رواية طبيبة قلبي الجزء الأول للكاتبة سلسبيل كوبك الفصل السادس عشر
نازلي شدت حياة من ليث و حياة بصت ل ليث بانتصار و طلعتله لسانها. ليث بصلها بحدة.
نازلي: اقدملكوا اختي الكبيرة حياة...
ناني: انتي بقي حياة اللي نازلي بتتكلم عنها.
حياة: ايوه.
ليث: مساء الخير.
ناني(بصدمة): انت!
ليث(باستغراب): افندم؟
ناني(بفرحة): انت ليث بيه؟
ناني جريت علي ليث و حضنته تحت نظرات الكل.
ليث: مين؟
ناني: انا اخت رجل الاعمال شريف صاحبك مش فاكره، كان نفسي كتير اقابلك بس مجتش فرصة.
ليث: طيب اهلا.
حياة: تحبي تقعدي هنا و لا ابعتك لمكان تقعدي فيه لمدة لا تنتهي يا روحي.
ناني: قصدك ايه؟
حياة: ررحي اقعدي يا روحي و لا حضنه ده المكان اللي هتقعدي فيه و انا مش عارفة.
ناني: و انتي مين؟
حياة: للاسف الشديد يا روحي. انا مراته.
ناني(بصدمة): انت متجوز؟
حياة: شوفتي.
كريم: احم ناني اعتقد اننا جايين علشان نازلي.
ناني: طيب.
ناني(لنفسها): انا لازم اقول ل شريف.
ليث(بهمس): ممكن افهم ايه ده؟
حياة بصت فوق تحت يمين شمال و هي بتهرب من نظرات ليث.
ليث(بهمس): متعمليش فيها مش فاهمة.
حياة(باستغراب): ايه ده هو انت بتكلمني؟ عايز ايه؟
فتون: يلا غداء.
شيري: غداء ايه كدة لا احنا هنطمن علي نازلي بس.
نازلي: لا مينفعش انا و فردوس تعبنا فيه.
نعمان: يلا بقي...
ماهر: خلاص بقي يا شيري.
حياة: يلا يا بنات نجهز الاكل، يلا.
الستات كلها راحت للمطبخ.
ناني: مطبخكوا صغير اوي.
حياة: الحمد لله.
ناني: و يا تري ليث اتجوزك ازاي؟
حياة: اعتقد شئ خاص بيا.
نازلي: خلاص بقي.
نهي: بس الاكل طعمه تحفة يا بت يا نازلي.
نازلي: حشي حشي ده انتي مخلصة علي اكل كل الناس.
نهي: حرام عليكي.
شيري: يا حرام ظلمناها يا نازلي.
حياة: خدي يا فردوس طلعي.
فردوس: طيب.
فردوس بدأت تطلع هي و فتون و حور.
حياة: هشوف ناقص ايه بره.
حياة خرجت و بدأت تظبط الاكل علي السفرة و في معلقة وقعت و وطت تجيبها.
ليث(ببرود): نزل عينك علشان متوحشكش.
ماهر نزل عينه بسرعة و هو بص غصب عنه.
نعمان: معلش بقي جوزها و بيغير.
كريم: لا و لا يهمكوا.
كريم: احم كنت عايز اتكلم في موضوع.
ليث: اتفضل.
كريم: هو انا لو عايز اطلب ايد نازلي اطلبها من مين؟
نعمان: طبعا ليث ده اخونا الكبير.
ليث اتصدم في بداية الامر و بعدين فرح من جواه.
ليث: اكيد بس الاول رأي نازلي.
كريم: خدوا وقتكوا، انا بحبها و الله من ساعة ما دخلت الجامعة و كنت بحاول اقولها بس معرفتش.
ليث: و لا يهمك. سيب رقم تليفونك و هنرد عليك في اقرب وقت.
حياة: نعمان جيبهم و تعالي يلا.
نعمان: طيب.
و الرجالة راحت علي مكان السفرة و قعدوا.
ناني: السفرة صغيرة اوي يا نازلي.
فتون(لنفسها): الصبر.
نازلي(لنفسها): انا قولت دي متجيش.
