قصص و روايات - قصص رومانسية :

رواية طبيبة قلبي الجزء الأول للكاتبة سلسبيل كوبك الفصل السادس والثلاثون

رواية طبيبة قلبي الجزء الأول للكاتبة سلسبيل كوبك الفصل السادس والثلاثون

رواية طبيبة قلبي الجزء الأول للكاتبة سلسبيل كوبك الفصل السادس والثلاثون

الكل بدأ يوقع علي الاوراق و مبسوطين. و شغلوا موسيقي تناسب الحفلة.
و الكل صقف علي إتمام الصفقة.
ليث(بهمس لعاصم و نعيم): مبروك علي الخسارة.
عاصم ونعيم بصوا لبعض بأستغراب.
ليث(بضحك): في ايه يا جماعة بهزر معاكوا.
نعيم(بضحكة باهتة): انا خفت. بس طالما هزار ده كويس.
ليث: فريد نادي حياة.
فريد: حاضر.
فريد: حياة.
حياة: نعم.
فريد: ليث عايزك.
حياة راحت ل ليث و لقته مسكها من خصرها و قربها منه...

ليث: احب اعرفكوا حياة مراتي و بنت اخوك يا نعيم بيه...
نعيم بصله و بص لحياة بصدمة.
عاصم(لنفسه): و اللعنة كانت عارفة اني بكدب عليها.
نعيم(بحدة): انت متقدرش تثبت ده.
ليث(بهدوء): في ايه يا نعيم بيه؟ هو انت عملت حاجة و مخبيها عن الناس.
نعيم(بعصبية): لا طبعا.
ليث: طيب كل اللي حصل ان حق حياة اللي انتوا خدتوه رجعلها تاني.
نعيم و عاصم بصوا ليهم بصدمة اكبر. و حياة مكنتش عارفة تحدد موقفها خالص.

حياة(لنفسها): يا رب و النبي انا عارفة ليث ممكن يتهور و يقتلهم بس ارجوك لا لا. و متخليش حد يأذيه.
ليث: يعني كل الشركات و الفلوس اللي في البنك و الفيلل و العمارات و كل ما تملك اصبح ملك لحياة. و بالنسبة لفلوس مراتك برضو اصبح ملك لحياة.
Flash Back.
صفاء: ايه رأيك يا سهر هانم نعمل حفلات خيرية و مستشفيات و نشارك بعض.
سهر: هي فكرة حلوة. بس مش مجهزة اوراق او كدة.

صفاء: بصي انا كنت ناوية اشارك حد تاني بس هو اتأخر و كان متردد و انا مبحب الناس دي فالاوراق جاهزة. موافقة؟
سهر(لنفسها): دي فرصة العمر يا سهر يلا.
سهر: طيب.
و مضوا الاوراق و ودوهم ل فريد.
Back.
ليث: الموضوع بسيط اوي.
حياة(بهمس): ليث كفاية كدة.
ليث: لسة مبدأناش حياتي.
ليث: فريد خلي فهد ينزل.
فوق.
فهد: يلا انزلوا.
نازلي: ده ممكن يقتلنا.
فهد: متخافوش.

نعمان: طيب و حور مين هيراعيها دي طفلة و مش هتقدر تدافع عن نفسها لو حصل اي حاجة...
حور: لا انا كبيرة و هروح اقعد مع ادم.
-و الكل نزل و سهر خدت بالها و اتصدمت و بصت لنعيم و عاصم و لاحظت ان في حاجة من تعبيرات وشهم...
ادم: حور تعالي...
حور: حاضر.
ليث ساب حياة بس حياة مسكت ايده و بصتله برجاء و دموع.
ليث: متخافيش جاي تاني.
ليث ساب حياة و مسك المايك و بدأ يتكلم...
ليث: بعد اذنكوا الكل ينتبه ليا.

كل المعازيم بصت ل ليث بانتباه.
ليث: لو نرجع بس بالزمن لسنتين حصل انفجار او بمعني اصح حريقة ادت لانفجار فيلا اكبر رجل اعمال و اشرفهم عز الدين. البعض هنا ممكن يكون عارفه و البعض الاخر لا. بس الراجل ده عنده خمس اولاد. هنعرفهم بعدين...
ليث: بس ممكن تشوفوا الفيديو ده.
شاشة كبيرة اشتغل عليها مقطع فيديو كان بيتضمن وقت الحادث اللي في الفيلا.

