رواية صدفة أم قدر للكاتبة سلسبيل كوبك الفصل الحادي والثلاثون
-في الصباح الباكر...
ليلي: ماما لا يعني لا...
عدي: ليه بس يا ليلي؟
ليلي: مليش فيه كدة هنتشتت عن الامتحانات.
عدي: يا ستي سيبي الموضوع ده علينا ابوس ايدك.
ليلي: لا يا عدي...
صفية: يا حبيبتي احنا بقالنا كتير مفرحناش...
ليلي: و اسقط بقي. استنوا شهر الله...
عبدالرحيم: انا مش هجبرك يا روحي براحتك...
عدي: ده ظلم ابوس ايدك عايز اتجوز...
احمد: يا ابني الجواز مشقة...
صفية: نعم نعم...
احمد: هو احنا جوازنا اي جواز و لا ايه؟
صفية: بحسب...
سوزان: هاي.
رفعت: هاي يا جماعة...
عبدالرحيم: يلا علشان نفطر قبل ما نفسنا تتسد...
احمد: حد يصحي ادهم و اسيل...
الخدامة: فاقوا يا فندم و نازلين...
-عند ادهم و اسيل...
اسيل صحيت قبل ادهم و خدت دوش و خرجت لادهم...
اسيل: ادهم ادهم يلا قوم...
ادهم: ايه يا اسيل؟
اسيل: يلا علشان الشغل...
ادهم مد ايده لاسيل و اسيل مسكت ايده و قعدت جمبه...
ادهم: نامي...
اسيل نامت جمب ادهم و ادهم حضنها و قعد يلعب في شعرها...
ادهم: كنتي بتحلمي بأيه امبارح؟
اسيل(بصدمة): انت عرفت منين اني حلمت...
ادهم: لا و كمان كان حلم حلو...
اسيل: عرفت ازاي رد عليا...
ادهم: كنتي بتحلمي بايه؟
اسيل: اوف ماشي، حلمت باننا خلفنا مراد و سجي و سيدرا و كنا عايشين في فيلا لوحدنا و عايشين براحتنا و الولد كان شبهك واخد نفس لون عيونك و برودك، و سيدرا كانت الدلوعة بتاعتنا. و سجي كانت بتسكت في ايدي انا بس...
ادهم: حلم جميل...
اسيل(بفرحة): اوي. كنت مبسوطة اوي...
ادهم: بحبك...
اسيل: و انا كمان، و يلا قوم علشان نفطر و نروح شغلنا...
ادهم قام و دخل الحمام بتاعه. و اسيل دخلت اوضة الملابس.
- اسيل لبست بنطلون جينز و تي شيرت ابيض و جاكت زيتي و صندل زيتي و سيبت شعرها و لبست ساعتها و حطت البرفيوم بتاعها و حطت مكياج بسيط...
ادهم: مزة، و غمز ليها...
ادهم دخل اوضة الملابس، و اختار بدلة باللون الزيتي و لبس ساعته و جذمته و حط البرفيوم بتاعه.
اسيل: انت كدة بتقلدني صح؟
ادهم: عندك مانع؟
اسيل: براحتك يا كبير...
ادهم: يلا.
ادهم مسك ايد اسيل و نزلوا للكل تحت...
عدي: صباح الفل...
اسيل: صباح الخير...
ادهم: صباح الخير...
رفعت(بانبهار): ايه الجمال ده؟
ادهم(بغضب): بص قدامك علشان مشلش عيونك...
سوزان: خلاص.
ادهم: تعالي يا اسيل نأكل...
ادهم و اسيل قعدوا و الكل بدأ يأكل، و بعدين اسيل بدأت تعطس مرة اتنين تلاتة اربعة...
ادهم: ايه يا بنتي؟
اسيل: مش عارفة شكلي خدت برد، آه منك لله...
ادهم: هو انا عملتلك حاجة.
اسيل: من ساعة ما عرفتك و انا بقت بتحصل حاجات غير اللي انا متعودة عليها...
