رواية شهوات رجل ظالم للكاتبة زهراء أمجد الفصل الثلاثون والأخير
شهم: - لحد ما اجه اليوم الاسوي بي العمليه فحاجيتها وسلمت عليها وكتلها باجر عمليتي ترا
اخاف اغيب وختفي معنها اقريلي الفاتحه وبريني الذمه
شهم: مرحبا اشلونج حبيت اسلم عليج وابريلي الذمه وسامحيني اذا بيوم اتجاوزت او ضايقتج اني حروح اسوي عمليه وخاف اغيب عنج اسبوع او اكثر لتقلقين عليا سلامي الج وبوساتي للاطفال.
رفيف: اني قريت المسج مالته احس روحي طلعت مااعرف شصار بيا قلق خوف خنكه مااعرف اشبيا وليش وشنو ماادري شعور غريب
راسلته كتله خويه تروح وترجع بالف سلامه وربي يكومك بالسلامه بس انت شنو عمليتك وشنو هالعمليه المفاجئه
شهم: الله يسلمج ياهي بعد كل واحد ونصيبه اني خاف اغيب عنج عادي
رفيف: خويه طمني عليك اول متصير زين وتطلع من المستشفى ترى حبقى قلقه عليك
شهم: ان شاء الله يلا اني اترخص مع السلامه.
رفيف: الله وياك خويه مع الف سلامه طلعت من المحادثه وانط مقهوره حيل وقلقه على شهم ماادري حاله شنو بقيت ادعي ربي يسهله امره ويكومه بالسلامه وخلص اليوم عادي وعبرنه لليوم الثاني واني الوج على شهم زين اني اشبيا ليش هيج قلقه عليه هل ياترى احبه لو شنو هالخوف والقلق عليه ربي ارشدني للطريق الصحيح
شهم: - اباوع على الزوار يمشون لان صادفت بالزياره الاربعينيه واني خايف اخاف بعد ما امشي.
بعد شلون راح ادري اهلي فكلت ونذرت لابو عبد الله الحسين كتله اذا رجعت امشي مثل قبل اني سنه تجي امشيلك من الباب لحد الضريح يا سيدي ومولاي واذا هاي بعد نهايتي فاوصيك باهلي
و جان خوف بداخلي على اهلي كلش قوي
بهل اثناء جان السياره تكول
استبدل مصفاة الزيت
فلتر الهواء بحاجه الى تبديل
الاطارات تحتاج التزويد بالهواء
مستوى الوقود منخفض
اخفض السرعه خطر اخفض السرعه.
وحنه نمشي على كيفنه لان مواكب وازدحام وهاي تصيح اخفض السرعه
فهنا ضحكت من كل وكلبي
ونسيت شي اسمه خوف
بعد وكىنما الله سبحانة نطقها حته تضحكني وتكسر الخوف إلى بداخلي
كتله للسايق هاي ما بقت شي ما كتلك عاطل وبدله لعد شلون دا تمشي
وفوكاها نمشي تاتي تاتي وتكلك خفض سرعه
اكو شخص صاعد وياك وبيده مشروب وسكرت السياره
كال السايق هذا الايراني ما بي حض من ورا المطر العقل مالتها ضرب
كتله حقها اذا احنه عقولنه ضاربه.
وصلنه للمستشفى لكيت والدي حال من دوامه ومنتضرنه بالمستشفى الحمد لله سويت العمليه ونجحت وطلعت ثاني يوم
رجعت للبيت بين هوسه الخطاير والاقارب صار عندي فراغ صحت لاخوي يجيبلي تلفوني فتحته لكيت مسج من رفيف هلو خويه شلونك طمني عنك
فتحت الانستا ودخلت للمحادثه مال شهم وراسلته
رفيف: مرحبا خويه بشرني اشلون صرت ان شاء الله عدت العمليه على خير اول ومتفتح نت حاجيني تره قلقه عليك باي.
وطلعت من المحادثه واني ببالي الف تفكير ربي كومه بالسلامه خطيه بعده شاب وعمليته صعبه الهي بحق محمد وال محمد سهله اموره
بقيت يومين واني انتظر مسج او رساله من شهم ماكو
ثالث يوم فتحت الانستا واني على امب احصل مسج من شهم وفعلا لكيت شهم مراسلني وبلغني انو هو طلع من العمليه والحمد لله اموره احسن صح عدنه الم ووجع بس الحمد لله زال عنه الخطر تراسلنه اني وياه.
