رواية طبيبة قلبي الجزء الأول للكاتبة سلسبيل كوبك الفصل السابع والعشرون
و اول ما ليث و حياة وقفوا و جايين يخرجوا سمعوا صوت ضرب نار.
البنات كلها صرخت...
ليث بحركة سريعة حاوط حياة بايده و خباها في حضنه، و الكل مسك في بعضه خوف.
حياة(بخفوت): حصل ايه؟
ليث(بهمس): محصلش حاجة و متخافيش طول ما انا جمبك...
حياة(بهمس): توعدني انك تحميني؟
ليث دفن رأسه في رقبة حياة و هو حاضنها.
ليث(بهمس): روحي فداكي حياتي.
حارس: يا بيه دي رصاصة طايشة.
ليث(بحدة): مين الزفت اللي عمل كدة؟
محمد: و الله حرام عليه.
حارس: ناس جديدة في الفيلا اللي قدام القصر...
فهد: خلاص حصل خير يا جماعة. المهم اننا كويسين.
ادم: حضنها حلو اوي كدة؟
ليث بص لادم و بعدين بص لحياة و بعدها عنه بسرعة.
ليث: يلا نروح للدكتورة. و كل واحد يأخد باله من نفسه.
فهد: هسبقك انا للشركة.
ليث: طيب.
محمد: خدني في طريقك عربيتي بتتصلح.
فهد: في مية عربية اشمعنا انا.
محمد: خدني معاك و انت ساكت.
نعمان: عن اذنكوا هطلع البس علشان ورايا دروس النهاردة.
ليث مسك ايد حياة و خرجوا ركبها عربيته و هو اللي ساق.
صفاء: يلا يا نازلي جامعتك و انتي يا تالا اطلعي مع فردوس اتكلموا و شوفوا اي حاجة اعملوها.
صفاء: ادم و ادهم خدوا حور و اطلعوا في الجنينة.
صفاء: دادة نور تعالي معايا.
في عربية ليث و حياة.
حياة كانت باصة في الشباك بتاعها و بتبتسم كل شوية و ليث لاحظ كدة.
ليث: مالك بتضحكي ليه؟
حياة: ها لا مفيش مفيش حاجة.
حياة(و هي بتحرك شفايفها بصمت و ابتسامة): روحي فداكي حياتي.
حياة: احم احم.
ليث: عايزة ايه؟
حياة: انا مفطرتش عايزة اكل.
ليث: طيب بعد المستشفي نروح نفطر.
حياة: تمام.
و بعد فترة وصلوا للمستشفي...
حياة(بفرحة): احمد عامل ايه؟
احمد: بخير الحمد لله و انتي؟
حياة: تمام.
احمد: ازيك يا ليث.
ليث: تمام.
حياة: في عريس ينزل الشغل كدة ليلة الفرح.
احمد: انا بعشق الشغل.
حياة: اصدقك في اي حاجة الا دي.
احمد: الزفت مرزوق قالي لا و هو اجازة اربع ايام بس.
حياة: يا عيني صعبت عليا. هتقعد مع عروستك اربع ايام بس. يعني مش خمسة و لا اسبوع.
احمد: اخرسي متفكرنيش بالواقع المرير...
ليث: طب يلا فين دكتورة نهلة؟
حياة: اشمعنا نهلة؟
احمد: احم اصل نهلة هي اللي دخلت معاكي اوضة العمليات.
حياة(بصوت عالي نسبيا): نعم يا اخويا!
ليث: في ايه؟
حياة: ملقتوش غير الزفتة دي، دي هتلاقيها مسكهالي ذلة دلوقتي.
ليث: مش فاضي للكلام ده، يلا.
ليث: عن اذنك يا احمد.
ليث مشي و حياة مدت وراه.
ليث: اقعدي هنا دقيقة و جايلك.
حياة: طيب ماشي.
و بعد فترة صغيرة ليث جه.
ليث: يلا.
نهلة(بفرحة): اهلا اهلا ليث بيه اتفضل اتفضل.
حياة: حضرتك عميتي مثلا؟
نهلة: اوووه سوري يا حياة مشوفتكيش.
حياة: طبعا ما انتي مبتشوفيش اللي ارفع منك.
نهلة: افندم!
حياة(بضحكة صفراء): بهزر معاكي.
ليث: خلاص، دلوقتي عايزين نفك الجبس ينفع دلوقتي.
حياة(لنفسها): عايزة اعيط، هتأخدها حجة ليها و هتسبني كدة، عااااااااا.
حياة: اعتقد يا نهلة اني كدة تمام و انا بحرك صوابعي و ايدي و انا بخير الحمد لله. يبقي نفك الجبس...