ادهم: زي مثلا...
اسيل: اقل حاجة لما كنت بصحي كنت لازم اشرب نسكافيه و حاجة خفيفة، لكن دلوقتي اهو بصحي عليك انت...
ادهم: انا احلي من النسكافيه...
اسيل: يا عم انا كنت راضية بالنسكافية...
عدي: قصف جبهة...
ادهم: خليك في حالك يا عدي و كل...
ليلي: ادهم انا مش موافقة اتجوز اخر الاسبوع...
ادهم: براحتك يا روحي...
اسيل: يا بنتي المفروض عطست تصلي استخارة او نعمل قرعة...
ادهم: شوفي يا ليلي براحتك...
عدي: ابوس ايديكوا عايز اتجوز...
ادهم: تتجوز علشان يتنكد عليك كل شوية...
اسيل(بصدمة): انا بنكد عليك كل شوية يا ادهم...
ادهم: و حياتك كل ثانية...
اسيل(بعصبية): طيب شوف بقي مين اللي هيتكلم معاك تاني و لا مين اللي هيعبرك بس...
رفعت: ملكش حق يا ادهم في حد يزهق من القمر دي.
اسيل(بسخرية): شكلك مش مسيطرة يا مدام سوزان.
احمد: يلا يا صفية...
عدي: طبعا ما انت خدت اجازة من الشغل و خارج و طالع مع مراتك...
صفية: لا انت صعبان عليا اوي يا عدي.
عدي: طب ما تجوزوني و النبي...
عبدالرحيم: امشوا علشان الواد هيجبلي جلطة...
اسيل: انا راحة الشغل...
ادهم: يلا اوصلك...
اسيل: تمام...
عدي: يستحسن تيجي الشركة علشان قرفت انا و كريم...
ادهم: متنساش ان انا اللي هشيل الشركة بعد جوازك انت و الزفت كريم و انتوا حضراتكوا بتقضوا شهر العسل.
اسيل: قصف جبهة...
ليلي: خدوني في طريقكم.
ادهم: لا...
اسيل: ليه يا رزل؟
ادهم: عايز استفرد بمراتي عندكوا مانع.
اسيل: ادهم انا راحة بعربيتي...
ادهم: يلا قدامي يا اسيل...
اسيل: رخمممممممممم...
ادهم: شكرا...
ادهم خد اسيل و ركبها العربية و بدأ يسوق...
عدي: اسمعوا بقي هتجوز لاما هخطف البت بس.
عدي: يلا يا بت اوصلك...
ليلي: اتكلم باحترام...
عدي: تعرفي لو وافقتي اننا نتجوز اخر الاسبوع هعملك اي حاجة تعوزيها...
ليلي: خليني انجح في الامتحانات...
عدي: بصباع رجلي الصغير و ربنا...
ليلي: برضو لا...
عدي: طب قدامي علشان منفخكيش...
ليلي و عدي مشيوا و قابلوا كريم...
كريم: اهلا يا باشا...
عدي: عقل مراتك و خليها توافق اننا نتجوز اخر الاسبوع...
كريم: هو احنا لسة هناخد الاذن...
ليلي: لا و النبي ازاي بقي؟
كريم: زي السكر في الشاي.
كريم: انتي راحة فين اساسا؟
ليلي: هجيب محاضرات من الجامعة...
كريم: مفيش خروج ارجعي لجوا و انا هروح اجيبها.
ليلي: بس.
كريم: اسمعي الكلام.
ليلي: رزل منك ليه...
عدي: مسيطر يا باشا.
كريم: يلا علشان الشغل.
كريم و عدي ركبوا عربيتهم و راحوا للشركة...
-في الفيلا...
باسم: يا بنتي عدي محلفني اني ما اسيبك الا لما توافقي...
رحيق: قوله لا يعني لا...
باسم: يا بنتي فكري و اهدي كدة اعقلي.
رحيق: لا...
غزل: الصراحة عندها حق يا باسم فاضل شهر علي الامتحانات...