وتحمدتله بالسلامه وبداخلي جانت فرحه متنوصف ربي الحمد لله رجعتلي شهم ومابي شي ومرت ايامي عادي نتراسل اني وشهم كل يوم صار جزء من حياتي واطورت مسجاتنه الى اتصالات
سلمت عليها وكتلها طلعت اليوم الحمد لله
كالتتت هوااي دعيتلك والحمد لله على السلامه
كتله الله يسلمج الجهال شلونهم
كالت زينين فضلينه نسولف 1 بالليل هيه تعبت من كتابه واني هم مو زين عليه الاجهاد فتفقنه نتصل.
وحجينه اتصال الساعه بالوحده بالليل وجان اول يوم اسمع بي صوت رفيف. بوكتها حسيته اشبه بصوت مفاتيح تقترب من زنزانه سجين
صوتها جان كلش دافي وعذب صوت اختصر كل الجمال
وبدينه نسولف ونتشاقه سولفنه على جمالها وشلون زوجها ما يستحق هيج انسانه ومن ضلت تسولف على جمالها بديت اتخيل شكلها بس الاوصاف إلى تسولف عنهم كئنما اوصاف حور عين
فسئلتها انتي جنتي بالجنه قبل لا تجين للحله
فضحكت وحسيت رمح وحشي خترق قلبي.
ولان اني مسوي عمليه وما اكدر اطلع عتبة باب الغرفه ولا اكدر اتحرك من جربايتي. وهيه جانت تاركه الوضيفه قبل لا اعرفها بثلاث اشهر
فجان عدنه وقت فراغ هووواي نحجي بي
يعني جنه نقضي ما يقارب عشر ساعات الى 15 ساعه ما بين نتخابر او نتراسل كتابه
وجنه حته نغفه والخط مفتوح والي يصحه قبل يسده...
وبهذيج الفتره جان من المفترض تكون عندي الام بعد العمليه لان جان لازم ابقه طريح الفراش لمدة شهرين بس حديثي ويه رفيف وصوتها جان اشبه بمخدر
استمتع بي ويخليني اروح بعالم غير عالمنه، عالم لون السماء بي وردي، عالم اشبه بعالم والتدزني
عالم كلشي بي حلوووو فجنت ما حس باي الم من العمليه، رغم كمية الحزن الكلش كلش جبيره جواها، بس جانت تمنحني السعاده والضحكه.
رفيف: - لحد ما خلصت نهايه السنه ودخلنه بسنه 2019 وقرر شهم نتلاكه اني وياه كتله اني حاخذ الجهال وخالتي زهره ونروح للمول وتشاوفنه اني وشهم وهاي جانت اول مره اشوفه ويشوفني بالحقيقه جان شعور كلش حلو بس جنت خايفه من خالتي زهره تروح تحس واذا حست تذبني والله بقينه نتبادل النظرات
والابتسامات لحظه حسيت روحي ملكت الكون كله بقينه واحد يباوع للثاني ونتراسل مسجات لان مااكدر احاجي او يحاجيني.
وخلصت امتحانات نصف السنه وجانو اجابتهم اثنينهم كلش زينه ورجعنه لمشهد بعطله نصف السنه لان اخو خيوط باذن ميمي ماوكعت مع العلم الدكتور كال خيوطه لحميه فرجعنه مره ثانيه وخطيه فتحو اشويه من الجرح وطلعو الخيوط النايمه جوه الجلد دخلت ماما وياه واني بقيت بالانتظار مااكدر ادخل واشوف ابني وهو سوده عليا اشوفه خايف بس يكابر والحمد لله فضت سالفه ميمي وبقينه اسبوع لحد ماطاب كلش يالله رجعنه وياريتني مارجعت رجع محمد من جديد طلب ايدي من ماما واني هم رفضت حاولت افهمه انو احنه بعد منصلح لبعض بس مافاد طلبت من ماما انو التقي بي اريد اتفاهم وياه وطلعت وياه ورحنه لتوت فريش اني بوقتها طلبت عصير رمان وهو عصير برتقال كتله.
شوف محمد احنه بعد مستحيل نرهم لبعض انت رجال متزوج واني مااريد اصلح بيتي لحساب اخرب بيت ثاني.
