رواية شهوات رجل ظالم للكاتبة زهراء أمجد الفصل الخامس
هدى: ادور على رفيف كلبت الجامعه وهي ماكو كلبي صار نار اتصل عليها مترد بقيت اتصل لحد ماهي اتصلت جاوبتها بسرعه انتي وين وليش متردين
رفيف: اول مااتصلت بهدى بسرعه جاوبت كتلها الحكي اني وره النادي ودايخه حيل.
هدى: ثواني يمج وسديته همزين جنت قريبه كلش عالنادي افتريت وره النادي واشوف رفيف من بعيد كاعده ولازمه راسها ركضت عليها اشوفها تبجي ومنهاره وترجف لزمت راسها وبديت اقره ايات وطلعت بطل المي من جنطتها شربت اشويه وغسلت ما سئلتها شكو كلت خلي ترتاح بقينه كاعدين وهي سكتت وهدئت حاولت اشاقيها واضحكها كتلها اي البارحه شسويتو وماسويتو اشلونها الخطوبه اكيد تخبل
رفيف: بالله متسكتين انتي الثانيه.
هدى: هسه نفتهم هالنوح والبجي على شنو مو ذبحني الفضول دطلعيها للدره
رفيف: بقهر وبحزن محمد ????...
هدى: اشبي هذا الثاني اشلون بيج اشوكت تنسي الولد ميحبج وحالج حال اخته وصارله كومه معليه بيج كافي رفيف اصحي
رفيف: ولج خابرني البارحه وكعدت احجيلها كلشي وابجي...
هدى: شنووو انصدمت من كلام رفيف حيل الله يعين كلبج يارفيف شيتحمل بعد حتى من اجيتي تفرحين وتكونين اسره وكيان طلعتلج هالسالفه بس شنكول غير الحمد لله ع كل حال ميخالف حبي كلشي بي صالح
رفيف: بالله متسكتين لااكفر بيج وبصالح هذا مشعول الصفحه إلى حياتي ادمرت من وراه
فهميني شحصلت وشنو شفت وعيت عالدنيا بدون اب وكلت ميخالف اختبار من الله وكلشي بي صالح
اخو واخت ماعندي وهم كلت كلشي بي صالح.
لو موجودين يجوز اتاذه بسببهم ظلم امي تحملت واذيتها وتدخلها بكلشي وتعاملني حالي حال طفل عمره سنه وهم كلت كلشي بي صالح
عدت سادس ومن الاعاده طاح حظي وسقطت حتى الحكومه وج صدام إلى نابت بالعراق طردته من وره فكري الاسود ودخلت تربيه وتحطمت كل احلامي وكلت هم كلشي بي صالح
بس توصل لحب عمري لا دانعل ابوصالح يابو الخلفه ادري مكابلني بس إلى ماكو بشر بالعالم.
هدى: ههههههه رغم ماخه عصبيه بس طريقه كلامها وحتى من تعصب حلوه ومرحه بس هالبنيه ماعدها حظ اباوعها اوووف يرفيف ريت حظج مثل شكلج بس شكول لااعتراض على حكم رب العباد كومي حبيبه كومي يلمي امرج لله وكون ربج يبرد كلبج
رفيف: كمت كوه امشي تعبانه ومالي حيل هدومي العليا رحنه للقسم كوه وصلنه الطريق صار عليا ساعه طبيت والتمن عليا صديقاتي اشبيج ليش تبحين شصار شكو.
هدى: ماكو شي بس اتخربطت وداخت حيل ضغطها هبط هسه ترتاح بأخر استيج
كعدتها ووخرت البنات عنها وهي بس صافنه ودموعها تنزل بدون متحجي
رفيف: خلصت الدوام كوه رجعت للبيت خابرني جاسم راد يجي كتله تعبانه خليها على باجر. ومرت ايام خطوبتي عادي بين دوام وجيات جاسم وبدت المشاكل بيناتنه طبعا اتصالاتنه قليله جدا.
وصلت مرحله قررنه ننفصل واتفقنه اني وجاسم عالانفصال طبعا امه اخر يوم شفتها بيوم عقد السيد والحفله وراها اختفت طبعا كلما احاجي عالجهاز والبناء يكولي مو هسه وهذا الشي خله المشاكل تزيد ورحت لماما وبلغتها قرارنه وكان جوابها صدمني حيل.