باسم: سيبيني اقنعها يا شيخة...
رحيق: لا يا باسم...
باسم: بصي بقي هو الفرح اخر الاسبوع خلص الكلام.
رحيق: يا ماااااااما...
باسم: امك و ابوكي سافروا امريكا يخلصوا حاجة و راجعين علي الفرح...
رحيق: لا مستحيل لا مش هتجوز بس...
باسم: انا رايح الشغل جتكوا نصيبة...
باسم سابهم و مشي، و رحيق و غزل قاعدين بيتكلموا...
-في عربية ادهم و اسيل...
ادهم: مبسوطة؟
اسيل: لا...
ادهم(بخوف بسيط): ليه؟
اسيل: اصلي نكدية و بنكد علي جنابك...
ادهم: انتي لسة فاكرة؟
اسيل: و دي حاجة تتنسي...
ادهم: يا بت كنت بهزر، هو في احلي و اجمل منك اساسا.
اسيل: مبأكلش بالكلام ده...
ادهم: طب فكي بقي...
اسيل: لا...
ادهم: بحبك...
اسيل: لا...
ادهم: اوف يا اسيل خلاص بقي فكي...
اسيل: انت عيل رزل و كمان مش عايز تصالحني و تتعب شوية...
ادهم: يا بنتي انتي بتزعلي علي حاجات تافهة...
اسيل: قصدك ان انا تافهة...
ادهم: يا رب، مش قصدي يا اسيل...
اسيل: اقف يا ادهم احنا وصلنا...
ادهم: مش هسيبك الا لما تفكي...
اسيل: لا و انا هنزل...
اسيل حاولت تفتح الباب لقته مقفول...
اسيل(بعصبية): افتح يا ادهم الباب...
ادهم: لا لما تفكي...
اسيل: مش هفك، و خلينا قاعدين كدة بقي...
ادهم: معنديش مانع...
ادهم: و طالما معندكيش مانع انك متروحيش الشغل بقول نطلع علي اي فندق نعيش حياتنا...
اسيل: لا...
ادهم: خلاص فكي و روحي الشغل.
اسيل(بضحكة صفراء): كدة كويس و لا ابين سناني اكتر...
ادهم: اسف...
اسيل: باي...
اسيل باسته من خده و ادهم شدها لحضنه...
ادهم: خلي بالك من نفسك و لما تخلصي اتصلي بيا.
اسيل: تمام، و انت كمان.
اسيل نزلت و دخلت للجريدة، اما ادهم راح علي شركته...
اسيل دخلت بكل ثقة الجريدة لكنها وقفت لما سمعت.
صحفية(بهمس): بيقولوا انها عشيقة ادهم الشافعي.
صحفية(بهمس): و بيقولوا كمان انها ضحكت عليه و بتعمل ده كله علشان تأخد فلوسه...
صحفي(بهمس): بس هي ليها اسمها برضو و من عائلة كبيرة مش محتاجة للفلوس...
صحفية(بهمس): البحر بيحب الزيادة و هي طماعة و مغرورة وشايفة نفسها علينا...
صحفي(بهمس): ممكن...
صحفية(بهمس): ده حتى انا هنا شوفتها كانت بتبوس ادهم الشافعي...
اسيل(ببرود): خلصتوا؟!
الكل اتصدم و ارتبك و اتوتر...
اسيل(ببرود): بس اللي انتوا متعرفهوش اني ابقي مدام ادهم الشافعي، يعني انا و ادهم بتربطنا علاقة شرعية، و كلامكوا بالنسبة ليا في الهواء...
اسيل سابتهم في صدمتهم و كملت مشي بكل برود و ثقة...
زينات: اسيل اخيرا شوفناكي...
اسيل: اهو يخرب بيت الجواز و سنينه...
طارق: عاملة ايه يا اسيل؟
اسيل: بخير، اخباركوا وحشتوووووني...
زينات: مش هتتغيري...
اسيل: انه انا اسيل الجارحي.
