رواية طبيبة قلبي الجزء الأول للكاتبة سلسبيل كوبك الفصل الثالث والعشرون
حياة نزلت و ليث نزل و مسك ايديها و راحوا ناحية اللي خبطوه.
حياة(بصدمة): عااااصم!
ليث(ببرود): ايوه هو.
حياة(بخوف): ده لو عرف اننا عايشين هيقتلنا.
ليث: قولتلك اياكي تخافي و انتي معايا فاهمة.
ليث: فريد زي ما فهمتك يلا.
فريد: طيب.
ليث ركب حياة و راح ركب مكان السواق و راح علي مكان هادئ.
ليث: اهدي يا حياة بلاش صدمتك دي.
حياة(بصدمة): ليث انا مش مصدومة و بس انا خايفة...
ليث(بحدة): حياة بطلي خوف قولتلك انا معاكي.
حياة نزلت من العربية بسرعة و كانت هتجري بس ليث نزل بسرعة و مسكها من دراها و شدها ناحيته.
ليث(بحدة): بطلي هروبك ده.
حياة(بدموع): انا زهقت من حياتي بقي. عايزة اهرب من العالم كله.
ليث حضنها جامد لدرجة ان حياة مكنتش قادرة تتنفس.
ليث(بدون وعي): وقت ما تكوني عايزة تهربي تيجي هنا في حضني حياة.
حياة(لنفسها بصدمة): ده مجنون ده. ليكون بيضحك عليا لا لا ليث مش هيعمل كدة.
حياة(لنفسها بسخرية): طب ما عاصم مكنش هيعمل كدة.
ليث: حياة اسمعيني.
حياة: اتفضل.
ليث: عايزاني اجبلك حقك حياة؟
حياة بصتله بتحاول تشوف عيونه بتقول ايه.
حياة: و يا تري هتجبلي حقي ازاي؟ و ليه؟
ليث: بلاش نبرة استهزأك. هجبلك حقك و ده وعد مني.
حياة: لا شكرا مش عايزة حقي. قدامه هخسر ناس كتير و انا مش حمل خسارة...
حياة كانت هتروح و هتكمل مشيها بعيد عن ليث.
ليث: حياة في ايه؟
حياة(بصريخ): مش عايزة اكون معاك. مش عايزة اخسرك. مش عايزة اشوف في عيون امك نظرة اني انا السبب. مش عايزة شفقة منك يا ليث.
حياة كملت مشيها و بصت ل ليث بدموع و كملت مشيها.
ليث(بغضب): انا غبي انا غلطان.
ليث مشي ورا حياة و ملقهاش.
ليث(بصوت عالي): حياة...
ليث جري و هو بيدور علي حياة.
ليث(لنفسه): فينك حياتي؟
ليث لمح حياة و هي بتعدي الشارع.
ليث(بصوت عالي): حياة.
حياة(لنفسها): متلفيش حياة.
ليث(بصوت عالي): حياة.
حياة لفت ل ليث و كانت هتتحرك بس كانت في عربية جاية بسرعة كبيرة خبطت حياة.
ليث(بصريخ): حيااااااااة.
-حياة وقعت علي الارض و حواليها دم و وشها غرقان دم و شعرها حواليها و الناس ملمومة حواليها علي شكل دائري.
-اما ليث حس كأن انفاسه وقفت كان حاسس بآلم شديد في قلبه بيوجعه و منظر حياة و هي علي الارض و مش رايح عن باله. و واقف ثابت.
شاب: يلا نأخدها المستشفي بسرعة او نطلب الاسعاف.
ليث فاق من صدمته و جري علي حياة و نزلت لمستواها.
ليث(بخوف): حياة حياة فوق فتحي عينك. حياة بلاش هزار.
ليث(بخوف و دموع): حياة ارجوكي متبعديش عني.
ليث(بصريخ): اطلبوا الاسعاف بسرعة...
