رواية صدفة أم قدر للكاتبة سلسبيل كوبك الفصل الرابع والثلاثون
ادهم زق اسيل علي السرير و سابها و مشي...
و بعد فترة و اسيل مستنية ادهم. جت ليها ماسدجات كتيرة علي تليفونها، فتحته و اتصدمت...
اسيل: اسيل اهدي متصدقيش اهدي...
اسيل حاولت تتصل بأدهم كتير و في الاخر رد...
ادهم(ببرود): خير؟
اسيل(بشئ من الهدوء): ادهم في بس حاجات اتبعتت من تليفونك كدب صح...
ادهم(ببرود): لا يا حبيبتي صح، و سيبيني دلوقتي.
ادهم قفل التليفون في وش اسيل...
اسيل خدت نفس عميق و دخلت غسلت وشها، و خرجت لمت شوية هدوم ليها في شنطة سفر صغيرة، و نزلت و هي شايلة الشنطة...
عدي: اسيل انتي راحة فين؟
اسيل: انا ماشية يا عدي علشان هقعد مع رحيق يعني هنتكلم و كدة...
عدي: و واخدة شنطة هدوم ليكي.
اسيل: اصل هبات معاها النهاردة و بكرة علشان الفرح...
عدي: اسيل ادهم عملك حاجة؟
اسيل: لا مفيش انا بخير...
صفية(بخضة): لامة شنطة هدومك ليه يا اسيل؟
اسيل(بابتسامة بسيطة): لا يا طنط هبات مع رحيق بس علشان كمان يومين الفرح...
صفية: قولتي لجوزك؟
اسيل: هو عارف من زمان، عن اذنكوا...
اسيل نزلت علي السلالم بسرعة و راحت علي الفيلا.
عدي: ابنك هيخسر اسيل و اديني قولتلك...
عدي سابها و مشي، و صفية قعدت تفكر في كلام عدي و سيطر القلق عليها...
-في الفيلا...
باسم: حد يجي يزور حد الساعة 11 بليل؟
اسيل: لا و حياتك جاية بيات...
باسم خد منها الشنطة بسرعة و دخلها و قفل الباب.
باسم: مد ايده عليكي تاني؟
اسيل: يا ابني انت حمار، انا جاية علشان رحيق هتتجوز كمان يومين و ماما مش موجودة و كدة يعني...
باسم: اه فكرتيني هتصل بماما...
اسيل(بسرعة): لا انا انا لسة مكلماها، و قالت مش عايزة حد يكلمها، و للاسف مش هتعرف تحضر هي و بابا الفرح احتمال يعني...
باسم: ازاي يعني يا اسيل مش هتحضر الفرح.
اسيل: شكلهم لسة مخلصوش تصفية شغل و كمان هنعوضها معلش يا باسم. انت هتبقي مكان بابا و انا مكان ماما...
باسم: هحاول اقتنع يا اسيل.
غزل(بفرحة): اسيل...
اسيل: اهلين يا ام ايه بقي؟
باسم: ليل او ريناد.
اسيل: اسم ليل اسم جميل. و ريناد ربنا يخليها ليكوا...
غزل: و ربنا يرزقك...
اسيل ابتسمت ليها ابتسامة باهتة، و مسكت شنطتها.
اسيل: رحيق نايمة صح؟
باسم: اه...
اسيل: هبقي اشوفها بكرة باي.
باسم: خلي صوفيا تشيل الشنطة.
اسيل: انا فعلا مش قادرة اشيلها.
غزل: صوفيا صوفيا.
صوفيا: نعم يا هانم...
اسيل: اهلا صوفيا اخبارك؟
صوفيا: بخير يا ست اسيل.
اسيل: معلش هتعبك شيلي معايا الشنطة دي...
صوفيا: عيوني.
اسيل طلعت الاوضة و صوفيا وراها شايلة الشنطة.
صوفيا: حاجة تانية؟
اسيل: لا شكرا، باي.
صوفيا مشيت، و اسيل بصت حواليها و بعدين اترمت علي السرير نامت بهدومها...
-عند ادهم...
