رواية شهوات رجل ظالم للكاتبة زهراء أمجد الفصل التاسع
وصار العصر واجتي ماما وطبعا جاسم كالب وجهه وحتى ماطلع لماما ولا وصلنه عافنه رحنه وحدنه ودخلت للدكتوره وجان جوابها هد حيلي هد
الدكتوره: ماما وين جنتي شهر كامل تنزفين وانتي ساكته صدك جذب وضعج كلش موزين ولازم عمليه عندج تليف بالرحم واذا ماسويتط العمليه احتمال يستاصل الرحم كله.
اني من سمعت كلامها كعدت عالكرسي وانهاريت من البجي صاحو لماما دخلت وهي ترجف فهمتها الدكتوره حالتي ووضعي هي هم كامت تبجي اخذتني وطلعنه
كالت امشي اخذج لغير دكتور كتلها مااريد هو نفس الكلام وادري بروحي اني ماعندي حظ جبرتني اروح واخذتني على غيرها وجان نفس الكلام وبقيت اسبوع كامل كل يوم تاخذني لدكتوره اخير شي استسلمت للوضع وقررت اسوي عمليه.
وانعادت نفس المأسي والوجع وهم حفارك حمودي ربي رحمتك والله تعبت من العمليات والله جسمي بعد ميتحمل بنج
وتحظرنه ثاني يوم كعدت الصبح واني الليل كله مانمت ابوس بحمودي وحاسه مراح اشوفه بعد بقيت ليله كامله ادعي ربي يعدي هالشده على خير واكوم بالسلامه حظرت جنطتي الصبح واتريك جاسم وحظرت حمودي ومرينه على بيت اهلي عفت حمودي يم خالتي زهره.
إلى تعلم عليها سوده بوجهي يا وليدي هم مكتوب عليك الضم والهضم مثل امك ربي لتخلي ابني مثلي ربي علي بخته وارزقه وانطي الصحه والعافيه وسهل امره يارب العالمين
ودعت حمودي واني ابجي وودعت خالتي وطلعنه واني عباره عن ركام بقايا انسان امشي بدون وعي دموعي مانشفت اشكد حاولت اتظاهر بالقوه بس ماكدرت وصلنه للمستشفى وطبعا كلهم عرفوني صرت زبون دائم عدهم كملنه الاجراءات كلها وصار وقت دخولي للصاله.
وصيت ماما وجاسم على حمودي كتلهم هذا امانه عدهم واذا تحبوني وتردوني ارتاح واني ميته لتاذو هذا من ريحتي دخلت وعفتهم يبجون واني كلبي وتفكيري كله يم حبيب امه بعدها ماحسيت غير اني بغرفه وكلها يمي واسمع صوت ردلي روحي صوت افرقه بين الف صوت يبعد طولي طولك يروح امك فتحت عيوني بتثاقل واشوف حمودي جايبته خالتي ومبدل ولابس بدي اصفر وبنطرون كابوي وحذائه الكابوي.
بجيت بحركه ابني كبر وماشاف مني شي غير المرض والقهر حمدت ربي لان كمت بسلامه وبوسوني اهلي وتحمدولي بالسلامه جانت العمليه مو كلش صعبه لان ماكو جروح وخياطات مجرد عمليه داخليه حسيت عليهم زين شفت ماما وبيبي وخالاتي وبيبي ام بابا وعمتي وخاله ماما كلهم وهوسه ويحجون سالت لعد جاسم وين.
ام رفيف: صحت اشوفها ادور عله ابنها من سمعت صوته وشافته ابتسمت وسالت على جاسم كتلها راح ديحيب علاج الج بس هو راح اخذ التليف مالتها للمختبر لان لازم زرع خاف بي خبيث وماردت اقهرها واخوفها وهي هم سكتت واقتنعت بسرعه.
