رواية طبيبة قلبي الجزء الأول للكاتبة سلسبيل كوبك الفصل الرابع
فتون خرجت من المستشفي و بدأت تتمشي.
فتون كانت ماشية و عربية جاية بسرعة.
فتون(بصريخ): عاااااااااااااااااااااااا...
فتون وقعت و العربية وقفت في اخر لحظة.
فتون(بوجع): منك لله. هو علشان انت راكب عربية تدوس بنات الناس كدة.
نزل الشخص اللي كان سايق من العربية.
شخص: انا آسف جدا جدا...
فتون(بزعيق): غبي انت ها رد عليا غبي؟
شخص قرب منها و نزل علي ركبه.
شخص: انا آسف.
فتون(لنفسها): ايه العيون دي؟ يخرب بيتك.
فتون(بتوتر): خلاص.
شخص: انا فريد و انتي؟
فتون(بشرود): فتون.
فريد(بابتسامة): اسمك جميل.
فتون(بزعيق): ايه ده؟ انت عايز ايه؟ وسع.
فتون قامت و نفضت هدومها و لسة هتمشي. فريد مسكها من دراعها.
فريد: استني بس.
فتون(بعصبية): وسع ايدك و الا قسما بالله اصوت و الم عليك كل الناس.
فريد: مبدأيا مفيش ناس في الحتة و الا كانوا زمانهم ملمومين حواليكي بسبب الحادثة. ثانيا انا غرضي شريف.
فتون(برفعة حاجب): يعني ايه غرضي شريف؟
فريد(بضحك): لا فهمتي غلط، اقصد انتي بنت و لوحدك كنت هوصلك و اوديكي بيتك.
فتون(باحراج): اه فهمتك، لا شكرا عن اذنك.
فتون مشيت و هي محرجة جدا، و فريد ركب عربيته و مشي وراها...
فتون(لنفسها): عيونه حلوة اوي. و شكله وسيم.
فتون(لنفسها): ايه ده اهدي كدة يا فتون فيها ايه. فيها ايه ان عيونه رصاصي و الواد وسيم كدة فيها ايه...
فتون(لنفسها): لا فيها كتير. يا رب ايه الجمال ده؟
و بعدين فتون و هي ماشية خبطت في شخص.
فتون: آسفة.
شخص: لا و علي ايه اخبطي فيا تاني و تالت...
فتون(بخوف): عن اذنك.
شخص مسك ايديها و قربها منه.
فتون(بخوف): لو سمحت ابعد عني ميصحش كدة...
و بعدين فتون لقت ايد تانية علي ايديها.
فريد(بعصبية): شيل ايدك...
شخص: و انت مين دي خطيبتي...
فتون(بخوف و دموع): لا والله معرفهوش.
فريد زق فتون بعيد عن الشاب و ضربه.
الشاب طلع يجري و فتون قعدت تعيط.
فريد: خلاص.
فتون(بعياط): ده كله بسببك.
فريد(بصدمة): بسببي انا؟!
فتون: لو مكنتش خبطني بعربيتك مكنتش ضيعت وقت و كان زماني وصلت من زمان.
فريد: لا و النبي، طيب تعالي اركبي.
فتون: لا.
فريد(بحدة): فتون مش ناقصين حد يرخم عليكي تاني اركبي.
فتون: انت مين علشان تؤمرني؟
فريد: مش بأمرك بقولك علي مصلحتك يلا اركبي ربنا يهديكي.
فتون راحت ركبت في الكرسي اللي ورا.
فريد: و ده من ايه ده؟
فتون: كدة مينفعش اساسا اركب معاك لوحدينا.
فريد: طيب.
فريد ركب و بدأ يسوق و فتون ترشده علي مكان بيتها. و بعد فترة وصلوا.
فتون: عن اذنك، شكرا.
فريد: خلي بالك من نفسك.
فتون: شكرا.
فتون طلعت بيتها. لقت والدتها سايبة ليها ورقة مضمونها.