الكل اتصدم و كان مدهوش و مستغرب. و حتى حياة و اخواتها كانوا مصدومين.
ليث: اعتقد دي جريمة قتل واضحة. واجبار بمعني انهم اجبروا بنت عز الدين الكبيرة و اللي كان مكتوب ليها كل الورث علي انها تتنازل. بس لسوء حظهم انهم قدروا يهربوا و يعيشوا بعيد عنهم...
ليث: اعتقد الفيديو ده دليل كافي بس زيادة تأكد.
ليث: فهد جيبها.
فهد دخل القصر جاب واحدة الكل كان باصص استغراب و نعيم و سهر و عاصم بصدمة.

ليث: دي مدام سهير كانت بتشتغل في بيت نعيم بيه. و هي هتحكي ليكوا اللي سمعته...
سهير(بخوف و تردد): انا مرة كنت بنضف في مكان قريب من المكان اللي هما قاعدين فيه. و سمعتهم بيتكلموا عن الموضوع ده و انهم قتلوا و كانوا بيقولوا مستحيل حد منهم يبقي لسة عايش. بس هو ده اللي حصل.
ليث: دليل تاني اهو.

ليث: دلوقتي احب اقول ان حق اولاد عز الدين رجع ليهم و هما دلوقتي اصبحوا المسئولين عن كل الشركات اللي كانوا بيملكوها عائلة نعيم بيه.
ليث: اتفضلوا.
و الكل لقي حراس كتيرة و ظباط دخلت و مسكوا نعيم و عاصم و سهر...
سهر: سيبوني معملتش حاجة اتكلم يا نعيم.
ليث: عايز اقول حاجة تانية.
الكل سكت و منتظرين كلام ليث...
ليث: احب اعرفكوا علي مراتي و حبيبتي مرات الليث، حياة عز الدين.

ليث مد ايده ل حياة و حياة قربت منه ومسكت في ايده و عيونها مدمعة.
ليث: مش عايز اشوف اي دمعة في عيونك دي حتى لو دموع الفرح.
حياة: بس انا كنت خايفة عليك.
ليث: بحبك.
ليث حضن حياة و باس رأسها و الكل صقف ليهم.
نعيم(بزعيق): ابعدوا عني انا معملتش حاجة انا برئ دول كدابين.
ظابط: اي حاجة عايز تقولها قولها في النيابة. يلا
سهر: دي دي هي زي امها بتكرهني و الله سيبوني.

الظباط خدت نعيم و سهر. و عاصم كان مصدوم و مش بيتحرك.
ليث: خلاص رجالتي هتجيبه...
ليث: الحفلة انتهت. و شكرا ليكوا كلكوا.
كل رجالة الاعمال و الناس بدأت تمشي و هما مصدومين من اللي حصل و اتبقت كل العائلة بس.
مامت كريم(في نفسها): يعني طلعت غنية و عندها فلوس مش بطال حاجة حلوة.
فتون(بصدمة): الحيوانة طلعت بنت اكبر رجل اعمال و مقالتش ليا.
حاتم: ده بدل ما تقولي انها عانت كتير...
تالا: صعبوا عليا اوي و الله...

كريم: نازلي.
نازلي(بدموع): نعم.
كريم: بحبك و هفضل احبك لاخر نفس في حياتي.
كريم حضن نازلي جامد.
نعمان: ايه يا عم الحنين اختي برضو.
حنين(بخفوت): نعمان.
نعمان: هو انا بيتهيألي و لا بحلم.
نعمان لف لقي حنين قدامه من غير اي مقدمات حضنها و لف بيها...
كريم: اختي.
نعمان: غور ياض من هنا...
هند: ربنا عوضهم خير الحمد لله.
محمد: و علشان كدة بتعرف تسوق و تعوم و ركب خيل.
ادم: محكتيش ليا ليه؟

حور: لان حياة خلتنا نوعد بعض محدش يحكي لاي مخلوق و كمان كنت صغيرة اوي.
ادم: طيب.
ادهم: يااااه عصافير الحب...
ليث: شكلهم حلو...
حياة: ايوه حلو اوي.
ليث: عقبال ما دماغك دي تتعدل.
حياة(برفعة حاجب): تتعدل اه ان شاء الله في المشمش ابعد عني.
فريد: ليث ده هنعمل فيه ايه.
ليث ساب حياة و قرب من عاصم و قعد يضرب فيه بكل غل و غضب لغاية ما عاصم وشه اتشوه و جسمه اتكسر...
فريد: خلاص الواد مات يا ابني ابعد عنه...