ادهم لما ساب اسيل ركب عربيته و كان هيعمل حادثة و بعدين راح لملهي ليلي، و قعد و في بنات حواليه ادهم مقربش منهم لكن اتصور صور و فيديوهات علشان يبعتها لاسيل و تحس بالنار اللي هو حاسس بيها...
و كان للحظة هيتراجع بس كمل في اللعبة و اتصور صور وبعتها لاسيل...
و بعدين ادهم خد عربيته و راح لشقته نام فيها...
-في الصباح الباكر...
عبدالرحيم: اومال فين اسيل و ادهم؟
صفية: اسيل راحت لاختها هتبات معاها يومين علشان الفرح و ادهم مرجعش من امبارح.
احمد: ازاي ده؟
صفية: انا خايفة عليه اوي...
عبدالرحيم: و انا خايف علي اسيل اكتر ابنك متهور.
عدي: كلمه و قوله يخف علي البنت شوية...
ليلي: ايه ده يعني محدش هيقعد معايا؟
عدي: ابقي روحي اقعدي معاهم مفهاش حاجة يا ليلي.
احمد(بهمس): فين سوزان و رفعت؟
صفية(بهمس): مشيوا قال ايه هيقضوا شهر العسل.
احمد(بهمس): ربنا يهدي...
عدي: انا رايح الشغل...
عبدالرحيم: يا ابني انت عريس...
عدي(بسخرية): واضح شايف الفرحة بتطلع من عيوني ازاي؟
عدي سابهم و مشي و قابل كريم...
كريم: مالك؟
عدي: فكك مني...
كريم: اهدي بس و احكي في ايه...
عدي: الزفت ادهم ده هيخسر اسيل في يوم من الايام و اديني قولت اهو...
كريم: طيب تعالي نخلص شغلنا و نبقي نتكلم...
عدي و كريم راحوا الشغل...
ادهم رجع القصر...
عبدالرحيم: كنت فين يا ادهم؟
ادهم: اعتقد شي ميخصش حد انا مش طفل.
ادهم طلع لاوضته و ملقاش اسيل...
ادهم(لنفسه): راحت فين؟
ادهم(بصدمة): سافرت!
ادهم نزل جري علي تحت، الكل اتخض من منظره.
ادهم: اسيل فين؟
صفية: راحت لاختها في الفيلا علشان الفرح. هي قالت انك عارف من زمان يعني...
ادهم طلع لاوضته و اتصل بيها كتير بس تليفونها مغلق...
ادهم(بغضب): و ربي يا اسيل لاوريك اللي عمرك ما شوفتيه...
-في الفيلا...
رحيق: صباح الخير.
باسم: صباح النور...
غزل: اسيل هنا و كمان هتبات معانا يومين.
رحيق(بفرحة): احلفي...
باسم: هي كانت مهاجرة يا جدعان...
رحيق طلعت جري علي اوضة اسيل و دخلت...
رحيق: اسيل اسيل...
رحيق حاولت تصحي اسيل بس اسيل كانت غرقانة في النوم...
رحيق: هسيبك تصحي لوحدك...
رحيق نزلت و هي حزينة...
باسم: في ايه؟
رحيق: اسيل مرضيتش تصحي...
غزل: هي لما جت امبارح كانت تعبانة معلش يا حبيبتي...
رحيق: طيب...
باسم: خلاص بقي فكي...
باسم: اه متنسيش يا غزل ان هنروح للدكتورة بعد ما نغور البت دي...
رحيق: لا يا حبيبي انا هقعد في القصر اللي قدامك يعني قاعدة علي قلبك...
باسم: يا اختي بسببك و بسبب الهانم غزل مبقتش اركز في الشغل...
غزل: و انا مالي حد قالك متشتغلش...
رحيق: وجودك مش فارق...
باسم: اه يا ولاد ال...
و قعدوا يتكلموا و بعد فترة الباب خبط...
صوفيا راحت فتحت...
صوفيا: اتفضل.
-ادهم دخل بكل ثقة بعد ما خد دوشه و لبس بدلة جديدة...
باسم: اهلا اهلا اخبارك.