نهلة: لا يا حياة علشان نحافظ علي ايدك برضو.
ليث: تمام شكرا تعباناكي. يلا يا حياة.
حياة: بليز عايزة افك الجبس.
ليث(بحدة): يلا يا حياة.
حياة قامت و قعدت تدبدب في الارض.
ليث: يلا يا حياة.
حياة: لا بقي سيبني هنا و امشي. و هفك الجبس بس كدة دي بتكرهني علشان كدة عملت كدة.
ليث(بحدة): انتي ليه ليكي عداوة مع كل اللي حواليكي، شايفة الكل بيكرهك...
حياة: و انا بكرهك انت و نهلة بس كدة.
-حياة قعدت علي ارضية المستشفي و ربعت رجليها و ربعت ايديها و بصت قدامها.
ليث: بت قدامي يلا.
حياة,لا رد...
احمد(بفرحة): حياة.
احمد: ايه ده مالك في ايه؟
حياة(بدموع): نهلة بتكرهني و استغلت فكرة اني مش طايقة الجبس و قالت خليكي شوية كمان.
احمد: طب روحي لدكتور معتصم.
حياة: ايوه يلا و النبي.
احمد: شكرا يا ليث علي اللي انت عملته.
حياة: هو ده بيعمل حاجة؟
احمد: حرام عليكي يا بت انتي. ده خلي دكتور مرزوق اخد اجازة لمدة شهر مع صرف مرتبي عادي.
حياة: طيب شكرا. حد يقومني.
حياة قامت و راحت هي و ليث و احمد لدكتور معتصم و ليث كان ساكت طول الوقت.
حياة: دكتور معتصم.
معتصم: اهلا يا حياة عاملة ايه.
حياة: الحمد لله. و النبي خليني افك الجبس و النبي و النبي.
معتصم: لسة طفلة زي ما انتي يا بت اكبري.
حياة: طيب يا عمو معتصم و النبي بقي شوف الجبس و انا بثق فيك.
معتصم: طيب.
معتصم: بصي انا ممكن افكه ليكي تمام. بس محتاج كل شوية تدريبات و متضغطيش عليها جامد. يعني راحة تامة.
حياة: معنديش مانع...
-و بدأوا يفكوا الجبس لحياة و عملت ليها كذا تدريب. و حياة ملاحظة صمت ليث.
حياة: شوفت بقي. نهلة مبتفهمش حاجة...
ليث: يلا بينا.
ليث و حياة مشيوا و حياة قربت من ليث و باسته من خده.
حياة(بخفوت): اسفة لو زعلتك و انا مش قصدي.
ليث اتصدم منها و بعدين مسك ايديها و ركبها العربية.
-في مكان تاني.
في قصر ليث.
فردوس: البس ده و لا ده؟
تالا: امممم لا الصراحة الاتنين مش عاجبني.
فردوس: اصل احمد في مقام اخونا فاهمة.
تالا: اه فاهمة طب وريني عندك ايه تاني.
فردوس: بصي ده. ده لبسته مرة قبل كدة بس.
تالا(بصدمة): واو! انتي ازاي عندك الفستان ده؟
فردوس: ايه ماله؟
تالا: الفستان ده شركة وحيدة اللي عملت تصميمه و كله اتباع بره مصر.
فردوس(بتوتر): احم ده ده مش اصلي.
تالا: ازاي بس يا بنتي!
حور: فردوس.
فردوس: نعم يا حبيبتي.
حور: ماما صفاء عايزاكي.
فردوس: عن اذنك تالا.
تالا: روحي. ازيك يا حور.
حور: الحمد لله و انتي؟
تالا: كويسة الحمد لله. ناوية تروحي المدرسة امتي؟
حور: حياة قالت كمان كام شهر و هدخل اولي ابتدائي.
تالا: يااااه انتي لسة صغيرة.
حور: لا انا كبيرة عقلي كبير.
تالا: اكيد اكيد...
عند فردوس.
فردوس: حضرتك طلبتيني يا طنط؟
صفاء: اه يا فردوس تعالي اقعدي.
-فردوس راحت قعدت علي الكنبة.
صفاء: بصي يا فردوس عارفة انك رفضتي عرض جواز فهد.
صفاء: بس عايزة اقولك انه و الله العظيم بيحبك و كمان يتمني رضاكي.
فردوس: يا طنط.
صفاء: اسمعيني بس. فهد لسة عند كلمته و طالب ايدك خدي وقتك و فكري بهدوء و اعرفي انه مهما كان قرارك هنحترمه و مفيش اي حاجة هتتغير. لانه في الاول و الاخر نصيب.
