رواية شهوات رجل ظالم للكاتبة زهراء أمجد الفصل الثامن
جاسم: خابرت بنص الليل طلعت ادور على تكسي ماكو وجان حظر تجوال والوضع كلش تعبان تلكوني الشرطه كتلهم بان زوجتي عدها ولاده نادو عالاسعاف واجوني عالسريع اخذتهم ورحت لبيت اهل رفيف حتى ناخذها وجانت تعبانه حيل ومتكدر تمشي صعدتها هي وامها وبيبيتها وكتله لابو الاسعاف ياخذنه لبيت الممرضه بالبدايه رفض وكال هاي مسؤوليه ومترهم بس ام رفيف قنعته وانطته فلوس فقبل وصلنه لبيتها ودخلت رفيف واهلها واني بقيت بالحديقه واسمع صوتها وبجيها واني بقيت ابجي عليها خطيه اسمعها تتمنى الموت ولا هالوجع ربي سهلها يتيمه وماعدها احد وتكسر الخاطر وبقينه ننتظر لحد ماصارت الساعه بالسته الفجر يالله ولدت رفيف وطفل يخبل بيوم 9/6/2007 وجان هذا يوم مميز بحياتي.
رفيف: بقيت اتوجع وتجيني الطلوكه وجان كل ما يمر الوقت يزيد الوجع اكثر وبقيت لحد السته وجان اسمع صوت بجي طفل وكامو يصيحون صلوات ويباركولي درت وجهي عالممرضه كتلها شوفيلي الطفل كامل مابي شي
ياماما ولد ويخبل وكلشي مابي هسه انظفه وانطي لج حتى تشوفي.
حمدت ربي وشكرته على هالنعمه اول مره افرح هيج فرح جنت اتمنى بابا موجود ويحضنه ويكبر باذنه نزلت دموعي بس هالمره دموع فرح مو دموع حزن اخذت ابني من الممرضه وحضنته وشميته فديتك ياروح امك اشكد اتاذيت وتاالمت بس من شفته وحضنته كلشي نسيت.
وكلشي راح انطيته لماما وطلعت بي لجاسم حتى يشوفه ويكبر باذنه الحمد لله والشكر ربي عوض تعبي وحزني بهالطفل إلى احسه حيكون بدايه حلوه بحياتي رتبت وضعي الممرضه وكالت ابقو ساعه يالله تطلعون وعافتنه بالصاله مالتها وراحت دخلت لبيتها ليجوه.
وماما طلعت صاحتلي جاسم لان جان يلوج بره دخل سلم عليا وباركلي وتحمدلي بالسلامه كتله جاسم واخيرا صرنه عائله كامله ادعي ربي يستر علينه ويحفظ هالطفل النه ونشوفه باحسن حال بوسني وكال امين وخلصت الساعه وطلع جاسم اجرلنه تكسي ورجعنه للبيت ساعه 8 الصبح تقريبا تعبانين ومانايمين البارحه بالليل راح جاسم بسرعه للبيت جاب الكريكوت مال الطفل واجه وراح جاب ريوك كيمر وكاهي اول مره اشوف جاسم هيج يضحك وفرحان سبحت ماما الطفل واتريكنه وكملنه كتله جاسم روح للكليه على مود اجازتي باجر عندي امتحان طبعا لازم مدوم فرحتي وهم حطلع اكمال لان صارت ولادتي بالامتحانات اوووف ياربي ليش هالكليه هيج تعروجت عليا ماادري ليش النحس دومه متلتزم ويايه.
وطبعا راح جاسم والمشكله لازم اجازه طبيه يالله يتاجل واني ولدت بالبيت يعني اشلون ادبرها وبعدين بالواسطه والفلوس دبرت الاجازه واجلت الامتحان لان جنت بيومها.
صارلي يومين من ولدت وبيوم ماولدت جنه ملتمين كلنه بالليل حتى نختار اسم للطفل جاسم كال الولد رفيف تسمي والبنيه اني اسمها اني كيفت ماصدكت طبعا ماما كالت نسمي تيم او ريان وخالتي كالت علي وبيبي رادته هم علي اني رفضته وكتلهم اسمي محمد ماما انتبهت عليا كالت
لا نسمي تيم.
لا محمد واني عاجبني هالاسم بوقتها محد كدر يعارض وجاسم فرح بهذا الاسم لان نفس اسم جده وهو يحبه فرح وماحجه شي بس ماما بقت تعوج بحلكها وماعجبها الوضع لان تدري اني على منو اقصد صح تفاركنه بس بعدني احبه ولازم ارتبط بي بجنسيه وحده ويبقى اسم بيتنه باسم محمد
وبده حمودي يكبر واني يوم عن يوم اتعلق بي اكثر ويدت حياتي تتغير وصار عندي امل اعيش لخاطره اشوف بي حبيبي وابني وثمره تعبي.