الرسالة بصي يا حبيبتي احنا رحنا نزور جدتك و هنرجع بعد اسبوع. خلي بالك من نفسك.
فتون: اوف. طيب.
فتون دخلت غيرت هدومها و خرجت نامت.
-في مكان تاني.
عند حياة.
صفاء: معلش يا بنتي...
حياة(بابتسامة باهتة): و لا يهمك يا مدام صفاء. المشكلة بس مش هلاقي مواصلات.
تالا: طب ما تتعشي معانا. و بعدين امشي.
حياة: بقولك حاليا مش هلاقي مواصلات. تقوليلي استني شوية كمان كدة هتأخر اوي.
صفاء: خلاص هخلي السواق يوصلك.
حياة: لا يا مدام. لا انا همشي و اجي لحضرتك بكرة.
حياة: بس ارجوكي خلي بالك من نفسك و تأخدي دؤاكي انتي يعتبر مسئولة مني.
تالا: يا عيني يا عيني.
محمد: يا صفصف جعان. صفصف.
صفاء: ايه يا ولد انت عايز ايه؟
محمد: عايز اكل. فين العشاء؟
صفاء: اخوك ليث و فهد بيشتغلوا شوية و خارجين و نتغدي كلنا...
محمد: طب و القمر هتأكل؟
حياة(برفعة حاجب): نعم؟!
محمد: ما هو الصراحة اول مرة اشوف بنت بعيون سوداء.
حياة: يا ابني دي عيني مش عدسات اعملك ايه الله.
صفاء: بطل تضايقها يا ابني.
محمد(بحزن): اسف. انا بس يعني كنوع من الهزار اسف لو ازعجتك.
محمد كان لسة هيمشي بس حياة مسكت دراعه.
حياة: انا اسفة لو كنت زعلتك. بس في ناس كتير كانوا بيسألوني السؤال ده فانا من كتره بقيت ازهق. و كمان انت زي اخويا. اينعم اكبر منه باربع سنين بس مش مشكلة.
محمد: و الله و انا انبسطت جدا لما اتعرفت عليكي.
تالا: ياه لو ليث يسمعك...
محمد(باحراج): احم احم.
فهد: يبقي كدة لازم اسافر كمان اسبوع صح؟
ليث: انت او فريد. المهم ان الصفقة دي تبقي لينا.
فهد: متقلقش.
ليث: فين العشاء؟
صفاء: دقيقة و هنحضره.
صفاء: دادة نور دادة نور.
نور: نعم يا هانم.
صفاء: جهزي العشاء.
نور: حاضر...
ليث: انتي لسة هنا ليه؟
صفاء: انا خليتها تقعد حبيت قعدتها اوي.
حياة: انا اسااسا همشي.
صفاء: لا لما تتعشي الاول.
حياة: لا شكرا.
صفاء: و النبي يا ليث خليها تقعد تأكل.
ليث(ببرود): براحتها مش هنغصبها.
تالا: يلا بقي علشان يبقي عيش و ملح...
حياة: طيب.
و الكل راح قعد علي السفرة.
ليث علي رأسهم و يمينه صفاء و تالا و حياة. و شماله فهد و محمد.
و بدأوا يأكلوا...
تالا: ايه ده انتي متعلمة اتيكيت الاكل؟
حياة: دكتورة بقي اكيد يعني...
محمد: انتي هايلة بجد.
حياة: شكرا.
صفاء: و النبي يا ليث خلي حد يوصلها البيت...
ليث: عيلة صغيرة هي...
حياة(بعصبية خفيفة): اولا مش انا اللي طلبت كدة. ثانيا مش انا عزمت نفسي علي الاكل ثالثا انت شخص بارد جدا.
محمد(بهمس): هتوحشيني يا حياة.
فهد(بهمس): لازم نلحق الموقف.
فهد(بسرعة): يلا يا انسة حياة علشان الحق اروحك.
صفاء(بتوتر): اه يلا يلا.
-ليث لاحظ محاولتهم في انهم يخلوها تمشي قبل ما ينفعل عليها.
ليث(ببرود): رأيك ميلزمنيش.