بس رادت ابنها كتلها ميصير بعدج كلج بنج وموزين الريحه على ابنج خطيه بقت تباوع عليه وتبجي خطيه بقت تلوج وكل اشويه تذب من راسها البنج صار العصر واجتي الدكتوره شافتها وكالت ادكدرون اطلعوها بس لتخلًوها تتحرك وبعد 10 أيام من تطلع نتيجه الزرع جيبو وتعالولي وسلمت وراحت.
اجه جاسم وجاب تكسي واخذناها ورجعنه للبيت واني ادعي كون زرعها مابي شي هالطفله ماشافت راحه بقينه ساكتين عالموضوع وهي متدري سالفه الزرع وبيوم صاحتني رفيف بس معصبه وتبجي
رفيف: ماما ماما تعالي بسرعه اريدج
ام رفيف: شكوً بتي اشبيج معصبه وتصيحين مو زين عليج شكو.
رفيف: ليش هيح محد كلي صارلي اربع ايام اشوفكم تتهامسون بيناتكم ومااحجي ليش محد كلي اني بيا خبيث ماما بروح بابا شالو الرحم لو لا احجي الله يخليج جاوبيني ولو مره بحياتج بصراحه احجي واصيح انهاريت وانتهيت
رحاب: وج ماما والله رحمج موجود ومابي شي منو كلج ماعندج رحم امشي هسه اخذج للسونار وشوفي والله هو تليف وشالو ولج كافي اعصاب لتروحين يصير بيج شي وين اوديج شجاج تخبلتي.
رفيف: ياريت يصير بيا شي واموت واخلص كله من وراج ليش خلفتيني تعبت والله مليت من هالعيشه جزعت بعد مااتحمل الى متى كل يوم مصيبه على راسي كل يوم شده واكول ميخالف الحمد لله على كلشي.
بس توصل للرحم ماما والله بعد مااتحمل تقربت ماما عليا لزمتني وحضنتني وتمسح براسي وادكولي والله ماكو هيج شي انتي منو كلج دفعتها وبعدت عنها كتلها انتي جذابه ترديني اسكت وارتاح بس وحق تراب بابا ياماما اذا طلع رحم ماعندي مستاصيلي تحلمين بعد بشي اسمه رفيف انتحر والله هي شو خربانه خربانه شنو شفت من حياتي إلى اموت وارتاح.
ام رفيف: كولي يالله وج يمه منين جبتي هالحجي والله رحمج موجود وماكو شي وروح ابوج كل مافي الامر اخذو التليف مالتج للمختبر زرعو والنتيجه تطلع بعد سته ايام كالو خاف اكو شي ياسامح الله نستلحكه هسه وبس واني ماردت اكلج حتى لتخافين وتبقين قلقله.
انتي هم مريضه ونفسه والعمليات وكعت على راسج وحده فوك الثانيه يابتي ماحجيت خفت عليج ليروح يصير بيج شي هذا ابنج خطيه شنو ذنبه ينحرم منج ومن كلمه ماما ياعمري اني كلبي بارد وتدرين بيا من كلبي يبرد من شغله والله مابيج شي وبردا وسلاما بس اهدئي فدوه اروحلج
مو حتموتين من التفرفح والله اخاف عليج شعندي غيرج هو انتي يارب ماكو غيرك وماصدكت كبرتي وفرحت بزواجج وابنج يابتي هذا اختبار من ربج ولازم متضعفين.
رفيف: ماما تحجي واني دموعي تنزل وصايره اعصاب ليش محد كلي ليش دوم المرض والمشاكل والمصايب.
فوك راسي اني هم تعبت طاقتي خلصت والله مليت من الصبر ومل الصبر انتي ليش خلفتيني انتي متحبيني لو تحبيني بيوم جان ماخلفتيني انتي سبب تعاستي انتي سبب بكلشي ديصير بيا الله لايوفقكم حسبي الله ونعم الوكيل.
