رواية شهوات رجل ظالم للكاتبة زهراء أمجد الفصل السادس عشر
دخلنه بسنه 2014 واني مستمره بدراستي وهاي اخر سنه كليه ولازم استمر على نفس المستوى ابقى محافظه عليه واتحدى كلام جاسم إلى دوم يكولي انتي مابيج حظ ومراح تكدرين تكملين واني اسمع كلامه واغلس رغم الظروف الصعبه إلى جنت عايشتها بمسؤوليه بيت واطفال 2 وطفل عنده مدرسه وصف اول بس جنت اتحدى كلشي واتحدى حتى نفسي في سبيل احقق حلمي والحمد لله درجاتي جانت كلش زينه بالكورس الاول والثاني.
وحمودي هم شاطر وماشلع كلبي وبدت امتحانات نهايه السنه وهمزين امتحانات حمودي قبل امتحاناتي وامتحن وكمل وجان كلشي مجاوب ومضبط كلشي واخذ النتيجه مالته الاول ومكيف بيها وفرحان وجاسم من سمع
جاسم: اي بالخير بابا ادري بيك انت شاطر
رفيف: شكرا جاسم تعبناك صارت زحمه هاي اكثر شي عندك واقوى شي
جاسم: ماحاجيتها عفتهم وطلعت.
رفيف: لحكته امشي وراه واحجي جاسم ميصير هيج عايف كلشي براسي تره مو بس اني مخلفتهم انت هم ابوهم دشوف حالنه اشلون صاير كمت البس منك حجاب لان مدااحس بروحي مرتك
يسمع كلامي وماجاوبني عافني وركع الباب حيل...
طلع واني كعدت بالكاع بالمطبخ ابجي على حظي لوما جاي هواي احس شمحصله منه حسبي الله ونعم الوكيل عليك ياجاسم اني ادري هاي كله من وره امه وسحرها واشكد نصيحته وحاجيته بس مافاد
نرجع لسنه 2010.
يلا جاسم هم يالله نروح وعايد اهلي ومناك نمر لاهلك بس فدوه مااريد ابقى عالغده لان كلما اروح اتخربط
جاسم: رفيف اشبيج شنو قصدج اهلي اكلهم وصخ
رفيف: لا والله مو هذا قصدي بس انت ملاحظ كلما نروح ونبقى للغده اطلع منهم للمستشفى متخربطه
جاسم: رفيف احسن شي حتى متلغين زايد انزلج بباب اهلج واني اروح لاهلي وارجعلج بالليل.
رفيف: جاسم لا هايهيه نروح اني هم اريد اسال خالتي عالكوابيس والخنكه إلى دتصير عندي لان حالتي دتزيد متنقص
جاسم: اكلج لتوهوسين مو حتى اخذتج لشريفه بت الحسن عليها السلام واندعيتي شكو بعد.
رفيف: شوهوس جاسم مو كدامك الكوابيس مدتعوفتي كل يوم لو اشوف ابو بريص بالغرفه وهواي وكل وحده بيها اكثر من راس بالذات الكنتور مالتك وصلت مرحله كمت اتخايلهن بالحقيقه موجودات ولو اشوف واحد يريد يخنكني وابقى اصيح مو دتشوف كدامك
جاسم: ديلا فضيها حيصير الظهر.
رفيف: هاي كملت يلا امشي اخذت الولد وطلعت صعدنه بالسياره وجاسم قفل الباب واجه صعد وطلعنه لاهلي عايدتهم وكعدنه اشويه وطلعنه لعيالي واني خايفه لان ادري هم حتخربط امشي وادعي ربي سهل امري وصلنه وسلمنه عليهم وعايدناهم عمتي كامت قدمتلنه كيك جاهز وببسي وعافتنه وراحت تكمل الغده اني وكلت الولد وكملت غسلتلهم وعفتهم يلعبون يم جاسم ورحت بدلت حتى اساعد عمتي.
