رواية طبيبة قلبي الجزء الأول للكاتبة سلسبيل كوبك الفصل الرابع والثلاثون
حياة: هسألك سؤال واحد. لو مثلا انا اقتنعت انك مظلوم و مش بتحب حد غيري و الكلام ده. ايه تبريرك اني اشوفك مقرب علي بنت تانية.
ليث: و الله يا حياة انا هفهمك كل حاجة بس افتحي و نتكلم...
حياة: مش.
و حياة ملحقتش تكمل كلامها و سكتت.
ليث: حياة ردي. حياة سمعاني طيب حصلك حاجة.
ليث سمع صوت حاجة بتتكسر.
ليث(بقلق): حياة حياة سمعاني، يا بنتي ردي عليا.
ليث حاول يكسر الباب و حاول كذا مرة لغاية ما فتحه.
ليث(بصدمة): حياة؟!
شاب: ابعد عني و الا افتحهالك نصين.
ليث: اهدي طيب.
حرامي نط من بلكونة حياة و دخلها و قبل ما حياة تكمل كلامها حط ايده علي بوقها و حط السكينة علي رقبتها و حياة زقت برجليها الترابيزة فوقع من عليها حاجة ازاز...
شاب: انا مش عايز غير فلوسك و لو في دهب.
ليث: مفيش هنا دهب. فلوس استني هروح اجبلك و اجي بس ابعد عنها.
شاب: مش تلميذ انا علشان اسمع كلامك.
شاب مشي و ممشي قدامه حياة.
شاب: قدامي يلا روح جيب الفلوس.
ليث: طيب.
ليث مشي و راح ناحية الصالة و كان الشاب لسة بينزل علي السلم. بس لقي ليث شد حياة ناحيته و نزل فيه ضرب.
حياة: يا غبي.
حياة قعدت تكح كتير.
حياة فتحت باب الشقة بسرعة.
حياة(بصوت عالي): حرامي حرامي.
الجيران نزلت و ضربوا الحرامي مع ليث.
ليث قام و قرب من حياة و خدها في حضنه.
ليث: عملك حاجة؟
حياة(باحراج): لا.
ليث: طيب. هنمشي النهاردة و مفيش نقاش في الموضوع ده.
حياة(بعصبية): انت استحلتها و لا ايه ياض انت؟
ليث: متشكرين يا رجالة علي واجبكم.
ليث خلي حراسه يأخدوا الشاب و يودوه القسم.
ليث(بهدوء): تخيلي كدة لو مكنتش موجود كان هيحصل ايه؟
حياة: كنت هصوت و الم الناس.
ليث: واضح واضح ما هو صوتك كان عالي اوي. البسي هدومك يا حياة خلينا نروح بيتنا.
حياة: لا مش بفكر اني اكون زوجة دلوقتي.
ليث: لا عندنا حاجات كتير نفكر فيها مثلا نخلف نجيب كام عيل. يلا جهزي نفسك.
حياة: انت منحرف علفكرة.
ليث: شكرا وسام احمله إلى صدري.
حياة: يا رزل مش هروح معاك برضو...
ليث زق حياة علي الحيطة و قرب منها و(لخيالكوا).
ليث: خلينا حلوين مع بعض يا حياتي.
حياة: انا مستحيل اسمحلك تلعب بكرامتي و مستحيل ارجع بيتك تاني. مراتك اولي بيك. او بمعني اصح ال 2920 زوجة اللي اتجوزتهم.
ليث: لا انا اتجوزت 2921 و مش عايز غير واحدة منهم بس. كاميليا هطلقها و ناهد دي مش مراتي.
ليث: اتجوزتها من زمان و طلعت حامل و لما انتي دخلتي كنت بحاول اسكتها.
حياة: يا حرام. لا تصدق صعبت عليا اكرمش عشرة جنيه و اودهالها في ايديها يعني و لا اعمل ايه.
حياة: ابعد عني يا رزل.
ليث: طب فرصة واحدة بس و اوعدك هتلاقي تغير كامل.
