قصص و روايات - قصص رومانسية :

رواية طبيبة قلبي الجزء الأول للكاتبة سلسبيل كوبك الفصل الثالث

رواية طبيبة قلبي الجزء الأول للكاتبة سلسبيل كوبك الفصل الثالث

رواية طبيبة قلبي الجزء الأول للكاتبة سلسبيل كوبك الفصل الثالث

ان صفاء اغمي عليها و تالا اتصلت ب ليث.
ليث نزل من الشركة و ركب عربيته بسرعة و وصل للنادي.
ليث(بعصبية): اطلبوا اسعاف بسرعة...
تالا(بعياط): طلبت.
شخص: في مستشفي قريبة من هنا بدل ما تستنوا.
ليث: روحوا الهانم الصغيرة علي البيت.
تالا(بعياط): بس.
ليث(بحدة): قولت كلمتي.
ليث ركب مامته العربية و راح للمستشفي القريبة من النادي...
ليث(بعصبية): نقالة بسرعة.

الكل اتحرك و جاب النقالة و حطوا صفاء عليه و دخلوها الطوارئ...
مرزوق: اهلا اهلا ليث بيه. انا مرزوق
ليث(بعصبية): احنا لسة هنتعرف، عايز دكتور حالا.
مرزوق: حاضر حاضر.
مرزوق(بارتباك): فين فتون او حياة او احمد؟
ممرضة: الدكتور احمد قال هيتأخر شوية و الدكتورة فتون مش جاية.
مرزوق: طب و حياة؟
ممرضة: قالت هتفطر الاول. لكن معرفش فين.
ليث(بعصبية): جيبوها من تحت الارض فورا الاقيها قدامي.
مرزوق(بخوف): حاضر حاضر.

مرزوق(بهمس): انجزي شوفيها فين.
مرزوق طلع تليفونه و اتصل بحياة.
الخط اتفتح.
حياة: الو دكتور مرزوق.
مرزوق(بحدة): حياة الاقيكي قدامي في ثانية.
حياة(بتوتر): تمام.
حياة لبست البالطو بتاعها و و مسكت شنطتها و طلعت تجري علي المستشفي و دخلت و هي بتنهج.
حياة(بنفس متقطع): و النبي يا مريم فين الدكتور مرزوق؟
مريم: عند اوضة الطوارئ...
حياة: طيب.
حياة طلعت جري علطول و هي بتأخد نفسها بالعافية و جريت بسرعة.

حياة وهي ساندة علي الحيطة بايديها و بتأخد نفسها.
حياة(بانفاس متقطعة): نعم نعم يا دكتور مرزرق.
مرزوق(بخوف): يا بنتي في حالة جوا محتاجينك فيها بسرعة و النبي.
حياة: طيب طيب.
حياة دخلت بسرعة الاوضة و كان في اللحظة دي ليث بيعمل مكالمة بعيد عن الاوضة.
حياة بدأت تعالج الموقف و خرجت من الاوضة.
حياة(بعصبية): ده قمة الاهمال، مين الحمير اللي بيشرفوا علي حالتها.
ليث: افندم؟!
حياة(بعصبية): حضرتك تبع الحالة اللي جوا؟

مرزوق(بتوتر): اه ده ليث بيه...
حياة(بعصبية): انت ازاي يا استاذ تهملوا في علاجها كدة و خصوصا انها ست كبيرة ايه معندكش رحمة في قلبك.
ليث(بجمود): مبدأيا صوتك يوطي عن كدة، ثانيا تلزمي حدودك معايا في الكلام و الا هتكوني انتي اللي نايمة علي السرير ده.
حياة: انا معملتش حاجة، المدام بقالها كتير مش بتأخد الدواء و ده بيأثر عليها و علي صحتها و الحمد لله اننا عالجنا الموقف في اخر لحظة.
حياة: عن اذنك دكتور مرزوق.

فهد: ليث ايه اللي حصل؟ تالا كلمتني و هي بتعيط و قالتلي بالمختصر...
ليث: مفيش حاجة.
فهد: اتكلم يا دكتور انجز.
مرزوق: ما تشرحي الحالة يا حياة.
حياة: ابدا يا فندم كل اللي حصل بسبب اهمالكوا و عدم اهتمامكوا بالمدام، المدام بقالها فترة مش بتواظب علي العلاج و ده خلي القلب يتأثر بشكل كبير و اتعرضت لازمة و لولا تدخلنا في اخر الموقف لكانت مع الاموات.
ليث مسك حياة من رقبتها و زقها علي الحيطة.