فردوس: تمام عن اذنك يا طنط.
صفاء: براحتك يا حبيبتي.
ادم: حد شاف حور؟
فردوس: مع تالا فوق يا ادم.
ادم: تمام.
ادم كان طالع لحور بس لقي ادهم نازل.
ادهم: شايفك مهتم بحور زيادة عن اللزوم و انت اساسا بتكره الاطفال.
ادم(ببرود): ابعد عني يا ادهم.
ادهم: انا بعدت بس شوف تصرفاتك و احكم.
ادهم كمل نزول و خرج قعد في الجنينة. ادم طلع قعد مع حور و تالا.
-في مكان تاني.
في شركة ليث.
حياة: يا لي.
ليث: مش شيفاني مشغول.
فريد و فهد بصوا لبعض و ضحكوا بصمت.
حياة: اوف ينعل ابو كدة.
ليث: الشتايم ممنوعة...
حياة: انا شتمت الله.
حياة(لنفسها): شخص استغلالي. انا مالي انا جابني الشركة و خلاص اسكتي متتكلميش بشتغل ما يسبني اغور.
تليفون حياة رن. الخط اتفتح...
حياة: حاتم بيه بنفسه بيكلمني. يا تري ليه؟
حاتم: فاضية تيجي تختاري البدلة بتاعتي.
حياة: علشان ذوقي طبعا احسن من اي حد.
حاتم: ماشي يا ستي، هتيجي؟
حياة: هسأل ليث واقولك.
حاتم: طيب مستني ردك.
حياة: ليث.
ليث: لا.
حياة: اوف هو انت تحكمات و خلاص. انا هروح مع حاتم هختار البدلة معاه فيها ايه دي.
ليث: قولت لا. و مفيش خروج من الشركة الا معايا.
ليث: و مش عايز اسمع صوتك علشان بشتغل.
حياة قامت بسرعة و دخلت الحمام و قفلت الباب بغضب.
حياة: ربنا يعكنن عليك يا ليث.
حياة اتصلت بحاتم و قالتله ان ليث تعب و مش هتقدر تسيبه و هو كان متفهم للموضوع.
و بعدين لقت حد بيخبط عليها.
ليث: ناوية تباتي جوا.
حياة: ما تبعد عني بقي اوف.
ليث: اخرجي يلا.
حياة خرجت لقت في اكل.
ليث: يلا اقعدي كلي.
حياة: لا.
ليث: عنك ما كلتي. انا ورايا اجتماع لو لقيتك مشيتي هتزعلي مني جامد.
حياة: بلا بلا بلا بلا.
ليث سابها و خرج يحضر الاجتماع بتاعه، حياة قعدت علي تليفونها و كان كل شوية حاتم يبعت ليها صورة بدلة و هي تقول رأيها.
-في مكان تاني.
عند جامعة محمد.
محمد: اوف اخيرا خلصت محاضرات.
محمد: ايه ده؟ هي دي!
محمد جري و عدي الشارع لقي بنت واقفة بتعيط.
محمد: مالك؟
بنت: انت مين؟
محمد: اعتبريني فاعل خير شخص هسمعك و مش هتشوفيه تاني. بس هتكوني ارتاحتي.
بنت: لو سمحت سيبني في حالي بقي.
محمد: اتكلمي و اوعدك هساعدك.
بنت(بعياط): ماما تعبانة و محتاجة عملية في القلب و عايزين فلوس كتيرة. و انا مرتب شغلي بيكفيني انا و امي بالعافية و دورت علي شغل تاني بس ملقتش.
محمد: انتي خريجة ايه و لا اتعلمتي و لا لا؟
بنت: انا كنت هدخل طب بس مش معايا فلوس.
محمد: تسمحيلي اساعدك؟
بنت: لا شكرا مش محتاجة شفقة. و اتفضل امشي بقي.
محمد: انا اسمي محمد و مش بعاملك شفقة و هتعرفي ده قريب. بس انا هساعدك سواء رضيتي و لا لا.
محمد: عن اذنك هجيلك تاني.
محمد سابها و ركب عربيته و راح علي القصر...
-في مكان تاني.
عند فتون.
فتون: يا بابا.
مأمون: خير؟
فتون: يا بابا.
مأمون: ايه يا بت انتي؟
فتون: بحبك.
مأمون: عايزة كام يا فتون؟
فتون: شوفت دايما ظالمني لا كنت بقولك حياة و جوزها و عائلتهم هيحضروا الفرح...
مأمون: طيب يا فتون اعمل ايه؟
فتون: احم و فريد كمان جاي.
مأمون: طيب.
مامت فتون: هي عايزة تقول اتفقوا بقي علي كل حاجة يعني...