ادهم: ازيك يا باسم، اخبارك انت؟
رحيق(بفرحة): انت فعلا وافقت ان اسيل تبات معايا اليومين دول؟
ادهم: الصراحة انا موافقتش يا رحيق، لانك كدة كدة جاية هتقعدي في القصر كمان يومين و البيت جمب البيت يعني ملهوش لزوم، و كمان في فرح النهاردة و اسيل لازم تبقي معايا...
رحيق(بحزن): خلاص ماشي...
ادهم: بصي موعدكيش انها هتبات بس هحاول...
رحيق: تمام...
باسم: طب اتفضل...
ادهم: هي فين؟
غزل: نايمة اصلها تعبانة شوية...
ادهم(بقلق حاول يخفيه): حصلها حاجة؟
غزل: لا هي جت امبارح و شكلها مرهق و كأنها منامتش بقالها سنين و جسمها تعبان و مش قادرة تمشي علي رجلها...
ادهم: اه تمام.
باسم: و انت اخبار الشغل ايه؟
ادهم: همسكه بعد عدي و كريم...
باسم: تمام...
-عند اسيل...
اسيل بدأت تفوق و حاسة بصداع حاولت تتجاهله...
و بعدين حست انها في اوضة مش اوضتها بس افتكرت اللي حصل امبارح و حاولت متعيطش. و قامت خدت دوش فاقت...
- اسيل لبست شورت جينز و تي شيرت باللون الابيض بحمالة و قصير مبين بطنها، و سيبت شعرها و حطت روچ هادي و كحل، و لبست كوتشي في رجليها....
اسيل خرجت من اوضتها و بدأت تنزل علي السلالم...
اسيل(بصوت عالي نسبيا): صوفيا اعمليلي نسكافية بليز حاسة بصداع...
اسيل نزلت اتفأجات بوجود ادهم و لقت عيونه مش بتدل علي خير ابدا...
اسيل(بتوتر): هاي...
صوفيا: تحبي اجهز لحضرتك الفطار؟
اسيل: ايوه يا صوفيا. بس بسرعة.
باسم: هو انتوا ناس غرباء؟
اسيل و ادهم: ليه؟
باسم: انتوا متخانقين و لا حاجة؟
اسيل(بملل): باسم بليز فكك مني لاني بجد مرهقة.
اسيل قامت و راحت للمطبخ.
اسيل: عملتي النسكافية؟
صوفيا: اه يا فندم، اتفضلي...
اسيل خدت منها مج النسكافيه، و شربت منه.
ادهم: اخرجي بره...
صوفيا(بتوتر): حاضر.
صوفيا خرجت...
-و اسيل وقفت سانده علي الحوض بضهرها و حاطة رجل علي رجل، و بتشرب باستفزاز كأنها معملتش حاجة، ادهم واقف مربع ايده علي مسافة بعيدة نسبيا عن اسيل و بيبص لاسيل نظرات هي مفهمتهاش...
ادهم: استأذنتي قبل ما تيجي هنا؟
اسيل بصتله ببرود و شربت من النسكافيه، و سكتت فترة بسيطة...
اسيل(ببرود): اعتقد انك عندك الاجابة لاني لو كنت استأذنتك مكنتش هتسأل السؤال...
اسيل شربت من النسكافيه باستفزاز و هي باصة لادهم...
ادهم(بغيظ مكتوم): طالما انا مش عارف بتتحركي من غير اذني ليه؟
اسيل(ببرود): ادهم اوعي تكون زعلان تؤ تؤ تؤ، شكلك زعلان يا بيبي...
اسيل(بنفس برودها): انت لما عرفت اني حطتلك منوم في العصير و خرجت الساعة 2 بليل معملتش كدة، كبر يا معلم...
ادهم قرب منها و مسكها من شعرها. و اسيل فضلت بصاله ببرود. و شربت نسكافيه، كان ادهم وصل لاعلي درجات الغضب...
مسك كوباية النسكافيه من ايديها و رماه علي الارض اتكسر...
اسيل بصت علي النسكافية اللي في الارض...