ليث(بعصبية): اياكي تقولي كدة تاني فاهمة.
حياة(باختناق): وسع يا غبي.
فهد: ابعد عنها يا ليث انت مجنون.
مرزوق: يا ليث بيه.
ليث زق حياة و سابها و دخل عند مامته...
فهد: انا آسف يا دكتورة.
حياة(و هي بتكح): ده مش بني آدم، ده ده حيوان و حقير و جاهل...
فهد: طب اتفضلي حضرتك. آسفين.
حياة خدت شنطتها و مشيت راحت علي مكتبها.
حياة: بعد اذنك يا مريم هاتي كوباية نعناع...
مريم: حاضر يا دكتورة.
الباب خبط.
حياة: ادخل.

احمد: صباح الخير.
حياة: هيجي منين الخير؟
احمد: في ايه مالك؟
حياة: شخص حقير بقوله امك بسبب الاهمال كانت هتكون من الاموات لقته مسكني خنقني...
احمد: مجنون ده و لا ايه؟
حياة: انا عارفة.
احمد: لازم نتكلم مع الامن او المدير.
حياة: المدير كان واقف زي الطيشة يعني متخافش.
حياة لقت الباب اتفتح.
حياة(بعصبية): ايه الهبل ده ازاي تدخل من غير استأذان؟
فهد(بتوتر): احنا آسفين.

ليث دخل و قعد علي الكرسي اللي قدام حياة و حط رجل علي رجل.
ليث: اتكلمي عن حالة امي.
حياة(بعصبية): مبدأيا نزل رجلك انت في مكتبي، ثانيا اخرج و خبط الباب و بعدين ادخل. ثالثا انا مش هتكلم معاك لانك قليل الذوق و مش متربي...
احمد: اهدي يا حياة...
فهد: يعني اتفضلي اتكلمي علشان نخلص بقي.
حياة: لا قولت اللي عندي.
حياة قامت من المكتب كله و سابتهم و مشيت.
حياة(لنفسها): شخص مستفز و حقير...

احمد هو كمان خرج من اوضة حياة و راح علي شغله.
ليث: روح علي البيت يا فهد.
فهد: بس...
ليث: روح البيت.
فهد: طيب.
فهد خرج و ركب عربيته و روح علي البيت...
ليث قام و مشي.
مريم: دكتورة حياة دكتورة حياة...
حياة: خير يا مريم؟
مريم: المدير عايزك...
حياة: طيب، استرها يا رب.
حياة مشيت و راحت لاوضة المدير خبطت و دخلت.
مرزوق: اهلا يا حياة، بقولك.
حياة: اتفضل.
مرزرق: ايه هي حالة مدام صفاء؟
حياة: ام الشخص الحقير ده.

مرزوق(بتوتر): لا يا حياة هو مش حقير. انجزي قولي فيها ايه.
حياة: هي كانت متعودة علي ادوية معينة و بمواعيد معينة حصلت لغبطة و اللغبطة دي مش يوم او اتنين اكتر من شهر. خلاها تدخل في ازمة لولا اني تدخلت في الوقت المناسب و لحقت الموقف كانت ممكن تدخل غيبوبة طويلة او ماتت. لازم يبقي معاها دكتور او ممرضة يهتموا بالعلاج و بصحتها.

-و بعدها حياة لقت كرسي المدير بيلف بحيث ان مرزوق كانت بيتكلم و هو واقف و الكرسي بتاعه ضهره لحياة...
حياة(بصدمة): انت!
ليث(بهدوء): تقدري تمشي...
حياة(بارتباك): بس ازاي و ايه اللي حصل و ليه؟
مرزوق: امشي يا حياة يلا.
حياة خرجت و الافكار بتاعتها متلغبطة.
ليث: عايز تختارلي افضل دكتور عندك.
مرزوق: حاضر يا ليث بيه.
ليث: و البنت دي مرفوضة.
مرزوق(بتوتر): ليه بس يا ليث بيه دي بنت محترمة و غلبانة.
ليث: سمعت قولت ايه؟

مرزوق(بتوتر و خوف): دي دي دي احسن و افضل دكتورة هنا و هي اللي هتقدر تأخد بالها من والدة حضرتك...
ليث بصله لدقايق من الوقت و بعدين قام من علي الكرسي.
ليث: دي تبقي في بيتي من بكرة الصبح مع خروج امي من المستشفي، فاهم؟
مرزوق: فاهم فاهم يا بيه.
ليث سابه و راح قعد في اوضة مامته.
مرزوق: يا رب توافقي يا حياة.