فهد: خدوه.
الحراس شالت عاصم و ودوه للقسم.
فهد: احم طب ايه؟
محمد: ايه؟
حاتم: استاذ ليث...
ليث: خير؟
حاتم: انا طالب ايد الانسه تالا من حضرتك...
الكل بصوا لحاتم بصدمة حتى والده و والدته.
ليث: موافقة يا تالا؟
تالا(بخجل و خفوت): اللي تشوفه.
ليث: طيب يبقي مش موافقة.
تالا(بسرعة): لا موافقة.
الكل ضحك علي تالا و تصرفها.
ليث: طيب. طالما الخطوبة اتأخرت و شايف ان الكل مستعجل. هتبقي كتب كتاب وبعدها بشهر فرح.

الكل قعد فرح و يهيص و يضحك...
حياة: مبروووووووك.
حاتم: اه يا حيوانة طلعتي مخبية السر ده كله.
فتون: انا عايزة افرمك بس بقول زي صاحبتي برضو.
حياة: حياتي حياتي.
فهد(بهمس): بحبك.
فردوس: روح نام. مستحيل اقولهالك.
فهد: هتقوليها بس لما يجي وقتها. باي.
ليث: طيب كل واحد يأخد حبيبته يخرجوا في مطعم.
حياة: طيب تصبحوا علي خير.
ليث شد حياة و مشاها وراه و ركبها العربية.
ليث: الواحد غلطان انه يكلمك اساسا.

حياة: نيينيينيينيينيينييني...
صفاء: طب تعالوا احنا نقعد جوا.
هند: عندك حق.
محمد: خدني معاك يا عمو مأمون.
مأمون: تعالي.
-فهد خد فردوس و مشي.
-كريم حد نازلي و مشي.
-حاتم خد تالا و مشي.
-فريد خد فتون و مشي.
و الباقي قعد يتكلم مع التاني في القصر.
في عربية فريد.
فريد: عايزة تروحي مكان معين و لا علي مزاجي؟
فتون: تعالي نروح دريم بارك.
فريد: جنابك عارفة الساعة كام؟
فتون: اوف طيب تعالي نروح مطعم او اي حاجة.
فريد: طيب.

-فريد ساق و راح لمطعم شيك و فتح باب العربية لفتون و نزلوا قعدوا يتكلموا و طلبوا عشاء.
في عربية حاتم.
حاتم(بغمزة): يعني وافقتي؟
تالا(بخجل): سوق و انت ساكت لاما متتكلمش.
حاتم: يا واد يا خجول انت.
تالا: هتوديني فين؟
حاتم: جنينة مطعم ايه و بتاع ايه جنينة كدة فاضية علشان اعرف اتكلم براحتي.
تالا: طيب.
-حاتم ساق و راح لجنينة عامة و نزل تالا و قعدوا اتكلموا و افتكروا ايام الجامعة.
في عربية فهد.

فهد: ها يا ستي تحبي تروحي فين؟
فردوس: تعالي نروح نأكل كريب.
فهد: متأكدة؟
فردوس: ايوه.
فهد: طيب تعرفي محل معين و لا علي مزاجي.
فردوس: لا اعرف. سوق انت بس و انا هقولك.
-بعد فترة وصلوا و نزلوا و كلوا كريب.
في عربية كريم.
كريم: مش هحاسبك علي كدبك عليا بس ماشي يا نازلي.
نازلي: لا بص انا اساسا مكنتش اعرف. و الله احنا اتفأجنا حياة هي بس اللي كانت تعرف.
كريم: طيب.
نازلي: خلاص بقي متزعلش و النبي.

كريم: مش زعلان يا حبيبتي. بس بعد كدة اي حاجة تحصل لازم تقوليلي عليها.
نازلي: عيوني.
كريم: انزلي.
-كريم و نازلي راحوا لنادي ليلي و كان في موسيقي و قعدوا يرقصوا و يهزروا.
في عربية ليث و حياة.
ليث: ساكتة ليه؟
حياة(بقرف): و اتكلم معاك ليه؟
ليث: مالك؟
حياة(بقرف): و انت مالك بمالي؟
ليث(بنفاذ صبر): حياة.
حياة(بقرف): خير؟
ليث(بيحاول يكون هادئ): حياة حبيبتي لو في حاجة احكيها نعرف نحلها سوا.
حياة: ليث انا فكرت.

ليث: في ايه؟
حياة: اذا كان هنكمل حياتنا مع بعض و لا لا.
ليث(بحذر): و قررتي ايه؟
ليث(لنفسه): حرام عليكي محسساني اني منتظر نتيجة الثانوية العامة.
حياة: مش عايزة اكمل حياتي معاك.
ليث سكت و وقف العربية بسرعة.
حياة(بوجع): آآه حاسب.
ليث: يعني ايه مش عايزة نكمل حياتنا مع بعض؟ و كل اللي عملته و اتغيرت علشانك ده ايه؟
حياة: المفروض لما تتغير تتغير لانك عايز تتغير من جواك فعلا. اعتبرني كنت مسئولة اني اغيرك.

