رواية طبيبة قلبي الجزء الأول للكاتبة سلسبيل كوبك الفصل الثالث والثلاثون
حياة كانت بتشتغل في المكتب بهدوء و فجأة لقت حد بيفتح الباب بسرعة...
حياة(بخضة): محمد بتعمل ايه هنا؟
محمد(بنفس متقطع): اا للح ق يي ل لليي ثث(الحقي ليث)...
حياة(بقلق): ماله؟
محمد(بنفس متقطع): هه يين تتحر(هينتحر).
حياة(بخضة): فين انجز؟
محمد: سطح المستشفي.
حياة زقت محمد و جريت علي السلالم و طلعت لاخر سطح...
حياة(بصريخ): ليث.
ليث: نعم يا حياتي.
حياة: انت غبي انزل من علي السور.
حياة كانت بتقرب من ليث...
ليث: لا متقربيش.
حياة: فين ليث الشجاع و القوي انزل يا ليث.
ليث: لا انا أذيتك كتير و لازم اخد جزائي.
حياة: يا عم انا مسامحة بس انزل من عندك.
ليث: بحبك.
ليث رمي نفسه من علي سطح المستشفي. و حياة كانت واقفة مصدومة لغاية ما استدركت الامر.
حياة نزلت جري لتحت لقت الكل متجمع حوالين ليث، حياة قربت منه بسرعة و حطت رأسه علي رجلها.
حياة(بدموع): ليث ليث رد عليا.
حياة(بدموع): و الله مسمحاك بس رد عليا و النبي.
حياة(بدموع): طب طب انا آسفة بس قوم، و الله ما هزعق تاني و لا هسيبك وابعد بس قوم رد عليا.
حياة(بدموع): و الله بحبك و مش زعلانة منك انا مش بكرهك زي ما قولتلك لا انا بحبك. فتح عيونك...
حياة لقت ليث فتح عيونه و بص ل حياة.
ليث: و انا كمان بحبك اوي.
حياة(بصدمة): انت؟!
حياة(بزعيق): يا حيواان، انت غبي و حيوان و معندكش ضمير و مش مسمحاك.
حياة زقت ليث بعيد عنها و قامت بغضب. ليث قام وقف.
ليث: استني بس استني. اديني فرصة هشرحلك.
حياة(بعصبية): بص يا ليث لم بعضك و ابعد عني علشان و ربي لما بتعصب بأخد قرارت بيندم عليها الكل.
حياة سابت ليث و دخلت خدت شنطتها و مشيت.
فردوس(بهمس): اوف دي فشلت.
ادم(بهمس): اكيد مش انتي اللي قولتي الفكرة.
فهد: ولد عيب.
محمد: هنعمل ايه تاني؟
تالا: اخويا اتمرمط حرام و الله...
فهد: محسساني انه مات حقيقي.
محمد: كفاية انه خاطر بنفسه ممكن كان الحبل يتقطع او يحصله حاجة.
لقوا ليث في وشهم.
ليث: فشلت يا ست فردوس.
فتون: عندي فكرة حلوة اوي.
فريد: قولي.
فتون: بص يا عم...
ليث: و دي هتجيب معاها؟
تالا: الله الفكرة حلوة اوي.
ادم: هي من النوع الرومانسي ايوه.
ليث: طيب، و الله لاطلعه عليها بعد ما ترجع.
ليث: انا ماشي.
الكل روح للقصر. ليث راح لمكان نعمان.
نعمان(بتعب): ليث ابوس ايدك وديني اي حاجة بسيطة.
ليث(بحدة): يا حمار بتدمر نفسك. كل اللي هعمله معاك هو اني هساعدك ترجع زي الاول يا نعمان...
نعمان: طب طب هعمل ايه؟
ليث: وديني دراعك.
ليث ودي حقنة لنعمان. و امر الحارس يجبوله اكل.
ليث: خلي عندك عزيمة يا بطل.
ليث خرج من مكان نعمان و طلع علي اوضته.
-في مكان تاني.
عند حياة.
حياة(بعصبية): الحيوان الحقير الزبالة الزفت الطين.
حياة(بعصبية): مفكرني هرجعله بسهولة يعني. و علي اساس هرجعله مثلا. ده كداب.
حياة دخلت الحمام خدت دوش ريح اعصابها. و خرجت لبست.