حياة(لنفسها): بارد.
حياة: عن اذنكوا.
حياة خدت شنطتها و البالطو و خرجت و وراها فهد.
فهد: متزعليش انسه حياة.
حياة: تمام. مش زعلانة هو مش فارق معايا اصلا.
فهد: طب اتفضلي الوقت اتأخر و كدة بقي متكسفنيش.
حياة: يا سبحان الله.
فهد: ايه؟
حياة: عكسه تماما.
فهد: اه فهمتك. اركبي.
حياة ركبت و فهد ركب جمبها و بدأ يمشي.
فهد: بصي يا ستي.
حياة: اممم.
فهد: هو ليث تربية والدي كل اهتمامات والدي كانت بيه هو فهو ورث كل حاجة من والدي، فهماني؟
حياة: اه علشان كدة. فهمت.
بعد فترة فهد وصل حياة بيتها.
فهد: يلا باي.
حياة: شكرا معلش تعبت حضرتك.
حياة طلعت شقتها لقت اخواتها الاربعة قاعدين.
حياة: متجمعين علي خير ان شاء الله.
نعمان(بحدة): مين ده اللي انتي نازلة من عربيته يا حياة؟
نازلي: ده عنده حتة عربية فظيعة مين القمر ده؟ معندهوش اخوات؟
فردوس: اهدوا احكي يا حياة.
حور: حياة مستحيل تعمل حاجة غلط.
حياة: خلصتوا؟
حياة: ده يعتبر مديري في الشغل...
نعمان: و مديرك يوصلك ليه؟ و كمان الدكتور مرزوق اللي اعرفه انه كبير في السن.
حياة: لا انا اشتغلت شغل جديد.
نازلي: بجد ايه هو؟
حياة: واحد والدته محتاجة مراعاة لانها مريضة قلب و انا دكتورة ف هراعيها في البيت. بس و الوقت اتأخر و والدتهم اصرت انهم يوصلوني. و موبايلي فصل شحن معرفتش ارد عليكوا و اتحرجت اطلب منهم شاحن.
حور: مش قولتلكوا حياة مش بتعمل حاجة غلط.
حياة: بأمارة مين اللي كان واقف في البلكونة و نادي عليهم يا سوسة انتي.
حور(ببرائة): انا؟!
حياة: و النبي.
نازلي: اه هي اللي نادت علينا.
نعمان: سوسة.
-و الكل نزل علي حور زغزغة و بدأوا يضحكوا و يهزروا هما الخمسة و كانوا مبسوطين اوي.
حياة: اه ضهري يلا هخش انا انام يلا يا حوريتي.
حياة و حور دخلوا اوضتهم و حياة غيرت هدومها و نامت.
و كل واحد راح علي اوضته و نام...
-في الصباح الباكر.
في بيت ليث.
فهد: صباح الخير يا امي.
صفاء: صباح النور يا حبيبي.
فهد: انا هسافر اخر الاسبوع تمام.
صفاء: ماشي يا حبيبي.
صفاء(بهمس): هما عاملين ايه؟
فهد(بهمس): مش بيخلي حد يطمن عليهم.
محمد(و هو بيأكل تفاحة): بتقولوا ايه؟
صفاء: مفيش. ايه النهاردة اجازة عندك؟
محمد: لا هشوف حياة الاول و هروح الجامعة...
تالا: ايه بتحبها؟
محمد: لا بس كان نفسي في اخت كبيرة تفهمني. و هي انسانة طيوبة و جميلة...
صفاء: اه و الله، بنت حلال.
فهد: يلا انا جعان.
تالا: الباشا لسة منزلش.
ليث: بتقولي ايه يا تالا؟
تالا(بارتباك): ها لا مفيش. بقول اخويا حبيبي لسة منزلش.
محمد(بهمس): كلب بلدي خايف...
تالا: اخرس.
تالا قربت من ليث حضنته جامد و ليث حط ايده علي رأسها و لعب في شعرها.
تالا(بهمس): وحشني حضنك اوي يا ليث.