ليث(بحدة): ده اخر كلام عندك؟
حياة: ايوه.
ليث(بجمود): انزلي.
حياة: نعم هتسيب مراتك في نص الشارع بليل كدة.
ليث(بجمود): انتي اللي مختارة كدة.
حياة: و انا مش نازلة.
ليث: سايبهالك.
ليث خد حاجته و نزل من العربية و مشي. حياة بصت في آثره.
ليث كان ماشي بكل غضب لقي حد بحضنه من ضهره.
ليث: عايزة ايه؟
حياة لفت و وقفت قدامه و حضنته جامد و دفنت وشها في رقبته.
حياة: بحبك.
ليث: بت انتي بمية حال.
حياة(بضحك): كنت بستعبط.

حياة(بحب): انا مستحيل اسيب واحد اتغير علشاني و بيحبني بجد و جابلي حقي و اتخلي عن شغله اللي هو حياته علشان يخليني ارجع ليه.
حياة: بحبك يا ليث. للاسف انت قدري.
-ليث شال حياة و لف بيها كتير وقرب منها و باسها علي خدها.
ليث: بحبك يا مجنونة.
حياة: هنروح فين دلوقتي؟
ليث: انتي عايزة تروحي فين؟
حياة: بس مش هتزعل مني.
ليث: ليه هو مكان عيب؟
حياة: الصراحة عايزة انام مش قادرة اخرج النهاردة.
ليث: طيب يلا تعالي معايا.

ليث مسك ايد حياة و ركبها العربية و لف ركب جمبها. ليث لقي حياة طلعت علي رجله و حضنته.
حياة(بنوم): سوري بس كان نفسي اعمل كدة مع حبيبي.
حياة نامت و هي علي رجل ليث و ليث كان مبسوط و بيضحك علي جنان حياة.
و بعد فترة وصلوا للبيت و ليث شال حياة و دخل القصر.
صفاء: حياة كويسة يا ابني؟
ليث: اه يا امي متخافيش.
-ليث طلع حياة اوضتهم و غير ليها هدومها و غير هدومه و نيمها و نام جمبها.

و كل ثنائي رجع القصر عائلة فتون روحت و كريم و مامته روحوا. و الباقي طلع ينام.

-في الصباح الباكر...
في اوضة حياة و ليث.
حياة صحيت من نومها و اول ما فتحت عينيها لقت ليث قاعد قدامها.
حياة(بابتسامة): صباح الخير.
ليث: صباح النور. يلا قومي يا كسولية.
حياة: طيب حاضر.
حياة قامت و قعدت نص قاعدة علي السرير و ليث خدها في حضنه.
حياة: ياااااااه علي الرومانسية.
ليث: تصدقي حلال فيكي الضرب.
حياة(بضحك): خلاص آسفة...
حياة: بحبك.
ليث: و انا كمان. يلا قومي علشان اوصلك شغلك و اروح شغلي.

حياة(بفرحة): بجد؟
ليث(بابتسامة): اه.
حياة نطت علي ليث و قعدت تبوس فيه.
حياة(بفرحة): انت احسن حد اعرفه في حياتي.
ليث(بضحك): خلاص يا مجنونة هنقع.
حياة: ميرسي ميرسي اوي بحبك.
ليث: يلا قومي البسي.
حياة: هواء.
حياة قامت جري و بعدين بصت علي هدومها و بصت ل ليث.
ليث(برفعة حاجب): ده اللي بعرف اعمله. عندك مانع؟
حياة: نينيينينينينينينينينينني.
حياة سابت ليث و دخلت الحمام خدت دوش و خرجت لقت ليث بيغير هدومه.

حياة: هبقي اجي في وقت تاني...
ليث: خلصت تعالي.
حياة: طيب. اخرج.
ليث: ماشي. بس مقولتيش ايه رأيك في قميصي؟
حياة: بره يا ليث.
ليث(بغمزة): يبقي عجبك.
ليث خرج و حياة بدأت تغير هدومها.
حياة لبست بنطلون جينز و تي شيرت بحمالة رفيعة باللون الابيض و لبست جاكت من غير اكمام و قصير و ربطت الرباط اللي فيه و لبست جذمة بيضة بكعب و سيبت شعرها و حطت روچ هادئ و اختارت شنطة يد باللون الاسود.
حياة: انا جاهزة.