حياة لبست تي شيرت لغاية الركبة باللون الاسود شوريت قصير باللون الاحمر. و لمت شعرها علي شكل كحكة عالية.
حياة: اوف انا جعانة.
حياة: انا مش هزعل علي حد خالص انا هعدي كام يوم و هروح اجيب اخواتي و بس.
حياة دخلت و بدأت تحضر عشاء بسيط ليها. و النسكافية.
الباب خبط.
حياة راحت و هي ماسكة في ايديها كوباية النسكافيه و فتحت الباب.
حياة: انت بتعمل ايه هنا؟
ليث: حبيبتي وحشتيني اوي.
ليث كان ماسك شنط في ايده الاتنين قرب من حياة و حضنها جامد.
حياة: ابعد عني يا حيوان انت.
ليث: كلمة حبيبي طالعة منك عسل.
حياة(برفعة حاجب): انت ايه اللي عملته ده و ايه اللي بتقوله و ايه اللي جايبك اسااسا؟
ليث: كدة يا حبيبتي. ده انا لسة راجع من سفر و جايبلك هدايا كتير.
ليث دخل و حط الشنط اللي في ايده علي الترابيزة.
و خرج جاب شنطة سفر دخلها و قفل الباب و حياة واقفة مندهشة من اللي بيحصل حواليها.
حياة لقت ليث بدأ يتجول في الشقة.
حياة(بعصبية): انت يا زفت انت. بتعمل ايه؟
حياة(بعصبية): هو فرح العمدة اخرج بره يلا. بنام بدري.
ليث: يا خلاثي علي العسل.
حياة(لنفسها): ليث و خلاثي و عسل!
حياة(بعصبية): ياض انت غور من هنا انا مش ناقصة كلمة من الجيران.
ليث قرب من حياة و مسكها من خصرها و قربها منه.
ليث: فيها ايه؟ و كمان مين يتجرأ يجيب سيرتك بكلمة واحدة بس. و كمان انتي مراتي.
حياة: حاليا ايوه مراتك مش هقدر اكدب بس هنطلق لغاية الفترة دي مش عايزة اشوف وشك و لا حتى بعد ما نطلق، بره بكل هدوء كدة زي ما جيت زي ما تطلع.
ليث ساب حياة و قعد علي الكنبة و حط رجل علي رجل.
ليث: جبتلك هدومك علفكرة.
حياة: متشكرين. بره.
ليث: طب كوباية ماية.
حياة(بتنهيدة): طيب.
-حياة دخلت المطبخ جابت كوباية ماية و خرجت لقت ليث نام علي الكنبة.
حياة: يا انت. انت. ما تصحي.
ليث(بخضة): ايه؟
حياة(بصدمة): انت كنت نمت؟
ليث: آسف نمت غصب عني بس انا منمتش بقالي تلت ايام.
حياة: مش هتحكيلي قصة حياتك. اهي الماية اتفضل اخرج.
ليث: ما هو انا نسيت اقولك.
حياة: انجز.
ليث: ناوي اقعد معاكي هنا لغاية ما جنابك ترجعي معايا البيت.
حياة: يبقي الموت اسهل ليك. بره.
حياة: قسما بربي يا ليث لو مخرجتش لاصوت و الم عليك الناس.
ليث: طيب تصبحي علي خير يا حبيبتي.
ليث باس رأس حياة و دخل اوضة حياة و نام علي السرير اترمي.
حياة(بصدمة): مين ده؟
حياة: لا انا اكيد مش بحلم لان الشنط هنا.
حياة اترمت علي الكنبة.
حياة: اووووووووووف. هو انا هقعد هنا لا اقوم و اخرجه بره البيت.
حياة قامت بسرعة و دخلت اوضتها لقت ليث نايم علي بطنه و نايم نوم عميق.
حياة(بخفوت): ليث ليث.
حياة بدأت تقلع الجذمة ل ليث و غطته و خرجت قعدت علي الكنبة.
-في الصباح الباكر...
في قصر ليث.
نازلي: وسعوااااااااااااا...
ادم: يا هبلة بطلي شوية.
نازلي: انا برضو اللي هبلة...
ادم: ايوه. عايزة ايه؟
نازلي: كريم هيخرجني من اول اليوم.
ادم: طيب مبروك.