ام جاسم: اجتي رفيف دتساعدني واني مااريدها اطب وتشوف او تحس اني شنو دااخلي بالاكل كتلها ماعندي شي ورجعتها للهول.
رفيف: رجعتني رغم مااتوسلت بيها اسوي ولو السلاطه بس ماقبلت عفتها ورجعت للهول واني حاسه هي حتسوي شي بالاكل بقيت كاعده عمي وجاسم طلعو بره وبقيت وحدي اني والولد بالهول شفت حمودي ديلعب بجهاز عمتي كملته اخذته منهوكتله عيب تلعب بحاجه غيرك كام يبجي انطيته جهازي اخذت جهازها اريد اشوف خاف متصل على احد لان طفل يدوس عالدكم بدون ميدري شكو بس إلى صدمني من شفت الجهاز مفتوحه المسجات على رقم مسجل باسم ام حمزه دازه مسج لعمتي ادكوللها.
( الشغل مال ابو جاسم خلصته وحدزه الج ويه اختج وتخلي سبع ليالي بره بمكان مابي سقف لازم يبقى لمده سبعه ليالي وبعدها تخليله منه بالاكل لمده سبعه ايام وهسه تشوفين الشغل إلى تردي اشلون يشتغل )
اني اقره ومصدمه وكمت ارجف اريد اشوف بعد المسجات لكيت مسج من عمتي
( اشلونج ام حمزه اني ام جاسم من الحله خو مانيستيني وعلى شغله ثائر مااريده ياخذ هاي الكرديه واني خادمه الج شتردين اني حاضره )
ورساله ثانيه.
( اكلج عيني شسويتي على شغله جاسم اريدهم يتفرقون بعدني ماكملت المسج جان اطب عمتي للهول
اني بسرعه طلعت من المسجات بس كمت ارجف مثل واحد واكع بمصيبه
ام جاسم: هذا جهازي شتسوين بي.
رفيف: ها عمه لا حمودي اخذه واني اخذته منه ودااشوف خاف متصل باحد احجي وارجف جسمي كله يرجف كمت اشوفها كدامي شيطان اختنكت اريد اجر النفس بعد مااكدر ولج ليش متخافين الله عندي 2 وين اروح بيهم دخليج يشريفه مافشلتني بس المصيبه اشلون رح اقنع جاسم واكله امك هيج دتسوي اكيد مراح يصدكني بقيت الوج اجه جاسم وعمي.
جاسم: رجعت اشوف رفيف من طبيعيه سالتها اشبيج ادكولي ماكو شي واني مرتي واعرفها اذا بيها شي بسرعه تبين على عيونها اباوعها تلوج بس تريد ترجع صبت امي غده وهي بدت تنكل بالمواعين وكعدنه ناكل وهي بس تلعب بالخاشوكه وكلت الجهال وكامت غسلتلهم اشوفها مو على بعضها كتلها يلا نروحً اشوفها فرحت وكمزت اي ياريت يالله سالتها اشبيج ياعيني كالت بطني كامت توجعني اريد ارجع كتلها كومي بدلي حتى نروح.
رفيف: جان كلتم جاسم إلى مثل واحد غركان واجاه فريق انقاض كامل المشكله بطني بده المغص والوجع مثل كل مره مع العلم اني مااكلت غيربس الضيافه اشويه كمت عالسريع داابدل وعمتي راحت تصب جاي بدلت عالسريع ورجعت للهول لكيتهم ديشربون جاي
ام جاسم: وين بعد وكت هستوكم اجيتو هسه دشربو الجاي واكلو فاكهه وانتي حتى غده مااكلتي
رفيف: لا عمه اكلت الحمد لله والشكر.
جاسم: لا يمه بس اني عندس شغل بالمولده ولازم اروح ورفيف هم تريد تعايد اهلها يلا رفيف شربي جايج حتى نروح...
