رواية شهوات رجل ظالم للكاتبة زهراء أمجد الفصل الثامن والعشرون
نمنه وكعدنه الصبح ونفس الروتين اليومي اني عيوني بدت تتحسن سالت ماما على شغله جاسم
ام رفيف: لاماكو هيج شي وانتي ثاني شي شعليج بي يابتي عوفي لتفكرين بي انتي مو متردي واطلكتي منه خلص بعد اتركي
رفيف: ماما تره اني مو بحاله وفرحت من اتزوج لتتوقعين اضوج او انقهر بالعكس هم وانزاح من كلبي حتى بعد لحد يكول ارجعيله لخاطر جهالج ومن هذا الحجي بس ردت اتاكدت هو اتزوج لو لا
ام. رفيف: اي اتزوجت هسه ارتاحيتي.
رفيف: اييي هسه ارتاح كلبي الحمد لله والشكر خلصت منه وجه البومه واخيرا حيلكه شي يلتهي بي ويعوف رفيف وجهالها هذا الخبر لو عندي اذبحله خروف مو دجاجه احمدك واشكرك ربي خلصتني منه بالبدايه بس ماما ليش ماكتيلي
ام رفيف: يا وج اول مره اشوف وحده يتزوج رجلها وتفرح اني ماحجيت ماردت اقهرج كلت مسويه علميه خطيه وج شو انتي ناقصج بس تشدين وصله وتركصين.
رفيف: والله ياماما لو ما مسويه عمليه اكوم اركص واروح للحرم وامشي اطش جكليت هاي احلى خبر سمعته تدرين ليل ونهار ادعي يتزوج واتجفه شره خلصت منه خلي يلتهي بمرته وجهاله ويفك عني وعن وليداتي الحمد لله ربي خلصتني منه للابد بس هاي الكعده تشهد اذا ماتندم فلا اتسمى اني رفيف والايام تثبتلج ياماما.
مشت ايامي طبيعي وراجعت الدكتور اكثر من مره وكان جوابه عيوني زينه والعمليه ناجحه بس لازم ماكو لا حراره وعصبيه ولا بجي ولا ضوه ولا موبايل واستمر عالعلاج اني هم جنت ملتزمه حيل بكلام الطبيب والحمد لله والشكر
صارلي عشرين يوم من سويت العمليه وماكو اي مضاعفات والدكتور سمحلي ارجع للعراق ورجعنه قبل العيد بيومين وجان رمضان والجو حار يصمط طبعا دوامي اخذت اجازه شهر.
وبعدين انطوني اسبوع اضافي صح بلا راتب كل اجازتي بس بالكوه قبلو تحسنت عيوني والحمد لله والشكر صح حاره ومحبوسه بغرفه ظلمه بحيث تعلمت اكعد بالظلام لحد الان.
لان بقيت شهر اني مااشوف الضوه كاعده بظلمه ومشت الايام ورجعت للدوام وطبعا خليت خط يوديني ويرجعني ويفتحلي تبريد بالسياره لان موزين والغلط جان مني المفروض اسوي العمليه بنهايه الصيف اني سويتها بشهر السادس يعني بنص الحر ماما علاقتها بيا صارت احسن ومشت الاشهر خالتي تغريد بلشت بالكيمياوي ووضعها كان سئ حيل ووحده غريبه بغير دوله...
اما جاسم فزوجته حامل وبيها بنيه ومشاكل بينها وبين امه وحاير بامره وكاعد ايجار ورجع يشتغل صانع بمولده ووضعه جدا تعبان وباع السياره الاوتيما واخذ بمكانها بي واي دي ومرت الايام
والاشهر ودخلنه بشهر ال11 اني رحعت اروح وارجع مشي وصدفه راجعه من دوامي اسمع صوت هورن سياره ورايه بقيت امشي تقربت السياره عليا هواي اني خفت حيل بداخلي اسمع صوت ولد قريب عليا
ها يحلو اشبيج مستعجله انتظري بس لحظه.