ومعاناتي بكل هالحياه وصار عمر حمودي اسبوعين وطهرته صح ماسوينه هوسه وخبصه بس جانت فرحه وخلصت من هم جبير بس بيومها اتخربطت وبقيت للصبح اذب من راسي واحس بطني دتموتني ومااعرف ليش كملنه الطهور وعفت اهلي كلهم بالبيت واخذني جاسم للدكتور جان يوم جمعه.
وكال ماكو شي مجرد خربطه بالامعاء انطاني علاج وابر ورجعت لكيت البيت هوسه وعمتي زعلت ومااجتي للعصر واول مادخلت كامت تحجي وادكول اشلون طهرتو وانتي متخافين ابنج يموت وجيرانه طهرو هم 2 وماتو.
خلتني صرت نار وكمت ابجي عافتني وطلعت ليش تسوي هيج حته بفرحتي تنكد عليا ابيش طالبه ابني يموت مر اليوم عادي وناس طابه طالعه يباركولي على طهوره ويتحمدولنه بالسلامه ومرت الايام بس إلى صار اني بدت صحتي تتعب حيل وكل اسبوع اتخربط واتاذه وراجعت اطباء كومه كل واحد يحجي شكل اخير شي رحت لطبيب وجان تشخصيه صدمه حياتي
الدكتور: بابه انتي عندج حصو بالمراره ولازم ادخلين عمليه فورا لان خاف تتازم عندج الحاله.
رفيف: كلي هيج اني كمت ابجي وكتله دكتور فدوه كلشي ولا العمليه اني وضعي تعبان وعندي امتحانات دور ثاني مااكدر واني ماصارلي شهر من ولدت فدوه ماكو علاج او اي شي يعالج الموقف
الدكتور: للاسف ماكو اي علاج غير العمليه اتوكلي بالله وهاي دخوليه مستشفى وبس تقررين اتصلي عليا حتى احددلج الموعد بس كلما استعجلتي احسن الج.
رفيف: يحجي واني دموعي مانشفت هم حرجع للعمليه والوجع تعبت والله ليش ياالهي ليش فرحتي بابني مادامت انوب صحتي خربت طلعت من الدكتور واني ابجي وبيبي تسكت بيا اتصلت على جاسم كتله هسه تجي وضعي تعبان.
جاسم: خابرتني رفيف تبجي رحتلها عالسريع اريد افتهم اشبيها وصلت يمها لكيتها حالتها حاله تكسر الخاطر وبس تبجي اريد افتهم شكو بعدين افتهمت من الحجيه السالفه كلها اخذتها من ايديها وكتلها كومي للبيت وتنحل ان شاء هذا قدر رب العالمين منكدر نسوي اي شي قدرج هيج
رفيف: يحجي واني دااموت ويني ووين القدر مو تعبت ومليت والله المرض اخذ من حيلي حيل ليش يالهي شمسويه وهيج يصير بحالي تعبت والله.
اشلون بيا خاف اموت وحمودي منو اله بعدي وشنو شاف مني هالطفل بعده ماعرفني ولا شبع من حناني ولا شبع من كلمه ماما ربي انطيني الصحه لخاطر هالطفل رحمتك ياالهي اخذني جاسم واجرنه تكسي وللبيت وصلت لكيت ماما وخالاتي منتظريني كلهم كتلهم لازم عمليه مترهملي اي حل ماما بسرعه ضغطها ارتفع
والكل كام يبجي ويلطم وانثبرنه وقررت مااسوي العمليه كتلهم شيصير خلي يصير عمليه مااسوي وكلها حاولو يقنعوني ومافاد.
اخذت ابني وحضنته ودخلت بالغرفه اباوع لحمودي اشلون يلعب ويناغي وصوته وعطره يخبل ربي لتحرمني منه ولا تحرمه مني بقيني يالهي لخاطر هالطفل إلى ماله اي ذنب اشم بي وابجي ونفاسه بركبتي ويلعب بوجهي بايدي الصغار إلى تخبل اووف ياريحتك جنها ريحه الجنه.
اندعيلي ياروح امك لخاطر برائتك وطفولتك عد رب العالمين تمر هالمصيبه واكوم منها بالسلامه ومرت الايام وطلع اربعين حمودي ووضع زاد سوء كمت اتخربط كل يوم والاكل كله قطعته شااكل اذبه واتخربط تعبت حيل
وحمودي هملته لان بعد مااكدر اشيله من الوجع سكنت الفراش عفت بيتي بقيت مقيمه يم اهلي لان ماعندي احد هناك يداري ابني.