رحاب: شنوو انتي مخبله انتي واعيه على روحج شنو تفصخين هو قميص وتذبي هاي خطوبه وارتباط قابل هو علاقه اذا اكو ببالج ولاعب بعقلج فعقلي رفيف شكول وشحجي كدام العالم بتي فصخت انتي مخبله اكعدي ونجبي شنو مااتفقنه وتطلكين وتكابليني وترجع المشاكل وكلها تريدج ماكو انسي هالموضوع.
رفيف: ماما الله يخليج والله مدنتفق وشفتي انتي بيتهم ووضعهم وشفتي امه اكو اهل من العقد لسه لااجو لا كالو اشوكت نجهز لا بنووو ادري وين اكعد اني دشوفي ياماما بخيل فلس منه ماشفت اكو مخطوبه مصروفها على اهلها ماما هذوله فكوره مااكدر اكمل وياه
رحاب: اي مو هو بكيفك وشعليج انتي بأمه عنها لااجتي وشصخم بامه الولد فقير اخلاق وفقير ماده اني اجهزلج وماكو فرق اذا مني او منهم واذا عالبناء اني باجر احاجي.
رفيف: كمت ابجي واتوسل بيها وهي رافضه قراري يعني حتى خيط الامل إلى صار عندي حطمته ماما ليش ياامي ليش رجعت لغرفتي خايبه كل امالي اتصلت بجاسم كتله تعال اريد اتفاهم وياك كال مو اليوم عود من افرض امر
جاسم: اتصلت عليا رفيف رادتني اني ماجان عندي شي بس كتلها مااكدر اريد اشلع كلبها
رفيف: - مشت الايام ووصلنه لشهر الرابع واحنه اسبوع متعاركين ويوم متصافين وطبعا الجهاز حارت بي ماما.
اتفقنه نسوي غرفه نوم نجاره ورحنه واختارينه غرفه بسيطه صارت ب650 ألف دينار صح كنتور طابقين ونجاره بس مو متينه يعني سوكيه وهم تعاركنه لان جان الاتفاق نجاره بمليون ونص ليش هيج يتفقون عبى شي ويغيرون بعدين ماادري المهم كملنه سالفه الغرفه بقى البناء
جاسم: اكلج خاله احنه قررنه منبني لاابني ولااتعب روحي
ام رفيف: ومنو قرر ووين لعد حتكعدون
جاسم: قررت اني وامي وابويه منبني ونشوف بيت ااجره ونكعد بي.
ام رفيف: اشلووون ومنو يدفع الايجار وانت منيلك وثاني شي بتي مو مال بهذال وايجار ووين ادبر بيت هي اصلا متعرف لاطبخ ولا مسؤوليه بيت
جاسم: ابويه كلي شوف بيت واني الايجار مني
ام رفيف: انطاك هالشهر وبعدين وثاني شي شتحطون بالبيت وانتو بطرك غرفه النوم
جاسم: تدبر خاله بس كولي يالله...
رحاب: هو احنه شكايلين غير يالله بس اكو شي ينعقل ًواكو شي مينعقل انت ياابني ضعيف الحال وبتي مو حمل بهذله هاي بت دلال وطالبه وعدها دوام يعني مافارغه للطبخ والشغل مال البيت يادوم تلحك على مسؤوليه زوج
جاسم: خاله يدبر كلشي وتتعلم بمرور الوقت اني اترخص حروح مع السلامه.
رفيف وامها: الله وياك وصلته رفيف للباب ورجعت ومشت ايامي وبدينه بالامتحانات وجان همي كله النجاح ومحمد بعد من يومها ماشفته ولااجاني ولا وصل وامتحنت وجنت كلش زينه واصلا جانت سعياتي كلش زينه بس دوم فرحتي متكمل لان إلى صار.
جاسم: اتصلت بصديقي هو معيد بالجامعه دااشوف رفيف شطلعت جان يكولي هي نجحت بمواد الثالث بس ماده التحميل مال الثاني وكعت بيها يعني وكعت بالتحميل وهذا الشي لازم تبقى بالثالث وتبقى عالتحميل بس هي إلى حيساعدها درجاتها عاليه فستوفي المواد ومتمتحن بيهن بس مالها حق تعبر الا بعد سنه.