اني سمعت هيج كمت ارجف وامشي حيل والسياره بقت ورايه ماخليت ايه ماقريتها متت خوف طبكت السياره بصفي ونزل ولد كال
هلو فوفه اشلونج اني وداامشي سمعت الصوت مو غريب عليا التفت اشوف محمد
اي هذا محمد كتله محمد!
محمد: هلو اشلونج اي محمد عاش من شافج وسمع صوتج عمي بس الله الجبير شصار شدعوه بس اتزوجتي نسيتينه وينج شخبارج اني وره وفاه الحجي بعد ماوصلت للمنطقه شخبارج.
رفيف: هلو بيك الحمد لله زينه بس ليش هيج يبستني يمعود ماخليت بيا دم بشرفك هو هيج إلى يسلم تدري كلت هايهيه راح اتغلف بالله متبطل سوالفك
المهم شخبارك وين ماوين
محمد: والله شغل وبيت لاشي جديد
رفيف: سمعت اتزوجت شخبار زوجتك
محمد: الحمد لله زينه ولو مو إلى ببالي بس الحمد لله زينه انتي اشلونج ويه جسومي
رفيف: ههههه جسومي شنو انت حلمان شايف طيف جاسم انتهى من زمان انت ماصار عندك اطفال.
محمد: اوكفي اوكفي شنو جاسم انتهى رفيف احجي عدل وبلا شقه
اي والله اشبيك راح جاسم ليش ماما ماحجت لوالدتك
لا والله مو تدرين امي هم من وره شغلتنه بعد اخذت على خاطرها وانكطعت العلاقه واني هم بعد مااتصلت بخالتي بس فهميني شكو
رفيف: شفهمك محمد مدكولي انفصلت ورجعت لاهلي اني وجهالي اثنينهم وهو وولى وراح اتزوج وانجب وكعد.
محمد: اوووف جريت حسره ليش ياربي تنطي الجوز للماعده سنون يعني رفيف هسه انتي منفصله لو مشاكل فهميني
اهوووو محمد شلعت كلبي وتعبت من الوكفه اكله انفصلت واتزوج ومرته حامل يكولي منفصله لو زعلانه انت اشبيك
وج خبلتيني ووكفتي عقلي رفيف انتي تنفصلين ليش وج إلى ياخذج المفروض يكعد كل يوم الصبح يصلي ركعتين لوجهه الله عالنعمه العنده وج هذا البومه صدك يحجي كله من وره خالتي بس اخ شنحجي وشنكول.
هسه دعوف اني انت ماصرت اب؟ بشرني
صرت عندي ولد وبنيه والحمد لله اموري ماشيه تفاحتي
رفيف: ههههههه حيل لسه تذكرها يلا اني اترخص متت من الوكفه رجليا راحن
ماشي تفاحه سلمينه على خالتي وبوساتي للولد
يوصل وخالتك ذيج بالبيت تريدها مر شوفها وسلم عليها واذا ماعندك وكت رقمها يمك وخابرها
اوك باي
باي.
رجعت للبيت واني دايره الدنيا بيا وين جنه ووين صرنه محمد صار اب لاطفال 2 واني ام لاطفال 2 شبسرعه الوكت يركض بينه ركض ايي يادنيا شلعبتي بيا لعب بس رغم جنت احبه بس سبحان الله مات حبه إلى بداخلي كله من شفته صح رجعت للماضي بس كلبي مارف عليه مثل قبل وبالذات هسه هو عنده زوجه يعني من اشوفه اشوفه كااخ وبس وصلت للبيت سلمت على ماما لكيتها بالمطبخ كتلها اليوم شفت محمد سالتني عليه جاوبتها واني دااصعد فوك امشي واحجي.
صعدت لغرفتي بدلت ونزلت غسلت واكلت ومر اليوم طبيعي بدون اي شي ونفس الروتين إلى يتكرر كل يوم بس الاحظ محمد كام يتصل على ماما وحتى مرات اذا كاعده يمها يطلب من ماما يسلم عليا تنطيني الفون وادكوم حسبالها رجعت وحن كلبي متدري من وره حاسم كرهت الزلم كلها وبعد مالي اي حيل لاي حب او علاقه ومشت ايامي طبيعي لحد مايوم صدمني محمد باتصال من جهاز ماما اجتي كالت رفيف محمد عالخط يريدج كتله شكو كالت ماادري اخذت الفون سلمت عليه وسالته عن صحته.