نازلي: تصدق انك جذمة.
ادم: احترمي نفسك علشان مقلبش.
محمد: وحدوووا الله...
نازلي و ادم: لا إله الا الله.
محمد: مالكوا بتتخانقوا ليه؟
نازلي: هو اللي بدأ.
محمد(بصدمة): ادهم!
ادهم(ببرود): اتعود يا محمد.
ادهم سابهم و طلع علي اوضته.
نازلي: في ايه مالك مصدوم؟
محمد: ده ماسك الكتب في ايده.
نازلي: هي الكتب معصية و لا ايه؟
محمد: دول كانوا بيرشوا المدرسين و ينجحوا. ادهم ماسك كتاب في ايده.
نازلي: اااااااه. انا خارجة باي.
ادم: مش قالك اتعود يا محمد.
محمد: حاضر يا باشا. تؤمر بحاجة تانية؟
محمد: انا غاير من وشكوا...
نازلي: هاي كريم.
كريم: هاي نازلي. وحشتيني.
نازلي(بخجل): و انت كمان.
كريم: تحبي نبدأ علي مزاجي؟
نازلي: تمام ماشي براحتك.
كريم: يلا بينا...
محمد: ايه يا عصافير الحب.
كريم: ازيك يا ميدو.
محمد: فصلتني يا عم غور من وشي.
كريم(بضحك): ما ده المطلوب.
نازلي: باي يا ميدو.
محمد: بت هضربك.
كريم: باي.
كريم مشي بعربيته و معاه نازلي و محمد جاب عربيته و ركبها و مشي بعربيته.
في القصر.
فردوس: فين طنط يا ادم؟
ادم: في اوضته.
فردوس: فين حور؟
ادم: في اوضتي.
فردوس: طيب.
فردوس: نعم يا اخويا؟!
فردرس: بتعمل ايه في اوضتك الهانم؟
ادم: نايمة. و متصحهاش علشان مزعلكيش مني.
فردرس: هي اختك و لا اختي؟
ادم: اختي. و يلا روحي شوفي حماتك المستقبليه.
فردرس: اه يا قليل الادب...
ادم: سبنالك الادب.
فهد: في ايه؟ ايه يا ادم عملت ايه؟
ادم: مفيش و معملتش حاجة.
فردوس: انا راحة لطنط.
فهد: هأجي معاكي اطمن عليها و اروح الشغل...
فردوس: طيب.
فهد و فردوس راحوا لاوضة صفاء و خبطوا.
صفاء: ادخل.
فهد: صباح الخير يا امي.
صفاء: صباح النور يا حبيبي.
فردوس: صباح الخير يا طنط.
صفاء: صباح الورد...
فهد: اشمعنا هي صباح الورد و انا صباح النور.
صفاء: ياض لم نفسك.
فردوس: غيور. منزلتيش ليه يا طنط؟
صفاء: مفيش عادي. حبيت انعزل كام يوم...
فهد: طب و نشوف عيونك الجمر دي ازاي؟
صفاء: يا حبيبي تسلميلي.
فردوس: طب انا هقعد معاكي لغاية ما تيجي تنزلي.
صفاء: يا بنتي.
فهد: ايوه يا ماما قعدة فردوس حلوة اينعم مجربتهاش بس الايام جاية، صح يا فردوس؟
فردوس(باحراج): روح شغلك يا فهد.
فهد: عيوني.
فهد نزل و ركب عربيته و راح للشغل.
صفاء: عملتوا ايه امبارح؟
فردوس: حياة اتعصبت اكتر و سابت ليث و مشيت.
صفاء: شكلها هتتعبه...
فردوس: للاسف ايوه. هو يستاهل.
صفاء: طالع لابوه يا بنتي. كان دايما يعمل كل حاجة و ميحسبش للايام الجاية و لا يهمه فراق شخص بس بعدين بيندم.
فردوس: شكله عمو كان صعب.
صفاء: اصعب من ليث يا بنتي.
فردوس: و حضرتك كنتي بتستحمليه ازاي؟
صفاء: الحب يا بنتي. زي ما حياة استحملته بس هي مقدرتش تستحمل كتير.
فردوس: ربنا هيعوضك خير يا طنط.
صفاء: حبيبتي.
-في مكان تاني...
عند حياة.
حياة كانت نايمة علي الكنبة و هي بتتقلب وقعت علي الارض.