جاسم: ماشي خويه مشكور سديت من الفون وصفنت هاي اشلون حكوللها واشلون اني مقرر اتزوج بالعطله هاي اشلون حصفيها ماادري الله كريم خلي اروحلها واكوللها احسن
رفيف: اجاني جاسم ومو من عوايده يمر الصبح بس احسه اكو بداخله شي شو هذا يسلم وحبي وحياتي شنو الموضوع شنو هالحب إلى نزل فجاه كتله اكلك جاسم شنو الموضوع شو دتخلي يكول اكو شي احجي.
جاسم: اسمعي حبي رفيف اكو شغله ولازم تعرفيها بس عادي مو مشكله تنحل وترهم بس اهم شي لتضوجين طبعا اني احجي وهي وجهه تغير كله وكامت ترجف تريد تعرف شنو الموضوع كتلها خابرت اليوم على مود النتيجه مالتج كمزت بسرعه
رفيف: احجي بسرعه ادري بروحي بالتحميل زفت وماجاوبت كولي راسبه مو صح وكمت الطم وابجي فقدت حاجيني جاسم فهمني شطلعت.
جاسم: حبي بالثالث انتي ناجحه ودرجات عاليه بس بالتحميل وكعتي وملحوكه بعد عندج دور ثاني واذا مارهمت عالسنه التجي بس لتضوجين
رفيف: انت شدتحجي شنو دور ثاني وشنو يضمن مااتمرض مثل العالم وشنو يضمن ميصير شي بهذا الوطن المبيوع احجي وابجي اجتي ماما على صوت
البجي والصياح كلها ادكول اشبيها شسويتلها...
جاسم: خاله والله ماسوتلها شي بس وكعت بماده التحميل وكتلها بعد عندج امل دور الثاني بس هي انهارت.
ام رفيف: ميخالف بتي كلشي يتعوض وهسه شحصلنه من اهل الشهادات مو ذولاك سكنو الكبور دكولي يالله وكومي غسلي وجهج وربج يحلها
رفيف: كمت واني اشهك وابجي ومقهوره حيل واعاتب ربي ليش ياالهي كل يوم كفخه شكل تعبت والله ليش الفرح بعيد عني شسويت اني وهيج حياتي معثره غسلت وجهي وعدلت روحي ورجعر لجاسم لكيته كاعد يلعب بالفون مالته.
جاسم: دخلت رفيف تكسر الخاطر وتجر النفس كوه وعيونا حمر دم والخشم احمر صايره جنها طماطه كتلها فديت ام بيتي حتى من تبجين تخبلين عمري لتهتمين كلشي يتعوض انتي شدي حليج واني وياج ومااعوفج احاجيها اريد بس اهدئها وهي ولا يمي
تفرفح روحها مثل طير مذبوح اول مره اشوف رفيف هيج مكسوره ومقهوره كسرت كلبي وقهرتني حيل.
رفيف: حاول جاسم يهدئني بس اني كلبي يفور ويغلي ربي صبرني على بلائك تعبت والله ومشى الاسبوع عادي واجه جاسم وصدمني بصدمه ثانيه وجانت هاي صدك ضربه قاضيه بالنسبه اليا
جاسم: رفيف الغرفه كملت واني قررت انزوج شكو بعد البيت وحكمل شكو بعد.
رفيف: جاسم البيت بعده لسه صبه والعمال ديشتغلون بي طبعا نرجع اشويه لشهر الرابع بعد ماعانينه من موضوع البيت ماما قررت تنطيني هديه واحد من بيوتها هديه زواجي بس متحوله باسمي مجرد هو إلى لان اني وحيدتها وقابل حدكولي شيلي منه بس هي ماقبلت تحوله باسمي لان طبعها تحب الفلوس والتسلط ومتقبل واحد يصير احسن منها دوم تحب تذل الواحد وتخلي تحت سلطتها وبلشت بتفليش الييت والبيت كمل خلال اربع شهور ولو كان بي بعد نواقص مثل الارضيه وتغليف البره والطرمه هم بس جاسم دك رجل الا يتزوج هالشهر لان الشهر الجاي رمضان وراد يفض كلشي قبل رمضان رغم مااتوسلت بي لان اني جان عندي امتحان دور ثاني بس كال نتزوج قبل الامتحان واني اوعدج اخليج ادرسين طبعا.
وكالعاده ماما مارفضت وكالت هي بعد مرتك واني مالي اي وجود واهله معليهم بكلشي ومن احجي يكولي عليهم تكاليف العرس وراحت ماما اشترتلي بدله العرس وبيبي جانت عليها بدله الحنه والغساله وجدو الثلاجه وخالاتي وماما كل واحد جان عليه غرض وكمل تجهيز البيت واتفقنه يوم 24/8/2006 هو يوم زواجنه.
