رواية طبيبة قلبي الجزء الأول للكاتبة سلسبيل كوبك الفصل الثاني والثلاثون
حياة سابت ليث و مشيت خطوتين و اول ما مشيت اغمي عليها.
ليث(بخضة): حياة...
ليث نزل لمستوي حياة و حاول يفوقها.
ليث: حياة فوقي. حياة حياة.
ليث شال حياة و نيمها علي السرير و غطاها كويس، و بدأ يتفحص حرارتها لقاها عالية اوي.
ليث: يا رب...
-ليث نزل المطبخ و جاب كمادات و طلع بدأ يعمل كمادات لحياة و حرارتها مش عايزة تنزل.
حياة(بتخريف): ل لل يث.
ليث(بدموع): نعم يا حياتي...
-ليث كان بيحاول يمسك دموعه و قعد يعمل كمادات كتيرة ل حياة...
-و عدي كام ساعة و حرارة حياة عالية و ليث قاعد مش عارف يعمل ايه و مفيش دكاترة هنا.
و بعد فترة حياة بدأت تفتح عينيها.
ليث(بفرحة): حياة سمعاني؟
حياة(بخفوت): ايوه.
ليث: طب حاسة بأيه؟
حياة(بخفوت): معرفش.
ليث: طب اصبري هنزل اعملك شوربة و اطلع.
حياة لا رد.
ليث: متقوميش من مكانك جايلك.
ليث نزل و بدأ يعمل شوربة لحياة و طلع ليها ملقهاش. حط الصينية علي الترابيزة و راح للحمام.
ليث: بتعملي ايه؟
حياة: شايف ايه؟
حياة غسلت وشها و راحت ناحية ما ليث واقف.
حياة: ايدك.
ليث: مالها؟
حياة: شيل ايدك عايزة اقفل الباب هستحمي.
ليث: انتي اتجننتي تستحمي ازاي و انتي تعبانة و حرارتك عالية.
حياة زقت ليث بأيديها براحة و قفلت الباب.
ليث(بحدة): حياة بطلي تعاملك ده.
حياة: انت اللي حطيت مسافات ما بينا.
-حياة راحت و استحمت بصعوبة و بعد فترة خرجت راحت لاوضة الملابس و مودتش اهتمام ل ليث.
حياة لبست بنطلون بيتي قصير لغاية بعد الركبة باللون الاسود و لبست تي شيرت باللون الاسود و في رسمة قطة باللون الدهبي
حياة خرجت مسكت صينية الاكل و بدأت تأكل و ليث قاعد علي آخره منها و من تصرفاتها.
حياة: شكرا.
ليث: علي ايه؟
حياة: الاكل.
حياة كانت هتقوم بس ليث قعدها تاني علي السرير.
ليث: انتي تعبانة خليكي.
حياة: لا متخافش انا كويسة شوية ارهاق.
ليث: شوية ارهاق هيعلوا حرارتك.
حياة: ايوه لما بتعب بتقلب بحرارة عالية و ترجيع.
ليث: طب خليكي هنزل الصينية و هطلع.
-ليث نزل الصينية و طلع لحياة لقاها قاعدة علي سريرها و ساندة ضهرها و مرجعة رأسها لورا و مغمضة عنيها.
لما حياة حست ب ليث بيقعد جمبها علي السرير اتكلمت و هي مغمضة عينيها و علي نفس الوضعية.
حياة: ليث.
ليث: نعم.
حياة: قررت ايه في موضوع الخلفة؟
ليث: خلينا لما نروح.
حياة: مفرقتش هنروح دلوقتي و لا بعدين. اتكلم.
ليث: انتي عايزة ايه؟
حياة: هتسمع؟
ليث: اه.
حياة: انا شايفة يا ليث حاجة واحدة انك مش بتحبني. اللي بيحب حد بيكون عايز يشوفه و يشوف صورة مصغرة منه...
ليث: بس انا مخلف يا حياة مش عايز عيال تاني.
حياة: انت استمتعت بكونك اب. اما انا لا.
ليث: حياة انا مش عايز نسخ تانية تبقي فيها صفاتي و شبه مني انا وحش كفاية ادم و ادهم.
حياة اتعدلت و قربت من ليث و حاوطت وشه.
حياة: لو ربيناه صح مش هيبقي شبهي و لا شبهك هيبقي ليه كيان لوحده. هيبقي هو نفسه مش ابن ليث و لا ابن حياة.
حياة: يعني انا ممكن اخلف بنت و انت معندكش بنات هتبقي حبيبة باباها و انا هغير منها و نعيش اسرة سعيدة ده مش معناه اني بكره ادم و ادهم و الله بحبهم و معنديش مانع يبقوا جزء من عائلتي هبقي سعيدة اني شيفاك فيهم.
حياة: بس انا نفسي اشيل طفل يكون من صلبك و اكون انا اللي تعبت فيه و خلفته.