ليث: طب انزلي انتي هجيب ملفاتي و اجي.
حياة: احم كنت عايزة اطلب طلب.
ليث: قولي.
حياة(بأحراج): هو دلوقتي الورث رجع ليا هو فين.
ليث: معايا يا حياة و مش هودهولك...
حياة(بأستغراب): ليه؟
ليث زق حياة علي الحيطة و بص في عيونها.
ليث: لغاية ما اتأكد انك مش هتستغلي فرصة انه معاكي فلوس و تسيبيني و تمشي...
حياة(بضحك): يا ابني افتكرتك هتخدعني زي عاصم. لا متخافش مش هسيبك هات الاوراق بقي.

ليث: هتولي شغلك انا لانك مش بتفهمي في الbusiness.
حياة: يا عم ملكش فيه هاته بس.
ليث: يعني انتي مش بتثقي فيا؟
حياة: ليث ده موضوع و ده موضوع.
ليث(بجمود): طيب يا حياة...
ليث مسك ايد حياة و راح لاوضة مكتبه اللي في الدور بتاعه و فتح الخزنة و رمي لحياة الورق علي المكتب.
ليث: أكدتي ليا انه معندكيش ثقة فيا.
ليث ساب حياة و نزل لتحت.
حياة: نينينينينيننييننينينينيني. رزل و غبي و ربي وريني بقي هتصالحني ازاي.

حياة خدت الورق في ايديها و نزلت لقت الكل قاعد علي السفرة.
فردوس: صباح الخير.
حياة: صباح النور.
حياة: هاي محمد.
محمد(بصدمة مصطنعة): حياة هانم بتسلم عليا.
حياة(بضحك): يااااه للدرجة دي كنت قاسية معاك.
حياة: بقولك فين الحالة اللي انت قولت عليها؟
محمد(بفرحة): احلفي انك هتعالجيها.
حياة: هحاول...
محمد قام و مسك دراع حياة.
محمد: يلا بينا.
حياة(بغمزة): شكلها حالة مهمة...
صفاء: طب سبها تأكل يا اهبل...

حياة(باستفزاز): لا يا طنط هأكل في المستشفي مع زياد.
ليث بصلها بغضب.
حياة(بارتباك): و فتون و لمياء و مريم.
فهد: قصدك فتون و لمياء و مريم بس...
حياة: ايوه.
نازلي: انا خلصت راحة الجامعة.
حياة: طيب.
حور: ايه اللي في ايدك ده يا حياة؟
حياة: هبقي اقولك بعدين.
محمد: بدل الكلام يلا بينا.
محمد شد حياة وراه و ركب عربيته و ركب حياة.
حياة: هتوصلني كل الاماكن اللي انا عايزاها...
محمد: عيوني.

محمد ساق بسرعة و راح ناحية محل جميلة. و دخل بسرعة.
محمد: احم انسة جميلة.
جميلة بصتله و افتكرته و عيونها دمعت.
جميلة: حضرتك عايز ايه؟
محمد: آسف و الله جدا. بس المشكلة الدكتورة كانت مسافرة و لسة راجعة اهي حياة مرات اخويا.
حياة(بابتسامة): ازيك.
جميلة(بدموع): بجد هتعالجوا ماما؟
حياة: ان شاء الله. هفحصها الاول.
حياة: محمد هيأخدك و هنروح لمامتك نجيبها و نوديها المستشفي.
جميلة(بدموع): دلوقتي بجد؟

حياة(بابتسامة): اه يا روحي يلا بينا.
جميلة: طب طب هستأذن من المديرة.
محمد: يلا بسرعة.
جميلة راحت للمديرة. و حياة بصت لمحمد بنظرة ذات مغزي.
محمد: لا لا مش اللي في بالك.
حياة: عارفة عارفة.
و التلاتة ركبوا العربية و راحوا لبيت جميلة.
جميلة(باحراج): آسفة البيت مش قد المقام.
حياة: لا يا روحي البيت بسيط اوي و ده محليه اوي.
جميلة: شكرا. ماما.
مامت جميلة: ايه يا حبيبتي؟
جميلة: الدكتورة جت تشوفك.

جميلة: دي الدكتورة حياة و ده الاستاذ محمد اللي ساعدني...
مامت جميلة: تشرفت بيكوا اهلا و سهلا بيكوا.
حياة: ازيك يا طنط اخبار حضرتك ايه؟
مامت جميلة: الحمد لله.
حياة: طيب حاليا هنأخد حضرتك نكشف عليكي في المستشفي...
مامت جميلة: طب و الفلوس؟
حياة: فلوس ايه بس؟ ده لو طلع عندك حاجة اسااسا انا شيفاكي زي الحصان. يلا بس...
جميلة: يلا يا امي.
جميلة لبست مامتها و ركبوا العربية و راحوا للمستشفي.