حياة(بوجع): آآآه.
حياة(بنوم): هي الساعة كام اوف و لا انا فين هو انا بعمل ايه ايه اللي بقوله ده اساسا.
حياة(بنوم): لاكون اتجننت. اوف بقي.
حياة فتحت عينيها و قامت غسلت وشها و خرجت راحت اوضتها لقت ليث لسة نايم.
حياة: و بعدين بقي في الزفت ده.
حياة فتحت دولابها براحة و طلعت اسدال. و بدأت تصلي.
ليث قام من نومه و خرج بره الاوضة لقي حياة بتصلي. انبسط منها.
ليث دخل الحمام غسل وشه و حاول يفتح الدوش معرفش.
ليث: حياة خلصتي؟
حياة: عايز ايه يا زفت انت؟
ليث: مش عارف افتح الدوش.
حياة: احسن اطلع البس و اخرج امشي من هنا البيت مش مناسب لجنابك.
ليث: يا بت.
حياة: مليش فيه.
ليث(بصوت عالي): حياة حياة حياة حياة حياة حياة حياة. حياة حياة حياة حياة حياة حياة حياة حياة.
حياة(بزهق): اوووووف طيب طيب.
حياة دخلت الحمام. و اول ما دخلت شهقت.
حياة: انت مش لابس ليه؟
ليث: واحد هيستحمي يلبس ليه؟ و كمان الفوطة مش عجباكي يعني.
حياة(بزهق): طيب طيب. يا رب خلصني منه في اسرع وقت.
حياة قربت من ليث و حاولت تفتح حنفيه الدوش معرفتش.
حياة: ما انا لسة مستحمية امبارح، خلاص حطيت البركة.
ليث: اعمل ايه؟
حياة: اوووووف. معرفش بقي اتصرف.
ليث حاول يفتح الحنفيه و حياة واقفة جمبه في البانيو...
حياة: ها؟
ليث: عندك مفك عادة او صليبة.
حياة: هو يعني ايه عادة و يعني ايه صليبة بنسي الفرق ما بينهم دايما.
ليث: هموووت.
ليث حاول يفتح الحنفيه تاني.
حياة(بشهقة): الله يخرب بيتك. غرقتني ماية.
حياة(بصوت عالي): عااااا. اقفلها اقفلها.
ليث: علي اساس انا عارف يعني. الحمد لله استحميت طبيعي.
حياة(بضحك): الماية قوية اوي اقفلها.
ليث: بتضحكي ليه؟
حياة(بضحك): تصدقني لو قولت معرفش.
ليث: اقفلي المحبس.
حياة كانت هتخرج من البانيو بس اتزحلقت و مسكت في ليث و وقعوا هما الاتنين.
حياة(بوجع): آآآه ضهري الله يسامحك يا ليث.
ليث: ما انتي وقعتيني معاكي.
حياة: هو يوم اسود من اوله. و الماية غرقتنا اوي.
ليث: معلش بقي مكنش قصدي.
حياة: انت لسة هتتكلم معايا قوم ياض من عليا.
ليث: يا واد يا جامد انت.
حياة: ظريف. وسع.
ليث قام وقف و حياة قامت و راحت قفلت المحبس...
حياة: معاك هدوم يا زفت انت؟
ليث(بحدة): حياة اتكلمي عدل.
حياة: و الله لو مش عجبك في باب بره اهو اخرج منه و متجيش تاني.
-ليث كان لسة هيتكلم بس افتكر كلام ادهم...
ادهم: اتخلي عن غضبك شوية.
ليث: انا اقدر برضو يا حبيبتي. و اه معايا هدوم تيجي تلبسيني انتي.
حياة(بسخرية): ها شكلك بتحلم يا بابا...
حياة: لو عايز تستحمي استحمي بقي من الطبق اللي فيه ماية في الارض. باي يا فتي.
حياة سابته و راحت اوضتها غيرت هدومها.
حياة لبست بنطلون قماش اسود طويل نوعا ما و عليه تي شيرت دهبي ب ¾ كم و قصير مبين جزي بسيط من بطنها. و جففت شعرها و سيبته.
حياة: يا تري ناوي تغور امتي؟
ليث: الاكل فين؟
حياة: معرفش.
ليث: و انا كمان معرفش.