مأمون: بتلفي و تدوري ليه يا قطة؟
فتون: اوف بقي علي الاحراج...
فتون: انا راحة انام...
مامت فتون: مش وراكي غير النوم.
فتون: ايوه بااااااي.
-في مكان تاني.
عند حياة.
حياة كانت قاعدة لقت حد بيفتح الباب و بيدخل.
حياة اتصدمت لما شافت عاصم قدامها بس حاولت تخفي صدمتها.
حياة(بتوتر): احم حضرتك ايه اللي دخلك هنا؟
عاصم: حياة مش فكراني.
حياة(لنفسها): يا الله عايزة اموت حالا.
حياة: مين حضرتك؟ هو انت تعرفني؟
حياة: هو حضرتك اكيد جاي ل ليث صح؟
عاصم: لا انا جايلك استأذنت من ليث ادخل الحمام بس جيتلك.
حياة(بتوتر): اشمعنا يعني و ليه بتكدب؟
-عاصم قرب من حياة و نزل علي ركبه و مسك ايد حياة و هي قاعدة علي الكنبة.
عاصم: تعرفي يا حياة انا و انتي كنا بنحب بعض زمان...
حياة(بصدمة): ايه؟!
عاصم: ايوه انتي حبيبتي و دورت عليكي كتير بس ملقتكيش.
حياة(لنفسها): يا كداب يا ابن الكدابين.
عاصم: حبيبتي حصلك ايه احكيلي؟
حياة: انت مجنون انا معرفكش اسااسا.
حياة مسكت شنطتها و سابته و خرجت من المكتب.
حياة: اوف يا الله الموت اهون من اني اتكلم معاه.
عاصم: علفكرة انتي ملكي انا و بس. عن اذنك...
حياة(لنفسها): حياة حياة اهدي انتي بتحبي ليث. انتي مش بتحبي عاصم فاهمة...
عاصم(لنفسه): فرصتي يا حياة انك فاقدة ذاكرتك هخليكي ترجعي ليا.
ليث: شايف انك اتأخرت.
عاصم: اسف توهت.
فهد: طب نكمل شغل.
و بدأوا يشتغلوا و يتفقوا علي كل حاجة.
نعيم: لو زي ما انت قولت ان مدام حياة معاك ايه رأيك تيجوا معانا...
ليث: مرة تانية.
عاصم: ليه بس قولها بس...
فريد: براحتك يا ليث.
ليث: طيب موافق.
فهد: هشتغل انا و فريد.
ليث: طيب.
ليث: هروح اقول لحياة.
نعيم: طيب.
ليث راح لمكتبه و قبل ما يدخله لقي حياة قاعدة بره المكتب.
ليث: حياة.
-حياة جريت عليه و حضنته و دفنت وشها في رقبته، ليث شالها من وسطها و دخل المكتب و نزلها.
ليث: مالك حصل ايه؟
حياة: عاصم جه هنا.
ليث(بغضب مكتوم): كملي.
-حياة حكت كل اللي عاصم قاله و ليث كل شوية يتعصب اكتر.
ليث: لسة بتحبيه؟
حياة: لا، انا مش بحبه و مش هحبه ابدا. و مش هقبل اكون معاه ده خاين و قاتل و مخادع...
ليث: خلاص اهدي يا حياة انا جمبك.
حياة: شكرا. انا عايزة اروح.
ليث: للاسف نعيم الكلب مسك فيا اني اجيبك و نروح معاهم.
حياة: بس.
ليث: هكون معاكي و مش هسيبك لحظة. و كمان انتي كدة بتثبتي لعاصم انك اساسا محطتيش كلامه في دماغك.
حياة: طيب...
ليث: يلا.
و خرجوا هما الاتنين و راحوا لاوضة الاجتماعات...
ليث: يلا بينا...
عاصم(بخبث): طيب.
و الكل نزل و ركبوا العربية...
عاصم: نتمني نقضي وقت جميل مع بعض.
نعيم: المدام هتفرح لما تشوفك و الله يا ليث بيه.
ليث: تمام...
ليث(بهمس): اياكي تشربي اي حاجة فاهمة.
حياة(بهمس): حاضر. طب و بالنسبة للاكل؟
ليث بصلها بنظرة تحذير حياة فهمتها. و بعد فترة وصلوا للفيلا و حياة كانت مصدومة.
ليث(بهمس): مالك؟
حياة(بصدمة و همس): ليث دي الفيلا اللي كنا هنتجوز فيها بابا كان جايبها ليا هدية و كانت مكتوبة باسمي.
ليث: اتعاملي عادي.
حياة: هحاول.