ليث(بدموع): حياة ارجوكي متسبنيش ماصدقت الاقي اللي يفهمني ارجوكي.
ليث(بصريخ): حياااااااااااة. قومي بقي بطلي هزار.
ست: شكلهم لسة عرسان جداد.
ست2: يا عيني. صعبوا عليا.
راجل: هو باين عليه بيحبها اوي.
بنت: هلاقي حد يحبني كدة و يعيط عليا.
بنت2: يا ريت يا بنتي. مبقاش في منهم كتير كدة.
رجل اسعاف: وسعوا وسعوا.
ليث(بوجع): ارجوكم بسرعة.
ليث شال حياة و حطها علي النقالة و رجال الاسعاف حطوها في العربية و ليث ركب مع حياة.
ممرضة: اهدي يا فندم بلاش تسبب توتر ليا.
ليث: طيب طيب بس ارجوكي حاولي تنقذيها.
الممرضة حطت جهاز اوكسجين لحياة و كانت بتقيس النبض و الضغط.
و بعد فترة وصلوا للمستشفي. و دخلوا حياة و كانوا ودوا خبر للاستقبال.
احمد: فين المريضة؟
احمد(بصدمة): حياة!
احمد: ليث حصل ايه؟ فهمني حياة مالها؟
ليث(بصوت عالي): و المفروض انا اللي اعرف. طمني علي حياة.
احمد: طيب طيب. انقلوها لاوضة العمليات.
احمد: نهلة.
نهلة: خير؟
احمد: حياة في اوضة العمليات ارجوكي اعملي اللي في ايدك علشان تنقذيها.
نهلة(بصدمة): حياة!
نهلة(لنفسها): هقدر انتقم منها.
نهلة: اكيد اكيد.
ليث: ارجوكي انقذيها و هعملك اي حاجة.
نهلة(لنفسها): ليث بيه بنفسه! طيب هشوف هعمل ايه.
نهلة: اكيد اكيد. عن اذنكوا.
-نهلة دخلت اوضة العمليات و ليث و احمد بره مستنين علي اعصابهم.
احمد: ليث ممكن تحكيلي؟
ليث(بدموع و صوت مبحوح): ارجوك مش قادر اتكلم. ارجوك.
احمد: طيب طيب.
-و بعد فترة لقوا ممرضين بيدخلوا و ممرضين بيخرجوا و دكاترة تدخل و تخرج. و قلب ليث واجعه و قلقان و خايف و حالته متدهورة.
و بعدين لقوا ممرضة بتخرج و بتجري.
احمد(بقلق): في ايه؟
ممرضة: نبض الدكتورة حياة بيقل.
ليث(لنفسها): متصدقش ليث اياك تصدق. حياة بخير.
-في مكان تاني.
في مستشفي تانية.
عاصم(بغضب): مين ابن ال، خبطني؟
فريد(بهدوء): عاصم بيه.
عاصم(بغضب): انت مين؟
فريد(بهدوء): انا مدير اعمال ليث بيه. اكيد عارفه.
عاصم(بغضب): هرفع عليكم قضية و اخليه يدفع الثمن.
فريد(بهدوء): نعيم بيه جاي في الطريق و تتفقوا مع بعض.
عاصم: طيب.
و بعد فترة جه نعيم و دخل الاوضة.
نعيم(بزعيق): مين اللي خبط ابني؟
فريد(لنفسه): الصبر يا رب. حمير قدامي.
فريد(بهدوء): احم اهلا نعيم بيه، انا مدير اعمال رجل الاعمال الكبير ليث. اكيد حضرتك تعرفه؟
نعيم: اه ليث بيه. بس ازاي ده؟
فريد: انا شايف انه لمصلحتكوا ده يحصل.
نعيم: افندم؟
فريد: ليث بيه لما الحادثة حصلت اضطر يروح الشركة. بس قالي اي حاجة يعوزوها انا تحت امرهم.
فريد: اينعم هو ميعرفش اللي انا هقوله. بس هقوله.