رفيف: جاسم مو تدري بيا ماارغب للجاي وبكلبي اكول لتشربه حباب بقيت اقره ايات بداخلي وادعي ربي تعدي على خير سلمنه عليهم وطلعنه
جاسم: رفيف اشبيج شو طلعت ورجعت لكيت وجهجينطي الوان اهلج بيهم شي شكو احجي حتى اكل مااكلتي منو وياج.
رفيف: هو يحجي واني معدتي بدت تكلب كلاب كتله جاسم بسرعه ودي الولد لاهلي واخذني للمستشفى تره تره مااتحمل ودخت حيل اطبك بسرعه.
اباوعها وجهه صار اصفر وكوه كامت تحجي طبكت على صفحه وهاي فتحت باب السياره وبدت تستفرغ هاي صدك اتخربطت طلعتلها مي من الجنطه مال الولد هي تخلي احتياط لان خاف يعطشون غسلت وجهه وشربت مي اشويه رجعتلها الكشن ليوره واباوع الولد خطيه ساكتين بقيت ميمي بحضني لان جان بعده ماصاير سنه وحمودي كاعد بالوسط بيناتنه اتصلت على خالتي ام رفيف
الو هلو خاله اشلونج
هلا يمه جاسم هاي خير.
خاله اتحظري هسه جايين عليج شو رفيف اشويه تخربطت وحنجي نعوف الولد يمكم وناخذج ونروح
جاسم اشبيها رفيف مو طلعتو قبل اشويه جنها ورده وماكو شي احجي مسوين حادث لو شنو
لالا خاله لاحادث ولاشي بس معدتها وماادري اشبيها
خاله جايين بالطريق مع السلامه وسديته...
سديت باب السياره مال رفيف ورجعت حتى نروح لبيت اهلها وصلنه لكيت ام رفيف منتظره وتلوج بالمطبخ انطيتها الولد دخلتهم جوا وطلعت تركض تريد صعدت بالسياره.
ام رفيف: صعدت عالسريع اريد اشوف رفيف اشبيها كلما تروح لعيالها ترجعلي متخربطه شنو الموضوع باوعتها صفره جنها ليمونه وتلوج ودايخه وكوه تحجي سالتها اشبيها شكلتي هناك
رفيف: بقيت مغمضه وبالي يم المسجات ومنا الوجع والمغص ديزيد سالتني ماما كتلها بصوت ناصي والله ماادري ياماما اصلا مااكلت شي غير ببسي وكيك وحتى غده مااتغديت اجه جاسم سكتت.
اخذنه وراح للمستشفى ودخلوني ساندي جاسم وماما واني نفسي تلعب ودايخه وكوه اشوف دخلوني طوارئ. واجتي الدكتوره فحصتني كالت تسمم وضغطي مصفر بسرعه خلولي كانولا ومغذيات وفلاجين وضربوني ابر بالمغذي بقيت ساعتين اشويه تحسنت رحعوني لبيت اهلي لكيت كلها موجوده قلقانه كتلهم ماكو شي بس اشرت لخالتي علا هي افتهمت اشويه واجتي كعدت بصفي
علا: ها عمري فوفه منو احجيلي شو وضعج مو طبيعي.
رفيف: خاله اريد احجيلج بس بيناتنه فدوه وبديت احجيلها من الاحلام إلى جنت احلم بيهن والمسجات وزيارتي لشريفه بت الامام الحسن عليها السلام وهي بس ساكته وتباوعلي حسيت عيونها بيهن حجي كملت كتلها خاله شنو الموضوع احجيلي.
علا: والله يابنيتي ماادري شكلج وضعج كلش تعبان وعمتج هاي تره دتشتغل عليج بسحر وهذا وضعج كلما تاكلين يمها تتخربطين لان السحر دياذيح والي واكفلج ايمانج وصلاتج وكثري من القران ودوم افتحي قران الصبح على سوره البقره وان شاء الله ماكو شي بس رفيف ديري بالج من عمتج ممنوع تاكلين منها اي شي تره عمتج مو راحه وديري بالج على رجلج.