و نزلوا و دخلوا و قعدوا في الصالون.
سهر: اهلا اهلا و سهلا.
سهر(لنفسها): انا مكنتش مصدقة انك لسة عايشة يا حياة كنت ما صدقت خلصت منك انتي و امك...
سهر: اهلا يا ليث بيه.
ليث: اهلا مدام سهر...
سهر: انتي مراته؟
حياة: اه.
سهر: جميلة. اختارت صح يا ليث بيه.
ليث: شكرا ليكي.
سهر: طب اتفضلوا اشربوا من العصير.
حياة: ميرسي مش عايزة.
ليث: احنا جينا علشان منزعلش نعيم بيه و عاصم.
عاصم: ازاي بس لازم تشربوا.
ليث: اعتقد قولت كلمتي يا عاصم.
عاصم: طب براحتكوا.
سهر: طب نتغدي؟
ليث: لا اتفضلوا انتوا اتغدوا احنا اتغدينا مع بعض.
حياة(بهمس): كداب.
ليث(بابتسامة جانبية و همس): بس قمر.
حياة و ليث بصوا لبعض و ضحكوا بخفوت...
عدت فترة و هما بيتكلموا في مواضيع مختلفة...
ليث: طب نستأذن احنا.
عاصم: لسة بدري.
ليث: لا الوقت اتأخر عن اذنكوا...
ليث: يلا حياتي.
حياة: تمام. عن اذنكوا...
ليث مشي هو و حياة و ركبوا العربية و رجعوا للقصر.
محمد(بسرعة): حياة عايزك في موضوع مهم.
حياة(بخضة): اهدي يا ابني حصل ايه؟
محمد: في واحدة محتاجة عملية بس معهاش فلوس تقدري تنفذيها.
حياة: ايوه بس انا مش معايا فلوس ادفع.
محمد: مش مشكلة انا هدفع.
ليث: في ايه؟
محمد: هبقي اكلمك يا ليث و احكيلك.
ليث: تمام.
ليث: يلا نتعشي.
حياة: لا انا مش جعانة عن اذنكوا.
حياة مدت بسرعة و طلعت لاوضتها.
و الكل قعد و بدأ يأكل و يتكلم.
ليث: عملت ايه في الزفت شريف يا فهد؟
فهد: انا كلمت فريد و هو جاي و هنتكلم ف اوضة المكتب.
ليث: تمام.
تالا: ليث.
ليث: خير؟
تالا: هو احنا مش هنطلع اجازة زي المرة اللي فاتت؟
ليث: مش دلوقتي يا تالا. لسة خطوبة نازلي و فريد.
تالا: طيب.
ليث: و الدواء اللي بقيتي مهملة فيه يا امي.
صفاء: ها لا لا انا بأخده.
ليث: انا مش طفل علشان تضحكي عليا تمام.
صفاء: هو نسيت يوم.
ليث: نسيتي برضو؟
صفاء: خلاص حاضر.
فردوس: هو احنا هنروح الفرح امتي؟
ليث: علي الساعة ستة كدة.
فردوس: طيب.
ليث: عن اذنكوا. هطلع اغير يا فهد و نازل تاني.
فهد: تمام و انا كمان.
ليث طلع اوضته و ملقاش حياة دخل اوضة الملابس.
ليث(باستغراب): بتعملي ايه؟
حياة: استني بقي.
ليث: حاطة كل الهدوم في الارض ليه؟
حياة: لسة مختارتش هلبس ايه؟ و الفرح بكرة.
حياة: بقول ده بس لقيته شفاف اوي و كدة يعني...
حياة: شوفت ده لقيته مفتوح اوي من قدام و شفاف.
حياة: طب ده قصير اوي ده مش مغطي اول رجلي حتي.
حياة: طب ده بس ده لونه ابيض و انا مش عايزة ابيض...
حياة: اوف يا رب ساعدني.
ليث قرب من حياة. حياة كانت قاعدة في الارض و جمبها هدوم كتير اوي حواليها.
ليث وطي و مسك في ايده فستان.
ليث: شوفي ده.
حياة: وريني.
حياة(بانبهار): واو جبته ازاي ده.
حياة(بقرف): لا معجبنيش.
ليث اتصدم من تغيرها المفاجئ و السريع.
ليث: براحتك.
ليث بدأ يقلع هدومه و مش معبر حياة.
حياة(بصدمة): بتعمل ايه؟
ليث(ببرود): نظرك اختفي فجأة مش شيفاني بغير و لا ايه...
حياة: طب استني اخرج.
حياة قامت بسرعة و طلعت بره و ليث ابتسم علي احراجها و كمل لبس و غير هدومه و لبس هدوم بيتي...