وقبل العرس بيومين تحضيرات العرس من حفافه وصبغ وتخصيل شعري طبعا صالون ماكو لان مادياته جانت ضعيف وخالاتي قنعوني هومه يكتلفون بيا وردت فندق وهم ماقبل كال هو احنه بيتنه وحدنه ليش نروح ونخسر وتكالييف على ليله بيتنه استر وكدر يقنعني رغم ماجنت معارضه فكره زواج البيت واجه يوم 23/8/2006
طبعا هذا اليوم حنتي وكعدوني من وكت واشوف الكل فرحانه وتركص واني كمت من الفراش مريضه.
رفيف: ماما فدوه ماكو مسكن الالم راسي ديموتني ومصخنه
ام رفيف: اشبيج بتس اليوم حنتج شو تعالي خلي اكيسج خليت ايدي على كصتها واشوف البنيه مصخنه تنور والخشم يكت يااا وكتها تتمرضين اليوم كومي خابري جاسم خلي يجيبلج هسه ابر اي شي بس ميصير تبقين هيج
رفيف: ما مااضرب ابره اخاف والله توجع حكله يجيبلي كبسول...
علا: رفيف وكت دلع وما ولج اكو عروس منشوله دكومي شوفي روحج الخشم احمر والعيون ذبلانه اتحملي هي ابره اليوم وباجر حتى تروحين توب ولج وراج عرس وكوه قنعناها اني وخالاتها عالابره وراحت خابرت رجلها خطيه
رفيف: الو هلو جاسم
جاسم: هلا بعروستنه الحلوه اشلونج حبي
رفيف: ههه هلو بيك جاسم اني مريضه جيبلي ابر من الصيدليه حباب.
جاسم: هاي شنو وكتج هسه تتمرضين صدك تحجين لو تشاقين.
رفيف: اي والله حباب جيبلي هسه علاج عالسريع ورايه حنه حباب
جاسم: صار هسه اجيج اني وصديقي بسيارته دقايق يمج.
رفيف: اوك باي وسديته منه رحت شفت روحي بالمرايه العيون ذابله وكوه افتحهن والخشم صاير احمر ومورم ومسدود والصخونه فول ضحكت على روحي وعلو حظي إلى حتى بيوم عرسي ماعندي حظ وتمرضت صبرك ياربي كمت تريكت اشويه جاي وجبن لان اني مااحب البيض ودنطف البيت والهوسه اجه جاسم جابلي العلاج وراح طبعا ماشفته لان عاداتنه ادكول لازم العريس ميشوف العروس بيوم الحنه حتى يشتاقلها هههه وضربت ابره وسبحت وكملت وبدت خالتي.
ترتب بيا مكياج وشعر من ال12 لل4 بحيث اني من يمي دخت احس راسي حينفجر ومنا مريضه ومصخنه طبعا خالاتي سونلي كوشه بيضه اكعد عليها
وجانت كلش حلوه وكلها ورد وقماش ستن مطرز بذهبي وشلنه التخم مال الهول وفتحنه الباب إلى بين الصاله والهول وكله كراسي صار مثل نظام القاعات واشوف الكل واني بالي يم محمد.
ياترى هسه شنو حالك من تدري تفاحتك اليوم حنتها وباجر تصير بحضن شخص غيرك ليش هيج مافهمتني حبك من البدايه لبست البدله واني كوه حاصره دمرعي واتمنى متنزل وتفشلني
وبدت الهلاهل والكل يكولي طالعه كيكه تخبلين والكل يباوعلي وفرحان حتى ماما فرحانه كعدت بالكوشه وكتلهم اريد باكيت كلينكس جديد لان منشوله وزكام وصايره احوال واجري العبيد واشوف الكل يركص وفرحان.
واني بالي كله يم محمد ياترى هسه شنو حالك احس البدله دتجويني من القهر احسها بدله سجني وايامي السوده إلى حتجي.
واجوي اهل جاسم وطبعا امه جايبتلي ناس مااعرف منين بحيث كلهن جايات بالدشاديش الكودري والشحاطات.
والريحه مالتهن تلعب الروح والجهالل وصخين اني كيفت لان ماما تفشلت كدام كرايبنه وصديقاته كلها كامت تباوع وتقلد اوووع هذوله لعد عيال رفيف إلى فضلتهم امها عالكل.