-في مكان تاني.
في بيت حياة.
نعمان: فين حياة؟ هي لسة مجتش صح.
نازلي: عايز ايه؟
نعمان: في حاجة عايزها تشرحهالي...
نازلي: هات انا اشرحك...
نعمان: انتي دكتورة لا يبقي اخرسي.
نازلي: ياض هضربك ياض. و كمان دكتور ايه و لا دكتورة ايه؟ غور.
نعمان: ما انا غاير في داهية.
حور: نازلي نازلي.
نازلي: عايزة ايه انتي كمان؟
حور: عايزة فلوس.
نازلي: خير لايه؟
حور: هشتري حاجة حلوة.
نازلي: لا مش معايا.

فردوس: تعالي يا حور انا هوديكي.
حور: حاضر.
فردوس ودت حور فلوس ليها.
فردوس: خلي بالك من نفسك و متتأخريش.
حور: حاضر حاضر.
نازلي: طب و انا؟
فردوس: انتي طفلة؟ لا يبقي خلاص.
نازلي: انتي مش اخت جدعة علفكرة.
فردوس: تمام شكرا.
نازلي: هو انتي مبقاش يجيلك كوابيس.
فردوس(بحدة): ابعدي عني يا نازلي.
الباب خبط...
فردوس: حاضر مين؟
فتون: انا يا اختي افتحي.
فردوس فتحت الباب و حضنت فتون.
فتون: وحشتوني وحشتوني.
نازلي: هاي فتون.

فتون: هاي يا اختي.
فردوس: خشي. اومال فين حياة؟
فتون: لا انا اجازة.
نعمان: اهي دكتورة جت تعالي اشرحيلي يا فتون.
فتون: لا اختك صبورة انا لا.
نعمان: انتي عيلة رزلة.
فتون: شكرا.
فردوس: تعالي تعالي نتكلم.
و قعدوا يتكلموا كلهم.

-في مكان تاني.
في بيت ليث.
تالا: طب طب هي بقت كويسة يعني؟
محمد: ما فهد طمنا يا بنتي، ايه الغباء ده؟
تالا: طبعا ما انت مش بتهتم بغيرك.
محمد: طب اخرسي. تعرفي تخرسي.
تالا: طيب.
فريد: مساء النور.
محمد: مساء الفل.
فريد: خلاص مدام صفاء راجعة بكرة الصبح ان شاء الله...
تالا(بفرحة): بجد يا فريد؟
فريد: بجد. يلا جهزوا البيت بقي.
فريد: انا رايح لاخوكم.
محمد: ربنا يعينك.
فريد: لا رايح لفهد، ليث قال محدش يجي.

محمد: خدني معاك...
تالا: هتسبوني لوحدي؟
محمد: معاكي 15 خدامة، عايزة ايه تاني؟
تالا: امشي يا جذمة من هنا.
محمد و فريد خرجوا راحوا لفهد، تالا طلعت تنام.

-في مكان تاني.
في المستشفي...
حياة: ده ده عمل كل ده علشان ايه يعني؟ استفزاز و لا برود و لا ايه بالظبط. ده شخص حقير.
مريم: في حالات يا دكتورة حياة.
حياة: طيب. جاية.
حياة راحت مكتبها و بدأت تشتغل و نسيت موضوع ليث و اللي حصل...
حياة: كدة فاضل همر علي الحالة الجديدة و همشي.
مريم: ربنا معاكي.
حياة: تسلمي يا روحي.
حياة مشيت بس خبطت في نهلة.
حياة: آسفة.
نهلة: استني هنا.
حياة: خير ورايا شغل.

نهلة: هو فعلا انتي اتكلمتي مع ليث بيه.
حياة: مين اللي اسمه ليث ده؟
نهلة: طيب يا حياة استعبطي براحتك.
حياة: انا بيجيلي في اليوم مية حالة اكيد مش هفتكر يعني.
حياة سابتها و راحت علي اوضة مدام صفاء.
حارس1: راحة فين؟
حياة: هدخل اشوف الحالة اللي جوا.
حارس1: ثانية نقول ل ليث بيه.
حياة(لنفسها): الحقير جوا، ايه ده هو ده اللي نهلة بتتكلم عليه. طب فيها ايه؟ ايه ده ايه ده انا غبية ليه؟
حارس2: اتفضلي.

حياة دخلت الاوضة لقي في حراسين كمان جوا الاوضة و مشيت في ممر بسيط خمس خطوات و راحت للممرضة اللي واقفة.
حياة: حصل اي حاجة؟
ممرضة: لا يا دكتور.
حياة: طيب.
حياة بدأت تطلع حقنة و ودتها لصفاء.
حياة: بصي هي هتفوق كمان نص ساعة. لما تفوق ناديني او انا هبقي اجي. تمام؟
ليث: اقعدي النص ساعة هنا.
حياة: تمام يا حبيبتي. ابقي ناديني.