فردوس(لنفسها): هو ايه الغرور ده؟
حياة: صغيرة بس الحمد لله واخدانا و اهم حاجة الحب المتبادل ما بينا.
حياة قعدت جمب ليث و الكل بدأ يأكل.
حياة(بهمس و حدة): ليث بطل.
ليث(بعدم فهم): ابطل ايه؟
حياة(بهمس): مش انت بتلعب في رجلي؟
ليث(باستغراب): انا.
و بعدين حياة و ليث لاحظوا نظرات ناني ل ليث.
ليث(بضحك و همس): دي فكراكي انا...
حياة(بهمس): دي متربتش اساسا.
الباب خبط.
حور: حد هيقوم و لا زي كل مرة انا اللي بقوم.
فردوس: يلا يا لمضة.
حور: طيب.
حور فتحت الباب.
حور: احمد.
احمد: ازيك يا حوريتي.
حور: الحمد لله. و انت؟
احمد: احمد و انت يعني احترميني ده حتى انا اكبر من اختك.
حور: تعالي تعالي.
حياة(بفرحة): احمد بقالي كتير مشوفتكش.
احمد: شكل حماتي بتحبني.
نازلي: ازيك يا ابو حميد.
احمد: بس يا بت يا رخمة انتي سيبيني اكل.
نعمان: يا مفجوع.
احمد: طيب طيب.
فردوس: هقوم اغرفلك.
احمد: خدي قلبي يا فردوس.
فردوس: بطل طريقة حياة دي.
حياة: مالها طريقتي يا ابلة فردوس.
شيري(بضحك): انتوا عائلة مسخرة.
نهي: عندك حق و الله.
احمد: مين القمرات يعني؟
حياة: بره يا احمد...
احمد: ايتا انا بطرد.
نهي: انت مسخرة اوي انت كمان.
احمد: اصلي من العائلة.
حياة: طب اترزع سيبنا نأكل.
احمد: ازيك يا ليث.
ليث: تمام، اخبارك؟
احمد: بخير الحمد لله...
ناني: ما تبطلوا شوية...
حياة(لنفسها): حد يسبني عليها بس اقطف شعرها شعراية شعراية زي الملوخية...
ليث: طيب الحمد لله. حياة هروح الشغل و اجي اخدك بليل.
حياة: طيب.
ليث: فين الحمام؟
حياة: ثاانية تعالي معايا.
حياة ودت ليث الحمام و غسل ايده و هو خارج نشف في هدوم حياة.
حياة(بعصبية): ايه اللي انت عملته ده؟
ليث(بصدمة مصطنعة): ايه ده هو مش دي الفوطة؟
حياة: بره يا ليث بره.
ليث: ما انا خارج يا اختي.
ليث خد حاجاته و لسة هيخرج من باب البيت.
ليث: حياة.
حياة: خير انجز عايزة اقفل الباب.
ليث قرب منها بسرعة(ولخيالكوا).
ليث سابها و نزل علي السلالم جري. حياة كانت لسة في مرحلة الصدمة.
حياة: الواطي.
ماهر: مدام حياة بتكلمي نفسك.
حياة: ها لا خالص. اتفضل تحب تشرب ايه؟
ماهر: اي حاجة علي مزاجك.
حياة: تمام...
ناني: و انتي اتجوزتي ازاي ب ليث بيه يا حياة.
حياة(لنفسها): اهدي حياة، اكتر من كدة هروح اخنقها.
حياة: هي الناس بتتجوز ازاي؟
و الكل قعد يتكلم و عدي فترة كبيرة و مشيوا...
و بعد فترة الباب خبط.
حور: اهلا...
ليث: ازيك يا نعمان
نعمان: كويس.
ليث دخل و قعد علي الكنبة.
ليث: فين حياة؟ اتصلت بيها كتير.
نعمان: اه حياة نامت.
ليث(لنفسه): ماشي يا حياة.
ليث: طيب يعني طب صحيها او ايه...
نعمان: ما هي قالت لو ليث جه قوله يروح و بكرة يجي يأخدني.
ليث(بحدة): انا مش همشي الا و هي معايا يا نعمان.
نعمان: طب ما تروح تنام جمبها.