محمد: هلو تفاحه اشلونج شخبارج اني زين انتي اشلونج
رفيف: هلو بيك محمد ادري متجوز من هالكلمه مو كبرنه وانت صرت اب شكو بعد
محمد: تبقين تفاحه وشما نكبر انتي متكبرين
رفيف: احم اي اامر كالت ماما انت تريدني خير اكو شي
محمد: كل خير ان شاء الله اسمعيني فوفه للاخر واتمنى متقاطعيني
اوك احجي دااسمع.
رفيف احنه مو صغار واني انشلع كلبي وطاح حظي وراج وانتي تدرين بيا اشكد احبج ولحد هاي اللحظه شايل بكلبي حبج بس جنت ساكت اكول على ذمه رجال وحرام عليا بس هسه انتي العده مخلصتها وماعندج رجال واني بعد مال اعوفج واطير هالفرصه من ايدي مستحيل تعرفين شنو يعني مستحيل انتي متدرين شنو غلاتج عندي متدرين شنو الصراع إلى عايش بداخلي وج بجيت عليج ودمعت الرجال غاليه وصعب تنزل انتي تدرين مرتي دائما اصيحها باسمج من كثر ماافكر بيج حسي بي وج مو رح اموت رفيف اني من الاخير انطيجياها اني احبج واريد اكمل باقي من عمري وياج واريدج مرتي وحلالي وام بيتي بس بدون علم زوجتي وهي اول وتالي حتعرف.
بس الموضوع يحتاج وقت ها شكلتي وهسه مااريد جواب فكري بالموضوع يوم يومين منا لاسبوع واحاجيج واذا قبلتي بنفس الشهر نتزوج
رفيف: ههه اوكف اوكف زوجتي ورح احبل سالمين محمد انت شدتحجي مستحيل اوافق بيك وانت متزوج ومستحيل اكلك طلك زوجتك وتعال اخطب ومااخلي علاقتك بزوجتك تخرب تره مو رفيف إلى تبوك رجال من حضن مرته شنو نسيت منو رفيف. محمد خلينه اصدقاء واخوان احسن لتخرب كلشي.
محمد: رفيف شنو اخوان شنو اصدقاء اكلها احبج ولج اشكد اتاذيت من سمعت بيج منفصله بس فرحت لان جنت كل يوم اتعذب وانتي بحضن هذاك العار وج اجتي ايام فكرت اكتله خلاص بس إلى وكفني انتي كلت شنو ذنبها ماطول سعيده وياه خليهم وج تعرفين شنو يعني حبيبتي بحضن غيري وخلفت منه رفيف اني دااموت
محمد رجاءا سد الموضوع ومااريد بعد ينفتح ونهائيا ويلا مع السلامه وسديت الخط.
ذبيت الفون وصفنت منين اجتني هالطلابه هاي ياربي اني هذا منين طلعلي اني ناقصه انوب محمد يازواج هذا واني ابوك رجال من مرته لو اموت مااسويها ولا افكر بيها لو يصبني ذهب مستحيل اتقبل هذا الشي مستحيل.
بقى محمد هالفتره يحاول ويايه وحاجه ماما والي صدمني ماما ابد مامنعته ووافقت وكالت القرار بايد رفيف وبقت تقنع بيا واني رفضت الموضوع بشكل نهائي ومن يومها محمد اختفى وبعد حتى ميتصل على ماما استمرت حياتي طبيعي بين دوام وبيت واطفال ودراستهم وخلصت سنه 2016 ودخلنه بسنه 2017 بشهر الواحد اني الحمد لله اموري صارت زينه عرفت اشلون ارتب وضعي وربي مقدرني ومنطيني اكثر من قابليتي صح الفلوس إلى جانن يوصلني قليلات بس الحمد لله والشكر مامطلوبه ويبقى منهن واضمهن لان فلوس حلال وتعب ربي طارح بيهن البركه واطور شغلي بالشركات وصار راتبي 350 كمت اخذ الجهال للمطاعم واشتريلهم احلى ملابس بسرغم هذا كله بقيت اضم جزءمن الفلوس اكول على ساعه احتاج شي ماتريد ابذر واداين صارت عدنه حملات عمره بعطله نصف السنه وجانت بالاقساط مقدمه 300 دولار وكل شهر ورقه جنت اباوع عالجوازات واسجل العالم وبداخلي اتمنى اروح ازور الكعبه الشريفه وقبر الرسول اكلب بالجوازات ودمعتي نزلت.
