رواية شهوات رجل ظالم للكاتبة زهراء أمجد الفصل التاسع والعشرون
جاسم كان يتواجد بموكب بشارع ستين وصلنه قريب عليه اني جنت لابسه بوشي مطلعه بس عيوني دكيت رجل الا
افوت يم الموكب إلى بي جاسم اريد اشوف حاله لان كالو تعبان خالتي شايفته بالسوك صدفه وكالت صاير يلعب النفس وكبران حيل ولاكانهه مواليد 1982 مبين سبعينات وكاتله الوصخ توسلت بيا ماما الا اروح اشوفه اريد اشوف وضعه واتشمت بي رادو واتوسلو كتلهم الا اروح واشوفه.
وفعلا رحت اشوفه فتت من يم الموكب إلى يكعد بي شفته واكف وياريت ماشفته تعبان حيل شعره واكع وكله وصخ والتشيريت إلى لابسه اسود مجرب ووصخ وعريض صاير مربع مو مستطيل اول مره اشوف تشيريت مربع والبنطرون وصخ لونه جوزي بحيث اطراف البنطرون محدده وصخ والوجه تعبان وواكف ديحجي حتى اسنانه واكعه يا هذا شجاه شافو الجهال راحو يسلمون عليه اني ابتعدت وبقيت امشي ووكفت على صفحه اجه صديقه سلم علينه اني وماما وخالتي.
كللها والله متندم جاسم وليل ونهار يبجي يكول اشلون عفتها وشورطني عفت العز والدلال وهسه حال الضيم حالي الفكر تعبت منين مااجيبها متجي عدل
ام رفيف: كل واحد ونصيبه الحمد لله على كل حال
بس والله متندم اني صديقه ويحجيلي كلشي يكولي مثل ام حمودي مالكه مره دارتني وماطلعت منها الشي الموزين بس اني السبب ماقدرت نعمتي
ام رفيف: هايهيه كل واحد وقسمته ياابني يلا احنه نترخص سلمنه عالاهل
الله وياكم خاله.
اشوف اني جاسم واكول ربي لاشماته حاير بروحه ووضعه تعبان هيج احسن اله خلي يشوف الزره إلى زرعه لازم يحصده اجوي الجهال يركضون شايلين عصير ومكيفين ويركضون اخذناهم ورجعنه ماانكر فرحت لان شفت وضعه اشلون تعبان بس انقهرت بنفس الوكت على حظي وعلى حياتي إلى ادمرت بسبب واحد مثل جاسم استغفرت ربي ومشت ايامي عادي.
بين دوام ودراسه اولادي واجوي ناس هواي اتقدمولي بس اني جنت ارفض اخاف ومااريد اعيد إلى شفته تعبت سلمت امري لرب العالمين وهو اضلح بحالي وخالتي تغريد رجعت سافرت وصحتها صارت احسن ومرت الايام والاشهر وخلصت السنه ودخلنه بسنه 2018.
وحمودي بالخامس وميمي صف ثالث حياتي تقريبا استقرت وماشيه معليت باحد ولايخصني بس إلى اذاني مشاكل الدوام إلى اني بي زادت هواي لحد ماقررت ابطل لان نقصو راتبي وحولوني لغير مكان صح جان قريب علو بيتنه بس راتبي نزل لل200.
واني هذا الشي ابد ميناسبني بطلت وكعت بالبيت بهاي الفتره اموري تعبت حيل لان بديت اصرف من إلى ضامتهن حاولت ادور شغل بس ماحصلت ابد مادياتي بدت تتعب ماما كامت تنطيني بس القليل كلش عندي نفقه وهمزين ماعندي اي طلب ومحد يريد مني فلوس ابد.
مرت ايامي طبيعي بدون اي شي جديد وشهر جر شهر وخلصت السنه الدراسيه وحمودي طلع الاول هو وميمي والحمد لله والشكر بدينه بعطله نهايه السنه وماكو اي شي جديد سافرنه لايران لان ميمي مريض طلعت وره اذنه اشلون التليف وكالو الا عمليه.
وماما ماقبلت نسويله اي شي بالعراق اخذناه ورحنه لمشهد وشافه الدكتور وحددموعد للعمليه مالته واه ياميمي وامراضه جانت اسوء ايام حياتي هي عمليه ميمي شعور صعب حيل من تشوف قطعه من كلبك مريض ويحتاج عمليه وهو طفل اخذناه للامام الرضا عليه السلام زرنه وندعيته بيومها محد بينه نام وجان رمضان وصايمين بقيت ليله كامله بس ابجي تمنيت بابا الله يرحمه موجود واشكيله حالي ووضعي تعبت والدنيا دارت بيا طلعنه من الصبح للمستشفى.