اسيل: ليه كدة بس يا ادهم؟ كدة هعمل واحدة تانية تحب اعملك معايا...
ادهم(بغضب): انتي ايه يا شيخة؟ انتي باردة اوي كدة ليه؟ انتي معندكيش دم و لا مش بتحسي و لا ايه؟
اسيل(ببرود): احمد ربك اني مش بحس و اني باردة، لان اي ست مكاني و شافت اللي شافته امبارح الصراحة مضمنش تصرفها، احمد ربنا انه رزقك بواحدة بتعرف تثق في الناس احمد ربنا انه رزقك بواحدة مستحيل تبص لراجل غيرك في اي ظرف. احمد ربنا انه رزقك بواحدة بترد غيبتك في غيابك قبل وجودك...
اسيل زقت ادهم و خرجت من المطبخ...
رحيق(بتوتر): اسيل هو ايه اللي اتكسر؟
اسيل: لا يا حبيبتي مجرد كوباية نسكافيه...
رحيق: طب انتي كويسة؟
اسيل: في احسن حالاتي يا روحي...
ادهم: اسيل معاايا علي القصر حالا...
اسيل: لا يا حبيبي احنا اتفقنا بقي اني هبات هنا...
ادهم: ما انتي هتباتي هنا بس انا عايزك دلوقتي.
اسيل(بعصبية خفيفة): تمام يا ادهم تمام.
اسيل: عن اذنك يا روحي، ابقي سلميلي علي غزل و باسم. انا جاية علطول.
رحيق: تمام...
اسيل خرجت مع ادهم، و اول ما قفلت باب الفيلا...
اسيل(بهمس): ادهم ابعد بقي. انا مش جاية معاك القصر...
ادهم: مالك بتتكلمي بهمس ليه؟
اسيل(بهدوء): ادهم امشي يا ادهم و سيبني هنا، و اذا كان انت عايزني انا بنفسي اقولك طلقني. انا اهو يا ادهم...
اسيل: طلقني...
ادهم: بمزاجي برضو...
ادهم شال اسيل اللي قعدت ترفص برجليها...
اسيل: لك و اللعنة يا ادهم نزلني...
ادهم: اسكتي...
اسيل: مش هسكت و هصرخ و الم عليك الناس.
ادهم: و هتقولي لاخوكي جوزي كان شايلني مثلا فصرخت، اعقلي يا اسيل...
اسيل(بهمس): ربنا يأخدك بكرهك...
ادهم حس زي كأن اسيل جابت سكينه و غرزتها في قلبه بسبب الكلمتين دول...
ادهم: مصيري اموت متخافيش.
اسيل بصت في عيون ادهم و هو بصلها...
اسيل: عيونك وحشة...
ادهم: شكرا...
و ادهم دخل القصر...
صفية: في ايه حصل حاجة؟
اسيل: نزلني.
ادهم: عن اذنك يا امي.
ادهم طلع باسيل للاوضة و نزلها...
اسيل: خير عايز ايه؟
ادهم: انجزي البسي فستانك علشان الفرح...
اسيل: اولا كنت نسيت الموضوع ده، ثانيا بما اني كنت نسياه يبقي هو مش شئ مهم علشان افتكره، ثالثا بقي و ده الاهم انا مش جاية معاك في حتة...
ادهم: اولا مباخدش رأيك انا بأمرك، ثانيا البسي بالحسنة بدل ما البسهولك بالعافية، ثالثا بقي و ده الاهم اياكي تعترضي علي اي حاجة اقولها فاهمة...
اسيل: لا مش فاهمة...
و بعدين لقت اسيل ادهم قرب منها بسرعة و خافت...
ادهم: كشيتي يعني.
اسيل: و هخاف منك انت علي اخر الزمن...
ادهم: عندك حق...
ادهم شالها و رماها علي السرير...
اسيل صرخت بصوت عالي...
اسيل(بوجع): انت مجنون، ضهري وجعني حرام عليك.