ليث كان هيعترض بس وافق.
ليث: فين اوضتها؟
نعمان: هناك اهي. باي هنام انا.
ليث دخل الاوضة لقي حياة نايمة و جمبها حور. قرب منها زق حياة شوية و نام جمبها بعد ما قلع جذمته و جاكت البدلة و القميص...
-في الصباح الباكر.
في بيت حياة.
فردوس: نعمان هي حياة روحت امبارح و لا؟
نعمان: لا ليث دخل نام معاها.
فردوس: اه طيب. نجهز فطار حلو بقي.
نعمان: براحتك انا مستني حنين هتيجي علشان اشرح ليها حاجة.
فردوس: طيب و بالمرة تفطر معانا.
نازلي(بنوم): صباح الخير.
فردوس و نعمان: صباح النور.
نازلي: هخش الحمام و اجي.
حور(بضحك): الحقوا...
نعمان: في ايه؟
حور: عمو ليث حاضن حياة جامد و هي حاطة رأسها في رقبته.
فردوس: اسكتي يا لمضة. متقوليش كدة لحد.
حور: طيب.
نازلي: في ايه؟
حور: مفيش، عايزة اكل.
فردوس: هحضر اهو.
عند حياة.
حياة كانت حاسة بانزعاج من الانفاس اللي قريبة منها.
حياة(بنوم): حور من امتي و انتي بتتنفسي بالطريقة دي؟ ابعدي عن رقبتي...
حياة(بضحك و نوم): يا بنتي بغير ابعدي عني.
ليث(بهمس): مبدأيا انا ليث. ثانيا حسابك في بيتنا يا آنسة حياة...
حياة فتحت عنيها علي اخرهم.
حياة: هو مش انا في بيتي؟
ليث: اه.
حياة: طب انت بتعمل ايه هنا؟
ليث: نايم مع مراتي. بس شكل امك معلمتكيش ان الست مينفعش تبعد عن جوزها و لو لحظة...
حياة: طب وسع بقي كدة.
حياة قامت من جمبه و ظبطت هدومها، و ليث لبس هدومه و خرجوا.
فردوس: تعالوا افطروا...
حياة لقت ليث راح قعد و بدأ يأكل و هي مصدومة منه، و بدأوا كلهم يأكلوا.
ليث: نازلي.
نازلي: نعم.
ليث: في حد متقدملك.
نازلي(بصدمة): انا.
حياة(باستغراب): مين؟
ليث: كريم صاحبك.
نازلي: كريم اللي جه امبارح؟
ليث: اه يا بنتي، فكري و ابقي قولي رأيك لنعمان و ليا.
فردوس: شكرا يا ليث بنتعبك معانا.
ليث: علي ايه انتوا اخواتي؟
حياة ضحكت جامد. و الكل بصلها باستغراب.
حياة: لا لا مفيش. مش يلا يا جوزي.
حياة قامت و مسكت شنطتها و ليث قام.
ليث: باي يا جماعة.
حياة: هتوحشوني.
حياة و ليث نزلوا و ركبوا عربيتهم. حياة طول الطريق ساكتة و ليث باصص ليها.
تليفون ليث رن، الخط اتفتح.
فريد: فهد فاق يا ليث.
ليث: اقفل جاي.
ليث: اطلع علي المستشفي.
و بعد فترة حياة و ليث وصلوا للمستشفي و وصلوا لاوضة اخوه...
فريد: فهد فاق الحمد لله.
ليث: خليكي هنا.
حياة: انا دكتورة و ممكن افحصه يعني.
حياة و ليث و فريد دخلوا.
ليث: فهد انت كويس؟
فهد(بخفوت): الحمد لله.
حياة: حمد لله بالسلامة.
الدكتور: الحمد لله فهد بيه بقي احسن و مفيش اي مضاعفات.
ليث: تمام اطلع بره.
ليث: مين عمل كدة يا فهد؟
فهد: كانوا مختفين يا ليث. مقدرتش احدد شريف و لا التاني.
ليث: فاهم فاهم، حاليا لازم نعمل حفلة رجوع.
فهد: بمعني؟
فريد: قصده هتبقي جس نبض يا فهد. شغل دماغك.