حياة: لا.
ليث: و غلاوة باباكي و مامتك.
حياة(بضعف): لولا انك حلفتني بأغلي ناس.
حياة: موافقة بس بشروط.
ليث: موافق عليهم.
حياة: مش هتغصبني علي حاجة لو لقيتك اتغيرت هكمل معاك غير كدة لا...
حياة: هكمل شغلي مهمل حصل...
حياة: و اياك اياك تقرب مني فاهم.
ليث: ده اللي هو ازاي؟
حياة: ده اللي عندي.
ليث: طيب موافق.
حياة: طيب.
ليث: طب يلا بينا.
حياة: دلوقتي؟!
ليث شالها بين ايديه.
ليث: لسة هنتكلم.
ليث نزل بحياة و حياة لقت الحراس كلها مالية الشارع...
ليث: اطلعوا خدوا الشنط اللي فوق.
ليث ركب حياة و ركب جمبها.
ليث: اطلع.
السواق: حاضر يا بيه.
ليث حط ايده علي كتف حياة و قربها منه.
حياة: مش اتفقنا مش هتقرب مني.
ليث: قرب عن قرب يفرق. و انتي محددتيش.
حياة: اوف رزل...
و بعد فترة وصلوا للقصر. و دخلوا للقصر.
تالا(بصريخ): حياة.
تالا جريت علي حياة و حضنتها جامد.
حياة(باختناق): خلاص يا حبيبتي هيبقي الحضن الاخير ده.
فردوس(بفرحة): حياة حياة.
حياة حضنت فردوس و باستها.
ادم: اخبارك؟
-حياة وطت و حضنت ادم و باسته. و جه ادهم و باسته برضو علي خده.
حياة(بفرحة): وحشتوووووني اوي.
الكل: و انتي اكتر.
صفاء(بدموع): حبيبتي جيتي.
صفاء راحت علي حياة و حضنتها جامد و قعدت تعيط...
-و الكل عمل علامة مية مية ل ليث.
حياة: يا طنط متعيطيش. انا بخير يا روحي هو سوء تفاهم حصل اينعم لسة متحلش بس ماشي.
فهد: يعني ايه متحلش؟
حياة(بتكبر): يعني انا لسة مسامحتهوش و لما الاقي تغير هبقي افكر.
محمد(بهمس لحياة): كدة ليث في عداد الموت.
حياة(بهمس و سخرية): ها اومال فاكر ايه؟
ليث(بحدة): طب نتعشي و لا ايه؟
و الكل راح قعد علي السفرة. و بدأوا يأكلوا.
حياة: عن اذنكوا. الحمدلله.
ليث: جاي وراكي.
حياة: مش فارق.
حياة سابتهم و طلعت اوضتها خدت دوش يريح اعصابها و ترتب افكارها. و خرجت غيرت هدومها.
حياة(بخبث): هوريك يا ليث النجوم في عز الضهر.
حياة لبست عباية بيتي بحمالة رفيعة و قصير قبل الركبة بشوية و باللون النبيتي و لبست في رجليها زي شبشب باللون الاسود. و سيبت شعرها و حددت عينيها بكحل و روچ غامق.
حياة راحت علي سريرها و كانت هتنام بس ليث دخل.
ليث: حياة.
حياة: خير؟
ليث: قومي هقولك حاجة.
حياة: لا عايزة انام.
ليث: طب استني هغير هدومي و اجي انام جمبك علي السرير.
حياة اتعدلت من نومتها و قعدت علي السرير و بعديها قامت و قربت من ليث و ليث كان منبهر بجمالها و شارد معاها.
حياة(برفعة حاجب): و مين قالك انك هتنام جمبي علي السرير؟
ليث(بانتباه): اومال هنام فين يعني؟
حياة مسكت ايد ليث و خرجت بره الاوضة.
حياة: شايف الاوضة دي هتنام فيها.
حياة: كوابيس سعيدة زوجي العزيز...