حياة: ما ممكن اسااسا مكونش بخلف تبقي جت من عند ربنا. و مش هزعل ساعتها لانه هيكون قدر...
حياة: يعني مثلا تخيل اني وافقت اني مخلفش و بقيت حامل غصب عني ساعتها هتتخلي عني و هتسبني.
حياة: اللي عايزه ربنا هيكون يا ليث. صدقني.
حياة خلصت كلام و ليث فضل مركز علي حياة و متكلمش.
حياة(لنفسها): مقتنعش.
حياة: تمام يا ليث.
-حياة كانت هتقوم بس لقت ليث حضنها.
ليث(بهدوء): توعديني انك مش هتسبيني ابدا؟
حياة: اوعدك.
ليث رفع دقن حياة بأيده و قرب منها و (لخيالكوا).
حياة(باحراج): تصبح علي خير.
حياة لفت و نامت و ليث حضنها من ضهرها و قربها منه.
-في الصباح الباكر...
في قصر ليث.
ادهم(بحدة): انت ازاي متقولش ان كاميليا في المستشفي؟
فهد: هي في للعناية المركزة يا ادهم اهدي بس.
ادهم(بحدة): في اي مستشفي يا فهد انطق؟
فهد: ليث راجع النهاردة اصبر بس لما يرجع و نتكلم.
صفاء: مالكوا بتتخانقوا ليه؟
ادهم: مفيش يا تيتة.
ادهم بص لفهد بغضب و طلع علي اوضته قفل الباب بعصبية...
فهد: اوف يا رب.
صفاء: حصل ايه يا فهد؟
فهد: متشغليش بالك يا امي، كله بخير.
صفاء: طيب يا ابني، فين الباقي علشان يفطر؟
فهد: معرفش. خدي بالك ان ليث و حياة راجعين النهاردة.
صفاء: طيب يا حبيبي.
نازلي: صباح الخير.
صفاء و فهد: صباح النور.
نازلي: هو فعلا حياة راجعة النهاردة؟
فهد: ايوه.
نازلي: طب الحمد لله.
فهد: فردوس فردوس.
فردوس: ها نعم.
فهد: مالك واخدة في وشك كدة ليه؟
فردوس: لا مش كدة اصل انا من بعد الفجر نزلت قعدت في الجنينة و هطلع بقي اخد دوش و انزل تاني...
فهد: طيب متتأخريش.
فردوس طلعت خدت دوش سريع و غيرت هدومها و نزلت.
صفاء: دادة نور.
نور: نعم يا صفاء هانم...
صفاء: جهزي السفرة.
نعمان: صباح الخير.
فردوس: صباح النور، مبتجبش سيرة حنين يعني؟
نعمان: انا جعان يا فردوس يلا.
حور(بضحك): بطل.
ادم: انا عملت حاجة يا بت.
فهد: خالص شايلها علي كتفك بس.
نازلي: يا عيني يا عيني، لتكون بتحب اختي ياض؟
ادم(ببرود): لا مش انا، انا بلعب معاها عادي كأنها اختي دماغك متروحش لبعيد.
فهد: طيب يلا نأكل.
تالا: هيييييييييي نسيتوني.
صفاء: نقدر يا حبيبتي؟ يلا تعالي.
و الكل بدأ يأكل علي السفرة.
ادم: فين ادهم؟
دادة نور: ادهم بيه مش عايز ياكل.
ادم: طيب.
-في مكان تاني.
عند فريد.
فريد كان نايم صحي علي صوت تليفونه...
الخط اتفتح.
فريد(بصوت نايم): الو مين؟
ليث: صحيتك يا اهبل.
فريد: لا ابدا و حضرتك بتزعج و لا بتصحي حد ده انت نسمة.
ليث: طيب جهز نفسك اول ما هرجع هنعدي علي الزفتة اللي اسمها ناهد و بعدين الشركة عايز اخلص الموضوع النهاردة...
فريد: مالك يا ابني مستعجل علي ايه؟
ليث: لا عايز اخلص كل المواضيع اللي عليا و اتفرغ لحياتي و بيتي.
فريد: حياتك دي بمعني حياة مراتك و لا حياتك دي بمعني حياتك انت مدة عيشك.
ليث: لا حياتك انت يا اخويا، يلا اصحي و ظبط كل حاجة.
ليث: العربية هتوصل كمان ساعة يلا.
فريد: طيب. قومت ده ايه القرف ده. سلام.
ليث اول ما قفل التليفون لقي حياة بتحضنه من ضهره.
ليث: صباح الخير.
حياة: صباح النور. اخبارك؟
ليث: كويس. و انتي اخبار التعب و الارهاق ايه؟
حياة: لا تمام احسن الحمد لله، طول ما نفسيتي في السليم يبقي خلاص.
