رواية شهوات رجل ظالم للكاتبة زهراء أمجد الفصل السادس
اول مادست عتبته حسيته سجني. وموتي ودخلونه والزلم كعدو بالصاله واحنه النسوان بالهول واحنه كاعدين سمعت هوسه بالمطبخ دزيت صديقتي وخالتي علا كتلها دااسمع صوت هوسه وشفت جاسم طلع من المطبخ يكفر وعصبي اني هنا جمدت بمكاني راحت خالتي علا ورجعت هي وخالتي صابرين.
كتلهم شكو اشوف خالتي صابرين مورثه وصايره اعصاب وهي خطيه حامل بشهر الثامن وبطنها واصله لخشمها سالتها اشبيها كالت ماكو شي بس اشوفها تحجي ويه خالتتي وتاشر ودخلت ام جاسم مطنكره مدري اشبيها وهذا جاسم طلع معطب هذوله اشبيهم.
المهم مدو السفره وخلو الزلم بالصاله والنسوان بالهول وبده الطباخ يصب بالمواعين الكبار تمن برياني وعليه قروزي ومرك هم مسوي فاصوليه وتبسي وطرشي وسلاطه ولبن وببسي وخضروات والكل كعد ياكل واني بقيت الوج كوه اتنفس مخنوكه ومقهوره اشوفهم فرحانين وياكلون ويضحكون واني بالي كله يم محمد إلى بعد حرام افكر بي لان صرت على ذمت رجال ثاني.
فض العشه والعالم كلها راحت بقيت بس اني وخالاتي وماما نظفو اهلي البيت لان ام جاسم وربعها بس اكلن وطبعا لعبن روحي كامن ياخذهن اللحم بالجياسه اوووع ولا يستحن مو عيب وفوكاها عافن المطبخ مهوس وكله كشور مال ا لركي والبطيخ والمواعين والبيت روجه اطك روجه وخطيه خالاتي حتى صابرين رغم ماجانت حامل وهي هم تنظف وياهن بيومها بقن لل11 ونص ينظفن وخلصن.
اشوفهن ماتن تعب سوده عليا اني اخذت السيت الابيض مالتي ورحت للحمام حتى اسبح وابدل دخلت نزعت البدله وحدي وصحت لصابرين تاخذها لان خاف تتبلل بالحمام سبحت بس مابللت شعري لان التسريحه تخرب وتعطرت وطلعت لكيت خالاتي يوصن بجاسم عليا واني مامنه اليوم ماكو شي وهذا جان اتفقانه اني وجاسم ميوصل يمي اول يوم لحد مااتعود عليه وطلعو اهلي ودعوني انقهرت حيل وتمنيت ارجع وياهم بس لهنا وانتهت حياتي وياهم وبدت حياتي الجديده طبينه للبيت اني وجاسم واني خايفه حيل ومستحيه.
دخلنه للمطبخ وسد جاسم الباب وقفلها اني هنا اختنكت احس كلبي انقبض...
دخلت وادري بروحي داامشي بطريق والله يستر منه وصلنه قريب الحمام دخلت اتوضيت حتى اصلي وهم وكف هو كدامي وفرش البدله وصله على ذيالها واني وكفت وراه كمل هو صلاه واني بقيت اصلي المغرب والعشاء وصلاه تسهيل امر جان اسمعه ضايج.
جاسم: وكفنه دنصلي كملت الركعتين واشوف هاي تصلي وترتاح وترجع اتصلي ادري شنو ماشايفه صلاه هو شبع شدتصلي ماادري جان صحت بيها رفيف ماشبعتي صلاه دفضيها هم لو صلاه التراويح هسه جان خلصتي
شنو دتصلين مال شهر ليكدام اني احجي واسمعها تصيح الله اكبر هسه هاي غير كافي مو انصمطت عشيرتي دفضيها عاد يابعد كلبي
واخيرا سلمت كمزت من مكاني مروتج كافي تصلين الله يخليج تره حتكفريني بالدنيا كلها رفعت راسها واشوف دموعها.