فهد: طيب. امتي؟
ليث: بكرة. يعني انت هترجع بكرة فاهمني.
فهد: ايوه.
حياة: ممكن افهم؟
ليث: لا. خلي بالك من نفسك يا بطل.
ليث خد حياة و رجعوا للبيث.
صفاء: جيتوا متأخر.
ليث: معلش، هطلع اغير هدومي و انزل هروح الشركة.
ليث طلع لاوضته.
ادهم: حياة.
حياة: نعم يا ادهم...
ادهم: احنا اتفقنا رايحين النادي النهاردة.
ادم: و الكل رايح الا ليث...
محمد: ايه رأيك؟
تالا: بليز مترفضيش.
حياة: طيب. قولوا ل ليث.
صفاء: سايبنها عليكي.
حياة: ابدا. خلوا كاميليا هي هتعرف تدلع عليه انا مالي.
تالا: بليز.
كاميليا: انتي اساسا مش واثقة في قدارتك.
حياة: ايوه انا مش هعرف اقنعه روحي انتي.
كاميليا: ماشي. و لو وافق.
حياة: انتي بتسعدي كام شخص مش انا بس، يلا.
كاميليا طلع ل ليث و حاولت تقنعه بشتي الطرق.
كاميليا(بانتصار): وافق.
الكل فرح.
ليث: انا ماشي، متتأخروش في النادي.
ليث خرج و راح علي شركته، و الكل راح يلبس...
حياة لبست شورت تلجي قصير و تي شيرت اسود ب ¾ كم و لبست كوتشي ابيض عالي نوعا ما و سيبت شعرها ورا ضهرها و حطت روچ هادئ و خدت شنطة ضهر اسود في ابيض.
حياة نزلت لقت الكل جاهز...
تالا: يا جمالو يا جمالو.
حياة: تسلمي يا روحي.
محمد: يلا يا بنات.
صفاء: يلا اخيرا.
-و ركبوا العربية محمد و ادم قدام و ادهم و صفاءو كاميليا ورا و راهم حياة و تالا...
و بعد فترة وصلوا للنادي.
محمد: تعالوا نقعد هنا...
و اختاروا ترابيزة و قعدوا عليها...
الجرسون: تشربوا ايه يا فندم؟
محمد: انا عايز قهوة مظبوط.
كاميليا: و انا عصير ليمون.
ادم: عصير جوافة.
ادهم: و انا زي ادم عصير جوافة.
تالا: هتشربي ايه يا ماما و انتي يا حياة؟
حياة: ممكن عصير فراولة.
صفاء: و انا فراولة.
تالا: و انا.
الجرسون: تمام يا فندم.
تالا: هنعمل ايه بقي؟
حياة: انا عايزة اروح اركب خيل...
محمد: بتعرفي؟
حياة: نجرب.
ادم: و انا هركب.
ادهم: و انا.
حياة: يلا بينا.
كاميليا: ادهم ادم اقعدوا هنا.
ادم: احنا كبار و مش صغيرين علشان تتحكمي فينا.
حياة: معايا تليفوني لو حصلت حاجة اتصلوا.
حياة و ادم و ادهم راحوا لمكان الخيول.
حياة: هركب الخيل الاسود ده.
ادم: انا هركب ده.
ادهم: و انا هركب ده.
و بدأوا يركبوا و ادم و ادهم اتصدموا من مهارة حياة من ركوب الخيل.
حياة: مالكوا؟
ادهم: انتي ازاي كدة؟
حياة: ازاي ايه؟
ادم: كنتي خايفة من الحسد و لا ايه؟
حياة: لا و الله. يعني هو كدة يعني...
و بدأوا هما التلاتة يتحركوا بالخيل.
ادم: كدة اتأخرنا يلا بينا نروح هناك.
و التلاتة نزلوا و رجعوا اماكنهم، و هما ماشين حياة خبطت في واحد.
حياة: آسفة.
شخص(بزعيق): انتي عامية؟
ادم(ببرود): متنساش نفسك و لف وشك و غور.