ليث(بهمس): في اي وقت هتحتاجيني هتلاقيني.
تالا(بهمس): بحبك.
ليث: طب يلا نأكل.
و الكل بدأ يأكل في صمت.
صفاء: هي حياة جاية امتي؟
ليث: الساعة 12 الضهر...
محمد: انت مذاكر بقي؟
ليث بصله بنظرة حادة و كمل اكل ببرود.
ليث(ببرود): في عقد شغل. و كمان هي هتشتغل في المستشفي و بعديها هتيجي علي هنا...
تالا: بس كدة تعب عليها.
ليث: في سواق هيوديها و يجييها...
صفاء: يا حبيبي تسلم...
ليث: ده كله علشانك.
صفاء: حبيبي.
ليث: يلا يا فهد.
فهد: طيب.
ليث: هو فين فريد؟
فهد: معرفش.
فريد(بفرحة): مين بينادي؟
تالا: مالك منشكح يعني؟
فريد: بس يا بت يا رخمة انتي.
ليث(بحدة): فريد.
فريد: خلاص اسف.
ليث: ورايا انتوا الاتنين.
ليث و فهد و فريد راحوا علي الشركة...
تالا راحت علي النادي. و محمد راح للجامعة.
-في مكان تاني.
في بيت حياة.
حياة: نعمان حبيبي يلا اصحي.
حياة: يا ابني قومي.
حياة: يا حبيبي.
نعمان(بابتسامة): احلي صباح ده و لا ايه؟
حياة(بابتسامة): يلا علشان الفطار و عندي ليك مفأجاة قريب.
نعمان: ايه ايه؟
حياة: لا مش دلوقتي. يلا قوم.
نعمان: يا بخته.
حياة(باستغراب): مين؟
نعمان: اللي هيتجوزك يا مزة.
حياة: غور ياض، جتك مصيبة انت و هو في يوم واحد.
نعمان: يا بختك يا عم.
حياة خرجت و راحت علي اوضة نازلي و فردوس.
حياة: ايه ده ايه ده؟ متشيكة و راحة لفين؟
نازلي: هكون راحة فين الجامعة طبعا.
حياة(بحدة): نعم يا اختي و ده من امتي لبس جامعة؟
نازلي: ايه جيية و تي شيرت.
حياة: يا حرام. هي دي جيبة و لا ده تي شيرت. دي الجيبة محصلتش قبل الركبة حتى دي محصلتش شورت.
نازلي: ما كل الناس بتلبس كدة.
حياة: لا و النبي. لا يا اختي اللبس ده تلبسه حور. مفيش اللبس ده تاني.
نازلي(بعصبية): انتي بتتحكمي فيا كدة ليه؟
حياة: مش معني ان كل البنات بتلبس سافل و قليل الادب يبقي انا اقلدهم. متنسيش اصلك و تربيتك.
نازلي: تربية ايه تربيتك؟ و لا تربية مين؟ اصلي ايه هو اصلي مش دايما بتقولي انسي. و انا بقي مش هنسي انا فاكرة اصلي كويس. مش كويس ان انتي دخلتي الجامعة اللي بتحبيها. اما احنا علي قد المصاريف صح.
فردوس(بعياط): في ايه بقي حرام عليكوا بقي بطلوا صريخ بقي حرام.
فردوس حطت ايديها علي ودانها.
فردوس(بصريخ): بطلوا شوية. بطلوا حراااااااام.
نعمان(بقلق): حصل ايه؟
حياة جريت علي فردوس و حضنتها جامد.
حياة: اهدي اهدي انا جمبك. اهدي خلاص مفيش حاجة ده احنا كنا بنهزر. اهدي اهدي.
فردوس(بعياط): بكره الصوت العالي حرام اسكتوا شوية.
و بعد فترة فردوس هديت.
حياة: نازلي خشي غيري هدومك دي...
نازلي(بعصبية): طيب...
نازلي طلعت هدوم و دخلت غيرت هدومها لحاجة طويلة...