بقيت كاعده بفراشي وابجي واندب حظي المعثر وادعي كون صدك رحمي موجود بيومها حتى مااكلت ومالي خلك وبقيت بس نايمه حاضنه حمودي ونايمه اوووف ياحمودي ماادري من حتكبر حتسامحني لان جبتك لهالدنيا الغبره لو تبقى شايل بكلبك عليا سامحني ياابني سامحني لان خليتك تجي وتعيش بهيج جو وبهيج اوضاع.
ومرت الايام واني جسد بلا روح صحتي اتحسنت وكمت اكدر اتحرك واشيل حمودي بس قليل يخافون عليا خاف يرجع النزف وبديت اصدك انو رحمي موجود والي شالو مجرد تلييف واجه اليوم الموعود إلى حتطلع بي نتيجه الزرع.
والكل جان خاف ويدعي يكول التلييف حميد مو خبيث وتعدي على خير واني الوحيده إلى جنت يائسه واكلهم اني متاكده خبيث لان اعرف حظي زفت وصار العصر وبدلت اني وماما حتى ياخذنه جاسم نجيب الزرع ومناك نروح للدكتوره وكلها تصيح خابرونه بس تستلمون النتيجه كالعاده عفت حمودي يم خالتي ورحنه دخلت للمختبر اني وماما وجاسم.
واشوف وضعهم كلش تعبان واني جان الحزن مخيم عليا لان اعرف النتيجه سلبيه مستحيل تكون ايجابيه دخل جاسم للمحلل وجاب النتيجه واجه وجهه يضحك ماما كالت ها بشر كلها حميد وماكو شي كامت ماما تصلي عالنبي وراحت جابت جكليت وكام اطشه بالعياده اني مدري ابجي مدري اضحك جنت مامصدكه مستحيل عدت سلامات وطلع مابيا شي رحمتك ياربي الحمد لله والشكر.
وطلعنه للدكتوره واحنه ادموع الفرح ماليه عيونه خابر جاسم لخالتي بشرها وكلها بلغي الكل ورجع خابر لامه وكالعاده لا بالخير ولا اي شي بس كلمه اي دلع نسوان.
اني هم مادرت بال الها مااريد تخرب فرحتي رحنه للدكتوره فحصتني والحمد لله العمليه نظيفه والزرع مابي شي انطتني علاج ورجعنه للبيت الكل فرحان وجان اليوم حلو والكل مرتاح واجو باركولي عالسلامه ومشت الايام ورجعت للجامعه وصرت مرحله رابعه صح ماداومت اول ايام بسبب العمليات مالتي بس القسم من عرفو بوضعي اتساهلو ويايه وتعاونو.
وكبر حمودي وكل يوم اشوفه يكبر وكام يزحف وتعلقت بي حيل لان يشبهه بابا ولان اسمه محمد والحمد لله بديت اطبق وجنت اداوم باعداديه قريبه علينه وارتاحيت بالتطبيق حيل ومشت ايامي طبيعيه بس كلما اكوم واوكف واكول فرجت ترجع تضيق بيا رجعنه من التطبيق وبدو ينزلون السعيات مالتنه وسعياتي الحمد لله كلهن فول بس عندي ماده سعيي واكع 18 لان الاستاذ نفسه إلى من وراه وكعت بالتحميل جان يموت مني لان اول مااجه للجامعه اني جنت سافره بلا حجاب.
وهذا الشي خلاه يموت ومني ويساعد الكل واني يقلل مني رجعت لرئيسه القسم وكتلها هو بمكان ميساعدني انوب اخذ مني وهذا مو استحقاقي كالت روحي ومعليج اني حغير تعديل بالسعي مالتج ومرت الايام وبدت الامتحان وحمودي صار عمره سنه حبيب امه وكام يعرف يمشي ويحجي وجان هو الوحيد إلى مصبرني علو هالدنيا كلها.