حياة سابت ليث و دخلت اوضتها و قفلت الباب بالمفتاح.
ليث: نعم! ده اللي هو ازاي؟
حياة(من ورا الباب): زي السكر في الشاي نام يا بيبي.
-حياة راحت علي السرير و نامت. ليث قعد يشتم حياة و اتخنق و اتعصب و رمي جاكت البدلة في الارض.
ليث: ماشي يا حياة و ربي لاندمك.
-في الصباح الباكر...
في القصر.
صفاء: ايوه يا فهد يا ابني.
فهد: يا جماعة فيها ايه ليث هيعقد صفقة عادي يعني.
تالا: طيب بس مستغربة نوعا ما، يلا.
فريد: اه يا صفصف فتون و عائلتها جايين النهاردة.
صفاء: اشيلهم فوق رأسي يا ابني.
فريد: قلبي و ربنا.
فهد: لاحظ انك بتعاكس امي.
فريد: اخرس ياض.
ليث: ها يا فريد ايه الاخبار؟
فريد: تمام يا ليث.
فهد: انت مالك عيونك مرهقة.
تالا: هي حياة سابت فيه حاجة و مخلتهاش مرهقة.
ليث: تعرفي تخرسي و لا اجي اخرسك.
ادهم: يوووووووووووووه مش هتتعلم ابدا.
حور: عمو ليث.
ليث: نعم يا حبيبتي.
حور: هو حياة فين؟ كنت نايمة امبارح.
ليث: اطلعي صحيها.
حور: طيب.
نازلي: ياااااه اخيرا حياة رجعت البيت...
ليث: لا و راجعة و بتتأمر.
نازلي: و النبي؟ براحتها...
فريد: اهدي يا وحش.
-و قعدوا يضحكوا و يتكلموا.
عند حياة.
حور خبطت علي الباب كتير.
حياة(بنوم): غور يا ليث من هنا مش هفتح لو اطبقت السماء علي الارض.
حور نزلت جري لتحت.
ليث(بقلق): حياة حصلها حاجة؟
حور: لا لما خبطت عليها قالت غور يا ليث مش هفتح لو اطبقت السماء علي الارض.
الكل ضحك علي حياة و ليث و ليث بصلهم بغيظ.
ليث: بتضحكوا علي ايه منك ليه؟
فردوس(بضحك): هي حياة نيمتك بره الاوضة.
ليث: بس يا بت انتي. لا انا قولت اسيبها براحتها.
تالا: واضح واضح.
صفاء: خلاص يا جماعة هما حرين...
نازلي: صباح الخير.
الكل: صباح النور.
نازلي: ايه اللي بيحصل ده؟
فريد: في حفلة بليل.
نازلي: اوكي...
ليث: النهاردة اجازة للكل. من الجامعة و الشغل و كل حاجة. و فتون و عائلتها هتيجي قريب.
تالا: كلهم؟
فهد: غبية هيجوا ناقصين ازاي؟
تالا: اوه سوري.
عند حياة.
حياة بدأت تتقلب في سريرها و مش عايزة تقوم من النوم.
حياة(بنوم): طب انا لو قمت هعمل ايه؟
حياة(بنوم): منك لله يا ليث سبب كل حاجة بتحصل اوووووووف...
حياة اتعدلت و بصت للسقف.
حياة: طب انا بقي هعمل ايه دلوقتي؟
حياة(بخبث): فكرة.
حياة قامت بكل نشاط و جريت علي الحمام خدت دوش بسيط. و خرجت دخلت اوضة الملابس.
حياة لبست فستان باللون النبيتي ضيق و مجسمها و قصير لغاية الركبة و اختارت صندل باللون البيج بكعب بسيط. و حطت روچ بسيط و سيبت شعرها علي ضهرها و كتفها، و لبست سلسلة رقيقة فضي
حياة: بس كدة و الله انا قمر خسارة فيه.
حياة: انا اسااسا مولودة بره، يا اختي علي الجمر يا ناس.