حياة: اهدي خلاص حصل خير...
حياة قامت و غيرت هدومها.
حياة لبست بنطلون اسود و تي شيرت ابيض طويل بكم و لمت شعرها لكحكة و لبست كوتشي اسود في ابيض و حطت روچ بسيط جدا و هادئ.
حياة خرجت و خدت شنطتها و البالطو.
حياة: خد يا نعمان اهي فلوس النهاردة. ارجوك حافظ عليها خلاص الشهر قرب ارجوك...
نعمان: حاضر...
نعمان بص لحياة بحزن.
حياة: في ايه مالك؟
نعمان: انا بفكر اشتغل.
حياة: و يا تري مين اللي هيطلع الاول؟ و يا تري مين اللي انا هجبله تليفون؟ و يا تري مني اللي هيشوف المفأجاة اللي محضرهاله؟ اسمعك بس بتعيد الكلام ده تاني هزعل منك بجد.
نعمان: و ربي انتي احسن من.
حياة(قطعت كلامه): هنقلبها دراما و انا مش احسن من حد متنساش يا نعمان. يلا باي خلي بالك من نفسك.
نعمان: باي.
نعمان خد كتبه و نزل من الشقة...
نازلي كانت نازلة. بس حياة نادتها.
نازلي: افندم؟!
حياة: يا تري الهانم معاها فلوس؟
نازلي: لا.
حياة: اومال نازلة علي اساس ايه؟
نازلي: ملكيش فيه.
حياة حضنتها و باست رأسها.
حياة: يا هبلة انا بحبك و بخاف عليكي.
حياة: لو مكنتش عملت كدة يبقي انا كدة بكرهك يا حبيبتي احنا مش ناقصين كلام ناس و مش ناقصين حاجة احنا عايزين نعيش في هدوء ارجوكي. علي الاقل لغاية ما تخلصي جامعة...
نازلي: حاضر.
حياة: خدي اهم فلوس اقتصدي ها يا مفترية.
نازلي(بضحك): شكرا.
حياة: باي. خلي بالك من نفسك.
نازلي هي كمان مشيت.
فردوس: بقولك يا حياة.
حياة: نعم يا حبيبتي؟
فردوس: بما اني مخلصة جامعة و كدة ايه رأيك اشتغل.
حياة: هو ايه حكاية اشتغل اشتغل. لا يا حبيبتي انا اخاف عليكي الصراحة واحدة عيونها ملونة و شعرها بسم الله ما شاء الله و بشرتها لبن لا الصراحة اخاف عليكي.
فردوس: بس بقي بطلي.
حياة: يا مزة انتي.
حور(بدموع): انتي بتحبيهم اكتر مني.
حياة: انا اقدر يا جمر انتي. ده انتي حوريتي يا بت.
حور: انا بحبك اوي.
حياة: انا بعشقك اكتر.
حياة: هي البت فتون اتأخرت ايه؟
فردوس: طب كلميها؟
حياة: طيب، يلا باي.
حياة نزلت من الشقة و لسة هتروح لبيت فتون لقت شخص بيوقفها.
حياة: حضرتك عايز ايه؟
شخص: انا سواق ليث بيه و هو امرني اني اوصلك.
حياة: لا شكرا مش عايزة حاجة.
حياة سابته و لسة هتمشي...
السواق: ارجوكي متقطعيش عيشي.
حياة: انا اللي برفض. يعني مش هيرفدك.
السواق: انتي متعرفيش ليث بيه...
حياة: و انا مش هركب.
السواق: طب قوليله انتي...
حياة: طيب.
السواق اتصل ب ليث. الخط اتفتح.
السواق(بخوف): اهلا يا ليث بيه.
ليث: خير انجز؟
السواق: الانسة مش عايزك تركب.
ليث: ودهالي.
السواق: اتفضلي.
حياة خدت من السواق التليفون و لسة هتتكلم.
ليث(ببرود و لهجة أمر): هتصل بالسواق كمان ساعة يقولي انه وصلك المستشفي.