شافني المدير سالني تردين تروحين للعمره اشوفج تكلبين الجوازات وتتحسرين مسحت دمعتي ورفعت راسي كتله امنيتي بس مو وكتها هسه الله كريم منا لحد مالله يمكني واروح
زين والي يخليج تروحين ويانه بهاي السفره
كتله هاي ابقى عمري كله اندعيله بس استاذ منين انطي فلوس العمره واني وضعي على كدي.
بسيطه بابا انتي جيبي جوازج واذا ساقط هم جيبي عندي عرف حتى نجدده بسرعه وتجين ويانه واذا عالفلوس بسيطه احسبها الج بسعر النقدي ومقدمه مااريد منج وكل شهر سددي ورقه ها شكلتي وراتبج هالشهر انطيج بي زياده مال شغل الجوازات والعمره وامشي ويانه شكلتي هسه
رفيف: والله استاذ مااعرف شكلك بس لازم اكول لاهلي اشوفهم يوافقون لو لا اشلون اروح وحدي خاف ميقبلون.
المدير: بابا ليش ميقبلون احنه حمله عمره وسفره دينيه منو يحصلها واذا لان وحدج احنه كلنه وياج وانتي إلى دتسجلين وتعرفين النسوان ومنو تردين وياج بكيفج ها شكلتي
رفيف: فرحت من كل كلبي مامصدكه حروح ازور النبي (ص) حلم عمري اشوف الحجاج بالتلفزيون واسمه بمكه بس مارايحه جنت اتمنى اروح كتله بس اخابر ماما هسه وارجعلك خبر اتصلت بماما حجيتلها كل الموضوع.
ام رفيف: روحي ماما غيري جو واني مني 300 دولار اخذيهن جيبي بيهن ملابس لجهالج وروحي اتونسي وذبي حملج هناك بلكت الله يسعدج ويحقق مرادج
رفيف: ماشي ماما هسه حبلغ المدير باي.
سديته من ماما واني طايره مستحيل صدك جذب واخيرا حلمي حيتحقق واروح لمكه بلغت المدير واني طايره من الفرح وصار ثاني بوم ووديت جوازي والجنسيه استنساخ وصورتين وبديت احظر للعمره وطلعت ماما للسوك جابلتي احرامات وشغلات العمره واني طايره من الفرح مامصدكه والحمد لله لكيت وحده اعرفها صديقه ماما هم راحت ويايه وجنه كلشي سوه وجانت مره كلش حبابه وكريمه بحيث هناك حتى من تشتري اكل متقبل ادفع شي بس اني اذب الفلوس عليها ذب لان هاي زياره ميصير حرام عاملتني مثل بتها ووصلت للنبي وجانت الزياره تخبل وكمل 3 أيام هناك واليوم الرابع لازم نحرم حتى نروح للكعبه وتعرفت هناك على نسوان كبار بكد ماما جانن كلش حبابات ويايه لان اني جنت اصغر وحده بالحمله فكلها معتبرتني مثل بتهم دموع الفرح.