رفيف: اني اصلي ودموعي تنزل واسمع جاسم معصب وبس يريدني اخلص واني كاتلني الخوف نزلت دموعي اول مره احس روحي وحدي بهالدنيا اصعب شعور من تنتقل لحياة جديده ويه شخص غريب عنك متعرف عنه اي شي ولا تعرف شي عن تفكيره واسلوبه مسحت دموعي وكتله خلصت الحمد لله اشوف جاسم بده يتقرب إلى وخله ايديه تتلمس وجهي كتله جاسم اشبيك وخر اريد اكوم.
جاسم: بديت اتلمس وجهه فديته اشكد حلو والعيون مغسوله بالدموع بس ليش دتبجي ماادري اني ماسويتلها شي ولا تجاوزت عليها سالتها ليش تبجين منو وياج...
رفيف: انت ويايه وبعدني اشهك
جاسم: اني ?? بس اني مااذيتج بشي ولا ضوجتج بشي...
رفيف: اخاف منك انت بس تصيح ومااعرف اشبيك من دخلت للمطبخ طلعت عصبي ورحت للغرفه بدلت وطلعت معصب شنو الموضوع ماادري
جاسم: حبي لتخافين بس صارت شغله وضوجتني حيل لتشغلين بالج.
رفيف: اذا تحبني صدك احجيلي شكو. الله عليك
جاسم: اسمعي حبي من دخلت للمطبخ اشوف النسوان كملن الفواكهه والجاي لان العالم وره العشه تريد فواكهه وجاي لكيتهن واكفات ياكلن ويضحكن واني حذرت امي من هذا الشي وكالت هسه تشوف كلشي يصير مثل متريد ومن دخلت شفت العكس وهذا الشي الاول إلى ضوجني انوب كملتها امي ادكولي خلي جماعتك يزفوك قاطعتني.
رفيف: مو زفوك شنو قابل نرجع نطلع من جديد وابتسمت تره ماكو داعي تعصب هي حبت يزفوك مره ثانيه ليش خطيه تعصب عليها
جاسم: باوعتها هاي شحجي وياها اعتقد ماافتهمت السالفه شنو اكلج انتي عرفتي شنو قصد امي لو لا؟
رفيف: اي رادت زفه ثانيه خليها ثانيه وثالثه ابنها الجبير ورادت تفرح بي.
جاسم: باع الفطيره ولج امي قصدها اخذج بحظور الجميع جماعتي يوصلوني للغرفه الج والمعازيم بره واحنه جوه اخذج واطلع اشوفهم النيشان افتهمتي ليش عصبت اني وخالتج صابرين
رفيف: باوعته بقهر ودموعي بدت تنزل انصدمت من كلام امه اني ادري بيها متحبني بس مو توصل بيها تسوي بيا هيج وتفضح دمي كدام العالم مو عيب ثاني شي اشبيها مستعجله صبرك ياربي باوعت لجاسم كتله بس احنه متفقين مو اليوم اشبيها خالتي مستعجله.
جاسم: هاا اي يلا دكومي اليوم شنو نكضيها كاعدين بالكاع عالسجاده كومي فتحي التسريحه مو الجادر مال الصلاه مااختنكتي منه مو اني من يمي اختنكت كومتها واشوفها مو على بعضها عادي اشويه اشويه تتعلم
رفيف: كمت واني ارجف نزلت الجادر وبديت افتح بالتسريحه وماشاء الله اعتقد شكو ماشه بالعالم براسي هههههههه.
وهو واكف يباوع عليا ويكول اليوم للصبح منام من وره ماشاتج جان يتقرب مني وبده يساعدني وطبعا انترسنه يلمع وهو ينفض بي وضايج واني اضحك عليه بس اوووف دوم الضحك ميدوملي
كملت الماشات بعد ماايديا عطلت شو هذا جرني عالجربايه وجان يكول يلا اني هنا مثل طير وديذبحو باوعته بخوف وصوتي كوه يطلع كتله احنه مو اتفقنا على راحته ومو اليوم اكيد كاعد دتشاقه ويايه.