ليث(ببرود): اطلع الاقي الاوضة زي الفل. غير كدة هتتحاسبي...
حياة(لنفسها): غور يا شيخ.
ليث نزل. صفاء طلعت لحياة.
حياة: اتفضلي يا طنط في ايه؟
صفاء: خدي يا حبيبتي.
حياة: ايه ده يا طنط؟
صفاء: ده فستان انا عملته ليكي خصوصي كهدية.
حياة: تسلمي يا طنط. بس بمناسبة ايه؟
صفاء: بمناسبة انك بنتي. فيها حاجة دي.
حياة(بدموع): تسلمي يا طنط.
حياة حضنت صفاء و قعدت في حضنها فترة طويلة.
عند ليث.
ليث: ايه الاخبار؟
فهد: كاميليا بتشتغل مع شريف.
فريد: اخت شريف معاهم...
ليث: بمعني؟ و كاميليا ايه اللي خلاها تشتغل مع شريف؟
فهد: شريف هو اللي عايز اوراقك يا ليث.
ليث(بحدة): دول اتجننوا دول...
فريد: اهدي يا ليث، خلينا نفكر في حل.
فهد: انت بطلت علشان خاطر حياة.
ليث: محدش يجيب السيرة دي تاني و الورق هيتحرق بس كدة.
فريد: طيب براحتك متضايقش.
فهد: هنعمل ايه يعني؟
ليث: اوف زهقت كل حاجة في وقت واحد.
فريد: اهدي بس و هنحلها.
ليث: هنحل ايه و لا ايه؟ حياة و لا عم حياة و لا ادم و ادهم و لا امي و لا تالا و لا جواز نازلي و لا جواز فردوس و لا دراسة حور و لا كلية محمد و مشاكله و لا كاميليا و لا شريف و لا مين بالظبط.
فهد: اهدي اهدي بس. كله هيتحل.
فريد: انا شايف اكتر حمل عليك هو حمل حياة. اعترفلها و هي هتساعدك و هتشيل عنك.
ليث: مش قادر انا مش قادر لما بحط عيني في عنيها مبقدرش اتكلم بفضل سرحان في ام عيونها. و لما بتكلم معاها مبقدرش اقولها اني.
فهد: انك؟
فريد: انطقها بقي.
ليث: سيبوني لوحدي.
فهد: الصبر.
فريد: يلا يا ابني هيجيلي شلل.
فريد خرج و راح علي بيته و طلع تليفونه و اتصل علي فتون...
الخط اتفتح.
فتون: الو...
فريد: وحشتيني.
فتون: شكرا...
فريد: يا بت خليكي رومانسية شوية.
فتون: طيب عامل ايه؟
فريد: بخير بيكي.
فتون: شكرا و بطل احراج.
فريد: هموت. تصبحي علي خير.
فتون: و انت من اهله...
فريد: بحبك.
فتون(باحراج و سرعة): و انا كمان.
فتون قفلت في وش فريد.
فريد(بضحك): يا بت المجنونة.
في القصر.
ليث طلع الدور بتاعه و طلع للروف بتاعه و كان الهواء حلو و قعد علي الكنبة اللي فوق و رجع رأسها لورا و غمض عيونه و من غير ما يحس نزلت دموعه...
ليث(بدموع): يا رب...
-ليث غصب عنه نام من غير ما يحس بس صحي لما حس حد قعد علي رجله.
حياة حاوطت رقبة ليث بايديها و قعدت علي رجله.
حياة: مالك؟
ليث: ايه اللي جابك؟
حياة: هعيد سؤالي تاني. مالك؟
-ليث شال شعر حياة بعيد عنها. و حياة بأيديها مسحت الدموع اللي كانت متعلقة برموشه.
حياة: انا مش غبية علشان مميزش انك بتعيط. و علفكرة مش عيب انك تعيط عادي.
حياة: بس العيب انك تكون موجوع و متشاركش همومك لحد و بالذات لشخص.
ليث: لشخص؟
حياة: لشخص امرك يهمه. خليك قوي يا ليث.
حياة: انا جمبك.
-حياة رجعت جسم ليث علي الكنبه و سندت برأسها علي صدره و حاوطته بأيديها.
ليث: مالك منمتيش ليه؟
حياة: انت زعلان احكيلي مالك.
ليث: مفيش شوية مشاكل في الشغل...
حياة: ليث بجد لو مش عايز تنتقم من عمي و ابن عمي و الله مش هزعل و الله انا خايفة عليك انا لغاية دلوقتي معرفش ايه خطتك بس واثقة فيك. بس مش واثقة فيهم ده اخ قتل اخوه علشان ورثه و ده واحد خدع بنت علشان الفلوس و عشمها في الجواز و خدعها و هي لابسة فستانها الابيض و قتل ابوها و امها قدام عيونها.
