رواية شهوات رجل ظالم للكاتبة زهراء أمجد الفصل الخامس عشر
كمت اني وراه هم سبحت اني والولد وبديت احظر العشه حتى قبل المغرب وخابرت ماما واتفقت وياهاحتى نروح بدون منتاخر دخلت للغرفه احظر ملابس للولد والي جان يدخل جاسم يصيح ويركع بالبيبان اني كمزت اريد افتهم شكو اشبي كتله اشبيك بس تصيح باسمي شكو شصار من الباب تصيح وتعيط باسمي فهمني اشبيك.
جاسم: ولج الحكيلي ظهري انكسر مات ابويه مات واريد السويج مال السياره حتى اروح واريد فلوسي بلحظه بعد مااشوف شي حسيت جبل ووكع على راسي اتهسترت اووف يافقد الاب اشكد صعب كلشي ولاابويه لو ميت اني ولاابويه كمت الطم وابجي واشوف رفيف تلطم على خدودها وتبجي ويايه
اوكف اخذني وياك.
كتلها واني داامشي خابري لبيت جدي وتعالي ورايه ويه اهلج وعفتها وطلعت اركض حافي شغلت السياره ورحت ركض مااشوف دربي صار الطريق عليا سنه اريد بس اوصل ليش بويه رحت وعفتني اني كله صوجي اشلون ارجع للبيت
لو باقي يمه شرجعني احجي واضرب بالستيرن مال السياره فقدت ماوصلت الا بطلعان الروح لكيت امي تبجي وادكولي
الحك اخوك للمستشفى ولك راح ابوك مات راح ابو البيت عافنه وراح.
طلعت اركض بدون وعي وصلت للمستشفى لكيت اخويه وجيرانه هناك تمنيت اني بحلم واكعد منه تمنيت الدكتور يطلع ويكول ابوك عايش بعده ركضت عالدكتور لكيتهم ماخذي للمجمده بين ميشرحو ويكملون شهاده الوفاه كمت اركض منا ومنا مااريد احد يشرح ابويه يمعودين اكرام الميت دفنه فدوه اروحلكم شرحوني اني بس مو ابويه وبعد ماجبت الف واسطه وهومه عدهم الدخوليه والخروجيه مال ابويه ماشرحو بس بقى بالمجمده لحد منخلص الاجراءات.
رفيف: خبر وفاه عمي اذتني حيل لان جان هو. الوحيد إلى دوم يسال عني ويتوادد ويايه وويه الاولاد لو ميته عمتي ولا هو خطيه رجال جان طيب وفقير وحنين كلش ميستاهل تكون عنده هيج اولاد وزوجه خابرت ماما ابجي وكتلها بالخبر واسمع صوت اهلي والصياح والبجي كتلها بسرعه تعالي حتى نروح كالت دقايق واني يمج حظري روحج وجيبي جهالج يمنه حتى نروح بدلت بسرعه لبست اسود واخذت الولد وطلعت تلاكيت ويه ماما بالشارع رحنه لبيت اهلي عفت يم خالتي زهره الولد وطلعت اني وبيبي وماما وخالتي غيداء خابرت على بيت جد جاسم وهم بده الصياح والبجي المشكله اني مااندل بيت عيالي بالضبط همزين ماما تندله وصلنه الهم بعد ماهم سالنه لان تيههنه بالفروع لكيت بس عمتي وجيرانهم.
دخلنه توقعت الكه صياح بجي كلشي مالكيت باب البيت مردوده وعمتي كاعده بالهول وصافنه سلمت عليها واخذت من خاطرها اني واهلي جان ادكول
ام جاسم: شجابكم زحمتكم اشلونج حجيه اشلونج ام رفيف والتفت على خاله رفيف كتلها انتي مو خاله رفيف كالت اي سالتني رفيف.
رفيف: اكلج خاله خلي نبلش نفرش وننظف لان باوعت بيتهم لكيته كلش وصخ وكله زعابيل استحيت من اهلي وخالتي كلت بكلبي شجاج مدكوليلي تدرين رجلج مريض غير تنظفين عفيه مره اشكد قذره كتلها خاله وين المنظفات والوصله والماسحه اريد غراض التنظيف حتى ابدي انظف العالم حتجي والبيت وصخ.