حياة: ازيك يا عمو صابر؟
صابر: الحمد لله يا بنتي. اتفضلي.
الكل دخل المستشفي و حياة دخلت مكتبها و دخلت مامت جميلة و جميلة.
حياة: خليك انت هنا...
حياة: اتفضلي هنا.
حياة بدأت تفحص مامت جميلة و جميلة واقفة متوترة.
حياة: بصي انا هطلب منك اشاعة لازم تعمليها و ساعتها هقرر انا ايه اللي هيحصل.
جميلة(بتردد): طب و الاشاعة دي هتتكلف كام؟
حياة(بابتسامة): لا يا روحي من غير فلوس متخافيش. انا هتصرف.
حياة: تعالوا معايا.

حياة خرجت من اوضة المكتب لقت محمد واقف.
حياة(برفعة حاجب): مش وراك جامعة؟
محمد(بتوتر): يعني علشان اوصلهم.
حياة: طيب.
حياة راحت لموظفة الاستقبال.
حياة: هاي يا عليا...
عليا: هاي دكتورة حياة.
حياة: بصي الانسة دي مامتها هتعمل اشاعة المصاريف حطيها علي حسابي انا.
نهلة(بسخرية): منين يا حسرة؟
حياة(بهدوء): سمعتيني يا عليا؟
عليا: تمام يا دكتورة.
نهلة: ايه قضيتي ليلة حلوة مع ليث بيه و وداكي فلوس.

حياة ضربت نهلة قلم علي وشها و الكل بدأ يتلم.
حياة(بغضب): احترمي نفسك مش علشان مردتش عليكي يبقي تقلي ادبك. احترمي نفسك.
حياة: زي ما قولتلك يا عليا.
حياة سابتهم و راحت لمكتبها طلعت تليفونها و اتصلت ب ليث.
حياة: اه يا حيوان مبتردش عليا.
حياة بعتت ماسدچ ل ليث انا في مصيبة.
ليث اول ما شاف الرسالة اتصل بحياة فورا.
ليث(بقلق): قولي يا حياة مالك؟
حياة: وحشتني.

ليث: لا لا بس ثانية استوعب. تصدقي يا بت انك تافهة. غوري.
حياة: استني استني. في حاجة مهمة و الله...
ليث: قولي.
حياة: دلوقتي لو عايزة اصرف من فلوسي اصرفها ازاي؟
ليث(بغضب مكتوم): اتصلي بفهد هو يفهمك.
حياة(باستفزاز): لا هروح لزياد بيفهم في الامور دي.
ليث(بغضب): حياة قسما بربي لو جبتي سيرة الزفت ده تاني علي لسانك و ربي لاقعدك من الشغل.
حياة: طب قولي بقي.
ليث: كل اموالك متحولة للبنك بأسمك انتي...

حياة: تمام اصرف منين برضو.
ليث: اوف عايزة قد ايه يعني يا حياة علشان تعملي ده كله...
حياة: تلاتة مليون جنيه او اكتر.
ليث: نعم يا اختي هتعملي بيهم ايه؟
حياة: شوبينج. باي باي خلاص مش عايزة اعرف حاجة.
حياة قامت و راحت لمكتب المدير...
حياة: هاي استاذ مرزوق.
مرزوق: ازيك يا حياة.
حياة: عامل ايه واحشني و الله.
مرزوق: اخبارك انتي...
حياة: كنت عايزة احكيلك حاجة.
مرزوق: اتفضلي.

-حياة حكت كل حاجة حصلت ليها و ان ورثها رجع ليها.
مرزوق(بفرحة): يا حبيبتي الف مبروك.
حياة: ميرسي. كنت عايزة بقي اطلب طلب.
مرزوق: قولي.
حياة: عايزة اشتري المستشفي دي.
مرزوق: بس.
حياة: عارفة بس انا عايزة اشتريها و تكون من املاكي، و حضرتك بشكرك علي حسن خدمتك و كمان شكرا لانك ساعدتني انا و اخواتي زمان.
مرزوق: طيب يا حبيبتي موافق.
حياة: طيب نتفق بقي علي كل حاجة.

-في مكان تاني...
عند فتون.
فتون: يعني طلعت بتحبها ياض يا حاتم.
حاتم(باستعباط): مين دي؟
فتون: حبيبة القلب تالا.
هند: يلا علشان الغداء.
حاتم: مروحتيش ليه المستشفي يا زفتة انتي؟
فتون: عندي شغل بليل، فريد هيجي يأخدني.
حاتم: طيب.
هند: ها يا حبيبي قررت تتجوز فين هنا معايا.
حاتم: لا بما ان يعني حياة خلاص اتجوزت و نازلي هتتجوز و فردوس هي كمان هتتجوز و اكيد مش هيسيبوا حور و نعمان، فهأجر منهم الشقة بتاعتهم.