همه هم ماطولو اشويه وكالت امه نريد نروح قبل المغرب اني بكلبي روحه بلا رجعه وخلصت العبيد والراحت وماشبعن لاخالاتي ولاالكرايب من الركص والضحك شغلو الدي جس وبقن للوحده بالليل
يركصون لحد ماتعبن صدك حنتني بيبي ام ماما لان امه كالت اني مااعرف انتو حنوها وهوسولي واني عيوني تكت من الصخونه ضربوني ابره ثانيه اني والبدله وكلها تضحك عليا.
كملنه الحنه وغسلنه وبدله ورحنه لبيتي لان يحتاجله تنظيف وبيومها بقينه لل3 رجعنه كلها تتعارك عالحمام وصار الحمام كل 3 يطبن سوه مثل حمام النسوان مالج محط رجل وصعدنه كلنه نمنه بالسطح لان جان صيف والعالم كلها تنام فوك.
وطبعا اني كوه نمت تفكير وشعور صعب حيل البيت إلى ربين بي وكبرت رغم القساوه إلى بي بس اعتبره جنه اشلون حعوفه ماادري وهذا مو بس شعوري هذا شعور كل بنيه بأخر ليله بيتها بقيت ابجي لحد ماغفيت كعدوني ثاني يوم كوه نعسانه اريد انام نزلت واشوف الكل كاعد من وكت وناس ترتب وناس تنظف واشوف ملابسي وغراضي اخذوهن بالجنط لهذاك البيت.
تمنيت اكدر اصيح واكلهم رجعوهن مااريد اروح اريد ابقى يمكم جانت غصه بكلبي ادكول. مراح ارتاح عمري كله بس بعد ميفيد الحجي.
شربت جاي واكلت لكمه جبن بالخبزه وكمت كالو. طبي سبحي وراج ترتيب وهسه الوكت يخلص سلحت واني دموعي مانشفت ولا لحظه
طلعت من الحمام صعدت للسطح اباوع مكاني بعد ماانام بي كعدت عالجربايه الحديد مالتي إلى بالسطح وابجي والتلمس بيها مااريد اعوفها.
هاي إلى شهدت على كل دموعي وقهري بكل ليله هاي الملاذ الاامن بالنسبه إلى بقيت ابجي ولحد ماسمعتهم يصيحوني نزلت الدرج واني حيلي مهدود مااريد اطلع من هذا البيت إلى رباني عشرين سنه واني بهذا البيت
بقيت افتر بكل غرفه بي دخلت لغرفه خالتي. واشوف الجهال كلها مجتمعه ديلعبون والكاهم كلهم خاتلين جوه البدله مالتي مسويها مثل الخيمه ويضحكون رغم ضوجتي وقهري بس ضحكت على برائتهم وعقلهم وهمه شافوني وطفرو.
جان عندي ستاند او شمعه قديمه مال ملابس شلعت الفوك مالتها ولبست بيها مخده بالطول ولبست البدله بيها لان ختى متتعقج وهذولي. شافوها مفروشه مثل ما بالملكان
وسووها خيمه مزلت وقفلت باب الغرفه ونزلت صبولي غده عالسريع حتى تبلش بيا خالتي.
واني مااشتهي كوه اكلت لكمتين وكمت وبلشت خالتي بيا سوتلي سريحه رفعتلي شعري كله وكله لفائف وسوتلي. بي كله لفائف وخليت بداخل كل لفه ورده كريستال ومن كدام خلتلي التاج وجان من النوع العالي وخلتلي مكياج مو طوخ مثل ما ردت.
وحمره زهري ولبست عدسات خضر بحيث تني من شفت نفسي بالمرايه. ماعرفت روحي عطرتني خالتي من فوك ليجوه. ولبسوتي البدله البيضه ومثل بدله اعدام صارت بالنسبه إلى وبده الوقت يمر بسرعه واشوف الساعه تركض بيا ركض وسمعت صوت المزيفه وصل وكالها ركضت تلبست الحجاب مالتهم وبقيت كاعده وحدي واني ارجف شعور صعب حيل تحس حياتك لهنا وانتهت وحروح لمستقبل. مجهول.