شخص(بزعيق): طبعا ما هي واحدة زيك هتجيب عيال ايه يعني؟
حياة(بعصبية): انت يا بني ادم انت عايز تتخانق و خلاص. ما حصل خير.
حياة: يلا يا ادهم يلا يا ادم.
كانوا هيمشوا بس الشخص مسك ايد حياة جامد.
ادهم: ابعد ايدك عنها انت مجنون.
حياة(بحدة): شيل ايدك الزبالة دي.
شخص: لما تعتذر الاول.
حياة لسة هتتكلم بس لقت الشخص ده مرمي علي الارض...
ادم: كويس انك جيت.
ليث(بحدة): مش مراتي اللي حد يلمسها فاهم.
شخص(بدموع): ح حا ضضر يا ببي ه(حاضر يا بيه).
ليث مسك ايد حياة جامد و رجع للترابيزة.
ليث(بعصبية): يعني لو مكنتش جيت هنا في اجتماع مكنتش هعرف انك هنا...
حياة: ما انا هنا معاهم.
ليث(بعصبية): هو مش انا قولت انتي متروحيش.
تالا(بهمس): في ايه يا ادم؟
ادم: واحد اعترض طريقنا.
حياة: مين قال كدة؟
ليث(بعصبية): هو مش انتي قولتيلها يا كاميليا؟
كاميليا(بتوتر): اه يا حبيبي و هي قالتلي سيبك منه.
صفاء: ايه الكدب ده انتي مقولتيش حاجة لحياة.
كاميليا: لا قولت.
محمد: طب حصل ايه؟
ليث(بعصبية): الهانم خرجت و جت معاكوا و انا قولت متروحش معاكوا. و لولا اني جيت هنا مع عميل كان زماني مكنتش اعرف انها جت.
ليث: ايه ده ايه ده.
حياة(بتوتر): ايه؟
ليث(بغضب): انتي كمان يا هانم لبسالي قصير.
حياة(بتوتر): ممم ما ما.
ليث(بغضب): ما ايه انجزي.
حياة(بتوتر): بص حواليك هتلاقي الكل لابس كدة.
ليث(بغضب): انا مالي هو انا متجوزهم هما.
محمد: احم احم ليث الناس بدأت تتلم علينا.
ليث(بعصبية): انت يا زفت.
حارس: نعم يا بيه.
ليث: روحي العربية و جيب الجاكت بتاعي.
حارس: حاضر.
ليث: دي اخر مرة هتخرجي فيها من البيت يا حياة.
كاميليا(لنفسها): احسن.
الكل التزم بالصمت. و حياة باصة ل ليث.
حارس: اتفضل يا بيه.
ليث مسك حياة و قربها منه و بدأ يلبسها الجاكت بغضب...
و الكل ضحك عليها.
تالا(بضحك): مش قادرة.
محمد(بضحك): منظرك فظيع لازم تشوفي نفسك.
صفاء(بضحك): حرام عليك يا ليث.
حياة بصتلهم بغيظ و بصت ل ليث بغضب.
حياة(بعصبية): الجاكت طويل واصل لرجلي و واسع اوي.
ليث(بعصبية): مش احسن من المحزق والملزق بتاعك يا هانم...
ليث مسك شنطة حياة و مسك حياة و شدها وراه.
حياة: مش ماسك حمارة انت.
ليث: بالعكس اكون ظلمت الحمارة لما اوصفها بيكي.
صفاء(بحدة): بصي يا كاميليا انا لما بسكتلك بسكت علشان ادم و ادهم، لكن المرة الجاية لو عملتي لحياة حاجة هتزعلي، فاهمة.
تالا: حرام عليكي البت عملت ايه.
ادم: يلا نروح...
و الكل ركب عربياته و مشي...
في عربية حياة و ليث.
ليث هو اللي ساق و كان ماشي بسرعة فظيعة.
حياة: اهدي شوية الله.
ليث(بغضب): و لا كلمة.
حياة: ده مش طريق البيت يا ليث.
ليث(بغضب): مش قولتلك و لا كلمة.
و عدي وقت و ليث سايق بسرعة كبيرة.
حياة(بصدمة): ليث.
ليث حاول يفرمل بس ملحقش العربية وقعت في الماية...