ليث قفل في وشها التليفون. حياة مسكت التليفون و بصت عليه و هي مصدومة.
حياة(بصدمة): ده قفل في وشي.
السواق: قولتلك متعارضيش اوامره.
حياة(بغيظ): انا مشفتش شخصية كدة. ايه ده؟
السواق: اتفضلي.
حياة: بس انا هعدي علي صاحبتي.
السواق: مفيش اي مشكلة.
حياة ركبت في الكرسي اللي ورا و قالت للسواق علي مكان بيت فتون...
بيت فتون قريب من بيت حياة.
حياة قعدت تخبط علي الباب لغاية ما فتون فتحت الباب.
حياة: طب اوديكي بوكس في وشك و لا اعمل ايه؟
حياة(بعصبية): انتي يا هانم لسة صاحية من النوم؟
فتون سندت رأسها علي الباب و اتكلمت و هي نايمة.
فتون: اما حتة واد يا حياة سهرني ليالي.
حياة: و حياة امك.
حياة(بحدة): قدامك عشر دقايق تلبسي فيهم و الاقيكي قدامي و تحكيلي علي موضوع الواد.
حياة(بتريقة): اللي سهرك ليالي.
حياة(بعصبية): امشي يا بت يلا.
فتون(بوعي): ايوه حاضر اهو.
فتون جريت غسلت وشها و لبست هدومها بسرعة.
فتون لبست بنطلون و تي شريت و سيبت شعرها و لبست كوتشي
فتون: يلا يا بت هنتأخر.
حياة: طب مين اللي سهرك يا روح امي؟
فتون(بتوتر): انا كنت نايمة بهلوس.
حياة: لا يا حبيبتي انا عارفة الهلوسة انا...
فتون: اوف طيب يا ست حياة. كل ما في الامر.
حياة: استني لما نركب العربية.
فتون(بذهول): عربية ايه؟
حياة: هقولك بس لما تحكي.
فتون: طيب طيب.
حياة و فتون ركبوا العربية و السواق اتحرك.
فتون حكت كل حاجة حصلت امبارح لحياة.
حياة: تصدقي انك تافهة و انا حيوانة لاني سمعتك.
فتون: انتي اللي اصريتي اني اقولك. يلا احكي ايه حكاية العربية.
حياة: مفيش يا ستي ابن الست اللي انا براعيها بعت عربية علشان توصلني للبيت...
فتون: يا بختك يا بت العربية حلوة اوي...
حياة: ان شاء الله تركبي واحدة و تكون بتاعتك.
فتون: يا رب يا اختي. و لا اقولك اركب عربية اللي سهرني ليالي.
حياة ضحكت علي تفكير صاحبتها.
حياة: يا هبلة هو علشان عيونه ملونه.
فتون: طبعا يا اختي.
حياة: و النبي...
فتون: انتي بتحبي عيون لونها ايه؟
حياة: البني الغامق اللي مايل لدرجة القهوة. او العيون الخضراء و العيون السوداء بس.
فتون: ماشي يا ام عيون سود...
حياة: بطلي غيرة.
فتون: ده عمرو دياب مخصوص غنالك.
حياة: يا ظريفة.
فتون: و غلاوتك و حلاوتك و الشوق اللي ملوش حدود بصراحة بكل صراحة انا مغرم بعنيكي السود.
حياة: لا احرجتيني.
السواق: اتفضلوا. هستني حضرتك هنا الساعة 11: 30.
حياة: طيب شكرا.
حياة و فتون دخلوا المستشفي و قابلو احمد.
احمد: اهلا يا اختي منك ليها...
حياة: اهلا عامل ايه؟
احمد: الصراحة وحشاني...
حياة: و انت.
احمد: اخبار الشغل الجديد ايه؟
حياة: تمام. يلا هروح اشتغل علشان الحق اروح.
حياة: باي.
فتون: باي يا اقرع.
احمد(بعصبية): فتون احترمي نفسك بقي.
فتون(بحزن): خلاص اسفة...
احمد: لا انا اللي اسف يا ستي. يلا بقي علي الشغل.