حياة سابتهم و كانت لسة هتمشي لقت ايديها ملفوفة ورا ضهرها و لازقة في الحيطة و ليث قريب منها...
ممرضة(لنفسها): يا بختها.
حياة(بصدمة): ايه اللي عملته ده؟ وسع.
ليث: لما اقول كلمة، اياكي تحاولي تكسريها.
حياة(بحدة): شيل ايدك عني، انت فاكر نفسك مين؟
حياة: فلوسك هي اللي عملاك. حراسك هما اللي حامينك، انت من غير الفلوس و الحراس ملكش اي لازمة...
ليث زق حياة علي الحيطة بعنف.

حياة(لنفسها): آآآه عمودي الفقري منك لله...
ليث(ببرود): عدي من الوقت خمس دقايق و تلاتين ثانية.
حياة بصتله بقرف و قعدت علي الكنبة الموجودة و جمبها الممرضة واقفة، و الوقت عدي.
حياة قامت و بدأت تفحص صفاء...
حياة: مدام صفاء حضرتك سمعاني؟
صفاء(بخفوت): اه. بس انا فين؟
حياة: انتي في المستشفي.
ليث: امي حاسة باي حاجة؟
صفاء: ليث حبيبي.
ليث: متخافيش هتطلعي بكرة الصبح.
صفاء: ماشي يا حبيبي. اخواتك كويسين؟

ليث: اه. ارتاحي انتي.
حياة: يا ريت حضرتك تظبطي مواعيد الدواء اللي اتنست دي.
ليث: تمام تقدري تروحي.
حياة لسة هتمشي بس سمعته و هو بيقول.
ليث: بكرة الصبح الاقيكي جاهزة.
حياة(باستغراب): انا!
ليث: في غيرك؟
حياة(لنفسها): ده شكله اهبل.
حياة خرجت من الاوضة و لقت مرزوق في وشها.
مرزوق: اخيرا لقيتك ده انا قلبت عليكي الدنيا.
حياة: في ايه يا دكتور؟
مرزوق حكلها علي كل اللي ليث قاله و اللي هو قاله...

حياة: حضرتك خذت القرار بناءا علي ايه؟
مرزوق: يا بنتي ده فلوسه كتيرة و هترتاحي نوعا ما.
حياة: ابدا ده شخص حقير و جاهل و مبيفهمش في الاصول...
حياة: انا برفض العرض ده. و كمان ملهوش انه يطردني من المستشفي مش بتاعته.
مرزوق: اسمعي الكلام يا بنتي.
حياة: لا. عن اذنك.
حياة راحت مكتبها و هتأخد شنطتها و لسك هتمشي لقت تليفونها بيرن...
الخط اتفتح.
حياة: خير؟
صابر: عايزك يا حياة في الصيدلية.
حياة: ليه؟

صابر: مش قادر تعبان يا حياة.
حياة: طيب طيب حاضر، جاية.
حياة خدت شنطتها و خرجت ركبت عربية و وصلت للصيدلية...
حياة: حضرتك كويس؟
و بعدها حياة لقت باب الصيدلية بيتقفل من وراها.
حياة(بخوف): هو في ايه؟ و مين دول؟
صابر: انا طلبتك في الحلال كتير يا حياة بس انتي اللي رفضتي.
حياة: طيب ده بقي المفروض يخلي عندك دم و تبعد عني.
صابر: لا، انتي عجباني.
حياة(بدموع): بس ارجوك انا مليش في المشي الشمال و مش هقبل بكدة.

صابر: كله بالحب متخافيش...
حياة صرخت بصوت عالي بس الراجلين كتموا صوتها.
حياة بدأت تعيط و هي بتترجاهم بعيونها...
صابر: تعرفي لو كنتي وافقتي من الاول كنت هعيشك في بيتي معززة مكرمة.
شخص1: ما ننجز بقي. دي بتتحرك كتير اوي.
شخص2: دي مش عايزة تتهد...
حياة كانت بتتحرك بعنف علشان تبعدهم عنها بس مش عارفة و مش قادرة.
صابر: يا خسارة يا قطة هتصعبي عليا.