حياة: بابا و ماما انا خسرتهم بس مش هقدر علي خسارة اخواتي و خسارتك.
ليث: حياة انا.
حياة(بأمل): ايه؟
ليث: انا هنتقملك من عمك و ابنه و اوعدك هرجعلك حقك انتي و اخواتك.
حياة(بخيبة امل): طيب.
ليث: يلا ننام.
حياة: لا الجو هنا حلو خلينا هنا شوية...
ليث(بخبث): و انتي علي رجلي مرتاحة يعني؟
حياة(بلا وعي): اه، سيبني في حضنك شوية.
ليث: طيب.
-ليث حاوط حياة اكتر بأيده و حياة انكمشت علي نفسها و هي في حضنه...
ادهم(بهمس): شكلهم حلو.
ادم(بهمس): ايوه حلوين اوي.
ادهم(بهمس): بس فكرتك كانت جامدة.
ادم(بهمس): عيب عليك.
ادهم(بهمس): بلاش فخر عملت ايه يعني روحت قولت لحياة الروف فوق حلو اوي تحبي تجربيه...
ادم(بهمس): هضربك...
ادهم(بهمس): تقدر؟
حور(بهمس): مش يلا عايزة انام.
ادم: تعالي يلا.
و كل واحد راح لاوضته. و ليث و حياة ناموا في الروف...
-في الصباح الباكر...
في بيت احمد...
الباب بيخبط جامد.
احمد(بقلق): طيب طيب، مين؟
حاتم: انا يا عريس.
احمد: الله يخرب بيتك ايه اللي جابك؟
حاتم: نسيت انك عريس يا عم و لا ايه؟
احمد: طيب و بتخبط كدة ليه؟
حاتم: بعملك هيصه يا عم.
احمد: اتزفت و ادخل...
حاتم: داخل غصب عنك.
حاتم: هي هي دي شقتك اللي هتتجوز فيها؟
احمد: اه.
حاتم: طب يا ابني شوية زينة و بلالين هكذا.
احمد: ان شاء الله.
حاتم: هخلي حياة و فتون يعملوا كدة.
احمد: طيب. يلا هغير هدومي و نروح للحلاق.
حاتم: مروحتش من امبارح ليه؟
احمد: اه عندك مانع؟
حاتم: مالك يا ابني؟
احمد: كنت هصحي براحتي انت جاي من الصبح ليه...
حاتم: اخرس ياض و يلا قدامي.
احمد: طيب.
احمد غير هدومه و نزل هو و حاتم حلقوا و بدأوا يلبسوا هدومهم...
-في مكان تاني.
في القصر.
صفاء: الوقت اتأخر يا جماعة. هو ليث و حياة منزلوش ليه؟
ادم: هينزلوا براحتهم.
صفاء: طيب.
نازلي: هاي يا جماعة. فين الاكل بقي؟
فردوس: هو فين حياة حاتم عايزها هي و فتون يروحوا ينفخوا بلالين...
فهد: ليث معتقدش هيوافق.
نازلي: تقوله لو موافقش انا او فردوس نروح...
صفاء: طيب يلا كله حضر هدومه؟
الكل: اه.
صفاء: نفطر و ننقوم نجهز كل حاجة تاني و بعدين نبدأ نلبس.
و الكل بدأ يأكل. و هو بيهزر و يضحك.
عند ليث.
حياة(بنوم): ليث قوم غير لبنتك.
حياة(بنوم): ليث جويرية عايزة تأكل خدلك اجازة و اقعد معانا بقي.
ليث: بت حياة انتي يا بت. يا حياة.
حياة(بفزع): ايه؟
ليث: انتي اللي ايه؟
حياة: حصل ايه؟
ليث: لا مفيش جنابك كنتي بتحلمي.
حياة(بابتسامة): اه كان حلم جميل. حلمت اني خلفت بنت جميلة قمر اوي و شبهي.
ليث: و ابوها كان مين؟
حياة: انت.
ليث: و يا تري حلمتي جبناها ازاي؟
حياة(بصدمة): يا سافل يا قليل الادب.
ليث: ايه بس؟
-حياة قامت بسرعة من علي رجل ليث و ضربته في صدره.
حياة: شخص منحرف و تفكيرك منحرف زيك.
-حياة سابته و نزلت و ليث قعد يضحك بصوت عالي و هو شايف خدودها الحمراء و عصبيتها.
ليث نزل وراها و لقاها داخلة الحمام.