جاسم: هههه اشاقه شنو ومن كل وعقلج انتي اعوفج على راحتج شكول لامي باجر ابنج عايف مرته تسرح وتمرح براحتها لو اكللها ابنج مو رجال رفيف بالقوه بالمروه برضاتج غصبا عنج الموضوع يتم اليوم ويلا تعالي تره هواي انطيتج عين لان انتي مو مال احترام فضينه مو نبقى الليل كله نتوسل اصغر منج اتزوجن وعادي قابل عمرج سنه وكاعده تبجين وتنوحين.
رفيف: اسمع كلامه واني مامصدكه مستحيل هذا جاسم إلى جان يكولي انتي خط احمر وماطول اني عايش مااخلي دمعه منج تنزل غير للفرح وخادم الج ولامج وهسه تشوفين اشلون اعوضج عن فقدان حنان ابوج واهلج.
زين شجاه هسه هيج يعاملني لالا اكيد اني دااحلم كتله جاسم مستحيل وين كلامك إلى جنت ادكوله وين الحياة السعيده والامان والحنيه إلى جنت تواعدني بيها شو كلامك اختلف بليله ويوم شجاك جاسم اني رفيف إلى كوه يالله حصلتني اني إلى وصلت للانتحار على مودي تاليها تصيح وتجر بيا حيل وين وعودك وكلامك احجي جاسم شجاك ليش هيج تحولت بليله وضحاها احجي وابجي بصوت عالي.
جاسم: اش بالله كتلج بلا نوح وبجي لدوخين راسي اكثر مااني دايخ وياوعود هاي هذا كله جان كلام خطبه وشتريد باللع اعاملج عيني وكلبي وانتي سحلتي بكرامتي وكرامه امي الكاع نسيتي من جنت اجي للجامعه وانتي لابستني نسيتي اشلون جنت اتوسل بيج بس اريد احجي وياج وانتي تعوفيني وتمشين نسيتي كم مره تبدلين رقمج وكوه يالله اكدر احصله ومن اتصل ترزلني وتسدي ولج تردين ارحمج وانتي شلعتي كلبي.
لاعلاقه قبلتي تسوين لاحب قبلتي بي وحتى بالخطوبه شااكولج ادكوللي عيب استحي ميصير لحد يجي كلشي بوكته حلو شفتي اشلون دارت الدنيا وصار كلشي بوكته مثل ماطلبتي
وهسه بالله ياشاطره انزعي ونامي ومااريد ولا نفس افتهمتي لو لا انتي حلالي وبراحتي شسوي اسوي صار معلوم.
رفيف: هو يحجي واني اتجوه من كلامه ومن اسلوبه مثل جمر بركان تنزل على جسمي وتجوي كل جزء بيا وينك يابه تعال شوف حال بنتك وينج ماما تعالي شوفي الامانه إلى امنتيهالشخص وطلع مو كد الامانه.
ليش جاسم متكيف انت حصلت وحده متنطي مجال متكيف حصلتني بمعاناه المفروض تفتخر بيا مو ترزلني ولك اني إلى زلم عالحيل تتمنى مني نظره وانت حصلتني تذلني لان حافظت على روحي ليش جاسم ليش والله حرام عليك جرني حيل وشك ثوب النوم واني ابجي واقاوم وبقيت اني وياه على هذا الحال لحد ماتعبت وبعد مااكدر اشيل ايدي
واستسلمت وهنا هو استغلها فرصه وحاول اكثر من مره بس ماكدر واني جنت مااعرف شي ولااعرف.
اشلون اتم العمليه بقيت بس ابجي وهو ولا يمه
جاسم: بقت تقاوم واني مجتفها لان اني اقوى منها لحد ماتعبت حسيتها ضعفت وبعد مابيها حيل كمت اشلون مااحركها متقاوم بس عيونها تبجي حاول مااباوع على عيونها لان اضعف بس اشوفهن وادري بروحي اذا شفت عيونها مراح اكدر اخذها.