-ليث بعد حياة عن ضهره و وقفها قدامه بحيث تكون ساندة علي سور البلكونة و هو قدامها محاوطها بأيده...
ليث: تمام. بصي دلوقتي خشي خدي دوش و اخرجي البسي لبس محترم و هننزل نفطر و هنمشي.
حياة(بحزن): و هنسيب المكان الحلو ده؟
ليث قرب منها و دفن وشه في رقبتها.
ليث: متخافيش هنبقي نيجي تاني.
حياة: بحبك.
ليث لا رد.
ليث(لنفسه): و انا كمان.
حياة(لنفسها): يا حيوان.
ليث: يلا علشان نلحق نمشي...
حياة سابت ليث و دخلت خدت دوش و خرجت جري علي اوضة الملابس.
حياة لبست بنطلون واسع باللون الزيتي و تي شيرت ابيض و فيه خطوط باللون الزيتي ب ¾ كم و قصير و لمت شعرها علي شكل ديل حصان و لبست كوتشي ابيض عالي و اختارت شنطة باللون الاسود ضهر و حطت روچ هادئ و كحل.
حياة خرجت ملقتش ليث نزلت لتحت لقته واقف في المطبخ...
حياة: بتعمل ايه؟
ليث: مستنيكي تعملي الفطار يلا.
حياة: بدل ما تعمله انت؟
ليث: هي شغلتي مثلا.
حياة: يعععععععع مش رومانسي كلامك بينقط سم. وسع ياض من وشي.
حياة بدأت تعمل فطار خفيف و ليث واقف بيشوفها و هي بتعمل الفطار.
حياة: تصدق انا تعبتلك من كتر الوقفة. بلاش بقي تجهد نفسك.
ليث قرب من حياة و حضنها من ضهرها.
ليث(بهمس): متتريقيش علشان متندميش.
حياة(بتوتر): ابعد عايزة اكمل الاكل علشان نمشي.
ليث: مالك يا حياة خوفتي يعني؟!
ليث(بسخرية): الشجاعة راحت فين؟ شكلها راحت مارينا.
حياة زقت ليث بضهرها و بصتله بغضب و راحت كملت فطار.
حياة: الاكل جهز. يلا.
و بدأوا يفطروا هما الاتنين.
حياة(بغيظ): ايه عيني حلوة اوي للدرجة دي؟
ليث: هو انا بصتلك اصلا؟
حياة(بغيظ): ما هو المشكلة دي انك مش باصصلي.
حياة: يا ليث اتعلم شوية يعني مش هنفضل طول عمرنا عايشين كدة. انت بتحبني ايوه بس مش معني انك قولت كلمة بحبك و بس.
ليث مبصلهاش و كمل اكله. حياة اتنهدت و قامت.
ليث: راحة لفين؟
حياة: هتمشي شوية علي البحر...
حياة سابته و بدأت تتمشي علي البحر. و هو خلص اكله و غسل ايده و قام.
ليث: يلا العربية وصلت.
حياة: طيب.
ليث و حياة ركبوا العربية و بعد فترة وصلوا للبيت.
تالا(بفرحة): ليث.
تالا جريت علي ليث و حضنته.
حياة(بحزن مصطنع): ماشي يا ست تالا.
تالا: قلبي انتي.
تالا حضنت حياة جامد...
تالا: تعالوا تعالوا نخش البيت. الكل مستنيكوا.
و دخلوا البيت. و تالا بدأت تنادي علي الكل بصوت عالي.
تالا: يا ماما يا فهد يا فردوس.
ليث: يا بنتي اهدي.
الكل خرج علي صوت تالا و الكل بدأ يسلم عليهم و يحضنهم بحفاوة.
فهد: حمد لله السلامة يا عم.
ليث: الله يسلمك.
حياة: وحشتيني اوي يا طنط.
صفاء(بدموع): و انتي يا حبيتي.
ليث: ازيك يا امي.
صفاء: بخير بيك يا حبيبي.
نازلي: خلعتوا يعني بعد الفرح...
ليث: قدر يا نازلي...
نازلي: طيب.
ادم: كويس انك رجعت عايزك في موضوع.
ليث: بليل ورايا مشاوير مهمة.
ادم: طيب.
حور: حيااااااااااااة.
حياة وطت و شالت حور بين ايديها و قعدت تبوس فيها.
حياة: قلب حياة يا روح و عيون و عقل حياة.
فردوس: حبيبتي حمد لله بالسلامة.
حياة: الله يسلمك يا روحي.
نعمان: هاي.
حياة: هاي.
نعمان راح حضن ليث و ليث بادله الحضن.
نعمان: حمد لله بالسلامة يا ابو نسب.
ليث مسك دراع نعمان و لواه ورا ضهره.
نعمان(بوجع): آآه.
حياة(بصدمة): انت اتجننت يا ليث ابعد عنه.