حياة خدت شنطتها بنفس لون الصندل. و نزلت جري.
حياة: صباح الخير.
الكل ما عدا ليث: صباح النور.
-ليث كان مودي ضهره لحياة و حياة عدت من قدامه و قعدت حطت رجل علي رجل.
ليث(لنفسه): بتلعبي معايا يا حياة. و الله اصبري عليا اخلص من كل حاجة و هفضالك.
فريد: بس ايه الجمال ده؟
حياة: ميرسي يا فريد.
فهد: هي علطول قمر.
ليث(بغضب مكتوم): هو مش وراكوا تحضيرات يلا قوموا شوفوا عملوا ايه في الجنينة يلا.
صفاء: براحة يا ابني.
فهد و فريد: باي.
محمد(شبه نايم): صباح الخير.
الكل: صباح النور.
فردوس: اخبارك يا حياة؟
حياة: زي الفل.
نازلي: بس ايه يا عم الشياكة دي يكاد قلبي ان يتوقف، حياة لابسة فستان من غير مناسبة.
حياة(بضحك): يا روحي انا بس اللي كنت بكبر دماغي.
ليث: و جاية تصغريها هنا و دلوقتي.
حياة(برفعة حاجب): دماغي و لا دماغك عايزة افهم.
ليث ودي وشه الناحية التانية و ضغط علي ايده بغضب و الكل لاحظ ده.
فردوس(بهمس): لمي الدور.
حياة(بهمس): لو مش عاجبه يطلقني و كل واحد يروح لحاله...
حياة: هخرج شوية في الجنينة.
حياة بدأت تتمشي في الجنينة و لقت الجنينة مقلوبة و بعد فترة رجعت تاني.
صفاء: يلا يا حبيبتي نادي ليث علشان تأكلوا مرضيش يأكل قال لما حياة تنزل.
حياة: هو اللي مرضيش يأكل انا مالي.
حياة سابتها و راحت قعدت علي السفرة بدأت تأكل.
صفاء راحت ل ليث في مكتبه و دخلت.
ليث: اهلا يا امي. في حاجة؟
صفاء: اه حياة مستنياك تأكلوا سوا.
ليث(بفرحة حاول يخفيها): طيب طيب انا جاي.
ليث قام و راح للسفرة لقي حياة بتأكل و عرف ان ده من تخطيط مامته و زعل نوعا ما.
ليث: النهاردة ان شاء الله في حفلة.
حياة: اعتقد وجودي مش مهم يبقي خلاص مش قادرة احضر.
ليث(بجدية): لا وجودك مهم و هتكوني موجودة غصب عنك.
حياة(بسخرية): حاضر يا بيه.
ليث: حياة ايوه انا غلطت بس غلطتي مش فظيعة اوي كدة، مش لما اكون كويس تقلبي.
حياة: طول ما انت مش مقدر حجم غلطتك تبقي غلطان، و انا مش مطلوب مني اني افضل كويسة بغلط و هغلط و هتعلم.
ليث: تكوني خسرتيني لما تيجي تتعلمي.
حياة: الخسارة مش شئ وحش بالعكس ساعات بتبقي شئ افضل مليون مرة.
حياة: عن اذنك.
حياة قامت و سابت ليث و طلعت اوضتها قعدت تدور هتلبس ايه. ليث ساب الاكل و مأكلش و راح مكتبه...
-في مكان تاني...
عند نعيم.
سهر: يعني النهاردة هنحقق خطوة كبيرة اوي في حياتنا.
نعيم: ايوه يا روحي اومال ايه...
سهر: انا خايفة البت ترجع تفتكر تاني.
نعيم: لا متخافيش، و كمان لو رجعت هنكون خلعنا و سايبين ليث علي الحديدة مش هيعرف يتصرف...
عاصم(بحدة): و انا قولت مش هرجع الا بحياة.
سهر: طبعا طبعا اهدي بس نخلص من موضوع الصفقة.
نعيم: مش انا وعدتك.