واستخطيها وعوفها حاول وياها بس مالكيت شي ضربتها راشدي وكمت منها ولج قندره تبعين براسي شرف ومتقبلين اليوم وتردين تبقين براحتج حتى بعدين توكعين براسي ولج ساقطه انتي مو بنيه
صارلج ساعه تقاومين حتى مااتقرب الج واشوف طيحان حظج ماقبلتي تتزوجين لان مكسوره اليوم اذبحج واشرب من دمج خابري اهلج بسرعه خلي يجون هسه اليوم ميبرد كلبي الا اخذ حقي كمت اجر بشعرها وهي بس تبجي...
رفيف: كام يجر بشعري ويغلط ويرزل واني محد لامسني اصلا كمت اتوسل بي ونزلت على رجله ابوسه والله محد لامسني والله اكو غلط بالموضوع بس هدني هسه اخابر خالاتي واهلي بس والله محد واصل إلى الله يخليك انطيني مجال الله يخليك والنبي شعري اتكطع بين ايديك
جاسم: هديت شعرها واشوفها كوه تجر النفس انطيتها الفون وهي تجرف اتصلت على خالتها علا
رفيف: ابجي وكلت الو.
علا: هلو حبيبتي شكو اشبيج ليش تبجين وج شصاير بس فهميني اهدئي وحاجيني
رفيف: خاله الحكولي جاسم يكول انتي مو بنيه فدوه خاله تعالولي بسرعه
علا: بصدمه شنووو خاله. فهميني انتي ويامن غلطانه وليش ماحجيتي قبل الخطوبه جان حليلتج الموضوع
رفيف: خاله محد لامسني وروح بابا خاله فدوه تعالو ودوني للمستشفى حتى تتاكدون
علا: اهدئي حبي كلشي ينحل بس سولفلي انتو شسويتو اكيد اكو علط بالموضوع.
رفيف: وكمت احجيلها إلى صار وهي تضحك هاي اشبيها كتلها خاله اشبيج تضحكين
علا: ثول اي والله خبلتني والساعه بالوحده كلت هاي شمصخمه هسه انتي ثوله ومتعرفين هذا التحفه رجلج ميفتهم اسمعيني بنتي الغشاء انواع وانتي النوع مالتج مطاط وداخلي هواي وكعدت تعلمني شسوي وكلتلي هسه اخابر خالتج صايرين تجيج وسدته...
جاسم: احجي اشبيج كمت توزعين ابتسامات احجي فضيها.
رفيف: كعدت احجيله إلى كالته خالتي وكتله هسه حتجي صابرين ودخلها وانت ابقى بره لحد متروح ومن اثبت برائتي اني اعلمك
جاسم: تعوذت من الشيطان بالله اني غير افتهم السالفه صح هسه اني ليش ماخليت احد يقهمني واعتمدت على معلوماتي الزفت بس كلبي لاعب احس اكو شي
صابرين: خابرتني علا وحجتلي كلشي واني كلبي نار صار على هالمكروده اووف يرفيف شيتحمل بعد كلبج انوب يتهمج بهيج مصيبه سديته منها رحت لاحمد.
احمد حبيبي عينك عالبنات دااروح لرفيف هسه اجي
احمد: ولج عرسان وين موليه يمهم باجر عود
تلحكين تسمعين الخبر وتلكيهم هسه كملو وعايشين بجو غزل مثلنه تتذكرين ههههههه
صابرين: فدوه اروحلك خلي اروح اشوف هالطفله هاي تره وضعها تعبان من ارجع احجيلك
احمد: الساعه بالوحده بالله إلى يشوفج هيج وكت طالعه شيكول انتي من كل عقلج.
صابرين: حبيبي انت اوكفلي بالباب وهذيج رجلها التحفه هن واكف بالباب واحنه حايط على حايط قابل حعبر جسور وبحور ولبست عباتي وطلعت اركض لكيت جاسم واكف بالباب ويدخن كتله ها وين رفيف كلي طبي جوه تلكيها بالغرفه دخلت واشوفها كاعده عالجربايه ولافه روحها بالجرجف ومنزله راسها وتبجي هي شافتني وكمزت عليا بس ترجف.