حياة(بعصبية): اوف يا الله. هخش احضر فطار علشان اكل...
ليث: طيب يا حبيبتي.
حياة(بحدة): متقولش حبيبتي.
حياة سابت ليث و بدأت تحضر الفطار و حطته علي السفرة و بدأت تأكل و لقت ليث بيقعد و بيأكل هو كمان.
حياة: هتمشي امتي؟
ليث: لما انتي تمشي.
حياة: انا ماشية دلوقتي.
ليث: بجد ناويتي ترجعي البيت معايا.
حياة: لا طبعا راحة شغلي.
ليث: نسيت اقولك مفيش خروج من هنا الا علي بيتي.
حياة: و يا تري هتمنعني ازاي؟
ليث: الباب مقفول عادي جدا.
حياة: معايا نسخة تانية.
ليث: اللي هي دي؟
حياة: يا ابن ال.
حياة: هات مفاتيحي.
ليث: ابدا. و انا واخد اجازة في الشغل فاتعودي بقي يا قلب ليث.
ليث قام و كان هيمشي.
ليث: اول ما تكوني مستعدة تسمعيني زي ما كنت بسمعك تعالي و انا هحكي كل حاجة.
ليث ساب حياة قاعدة محتارة و حطت رأسها بين ايديها.
حياة: يا رب.
حياة قامت دخلت اوضتها و قفلت الباب عليها و فضلت في اوضتها طول اليوم. ليث قعد علي التلفزيون.
-في مكان تاني.
عند فريد.
فريد: يا رب يا رب يا رب.
فهد: في ايه يا ابني؟
فريد: عايز اتجوز. مش كفاية كدة ده حتى مخطبتش هي المصايب مش بتعدي و لا ايه؟ مكتوب علينا مصايب.
فهد: قول الحمد لله.
فريد: انا غاير يا شيخ. حرام عليك يا ليث انت و حياة مش مسامحكوا بس...
فهد(بضحك): طيب يا شحات.
فريد نزل ركب عربيته و راح علي المستشفي.
فريد: لو سمحت الدكتورة فتون فين؟
ممرضة: في مكتبها...
فريد: تمام شكرا.
فريد سابها و راح ناحية مكتب فتون و دخل بسرعة.
فتون(بخضة): فريد.
فريد(بصدمة): بتعملي ايه؟
فتون: بعمل ايه مثلا بكشف و حضرتك قطعت الكشف اتفضل بره.
فريد: و النبي و انا بقي هفضل و انتي بتكشفي يلا...
فتون: اوف طيب.
فتون فحصت الشاب اللي قدامها بتوتر تحت نظرات فريد.
فتون: تمام كدة هبعتك للدكتور نهلة تعملك اشاعة.
شاب: تمام يا دكتورة.
فتون: ايه اللي جابك؟
فريد: انتي كل المرضي رجالة؟
فتون: في كدة و كدة ستات و رجالة.
فريد: بصي بقي بعد الجواز مش هتكشفي الا علي ستات تمام. غير كدة مفيش شغل خالص.
فتون: اه اه ان شاء الله طبعا. جاي ليه؟
فريد: ايه وحشتيني.
فتون: طيب ميرسي.
فريد: انتي غاوية رزالة لما اقولك وحشتيني قولي و انت كمان وحشتني هكذا.
فتون: ان شاء الله لما نتجوز...
فريد: خديني علي قد عقلي خديني.
فريد: اطلبي غداء اتغدي معاكي و ارجع تاني.
فتون: طيب...
-في مكان تاني...
عند حاتم.
حاتم: ست الكل.
هند: نعم يا حبيبي.
حاتم: كنت ناوي اتجوز ان شاء الله.
هند قعدت تزغرط( أم مصرية بقي?????? ).
هند(بفرحة): بجد يا حبيبي؟
حاتم: اهدي بس يا حاجة اهدي.
هند: عينك علي حد و لا ادورلك انا.
حاتم: لا انا حطيت الفكرة في دماغي لسة بقي، بعد فتون ان شاء الله.
هند: عيوني يا حبيبي، اخيرا هشوفك و انت عريس.
حاتم: بحبك. يلا عن اذنك.
هند: مشوفش فيك حاجة وحشة ابدا يا حبيبي.
حاتم نزل و ركب عربيته.