رفيف: صفنت على كلامها بس شسوي اشلون ادير بالي هسه اذا خليت جاسم وكعدت احجيله اكيد مراح يصدكني ربي رحمتك والله ماعندي غيرك ومشت الايام ووضعي بده يتازم وجاسم بده يتغير عليا واني ادري بي من وره سحر امه.
رجع هذا كله اذكره وابجي بالمطبخ بس بعد شيفيد والمن احجي اشكد حاولت بالقران والصلاه واعالج الموضوع بس مافاد والمشكله ماما متصدكني ودومها ادكولي بطلي هالخرافات انتي بنيه مثقفه وبدت ايامي تمشي ومابقى شي لامتحاناتي وجنت دوم اشكي وضعي لخالتي علا وصابرين ولصديقتي إلى اوووف ياصديقتي حسبتج اخت ورفيقه عمري بس للاسف تركت كلشي وخليت ببالي بس دراستي إلى مابقى شي واتخرج.
استمريت بداومي والاساتذه ماقصرو اخر فتره صار عدهم سباق استمرو بالمحاضرات حتى وره الكورس والطلاب حتمتحن وهومه مستمرين محاضرات ومن نحجي وكالو انتو حتصيرون مهندسين طلعو التخرج من خشومنه استمرت حياتي بين دوامي إلى قرب نهايته وبين البيت والاطفال ومابقى غير اسبوع او عشر ايام ونمتحن بدينه نمتحن عملي اضافه الى كم استاذ بعده ينطي محاضرات ويعيد شغلات ويركز على امور رحت للكليه واني كوه شايله روحي الجو بنهايه الخامس وبدايه شهر السادس والبوخه والحر ومنا امتحانات عملي الفاينل ومنا المحاضرات ومنا صديقتي ماموجوده يلا هي كالت اليوم اداوم.
وصلت للكليه وكاعده انتظرها بالسنتر وهي ماكو بدت المحاضره ودخلت اخر وحده وعيوني عالباب كلت خاف اتاخرت ومارجعت من البارحه من الناصريه وبدت اول محاضره وماكو طلعت من المحاضره خابرتها
سمر: الو حبي
رفيف: هلو حب وينج اليوم
سمر: بارتباك ها اليوم مراح اكدر ارجع بقيت
بالناصريه لان امي بعدها مريضه وتدرين اني الجبيره فباجر اجي انتي داومتي لو لا.
رفيف: اي مداومه بس اشبيج شو احسج من على بعضج وكوه تحجين سمر اكو شي امج بيها شي احجي
سمر: هااا لالا ليظل بالج كلشي ماكو بس اشويه تعبانه تدرين منا امي ومنا كلشي فوك راسي اكلج اني حروح لان اجونه خطار
رفيف: اوك حبي براحتج وسلمينه عالاهل والحمد لله ع سلامه الوالده وسديت الخط بس شو سمر مو على بعضها ويمها ماكو اي صوت شنو الموضوع يلا يخبر اليوم ببلاش.
دخلت للمحاضره الثانيه كملتها بالكوه مالي واهس وروحي طالعه منا خايفه من الامتحانات ومنا جاسم واووف ياقهر جاسم من ساعه السوده إلى ارتبطت بيها بجاسم احسن شي ارجع للبيت ارتاح واكعد واقره ببيتي قررت اضرب المحاضرتين الاخيره
اتصلت بجاسم وكالعاده جهازه إلى اعرف رقمه مغلق
وهذاك الثاني ماعندي رقمه اووف هسه اني شيرجعني بهالحر.