يمه بنتي حبيبه اشبيج ليش هيج شكو سوده بوجهي شكول عليج ياام رفيف طفله وينها ووين الزواج اوووف احجيلي فوفه اشبيج
رفيف: صابرين الحكيلي اخذني لاهلي مااريده فدوه اخذيني وياج مااكدر حموت الله يخليج اخذيني وياج وجريت ايديها اريد ابوسها جان تجرها
استغفر الله وج انتي مو بت اختي انتي اختي الصغيره بس فهميني شكو
شفهمج مدكوليلي يكولي انتي موبنيه وكعدت احجيلها إلى صار.
صابرين: كسرت كلبي وموتتني هالطفله اشوكت ترتاح الله يسامحج يارحاب على هالدكه العوجه طفله كلشي متفتهم غير تعلميها هسه هاي مال زواج وطيحان حظ.
اسكتي يابعد عمري والله فطرتي كلبي تفطر اهدئ وميصير تجين هسه ويايه العالم شدكول عليج كلها هسه ادكول صدك هاي مو بنيه وشمرها بيوم عرسها على اهلها والله يعلم عمتج شراح تحجي عليج لازم تبقين اليوم وتثبتين انتي شريفه وكدام الكل وباجر من الصبح اجي اني وخالاتج وامج وناخذج بس عديلي هالليله والله تصيرين علج بحلك العالم كلها ادكول شاف عليها شي وعافها.
رفيف: هي تحجي واني دموعي ماوكفت بس اسمع كلامها صحيح بس اني مااريده هذا وحش حيوان مو بشر مااكدر اكمل طريقي وياه بس خالتي كدرت تقنعني وعلمتي اشوف ياخذني بطريقه صحيحه وهدئتني.
صابرين: بقيت احجي وياها واقره ايات وامسح على راسها بدت تهدء وجسمها قل جريفه وقنعتها انو تبقى وعلمتها كلشي ووصتها تقره ايات قرانيه حتى ترتاح ومتعصب وتخاف هدئت واطمنت وكمت لهذاك الشفيه لكيته كاعد بالهول كتله هي هاي الامانه هيج تسوي بيها من انت متعرف ليش ترمي المحصنات مو عيب انطناك بنيه شرف واخلاق والعالم تحلف براسها تتهمها هيج بدون اي اثبات ولك مو يتيمه ماخفت من الله حوبتها تبين بيك بس اوووف.
شكول وشحجي كوم روح لمرتك ودير بالك عليها ولدكول ماعدها احد احنه خالاتها وخواتها والله نسويها فصول وعشاير احاجي وهو منزل راسه وساكت ولا حجه ولا تنفس غير كلمه ميخالف صار تدللين وصلني للباب لكيت احمد واكف سلمت وطلعت واني كلبي نار على هالطفله هاي كون تعدي سلامات.
جاسم: وره كلام خالتها حسيت بروحي غلطان المفروض مااتعامل هيج وياها بس مااعرف ليش هيج عصبت عليها وانفعلت دخلت لكيتها كاعده نفس كعدتها وبس تبجي ومنزله راسها والدموع تنزل تقربت عليها ورفعت راسها بايدي ولزمت خدودها هي منزله عيونها وترجف وكلما اشيل ايدي نفز.
لتخافين واني اسف والله انفعلت وماعرفت اتصرف صح وادري بيج انتي شريفه ومسحت دموعها وبوسها من حدها ومن كصتها اريدها بس ترتاح كعدت بصفها وبقيت اشويه احجي وياها وشنو حاجتها خالتها وكعدت تسولفلي وهي منزله راسها ادري بيها تستحي مني
بعدها تقربت الها بس هالمره كانت مثل ماطلبت مني وجان كلامها صحيح وكدرت اخذها وتصير مرتي وثبتت شرفها وخرت منها وبوست كصتها وكتلها مبروك حبيبتي.