عاصم(بسخرية): ما انت وعدت اخوك بأنك تفضل معاه لاخر العمر...
سهر: قدر يا عاصم، و مالك اتغيرت كدة ليه؟
سهر: بعد الصفقة روح قضي كام يوم في شاليه و استمتع مع كام بنت...
خدامة: سهر هانم فستان حضرتك وصل.
سهر: اخيرا. حطيه في اوضتي بس اياكي يقع من ايدك هقتلك فاهمة يا سهير...
سهير: حاضر يا هانم.
نعيم: اعقل يا عاصم كدة و احسبها بدماغك قلبك هيوديك في داهية.
عاصم: عقلي و قلبي بيقولوا حياة...
عاصم سابهم و طلع علي اوضته.
سهر: اوووووف حياة تاني ما صدقت خلصت منها و من امها.
نعيم: طبعا طبعا. هنخلص منها بس بعد الصفقة.
سهر: طيب. هنتقم من امها تاني و هخليها تترمي للكلاب.
نعيم: بس غريبة اخواتها فين؟
سهر: تصدق صح ازاي مفكرتش قبل كدة، ممكن يكون عايشين...
نعيم: و ممكن يكونوا ماتوا.
سهر: بس لو عايشين هيبقوا بعيد عن حياة و ممكن ميكونوش فاقدين الذاكرة زيها...
نعيم: بس هيقدروا يعملوا ايه يعني هيقدروا يقفوا في وشنا...
سهر: لا بس ممكن يحكوا لحد.
نعيم: نقتله بعد ما نخلص صفقة ليث هندور عليهم.
سهر: كان حلم حياتي اشوف قصره و ادخله واناسبه ما تخلي عاصم يخطب تالا.
نعيم: و ده هينفع معاه.
سهر: هنقوله الطريق لحياة تالا. هو ما هيصدق.
نعيم: فكرة دماغك دي عظمة يا عظمة.
سهر: نعيم انت كنت بتحب سارة؟
نعيم: ايه السؤال ده؟ لو كنت بحبها كنت قتلتها مثلا و لا كنت هتجوزك اعقلي كلامك يا سهر.
سهر: طيب يا حبيبي.
-في مكان تاني...
عند فتون.
فتون: يلا بقي يا حاتم هنتأخر.
حاتم: مش قولتي اننا هنلبس هناك بختار هلبس ايه اصبري...
فتون: فريد قال الحفلة دي مهمة اوي بالنسبة للجميع و لازم نكون اول الحاضرين.
هند: يا بنتي اصبري الله.
حاتم(بغمزة): لتكوني عايزة تشوفي حبيب القلب.
فتون(بخجل): انا لا ابدا، عايزة اشوف حياة علفكرة. و بطل يا رخم. رخم اوي انت.
هند(بضحك): ده بيقول الحقيقة.
فتون: ماشي يا ماما خليكي فكراها.
مأمون: ها يا شباب جهزتوا؟
فتون: الكل جهز الا الزفت ده.
مأمون: بنت عيب ده اخوكي الكبير.
فتون: طيب طيب.
حاتم: خلاص يا لمضة خلصت، يلا بينا.
و الكل نزل و ركب حاتم و جمبه باباه و ورا ماته و فتون. و بدأ يسوق ناحية قصر ليث...
-في مكان تاني...
في القصر عند حياة.
حياة: اوف يا الله زمانه مأكلش صعبان عليا.
حياة: ما يولع بجاز.
حياة: اوف يا قلبي. لا لا هسمع كلام ماما.
عقلها: اتحججي اتحججي.
حياة: ايوه بتحجج ملكش فيه.
حياة سابت الاوضة و نزلت لتحت.
حياة: طيب يا دادة نور ممكن تحضري اكل ل ليث علشان مأكلش.
نور: عيوني يا بنتي.
حياة: تسلمي.
حياة خرجت تتمشي في الجنينة لغاية ما الأكل يجهز. و لقت حد بيسحبها بسرعة.