ادهم: انتي كويسة؟
اسيل(بدموع): لك و اللعنة كنت كويسة قبل ما اعرفك قبل ما اشوفك، انا غبية لاني مسمعتش كلام تيتة و جيت مصر انا مجنونة و غبية، انا و ربي بعد ما نطلق لاسافر اميركا و مش هرجع تاني لو فيها موتي...
ادهم قومها من علي السرير براحة و دخلها الحمام...
ادهم: اسيل خشي استحمي...
اسيل دخلت خدت دوش و خرجت دخلت اوضة الملابس، و ادهم كان دخل وراها للحمام، و خرج...
- اسيل لبست فستان باللون الاحمر بحمالة رفيعة و بيلمع و لغاية قبل الركبة بشوية و ضيق من عند الخصو فيه فيونكة و واسع من بعد الخصر. لبست صندل باللون الابيض بكعب بسيط، و حطت روچ بنفس لون الفستان و كحل، و سيبت شعرها و حطت فيونكة علي شعرها، و ملبستش اي مجوهرات الا دبلة ادهم اللي هي مبتقلعاش خالص...
اسيل خرجت لادهم اللي انبهر بجمالها الساحر و فضل باصص ليها كتير، و اسيل عجبتها وسامة ادهم.
- ادهم كان لابس بدلة باللون الاسود و قميص ابيض و جذمة سوداء و لبس ساعته و ظبظ نفسه...
اسيل: لاحظ اني جاية غصب علشان تخليني ابات عند رحيق، فاهم؟
اسيل: انت يا ابني...
ادهم: خير؟
اسيل: لا مفيش بكلم الهواء انا.
ادهم: قدامي.
اسيل: طبعا لان السيدات اولا...
اسيل نزلت قبل ادهم و ادهم نزل وراها...
عبدالرحيم: بسم الله ما شاء الله قمر...
اسيل: شكرا يا جدو...
صفية: ربنا يحميكوا انتوا الاتنين...
ادهم: تسلمي يا امي...
احمد: رايحين فين؟
ادهم: فرح دانا...
احمد: طيب...
ادهم مسك ايد اسيل و خرج و ركبها عربيته و بدأ يسوق...
-في الشركة...
كريم: يعني انت عايز تفهمني ان نيرة هانم و سامر بيه اتخطفوا...
عدي: اومال انا برغي في ايه من الصبح؟
كريم: انا مش مصدق ايه كل الحوارات دي، هو مش مكتوب عليهم السعادة...
عدي: لا و الباشا ادهم بيزيد الضغط علي اسيل، مش كفاية اللي هي فيه...
كريم: هي برضو غلطت لما حطتله منوم و نزلت من غير اذنه في وقت متأخر...
عدي: معاك في دي بس يسمعها لكن ازاي بقي. هو ادهم الشافعي. اكيد كسرها بكلامه...
كريم: طب يلا علشان فرح دانا...
عدي: اوف يلا...
كريم و عدي ركبوا عربيتهم و راحوا لمكان الفرح...
-في عربية ادهم و اسيل...
مكنوش بيتكلموا خالص و زي كأنهم مش طايقين بعض...
و وقفوا في لجنة...
الظابط: الرخص؟
ادهم بيطلع ليه الرخص، و تليفون اسيل رن.
اسيل طلعت التليفون و بصت لادهم و قفلت التليفون تاني...
الظابط: الرخص منتهية...
ادهم: تمام مكنتش اعرف، هدفع غرامة كام...
الظابط: ده انت جاهز بقي.
و تليفون اسيل رن تاني و اسيل متوترة...
الظابط(بزعيق): اقفلي الزفت ده.
-اسيل كانت متوترة و ده كمان زعق ليها و افتكرت كل الضغوطات اللي عليها فدمعت...
ادهم(بعصبية): انت غبي انت ازاي تزعق ليها انت اتجننت...
الظابط(باستفزاز): هي الحتة تبعك...
ادهم نزل من العربية بكل غضب و ضرب الظابط و الباقي حاولوا يمنعوه، و اسيل نزلت بسرعة...
اسيل(بدموع): ادهم بليز خلاص...
اسيل(بدموع): ادهم ارجوك خلاص اسفة و الله ما هعيط تاني، بليز خلاص...