عاصم: يا تري ايه خير؟
فريد: شركتك يا نعيم بيه لو اندمجت مع شركة ليث بيه هتكبر اوي اوي. بس انصحكم بلاش ترفعوا قضية لان ليث بيه هو اللي هيكسبها...
فريد طلع الكارت بتاعه و وداه لنعيم...
فريد: اتفضل. في حالة موافقتكم اتصلوا بيا و هظبطلكوا موعد...
فريد: عن اذنكوا مصاريف المستشفي دفعتها من حساب ليث بيه...
فريد مشي بكل بهدوء و ركب عربيته و راح لفهد في الشركة...
فهد: ايه اللي اخرك و فين ليث؟
فريد: ليث بعتني مشوار. لكن فين ليث المفروض يكون جه هنا. هتلاقيه لسة مع حياة.
فهد: طيب.
فهد: يلا نشتغل الباشا بقي مهمل في شغله اوي...
-في مكان تاني.
عند ليث.
ليث(لنفسه): يا رب ارجوك محتاجها معاايا...
ليث افتكر لما وصله خبر فهد افتكر حياة عملت ايه معاه.
ليث افتكر لما حياة خلته يصلي و هو ارتاح لما صلي.
ليث: احمد.
احمد: نعم.
ليث: في اي مكان ينفع اصلي فيه؟
احمد: اه تعالي معايا.
احمد خد ليث و وداه اوضة مكتبه.
احمد: دي اوضتي في حمام اهو و القبلة كدة.
ليث: شكرا يا احمد.
احمد: و لا يهمك مستنيك.
-احمد رجع ل لحياة قدام اوضة العمليات. ليث دخل اتوضئ و خرج بدأ يصلي و يعيط و يدعي لربنا كتير قعد فترة كبيرة و هو بيصلي و بيدعي لحياة.
و بعدها خرج و راح لاحمد.
ليث: في جديد؟
احمد: القلب وقف فجأة بس انعشوه و رجع اشتغل تاني...
ليث(لنفسه): الحمد لله الحمد لله. اشكرك يا رب.
-و بعد فترة بسيطة خرجت نهلة.
نهلة: الحمد لله انقذتها ده كله علشان خاطرك يا ليث بيه.
ليث(بلامبالاة): تمام.
ليث: حياة اخبارها ايه؟
نهلة(بغيظ مكتوم): تمام.
احمد: ما تنجزي تقولي حصل ايه؟
نهلة: كسر في دراعها اليمين و التواء في رجليها الشمال و التواء في ايديها الشمال. و خدوش في وشها. و معندهاش نزيف داخلي، بس.
ليث(بخوف و قلق): ايه؟
نهلة: بس ممكن تدخل غيبوبة.
ليث: طب هي يعني كويسة؟
نهلة: اه.
احمد: خلاص ماشي يا نهلة. هو هيتم نقلها لاي اوضة؟
نهلة: العناية المركزة...
ليث: لا هتروح معاايا البيت.
احمد و نهلة(بصدمة): نعم!
ليث: ايوه حياة هتروح معايا. و هكلم فريد يجهز كل الامور.
احمد: بس دي محتاجة اجهزة و رعاية و حاجات كتيرة يا ليث.
ليث: انا عندي طيارة طبية هتنقلها و مش عايز نقاش.
ليث شاف حياة طالعة علي النقالة و هي مغمضة عنيها و شعرها مفرود علي سرير النقالة و باين علي وشها انه شاحب و الخدوش و الكدمات مالية وشها و الجبس حوالين ايديها اليمين و ايديها الشمال ملفوفة بشاش.
ليث(لنفسه): آسف حياتي.
ليث اتصل بفريد و قاله علي اللي هو عايزه. عدت فترة.
فريد: ليث كل حاجة جهزت. بس انت ليه طالب كدة؟ و ليه انت في المستشفي؟
ليث(بجمود): مفيش.