ام جاسم: اي صارلي اسبوعين مامنظفه ملتهيه بعمج مريض هسه انطيج كلشي كمت للحمام طلعتلها الغراض ورجعت للغرفه اقفل الكنتور خاف يروح شي وضميت الفلوس بالتنكه مال الدهن الفارغه جوه الدرج وخليت فوكاها غراض قديمه حتى متبين ونزلت الستاره مال الدرج ورحت كعدت بالهول يم النسوان.
رفيف: اباوع عالبيت منين ابدي بالله صدك جذب ادري بيت اشباح الله يهديج عمه هذا مال بيت صارله سنه ممنظف هسه انتي شعندج متنظفين اشو كاعده ليل ونهار صحت على حمايه كتله تعال شيل الجرابي وصعدهن للغرفه الفوك ونزلي المكناسه الكهربائيه من فوك وهاي الكارتون إلى مسوي على شكل سقيفه فوك باب الهول اشلعها يلا ويايه عالسريع وهو بده يفتح الجرابي ويصعدهن اني بلشت بالمطبخ اني وخالتي كله نظفناه بالمنظفات والعملاق وحكينه حتى الكاونتر طلعناه جديد وبلشت بالغرف الجوه نظفت غرفه عمتي ورجعت على غرفه حمايه شلت الستائر شغلت الغساله لان كلهن تراب وبيوت العناكيب وبديت النظف الجام لكيته كله سمنت سالت حمايه كال هذا من بنينه مانظفناه باوعته بالله زلم جنتو 2 ومره كعدتو ببيت مبني جديد مانظفتو الجام مالته كعدت احكه بالسيم والسجينه هلكت اجه جاسم لازمي منا ومنا جهه جيرانهم وجهه ابن خالته دخلو حافي وملابسه كلها تراب مبين جان كاعد بالكاع شافني حضني ويبجي اخذت من خاطره ودخلناه ليجوه وامه ولايمها الموضوع اهلي كاعدين يبجون وهي حايره بس تفتر وره جاسم تريد تشوف اجو عمامه وشكالو وشحجو بالله هاي مو فارغه اني محروك دمي على عمي وهي ابد مامهتمه دخلت سبحت لان مات بالبيت وهي صعدته وياهم للسياره وطلعت لابسه دشداشه جديده ومشطت وتعطرت ولبست ربطتها والعبايه وكعدت اني كملت الغرف وفرشتهن اهلي راحو المغرب خابرت عالولد كالو هذوله ديلعبون كتلهم اني باقيه يم عيالي وحدز جاسم يجيب الجهال بس ماما ماقبلت كالت فاتحه وصوت ويبو وهذوله مامتعلمين على صياح يخترعون عوفيهم يمنه اطمنت عليهم وسديته صليت وكملت بلشت بالعشه سويت للكل وهي حايره ادكولي هاي شوربه مالته مااكل منها ولا لكمه حرامات اذبها كتلها عمه هي شوربه لادهن وملح منو حياكلها وثاني شي محد يكدر ياكل اكل عمي الله يرحمه اباوعها رجعتها للثلاجه اني هم عفتها على راحتها صبيت العشه وفرشت السفره بالهول تعشو وكملنه شلت المواعين وغسلتهن ورجعت اكمل تنظيف الصحيات نظفهن حمايه وكملت فرش الغرف والهول وحظرت الستكانات والقواري والصواني لباجر ورحت عالمله جيرانه اني وحمايه حتى تجي باجر من الصبح واتفقت وياها ورجعت كمت شغلي باوعت صارت ساعه 12 ونص بالليل بس هلكت اريد اجر النفس ماكو جان يخابرون بيت جده وعمامه يكلوله الفاتحه نريدها بييتنه تجون يمنه هناك بالحمزه اهلنه وكرايبنه وكلها ملتمه امه ماقبلت وكالت اريدها بالحله وبقو يتعاركون والميت خطيه بقو بالمجمده بات توقعت ياخذو يبيتو بالجامع ويبقون يقروله قران للصبح شو ذوله عافو بالمجمده ورجعو واخير شي اتفقو فانحه الزلم بالحمزه وفاتحه النسوان بالبيت مالتي باوعت بالله اني منهم عليهم اني شنو مو عنده بيت استغفرت ربي ولميت الصواني والقواري الكبار وخابرت