الظابط(بغضب): خدوه علي البوكس هو و البت دي...
عدي و كريم كانوا راكبين عربيتهم و ماشين من نفس الطريق ف شافوا ادهم نزلوا ليه...
عدي: في ايه؟
الظابط: و انت مين ياض انت؟
كريم: ما تتكلم عدل...
اسيل(و هي بتغمض عنيها): مش قادرة.
اسيل اغمي عليها...
ادهم(بقلق): اسيل اسيل...
ادهم شال اسيل و ركبها العربية...
عدي: امشي انت احنا هنتصرف...
الظابط: تعالي هنا...
ادهم طلع بسرعة بعربيته للمستشفي...
عدي طلع فلوس و وداها للظابط...
كريم: اخلع بقي...
و عدي و كريم خلصوا كل حاجة و راحوا للفرح...
-عند ادهم و اسيل...
ادهم شال اسيل و دخل المستشفي و حطوا اسيل في الطوارئ...
الدكتور: اتفضل بره...
ادهم خرج بره و هو قلقان علي اسيل...
الدكتور: هو انتوا مكنتوش عارفين؟
ادهم: عارفين ايه؟ و اسيل مالها؟
الدكتور: المدام حامل، و كثرة الضغوط عليها غلط...
ادهم(بصدمة): حامل...
الدكتور: في شهر...
ادهم(بصدمة): انت انت متأكد هي يعني حامل فعلا انت متأكد يا دكتور...
الدكتور: في ايه اه هي حامل...
ادهم قعد يضحك كتير. و من كتر فرحته حضن الدكتور اللي استغرب تصرفه...
ادهم(بفرحة): يعني انا هبقي اب.
ادهم(بفرحة): ينفع ادخل صح. ينفع.
الدكتور: اه...
ادهم دخل بسرعة لاسيل.
الدكتور: مجنون...
اسيل كانت بدأت تفوق...
ادهم(بفرحة): انتي كويسة صح؟
اسيل(بعصبية): انت شايف ايه؟
اسيل(بعصبية): ما هو بسببك مكنش ده كله حصل، انت مكنش لازم تتكلم مع الظابط كنت تتكلم بهدوء. و كمان انت مزعلني غير الضغوطات اللي عندي و المشاكل اللي ملهاش اخر...
اسيل لسة هتكمل بس سكتت لما سمعت ادهم...
ادهم(بفرحة): انتي حامل...
اسيل(بصدمة): لا ثانية بس استوعب انت بتكدب صح. انت بتقول كدة علشان اسكت...
ادهم(بفرحة): لا انتي حامل في شهر.
اسيل بصت لادهم و بعدين حطت ايدها علي بطنها.
اسيل(بفرحة): احلف...
ادهم(بفرحة و دموع): و الله حامل انا مكنتش مصدق بس الدكتور أكد ليا...
ادهم شال اسيل و لف بيها و اسيل ماسكة فيه و بتضحك...
الممرضة: هو مفيش حلاوة و لا ايه؟
ادهم نزل اسيل براحة. و طلع فلوس كتير و وداها للممرضة.
الممرضة: ربنا يخليه ليكوا و يحفظه و يحميه من كل اذي...
ادهم: عن اذنك.
ادهم شال اسيل اللي استغربت من تصرفه.
اسيل: ليه بقي دلوقتي بتشلني؟
ادهم: هيكون ليه ممنوع تمشي علي رجلك لغايةما تولدي فاهمة، و هنتابع مع اشهر دكتورة، و كل اكلك و لبسك و دؤاكي انا اهتم بيه فاهمة...
اسيل(بحزن): بس انت خونتني يا ادهم...
ادهم: كدب...
اسيل(بأمل): بمعني؟
ادهم: انا من ساعة ما اتجوزتك ملمستش اي بنت غيرك.
اسيل قعدت تضربه بإيديها...
اسيل: اه يا رزل يا حيوان، كنت بتكدب عليا.
ادهم: بحبك.
اسيل: مش هرد.
ادهم: انا عارف الرد.
ادهم ركب اسيل العربية و وراح للفرح...