ليث(بحدة): شكلي لما عاملتك كصاحب كان غلط يا نعمان.
صفاء: يا ابني حصل ايه؟
فهد: يا ليث اهدي.
ليث شد نعمان معاه بكل غضب و راح لورا البيت.
فردوس: هو هيعمل ايه؟
حياة(بغضب): لا ده مختل عقليا بقي.
ادم: اهدوا و هنفهم من ليث، مفيش حاجة هتستخبي صح و لا ايه؟
عند ليث و نعمان.
ليث(بغضب): خش.
نعمان(بزعيق): انت عايز مني ايه؟
ليث: رجعت تشرب الزفت ده تاني. و كمان بقيت مدمن رسمي.
نعمان: ملكش دعوة بيا انا حر دي حياتي و انا حر فيها.
ليث(بغضب): لا مش حر. انت هتبقي راجل انت في يوم من الايام ممكن اخواتك يسندوا عليك...
نعمان(بزعيق): سيبوني في حالي كل واحد شايف مصلحته. سيبوني اشوف مصلحتي.
ليث: و انا هوريك مصلحتك يا نعمان لانك مش عارف هي فين.
ليث خرج من المكان الشبه مظلم ده و قفل الباب و ساب نعمان جوا لوحده...
نعنان(بصوت عالي): افتح الباب يا ليث...
ليث(بحدة): محدش يفتح الباب ده. و حطوا كام حارس غيركوا هنا.
حارس: حاضر يا بيه.
ليث راح ناحية القصر و دخل.
ليث: مالكوا واقفين كدة ليه؟
محمد(و هو نازل من علي السلم): في ايه متجمعين ليه؟
تالا(بهمس): انت لسة صاحي يا زفت انت؟
محمد(بهمس): حصل ايه؟
تالا(بهمس): هحكيلك بس اصبر.
ليث(بحدة): كله يشوف رايح فين؟
حياة(بعصبية): فين نعمان يا ليث؟
ليث: هيرجع كمان اسبوعين...
حياة(بعصبية): ده اخويا و لازم اعرف راح فين و عملتله ايه.
ليث: و انا قولت هيرجع كمان اسبوعين ريحي دماغك بقي...
صفاء: يا ابني بس ازاي؟
ليث(بصوت عالي): قولت كلمتي خلااااااص.
ليث سابهم و طلع علي اوضته...
حياة(بغضب): ده غبي ده و لا ايه؟
فردوس: اكيد ليه وجهة نظر.
نازلي: ازاي يعني يا فردوس؟
فهد: اهدوا اكيد نعمان عمل حاجة غلط و ليث بيفهمه الصح.
حياة(بصوت عالي): نعمان اخويا انا و انا اخته الكبيرة و انا اللي ليا حق اني اعاقبه او لا. هو اتدخل ليه؟ ده غبي ده و كمان مش عايز يتكلم.
محمد: اهدي بس يا حياة متعليش صوتك.
تالا: ابوس ايدك محدش هنا بيعلي صوته غير ليث وطي صوتك.
حياة(بصوت اعلي): اوطي صوتي ليه بقول حاجة غلط مثلا، انا عايزة اعرف اخويا فين و حصله ايه؟
ليث(بحدة): مش قالتلك وطي صوتك و لا انتي غاوية قلة ادب و خلاص.
ليث: يلا يا فهد جبت الملفات.
ليث و فهد خرجوا و ركبوا عربيتهم و راحوا لفريد في الشركة...
فهد: يا ليث كنت تتعامل براحة و هدوء.
ليث(ببرود): تعرف تسكت و لا اخليك تسكت بمعرفتي.
و بعد فترة وصلوا للشركة...
فهد: ازيك يا فريد.
فريد: الحمد لله. ازيك يا ليث؟
ليث: الحفلة هتبقي اخر الاسبوع، و هنخلص كل حاجة وقتها...
فريد(بهمس): ماله ده؟
فهد(بهمس): بعدين...
ليث(بحدة): سمعتوني؟
فريد و فهد: ايوه.
ليث: تمام فهد روح ظبط الامور اللي متعلقة بالحفلة. و انت استني يا فريد.
فهد: عن اذنكوا...
فريد: مالك يا ابني؟
ليث: مفيش. اتكلم عن الزفتة ناهد دي.
فريد: لقيتها جت سألت عليك بس ملقتكش فجت ليا في مكتبي. و لقيتها بطنها كبيرة و حامل.
فريد: و بعدين قعدت و قالت ان ده ابنك و كمان ولد و هي مرضيتش تقولك من زمان علشان متجبرهاش تسقط.
ليث(بغضب): الحيوانة. كمل يا فريد.
فريد: ودتها مستشفي بعيدة عن كل حاجة تخصك بس للاسف مش هعرف اراقبها كويس و لا اعرف تخطيطها. و بعديها.
ليث(بحدة): انطق.