شوفته تنسيني كل جروحي محمد بديت انساها وانسه حبه وبالذات هسه اني مو فقط زوجه صرت ام وبعد اصلا ماافكر بي وبلشت الامتحانات وجنت كلش زينه بس بهالماده موشي وهم طلعت دور ثاني رغم ماجنت كلش شاطر بالمدرسه بس من دخلت للكليه ماادري ليش كلشي ديصير ضدي وكملت واخذت النتيجه اكمال واني جنت متاكده من هذا الشي واستقبلت الموضوع بكل روح رياضيه ويجوز تعلمت على كفخات الوكت بحيث بعد مااهتم وكلت اعوضها بالدور الثاني.
بس دائما تجري الرياح بما لا تشتهي السفن وقبل الدور الثاني تعاركت خالتي ويه زوجه حماها والي هي اخت رئيسه القسم وصارت المشكله كلش جبيره بحيث ادخلت بيها الشرطه واطورت المشكله ودائما المصايب لازم تلوح رفيف حتى لو جنت بالصين وامتحنت دور ثاني وجنت كلش مجاوبه وطلعت فرحانه وشفت اجابتي ممتازه طلعت من القسم صارت رئيسه القسم كدامي سلمت عليها وكان جوابها إلى هلا من وره خشمها وكالت سلميلي على خالتج.
وهالسنه مطلعين من الرابع لو تموتين باوعتها اني شنو بخالتي هنه نسوان حمى بيناتنه عفتها وطلعت لكيت جاسم منتظرني بالحديقه طمنته ورجعنه للبيت واني كلبي يم حمودي حبيبي مشتاقتلك موت ومرت الايام وطلعت نتائج الدور الثاني والي صار صدمني واذاني حيل ومثل ماكالت ورسبت رغم اني مجاوبه على كلشي وكله صحيح بس رسبت بوكتها انهارت واتاذيت حيل ادمرت نفسيتي.
ليش دائما كلشي يوكع براسي واصير اني الضحيه ليش ياربي دوم كلشي يمشي عكس ويايه سمعت ماما كالت اني حروحلها للبيت اليوم اخلي جاسم ياخذني
وراحو والعصر واني يائسه من الحياه ومثل مااتوقعت مااستقبلتها وكلتلها مثل مااختج تعاركت ويه اختي وصلت حد الشرطه بتج متطلع من الرابع لو تموت. ورجعت ماما يائسه وكال حطي عينج بعين الله.
وبعدها بفتره اجه قرار الدور الثالث لان جان الوضع مو تمام ورسوب هواي وذبح عالهويه فاانطو هذا القرار حتى يعالجون اشويه من الوضع وهم رحت امتحنت وهم رسبتني بس إلى شفعلي العميد انطه خمس درجات والقرار ونجحت صح معدلي جان من زين بس الحمد لله واخيرا طلعت من جامعه بابل إلى ماشفت بيها غير الاذيه وماحصلت منها بس الوجع.
ومرت الايام وحمودي كبر وفديت عيونه جان كلش سمين بحيث اهلي يصيحوله مفخخ حالتي الصحيه زينه رغم انمنعت من الدهون والحلويات الكيمر وعايشه على المشاوي بس الحمد لله ماكو الم وبيوم من الايام كلتلي ماما ليش مااروح للدكتوره لازم اجيك صارلي هواي مارايحه خاف صاير شي اكو شي خاف رجعلي التلييف شفت كلامها صحيح.
فقررت اروح اني وياها العصر واتفقت ويه جاسم يوصلنه لان ماما اشترتله سياره كلتله الى متى تبقون تكاسي وصار عدكم طفل وهاي سياره تفيدكم وتفيدني وهو ماصدك الطماع وافق المهم حجزت ورحت وصلي السره دخلت وعرفتني الدكتوره بسرعه وكالت
الدكتوره: بشري ماما مصار عندج طفل ثاني.