رفيف: صح اتاذيت حيل وصحت صوت بحيث احس حنجرتي كامت تحركني وكدرت بعدين اثبت شرفي كدامه واشوفه رفيف شنو إلى اتهمتها بدون حتى متعرف اي شي واذيتها بايديك وبكلامك واشكد جنت اتاذه من يعت بشعري بس نقطه ببحر من اذيته من كلامه إلى جانه ينزل مثل السهام بكل جزء من جسمي اني إلى جنت دوم الكل تحلف بيا يجي واحد تالي متابي يكولي مو شريفه ويطعني بشرفي اوووف يادنيا شتشوفيني من ضيم وقهر بعد اباوعله كام ومكيف وفرحان واخذ المنشفه وملابسه الداخليه وراح للحمام.
وعافني اني اتوجع وحدي سبح واجه فرحان اخذ الفون مالته واتصلت على امه كللها اخذت رفيف وباركتله وسدته
جاسم: سبحت وخابرت وكملت واشوف رفيف على نفس وضعها اجيت يمها ها بيج شي شو صارلج ساعه علىنفس نومتج يوجعج شي محتاجه شي.
رفيف: هو يحجي واني بس اباوع اوووف لو تدري بوجعي جبال متحمله بس شحجي وشكول الله يسامح إلى جان السبب كتله لا بس كلشي بجسمي ديوجعني واريد اكوم اغسل بس ساعدني اريد انهض من الجربايه واني اروح اغسل.
تقرب عليا ومدلي ايده اني لزمتها واستندت عليها اخت المنشفه وثوب نوم جديد لان هذاك شكه عليا ورحت للحمام اسحل بروحي سحل جسمي كله يوجعني من العت والضرب سبحت وكملت طلعت اشويه احسن تمددت على الفراش اجه يمي وخله ايده جوه راسي وجرني عليه
جاسم: فوفه حبي اني اسف والله جنت عصبي مو بوعيي مااعرف اشلون هيج عاملتج واذيتج سامحيني ياعمري.
رفيف: يحجي واني دموعي تنزل كتله روح جاسم الله يسامحك واني من باجر راجعه لاهلي وبعد مااكدر اكمل وياك وخر ايديه من جوه راسي وكعد تربع عالفراش كدامي كال شنوووو عيدي.
كتله جاسم بعد إلى صار والثقه إلى انكسرت بيناتنه مراح نكدر نكمل سوه الافضل كل واحديروح يشوف حياته اني تعبانه ردت اتزوج واستقر وارتاح وانت واعدتني بكومه وعود وتاليها ادكولي هذا كلام خطبه واني حتى حاجيت خالتي كالت خلي تخلص هالليله وباجر ناخذج ويانه والحمد لله ثبتت الك وللكل اني بنيه وهذا دليل شرفي فماكو داعي بعد نستمر.
وبلحظه وحده تحول من الهدوء وكانهه بركان وثار بوجهي نزع بسرعه وشال ملابسي وحاول يتقرب إلى كتله موزين يصير عندي نزيف حباي عوفني وبقيت اتوسل بي ومافاد واخذ حقه بس هالمره دمرني مو بس اذاني
بقيت للصبح انزف الفراش والفرشه وملابسي وملابسه كلهن صار بيهن دم اشكد حاول اغسل وابدل ومافاد للصبح يالله صرت زينه.
كعدت الصبح واني الليل كله كاعده ومنتظره الصبح على احر من الجمر حتى ارجع لاهلي كعدت سبح هو قبلي واني دخلت سبحت وراه واكفه جوه الدوش واسمع جاسم يصيحني سديت الدوش كتله ها.
يلا بسرعه اجوي اهلي واهلج كتله هسه دقايق كملت عالسريع ولبست دشداشه بنفسجي فاتح وبيها تطريز من يم الصدر ومشطت شعري وخليت كحله وحمره وردي طلعت من الغرفه لكيت ام جاسم وابوه ولكيت خالتي زهره وخالتي تغريد جايبات كيمر وعسل سلمت عالكل وبوست خالاتي وام جاسم.