طارق: طب يلا ده في مقالات كتير و مواضيع لازم نناقشها...
اسيل: يلا بينا.
-عند ادهم...
ادهم نزل بكل ثقة و وقار، و دخل ببروده المعتاد و طلع لاوضة مكتبه...
ادهم: دانا عايز كل الملفات اللي انا اهملتها في الفترة اللي فاتت...
دانا: تمام يا فندم، تؤمر بحاجة تاني؟
ادهم: فنجان قهوة بس اظبطيه...
دانا: حاضر...
دانا لسة هتمشي بس ادهم وقفها...
ادهم: دانا انتي فعلا هتتجوزي كمان تلات ايام...
دانا(بحرج): اه يا فندم كنت هقدم استقالتي بليل...
ادهم: ليه؟
دانا: علشان حضرتك مش هتقبل اني اخد اجازة.
ادهم: لا خالص اسبوعين يكفوا...
دانا(بفرحة): و النبي؟
ادهم: هو انا كنت ماسكها للدرجة دي.
دانا: لا مش اقصد يعني هو...
ادهم: و لا يهمك، عموما اجهزي و تأخدي اجازة من بكرة، و اختاري بنت تبقي محل ثقة مكانك...
دانا: طب ممكن اطلب من حضرتك طلب؟
ادهم: اكيد اتفضلي.
دانا: ممكن تيجي تحضر الفرح؟
ادهم: اكيد...
دانا(بدموع): شكرا شكرا لحضرتك جدا انا اساسا مقطوعة من شجرة و مش عندي اخ و بجد بشكر حضرتك انك هتيجي...
ادهم: ايه ده ايه ده اومال انا روحت فين؟
دانا: تشكر يا فندم...
ادهم: فندم ايه بقي انا زي اخوكي.
دانا: شكرا.
ادهم: جبتي فستان الفرح؟
دانا: هأجر...
ادهم: لا متأجريش بكرة هيكون في فستان قدام بيتك...
دانا: بس...
ادهم: انا اخوكي فاهمة، و يلا بقي علي شغلك و جيبي القهوة...
دانا: شكرا...
ادهم: يلا...
ادهم رجع مكتبه و بدأ يشتغل و هو مبسوط...
و بعدين طلع تليفون و اتصل باسيل...
الخط اتفتح...
ادهم: وحشتيني...
اسيل: شكرا...
ادهم: عاملة ايه؟
اسيل: تمام، و انت؟
ادهم: بخير، اخبار الشغل ايه؟
اسيل: نايم...
ادهم: ازاي؟
اسيل: انا عايزة انام فعلشان كدة خليت الشغل ينام...
طارق(بصوت عالي): الحقي يا اسيل...
اسيل(بخضة): في ايه يا طارق؟
طارق: البنت نورا كاتبة مقال عنك انتي و ادهم و بتقول انك عشيقته و انك بتضحكي عليه...
ادهم: في ايه يا اسيل؟
اسيل(بغموض): اقفل مفيش حاجة...
ادهم: اسيل...
اسيل قفلت التليفون و قامت راحت ناحية مكتب نورا، و ادهم مش بيضمن تصرفات اسيل نزل ركب عربيته و راح بسرعة علي الجريدة...
اسيل(بهدوء): هو مش انا قولتلك ان ادهم يبقي جوزي و لا انتي مبتفهميش...
نورا(باستفزاز): و الله هو لو كان جوزك كان قال، و كمان ادهم بيه لما يجي يتجوز هيعمل فرح كبير تتكلم عنه مصر كلها...
اسيل(بحدة): ملكيش فيه انا و جوزي براحتنا نعمل فرح منعملش مش مشكلتك، و ابعدي عني انا و ادهم علشان مخلكيش عبرة لمن لا يسوي...
نورا: لا مش هبعد...
اسيل(بهصبية): يا بت هجيبك من شعرك افرمك تحت رجلي...
نورا(باستفزاز): متقدريش، لو تقدري وريني شطارتك...