هند: طب ما تقعد معانا يا حبيبي...
حاتم: لا يا امي. و كمان الشقة مش بعيدة.
هند: علي راحتك يا حبيبي و انت ناوي ترجع الشغل امتي؟
حاتم: في حدود يومين ان شاء الله.
فتون(بضحك): ماشي يا عاطل مؤقتا.
حاتم: يا بت هفرمك.
فتون: طاه.
حاتم: بركاتك يا حياة اتعلمت ال طاه.

-في مكان تاني.
في جامعة نازلي و كريم.
كريم: يا بت بقي خلاص آسف.
نازلي: اوف تقبلتوا...
كريم: تحبي اعزمك علي ايه؟
إيهاب: نازلي.
كريم(بغضب): عايز ايه يا حيوان انت؟
إيهاب: و ربي يا نازلي لاوريكي.
كريم: لو فضلت عايش.
كريم نزل في إيهاب ضرب لغاية ما تدخل الامن.
نازلي(بعياط): خلاص يا كريم...
كريم حضن نازلي و باس رأسها.
كريم(بهدوء): خلاص متخافيش انا معاكي.
الامن: اتفضلوا معايا.
كريم: تعالي و متخافيش...

راحوا لمدير الجامعة و جابوا حاجة تهدي نازلي.
المدير: ده تسيب انت ازاي يا حيوان انت تعتدي علي زميلك.
نازلي(بعياط): و الله ما ذنبه.
كريم: اهدي يا نازلي.
إيهاب: هو ضربني و عايز حقي.
كريم: و هو استدرج زميلته و حطلها مخدر في العصير و كان هيغتصبها لولا ان اختها لحقتها في اخر لحظة.
كريم: و كمان ده لسة خارج من الحجز النهاردة بواسطة ابوه مكنش هيخرج اسااسا.
المدير(بحدة): الكلام ده صح؟
نازلي: اه و الله.

المدير: رفض. روحوا لمحاضراتكوا يا كريم انت و نازلي.
كريم خد نازلي و خرجوا.
كريم: خلاص بقي يا حبيبتي.
نازلي: كنت خايفة نترفض.
كريم: خلاص حصل خير يا حبيبتي.
نازلي: هتأكلني بيتزا؟
كريم: يا مصلحجية. قدامي يا بت.

-في مكان تاني...
في قصر ليث.
في اوضة ادم.
الباب خبط.
ادم: ادخل.
حور: ادم.
ادم: نعم.
حور: بتعمل ايه؟
ادم: بذاكر عايزة ايه؟
حور: خلاص لما تخلص ابقي اكلمك.
ادم: لا تعالي عايزة ايه؟
حور: كنت زهقانة فهتكلم معاك.
ادم: و انتي كبيرة اسااسا؟
حور(بغيظ): اه كبيرة.
ادم: طيب يا طفلة تعالي نقعد علي اللاب.
حور: اوف طيب.
تحت.
تالا: فردوس.
فردوس: نعم.
تالا: تليفونك بيرن.
فردوس: طيب.
فردوس مسكت التليفون و ردت. الخط اتفتح.

فردوس: الو.
فهد: الو. عاملة ايه؟
فردوس: الحمد لله و انت؟
فهد: بخير بيكي. بقولك؟
فردوس: نعم.
فهد: وحشتيني.
فردوس(بخجل): شكرا.
فهد: اصرفها منين دي؟
فردوس: اوف عايز ايه بقي؟
فهد: طيب كلها يومين.
فردوس: علي ايه؟
فهد: علي كتب الكتاب يا روحي.
فردوس(بصدمة): نعم!
فهد قفل الخط بسرعة و فردوس مكنتش مصدقة...
صفاء: مالك يا بنتي؟
فردوس: ها لا مفيش عن اذنك.
صفاء: متأكدة؟
فردوس: اه اه.
فردوس مشيت لقت ادهم قاعد في الجنينة.

فردوس: اخبارك يا بطل؟
ادهم: كويس الحمد لله...
فردوس: و اخبار الدراسة؟
ادهم: ماشية. ركزي انتي في فهد.
فردوس: ظريف.