صابر لسة بيتحرك ناحية حياة. لقي باب الصيدلية بيتفتح بسرعة و شخص دخل بسرعة.
حياة بصت بصدمة و استغراب و فرحة...
شخص1: انت مين؟
ليث(ببرود): سيبوها...
شخص2: طب نخلص عليك الاول.
صابر(بغضب): مين ده يا بت؟
-الشخص الاول راح ناحية ليث و لسة هيضربه. ليث بكل برود مسك دراعه و لفه حوالين رقبته و كسره.
الشخص التاني راح ناحية ليث بخوف.
ليث(ببرود): خايف؟
صابر(لنفسه): يا نهار اسود.

-الشخص التاني طلع مطوة و لسة هيضرب بيها ليث. ليث مسك ايده و ضربه بالسكينة في بطنه...
و بعدها ليث قرب من صابر ببطء و برود...
حياة(لنفسها): هو انا بحلم و لا ايه؟ ايه اللي جابه؟
-ليث ضرب صابر في وشه كتير لغاية ما شوه ليه وشه...
ليث قرب من حياة اللي قاعدة في الارض...
ليث(بجمود): كويسة؟
حياة هزت رأسها بمعني اه.
ليث: قومي.
حياة سندت علي المكتب وبدأت تقوم بس وقعت و ليث مسكها و قومها براحة...

ليث مشي قدام حياة و حياة خدت شنطتها و البالطو و مشيت وراه و هي مستغربة و مش عارفة اي حاجة في اي حاجة...
ليث: اركبي.
حياة: انت مين؟ و بتعمل ايه؟ و مين قالك اني هنا؟ و ازاي عرفت اني هنا؟ و ايه اللي انت عملته في الناس ده؟ و ايه...
حياة كانت هتكمل كلامها بس لقت ليث حط ايده علي شفايفها...
ليث(ببرود): مش مهم تعرفي الاجابات المهم اني انقذتك. و لا كان الامر محبب عندك؟
حياة بصت ل ليث و لايده و بعدت عنه...

حياة: لا. بس انا معرفكش و انت متعرفنيش جيت ازاي هنا و ليه انقذتني يعني اولا شكر ليك. بس برضو في لغز...
ليث(ببرود): و انا مش عايز اتكلم. لما اكون عايز اتكلم ابقي اقولك. و يلا اركبي.
ليث مسك دراع حياة وركبها العربية و لف ركب جمبها.
ليث: اطلع...
السواق: حاضر يا بيه.
حياة طول الطريق متوترة و مستغربة و خايفة و مش عارفة تعمل ايه. و عايزة تتكلم لكن الكلام مش عايز يطلع.

و بعد فترة حياة لاحظت انها في الشارع بتاع بيتها.
حياة(بصدمة): انت ازاي عارف بيتي؟
ليث(ببرود): انزلي مش عايز اوسخ العربية اكتر من كدة...
حياة بصتله بصدمة اكتر و بصتله بقرف و نزلت بسرعة و طلعت علي بيتها بسرعة...
ليث(ببرود): اطلع علي البيت...
حياة طلعت لقت الكل نايم. و دخلت اوضتها رمت الشنطة علي الارض...
حياة: واحد غبي و حيوان و حقير. و زبالة قال ايه مش عايز اوسخ العربية.
حياة: ده ده حقير...

حياة: بس ازاي عرف مكاني؟ وليه عمل كدة؟ انا مش فاهمة حاجة.
حياة: يا رب يا رب ارشدني للطريق السليم و الصح.
حياة: طب بالنسبة لموضوع مامته ده اعمل فيه ايه؟
حياة: هو انا بكلم نفسي ليه؟
حياة: لا لا انا اتهبلت رسمي.
حياة: طب انا عندي فكرة حلوة.
-حياة دخلت الحمام غسلت وشها و اتوضت و خرجت غيرت هدومها و لبست الاسدال و بدأت تصلي صلاة استخارة و راحت نامت في سريرها...

-في الصباح الباكر.
حور: يا حياة حياة يلا قومي.
حياة: سيبيني انام يا بت.
حور: قومي بقي.
حياة قامت و غمضت عنيها و فتحتهم.
حياة: ايه ده كان حلم؟
حور: ايه هو؟
حياة: لا روحي.
حياة قامت خرجت لقت نعمان بيربط الكوتشي بتاعه.
حياة: وراك كام درس؟
نعمان: تلاتة ورا بعض.
حياة: فطرت؟
نعمان: اه حاجة علي السريع كدة.
حياة: طيب استني.
حياة دخلت اوضتها و خرجت بفلوس و ودتهم لنعمان.
حياة: خلي بالك من نفسك. اتمني دول يكفوا.