فريد(بتوتر): نقلتها للمستشفي اللي بتشتغل فيها فتون.
ليث: يا غبي، يلا بينا بسرعة.
ليث و فريد ركبوا عربيتهم و راحوا المستشفي.
-في مكان تاني.
عند حياة.
نازلي: اهدي بس يا حياة بطلي عصبية.
حياة(بعصبية): شيفاني بشد في شعري و لا ايه.
تالا: خلاص خلاص. مش هنتكلم...
حياة(بعصبية): انتوا عايزين تضايقوني و خلاص...
محمد: يا بت خلاص احنا هنحط جذمة قديمة في بوقنا.
حياة(بعصبية): كلامكوا لوحده بيعصبني اخرسوا.
محمد: طب بقولك.
حياة(بعصبية): اخلص.
محمد: البنت اللي هي كلمتك عنها مامتها يعني عندها القلب و...
-حياة بصت حواليها و مسكت الشبشب اللي كان في الارض و رمته علي محمد.
الكل ضحك علي محمد و حياة.
حياة(بعصبية): بره اوضتي ياض انت.
محمد: ماشي خليكي فاكرة يا ست حياة...
حياة: ده لسة بيحاسبني. طب اضربك بأيه تاني؟
حياة: اقولكوا علي حاجة.
حياة(بصوت عالي): برررررررررررررررررررررررره...
فردوس(بضحك): يا بنت الهبلة.
تالا: هنسيبك طيب ترتاحي.
الكل ساب حياة و نزل و حياة قعدت علي اعصابها.
حياة: لا انا مش هقعد كدة.
حياة قامت و دخلت غسلت وشها و ظبطت نفسها و خدت شنطتها و نزلت لتحت.
صفاء: راحة فين يا حبيبتي؟
حياة: راحة مشوار اغير جو و اجي.
صفاء: قولتي ل ليث؟
حياة(بسرعة): هتصل بيه.
حياة مشيت من قدام صفاء بسرعة و ركبت عربية.
حياة: لو سمحت روح علي مستشفي().
السواق: حاضر يا هانم...
-في مكان تاني.
عند ليث.
ليث و فريد راحوا للمستشفي و دخلوها.
فريد: هروح بس اسلم علي فتون.
ليث(بحدة): فريد.
فريد: ما تولع فتون فيها ايه يعني. اتفضل يا باشا اتفضل.
ليث مشي و وراه فريد...
فريد: الاوضة دي.
ليث دخل الاوضة و لقي ناهد قاعدة و معاها الممرضة...
ناهد: حبيبي.
ليث(ببرود): لو خلصتي الفحص تقدري تخرجي بره.
الممرضة: حاضر يا بيه.
ناهد: وحشتني اوي يا حبيبي.
ليث(بحدة): انا مش حبيبك.
ليث: انجزي عايزة تأخدي كام و تنسي اني ابو ابنك ده...
ناهد: لا انت ابوه و هترجعني.
فريد: انا شايف انك بلا كرامة.
ليث: بعد ما تولدي هيكون في حسابك خمسة مليون جنيه و تنسي اني اتجوزتك.
ليث: و لو حد غيرك عرف بالموضوع ده انسي انك تفضلي عايشة.
ناهد: انت بتهددني؟
ليث: افهمي زي ما انتي عايزة. موافقة؟
ناهد: لا.
ليث مسكها من شعرها.
ليث(بحدة): يا بنت ال، انتي اسااسا متسويش في سوق الستات حاجة فاتعدلي كدة يا روح اهلك علشان مطلعش عليكي عفاريت الدنيا كلها.
ناهد(بصريخ): الحقوووووووني.
فريد كتم بوقها بأيده. بس ناهد عضته.
ليث(بعصبية): اخرسي.
ناهد فضلت تعلي صوتها، ليث قرب منها بسرعة و (لخيالكوا).
و حياة فتحت الباب بسرعة بدون مقدمات و شهقت.
فريد(بصدمة): ليث الحق!
-ليث بعد عن ناهد بسرعة و بص لحياة بصدمة و حس كأنه نفسه اتقطع لما حياة شافته كدة.
حياة(بدموع): سبب واحد يخليك تعمل كدة.
ليث: حياة انا.
حياة(بصريخ): انت ايه؟! انت كداب و خاين و فيك كل عيوب الدنيا و انا زهقت منك استحملتك كتير بس لغاية هنا و خلاص...
حياة(بصريخ): علشان كدة مش عايزني اخلف علشان مراتك السنيورة حامل و هتولد قريب.
فريد: حياة انتي فاهمة غلط.
حياة(بحدة): اسكت انت...
ناهد(لنفسها): شكلها دي اللي ليث بيحبها. جت كل حاجة في ملعبي...
ليث: حياتي...
-ليث كان بيتحرك ناحية حياة بس حطت ايديها كأشارة بمعني انه ميقربش.