-في مكان تاني.
عند حياة.
حياة: شكرا شكرا ليك اوي يا مستر عادل و شكرا لانك خلصتني في ثواني و الله مش عارفة من غير حضرتك كنت عملت ايه؟
عادل: ده واجبي يا حياة هانم و ليا الشرف اني اتعاملت مع حضرتك.
حياة: ميرسي و في اي وقت حضرتك تحتاجني هتلاقيني.
عادل: ده العشم.
حياة: تمام هأخد دول الاول و الباقي لما يخلصوا هستني اتصال من حضرتك. في اي وقت اي وقت.
عادل: اي وقت متأكدة؟
حياة(بابتسامة): اي وقت. عن اذنك.

-حياة خرجت من المكان اللي كانت فيه و ركبت العربية.
محمد: نفسي اعرف رزعتيني هنا تلت ساعات.
حياة: يا كداب انت روحت وصلت جميلة و مامتها.
محمد: احم ايه الاحراج ده؟
حياة: اطلع علي شركة ليث اخر مشوار يلا.
محمد: طيب.
و بعد فترة محمد وصل لشركة ليث.
محمد: عايزة حاجة؟
حياة: لا و هأجي مع ليث ان شاء الله.
محمد: رزالة معلش.
حياة: اممممم.
محمد: كنتي بتعملي ايه؟
حياة: روح يا محمد روح.

-حياة دخلت الشركة و ركبت الاسانسير و طلعت لأخر دور و راحت لمكتب السكرتيرة.
حياة: لو سمحت ليث بيه جوا.
بنت: و مين انتي يا بتاعة؟
حياة: فين السكرتيرة التانية؟
بنت: و انتي مالك و بتسألي ليه؟
حياة: لو سمحت ليث بيه جوا.
بنت: اه جوا و قالي محدش يدخل و يزعجه غيري انا.
حياة(بسخرية): تصدقي صدقتك.
بنت: انتي يا بت انتي؟
حياة: ما بلاش، يا.
حياة(بسخرية): يا خدامة.
حياة: بلبسك ده محسساني اني قاعدة في ملهي ليلي او كباريه.

حياة: خشي يا بت قولي ل ليث اني بره.
بنت: ليث حاف كدة يا جاهلة انتي.
حياة: تصدقي اني غلطانة و اعتبرتك انسانة لكن طلعتي حيوانة.
حياة دخلت فجأة اوضة مكتب ليث.
بنت: انتي يا بتاعة انتي ازاي تعملي كدة اتفضلي بره...
حياة(برفعة حاجب): مش هتقولي ادخلي؟
ليث: اخرجي يا ماهي.
ماهي(بغيظ): مين دي يا ليث بيه؟
حياة(بعصبية): بت انتي ما تحلي عني شوية.
ليث(بحدة): ماهي اخرجي بره، و كمان دي مراتي.

ماهي(بخوف): آسفة يا ليث بيه و الله ما كنت اعرف.
ليث: اخرجي بره...
ماهي بصت ل حياة بغضب و حياة بصتلها ببرود.
ليث(بجمود): ايه اللي جابك يا حياة؟
حياة قربت من ليث و قعدت علي حرف المكتب...
حياة: ليث.
ليث(بجمود): خير.
حياة: انا مأكلتش و مصدعة جاية اكل معاك.
ليث: كلت مع ماهي كلي انتي.
حياة مسكت ليث من قميصه.
حياة(برفعة حاجب): نعم يا حبيبي كلت مع مين؟
ليث(بحدة): ايدك يا حياة. و عادي كلت مع السكرتيرة بتاعتي.

حياة: تصدق انك حلال فيك الضرب.
حياة: ابقي قابلني لو خليتك تأكل معايا بعد كدة. خلي ست الحسن ماهي تنفعك...
ليث: جيتي ليه؟
فهد: ليث في اوراق عايزة تتمضي.
فهد: ايه ده ازيك يا حياة.
حياة: الحمد لله...
فهد: كويس انك هنا اطلبي انتي و ليث غداء علشان ليث مأكلش.
ليث(لنفسه): ربنا يأخدك يا فهد.
ليث: سيب الاوراق و غور يا فهد...
فهد: في ايه؟
حياة(بابتسامة عريضة): مفيش باي انت يا فهد.

فهد مشي و حياة قربت من ليث و قعدت علي رجله.
حياة: آسفة.
ليث: علي؟
حياة: علشان يعني شكيت فيك.
ليث: طب قومي روحي.
حياة قامت و قفت قدام ليث.
حياة: خد.
ليث: ايه ده؟
حياة: شوف و انت تعرف.
ليث مسك اللي في ايد حياة و شافه و بعد شوية.
ليث بص ل حياة بصدمة و حياة بصتله بترقب لردة فعله.
السؤال: يا تري حياة ودت ليث ايه؟

الفصل التالي
جميع الفصول
روايات الكاتب
روايات مشابهة