اباوعله بايد خالتي وماما اشلون بده يكبر ويلعب اوووف اشكد مشتاقه اسهرلك واشيلك وارضعك واناغيك انومك بحضني والعب بشعرك ربي رحمتك ياالهي شافيني لخاطر هالطفل هذا.
والله اليتيم محد بحاله كلت لخالتي تنطيني حمودي تخلي بصفي عالفراش اريد اشتم عطره اريد احضنه واعوضه حنان الام إلى افتقده من اول اسبوعين من عمره بقيت احضن بي وابجي وهو يباوع عليا ويلعب بوجهي ويضحك ويضم راسه بصدري عافته خالتي يمي وراحت بقيت ابجي واشهك ودموعي كامت تنزل عليه اباوعله احسه يعاتبني بعيونه احس بي يريد يكولي ماما احبج ومحتاجلج لتعوفيني اجتي ماما دتاخذ حمودي مني شافتني ابجي.
رحاب: مو كافي بجي يابتي والله كطعتي كلبي ومرتيني مرد ليش هيج ياامي دسويها وخلصي منها هسه اني مو سويتها وهاي كدامك مابيا شي واني وضعي يختلف عنج وعمليتي تختلف هسه الطب اطور ويسوها الج بالناظور ومتتاخرين
كتلها مااسويها او اعرف اموت اخذت حمودي وراحت بقيت اني وحدي بالغرفه الوج.
ومرت الايام والالم ديزيد مينقص لحد ماوصلت مرحله اتخربطت من العصر لثاني يوم الصبح اني ماهدئت ولا ثانيه طلعو بيا للدكتور وهمزين هم جان يوم جمعه فحصني الدكتور حولني بسرعه سونار.
وكال وضعج حرج جدا ولازم هسه عمليه واحتمال تنفجر منلحك عليا مروتك دكتور سويلي عمليه بعد مااتحمل الوجع ذبحني اخذوني عالسريع للسونار وجان ازدحام حيل بس الدكتور اتصل عليه قبل لنروح فدخلوني بسرعه وجانت حالتي خطره حيل كملت السونار بسرعه للمستشفى
وجانت مستشفى الحياة جديده بعدها وعليها لود كلش قوي لان جانت نظيفه وحديثه وبقت ماما تتوسل بالاستعلامات حتى ينطوني مكان لان جانت كل المستشفى محجوزه...
وعالم هوسه نيموني بالاستعلامات بين مادبرولي غرفه خطيه جانت لرجال مسوي عمليه لعيونه طلعو وره ساعه اني دخلوني للصاله وغرفه ماعندي طبعا الاحداث رغم سرعه الوقت بس جانت تمر عليا كانهه سنين دخلت ابجي وافكر بابني إلى عفته مااريده يعيش بدون ام
ربي انطيني العمر لخاطره الهي رحمتك وسعت كل شي بس لخاطر هالطفل بقيني ربي ماعندي غيرك بابا فدوه اروحلك اوكف ويايه وكومني بالسلامه لخاطر حفيدك.
بابا اني وحيدتك وجبت العمر كله قهر بقهر فرحني وكومني بالسلامه بقيت ادعي وابجي لحد ماتبنجت وماحسيت بعد بشي غير اني بغرفه وكل اهلي يمي اول ماصحيت ردت بس اشوف حمودي اريد احضن وليدي وحبيب كلبي ورفيق دربي اصيح بس صوتي كوه يطلع تمنيت يفتهمون اني شنو دااحجي بس بسبب البنج ميطلع صوتي.
ومااكدر احجي بسهوله صحيت بعدها ساعه وصارت الدنيا ليل وخالاتي رجعو لبيوتهم بعد مااطمنو على صحتي بقت يمي ماما وبيبي وزوجه خالي الصغير وام جاسم طبعا اجتي اشويه وراحت بحيث ماحسيت عليها من اجتي هي وابوه وصيت ماما ترجع للبيت تبقى يم حمودي لان ماامن اتركه يم احد خاف يبجي بالليل وميحسون بي بس ماما اعرفها اداري وتحبه وبقت يمي بيبي وزوجه خالي.
بالبدايه ماما ماقبلت تروح كالت ابقى بس بعدين توسلت بيها لخاطر حمودي راحت اخذها جاسم وراحت بقيت اني الوج من الوجع بده البنج يروح والاوجاع تزيد طلبت من زوجه خالي تاخذني للحمام.