مافاركتني من لبست الاحرامات اشوف العالم كلها لابسه ابيض كانهه ملائكه او طيور الجنه شعور كلش حلو من لابسه الاحرامات احس روحي خفيفه وماعندي اي ذنب ومولده من جديد نسيت كلشي قهري ونسيت كل حزني وهمي كل تفكيري جان بالعباده ووصلنه للكعبه وجانت الدنيا وحده ونص بالليل ذبينه غراضنه بالفندق وطلعنه عالسريع للحرم حتى نعمر واني احس الكاع ماشايلتني بس اريد اوصل اريد اشوف بيت الله امشي واحمد ربي واشكره لان دعاني لزياره بيته دموعي مانشفت فرحانه حيل امشي وادعي واحمد ربي واشكره اباوع للسما وادعي ربي يرزقني ويبعد عني اولاد الحرام ويسعد وليداتي ويحفظهم إلى وصلنه للحرم احلى شعور من تدخل للحرم وتشوف الكعبه اول مره بحياتك تحس روحك بين ايدين رب العالمين تحس برحمته وعفوه ومغفرته والحمد لله ادينه مراسيم العمره صح جانت متعبه حيل بس كلش حلوه واكو دافع بداخلي ميحسسني بالتعب كملنه واذن الفجر وصلينه ورجعنه للفندق بس رجعت كلش مرتاحه وفرحانه احس روحي انولدت من جديد رغم كل الالم والوجع إلى عشته كله نسيته بلحظه وصلت للفندق اتصلت باهلي وطمنت وسلمت على وليداتي ونمت لان تعبانه حيل كعدت بال11 كمت مكسره تكسر باوعت النيوان إلى يمي.
بالغرفه نايمات يشخرن ومنظرهن يخرب ضحك فاتحات حلكهن من التعب وهاي نايمه على ظهرها وفاتحه ايديها وهاي نايمه اعوج وحتوكع من الجربايه كمت على كيفي دخلت للحمام سبحت وفرشت اسناني ومشطت بالحمام وطلعت اتريكت على كيف خاف يحسن خطيه ولبست جبتي ولفيت الشال ونزلت بالرسبشن جوه كنكت اتصلت من جديد بماما وهم حاجيت وليداتي جنت اشتاقلهم حيل تمنيت احضنهم وابوسهم بقينه نسولف اني وياهم وعلى مغامراتهم المستمره اذن الظهر سديته منهم وصعدت للغرفه لكيتهن هستوهن كاعدات سلمت عليهن وصليت وكملت وطلعنه للحرم وللعصر يالله اتغدينه ومشت ايام العمره بسرعه واديت عمره نيابه لبابا الله يرحمه وخلصت العمره ورجعت فرحانه حيل والحمد لله بهاي الفتره هدئت حياتي معليا باحد ولااروح زياره لاحد بقيت لروحي وجهالي وبس علاقتي باهلي رسميه بس صارو احسن ويايه بعد ماكو عركات من تزوج صخمان جهالي ابتعدو عن ابوهم حيل بحيث تمر اشهر وهومه ميرحون زوجته جابت بنيه وكمت اسدد اقساط العمره والحمد لله والشكر وفيتها جهالي شاطرين بالذات حمودي جان يسمع كلام واحسه اكبر من عمره بس عندي ميمي شالع كلبي وكح وكوه يقره صح شاطر بس متعب حيل.
بعطله نهايه السنه والدتي مفاصلها تعبت حيل قررنه نروح لايران حتى نعالجها هناك واخذتها اني وجهالي ورحنه اخذت اجازه شهر وكوه قبلو ينطوني المدير تغير عليا حيل لان تعينت موظفه جديده بدت معاناتي بالدوام وحتى كامت تخربط بالشغل وتوكعها براسي بس جنت اتحمل لان منين اعيش اذا بطلت وشغل ماكو وتعيينات بس للعرف والاحزاب والواسطات احتاجت ماما علاج بالمستشفى ولازم اخذها كل يوم واحتمال عمليه وجهالي منو يبقى يمهم اتصلت بالحجيه للعراق كالت يمه اني اشلون اوصل مااندل توسلت بزهره تجي كالت اخاف اجي وحدي كتلها اتلكاج اني من المطار بس انتي طيري ومعليج ماقبلت اضطريت ارجع اني وماما والجهال وبعدها باسبوعين رجعت من جديد والمدير هالمره عاند وماقبل ينطيني اجازه وبطلني رغم شرحلته ظروفي والدتي مريضه واني بتها الوحيده ومحد عدنه يروح وياها بس هو باع حقاره اني هم سلمت مفاتيح القاصه وكل إلى بذمتي وسافرت وعفت جهالي يم الحجيه.