طلعت من الكليه حتى ااجر تكسي وارجع للبيت من الله لايوفقك يجاسم على هالقسمه الزفت اني وين وهالشكولات هاي وين
اخذت تكسي وعدل لبيتي وياريتني مارجعت لو باقيه لنهايه الدوام هواي احسن كانت هاي الرجعه سبب دمار حياتي ومن هاي الرجعه رجعت لنقطه الصفر رجعت وريتني مارجعت وشفت شصار رغم عشت بحياتي هواي انكسارات ومصايب بس مثل هيج شي عمري ماحسيت ولامريت.
وصلت للبيت شفت سياره جاسم اي هاي سيارته بباب بيتنه توقعت عايفها بالباب وراح شو وين مستحيل جاسم هيج وقت بالبيت
دخلت للبيت من القطعه إلى بصف بيتنه جان مفلشه ومحدوله فافوت كبل للطرمه بس اشيل الجرجف إلى مخليته فاصل بين البيت والقطعه وادخل وخرت الجرجف ووصل لباب المطبخ اشوف اكو ضوه بالبيت بالمطبخ زين اني مطفيه الضوه قبل لااطلع حسيت اكو حركه مو طبيعيه كلبي حس اكو شي.
توقعت جاسم جاي ديبدل او شو شنو محتاجه من البيت باوعت تكرمون حذاء جاسم بباب المطبخ فتحت الباب على كيفي واني كل ضني الكه جاسم ديخابر او محتاج شي او ديسبح بس الصدمه جانت غير متوقعه.
جانت صدمه كلما يمر وقت يزيد وجعها واوووف ياوجع الخيانه والخذلان صعب من تنخذل من شخص غريب فاذا جانت من اقرب الناس الك تكون بعد اصعب واقسى واكثر الم ووجع باوعت للكاع شفت حذاء بس هذا حذاء صديقتي اي هو هذا بقياسه وبشكله اني وياها اشتريناه سوه وهمت نفسي وكعت بالكاع وتقربت اكثر كلت يجوز اني دااتخايل شي او يجوز هذا حذائي واني عايفته هنا وماادري نزعت حذائي وقسته لا هذا جبير اني البس 38 وهي تلبس 41.
يعني الفرق واضح بلحظه حسيت جسمي كله يرجف اسودت الدنيا بوجهي لحظه انكسار لحظه ضعف بس بنفس الوقت وهمت نفسي وخليت الف عذر وكلت لا صديقتي بالناصريه يجوز احد من اقرباء جاسم ومجرد بضاعه موجوده بالسوك ومتشابهه.
ذبيت محاضراتي بالكاع وعفت الباب مفتوحه حتى مااسدها ويطلع صوت وصلت لباب المطبخ إلى صايره عالهول شفت ملابس عالتخم جان شعور صعب حيل وانت دتموت موت بطئ وانت متاكد حتشوف خيانه بس منتظر تخلص المسافه ضعفت حيل وانهد حيلي ورجليا انتهت هنا.
واني اشوف ملابس مشمره ببيتي اصعب شعور من تشوف الخيانه ببيتك وبفرشك تتمنى الموت ولا تعيش هيج لحظات هنه لحظات بس مرن كانهه سنين مرن سيوف وتطعن بكل شبر بجسمي دخلت بسرعه للغرفه والي صدمني اكثر منظرهم صح اني من شفت الملابس جنت متاكده اكو خيانه بس الشي من تشوفه وتمر بي يختلف عن من تسمع جان المنظر ضربه قاضيه كسرت كلشي بيا دمرتني حطمتني هدت حيلي.
شفتهم بوضع فاضح وبدون ملابس ومندمجين وكفت بنص الغرفه إلى احسها غرفه اعدامي غرفه خاليه من الهوا اشكد مااتنفس ماكو هوا صفكتلهم انتبهو عليا اتخربطت اوضاعهم هي كامت تغطي روحها بالجرحف وتلملم بنفسها وهو كال
رفيف بس بس باعي.