يعني انت تريد تتزوج بدون علم زوجتك مافكرت اذا عوفت شنو موقفه حيصير اجتي لبيت اهلي وسوتلي هوسه بالمنطقه اني بيا موقف اصير فكر بجهالك حيتقبلون ابوهم اتزوج غير امهم مرتك من راح تعرف واكيد حتطلع زعلانه وتلم جهالها وتروح لاهلها ومتقبل ترجع وادكلك لو اني لو رفيف انت شنو حتسوي فهمني ولدكولي افضلج عليها واختارح وانتي حبي وانتي عمري مهما يكن تضحي لخاطر جهالك مو صح لو لا محمد انت عندك 3 خطيتهم بركبتي تدري لو لا.
محمد: رفيف متدري مرتي اطمني اني اجيج بالنهار وكل شهر هي تروح كم يوم لاهلها اني ابقى يمج ونسافر هم سوه واني اقوم بمصرفج ومصرف جهالج ومستعد اخليلج بيت وسياره شتردين بعد.
رفيف: محمد اني مو مثل غيري تشتريني بفلوس الحمد لله والشكر لاكاعده بخيمه ولا ذابيني اهلي اني وجهالي بالشارع اني وياك إلى بيناتنه مات من سنين محمد والحمد لله علاقتنه ماجانت حب جان اعجاب من طرفين وكل واحد ضام بكلبه لا حجينه بحب ولا واعدتني بزواج وحتى من احيت وكتلك جايين عليا خطابه تذكر شنو حجيت لو نسيت محمد اترجاك مثل ماانتهى كلشي بيناتنه من سنه 2005.
اتمنى نبقى بس ذكرى حلوه ومهما يكن يبقى بيناتنه السلام والصباح لان الله يحاسب على كعدت ساعه اني مااكلك انت موخوش لا بالعكس انت خوش ولد ومحترم واهلك خوش اهل وربينه سوه بس مستحيل نكون لبعض وانت عندك زوجه مااهجم بيت غيري فااتمنى تنسىه هالموضوع ماشي.
محمد: عصبتني رفيف بكلامها حيل قدمتلها كلشي وجنت مستعد اوفرلها احسن عيشه بس هي رفضت عرضي كتلها اسمعي رفيف اني العندي كلته وامج اتفقت وياها على كلشي ونهايه شهر الثاني نعقد محكمه وسيد ونتزوج غير هذا الكلام ماعندي اني مو اصرف واتعب وارتب وضعي وانتي حضرتج كاعده تبيعين مثاليات براسي اني متفق ويه امج وهي كالت رفيف موافقه.
رفيف: اسمع كلام محمد واني احترك دمي احس اهتنكت ودخت حيل دموعي كامت تنزل وحدها يعني شنو ماما تنطي موافقه وهي تدري رافضه ومستحيل اقبل ياعالم ياناس افتهموني ليش اهجم بيت غيري وشنو جابرني اعيش بسر ليش
تره الرجال سند وظهر قبل كلشي. كتله اريد اروح للبيت لان دخت حيل ونفسي كامت تلعب دفع الحساب وطلعنه وصلت لباب المحل كمت اذب من راسي ودخت حيل كعدت عالرصيف راح جابلي بطل مي غسلت وشربت وكتله وديني للبيت بسرعه.
محمد: شفتها اتخربطت حرت بيها هاي شجاها صعدنه بالسياره واخذتها للمضمد جيرانه بالجمعيه ماقبلت كالت وديني للبيت بس اني اتوسلت بيها ونزلتها كوه قاس الضغط مالتها طلع هابط حيل راد يخليلها مغذي بس هي ماقبلت كالت رجعي للبيت رجعتها ونزلت بسرعه حتى ماكالت مع السلامه رجعت باب السياره حيل ونزلت بسرعه فتحت باب بيتهم ودخلت.
رفيف: طبيت للبيت بس احس نار بكلبي تسعر ليش هيج ياماما ليش تردين تسوين بيا هيج خابرتها كتلها عود اتفقنه بشهر الثاني نعقد والي تردي صار وسديته منها بقيت اليوم كله نايمه ومالي حيل.