ليث: احمد شكرا لتعبك معايا.
احمد: متقولش كدة حياة اختي و انت كمان اخويا.
احمد: و اختارتلك بنت بتحب حياة جدا و هترعاها بروحها هي و الممرضة كمان...
ليث: شكرا آسف تعبتك معايا.
احمد: و لا يهمك.
فريد(لنفسه): هو حصل ايه؟
ليث قرب من سرير حياة و هو حزين. و شال حياة براحة جدا بين ايديه و باس رأسها...
-ليث مشي براحة و طلع لاخر دور في المستشفي لقي الطيارة جاهزة و طلع و ركب الطيارة و حط حياة علي السرير و الدكتورة و الممرضة طلعوا و ركبوا هما كمان...
و بعد فترة وصلوا للقصر...
نازلي: واو ايه الطيارة دي؟ حلوة اوي...
صفاء: دي طيارة ليث.
محمد: ازاي بس؟ الطيارة دي خاصة بالمرضي.
صفاء(بخضة): ليث حصله حاجة؟
فردوس: طب هنعرف ازاي؟
-الطيارة وقفت علي سطح القصر. ليث شال حياة و نزل من الطيارة و نزل علي دوره علطول و راح للاوضة اللي جمب اوضته و حط حياة علي السرير براحة و غطاها و باس رأسها...
الدكتورة: احم لو سمحت تسمحلي احطلها الاجهزة.
ليث: طيب.
الدكتورة و الممرضة بدأوا يحطوا جهاز القلب لحياة و يوصلوا الاسلاك بجسم حياة...
ليث(بحدة): قسما بربي اللي هيسيبها و لو للحظة لوحدها هيكون عقابه الموت. فاهمين؟
الدكتورة و الممرضة(بخوف): فاهمين...
-ليث نزل للباقي اللي كانوا خايفين و قاعدين مستنينه.
صفاء(بدموع): ابني انت كويس؟
ليث: اه...
فردوس: اومال فين حياة؟
محمد: و انت ليه جاي بالطيارة الطبية؟
ليث(بتعب و حزن): حياة عملت حادثة.
نعمان: انت مجنون يا ليث؟ حياة فين؟
نازلي: بطل هزار حياة كويسة.
حور كانت واقفة في جمب لوحدها و بتعيط. ادم قرب منها و حضنها.
ادم: اهدي يا حور حياة بخير.
حور(بعياط): حياة عملت حادثة.
ادم: بس عايشة. هي بخير حبيبتي اهدي.
حور(بعياط): شكرا.
ليث: مفيش اي شخص يطلع فوق الا بأذني. فاهمين؟
نازلي: بس احنا عايزين نشوفها.
ليث: مش النهاردة لما تفوق. محدش يقرب منها خالص. لما حالتها تستقر.
كاميليا: يعني هي ممكن تموت في اي لحظة؟
ليث(بحدة): اياكي تتكلمي يا كاميليا. علي اوضتك.
ليث(بعصبية): علي فوق...
كاميليا طلعت بكل غضب علي اوضتها...
ادهم: طب حالتها ايه؟ و ازاي حصل ليها الحادثة.
ليث: مش عايز اتكلم. يلا كله علي اوضته.
فردوس: حرام عليك احنا عايزين نشوف اختنا.
ليث: فردوس ارجوكي علشان خاطر حياة بلاش كدة. حياة اول ما تفوق اوعدكوا هخليكوا تشوفوها.
تالا: خلاص يا جماعة. حياة ان شاء الله هتبقي بخير.
ليث: كله ينام.
ليث سابهم و طلع علي الدور بتاعه و هو مهموم.
ادهم: لازم نراعي حالته.
فردوس: انا خايفة علي اختي اوي. حرام.
نعمان: طب نبص عليها نشوف حالتها.
صفاء: معلش يا ولاد هو برضو تعبان و متنسوش انه اكيد هو اللي كان معاها و اللحظات مرت عليه بصعوبة...