ادهم: هنقعد خمس دقايق و نمشي علشان ترتاحي.
اسيل(بفرحة): تمام.
-ادهم نزل و فتح الباب لاسيل و مسك ايديها و قربها منه و مسك خصرها و دخلوا للقاعة البسيطة اللي فيها الفرح...
ادهم و اسيل دخوا و هما مبسوطين...
ادهم: هنسلم و نقعد شوية و نمشي فاهمة. متتحركيش.
اسيل: حاضر.
ادهم و اسيل راحوا للعريس و العروسة...
ادهم: مبروك، الف مبروك.
اسيل: مبروك يا دانا...
دانا(بفرحة): شكرا اوي ليكوا انكم جيتوا...
ادهم: مبروك يا عريس...
ادهم: عن اذنكوا...
اسيل: اهو كريم و عدي هناك اهم...
ادهم: تمام يلا تعالي.
ادهم و اسيل راحوا ليهم...
كريم: اهلا...
ادهم: عملتوا ايه مع الظابط؟
عدي: ودناه فلوس. سكتناه.
اسيل: تمام...
كريم: ايه يا ابني انت لازق البت فيك كدة ليه؟
اسيل اتحرجت و ادهم بصلها و بعدين بصلهم.
ادهم: مراتي و ابني ملكوش فيه...
عدي و كريم بصوله بصدمة...
عدي(بصدمة): قول كدة تاني.
ادهم(بفرحة): مراتي و ابني...
كريم(بصدمة): احلف يعني هبقي عم.
ادهم(بابتسامة): و انا هبقي اب. و اسيل هتبقي ام.
كريم(بدموع): احلف و حياتك بجد يعني هبقي عم.
اسيل: قلبتوا اوفر كدة ليه؟
عدي: كنا بنجهز لابن مها بفارغ الصبر كنا مستنينه بكل حماس بس مها كسرت بقلوبنا كلنا. و انتي هتفرحينا تاني صح...
اسيل: خلاص بقي يا جدعان ده انا هخلي البيبي يزهقكوا في عشيتكوا...
ادهم: طب يلا نروح...
اسيل: لا الفرح جميل. و تعالي نرقص slow.
ادهم: لا الحركة الكتيرة ابدا ممنوع...
اسيل: بليز يا ادهم بليز.
ادهم: لا، يلا قدامي...
اسيل وقفت مكانها و ربعت ايدها و عملت شفايفها زي الاطفال للدلالة علي انها حزينة...
كريم: كلب صغير...
اسيل(بحزن): متقولش كلب فاهم...
ادهم مسك ايد اسيل و مشاها معاه بالراحة...
ادهم: ها يا ستي اهو بنرقص جمب العروسة و العريس ايه تاني؟
اسيل نامت علي كتفه و حضنته...
اسيل: مش هتسبني صح؟
ادهم: مقدرش...
اسيل: مش هتتعصب عليا انا و البيبي؟
ادهم: مش هقدر...
اسيل: لو عملتها يا ادهم هأخد البيبي و امشي.
ادهم: مش هسمحلك...
اسيل: بحبك.
ادهم: انا اكتر...
ادهم: يلا بقي علشان تلحقي تتعشي و تشربي اللبن و تنامي.
اسيل: لا روح نام يا حبيبي...
اسيل سابته و راحت عند كريم و عدي.
عدي: ايه؟
اسيل: قال بيقولي يلا علشان نروح و تتعشي و تشربي اللبن، هو شكله بيتعامل غلط.
ادهم: لا مش بتعامل غلط. الست الحامل لازم تشرب لبن.
اسيل: انا عايزة امشي...
ادهم: يلا...
و روحوا علي القصر...
ادهم(بصوت عالي): ماما، جدو. بابا، ليلي...
باسم: ايه يا ابني بعت عدي يجبنا ليه؟
صفية: في ايه يا حبيبي؟
عبدالرحيم: مالك يا ادهم؟
غزل: في ايه حد يفهمنا؟
ليلي: هتأجوا الفرح؟
رحيق: اسيل كويسة؟
ادهم: فين بس بابا؟
احمد: انا اهو يا حبيبي. في ايه قلقتنا؟
ادهم(بفرحة): اسيل حامل. و عن قريب هبقي اب.
