
فتون: بحبك.
حياة: و انا كمان. خلي بالك من نفسك و سلميلي علي مامتك وباباكي لما يرجعوا...
فتون: حاضر.
ليث: يلا.
حياة: هتوحشوني. باي.
فريد فتح الباب و شاور لفتون بمعني باي. فريد و فهد اول ناس نزلوا.
ليث: خليكوا مش لازم تتعبوا.
حياة لسة هتمشي لقت ليث شالها بين ايديه بسرعة.
حياة(بصدمة): ايه ده؟
ليث: ايه يا حبيبتي؟
حياة لاحظت وجود اخواتها فسكتت و حاوطت رقبة ليث بأيديها...
ليث نزل بيها كام سلمة و قال.
ليث(ببرود): اهلا بيكي في الجحيم يا حياة...