وحبيبي اشوف وجهه اصفر مدري اصبر على روحي وعلى حمودي مدري اصبر عليه ربي لتشوفني بيهم يوم ربي ماعندي غير رحمتك الهي وليداتي ماعندي غيرهم احميهم وارحمهم برحمتك بقيت الطريق كله اصبر على روحي مااريد ابجي كدامه وصلنه للمستشفى وكعدتهم يم ماما ورحت ويه المترجمه كملت الاجراءات بس داخلي مكسور ربي هذا وليدي وحبيب كلبي هومه هذوله إلى طلعت بيهم من الدنيا كلها لتشوفني بيهم يوم محلو ربي رحمتك كملت الاجراءات كلها واخذنه غرفه لميمي ولبسوه ملابس العمليه اني اضحك كدامه بس كلبي ينزف دم ويه كل نظره لعيونه روحي تطلع.
سووله تحاليل كامله وبقسنه ننتظر السره مالته وصل السره لميمي وصاحو اسمه اني هنا احس روحي دتطلع ولو ميته ولا اشوف هيج يوم ساعات متتمناها للعدو ربي رحمتك ياالهي اخذت ابني اني والمترجمه وصعدت ليفوك لصاله العمليه.
واني بكل خطوه احس روحي دتروح تمنيت المرض كله بيا ولا بوليداتي امشي وانخه باهل البيت ورب العالمين ودموعي بدت تنزل اشكد حاولت ماابجي كدام ابني وارفع من معنوياته واقوي بس بعد مااتحمل حيلي انهد وتعبت اني بشر مو صخر تعبت واني اشوف الدنيا تفر بيا مثل الدولاب إلى متى وليش يالهي اني شمسويه وهيج تعاقبني رحمتك يالهي دخلته لصاله العمليه وهو يبجي ميقبل يروح كوه قنعته كتله روح ياابني والزهره وام البنين والايمه المعصومين كلهم.
وياك ياابني النبي محمد ص وياك ياابني اني بشر بس إلى يمك احسن مني روح والامام الرضا واكف وياك سلمتك بايديهم ياوليدي اني احاجي ودموعي تنزل واحس قطع كلبي كلها تنمر وتتكع تكطع بوسته وحضنته وراح اني هنا انهاريت بعد مااتحمل ابني قطعه من كلبي اخذو مني ربي ليش مرضي إلى موتني إلى اخذتني المترجمه وطلعنه نزلت للغرفه يم ماما وحمودي واني كعدت بالكاع دموعي مانشفت ولاثانيه احس الوقت ميمر والدقايق صارت سنين.
صليت واندعيت ربي سهل امر وليدي ويكومه إلى بالسلامه بقيت ادعي وابجي وعبرت الساعه وابني ماطلع بس ماجانت ساعه جانت بالنسبه اليا سنين بقيت ابجي وادعي لحد ماكالو اجه طلعو من العمليه ركضت عليه اشوف ابني وجهه كله دم ومشدود وراسه ويبجي ويصيح راسي يوجعني ياريته بعد راسي يايمه سوده بوجهي بقيت ابني بقيت اني ابجي وحمودي وماما وميمي كلنه نبجي.
جانت ساعات صعبه حيل اصعب احساس واصعب موقف مريت بي من اشوف ابني يتوجع ويبجي واني كلشي مااكدر اسويله واجوي ديخلوله مغذي والوريد مالته صغير مؤت وميرهم
شالو الكانولا وهو يبجي يردون يخلوها بغير جهه واني اشوف ابني فحطان من الوجع والخوف كعدت بالكاع بعد حتى حيل مابيا تمنيت اموت ولااعيش هيج موقف تمنيت يقطعون جسمي تقطع وبدون بنج ولا ولدي تمسهم شعرايه ياعالم ياناس.