زينات: خلاص يا اسيل، خلاص يا نورا...
اسيل(بغيظ): جنيتي علي نفسك يا مستنقع الزبالة انتي...
اسيل قربت من نورا و مسكتها من شعرها و لفت بيها المكتب كله و نازلة فيها ضرب، و الامن حاول يتدخل بس مش عارفين، لان نورا و اسيل كانوا ماسكين في بعض جامد...
و بعدين اسيل لقت اللي بيشلها من وسطها و رفعها من علي الارض و هي بترفص برجليها...
اسيل(بعصبية): سيبني...
ادهم: اسيل اهدي، حصل ايه؟
اسيل(بعصبية): الحيوانة دي بتقول اني عشقيتك...
ادهم(بحدة): الكلام ده صح؟
نورا(بخوف): انا انا كنت بك تت ب م قا ل و و كنننت يع ن ي ا نك تت كلم يع ن يتط لع ف يحوار تن نفي الق كك رة(انا كنت بكتب مقال و كنت يعني انك تطلع تتكلم في حوار تنفي الفكرة)...
اسيل: قلبتي كتكوت مبلول يعني...
ادهم نزل اسيل و قرب من نورا ضربها قلم، كل اللي كان موجود اتصدم و خاف و اسيل كانت مصدومة شوية...
اسيل: خلاص يا ادهم...
ادهم(بحدة): انتي مطرودة من الجريدة دي و من اي جريدة تانية و كارنية الصحافة هيتلغي فاهمة...
نورا: بس...
ادهم: قولت اللي عندي...
ادهم مسك ايد اسيل و راح علي اوضة المدير...
ادهم: اخرج بره...
المدير خرج بسرعة و خوف...
ادهم: انتي كويسة؟
اسيل: اه اه...
و بعدين ادهم قرب من اسيل لقي جروح بسيطة تحت رقبتها...
ادهم(بغضب): وجعينك؟
اسيل: يعني شوية...
ادهم حضنها و مسك فيها جامد و اسيل بادلته حضنه...
اسيل: ايه اي ابني هنقضيها طول اليوم واقفين و بنحضن بعض...
اسيل بعدت عن حضن ادهم و ادهم بص لاسيل بتعمق...
اسيل: النظرة دي مش مطمئنة...
ادهم: اسيل انا عايزك تسيبي الشغل...
اسيل(بدون تفكير): لا طبعا...
ادهم: اسيل الشغل ده خطر عليك و كمان سمعتي كلام الناس...
اسيل: و انا مش هوقف شغلي علشان خاطر كلام تافه...
ادهم: اسيل هتوقفي شغل غصب عنك...
اسيل: انت لما اتجوزتني اتجوزتني و انا بشتغل. و انا معنديش استعداد اخسر شغلي علشان اي حاجة.
ادهم: لكن عندك استعداد انك تخسريني.
اسيل: لك ادهم انت بتقارن نفسك بالشغل انت مجنون...
ادهم: اخر كلام يا اسيل...
اسيل: اكيد يعني مش هسيب شغلي...
ادهم: لا اما انا لا اما الشغل يا اسيل...
اسيل(بصدمة): ده الموضوع بجد بقي.
ادهم: اختاري.
اسيل: انت مجنون؟
ادهم: قرارك هتديهولي النهاردة بليل يا اسيل.
ادهم ساب اسيل و مشي. و اسيل وقعت علي الكرسي اللي في الاوضة و حست بدوخة و كان هيغمي عليها بس اتماسكت...
اسيل قامت و دخلت اوضتها و قعدت تشتغل في صمت من غير و لا كلمة...
-في القصر...
عبدالرحيم: ها يا بنات قراركوا ايه؟
رحيق: يا جدو مستقبلنا الله...
ليلي: هو هيخليني اشتت انتباهي و خصوصا انه فاضل شهر...
عبدالرحيم: انا ضامنلكوا انكم تنجحوا.