ام علاء: اي خاله هسه اكومج تدللين بس خلي اسال الممرضه او اي دكتور واجيج رحت اشوفلها احد واساله وكالو اي ميخالف بس لازم تمشي بهدوء لان خاف يفتح الخياط وخاف ادوخ وتوكع رجعت لرفيف وكومتها على كيفي وهي تلوج بس تختنك كل اشويه الحجيه اشوفها نامت تشخر هههههه هسه هاي محسوبه علينه وكاضيتها نايمه اخذت رفيف ورحت للحمام جان ادكولي
رفيف: خاله هاي شنو اعتقد اجتني الدوره شنو هالدم هسه هاي وكتها.
ام علاء: ميخالف بتي هسه اغسلج اني واروح اجيبلج من الصيدليه واجي مااتاخر غسليلتها وجهه ورجليها ونشفتها ولبستها ورجعتها لفراشها وعفتها ورحت للصيدليه جبت الشغلات إلى تحتاجهن ورجعت بدلتلها ونومتها اشوفها تلوج خطيه وكل اشويه وكالت هسه حمودي اشلون بي اشتاقيتله ياروح امك اوووف يارفيف حتى وانتي مريضه همج ابنج شكو عليه ياعيني اكيد امج متعوفه قابل تعوفن يبجي وتنام.
رفيف: لا طبعا متعوفه بس خاف متحس عليه هسه غير يجي الصبح حتى ارجع للبيت اكلج خاله هاي الصونده اشوكت يوخروها كل اشويه انلجم بيها هسه مو كتله للدكتور وكال ماكو صونده ليش خلاها والله ذبحتني.
ام علاء: ميصير خاله لازم صونده وثاني شي تعلمين الدكتور بشغله هسه باجر الصبح يوخرها وترتاحين يلا حبيبتي نامي وارتاحي كالت اي بس اشوفها تلوج وكلما تريد تنام خطيه يجون الممرضات على مود الابر والعلاج والمغذي وترجع تكعد وتبدي تلوج وللصبح مانمنه اخر شي ساعه سبعه دكو الباب تنظيف الغرف كمت كوه اباوع من النعسان وخطيه رفيف بعدها تلوج بس تكابر بكلمه مابيا شي.
وميوجعني شي واني اشوفها تون من الالم صارت سبعه ونص اجه جاسم وجايب ريوك وجاي بالترمز.
رفيف: جانت اسوء ليله بحياتي كلشي مافهمت شي من نومتي منا الوجع ومنا الممرضات كل اشويه وجايه وحده ختمها جاسم اجه سبعه ونص وكعدت بيبي هم وكعدو كلهم يتريكون واني بالي كله يم حمودي اشلون نام هسه بدوني اشلون فاركني وفاركته وفاركت ريحته اوووف ياريحه الجنه بعد عمري وليدي كتله لجاسم يروح يشوفلي الدكتور اريد اطلع وخلي يشيلون الصونده اذتني حيل كال.
اصبري كالو بالثمانيه ونص يجي هسه مابقى شي واكمل ريوك واشوفلج مم ض او ممرضه تشيل الصونده.
اي حباب فدوه والله كل اشويه انلجم واخاف تبقى ويبني عليها اللحم بعدنه دنحجي وجان تندك الباب كام جاسم ودار وجهه وكال اتعدلو اجه الممرض حتى يشيل الصونده اني هنا جمدت من الخوف ربي دخيلك اذكرت من ماما شالولها الصونده وكامت تصيح من الوجع اني هم حيصير بيا هيجي دخل رجال متوسط بالعمر بس وجهه مبين عليه حباب وخوش رجال كتله
عمو الله يخليك على كيفك والله اخاف كمت ابجي.
لتبجين والله مااخليج تحسين انتي ديري وجهج واقري ايات وهسه ثواني ونخلص وفعلا جانت ايديه كلش خفيفه صح اتاذيت بس مو كلش هواي ومااتاخر وشال الكانولا هم كال هسه بعد كلشي ماعدها.
بس يجي الدكتور ويكتبلها الخروجيه حتى اطلعون بعدها اشويه اجه الدكتور وفحص العمليه وكتبلي الخروجيه وكملنه الاجراءات وطلعنه واني بس اريد اشوف حمودي واحضنه مرت اول 7 أيام خطار وهوسه واني ماشايله حمودي بس يخلو يمي بالفراش ابقى العب وياه واحضنه واشمه وياخذو مني بده يتعلق بخالتي وماما احسه نساني.