رفيف: لا دكتوره ويني ووين الطفل دااخذ حب لان طالبه جنت وكلت خلي يكبر حمودي واسويله اخو بعده خطيه كلشي ماشاف مني مو تدرين كضيتها بس عمليات اشوفها بسرعه ذبت القلم من ايديها ونترت بوجهي.
الدكتوره: انتي صدك تحجين اني مو كتلج سوي طفل لان رحمج مريض اشلون ماسويتي لسه وفوكاها تاخذين مانع ومنو كلج حيصير عندج طفل ماما اسمعيني زين اني ردت منج تسوين طفل كتجربه لو يصير لو لا واحتمال ضعيف جدا اصلا يصير طفل لان تقاريرج ادكول بعد ميصير طفل عندج وانتي باقيه تاخذين مانع وتضعفين البيضه هي ناقصه ضعف ليش هيج يابنتي يعني انتي وحده وابنج حيعيش طول عمره هالواحد.
رفيف: اني اسمع كلامها بس مامصدكه لا لا مستحيل يعني ابني حيعيش مثلي يعني حنحرم من كلمه ماما بعد يعني مااحصل بعد بنوته والبسها فساتيني من جنت صغيره إلى معلكتهن بالدكتور يعني مااسويلها ستوتات كمت ابجي بحركه واضرب على خدودي لا دكتوره مستحيل اني اخلف لدكولين هيج اني مابيا شي انتي جذابه كمت ابجي بصوت بسرعه صاحولي ماما من بره دخلت تركض شكو اشبيها بتي احجو فدوه.
الدكتوره: ام رفيف مو كتلج اول ماسوت العمليه خلي تسوي طفل ثاني ليش هيج عفتيها على راحتها مو فهمتج وكتلج وضعها تعبان وامل قليل جدا يصير عدها طفل تعوفوها براحتها وانوب ماخذه مانع صدك انتو جذب هسه هي طفله ومتفتهم مو انتي الجبيره شجاج
ام رفيف: دكتوره والله كومه حجيت بس مافاد بس فهميني هسه اشبيها التلييف رجع بس دفهموني مو كلبي نار.
الدكتوره: لا مارجع بس للاسف بعد ميصير عدها اطفال طبعا هاي حسب التحاليل إلى كدامي واصلا حبوب منع الحمل بالنسبه لمرضها تسوي عقم فبتج بعد ماكو داعي تستعمل اي مانع اول شي لان موزين على صحيتها وثاني شي احتمال يسوي عدها نزف وثالث شي هي متخلف على شنو تاخذ مانع
ام رفيف: يعني ماكو اي امل بعد دكتوره
الدكتوره: للاسف لا.
رفيف: همه يحجون واني كلبي مو بس عيوني تبجي اووف ياصبر كلبج شتحمل بعد فرحت بنجاحي ومكيفه واخيرا حصلت الشهاده اجاني القهر يركض وكانهه الحزن متعاقد ويايه طول حياتي استغفرت ربي وكمت واني حيلي مهدود ودموعي تنزل عشره عشره.
وتشكرت من الدكتوره واخذت ماما وطلعت تمنيت اصيح بصوت اهز الكون هز بس شصيح وشيفيد الصياح ليش ياربي تحرم ابني من شعور الاخ او الاخت مو كافي اني انحرمت منه الهي الك اشتكي ضعفي وقله حيلتي فرجلي يارب طلعنه بسرعه اخذت ماما تكسي ورجعت لبيتي وكتلها عود جيبلي حمودي.
جابتلي حمودي وحاولت تهدئني واني نار ومشتعله بكلبي اباوع على حمودي شنو ذنب هالطفل يعيش وحيد بنص هالغابه إلى احنه بيها المن تشتكي ياروح امك منو يوكف وياك اذا وكعت بشده الله لايكولها ربي رحمتك والله تعبت وخلص صبري اني بشر عادي لا نبي واتحمل ولا ملاك فرجلي ياربي
راحت ماما للبيت بعد ماملت وجزعت واشكد حاولت اهدء واقتنع بس مافاد.