الكل طلع علي اوضته و هو بيفكر في حياة.
حور قامت من نومها و راحت لاوضة ادم.
ادم: مالك يا حور؟
حور(بعياط): ادم انا خايفة.
ادم: خلاص اهدي. تعالي.
حور حضنت ادم و نامت في حضنه...
ادم: حور حور.
ادم: نمتي؟
ادم نيم حور علي سريره و و نام جمبها...
عند ليث.
ليث راح اوضته و غير هدومه لبنطلون زيتي و تي شيرت اسود بنص كم.
ليث راح لاوضة حياة و لقي الدكتورة و الممرضة في الاوضة.
ليث(ببرود): اطلعوا بره. و محدش يدخل الا لما اقوله.
الدكتورة: بس مين هير. كانت لسة هتكمل كلامها
ليث(ببرود): قولت بره و محدش يدخل الا لما اقوله.
الدكتورة: يلا يا مريم.
الدكتورة و الممرضة طلعوا بره قعدوا في الصالة.
ليث قرب من حياة و طلع علي السرير و بعد شعرها من حواليها.
ليث: آسف بسببي انتي في الحالة دي. و انا غلطان اني قولتلك.
ليث: آسف حياتي، ارجوكي سامحيني.
ليث قرب من ايد حياة المتجبسة و باسها.
ليث(بدموع): بسببي انا مش قادر اشوف عيونك حياتي...
ليث(بدموع): افتحي عينك ارجوكي.
-ليث دفن رأسه في رقبة حياة و حاوطها بايده براحة، و باس رقبتها.
ليث: انا محتاجك حياتي.
ليث فضل صاحي للصبح. و لقي الباب بيخبط.
ليث: ادخل.
ممرضة: ميعاد الدواء يا بيه.
ليث: طيب تعالي.
ليث بعد عن حياة و مركز معاها. الممرضة ودت حياة الدواء و خرجت بصمت.
ليث: هجيلك بسرعة حياتي.
ليث قام و خرج و الدكتورة و الممرضة قاموا وقفوا.
ليث(ببرود): لو حياة فاقت تتصلوا بيا انا اول واحد.
ليث(ببرود): و اي حاجة تحتاجوها تتصلوا بيا انا. و محدش يطلع هنا يشوف حياة.
ليث(ببرود): فاهمين؟
الدكتورة و الممرضة: فاهمين.
ليث دخل لاوضته و خد دوش بسيط و دخل لاوضة الملابس.
ليث لبس بدلة باللون الكحلي و قميص اسود و جذمة سوداء و سرح شعره و حط البرفيوم بتاعه.
ليث خرج و راح ل حياة و باس رأسها...
ليث: محدش يسبها لحظة فاهمين؟
ممرضة: حاضر يا بيه.
ليث خرج و نزل للباقي تحت.
ادهم: اخبار حياة؟
ليث: بخير. زي ما قولت ليكوا محدش يطلع ليها لحد ما تفوق.
صفاء: يا ابني بس احكيلنا حصل ايه؟
ليث: محصلش هو بس حياة كانت بتعدي الشارع و عملت حادثة بس.
فردوس(بدموع): طب ارجوك بجد بجد يعني هي بخير؟
ليث: اه يا فردوس.
نازلي: طيب و هي هتفوق امتي؟
ليث: منعرفش يا نازلي. محدش يعرف...
تالا: طب اهم حاجة طيب انت تعالي كل علشان انت كنت مشغول مع حياة.
ليث: لا مش عايز. عن اذنكوا.
ليث: فهد خليك هنا اشتغل من البيت...
فهد: طيب.
ليث ركب عربيته و وصل للشركة و طلع لمكتبه.
فريد: صباح الخير.
ليث: صباح النور.
فريد: عملت اللي قولتلي عليه. اخبار حياة ايه؟
ليث: قول عملت ايه يا فريد؟
فريد: كل حاجة انت قولت عليها بالظبط نفذتها و شوفت لمعة عنيهم لما قولتلهم علي الاقتراح.