وهذا الشي اذاني حيل ليش دوم إلى احبهم افقدهم ربي كلشي ولاابني هذا تعب العمر واملي بالحياة راجعت الطبيب اليوم الثامن من العمليع وشال الخيوط والعمليه جانت ناجحه وعباره عن ثقوب 3 وحده للصونده و2 للعمليه ورجع واني بس اريد وليدي اشيله والعب وياه وخلال هاي الفتره طبعا الدوره ماراحت تقل وترجع تزيد اني مجان بالي يمها ومرت الايام وبدت امتحاناتي ورحت وامتحنت والحمد لله جنت كلش زينه بس دوم الفرحه مدوم ويايه وارجع للقهر من جديد ليش مااعرف مدري حظي مدري الدنيا توجه ويايه بيوم رحت لاهلي حتى اكول لماما تره الدوره لسه ماراحت وحيصيرلي شهر شنو السبب ماادري.
ام رفيف: من حجتلي رفيف كتلها غير تحجين من البدايه اكو وحده هيج ثوله مثلج ولج شهر وساكته دكولي دااحجي اخذج لدكتوره لصخام اشوف اشبيج اليوم العصر نروح ولدكولين لا خليها لباجريلا بالاربعه اجيج ونروح ومااريد اسمع منج كلمه وحده
رفيف: بس ماما اوكفي انتظري خلي احجي مو تدرين جاسم ماعنده وحتى عمليتي مالت المراره عليج مااكدر اروح هسه خليها غير وكت.
رحاب: هو يامره اني اعتمدت على رجلج التحفه اشو من اخذج لسه انتي براسي لاقام بعرس ولابولاده ولا بعمليه اسمه رجال بس شسوي بعد الفاس وكع بالراس العصر اني اخذج مالج علاقه بجاسم.
رفيف: اسمعها تحجي هيج وكلامها ينزل سم على كلبي موهذا اختيارج ياماما قابل اني إلى ردته من حجيت وكلت ابن فكر كلها ماقبلت بكلامي بس شكول بعد وشحجي عفت اهلي ورجعت لبيتي اشويه واجه جاسم وكتله وكان جوابه مثل كل مره رفيف ماعندي فلوس اشو انتي من اخذتج لسه بس طبيب ومستشفيات منين اجيبلج تريد امج خلي تاخذج مو تدرين بيا مطلوب انوب انتي ومرضج براسي.
رفيف: اني هنا ماتحملت كتله مطلوب على شنو وشنو إلى جايبه ومطلوب عليه من اخذتني لسه ادكول مطلوب لاقمت بعقد لابحنه لاسبعه لافندق لااثاث بيت بس فهمني مطلوب على شنو شو انت جبت بس الذهب ب750 وغرفت من عمي ب650 بعد هالطلب هذا شنو
جاسم: بنتره ليش وعرسج والعشا والسيارات منو دفع فلوسهن مافكرتي بالزفه مافكرتي بعشه الزفه مافكرتي بسياره العرس هذني مو فلوس.
رفيف: يحجي ومعصب انوب اني من حجه هيج حركني حرك شنوووو شنووو يازفه هاي ليش انت مو كلت الزفه على اهلك شو هسه اختلف الحجي لعد امك إلى راتبها بالشهر مليون ونص وين تودي
ابوك راتبه إلى مليون ونص وين يودو اذا بعرس ابنهم ميصرفون اشوكت يصرفون ولو انت عندك جان كلنه ميخالف بس يدرون بيك.
انت ماعندك من انتو هيج فكوره ليش تورطون بنات العالم مافكرت بعدين تطلع الجذبه ليش سويتلي اهلك ماكو منهم وهومه حيقومون بكلشي وتاليها كله براسنه
وليش اتزوجت اصلا المفروض متورط بنات العالم وتبقى لحد مترتب وضعك او متسوى عشه وهوسه كتلك منريد عشه خلي زفه وللفندق كلت لا اهلي يردون بيا اهلي واهلي ثبرتني باهلك.
وهاي انت داكك الفكر ماكلفت نفسها امك ولاابوك بفلس واحد ماكالو عمليه مرت ابنهم منين فلوسها كلشي صار براس ماما عفته وكمت واني معطبه تعطب الله يسامحج يامامه على هالعرس الاكشر ربي فرجك
وصار العصر واجتي ماما وطبعا جاسم كالب وجهه وحتى ماطلع لماما ولا وصلنه عافنه رحنه وحدنه ودخلت للدكتوره وجان جوابها هد حيلي هد.
الدكتوره: ماما وين جنتي شهر كامل تنزفين وانتي ساكته صدك جذب وضعج كلش موزين ولازم عمليه عندج تليف بالرحم واذا ماسويتيها العمليه احتمال يستاصل الرحم كله.