هذوله وليداتي إلى طلعت منهم من الدنيا كلها الحمد لله جانت بالغرفه إلى بصفنه بيها زلم 2 عراقيين عافو مريضهم واجونه لان شافونه بس نسوان وحالتنه حاله هومه إلى قنعو ميمي وانطوه الحبوب والكبسول مالته اني كعدت بره عالدرج ودموعي ماوكفت ولاثانيه وخطيه حمودي هم بس يبجي وبلا اكل لاريوك ولاغده باوعته بكسر الخاطر اخذته وطلعت للاسواق إلى يم المستشفىً وعفت ميمي نايم يمه ماما وطلعت اشتريت لحمودي كيك وسندويج بارد وعصاير وجبن وخبز ورجعت عالسريع اركض بالي كله يم ميمي اتصلت باهلي إلى بالعراق وفتحتهم كام وطمنتهم على ميمي والحمد لله شافه الدكتور المغرب وكال وضعه تمام تكدرون اطلعو بس لازم ميتحرك وتنتبهون عليه اخذناه وطلعنه ساعه تسعه بالليل واني وماما بلا اكل احس حلكي يبس والكاع تفتر بيا اخذنه ميمي للبيت.
والحمد لله صار احسن كعد صحصح وشربته عصير وانطيته شوربه جاهزه جابتها ماما من المطعم وكعدنه اني وماما فطرنه بالليل قريب العشره كوه اكلت نفسي مسدوده ومالي خلك كلشي احس عيوني من البجي والنوح كوه اكدر افتحهن بقيت اسبوع كامل ماانام الليل كله لان لازم يبقى نايم على ظهره ميصير ينام عالجوانب كمت اسهر الليل كله لحد السته الصبح انام وتكعد ماما لحد ال 12 الظهر.
وارجع استلمه لثاني يوم وخلص الاسبوع وراجعنه بي للطبيب واموره صارت زينه والحمد لله صحته اتحسنت والورم مابي شي حميد وكال لتخافون عليه وبقينه بمشهد شهر على مود ميمي وطبعا جاسم ابد لاسال ولا خابر عالولد هو يدري لان خابره حمودي كله حنروح لايران نسوي عمليه لميمي بس هو ابد ماسال ولا كانهه ابنه بين الحياه والموت منو ضامن عمره هذا بنج وهو طفل.
الحمدلله وضع ميمي صار كلش زين واذنه مابيها شي ورجعنه للعراق وجاسم ابد ولا سال ولاكانهه احنه هم تعلمنه على عدهم اهتمامه بالاطفال هو اني جنت يمه ويكولي حهالج وولدج اذا هسه انفصلنه.
المهم اني شنو بي مرت الايام وخلصت عطله نهايه السنه وحمودي صار صف سادس وميمي بالرابع صار والحمل زاد عليا وهمي صار اكبر لان حمودي سادس واريده يطلع معدل عالي مااريد احد يتشمت بيا مااريد كلام جاسم من وكف وكال مستحيل تهتم بالاطفال وهسه ميكملون ابتدائيه والحمد لله مستوى حمودي جان كلش زين ومشت الايام وميمي هم شاطر.
بس جان تركيزي بحمودي اقوى لان سادس وبكلوريا وانوب بالسنه إلى هو صار سادس صار الدخول صفر يعني بدون سعي وهذا الشي خوفني حيل وحمودي من النوع الفقير كلش بقوا اثنينهم محافظين على مستواهم واني هالفتره نزلت برنامج انستا.
بنات خالاتي كلولي حلو ونزلته وعلمتني عليه بت خالتي جان صدك حلو وبديت اضيف بيجات واصدقاء وبالصدفه لكيت استوري من احد الاصدقاء كاتب شنو رايكم باخلاقي زفت لو زينه اني بالغلط ضغطت زفت وصرت بموقف كلش محلو حاولت اعيد الضغط ردت عالجت بس مافاد اخير شي قررت ادخل للولد خاص واعتذر منه دخلت خاص
رفيف: مرحبا
شهم: مراحب.
رفيف: خويه اني اسفه ضغطت بالغلط على زفت والله مو قصدي والنبي مااعرف اشلون انضغط اعتذر منك خويه سامحني
شهم: عادي خويه مصار شي طبعا اني بداخلي اضحك لان اصلا سويت الاستوري للضحك وهاي خطيه مصدكه وبقت تعتذر مني واني اصلا ادري بيها بدون قصد هي تعتذر واني خربان ضحك عليها اشلون مهتمه بالموضوع وهو اصلا للضحك والله تدري بجماعتي شنو دازين وكاتبين جان مااعتذرت
رفيف: خويه الله يخليك سامحني من رخصتك بيباي.
شهم: مرخوصه خويه براحتج باي وخليت قلب اسود
رفيف: خويه ليش قلب اسود مخلي سمايل
شهم: وهل للاشياء المحترقه غير اللون الاسود
رفيف: اني مافهمت شنوقصد شهم واشبي
طلعت من المحادثه واني كلش مستحيه من الولد اشلون هيج اضغط اني على زفت اووف ياحظي
الزفت.