نعمان: انتي احلي اخت.
نعمان خد الفلوس و و باس حياة و نزل...
حياة: هو انا ليه نشيطة كدة؟
حياة: بس برضو مفهمتش الحلم، نصه حلو و نصه وحش.
حياة: طب اعمل ايه؟
فردوس: بتكلمي نفسك؟
حياة: ها لا، اخبارك يا حبيبتي؟
فردوس: بخير الحمد لله. و انتي؟
حياة: الحمدلله.
فردوس: ايه مالك؟
حياة: مفيش يا روحي.
نازلي: انا نازلة يا حياة.
حياة: معاكي فلوس؟
نازلي: الحمد لله.
حياة: طب خدي و خلي بالك من نفسك. و اصرفيها في حاجة مفيدة.

نازلي: حاضر طيب.
نازلي: باي اخواتي. و انتي يا بت مش عايزة اكل سبانغ فاهمة.
فردوس: احمدي ربك. غوري.
نازلي سابتهم و مشيت.
حياة: لا سبانغ لا مبحبهاش و انتي عارفة...
حياة: تعالي في موضوع عايزة احكهولك.
فردوس: هتلحقي قبل ما تروحي المستشفي.
حياة: هحكي ملخص.
حياة حكت كل حاجة حصلت امبارح...
و اول ما خلصت سمعت صوت فتون و هي بتنادي.
فردوس: وافقي يا حياة.
حياة(بصوت عالي): عشر دقايق يا فتون.
حياة: ليه بقي؟

حياة: هخش البس بسرعة و اجيلك، خلي فتون تطلع.
حياة دخلت غسلت وشها. و دخلت غيرت هدومها بسرعة.
حياة لبست بنطلون اسود و تي شيرت اسود قصير و جاكت جملي في اسود ب ¾ كم قصير و صندل بكعب بسيط باللون الاسود. و لمت شعرها علي شكل كحكة
حياة باست حور اللي كملت نوم و خرجت بسرعة.
فتون: نفسي اعرف بتجيبوا اللبس ده منين؟
حياة: طب يلا يا اختي هنتأخر.
فردوس: وافقي يا حياة فرصة مش هتتعوض. يلا باي.

فتون: توافقي علي ايه؟
فتون(بفرحة): عريس؟
حياة: قدامي هحكيلك و احنا بنركب...
حياة و فتون ركبوا المواصلات و حياة قعدت جمب الشباك و فتون جمبها.
حياة: بصي يا ستي الملخص. في واحد جه امبارح و مامته جالها ازمة و هو كان خايف عليها و شدينا مع بعض لان كان في اهمال و انا بكره الاهمال. بعدين هو طلب حد يتابع حالة مامته الدكتور مرزوق رشحني انا ليه...
فتون: وافقي طبعا.
حياة: برضو انتي هتقولي وافقي.

فتون: انتي هبلة؟ ده حاجة حلوة ليكي...
حياة: برضو مش طيقاه شخص بارد، انا مبكرهش حد بس برضو يعني مش عايزة اتعامل معاه فهماني.
فتون: انتي هتتعاملي مع امه يا اختي. وافقي.
حياة: وصلنا انزلي.
حياة و فتون نزلوا و دخلوا المستشفي.
مرزوق: اخيرا جيتي، ده ليث بيه قالب المستشفي.
حياة: طب و انا مالي؟
مرزوق: انتي متأخرة عن ميعادك.
حياة مشيت و راحت ناحية اوضة مدام صفاء.
خبطت الباب و دخلت.
حياة: آسفة علي التأخير.

ليث(بعصبية): دي اول غلطة ليكي المرة الجاية مش هضمن تصرفي. فاهمة؟
حياة: ما قولت اسفة الله، و كمان لاني هقضي وقت مع والدتك لازم تحترمني علي الاقل ايه ده يا ربي.
ليث: قدامي.
صفاء(بابتسامة): ازيك يا دكتورة.
حياة: الحمد لله. الف سلامة علي حضرتك. اتفضلي يلا.
-حياة ساعدت صفاء و خرجوا، صفاء و ليث في الكرسي اللي ورا و حياة و السواق قدام.
تليفون حياة رن. الخط اتفتح.
حياة: ايه؟
نعمان: انا هتأخر شوية.

حياة: ابدا يا نعمان، تخلص دروسك و تروح علي البيت متنساش انك راجل و عندك اخوات بنات. وفردوس و حور هناك لوحدهم.
نعمان: ما كل صحابي بيخرجوا.
حياة: اصحابك الفاشلين ما انا عارفة. ساعتين و اتصل الاقيك في البيت...
نعمان: بس.
حياة: مفيش بس يا نعمان، خلص دروسك و روح.
نعمان(بعصبية): طيب يا حياة.
حياة: متزعقش هي دي التربية يا نعمان.
نعمان: ما انا راجل.