رغم هي مره جبيره بس ماقصرت وياهم جانت اطلعهم وشيردون تجيبلهم وكلشي تسويلهم دارتهم حيل رحت لهناك اول ماوصلت وحجزت فندق كتلها لماما اروح ازور واجي واريد ادعي الله ياخذ حوبتي لان مظلومه كالت اني هم اجي وياج رحت للامام الرضا عليه السلام وبجيت ونخيته حوبتي تبين لان انظلمت اني ماخذه اجازه بلا راتب وهو يدري ماما ماعندها غيري وشرحتله قبل لااحجز من كملت حجز كلب عليا وميقبل اروح زين هاي عدها موعد طبيب كتله سويها لله استاذ والدتي ماعدها غيري ماقبل كال واني شنو بامج بقيت ابجي وادعي وصليت اشويه احس روحي ارتاحيت وبردت سلمتهم بايد الله هو ياخذ حقي يتيمه وماعندي احد بقينه بمشهد 10 ايام كملت علاج اخر يومين اتصلو بيا من الشركه كالو تعالي داومي كتلهم ماارجع اني بعد توسلو وادخل بيها اكثر من طرف رجعت هو جان بتركيا بس إلى صار داومت عشرين يوم ماانطاني راتب اكل حقي كتله اخذهن هذني تعبي وقف للامام العباس هو ياخذ حقي منك هذا تعب يتيمه وحرام عليك تاكل تعبي بس يم ربك نتلاكه لا محلل ولا موهوب هو خلال هاي الفتره تعرض لمشاكل وتمرض وسوه عمليه وضعه تعب وحتى شغله تعب ربي لاشماته بس هذا حق يتيم وخلصت سنه 2017 ودخلنه بسنه 2018 وهم بدت ببدايه شهر الثاني حملات عمره وهم سجلت بس هالسنه انطيت مقدمه وباع ويايه حقاره كتله ماشي اروح بفلوسي ومارايده منك شي حجزت ورحت حالي حال العالم ومعليا بيا هناك ولاكانهه ابو الشركه اطلع وازور واروح للمولات وضربته عرض الحايط المقدمه جانت من ماما 200 دولار ومني 100 دولار طبعا وليداتي نجحو وحمودي بصف خامس وشاطر حيل وميمي صار صف ثالث هم شاطر بس بالعركات والصياح وسجلت ورحت والحمد لله ورجعت وانطي حالي من حال العالم الاقساط نرجع وياكم لجاسم.
وره مااتزوج واجته بنيه اموره.
تعبت حيل والايجار ومصرف بيتهم كله عليه كام يشتغل بمولده وشاءت الاقدار فلوس المولده انباكت وجانو جامعين ايجار المولده من الناس وانباك منهن 16 مليون ووكعن بركبت جسومي وحار بيهن وتقسطن عليه ربي لاشماته بس حقي اكله عليا وبينت الحىبه بي اخوه لجاسم اتزوج وبعده معليه بكلشي انوب زاد الطين بله اجتي مره اخوه هم وكعت براسه زوجته مشاكل ويه امه ودوم طالعه زعلانه ومرت الايام واجه عاشور والاربعينيه مال الامام الحسين اني ردت اروح اتمشى لشارع 60 اشوف المواكب رحنه اني وماما وتغريد جانت يمنه لان عدها علاج اشعاع وماكدرت تاخذه هناك وحدها فااجتي يمنه للعراق هم ارخص وهم احنه نداريها جاسم كان يتواجد بموكب بشارع ستين وصلنه قريب عليه اني جنت لابسه بوشي مطلعه بس عيوني دكيت رجل الا.
افوت يم الموكب إلى بي جاسم اريد اشوف حاله لان كالو تعبان خالتي شايفته بالسوك صدفه وكالت صاير يلعب النفس وكبران حيل ولاكانهه مواليد 1982 مبين سبعينات وكاتله الوصخ توسلت بيا ماما الا اروح اشوفه اريد اشوف وضعه واتشمت بي رادو واتوسلو كتلهم الا اروح واشوفه.