ومرت الايام وبقيت اعلق لشهم عالاستوريات مالته وهو هم يعلق على استورياتي وجان يحب اولادي حيل وجنت اني وياه نسولف وافضفض إلى بداخلي جان بالنسبه إلى صديق مقرب صح هو مااعرفه وماعندي علاقه بي كجيران بس جان كلش قريب عليا جان يخفف عليا همومي احس بي اخ وصديق وقريب عليا وبديت اتعلق بي وانعحب بشخصيته حيل جنت اتمنى لو جنت اني بعدني بنيه وماعندي اطفال 2 جان وضعي بشهم اختلف وبدينه بشهر العاشر وفتحت النت لكيت مسج من شهم.
شهم: - لحد ما اجه اليوم الاسوي بي العمليه فحاجيتها وسلمت عليها وكتلها باجر عمليتي ترا
اخاف اغيب وختفي معنها اقريلي الفاتحه وبريني الذمه
اوكفوووو اوووكفوووو معرفتكم عليه صح
اني اسمي شهم
مواليد 14/2/1990
مولود بعيد الحب واحب الحب
وكلش اتمنه احب وانحب
بس بهلموضوع جنت كلش حذر كلش لان ما ريد ينكسر كلبي
اني طالب هندسه طيران مدني
من اب عراقي وام جذورها تركيه
شكلي حنطاوي مسمر عيوني جوزي طولي 190.
شويه معضل اني شاعر وفنان معروف بس اسمي الحقيقي مو شهم...
لازم كل شاعر او فنان او اي فاشينيستا يكون اله معجبين ومعجبات واني من نوع احب اتصفح بمنشورات متابعيني وشوف اذواقهم بالنشر ثقافتهم، الخ
فجانت اكو متابعه من المتابعبن اسم حسابها رفيف اطب افتح صور اطفالها الناشرتهم ومتابع نشرها لصور اطفالها اول باول لان طبعي اعشق الاطفال بصوره كلش مبالغ بيها
وجهالها يجننون فجنت احبهم واني ما شايفهم بالواقع.
عيونهم وتفاصيلهم جانت كلش كيوت وينحبون
ويوم من الايام ثبتت برنامج الصراحه بلانستكرام
فاجتني هوووواي مصارحات وانتقادات ونصائح بستثناء مصارحه شويه ما حبيتها جان النص مالتها. يكول، انته ليش اخلاقك زفت!
صراحه بوكتها ضجت وبنفس الوقت ضحكت لان مو اني هذا المقصود اني اعرف روحي انسان احب الكل وما اسيئ لاي شخص واسلوبي جدا مجامل واتمنه الخير للكل واساعد الكل واحب الكل
وتسائلت بلحضتها، ليش هذا الشخص دزلي هيج.
معقوله اني إلى لحد هسه، ما ذابح دجاجه لان استخطيها وما ماذي اي شخص ولا متجاوز على اي شخص زين شنو غايته من كتبلي كلت يله الشجره المثمره ترميها الناس بالحجاره
فكلت خل انزل المصارحه ستوري وسوي استفتاء من باب المزاح لان اني بطبعي كلش كلش سبورت وكلت متابعيني يضغطون اما زفت او زينه.
ونزلت لستوري ههههههههههه طبعا اول إلى ردو اصدقائي السرسريه ههههه الاحبهم كلهم كتبو زفت بس تفاجىت بصفحة رفيف. هم ضاغطه على زفت رغم اني لا اعرفها ولا تعرفني
بهل اثناء طبت رفيف وسلمت عليه وعتذرت مني
وضلت تحلف انو هيه ما متقصده وتلوم بروحها وتتاسف
طبعا اني ابد ما ضجت لان جنت خربان ضحك لان الموضوع كله شقه وحته اكسر الروتين والرتابه.
وضلت تلوم بروحها وتعتذر واني اكلها والله عادي مصار شي يعني من كتبتي زفت قابل اخلاقي زفت ما صار شي واالله
جان تكلي اترجاك لا تاخذ على خاطرك
كتلها اوووف شكد تلحين ههههههههههه
خرب، ورا يومين نزلت صورها ابنها الزغير ستوري فرديت على الستوري كتبتلها فدوه شكد حلوووو الله يحفضه
فجاوبتني الله يحفضك تسلم بس ما اعرف شلون اردك عليك لان كلش خجلانه منك والله مو قصدي ضغطت على زفت.