حياة: طب ما علشان انت راجل لازم تحمي اخواتك البنات. و واجبك انك تحمينا صح و لا لا.
نعمان: دايما بتغلبيني في الكلام.
حياة: ماشي يا نعمان خدلك نص ساعة ترفيه. بس قسما بربي لو مطلعتش الاول انسي الموبايل اللي وعدتك بيه.
نعمان: طيب يا حبيبتي يا كل ما ليا ربنا يخليكي ليا و يحفظك و يحميكي و يديكي علي قد نيتك و...
حياة(بضحك): بس بس. روح اشحت عند باب السيدة.
نعمان: باي يا جميل.

حياة: خلي بالك من نفسك و اتصل اطمن علي فردوس و جيب حاجة حلوة لحور و انت راجع.
نعمان: هو انا اتجوزت و انا مش عارف؟
حياة: اه انت متجوز اربعة انا و نازلي و فردوس و حور، عندك مانع؟
نعمان: ده انتوا بلسم.
حياة: يلا علشان ورايا شغل. و بحذرك يا نعمان و ربي لو عرفت انك خرجت مع الشلة الفاشلة بتاعتك دي تاني هزعلك...
نعمان: بحبك.
حياة: ايتا ايتا قالي بيحبني...

نعمان: عسل قسما بالله، باي يا مزتي يا ام عيون سود انت يا جميل.
حياة: طيب يا اخويا. باي بحبك.
صفاء: ده اخوكي؟
حياة(بابتسامة): اه يا مدام صفاء.
صفاء: ربنا يخليه ليكي.
حياة: شكرا.
-كان ليث اساسا منشغل بالشغل علي اللاب اللي قدامه...
مكملوش ربع ساعة الا و تليفون حياة رن تاني.
الخط اتفتح.
حياة: خير عملتي مصيبة ايه؟
نازلي: لا بقولك في مراجعات عايزة اشتريها.
حياة: بكام؟
نازلي: 500 جنيه.

حياة: حاضر يا نازلي اول الشهر هوديكي الفلوس كاملة.
نازلي: بس كل صحابي بيشتروها اشمعنا انا.
حياة(بحدة): نازلي بلاش تبصي لغيرك و قولي الحمدلله.
نازلي(بدموع): طيب اقفلي.
حياة: الصبر يا رب. حاضر يا نازلي حاضر روحي البيت قولي لفردوس حياة بتقولك وديني 500 جنيه من مصروف البيت...
نازلي: طب و هنأكل منين؟
حياة: ملكيش فيه هتصرف.
نازلي: طيب بحبك.
حياة: قسما بربي اخوات مصلحة...
نازلي: طيب، باي.
حياة: غوري.

صفاء: و دي اختك؟
حياة: اه.
حياة(لنفسها): هي بتسأل ليه؟ هو فاضل كتير؟ انا زهقت...
و بعد فترة تليفون حياة رن لتالت مرة.
صفاء: شكلهم بيحبوكي اوي...
حياة: شكرا.
الخط اتفتح.
حياة: خير يا فردوس؟
حور: انا مين؟
حياة: اهلا يا حوريتي، عاملة ايه؟
حور: كويسة، و انتي؟
حياة: تمام، فين فردوس؟
حور: بتعمل الاكل.
حياة: طيب. و انتي خدتي تليفونها و فتحتيه ليه من غير اذنها؟
حور: لا استاذنتها.

حياة: و انا المفروض اصدق. مش قولتلك متأخديش حاجة من حد من غير اذنه حتى لو كانت اختك.
حور: طب ما صحابي معاهم تليفونات.
حياة: و انا قولتلك هجيبلك تليفون و انتي في رابعة ابتدائي انتي لسة مدخلتيش اولي ابتدائي.
حور: طيب يا حياة...
حياة: خلاص متزعليش. لما ارجع هوديكي تليفوني.
حور: طيب.
ليث(بعصبية و زعيق): ما تخرسي شوية، مش عارف اركز...
حور: مين الحمار ده؟
حياة و صفاء كانوا بيحاولوا يكتموا ضحكهم.

حور: هو مش انتي يا حياة قولتي اللي بيعلي صوته يبقي حمار...
حياة: اه يا روحي انا قولت كدة، باي دلوقتي.
ليث(لنفسه): حيوانة.
السواق: وصلنا يا بيه.
حياة فتحت الباب و نزلت و فتحت الباب لصفاء و سندتها.
صفاء: تسلمي و الله انتي دخلتي قلبي علطول.
حياة: تسلمي يا مدام صفاء.
ليث: يلا يا امي.
ليث شال ايد حياة و مسك مامته و دخل. و حياة وراهم و هي بتلعنه في سرها.
حياة(لنفسها): بسم الله ما شاء الله، الحمد لله علي كل شئ.