الكل اتصدم و بعدين فرحوا اوي و اسيل كانت محرجة...
باسم(بفرحة): يا اختي جميلة ربنا يكون في عونك يا ادهم، هيبق غصب عنك تهتم بطفلين اسيل و البيبي.
اسيل(بغضب مصطنع): اه يا جذمة...
ادهم: لا متخافش. هتعقل...
غزل: مبروك يا روحي، لو جبتي بنت و انا ولد هخليه يتجوزها...
ادهم: لا لو بنت مش هتتجوز اي حد، هيبقوا طوابير...
باسم: غور انت تطول.
صفية(بدموع): اسيل انتي بجد حامل؟
اسيل: اه يا طنط...
صفية حضنت اسيل اوي لدرجة ان اسيل اتخنقت.
ادهم: امي امي خلاص البت هتموت...
صفية: آسفة بس من الفرحة. اخيرا هبقي جدة...
رحيق: هبقي خالتو اوبا بقي...
ادهم: اه هنبقي نوديه ليكي و نتفرغ للي بعده.
اسيل: اه يا سافل يا منحرف...
عبدالرحيم: قربي يا بنتي...
اسيل قربت من جدها، وعبدالرحيم باسها من رأسها.
عبدالرحيم: لو زعلك بس تعالي قوليلي.
اسيل: في اي وقت؟
عبدالرحيم: اه...
اسيل: و احنا جايين قعد يقولي هتبقي طخينة و هتجوز عليكي...
احمد مسك ادهم من ودانه...
ادهم: آآآه. حرام هو انا لسة طفل، و كمان دي بتكدب انا قولت كدة يا اسيل...
اسيل: اه قولت كدة...
عدي: و انا شاهد...
ليلي: تلاقيك كنت في عربية تانية و بتهبل.
احمد: البت لو زعلتها هنفخك فاهم.
ادهم: حاضر حاضر.
صفية: يلا يا حبيبتي تأكلي. يلا يا غزل.
اسيل: لا مش عايزة...
ادهم: شوفتوا مين اللي مبيسمعش الكلام؟
و الكل غصب علي اسيل انها تقعد تأكل...
و الكل كان بيأكل و اكترهم اسيل و غزل...
باسم: بس بس كفاية...
صفية: سيبها تأكل ملكش فيه...
ادهم: واضح انك مش عايزة تأكلي.
اسيل: هو مش باين و لا ايه؟
عبدالرحيم: سيبوهم يأكلوا...
كريم: بعد بكرة فرحي تمام...
عدي: اه و انا كمان.
رحيق: في ذبابة بتتكلم هنا.
عدي(بصوت عالي): سمعتوا...
ليلي: لا دي نموسة...
كريم: ما تلم اختك يا ادهم...
ادهم(و هو باصص لاسيل و مبتسم): انا مالي...
اسيل: رقبتك لتوجعك...
احمد: اخيرا فرحتنا هترجع تاني...
اسيل: خلاص كلت، انام بقي...
ادهم: تمام يلا...
ادهم: ماما خلي الخدامة تجيب لبن لاسيل...
اسيل اول مما سمعته طلعت تجري...
ادهم(بحدة): براحة يا اسيل...
اسيل بطأت سرعتها و دخلت اوضتها...
ادهم طلع وراها...
باسم: عن اذنكوا بقي...
باسم و غزل و رحيق روحوا...
و الخدامة طلعت اللبن لادهم...
ادهم: تمام شكرا...
الخدامة: ادهم بيه الظرف ده لاسيل هانم...
ادهم(باستغراب): اسيل!
الخدامة: اه جه النهاردة...
ادهم: تمام شكرا...
اسيل(و هي بتقلع الصندل): مالك؟
ادهم: الظرف ده جالك...
اسيل: انا...
-اسيل مسكت منه الظرف و ادهم واقف جمبها و فتحته. و اول ما فتحته ادهم اتصدم و اسيل صدمتها كانت اقل...