كتلها هم. رجعنه ههههههههه لنفس السالفه كتلج والله الموضع شقه ومماخذ بخاطر ي
فسئلتها على ابو اااولاد شنو يشتغل
فجاوبتني بحزن كالت ما عدهم اب
اني هنا عرفت انو منفصله عن ابوهم
فسئلتها منفصله عنه كالت اي قبل 3 سنوات
وبديت اسولفلها ان شلون الحياة مو عادله تاذينه وتلقي بهمومها ومصايبها علينه وحنه عايشين. فبدت هم تسولفلي عن حياتها شون زوجها خانها ويه صديقتها القريبه عليها وما قدر تعبها ولا حترم العشره.
رغم الله نطا زوجه تم صياغة خلقتها بنفس القالب إلى تم صياغة يوسف عليه السلام به
يعني جماااال وشهاده وبنت عائله وبت خير يعني منين ما تشوفها ماخذه نبر one فبديت اواسيها كتلها اليوم الحياة مو عادله
هسه مو اني كدامج شاب بعدني بلبة شبابي وعندي.
صمام بالقلب لازم اسوي عمليه ولازم ما اداوم مرحله ثانيه لان ممنوع عليه اي اجهاد او تعب او دراسه لمدة سنه واني دراستي حته اصعب من الطب ورغم هاي الصعوبه بالمرحله الاولى طلعت الاول على المرحله لان كلش احب دراستي وجان حلمي الطيران منذ الطفوله
فضحكت وكالت اشو انته من عمليه وخايف اني كدامك مسويه سبع عمليات وصارت عندي طبة صالة العمليات مثل طبتي للمول.
فبدت تقويني وتسولفلي المواقف الصارت وياها ويه كل عمليه وامور عن حياتها فصارت صديقتي حيل بس ما جنه نتواصل يوميه.
واذا رجعت للبيت اكلمج وطمنج هيه بوكتها هووواي دعتلي وكالت راح اكوم اصلي ودعيلك وقرا قران وفدوه طمني كتلها ان شاء الله فحاجيت امي انو تجهز وعلى ما دا جهز ناخذ غراضنه استعدادا للعمليه وعمليتي طبعا جانت فوق الكبرى وعمليه. خطره وصعبه ومعقده فجنت كلش خايف بس خوفي مو من موت ولا من اللم العمليه لا، خوفي جان على اهلي لان ادري بلاياي يتيهون يضيعون.
رغم عندي اخ شاب واخت شابه والحمد لله والدي طيب بس العائله كلها اعتماده عليه وجنت اخاف عليهم من هذا وكتنه الصعب ودنيتنه الغبره لانهم حييييييل ناس فطررر ومن اهل الله
بهل اثناء والدتي دا تحضر الغراض اني رحت صحت اخوي فهمته.
كتله هذا الملف بالابتوب بس تفتحه تلكه وصيتي ضحك كال انته مو بطران فضحك وبنفس الوقت نزلت دمعته بحيث امتزجت دمعته وضحكته وضحكتي ودمعتي الموقف كلش صعب، كتله وكتبتلك هم رمز الفيس والتلفون وكل حساباتي وباوع ولك امسح دموعك
اي شي يصير تحذف كل حساباتي وبتلفوني ما تخلي ولا صوره لان امي تتاذه وشكلت ذمته على اهلي وكتله ما ريد تنزل دمعتك واي احد يشوفها.
وصاحتني امي كالت كملت يله هسه ناجر تكسي لو نخلي اخوك سرمد يوصلنه كتله سرمد هذاك اليوم تعلم سياقه وهسه طرق ازحام وزياره
فطلعنه اني وامي نتمشه لراس الشارع والجوارين اسلم عليهم واشوف بداخلهم نضرات ستغراب دا امشي بدون سيارتي وشايل بطانيه وعلاليك لان مو من عوادي يشوفوني هيج
واسلم عليهم واحاول ما ابين اكو بداخلي خوف.
وامشي والف حسبه تجي بالي لحد ما وصلت لراس الشارع واني اسمع دكات كلبي اشرت لابو تكسي سيارته بيضه جانت ونضيفه حيل رغم دنيه البارحه ماطره وطيانه تفقت ويا صعدنه ومشه بينه ورا دقيقه جان السياه تكول استبدل مصفاة الزيت
كتلها هاي سمند ناطقه كالي السايق اي بس بالي مو يمه.