ليث: حياة.
حياة(بعصبية): انجز.
ليث: اختارتي فستانك.
حياة: طنط جابتلي واحد.
ليث: تمام.
حياة سابته و دخلت الحمام خدت دوش طويل و خرجت لقت ليث دخل وراها و اتزحلق.
حياة(بخضة): ليث.
حياة جريت بسرعة علي ليث في الارض و بصتله بندم.
حياة: آسفة غصب عني نسيت.
ليث: يعني لو كنت اتكسرت كنتي هترتاحي.
حياة: انت كويس؟
ليث: اه.
حياة: طيب ما ربنا بيخلص منك ذنوب ده انت عامل ذنوب لا ليها اول و لا اخر.
ليث: و الله...
ليث زق حياة علي الارض و بقي فوقها.
حياة(بصوت عالي): عاااااااااااا غرقتلي هدومي و انا لسة مستحميه حرام عليك.
حياة ضربت ليث علي صدره كتير.
ليث: اهدي اهدي.
حياة: عيل رزل. بكرهك. عاااااااا.
ليث: عادي غيري غيرها...
ليث قام و حياة خرجت من الحمام بغضب.
حياة(بغضب مكتوم): ربنا يعكنن عليك بس كدة. آه يا ضهري.
-حياة لبست و ليث خرج لبس و نزلوا الكل قعد يتكلم و يهزر و يضحك لغاية ما جه ميعاد اللبس...
ليث: يلا اطلعوا.
حياة: هو مين نفخ البلالين يا فردوس.
فردوس: فتون و مامتها و حاتم...
حياة: طيب كويس. و نعمان راحلهم ماشي كويس...
و الكل طلع بدأ يلبس هدومه...
حياة: اخرج بقي بما انك لبست.
ليث(برفعة حاجب): اشمعنا؟
حياة: انجز انزل...
ليث نزل لقي كل الرجالة جاهزة و لابسة.
فهد: اوف ايه ده الستات دي بتحب تتأخر اوي.
ادم: كلهم كدة...
ادهم: بس بيبقوا في الاخر قمرات.
و الكل لبس هدومه و بدأ ينزل.
محمد: ايه يا صفصف الجمال ده؟
صفاء: اخرس يا محمد.
صفاء كانت لابسة فستان مناسب سنها و طويل للاخر و و بكم و واسع باللون البني و لبست جذمة سوداء...
و بعد فترة نزلت حور و فردوس.
فهد(لنفسه): ايه الجمال ده؟
حور كانت لابسة فستان سماوي في ابيض قصير لغاية الركبة و منفوش و لبست صندل باللون الابيض و سرحت شعرها ورا ضهرها و حطت توكة علي شعرها علي شكل قطة.
فردوس كانت لابسة فستان باللون الاسود طويل لبعد الركبة بشوية صغيرة و كان سادة و لبست صندل دهبي بيلمع و رفعت معظم شعرها لفوق و نزلت الباقي ورا ضهرها.
نازلي: انا جييييت...
نازلي كانت لابسة فستان باللون الاحمر و ضيق مجسمها و بكم و واصل لغاية الركبة و لبست صندل اسود بكعب و حطت روچ احمر فاتح و سيبت شعرها.
و بعد فترة نزلت تالا.
ليث: هي حياة دي ايه؟ اوف.
محمد: يا جمالو يا جمالو معانا مزز كتير.
تالا كانت لابسة فستان كحلي طويل ضيق و منفوش من تحت بس و كان بحمالة رفيعة و لبست صندل اسود و رفعت شعرها لفوق.
نازلي: الوقت اتأخر حد يطلع ينادي حياة.
-ليث كان طالع و باصص في الارض بس وقف اول ما سمع صوت خطوات جاية.
ليث فتح عيونه من الصدمة و من كمية الجمال اللي قدامه.
ليث(لنفسه): قولت هتطلعي حلوة في الفستان لكن مش للدرجة دي.
ليث(لنفسه): انا غلطان اني اختارت الفستان ده.
حياة: ايه رأيكوا؟
-الكل مدح في حياة جدا. و ليث واقف ثابت.
حياة كانت لابسة فستان اسود طويل واسع من بعد الخصر و فيه زي اوراق شجر باللون الفضي اللي بيلمع و كان ب ¾ كم و كان كتفها باين و لبست صندل باللون الفضي اللي بيلمع و حطت روچ باللون الاحمر الغامق و سيبت شعرها علي ضهرها و كتفها.
حياة نزلت و ليث مد ايده ليها...
ليث: حياة انا بحبك...
حياة فتحت عنيها علي آخرهم و بصتله بصدمة.