مامتوقع حرجع لان كتلها اليوم عدنه محاضرات مهمه توضيحات للامتحان فجانت مطمنه اني حبقى لل3 بس شاء القدر كلمنه المهمات باول محاضراين والباقي مجرد اعاده كتلهم عفيه عليكم اي جاسم اني رفيف رفيف مرتك وام بيتك وام اولادك رفيف إلى تحملت منك الفكر والاهانه والقهر
التفت على صديقتي
عفيه عليج خوش طعنتيني طعنه بالله انتي غريبه ومالي عتب عليج بس عتبي على هذا وااشر بايدي على جاسم كتله مع الاسف والله.
شكرا عالخيانه من اعز واقرب اثنين بحياتي صديقتي واختي وابو بيتي وزوجي
بس كل واحد يحب من طينته وانتو من طينه وحده واثنينكم عارات اطلعو بره مااريد اشوف وجي واحد بيكم كدامي كومي انتي ياصديقتي واختي والمقربه إلى بدلي ملابسج
وهااا اوكفي اخذي وياج قذارتج والجرجف ولمي الوصاخه مالتكم
باوعت على جاسم كاعد عالجربايه ومنزل راسه وساكت.
كتله كوم على شنو منزل راسك خايف لو مستحي مني احجي بشنو قصرت وياك ولك مو سويتك بشر وادامي كوم اطلع انت وياها من بيتي ومااريد اشوف وجوهكم مره ثانيه واني الك جاسم مثل ما عليتك وسويتك ادامي وبشر وخليتك تكعد كدام العالم إلى اعلى منك بايدي اني انزلك كومو اطلعو بره
جان الموقف صعب عليه حيل.
عفتها وكمت واني ارجف بدلت بسرعه واخذت غراضي وعفتهم هي وجاسم بالغرفه وصوت صياح رفيف هز المنطقه هز طلعت اخذت تكسي للبيت عالسريع وهو جان بيتهم عالشارع وتكسيات موجوده
رفيف: طلعت سمر وجاسم على نفس كتله تقربت يمه وصحت بصوت احسه طلع من كلبي صوت كتله ولك ليش مو صرتلك كاع وادوس عليا ولك مو جنت الك ام واب واخ واخت قبل لااصير زوجه خلفتلك 2 ورود يحلم بيهم اي شاب.
قبلت بوضعك وظروفك وكلت تهون رفيف ميخالف اهم شي يكون الج سند رغم كليتي ودوامي وماقصرت بشي اتجاهك صارلك سنتين وتعاملني كااخت ووصلت مرحله كمت البس منك ربطه وكلت ميخالف يجي يوم ويصحى
رفيف اتحملي كولي بشنو قصرت وياك احجي ليش ساكت خايف مثلا واني منو وتخاف مني انت من ربك ماخفت تخاف مني اني لو مستحي ليش مااستحيت من الى اعلى مني ومنك ولك خون وصادق بس مو ببيتي ولك مو على فراشي ولك مو صديقتي.
هنا انهاريت ولك ليش احجي اشو جنها رجال بشنو احلى مني فهمني بشنو انظف مني ولك تكفي قذارتها اخذت زوج صديقتها يكفي طعنتني إلى اني إلى فتحت بيتي الها واعتبرتها اخت وصديقه وكلشي ولك ليش ياعار مافكرت بيا بجهالك شنو ذنبهم مافكرت حبل الجذب قصير امشي يلا ولي ومااريد اشوف وجهك بعد والمحاكم هي تحكم بينه كام ديرسد يغسل بالحمام كتله ممنوع تذب قذارتك هنا امشي اطلع.