بعد فترة حياة خلصت شغلها و خرجت لقت العربية مستنياها ركبت و راحت علي القصر.
حياة: شكرا معلش تعبتك معايا.
السواق: و لا يهمك.
حياة دخلت.
حياة: ازيك يا دادة نور.
نور: ازيك يا حبيبتي المدام فوق في اوضتها.
حياة: تمام، عن اذنك.
حياة طلعت لاوضة صفاء و خبطت الباب.
صفاء: ادخل.
حياة: ازيك يا مدام صفاء.
صفاء: ازيك يا حبيبتي خشي.
حياة: اخبارك؟
صفاء: بخير يا حبيبتي.
حياة: الحمد لله.
صفاء: تعالي اقعدي بقي.
حياة: طب فطرتي؟
صفاء: اه.
حياة: كويس عدي قد ايه علي الفطار؟
صفاء: الكلام ده الصبح.
حياة: طيب بصي في دواء لازم تأخديه بعد الاكل بساعتين من اول بكرة هطبق النظام ده معاكي.
صفاء: طيب يا حبيبتي.
حياة: انا بأجي الساعة 12 و نص كدة. يبقي انتي افطري الساعة احم.
حياة(لنفسها): 12 ناقص 2 يبقي 10 و نزود النص ساعة يبقي 10 و نص.
حياة: يبقي تفطري الساعة 10 و نص.
صفاء: طيب يا حبيبتي.
حياة(لنفسها): يا ربي علي الاحراج...
صفاء: طب دلوقتي هنعمل ايه؟
حياة: ممكن ننزل الجنينة و ممكن نشوف النت و ممكن نقرأ كتاب ممكن نعمل حاجات كتير.
تالا: طب و النبي قوليلي حاجة واحدة اعملها بدل الملل ده.
حياة: اقرأي كتاب.
تالا: مبحبش القراءة.
حياة: شوفي النت و السوشيال.
تالا: زهقت منه.
حياة: ممكن تشوفي اليوتيوب.
تالا: هشوف ايه مثلا؟
حياة: ستاند اب كوميدي. ده حلو و بيخرجني عن مود الاكتئاب.
تالا: طب تعالوا نشوفه مع بعض...
و تالا و صفاء و حياة قعدوا يتفرجوا علي التليفون و بيضحكوا جامد...
بعد فترة...
الكل رجع من شغله و جامعته.
محمد(بغناء): يا ست الكل اه يا ست الكل. اوبا بقي يا ست الكل.
صفاء: تعالي يا مشكلة.
محمد: قلبي ازيك يا حياة ازيك يا تالا.
حياة و تالا: الحمد لله.
الباب خبط.
صفاء: ادخل.
ليث: مساء الخير.
الكل: مساء النور.
ليث(ببرود): اعتقد انتي مش من العيلة علشان تقعدي علي سرير اسيادك و لا تردي عليهم حتي.
حياة بصتله بدموع و سابته و طلعت تجري و هي بتجري خبطت في فهد.
فهد: مالك؟
حياة سابته و مشيت.
صفاء(بعصبية): انت ازاي تعمل كدة؟
ليث: لازم تعرف قيمتها و هترجع، امثالها محتاجين للفلوس...
محمد و تالا بصوا لبعض بتوتر و خوف.
صفاء: لو مرجعتش حياة حالا انا مش هقعد في البيت ده.
ليث: مش بيتلوي دراعي.
صفاء: طيب.
صفاء قامت من مكانها و كانت بطلع شنطة السفر.
محمد: يا امي اصبري بس. اهدي.
ليث(بغضب): خلاص.
ليث سابهم و مشي و لقي حياة لسة بتأخد شنطتها و لسة هتخرج.
ليث: استني.
حياة سابته و كملت مشيها. بس ليث لحقها و مسكها بسرعة من دراعها.
ليث: لما اكلمك اياكي مترديش.
حياة(بدموع): وسع ابعد عني.
ليث شد حياة معاه غصب عنها و راح علي اوضة مكتبه...