حياة(بخوف): انت مين و ازاي دخلت هنا؟
شخص: انا بشتغل هنا.
حياة: عايز ايه؟
الشخص شال الشنب و الشعر. حياة بصتله بصدمة.
حياة(بصدمة): انت بتعمل ايه هنا و جاي ليه؟
عاصم: وحشتيني اوي يا حياة.
حياة(بغضب): قسما بربي لو ما مشيت من هنا لاصوت و اخلي ليث يعملك خريطة في وشك.
عاصم: مش بخاف كل اللي جيت اقوله جهزي نفسك في اقرب وقت هنسافر امريكا.
حياة: انت حقير اوي مستحيل اسيب جوزي. انا بحبه فاهم...
عاصم مسكها من وسطها و ضغط عليه جامد.
حياة(بوجع): ابعد ايدك.
عاصم: قسما بربي يا حياة لتكوني مسافرة معايا و الا انسي الزفت بتاعك ده.
عاصم قرب منها بس حياة ودت وشها الناحية التانية. عاصم باسها علي خدها.
عاصم: باي يا حبي.
حياة عيونها دمعت و دخلت القصر بسرعة.
حياة: فين ليث؟
نور: في مكتبه يا بنتي. مالك؟
حياة(بدموع): مفيش.
حياة مشيت بسرعة ناحية مكتبه و فتحت الباب علطول...
ليث: في ايه؟
ليث لاحظ ان وشها احمر و عيونها مدمعة. قام بسرعة من علي الكرسي و قرب منها و حياة جريت و حضنته.
ليث: خلاص اهدي محصلش حاجة اهدي.
حياة(بعياط و شهقة): جه هنا و قرب مني.
ليث: مين ده؟
حياة(بعياط): عاصم.
ليث(بغضب مكتوم): طب اهدي و احكيلي حصل ايه؟
حياة و هي بتعيط حكت كل حاجة حصلت ل ليث...
ليث: خلاص يا حبيبتي اهدي. انا جمبك مش هيقدر يأخدك. و كمان قربت نهايته اوي.
حياة(بعياط): انا خايفة.
-ليث ضم حياة لحضنه اكتر لغاية ما حياة نامت غصب عنها و ليث شالها نيمها علي الكنبة اللي في مكتبه. و نزل لمستواها.
ليث: اوعدك هرجعلك حق كل دمعة نزلت من عيونك يا حياة. و هرجعلك حقك انتي و اخواتك و ده وعدي ليكي. بحبك.
ليث قام و قعد علي مكتبه بدأ يكمل شغله و كل شوية يبص علي حياة...
بره.
عائلة فتون وصلت.
فريد: اهلا اهلا يا عمي.
فريد: ازيك يا طنط.
مأمون: ازيك انت. و اخبارك ايه؟
فريد: الحمد لله، ازيك يا حاتم؟
حاتم: الحمد لله.
فريد: اتفضلوا اتفضلوا.
حاتم(بهمس و ضحك): معبركيش يا ام شعر قصير.
فتون بصت ل حاتم بغضب و بعدين بصت ل فريد بغضب اكبر و مشيت.
صفاء: اهلا اهلا مدام هند.
هند: ازيك يا حبيبتي عاملة ايه؟
صفاء: الحمد لله...
فهد: اتفضل يا عمي اقعد.
محمد: صباح الفل. ازيك يا فتون.
فتون: الحمد لله، و بعدين صباح ايه الوقت اتأخر.
تالا: احم اهلا ازيك يا طنط.
هند: ازيك انتي يا حبيبتي.
تالا: ازيك يا عمو...
مأمون: الحمد لله يا حبيبتي.
تالا: فتون اخبارك وحشاني.
فتون: و انتي اكتر يا روحي.
تالا(باحراج): ازيك يا استاذ حاتم.
حاتم: بقيت كويس.
تالا نزلت عيونها في الارض بأحراج.
-و فجأة الكل سمع صوت ضرب نار.
السؤال: مين ضرب نار؟ و ايه اللي هيحصل؟