تالا(بفرحة): ماما...
تالا جريت علي صفاء و حضنتها وقعدت تبوس فيها.
ليث(بحدة): خلاص.
تالا(بخوف): حاضر.
فهد: حمد لله بالسلامة يا امي.
فهد حضنها و باسها.
محمد: ست الكل.
صفاء: وحشتوني اوي يا ولاد.
محمد بص لتالا بمعني مين دي و تالا بصتله يمعني انها مش عارفة...
محمد: انتي عروسة ليث الجديدة؟
حياة قعدت تكح جامد.
حياة(باختناق): ماية ماية.
تالا: خدي.
حياة دمعت و انفها احمر و وشها بقي احمر...

صفاء: لا دي الدكتورة اللي هتراعيني يا محمد.
محمد(باحراج): اسف.
حياة: لا و لا يهمك.
ليث(ببرود): لو خلصتوا بقي يلا ندخل.
حياة(بهمس): مستفز.
محمد(بهمس): و مين سمعك؟
حياة(بتوتر): اسفة مكنش قصدي.
محمد: لا عادي احنا عارفينه.
تالا: هو كدة علطول.
حياة: ربنا يعينكوا.
فهد: مش يلا و لا عايزين تباتوا بره البيت.
و الكل دخل و راح علي القصر.
ليث(ببرود): ورايا...
ليث سابها و مشي. حياة بصت حواليها باستغراب.

حياة: هو كان قصده انا؟!
تالا: اه يلا لو اتأخرتي هتتنفخي.
حياة: اروح فين؟
محمد: دادة نور ودي الانسة؟
حياة: اسمي حياة.
تالا: اسمك جميل.
حياة: شكرا.
محمد: ودي الانسة حياة لاوضة المكتب...
نور: حاضر. اتفضلي معايا.
حياة مشيت مع نور و راحت لاوضة المكتب. و خبطت الباب.
ليث: ادخل.
حياة دخلت و وفضلت واقفة مكانها...
ليث: اقفلي الباب.
حياة ردت الباب لكن مقفلتهوش و ليث ابتسم بسخرية من جواه عليها...

حياة قربت من المكتب و وقفت.
ليث: اقعدي.
حياة قعدت بكل احترام و رقي و حطت رجل علي رجل، و ليث بصلها ببرود.
ليث: خدي امضي علي الورق ده.
حياة: ورق ايه؟
ليث: شغل. اقرأي و انتي تعرفي.
حياة مسكت الورق و قرأت الاوراق.
حياة: طب و لو حصلت ظروف و كنت مضطرة اني امشي...
ليث: تيجي تطلبي من رب عملك اللي هو انا...
حياة(في نفسها): اهدي حياة اهدي. و ربي عايزة اقوم اضربه حاليا.
حياة: تمام يا فندم.
حياة: ممكن قلم؟

ليث رمي ليها القلم في وشها و ده عصب حياة اكتر.
حياة مسكت القلم و مضت علي الورق. و حطتهم قدام ليث.
حياة: عايزة نسخة من الورق ده.
ليث طلع ليها نسخة و رماها في وشها...
حياة: شكرا يا...
حياة(بسخرية): يا محترم.
حياة خدت الورق و خذت شنطتها و لسة هتمشي.
ليث: مأذنتش ليكي بأنك تمشي.
حياة: و انا اعتقد ان الكلام بينا خلص.
ليث: لا.
حياة: اتفضل.
ليث(ببرود): خلاص امشي...
حياة بصتله بغيظ و مشيت بسرعة من قدامه...

حياة طلعت و بدأت تقعد مع صفاء و تتأقلم علي الوضع، و اتعرفت علي كل اللي موجود.

-في مكان تاني.
عند فتون...
فتون: ياااه وحشتني حياة.
احمد: و مين سمعك؟ بس دي فرصتها عندها اخواتها و محتاجة فلوس.
فتون: ربنا معاها.
احمد: يا رب. اوصلك في طريقي؟
فتون: لا مش عيلة صغيرة انا.
احمد: براحتك يا رزلة.
فتون: باي يا اقرع.
احمد: يا بت هضربك.
فتون: متقدرش يلا باي.
فتون خرجت من المستشفي و بدأت تتمشي.
فتون كانت ماشية و عربية جاية بسرعة.
فتون(بصريخ): عاااااااااااااااااااااااا...

الفصل التالي
جميع الفصول
روايات الكاتب
روايات مشابهة