اهلي كلت لماما روحي قبلي احنه جايين والفاتحه ببيتي هي هم ماحجت شي رجعت اني وعيالي لبيتي ونزلت الزوالي وشلت التحفيات اني بيتي نظيف مابي شي بس لكيت ماما لامه التحفيات لان خاف ينكسرن وشايله الاجهزه إلى عالكاونتر الخلاط والطاحونه وهذني السوالق مصعدتهن بالغرفه الفوك وغاسله الطرمه نزلت الزوالي وفرشت انس وحمايه وشلت التخم مال الهول كترته وغسلت الصحيات ولو هنه نظيفات بس احسن وفرشت لعمتي ولحمايه بالصاله باوعت صارت ساعه 3 بس شصار بحالي عمتي نامت من الوحده وبقيت اني اكمل شغل ويه حمايه وجاسم هم دخل نام عال2 كملت كلشي ودخلت سبحت طلعت مشطت وحضرت ملابسي للفاتحه وحظرت ملابس لجاسم صارت الاربعه جاسم كلي كعديني بالاربعه ونص حتى بين ميتجمعون بالمستشفى ويطلعون عالسبعه جنازه اجيت اريد انام من التعب ماكدرت انام صوره عمي مدتروح من بالي البارحه العصر شفته يضحك وكاعد عالجربايه اليوم هو بالمجمده عمي الوحيد من اهل جاسم احبه لان كلش جان خوش رجال ويحبني ويحب جهالي وميقبل على تصرفات ابنه بس ميكدرلهم بقيت اذكره وابجي وحدي.
بقيت كاعده بس اريد عيني تغمض ماكدرت ابد رغم ماكلهم نامو واني جنت ميته تعب بس ماغمضت عيني صارت وبالاربعه ونص كمت كعدت جاسم هو واخوه وكمت سويتله ريوك ماقبل ياكل كوه جبرته شرب جاي واكل لكمتين و كال مااشتهي راح للغرفه بدل و طلع هو واخوه رجعت ردت اناملي بس ساعه عيوني كامت توجعني بس مااكدر انام كوه غفيت كعدت ساعه سته ونص كمت صليت وحميت الجاي وطلعت اجبان وخبز وحظرت ريوك كعدت عمتي ودخلت سبحت من جديد كالت قبل ليجن النسوان اباوع عليها ولا مهتمه كملت الريوك وخليته بالصينيه وجبتها كدام عمتي حتى نتريك جان يتصل جاسم.
جاسم: خابرت رفيف اريد اطمن على امي خاف يصير بيها شي وره ابويه منو عدنه بعد غيرها سالت رفيف كعدت سوت ريوك كلتلي هاي كعدنه وعمتي سبحت وطلعت ومابيها شي ليظل بالك وكاعدين دنتريك اني وياها وسالتني وين هسه احنه كتلها اخذناه من المستشفى وطالعين بي للنجف نغسله وندفنه ونجي كتلها اريد امي انطت الموبايل لامي سلمت عليها واطمنت على صحتها وسديته.
رفيف: خابرني جاسم خطيه مقهور على ابوه وكلبه يم امه حسباله مقهوره ميدري هي كاعده ومو يمها السالفه دمعه مانزلت من عينها صارت ياعه سبعه وبدت العالم تجي اهلها وخواتها وكرايبها اجو من النجف ومن الديوانيه واهلي هم اجو لل8 اجتي الملايه والعالم كلها بدت تلتم علينه واني دمعتي مانشفت كاعده واشوف عمي بيناتنه اشلون كاعد ويحجي ويايه قبل ليموت اوووف ياعمي لو ميته عمتي وحمايه ولا انت هو انت الوحيد إلى تحن عليا ورحت استغفرت ربي وكمت خدرت جاي وبديت اساقبل العالم واصب الجاي استلمت المطبخ اني وبدت الفاتحه واني كلشي مافهمت ياكايمه ياكاعده بس اسوي جاي واحظر الصواني وصواني المي واجو عمات جاسم من بغداد وصار البيت مالج محط رجل ماما خلصت الفاتحه راحت كالت حروح اطبخ للغده لان هذوله شراح ننطيهم كالت اكمله واجيبه بالكدور كامل بس تصبون هنا حتى ميصير بالبيت ريحه اكل اني هم ماكلت لا اقلها اخلص من فقره الطبخ لان مالحك هم انظف وهم الجاي