حياة: متقربش. اياك تقرب.
حياة: انت من هنا و رايح غريب بالنسبة ليا.
حياة(بضحكة باهتة): و آسفة لاني خليتك تستحمل قرفي و مشاكلي و حبي ليك اللي ملهوش اساس من البداية، و شكرا ليك لاني عرفت الحقيقة قبل فوات الآوان.
-فتون كانت ماشية و لقت تجمع حوالين اوضة فدخلت و لقت حياة و هي بتعيط.
فتون: حياة حصل ايه؟
حياة: محصلش حاجة لانه مفيش اي حاجة.
حياة: طلقني يا ليث.
ليث(بحدة): سبتك تتكلمي و تعلي صوتك براحتك لكن لحد هنا و كفاية طلاق مش هطلق. و يلا قدامي علي البيت...
ليث قرب من حياة و مسكها من دراعها جامد و مشي بسرعة.
حياة: اقف يا ليث.
فتون(بخضة): ليث الحق.
ليث لف لقي حياة حاطة مشرط علي رقبتها.
حياة: ابعد عني.
ليث بعد عن حياة بصدمة و وقف قدامها و الكل شايف اللي بيحصل.
ليث: حياة نزلي اللي في ايدك.
حياة: لما تطلقني.
ليث(بصوت عالي): انتي غبية انا بحبك بحبك انتي و بس. انتي بس الوحيدة اللي بحبها و مفيش غيرك افهمي بقي.
حياة: و انا بقيت بكرهك. و اياك تفتكر انه اي حاجة ممكن تعملها ترجع اللي فات يا...
حياة: يا ليث بيه.
حياة رمت المشرط جمب رجل ليث و سابته و سابت الكل و مشيت. و الكل قاعد عمال يهمس للتاني في ودنه.
فتون: فريد حصل ايه؟
فريد: هحكيلك بس مش دلوقتي...
فتون: انا خايفة علي حياة اوي.
فريد: روحي وراها بسرعة.
فتون طلعت تجري ورا حياة. و فريد قرب من ليث.
فريد: ليث.
ليث: انا غبي ضيعتها مني يا فريد، شايفها بتضيع قدامي للمرة التالتة و مش قادر اتحرك.
فريد: اهدي بس يا ليث. تعالي معايا.
ناهد: هي مين دي اللي كانت بتصرخ؟
مريم: دي الدكتورة حياة مرات ليث بيه بيحبوا بعض اوي.
ناهد(بخبث): و يعرفها منين؟
مريم: منعرفش محدش يعرف حاجة، بس اللي نعرفه انهم متجوزين و ليث بيه بيحبها اوي و هي كمان.
ناهد: طيب.
ناهد(لنفسها): خربت عليهم فرحتهم اول خطوة.
عند حياة.
حياة بدأت تجري و تجري جامد بتحاول تنسي اللي شافته و فتون كانت بتحاول تلحقها...
حياة وقفت فجأة و فتون كانت وقفت جمبها.
فتون: حياة حرام عليكي خلتيني اجري كتير اوي. لو بخس مش هعمل كدة...
اول ما فتون خلصت كلامها لقت حياة بتوقع جثة علي الارض.
فتون(بخضة): حياة!
فتون(بقلق و دموع): حياة حياة ردي عليا ابوس ايدك.
فتون طلعت تليفونها و اتصلت بفريد.
الخط اتفتح.
فتون(بعياط): الحقني يا فريد.
فريد(بقلق): مالك حصل ايه؟
فتون(بعياط): حياة وقعت مني في الشارع.
فريد: طيب طيب اهدي انتوا في اي شارع؟
فتون(بعياط): في شارع().
ليث(بقلق): حصل حاجة لحياة؟
فريد: وقعت من فتون في الشارع.
ليث(بعصبية): اي شارع بالظبط؟
فريد: تعالي بسرعة.
و ركبوا العربية و ليث كان بيسوق بأقصي سرعة و وصلوا في وقت بسيط.
ليث(بخضة): حياة.
راجل: الماية حتى مفوقتهاش.
فتون(بعياط): ارجوك يا ليث شوف مالها.
ليث(بحدة): المفروض اسألك انا فيها ايه انتي مش دكتورة.
فتون(بعياط): معرفش معرفش بقي.
فريد: خلاص يا حبيبتي اهدي، يلا يا ليث نرجع المستشفي بسرعة.
ليث شال حياة بسرعة و رجعوا تاني للمستشفي.
ليث(بزعيق): دكتور.
فتون: دكتور زياد.
و راحوا للدكتور و حطوا حياة علي سرير المرضي.
زياد بدأ يفحصها تحت نظرات الكل.
زياد: بتعاني من انهيار عصبي و ده مسبب اضطرابات في نبضات القلب. و يستحسن تبعدوها عن اي ضغط.