صفية: يلا بقي يا بنات عايزين نفرح...
رحيق(بتردد): ماشي...
ليلي: لكن و ربنا لو منجحتش لاصورلكوا قتيل.
غزل: اخيرا هنفرح...
صفية: لسة فاضل الفساتين و الميكب و القاعة...
سوزان: اهلا يا جماعة...
رفعت: مبروك علي الفرح...
عبدالرحيم: وجودك مش مرحب بيه في الفرح...
سوزان: بس ده جوزي و لازم يجي...
عدي: و لا وجودك انتي كمان مرحب بيه...
سوزان(بصدمة): عدي انت مش عايزني احضر فرحك...
عدي: اه و يا ريت تمشي من هنا لاني مش طايق اشوف وشك...
سوزان طلعت جري علي اوضتها و رفعت وراها...
عدي: رحيق ليلي دول المحاضرات اللي انتوا محضرتوهاش...
رحيق: تمام يا حبيبي...
ليلي: عندنا خبر حلو ليك...
عدي: قولي...
رحيق: وافقنا علي الجواز...
عدي(بفرحة): احلفي...
عدي شال رحيق و لف بيها شوية...
عدي(بفرحة و دموع): اخيرا هتبقي ملكي كمان يومين...
ليلي: اه بس وسع بقي لانه فاضل حاجات كتير.
عدي: هسيبكوا براحتكوا...
احمد: انشف ياض، ده و انا بتجوز صفية مكنش فارق معايا...
صفية: لا و الله...
احمد(بارتباك): اكيد يعني يا حبيبتي لا...
عدي: اهلا يا بطل...
عبدالرحيم: مفيش اخبار عن فردوس؟
احمد: لسة يا بابا زي ما هي...
عبدالرحيم: ربنا يشفيها...
الكل: آمين.
تسريع احداث بسيط...
اسيل خلصت شغلها و خرجت و هي بتتكلم مع زينات لقت ادهم راكب عربيته و مستنيها...
اسيل(لنفسها): اطنشه.
اسيل(لنفسها): لا اركبي و اتعاملي عادي ده كان كلام وقت غضب...
اسيل: باي يا زينات اشوفك بكرة...
زينات(بضحك): تمام يا مزة.
اسيل راحت ركبت بصمت جمب ادهم و ادهم طلع بعربيته...
اسيل(و هي بتحاول تفتح كلام): اخبار الشغل؟
ادهم(بهدوء): افهم من كدة انك قررتي تسيبي الشغل؟
اسيل: ادهم انت قولت الكلام ده وقت غضب صح؟
ادهم: لا يا اسيل، انا واعي للي قولته انا او الشغل.
اسيل: ادهم انت ازاي تقارن نفسك بالشغل؟
ادهم: شكلك لسة عند موقفك...
اسيل: و يا تري بقي هنطلق و لا هيحصل ايه؟
ادهم: ايوه هنطلق.
اسيل(بصدمة): انت اتجننت رسمي...
ادهم: براحتك...
اسيل: و انا بختار الشغل يا ادهم. لاني لو اختارتك ممكن بعد كدة تخيرني بينك و بين اي حاجة و هتستخدم حبي ليك نقطة ضعفي، و انا مش هسيب شغلي يا ادهم و اللي انت عايزه اعمله...
ادهم كان مصدوم من انها فضلت الشغل عليه...
ادهم: ده اخر كلام...
اسيل(و هي بتحاول تطلع صوتها): اه اخر كلام...
ادهم زود من سرعته في السواقة...
-عند غزل...
غزل روحت الفيلا و طلعت اوضتها...
غزل دخلت الاوضة لقت الاوضة متزينة و فيها ورد و شموع...
باسم: بحبك...
غزل(بدموع): انت اللي عملت ده كله؟
باسم: اه، معجبكيش؟
غزل: عجبني اوي...
باسم: مكنتش اعرف ان حاجة بسيطة زي دي هتفرحك اوي كدة...
غزل: انا فرحت اوي...