والمي وكلشي يردون يصيحون رفيف لان ميندلون كلشي احس رجليا صارت خيوط واني مانايمه بالليل صار الظهر وخابرت ماما كالت كمل الغده وبديت اني والبنات كرايبهم ننكل الاكل جبناه كله للبيت وبديت اصب اني وماما وخاله جاسم هم شاطره وتركض ويانه كملت السلايط واللبن وطلعتلهم المواعين لان ميندلون ومدينه السفره بالهول سوت ماما دجاج عالتمن ومركه باميا وطرشي وخبز وخضروات خطيه طبخت عالسريع لان حتى بعدنه ماجايبين مسواك للفاتحه المهم الحمد لله غدينه العالم الموجوده وكملنه لميت السفره وبدت النسوان تنكل المواعين واني وخاله جاسم نغسلهن خدرت جاي عالسريع وبدت ناس تشرب جاي وناس صلي اجو الجنازه من النجف ميتين تعب ابلوع جاسم كله تراب ويبجي على ابوه كسر كلبي رحت يمه واسيته وبوسته وصبرته سديت عليهم باب الصاله وصبتلهم الغده اكلو وكملو وسبحو وصلو وطلعو للفاتحه بقى بس حمايه كال جاسم بقو يمكم خاف تردون شي حتى ادزو ومشت ايام الفاتحه 3 ايام اني هلكت بيهن لان كرايبه كلهم بغير محافظات وكلها بابته يمنه وفرشي ولمي وتنظيف البيت والهوسه مال الفاتحه واللطم هلكت بس ماحجيت لخاطر عمي خطيه محد عنده يوكفله وعمتي ملتهيه تسولف بحيث حتى من يطلعن النسوان ادكول فتحو التلفزيون متابعه مسلسل اني بس اباوع معليا مااحجي وقررو يسوون سبعه هم وهم الهوسه على راس رفيف وفضت الفاتحه والسبعه وبقى كل خميس نسويله عشه بثوابه ببيتنه ونعزم زلم من المنطقه من غير النسوان إلى ماكطعت الرجل علينه واني هم عندي اطفال 2 وهم البيت كله على راسي بحيث انام بال2 اكعد بالسته لان حتى اريك الموجودين وارتب كلشي والي زاد الطين بله بده الدوام يعني لازم كلشي احظره من الليل قبل لاانام واكعد من السته اسوي ريوك وابدل واحظر الجاي خاف احد يجي ومتفقه ويه بيبي تجي يم عمتي لان هي عدها عده وجاسم عنده دوام وحمايه مترهم يستقبل النسوان فخطيه كل يوم بيبي تجي عالثمانيه الصبح تبقى يمي لليل يالله تروح توسلت بيها تبات بس ماقبل ادكولي يمه مكاني يتغير مااكدر انام بقيت على هذا الحال للاربعين وهم انعادت الهوسه بس هالمره صارت فاتحه الاربعين يم اهلي للزلم والنسوان عندي والطبخ هم يم اهلي لان بيت اهلي جبير وبيتي صغير وقبل يوم بلشنه بالحلاوه والخفيفي وسويتها اني وماما وبيبي وكلمنه وبدت ماما تصب واني اخلي خفيفي عالمواعين كلمنه صب وبديت اوزع انكسر ظهري شايله الصينيه اني وحمايه ونفتر بالمنطقه ماخلصت الا بطلعان الروح صار المغرب حظرت العشه وكملت تعشينه وغسلت المواعين ودخلت سبحت لان كلي طبخ بحيث كمت جفي اريد احرك جسمي مااكدر كعدت الصبح بالسبعه سويت ريوك للكل وكملت هوسه الريوك نظفت عالسريع رحت لاهلي ساعدتهم وكملنه الطبخ بقى بس الخفايف ونظفنه الهول والصاله مال اهلي وفرشناهن ورتبنه كلشي وجبت الغده للنسوان اليمي ورجعت لبيتي صبيتلهم غده صاحوني عالغده اسمع عمتي ادكلهم لالا خلوها تاكل بالمطبخ شعدها تاكل ويانه باوعتها بالله شحجي وياها هم بيتي وهم هيج تحجي صبرت اكري لله لخاطر عمي مو لخاطرها وكلت مااريد مشاكل العالم مهما يكن يحجون عليا اعتذرت منهم وكتلهم