زياد: هوديها حقنة هتفوق بعدها.
زياد ودي حياة حقنة و حياة بدأت تحرك عيونها و هي مغمضة و بعدين بدأت تفتح عينيها...
و بدأت تشوف هي فين و ايه إلى بيحصل حواليها و مين موجود. و اول ما عينيها شافت ليث لفت وشها الناحية التانية.
حياة: بره.
ليث: حياة اسمعيني علشان خاطري اوعدك هعملك كل اللي انتي عايزاه.
حياة: عايز تعمل كل اللي انا عايزاه؟
ليث: عندي استعداد و الله.
حياة: طلقني.
ليث: آسف الحاجة الوحيدة اللي مش هقدر اعملهالك.
حياة: يبقي اطلع بره و حالا مش عايزة اشوفك لغاية اخر نفس في حياتي...
فتون: حياة انتي مش بتحكمي علطول اهدي و فكري و اسمعي ليث ممكن يكون في حاجة حصلت انتي مش فاهماها.
حياة: لو انت مش هتخرج من الاوضة انت هخرج.
حياة قامت بسرعة و بحركة مفأجاة فداخت و كانت هتقع بس ليث لحقها...
حياة(بدموع): ابعد عني. شخص حقير...
حياة سابتهم و كملت مشيها و الكل خرج وراها.
حياة: محدش يجي ورايا و مستحيل اعيش معاك يا انت فاهم...
حياة سابتهم و ركبت تاكسي...
حياة: اطلع علي()...
السواق: تمام يا مدام.
-حياة بصت علي الدبلة اللي في ايديها و افتكرت لما ليث لبسها ليها و قعدت تعيط بصمت...
و بعد فترة حياة وصلت لبيتها القديم و طلعت الشقة لقتها نضيفة لان نعمان كان قاعد فيها يومين. و مروقها. حياة راحت و اترمت علي الكنبة و هي بتعيط.
-في مكان تاني.
في قصر ليث.
ليث و فريد و فتون راحوا القصر و ملقوش حياة.
فهد: خير يا ليث رجعتني ليه من الشغل؟
فردوس: مالكوا؟ و فتون يتعمل ايه؟
ليث: اللي هحكيه النهاردة ممكن يبين ليكوا اني ضعيف بس لا انا عايز حل لمشكلتي اللي عنده كلمة حلوة و فكرة يقولها غير كدة يمشي.
ليث حكي كل حاجة حصلت النهاردة و اتكلم عن ناهد و الكل كان مصدوم و كان صعبان عليه حياة.
نازلي: يعني فين حياة دلوقتي؟
فريد: اكيد في البيت القديم.
فردوس: انا مستحيل اقعد في البيت ده و حياة في مكان تاني.
فهد: اهدي يا فردوس نحاول نساعد الطرفين.
ادم: بجد عايز مساعدتنا؟
ليث: ايوه.
ادم: اتخلي عن غرورك و عن كبريائك. خليك شخص عادي طبيعي.
ادهم: متحاوطش نفسك بقوانين هتدمر حياتك ده اذا كانت مش مدمرة. حياة اتظلمت معاك كتير.
ليث(بحزن): عارف.
تالا: يا ليث المفروض تعترف بيها قدام كل الناس و تعملها فرح كبير يليق بيك و بيها.
محمد: و قبل ده كله تعمل المستحيل علشان ترجعها ليك، حتى لو كان ايه.
-صفاء قربت من ليث و حطت ايديها علي كتف ليث.
صفاء: ليث انت غلطت و انت الوحيد اللي هتصلح غلطك احنا بس هنا نساعدك و انت الاساس.
صفاء: اسمع كلام قلبك دايما هو اللي صح.
صفاء: حبيبي انا عارفة مشاعرك ناحية حياة. بس ناقص حاجة ان حياة تقتنع انه حقيقي.
فهد: يا ليث انت غلطت و لازم تصحح غلطك مهما حصل.
فريد: حياة مش هتقدر تعوضها.
ليث: انا آسف ليكوا اولا، بس محتاج مساعدتكوا ارجع حياة.
الكل: موافقين...
ليث: فردوس؟
فردوس: لولا ان حياة بتحبك. موافقة يا ليث.
ليث: نازلي؟
نازلي: طيب يا ليث.
ليث: شكرا ليكوا اوي.
فتون: هنعمل ايه بقي؟
ادهم: مبدأيا لازم تسيبها علي الاقل دلوقتي ترتاح و تبعد عنك فترة.
ادم: فكرة حلوة.
تالا: و اي حد يعرف اي حاجة عنها يشاركها للكل.
فتون: نعمل جروب واتس و نضيف فيه الكل...
محمد: طيب موافق، هنسي جامعتي علشان خاطركوا...
صفاء: لا كله هيشوف شغله و موضوع حياة متأكدة من ليث هيقدر يرجع حياة.