باسم: انا بحتفل بحملك يا روحي...
غزل: بحبك اوي.
باسم: و انا كمان.
باسم و غزل قعدوا يتكلموا و بيهزروا و منسجمين مع بعض...
-في القصر...
الكل كان قاعد بيتكلم و يهزر...
و ادهم وصل و وقف العربية و اسيل نزلت بسرعة من غير ما تستناه و دخلت للقصر...
ادهم: هتندمي يا اسيل...
صفية: ايه يا روحي؟ فين ادهم؟
اسيل: جاي يا طنط.
صفية: مدخلتوش مع بعض ليه؟
ادهم: كنت بركن العربية في الجراچ...
صفية: طب اطلعوا غيروا هدومكوا و انزلوا نتعشي سوا.
اسيل: شكرا يا طنط هنام علطول.
اسيل طلعت من غير ولا كلمة زيادة...
عبدالرحيم: مالها اسيل؟
ادهم: مفيش، و انا كمان هنام عن اذنكوا...
كريم: ده حتى مسلمش علينا.
عدي: شكل في شد حصل ما بينهم...
احمد: ان شاء الله خير...
صفية: احنا ما صدقنا الامور تتصلح...
عبدالرحيم: لو ابنك اللي مزعلها هيندم اوي.
صفية: بس.
عبدالرحيم: هو خسرها مرة لو خسرها تاني اسيل مش هترجع...
احمد: عندك حق يا بابا...
رحيق: طب انا هروح...
ليلي: باتي معانا.
عدي(بنبرة طفولية): اه و النبي.
رحيق: لا باسم هيزعق...
ليلي: جربي بس...
رحيق اتصلت ب باسم، الخط اتفتح...
باسم: خير.
رحيق: هو انا ممكن ابات هنا مع ليلي؟
باسم: ماشي براحتك، بس متخليش عدي يستظرف و يقرب منك...
رحيق: تمام شكرا...
رحيق: وافق...
عدي: حبيبي و ربنا...
رحيق: بس قال متخليش عدي يستظرف و يقرب منك...
كريم: اتفضحت يا معلم...
عدي: انا طالع اتخمد.
كريم: خدني معاك...
عدي و كريم ناموا في اوضة، و ليلي و رحيق في اوضة...
عبدالرحيم: و انا هطلع انام...
صفية: تمام يا عمو، و احنا كمان...
و الكل راح علي اوضته ينام...
-عند ادهم و اسيل.
اسيل طلعت خدت هدوم ليها و دخلت رزعت باب الحمام وراها كان ادهم لسة بيدخل من باب الاوضة.
ادهم(بصوت عالي نسبيا): حاسبي علشان لما واحدة غيرك تيجي تعيش هنا تلاقي باب كويس بيدل علي شخصية اللي قبلها...
اسيل اتصدمت من كلامه و انه ممكن يتجوز تاني.
اسيل خدت دوش و اتأخرت في الحمام لانها نسيت نفسها و قعدت تفتكر كل مواقفها مع ادهم، فاقت علي دخول ادهم المفاجئ...
اسيل(بعصبية): انت غبي اخرج بره...
ادهم(ببرود): انجزي لانه مش حمام ابوكي...
ادهم خرج ببرود خلي اسيل تتعصب و ترش عليه ماية...
اسيل(لنفسها): الحيوان الزبالة الحقير البارد المستفز الغليظ، بكرهك يا ادهم يا بارد انت...
اسيل قامت و نشفت نفسها...
- اسيل لبست بيجامة عبارة عن شورت اسود و تي شيرت ابيض بحمالة و قصير مبين بطنها و لفت شعرها بالفوطة و خرجت...
ادهم: لغاية ما نطلق يبقي كل حاجة بحساب...
اسيل سابته و دخلت اوضة الملابس من غير و لا كلمة، و ادهم اتعصب جدا...
-اسيل نشفت شعرها و لمته علي شكل كحكتين كل واحدة علي جمب و بقت زي الاطفال و خدت كذا صورة لنفسها، و خرجت قعدت علي السرير...