البيت بيتكم اني حامل بالمطبخ ويه بت خالي لان تستحي تاكل هنا وكعدت اني وبت خالي هم خطيه جانت مخطوبه واتاجل عرسها من وره الفاتحه وهم كابلتني ماعافتني هي واختها وامها من غير ازواج خالاتي وجدي وخوالي وعمامي كلهم بفاتحه الزلم ورايحين ورادين وخالاتي والنسوان كرايبنه كلهن اجن وبدت الكعده مال الاربعين واني مالي حيل الطم من التعب بحيث كاعده عالدرج بس ابجي كلش تعبانه وراسي يموتني من الارهاق صارلي اربعين يوم بس شغل لانوم ولااكل ولاراحه بس يالله كضت هي شدتها بس اليوم وخلصت الكعده وبديت العالم تروح وناس بقت عالعشه خابرت لحمايه يجبولنه عشه للنسوان وجابو كامل بالمواعين بس مديت السفره وبديت اصفط تعشو وكملو لميت السفره وبلشت بالمواعين اني واخت جاسم إلى اصلا عايشه يم بيت جدها من اول ماانولدت بحيث ولاكانهه ابرها الميت كانهه رجل خالتها حتى اخذت من خاطري اول مااجتي كملنه المواعين ونظفت المطبخ وسويت جاي طبعا صرت كهوجي خلال هاي الاربعين يوم وفضت الفاتحه كلها واجوي الزلم وفرشت للكل الزلم بالصاله والنسوان نص بالهول ونص يم اهلي لان ماعندي مكان واني جاسم والجهال وعمتي بغرفتنه وبقينه للوحده يالله نمنه سوالف وضحك ولا ادكولون اربعين اعتقد معزومين على عرس بس اني مقهوره هذوله اشبيهم هيج ماادري ميتهم ولا عزيز كعدت ثاني يوم بالخمسه حتى نروح للنجف جاسم ماقبل اروح كال تبقين يم امي لان مراح تروح عدها عده كتله تلبس بوشي وجفوف وهي سياره من الباب للباب بس ماقبل وكال حتى مكان ماكو ماناقشته سويتلهم ريوك اكلو قليل كالو منشتهي ودعتهم وراحو كمت لميت الفراش طبعا نصه مال اهلي عزلته حتى اودي لاهلي وهمزين بقى ابن خاله جاسم مراح للنجف حتو يساعدني وسويت ريوك الس ولعمتي ولابن خالته كعدنه اكلنه وكملنه لميت المواعين وغسلتهم وبديت ارجع التخم اني وابن خالته محمود جان حباب ومرتب وميقبل على تصرفاتهم ورادت ام جاسم تنطي بتها اله بس هو جان يحب وحده يكولي بيت خالتي واعرفهم لااريد انطيهم مره ولااخذ منهم مره خالتي مينبلش وياها رجعنه التخم اني وياه ووده الفراش مال اهلي كله بسياره جاسم نكله خلصني منه طبخ عندي مال البارحه زاد كومه اكل كلت بس يجون احمي عالسريع بس اسوي سلاطه بين ميصلون حتى اصبلهم خابرت جاسم كال كلهم مناك راحو محد حيرجع بس اني وعمي ومرته اني هم كيفت مالي حيل بعد انهد حيلي فاتحه كلها دكت على راسي وراس اهلي اجوتوسلت ببيت عمه ماقبلو يبقون عالغده شربو بس جاي وراحو جاسم كتله ادخل اسبح بين مااحمي الغده طلع من الحمام صبيت الاكل تغدينه وكملنه جاسم راح نام وكال ساعه وكعديني ومحمود وحمايه هم نامو اني غسلت المواعين ورتبت الهول خاف احد يجي العصر وكعدت يم عمتي كتلها.
اكلج عمه ابقو هنا منا لحد متخلص العده شعندج رايحه هناك وحدج ثائر ابنج يطلع قابل يبقى محبوس بالبيت وانتي ميصير تبقين وحدج هم تضوجين عاد هنا اني واهلي والجهال كلنه يمج اشويه بين متتعودين على فراك عمي هم تبقين وحدج هناك اكو غير بس تبجين
ام جاسم: لااروح لبيتي هناك جيرانه هم يردن يجن صديقاتي اني هم اريد ارتاح شعندي باقيه.