ليث: طيب يا فريد. بالنسبة للشحنة اللي كانت جاية دي.
فريد: للاسف شريف خدعنا...
ليث: طيب. كاميليا لازم اصفي حسابها عايز اخلص منها.
فريد: هتعمل ايه؟
ليث: هندمها للي عملته ل حياة في الاجازة، و هندمها علي كل اللي بتعمله من ورايا.
فريد: طيب انا شايف كل الامور عندك متلغبطة قولي اساعدك في ايه؟
ليث: متخافش كل الامور هحلها بس لما حياة تفوق.
فريد: احم ليث.
ليث: عايز ايه يا فريد؟
فريد: هو انت فعلا بتحب حياة؟
ليث بصله و معرفش يرد.
فريد: طيب اول حاجة و اهمها انك تعترف لنفسك و تعترف ل حياة. مش لازم احنا.
ليث: روح قابل حبيبتك يا فريد.
فريد: احم ايه الاحراج ده؟ عن اذنك يا صاحبي.
فريد نزل و ركب عربيته و راح لفتون.
ليث فتح تليفونه و اتصل بشخص.
الخط اتفتح.
ليث: عملت اللي قولتلك عليه؟
شخص: ايوه يا بيه كل حاجة جهزت.
ليث: طب ابعتها.
شخص: تمام.
و بعد فترة الباب خبط.
ليث: ادخل.
سكرتيرة(بدلع): اهلا ليث بيه...
ليث(ببرود): هاتي اللي في ايدك و غوري.
ليث خد من السكرتيرة اللي في ايديها و السكرتيرة مشيت.
ليث فتح الطرد اللي معاه و طلع صورة حياة و حطها قدامه علي المكتب.
ليث(بابتسامة باهتة): حياتي وحشتيني.
ليث بدأ يشتغل و هو بيخطط ازاي ينتقم من اهل حياة...
-في مكان تاني.
عند فريد.
فريد راح لبيت فتون و طلع تليفونه اتصل بفتون.
اتصل بيها كتير و هي مردتش...
فريد بعت ليها ماسدچ...
فريد: سامحيني كنت مشغول.
فريد: طب انزلي هقولك حاجة.
فريد: اسف انزلي.
فريد: طب حياة عملت حادثة.
فتون(بخضة): حياة!
فتون قامت و غيرت هدومها و خرجت.
مامتها: راحة فين يا فتون؟
فتون: هروح مشوار صغير لحياة.
مامتها: انتي تعبانة يا فتون.
فتون: مش مهم عن اذنك...
فتون نزلت جري و جمبها كان بيوجعها بس راحت لفريد و ركبت العربية.
فتون: فريد حياة مالها؟
فريد: اهدي اهدي هحكيلك.
فريد حكي اللي حصل ل فتون.
فريد: و انا كنت منشغل معاهم آسف فتون.
فتون: و لا يهمك بس هي كويسة طب عايزة اشوفها.
فريد: ليث مانع اي حد يشوفها.
فتون: بس حرام.
فريد: معلش هو برضو تعبان اوي.
فتون: طيب. عن اذنك.
فريد: فتون.
فتون: نعم.
فريد: ردك ايه؟
فتون: احم شوف انت عايز تتجوزني؟
فريد: ايوه...
فتون: يبقي اطلبني من بابا و ساعتها ابقي اقول رأيي عن اذنك.
فتون نزلت و طلعت علي شقتها.
مامتها(باستغراب): لحقتي تروحي لحياة؟
فتون(بتوتر): لا اصل اتصلت بيها و هي قالت انها بره مع جوزها...
مامتها: ربنا يسعدها، يلا خشي ارتاحي علشان جرحك.
فريد ساق بعربيته و راح لوالد فتون في شغله.