ادهم خرج من الحمام و دخل غير لبنطلون و تي شيرت بحمالة مبين عضلاته، و خرج اتفاجئ بمظهرها البرئ و شكلها زي الاطفال و لعن نفسه في سره و غمض عيونه و خد نفس عميق و راح قعد علي السرير...
اسيل: ادهم احنا لازم نتكلم...
ادهم: خير؟
اسيل(بحنية): ادهم حبيبي احنا وعدنا بعض اننا هنحكي كل حاجة لبعض صح. في ايه بقي علشان تخليني اسيب الشغل و تقارن نفسك بالشغل؟
ادهم(لنفسه): لا و مش مكفيكي شكلك كمان بتتكلمي بحنية الله يخرب بيتك يا شيخة...
ادهم(ببرود): حرية شخصية، انا مش عايز مراتي تشتغل انا مش ناقصني فلوس علشان تشتغلي...
-اسيل حاولت تتقبل بروده و فضلت تتكلم بحنية.
اسيل: يا حبيبي الشغل مش عيب و انا مش بشتغل علشان عايزة فلوس انا بشتغل لاني حابة الشغل لو موضوع فلوس كان زماني قعدت في بيتي قبل ما تتجوزني.
اسيل: و كمان يا حبيبي متنساش ان شغلي السبب في اننا نتجوز و نعرف بعض و نحب بعض...
اسيل قربت من ادهم و حطت ايدها علي خده...
اسيل: لو في حاجة قولها و احنا نحلها مع بعض سوا. او قول يا حبيبي وجهة نظرك...
ادهم قرب من اسيل و...
-في امريكا...
نيرة و سامر سافروا علشان ينقلوا كل شغل سامر لمصر و راحوا قعدوا في الفيلا...
نيرة و سامر كانوا نايمين...
نيرة(بصريخ): انتوا مين؟ الحقني يا سامر...
سامر(بخضة): في ايه يا روحي؟
و بعدين لقوا اشخاص ضربتهم علي دماغهم و خدوهم من الفيلا و خرجوا راحوا لمخزن قديم رموهم فيه و مشيوا...
-عند باسم و غزل...
باسم: يا بنتي و ربنا تعبان عايز انام...
غزل: خلاص اخر دور اخر دور...
باسم: ما انتي لسة قايلة كدة من شوية...
غزل: ما انا بحب اللعب...
باسم: نلعب بكرة، الكوتشينة اهي عادي...
غزل: طب نلعب دور شايب.
باسم: اوف ماشي...
غزل و باسم لعبوا دور شايب...
باسم: شوفتي انا كسبتك.
غزل: اوف قول حكمك ايه؟
باسم: ننام...
غزل: كنت حاسة...
باسم: طب يلا...
باسم و غزل ناموا بعد ما لعبوا كتير...
-عند ادهم و اسيل...
اسيل: افهم انك هتخليني اشتغل...
ادهم(ببرود): لا، و كمان اللي حصل شئ طبيعي بين اي اتنين متجوزين...
ادهم ساب اسيل في صدمتها و نزل...
اسيل قعدت تعيط كتير...
اما عند ادهم...
ادهم اتمشي كتير في الجنينة...
ادهم(لنفسه): انا غبي انا غبي...
ادهم(لنفسه): زمانها بتعيط دلوقتي.
ادهم(لنفسه): يا رب بقي اعمل ايه؟
ادهم(لنفسه): انا مكنش لازم اضعف، اوف ينعل ابو جمالك يا شيخة...
ادهم(لنفسه): اسف يا اسيل...
ادهم طلع لقي اسيل نايمة و في دموع علي رموشها ادهم كان هيقرب منها و يمسحهم...
اسيل(ببرود): ابعد عني...
ادهم(ببرود): مش هاممني اساسا.
ادهم راح نام من الناحية التانية من السرير و اسيل نامت و هي بتلعن ادهم في سرها...