-الكل راح لاوضته و هو بيفكر في اي حاجة تخص موضوع حياة و ليث.
تسريع احداث بسيط...
عدي 3 ايام.
-و حياة في بيتها القديم لقت كام طقم و لقت اكل بسيط و هي اسااسا مكنتش بتأكل الا حاجات بسيطة. و كانت بتعيط كل يوم و عينيها بقت بتوجعها...
-الباقي بيفكر يعمل ايه، و كل واحد متابع في شغله و حياتهم بس مفتقدين حياة اوي.
و ليث بيروح شغله بس عقله منشغل بيها و مبقاش ينام و مش بيأكل الا لما الكل بيغصب عليه علشان حياة...
في المستشفي.
فتون: مالك يا بت يا لمياء منشكحة كدة ليه؟
لمياء: اصل حياة رجعت المستشفي.
فتون(بفرحة): احلفي. هي فين؟
لمياء: بتمر علي الحالات بتاعتها الجديدة.
فتون عرفت حياة فين و راحت ليها بسرعة.
فتون: حيااااااة.
حياة(بابتسامة): حبيبة قلبي.
فتون(بحزن): اخص عليكي اعرف دلوقتي انك رجعتي الشغل.
حياة: متزعليش يا بطة هو انا لسة راجعة حالا و اتلكمت مع الدكتور مرزوق بعد محايلات وافق و قالي اني لازم التزم بالتعليمات و مغبش كتير. بس.
حياة: كنت لسة جايالك يا روحي متزعليش.
فتون: طب هخش الحمام و هجيلك حالا.
فتون راحت الحمام و طلعت تليفونها و كتبت علي جروب الراتس للكل.
فتون: يا جماعة حياة نزلت الشغل النهاردة...
-ليث اول ما شاف الرسالة خد حاجته و نزل راح للمستشفي...
عند حياة.
الباب خبط.
حياة: اتفضل.
حياة كانت مركزة في ملفات المرضي اللي قدامها و مركزتش علي اللي واقف قدامه.
قلبها: يا الله هي دي ريحته؟
حياة رفعت رأسها بسرعة و شافته قدامها.
حياة: اتفضل حضرتك...
حياة: حضرتك بتشتكي من ايه؟
ليث: وحشتيني.
حياة: افندم؟! لو جاي تستظرف فده مش مكتب للاستظراف. بره لو جاي تستظرف.
ليث: مش بستظرف بقول الحقيقة وحشتيني.
حياة: مرات حضرتك في اوضة رقم 304 و قريب هتخلف روح قضي معاهم وقت سعيد...
حياة(بحدة خفيفة): بره...
ليث: حياتي انتي فاهمة غلط.
حياة: حياتك؟! مين دي حضرتك؟
حياة: انا الدكتورة حياة و شكل حضرتك غلطان في العنوان.
حياة قامت و سابته و خرجت مشيت في الممر لقت فتون واقفة قدامها.
حياة(بحدة): انتي اللي قولتيله؟
فتون: انا و الله ابدا.
حياة(بحدة): حسابك بعدين.
حياة سابتها و كملت مشي، و فتون لقت ليث قدامها.
فتون: هنعمل ايه؟
ليث: اوف عنيدة...
فتون: عندك حق.
زياد: حياة.
حياة: اتفضل دكتور زياد.
زياد: ازاي حضرتك و اخبارك ايه؟
حياة: الحمد لله، تسلم علي سؤالك.
زياد: احم انا كنت عايز اقول حاجة.
حياة: اتفضل...
زياد: انا.
حياة: ايوه حضرتك ايه؟
زياد: اسف متوتر شوية بس.
حياة: اه فهمت حضرتك. اسفة انا متجوزة.
-حياة سابته و مشيت و كان ليث قريب منهم و سمعهم و انبسط اوي من حياة.
ليث روح البيت و الكل اتجمع.
محمد: يا الله. لا كدة كتير.
ليث: اعمل ايه؟
فردوس: عندي فكرة...
ليث: قولي.
فردوس: ...
فهد: هي مجنونة بس حلوة.
نازلي: الله كدة مغامرات كتير هنعملها.
ادم: حلوين اوي كل اللي قولتيه.
ليث: انا هنفذ الاولي دلوقتي.
ليث خرج بسرعة و وراه محمد و فهد و ادم و ادهم.
صفاء: مجانين.
تالا: بس يا رب يرجعوا لبعض.
حياة كانت بتشتغل في المكتب بهدوء و فجأة لقت حد بيفتح الباب بسرعة...
حياة(بخضة): محمد بتعمل ايه هنا؟
محمد(بنفس متقطع): اا للح ق يي ل لليي ثث(الحقي ليث)...
السؤال: يا تري هيحصل ايه؟ و ليث عمل ايه؟ و ردة فعل حياة ايه؟
-خمنوا??????.