فريد: لو سمحت والد الانسة فتون فين؟
شخص: نعم؟
فريد: اقصد الاستاذ مأمون فين؟
شخص: اه. هناك اهو.
فريد: طيب عن اذنك...
فريد: لو سمحت حضرتك استاذ مأمون.
مأمون: ايوه يا ابني اتفضل.
فريد: لو سمحت ممكن تيجي معايا عايز اتكلم مع حضرتك في موضوع...
مأمون: طيب يا ابني هستأذن من رئيسي في الشغل.
مأمون استأذن من مديره و خرج مع فريد.
فريد: اتفضل يا عمي.
مأمون: هو انا عملت حاجة.
فريد: لا خالص يا عمي. اتفضل.
مأمون ركب عربية فريد و فريد ساق و راح لمطعم راقي...
فريد: بص حضرتك يا عمي انا بحب بنتك. و مستعد ادفع من جنيه لمليون و اتنين و اكتر كمان، بس حضرتك توافق.
مأمون: و الله يا ابني انت فاجئتني...
فريد: مش مهم، ها موافق؟
مأمون: طب انت عرفتها منين؟
فريد: المستشفي. و ده مش شئ مهم المهم انت موافق.
مأمون: طب سبنا نفكر طيب و خد ميعاد.
فريد: طيب معنديش مانع. امتي؟
مأمون: بكرة.
فريد: احم ممكن تديني بس فرصة كام يوم اصل مرات اخويا يعتبر في غيبوبة و كدة لما تفوق علشان اعرف اجيبه معايا.
مأمون: ماشي يا ابني.
فريد: و اسأل عليا معنديش مانع، انا ابقي اخو جوز حياة صاحبة فتون.
مأمون: بجد؟! حياة انسانة محترمة بجد.
فريد: اه فعلا جوهرة. بس هي كويسة الحمد لله.
مأمون: هي هي اللي تعبانة؟
فريد: لا. اه. هي كويسة متشغلش بالك.
مأمون: طيب يا ابني. هات رقمك.
فريد: هات تليفون حضرتك.
فريد سجل رقمه و وصل مأمون لشغله...
فريد: باي يا عمي...
-في مكان تاني.
في فيلا.
نعيم: سهر سهر.
سهر: نعم يا حبيبي.
نعيم: عارفة ليث بيه اللي كلمتك عنه و قولتلك المفروض اعمل معاه صفقة.
سهر: اه.
نعيم: خبط ابنك و دفع فلوس المستشفي. و مديره قالي انه ممكن يسهل اننا نعمل صفقة معاه.
سهر(بفرحة): طب ده كويس يا حبيبي.
عاصم: انا جعان...
سهر: طيب يا حبيبي.
عاصم: ايه متخضتيش عليا يعني...
سهر: المهم اننا هنعمل الصفقة.
عاصم: طيب. يلا نأكل.
و بدأوا يأكلوا و يتكلموا.
نعيم: احنا ممكن ننصب عليه.
سهر: لا لا اول صفقة متعملش كدة علشان يثق فيك. و بعدين ابقوا انصبوا عليه.
نعيم: و عنده اخت و عازبة دورك بقي يا معلم.
عاصم(بضحك): لعبتي.
-في مكان تاني.
عند ليث...
ليث وصل للبيت و سلم علي اهله و طلع بسرعة علي اوضة حياة.
ليث: هي عاملة ايه؟
الدكتورة: احسن يعني.
ليث: طيب فاقت او عملت اي حاجة؟
الدكتورة: لا.
ليث(بخيبة امل): طيب.
ليث راح لاوضته و غير هدومه و لبس لبس بيتي. و راح لاوضة حياة.
ليث: اطلعوا بره.
ليث قرب من حياة و حضنها براحة و فضل صاحي برضو...
تحت.
الكل راح نام. بس كاميليا كانت بتتسحب علشان تدخل مكتب ليث.
شخص: اقفي عندك.
السؤال: مين الشخص ده؟