كمت اصيح بكل صوتي واشكد مااصيح احس صوتي مخنوك بدل وطلع عالسريعاني هنا بعد مااتحمل كمت ابجي واشهك بكل صوتي اريد بس الجبل إلى على صدري ينزاح بس ماكو نتيجه بقيت ابقى لحد مانتهيت وبعد حتى دموع ماعندي كمت على صوت الموبايل طلعته من الجنطه لكيت ماما 4 مكالمات اتصلت عليها
ام رفيف: هاي وينج صارلي ساعه اتصل الف مره ومتردين موبايلج دوم بايديج وين جنتي.
رفيف: اول ماكملت حجي رجعت ابجي وبصوت كتلها ماما انكسر ظهري وانتهيت
رحاب: وج شكو رفيف وين انتي احجي هسه جايتج
رفيف: اني بالبيت ماما
رحاب: اسمع بس صوت بجيها اريد افتهم شكو بيها ماادري تلكتني امي بالمطبخ كتلها رايحه لرفيف مااعرف اشبيها وانتي عينج عالجهال
الحجيه: شكو يمع اجي وياك اوكفي بس البس عباتي.
ام رفيف: ابقى يم الجهال هسه لو جيبيهم ورايه وتعالي بس خلي اشوف هاي اشبيها. جريت عباتي من الكنتور وخليت الشال والعبايه على راسي وطلعت اركض كلبي اشتعل نار اريد بس اوصل اشوف بتي اشبيها وصلت لكيت الباب مفتوحه طبيت ركض شفتها كاعده بالكاع بالمطبخ وتبجي وبعدها بملابس الجامعه بس سمعت صوتي كمزت بحضني.
رفيف: اول ماشفت ماما كمزت بحضنها ابجي وهي تهدي بيا تحاول بس تريد تفتهم شكو كتلها ماما جاسم طعني جاسم كسر ظهري وج ماما هو وسمر شفتهم بعيني
ام رفيف: اريد افتهم منها شنو دتحجي ماادري جسمها يرجف وتبجي بصوت وخرتها من حضنها وكتلها بس فهميني اشبيج وج مو كلبي حيوكف جاسم بي شي احجي رفيف
رفيف: ياريت ميت ياريت بي شي ياريت طالعه جنازته وذابحي الدواعش ولا باقي عار ميموت.
ام رفيف: انجبي ولج هذا ابو جهالج احجي اشبي وياج ضربج ولج حتسوين بيا جلطه تحجي.
رفيف: شحجي ماما جاسم خاني طبيت ولكيته هو وسمر وج ماما ويه سمر سمر إلى جنت اعتبرها اخت وصديقه وقريبه هاي تالي تعبي هاي تالي صبري يخوني وليش بشنو قصرت اني احجي لو شافني مكسوره وماعندي لااخ ولااب ولااحد يسندني حتى انتي همج بس الناس والمظاهر بس هالمره لا مااسكت وحق تراب بابا وروحه العزيزه والي ماعندي اغلى منها يجاسم اذا ماطيحت حظك مااسمى اني رفيف.
ام رفيف: اسمعي رفيف هذا الحجي والتهديد كله ليودي ولايجيب هسه واذا خانج مدكوليلي شكو هسه قابل هو اول واحد اخر واحد تردين تهجمين بيتج وخبصتي الدنيا وخبلتيني حسبالي شو شبيج رجال وغلط لوما انتي مقصره جان ماخانج.
رفيف: اكلج ماما انتي وياهم عليهم شو كمت اشك انتي امه مو امي اكلها شفته ويه وحده ادكولي واذا شنو واذا اني بشر لو حيوان وبشنو مقصره شو شلته من الزباله وسويته ادامي من على وصار كام يدور عليا ومنو سمر الزركه انتي شو دومج ضدي فهميني لاكيتني بالمستشفى لو شنو كمت من وره تصرفاتج اشك بروحي انتي مو امي دروحي شوفي الامهات عالباطل وطابكات ويه بناتهن وثاني شي بشنو قصرت اني شو عافني وراح للحشد العام وطلعت روحي اسبوع شفت المر صفنت وكتلها اوكفي ماما.