-( باباه كان جايب عربية ليه بسيطة علي قده بالقسط )...
حاتم طلع تليفونه و اتصل بحد...
الخط اتفتح.
حاتم: الو يا تالا.
تالا(باستغراب): ايوه مين؟
حاتم: مش مهم هتعرفي بليل لو جيتي و اتقابلنا.
تالا: انت غبي يا ابني. مين انت اسااسا؟
حاتم: هتعرفيني لما تقابليني و متخافيش.
حاتم: مستنيكي في(). كمان ساعتين.
تالا: بس.
حاتم: قولتلك متخافيش حتى جيبي حراسك.
حاتم قفل التليفون و راح للكافيه اللي قال عليه. و استني الساعتين.
و بعد فترة تالا جت و كان معاها حراس.
حاتم: تالا.
تالا(بصدمة): هو انت؟
حاتم: علشان كدة قولتلك متخافيش، ممكن تقعدي.
تالا: طيب.
تالا: حضرتك عايز مني ايه؟
حاتم: بصي بقي يا ست تالا. انتي مش فاكراني بس انا فاكرك معتقدش اني في يوم نسيتك اصلا.
تالا: انت مين؟ و ليه بتقول كدة؟ و تعرفني منين؟
حاتم: انا يا ستي حاتم مأمون الاول علي الدفعة.
تالا: ايوه صح. انت هو حاتم.
حاتم: ايوه انا يا ست تالا.
تالا(بدموع): ايه اللي فكرك بيا.
حاتم: اني بحبك. و اسااسا انا منستكيش علشان افتكرك.
تالا(بصدمة): انت كمان؟!
حاتم: ايه هو حد غيري بيحبك و لا ايه؟
تالا(بخجل): انا انا كنت بحبك من ايام الجامعة.
حاتم(بابتسامة): و الله انتي هي بنت الحلال اللي امي بتدعي ليا علشانها.
تالا: انا لازم اروح.
حاتم مسك ايد تالا و قعدها تاني.
حاتم: اهدي يا تالا. هقولك حاجة.
تالا(باحراج): قول.
حاتم: موافقة تتقبليني بكل احوالي و بحالتي المادية اللي انا فيها...
تالا(بخجل): عن اذنك يا حاتم. باي.
تالا سابت حاتم و طلعت تجري و ركبن عربيتها بسرعة و روحت علي قصرها...
حاتم: اوف هم و اتشال، يا رب توافق...
تالا روحت القصر و طلعت اوضتها و رمت نفسها علي السرير.
تالا: اوف مش مصدقة حاتم بيحبني.
تالا: هو حيوان سابني و سافر. بس انا لسة بحبه.
تالا: اوف يا رب نورلي طريقي.
تالا غيرت هدومها و نامت.
-في مكان تاني...
عند ليث و حياة.
ليث راح لحياة و خبط علي باب اوضتها.
حياة: افندم؟
ليث: مش هتتغدي و لا تتعشي.
حياة: لا شكرا.
ليث: طب ممكن تفتحي دقيقة؟
حياة: خير؟
ليث: نتكلم شوية علشان زهقان...
حياة: لا شكرا مش عايزة اتكلم. و لو انت زهقان روح اي مكان يجي علي هواك و براحتك.
ليث: حياة ليه عايزة يبقي في مسافات بينا.
حياة: انت اللي بنيتها. متجيش تحاسبني دلوقتي. و اي سبب ممكن تقوله مش هيكون مقنع.
ليث: بس مظلوم و كنت ناوي اخلص كل حاجة و نعيش انا و انتي و نبدأ حياتنا سوا و نخلف و نعيش سعداء.
حياة: اللي انت بتتمناه نهاية رواية رومانسية يا ليث. مستحيل المشاكل تخلص.
حياة: هسألك سؤال واحد. لو مثلا انا اقتنعت انك مظلوم و مش بتحب حد غيري و الكلام ده. ايه تبريرك اني اشوفك مقرب علي بنت تانية.
ليث: و الله يا حياة انا هفهمك كل حاجة بس افتحي و نتكلم...
حياة: مش.
و حياة ملحقتش تكمل كلامها و سكتت.
ليث: حياة ردي. حياة سمعاني طيب حصلك حاجة.
ليث سمع صوت حاجة بتتكسر.
السؤال: يا تري حصل ايه؟