رفيف: عمه هسه اني اجه احد وكتله لتجي او طردته هلا باليجي عين غطه وعين فراش البيت مفتوح للكل وانتي هنا منو مامريحج شعدنه قابل هو جاسم ابنج واني هم بنتج ابقي وعود وره متخلص العده رجعي
ام جاسم: لا اريد اروح والجيران ميكدرن يجن هنا الطريق لازم الاتكسي والعالم شعدها كل يوم تنطي تكاسي.
رفيف: ها لعد عمه كل يوم احي يمج اني الظهر وره الدوام وابقى لليل والصبح ثائر يمج ميطلع بين متخلص هاي الفتره شكلتي لو بقين هنا
ام جاسم: لالا شعندج جايه اني ماعندي شي وهو هم حبقى هنا.
رفيف: عفت عمتي ورحت سبحت وبدلت وحظرت الجاي للعصر اجتي جيرانه متدري بالاربعين البارحه واجتي ماما هم بقت للمغرب وراحت كالت اذن اروح اصلي بقينه اني وعمتي وماما وهم انفتح نفس الموضوع واتفقنه تبقى يمنه لحد متخلص العده وراحت ماما توسلت بيها تبقى عالعشه بس ماقبلت وصلتها للباب ورجعت بلشت بالعشه وعمتي دخلت للصاله تصلي اجه جاسم
جاسم: هلو رفيف شكو ماكو لعد وين امي.
رفيف: هلو جاسم عمتي بالصاله دتصلي تدري بيها متحب تصلي غير بالصاله دفوت بدل وارتاح وهسه حكمل العشه بس خابر لثائر خلي يجي وينه شو طلع من العصر ولسه مابين.
جاسم: هذا بالباب واكف يم جماعته رايح اشوف امي وانتي كملي على راحتج بعد وكت دخلت للصاله واشوف امي تبجي سلمت عليها واجيت كعدت يمها بالكاع اووف يايمه ادري بيج فراك ابويه صعب عليج بس هذا امر الله كافي ياعيني عيونج راحت من البجي هي تبجي واني هم ابجي بقيت اصبر عليها وكتلها يلا رفيف دتسوي عشه كافي بجي حتى نتعشه جان ادكولي
ام جاسم: اني مااريد عشه كوم ودينه لبيتي مااكدر بعد اتحمل وابقى.
جاسم: ليش يمه شصاير شعندج هناك وحدج اقلها هنا رفيف والجهال واهلها هناك شعندج
ام جاسم: بعد مااتحمل صارلي اربعين يوم كومه صابره احسب يوم يوم اشوكت تفض الفاتحه وارجع لبيتي مرتك تكوم وتكعد تصيح اشوكت الله يخلصني ويفرجلي كوه تحملت هذني الايام لخاطرعزه ابوك مينكسر بس كافي تذل بينه مرتك هاي لان بيتها هيج تسوي ابجي واحجي وهذا جاسم شفته كمز واني بكلبي اكول حيل عساج بالموت يرفيف.
جاسم: اني اشوف امي تحجي وتبجي واني فار دمي لو بايدي اكطعها لرفيف ولج رفيف اني اعلمج طلعت من الصاله وركعت الباب حيل وصحت رفيف ولج وينج رفييييف
رفيف: واكفه عالطباخ مااسمع الا صوت باب الصاله انركع وجاسم يصيح رفيف رحت ركض حتى بدون مااطفي الطباخ كتله ها جاسم اشبيك شكو عمتي بيها شي.
جاسم: اشلون اطردين امي من البيت شفتي ابويه مات ومالنه بعد ظهر تلعبين هيج لعب بينه ولج بعدني مامتت وانتي هيج تهنين امي ولج ليش هذا كله لان كاعدين ببيت باسم امج هيج تسوين بس لا رفيف كلشي ولاامي امي خط احمر واجيت ردت اضربها خلت ايديها على وجهه تريد تحمي روحها وكامت تبجي.