سالوني كتلهم اي اتزوجت باركولي كمت للمطبخ دااسوي جاي حتى نتريك اني وجاسم اجتي خالتي تغريد كالت روحي اكعدي اني اليوم عروس واني اكمل الجاي واجيبلكم الريوك كتلها خاله وين ماما ليش مااجتي وياكم اريدها مشتاقتلها
عفتها تبجي مانامت للصبح مخليه دشداشتج عالفراش وتبجي وهسه عفتها هم دتبجي
ماشي خاله هسه حكله لجاسم يروح يجيبها لو يخابرها
صحت جاسم كتله خابر ماما لو تجيبها لان كاعده هناك تبجي ومانامت للصبح.
جاسم: هسه حخابرها واخليها تجي واذا ماقبلت اروح اجيبها اني
خابرها وقنعها وفعلا اجتي ماما واشوف عيونها حمر من البجي
تلكيتها من الباب مال الصاله هي تبجي واني ابجي بوستها وباركتلي وصارت الكعده حلوه بالصاله ضحك وسوالف وتريكنه وكملنه وانطاني عمي ابو جاسم 100 ألف كال هاي صباحيتج ودعتهم وراحو بقو بس اهلي
خابرت لصابرين كتلها يلا تعالي منتظرتج حتى ارجع لاهلي...
صابرين: هههههه وج وين ترجعين صدكتي انتي وج انتي صدك فطيره غير هذا بيتج ورجلج شكو بعد اتزوجو وهسه يصير زين وياج اكعدي ببيتج وصيري عاقله
رفيف: شنوووو خاله يعني جنتي تضحكين عليا ليش انتي مو واعدتيني مو اتفقنا اليوم ارجع وياكم
مااكدر اكمل وياه هذا وحش البارحه موتني المفروض اسعد ليله صارت عليا مثل الكابوس واتعس ليله ليش هيج كلكم محد ديفتهمني.
روحي صابرين اني صوجي صدكت بيج وسديته منها لااكدر ابجي ولا اكدر احجي رجعت كعدت يم اهلي واني كلبي يفور وبعدها باشويه راحو اهلي وكالو اشويه ونزلج الغده ودعت ورجعت كعدت بالهول اجاني جاسم يضحك
جاسم: ها شو مارحتي ومحد اخذج هههههههه تروح والله يالله.
رفيف: هو يحجي ويستهزء ويفر بايديه واني نار بكلبي شرد عليه وشحجي كتله ممنوع تسد الموضوع واتمنى تعاملني بهدوء ولا كل اشويه تنكلب عليا اسد وهاجم على فريسته لان هذا عمر مو يوم ويومين
جاسم: انتي صيري حبابه وسمعي كلام وانطيني حقي واني اخليج على راسي واذا عانديتي ادوس جوه هذا وياشر على رجله.
صفت عليه هذا شرد احجي وياه خلي اسايسه بلكت الله يتحسن وضعي لان هذا قسمتي ومكتوب عليا اتحمله.
بديت اعامله بهدوء وهو بده يتغير وبديت اتقلم ويه حياتي الجديده ومحمد من يوم العقد لحد هذا اليوم ماكو اختفى من حياتي وصار يوم السابع على زواجي وخطار صبح وعصر هلكوني وسوتلي ماما سبعه وجابولي مله.
وهم اهلي قاموً بالواجب واجتي امه وربعها حالهم حال الخطار وكلشي ماشفت منهم وجانت الحفله كلش حلوه وتونست بيها وبدلت بالبدايه بدله صفره وبعدين ماروني والحمره مال الحنه وبعدين بصلي واخر شي البيضه إلى جلتني بيها الملايه وجان المولود كلش حلو واباوع لامه بس تباوع وتتأفأف ماادري اشبيها كلش ضاجت اخر شي اجتي يمي وانطيتني شي لافته بغلاف مال جريده اني حسبالي جابتلي هديه جان ادكولي.
ام جاسم: هذني ملابس داخليه مال جاسم نساهن عدنه عود ضميهن وبعدين فتحيهن عيب كدام النسوان
رفيف: تقربت مني عمتي ام جاسم وبايدها شي حسبالي هديه من عرفت شنو هنه ضحكت وكتلها اي طبعا صابرين حامل ومتكدر تركص فبقت الحفله كلها طالعه استكشاف تباوع هي راحت عمتي منا واجتي صابرين تركض.