ام رفيف: شكو احجي شو صفنتي
رفيف: ماما جاسم ماراح العام للحشد جذاب والنبي جان لو مسافر لو كضاها يم اهله وبحضن سمر
ام رفيف: لا انتي تخبلتي بعد مابقى عندج عقل انوب تشكين بالولد
رفيف: ماما اشك شنو ارجعي ويايه اذكري رحمه للنبي تذكرين العام من اجه وكال اني حروح للحشد ويه العصائب وتعاركت وماقبلت وبعدين راح غصب عني
ام رفيف: رفيف اشبيج بتي تخبلتي اي اذكر وبعدين.
رفيف: ماما بس فدوه ابوس ايديج اسمعي كلامي للنهايه بوكتها علي من خابرني ديسال علينه وكتله جاسم التحق بالعصائب وبسامراء اخذوهم ضحك عليا وكلي ليش رجلج شايف مسدس حتى ياخذو كبل هيج طك فش لسامراء وثاني شي تره العصائب بالرمادي وتكريت إلى لازم سامراء جيش المهدي والسرايا السلام جذبت كلام علي هاي اول شي.
ثاني شي من اجتي سمر العصر دتشوفني اني والجهال كالت رفيف اليوم لو باجر جاسم يرجع كتلها اشمدريج كالت حموين اختي 2 البارحه رجعو وكالو كلنه انطونه اجازه ومن يحتاجونه عود نلتحق
وبعدها بربع ساعه اجه جاسم وشفتي اشلون مبدل وسابح ولابس كله جديد ومن سالته كال افتريت اني وجماعتي بالاستراحه مالتنه بالسوك واشتريتهن.
زين ماما سمر شمدريها اليوم يرجع غير هو منطيها خبر ماما جاسم جان مسافر يتونس واني مثل الغبره عبرت عليا وكاعده انوح وابجي عليه وادعي الله لايوفقك عساها بحظك وببختك وبكيره ركبتك ابجي وادعي
ام رفيف: كافي تدعين ثلثين الدعوه عالداعي الله يهدي وتره ماوكفت الدنيا انتي عوفي صديقتج واهتمي برجلج وبيتج وبس.
رفيف: اكلها ثور ادكولي حلبو اكلها يخوني ادكولي اهتمي بي يابه دنعل ابو ياابو الخلف عشيرته اوووف منين اجيبك ياباباوتجي تشك حلكه وتنعل عشيرته
ام رفيف: كافي تسبي ابوه ميت وخوش رجال ومتجوز السب للميت.
رفيف: اكلج انتي جايه عون لو فرعون ماما انتي دتحسين بيا وبنار كلبي لا والله من دنعل الخلفه لعد يابو الجابه يابو سعديه ام السحوره يابو اليفزعلهم واني ماابقى على ذمته لو اموت هالناقص العار النذل اني اعلمك يجاسم ياابن سعديه السحاره رضيت بالبين والبين مارضى بيا فوك زيني وياه هيج يسوي ويايه.
ام رفيف: اسمعيني زين هذا كله البجي والحجي ميفيد امتحاناتج الاسبوع الجاي والتعب كله يروح اذا بقيتي هيج فكري بعقلج عوفي هسه كلشي على وضعه منا لحد متكملين امتحانات وتتخرجين واني اخذج للمحامي واطلكج احاجيها واريدها بس تهدء اشويه وهي تفرفح وتكمز تكمز وتعد وتغلط اريدها بس تسكت بين متكمل امتحانات والشغله تموت وعود يرجع جاسم ونفض السالفه اني طلعتلها بسالفه الامتحانات والدراسه اشوفها صفنت وسكتت.
رفيف: صفنت اشويه ردت اركز واخذ قرار بهدوء وشفت كلام ماما صح ليش احطم مستقبلي على شخص ميسوه اني صبرت هالسنين كلها بقت على هاي الكم يوم.