رفيف: هو يحجي واني دموعي تصب عشره عشره على خدودي ليش عمه مو خدمتج صارلي 40 يوم حتى ملابسج وعباتج اغسلها اكول خطيه اجه جاسم يريد يضربني شلت ايدي احامي وجهي كتله بصياح وبجي والله جذب وينها امك اشوكت طردتها هاي مجازت إلى خدمكم مو صارلي اربعين يوم حالي خال الجلب بس اكرب واشتغل هاي ايديا خربت من الشغل والتنظيف ولك عيوني صارت بحفر سوده من كثر السهر والارهاق تالي اطلع اني طاردتها وجان رحت للصاله لكيتها كاعده بالكاع وتبجي كتلها عمه مو عيب عليج رجلج بعده دمه مانشف وانتي تجذبين متخافين الله وين لكيتج وطردتج مو حتى اليوم كدام ماما اتفقنه تبقين هنا وكلتي جيراني هناك كتلج هلا باليجي احجي ليش ساكته هاي جزاتي فتحت بيتي وبيت اهلي ووكفت بالفاتحه طول وماخليت نقص شعرايه تاليها اطلع طاردتج روحي عمه تعبي كله لخاطر عمي والله حرامات يروح جوه التراب عفتها ورجعت للمطبخ لكيت الطاوه محتركه ذبيت الاكل وطفيت كلشي ونظفت حتى عشه بعد مالي واهس اشتغل وابجي ليش هيج حظي ماكاعد حتى ويه عمتي حسبي اللع ونعمه الوكيل اباوعها اخذت الصواني مالتها وجنطه ملابسها والاستكانات خلاهم حاسم بسيارته وراحت هي وحمايه وصلهم ورجع واني كاعده بالمطبخ ابجي على حظي وتعبي.
جاسم: ادري برفيف متجذب ومستحيل تطرد امي واني كلها ادكول بالفاتحه هنيالك على هيج مره وحتى عماتي والبنات كرايبنه كلها تحمد برفيف بس الله يسامحج يمه شجاج هلكد تكرهين رفيف حتى وانتي حزينه هم تضوجين منها هسه اذكري موقف سوته الج زين اسوق وبالي يم رفيف خطيه صارللها اربعين يوم تكرب وكلشي صار فوك راسها تاليها هيح تتجازه نعلت الشيطان ورصلت اهلي وسلمت وبوست راس امي ووصيت اخويه لان هو صار ابو البيت ورجعت لبيتي لكيت رفيف دتوكل الجهال ودموعها على خذها جنت ناري من ارجع اراضيها بس ماادري بس اوصل يمها احس شي بداخلي يكولي عوفها يطبها مرض واذا مازعلت من ابتعد عنها اشتاقلها بس من تصير كدامي انفرها.
رفيف: دخل جاسم سلم وكعد يم الولد رديت السلام كتله تريد عشه كال مااشتهي كلت بكلبي بعد احسن كملت اكل الولد وكمت غسلتلهم وبدلتلهم وحظرت ملابسي وملابس حمودي لان هالسنه اول وهذيح الفتره كلها هو يم اهلي وماما مبتليه بي درسنه اشويه وكمل واجبه وهو هم جان حافظ كلشي من العطله اني مدرسته حبيب امه ولا يشلع كلبي بالدراسه كملت كلشي وكتله لجاسم يلا متنام كال لا اني حنام بالهول عادي رجع جاسم مثل سابق عهده ينام بالهول اخذت جهالي ونومتهم بالغرفه ونمت وكعدت الصبح بدلت لحماده ودزيته بايد جاسم لماما حتى يروح وياها وراها بدلت اني واخذت ميمي وديته يم بيبي وطلعت للكليه ومرت ايامي عاديه ماكو شي جديد مشاكل جاسم بدت ترحع مثل قبل اهله بعد ميحجون ويايه وجاسم اسبوع يم اهله وساعه يمي اني تعلمت على غيابه صار وجوده بحياتي شي ثانوي رقمه إلى اعرفه غلقه واخذ رقم جديد كام بعد اصلا ميحجي ويايه ومن يجي يبقى يم ولده اشويه ويروح واهلي دوم يلحون ليش مااسوي طفل اني اضحك عليهم واكلهم من اكمل كليه ميدرون اني وجاسم صرنه اخوان من جنت بصف ثالث اصلا نسيت اني متزوجه كرست وقتي لدوامي ودراستي ودراسه حمودي وميمي بده يكبر ومشيته طبيعيه الحمد لله والشكر بس يتعب بسرعه ومن واحد يحاجي يكوله والله اني رجليا مريضه عندي مفاصل طبعا ميمي عندي وكح وماخذ شخصيه ماما نفس الصلافه والعناد وتفكيره بس بالفلوس ومينغلب وهم يحجي هواي حمودي سوده عليا شخصيه بابا حنون وكلبه طيب بس عنده اشويه اسلوب استفزازي مثل ابوه.