متعرف بي شي ودنيا متدري تنصفك لو تظلمك واجو والكل يضحك ويصفك ويهلهل واني بالي يم حبيب عمري حمودي اسمع صوته يردد باذني يكولي
زفوج وامج هلهلت واني امي بالله توسلت بلكت ترد عافيتي
نزلت دموعي من عيني وعلا جانت واكفه بصفي واني كاعده عالتخم ارجف واشوف جاسم فرحان ويضحك ويهوس ويه جماعته.
علا: انتبهت على رفيف دموعها تنزل ومنزله راسها سوده عليت ياخاله كله من وره امج وظلمها ندري بيها ماقابله ومتريده بس منكدر نسوي شي هاي رحاب اذا حجت لازم يصير حق لو باطل لازم ينفذ ووكعت براس هالطفله هاي.
ربي يسعدج وكون يطلع ابن حلال طلعت انكلينكس من جنطتي ونزلت بمستوى رفيف ومسحت دموعها وكتلها لتبجين المكياج يخرب ووراج صور افرحي ياعمر خالتج هو انتي هاي خطوتين عن بيتكم وحتلكين حضن الحب بعد يااهل يابيتهم اضحكي ابنيتي اريدها بس تضحك وهي تبجي وترجف كوه سكتت.
جاسم: اليوم طبعا شعور مينوصف اسعد انسان بالدنيا واخيرا تحقق حلمي وحتزوج رفيف واكسر خشمها بس من اشوف دموعها تنزل انقهر عليها عيونها بيهن سحر بيهن حزن بيهن قهر من شنو مااعرف صار لازم نطلع لان ورانه تصوير وعشه للمعازيم لزمت ايديها هي اخترعت كتلها بهمس يم اذنها يلا حبي اشبيج اخترعتي لازم نروح كافي مامشتاق لحضن زوجج.
رفيف: هو يحجي واني كلامه ينزل عليت مثل الجمر بس مابيدي شي لازم اتعود. واتاقلم على حياتي الجديده صح مااحبه بس لازم انطي حقه كامل لان هذا زوجي وابو بيتي ابتسمت بوجهه
مو بعد وكت.
لا يلا كام وكف ولازم ايدي اني كمت وياه اشر للعزامع يطلعون هنا عرفت بعد ماكو اي امل او مجال هايهيه بعد كلشي راح انتهى مشواري كله وحعيش حياة زوجه واطفال وبس حعوف كلبي ومشاعري وحبي وذكرياتي كلها يم اهلي واطلع اطلع جسد وبس مشيت وهمومي تمشي كدامي مشيت لطريق ماادري نهايته تهلكه لو نجاح ووصول للهدف سلمت على اهلي وبوست بيبي وخلت فوك راسي القران فتت من جواه.
اني وجاسم واول مره اشوف ماما تتصرف تصرف صدمني حيل واكفه بالياب تبجي صعدتني بالسياره وسدت الباب وخلت راسها عالجامه مال السياره وبقت تبجي بصوت واني ابجي وكفت الزفه كلها تباوع على وداعنه نزل جاسم وحضنها وبوسها وجبرها تصعد ويانه بالسياره.
اني هنا فرحت حيل بقيت لازمه ايديها وهي هم ماهدت ايدي افترينه بالحله وفتنه على بيت محمد تمنيت اشوفه بالباب اودعه واكله حبيبتك راحت من ايديك بس ماشفته ورحنه اخذنه صور فماما قررت تصعد ويه الزفافه
كالت خلوني وياهم وانتو روحو رجعنه للبيت ولكيت كلها واصله قبلنه وذبحو جوه رجلي دجاجه وخلولي مي. بطاسه ولازم اخلي ينكب من الطاسه حتى يدخل عالخير قبل. دخولي للبيت.
إلى اول مادست عتبته حسيته سجني. وموتي ودخلونه والزلم كعدو بالصاله واحنه النسوان بالهول واحنه كاعدين سمعت هوسه بالمطبخ دزيت صديقتي وخالتي علا كتلها دااسمع صوت هوسه وشفت جاسم طلع من المطبخ يكفر وعصبي اني هنا جمدت بمكاني راحت خالتي علا ورجعت هي وخالتي صابرين كتلهم شكو اشوف خالتي صابرين مورثه وصايره اعصاب وهي خطيه حامل بشهر الثامن وبطنها واصله لخشمها سالتها اشبيها كالت ماكو شي بس اشوفها تحجي ويه خالتتي وتاشر.
ودخلت ام جاسم مطنكره مدري اشبيها وهذا جاسم طلع معطب هذوله اشبيهم.