اتنفس احس الدنيا بعد رجعت سجنتني من جديد رحمتك يالهي ومرت الايام ركض ركض واني ويه ماما مشاكل مستمره حتى وصلت ضربتني وصخت ايدي كتلها تفركشين السالفه لو اعرف انهزم واعوفلج البيت واطلع طبعا ماما بالبدايه كالت مو بكيفج بس بعدين خضعت للامر الواقع بس العلاقه بيناتنه صارت كلش موزينه بدينه بالفصل الثاني واني منا.
مشاكلي ويه ماما ومنا دراسه حمودي وسادس وبكلوريا وضعي ونفسيتي تعبت حيل محمد بعد من يومها وماما بلغته برفضي ابتعد عني كال خلاص هذا قرارها واني احترمه ودخلنه بشهر رمضان وجان بشهر الخامس والجو يصمط صمط وجانت فتره مراجعه حمودي ميمي الحمد لله خلص امتحانات.
وطلع الاول وراح لصف خامس وبدت امتحانات حماده برمضان وجان اصعب شهر عندي لان ابقى كاعده لحد ميرجع حمودي من الامتحان واطمن عليه يالله انام واني صايمه انام اربع ساعات باليوم فقط وارجع اكعد ادرس حمودي واطلعله مرشحات واسئله من النت وبالذات اول يوم رغم السهر والتعب اخذته للمدرسه ودخلته واطمنت ابني دخل للقاعه يالله.
رجعت ومشت الامتحانات بتعب وصيام والحمد لله خلص حمودي امتحانات وخلص رمضان هم وبدينه بالعيد خلال هاي الفتره اتقدملي اكثر من شخص بس جنت ارفض خلال هاي الفتره فكرت بالهجره مره ثانيه واتفقت ويه صديقتي انو تشوف صديقتها هي بتركيا تشوفلي شغل بس ماحصلت شي اشتغلت بشركه قروض بالحله براتب 400 انطي 100.
خط والباقي مصرف إلى حمودي اخذ النتيجه وطلع معدل 95. 3 الحمد لله قدمتله عالمتميزين ودخلته دوره بمعهد بشارع 40 ماما خلال هاي الغتره صحتها هم تعبت وكامت تشكي من صدرها سافرنه اني وياها وخالاتي زهره وتغريد وجهالي وبيبي لمشهد حتى.
هومه يتونسون وماما علاج وطلع بيها خبيث بصدرها بالبدايه كال ماكو شي بس بعدين طلع خبيت وسوت عمليه ونحجت رغم قساوتها عليا بس مهما يكن هاي امي سندي وظهري امي إلى حبلت بيا تسع شهور اني ام واعرف شنو يعني الطفل والتربيه اتاذيت لمرضها حيل حتى صحتي تعبت بقيت ادعي الله يشافيها ويكومها بالسلامه بلحظه نسيت كل قساوتها ويايه.
دخلت للعمليه واخذت كلبي وياها رغم هي متدري حيكصون صدرها اثنينهن كلناها مجرد وخزه ونصغر صدرج لان جبير وثكيل على جسمج واذا بقى احتمال يصير بي خبيث فهي دخلت متدري شنو الموضوع طولت عمليتها 4 ساعات طبعا اني هنا انهاريت انتهيت مهما يكن الام عزيزه خالاتي ويايه بالمستشفى وبيبي بقيناها بالفندق يم جهالي ماشفت.
ماما طالعه الا بطلعان الروح خلال هاي الفتره رجعت علاقتي بيها تحسنت وبالذات هسه هي وضعها صعب واني بتها وحيدتها لازم انسى كلشي واحتضن امي إلى مالي غيرها بالدنيا بقينه بايران شهر وبعدها رجعنه ماما وضعها التحسن مالته ضعيف حيل الدكتور كال ميحتاج كيمياوي اني اخذت المرض وزياده وانطانه تقارير كامله تراجع بيهن بالعراق حمودي امتحن بالمتميزين بس للاسف ماقبلو صح ضجت وانقهرت لان حسيت تعب ابني راح بلاش بس بقيت اصبر عليه واقوي ولكيتله متوسطه نموذجيه عن طريق معارف ماما وقبلو والحمد لله مستواها كلش زين.
نرجع لجاسم طبعا خلال هاي الاشهر هو مختفي حتى بالولد ميتواصل اخر مره شفته بالوكاله مال السفر من سواها لحهالي وماقبل بالبدايه وشلع كلبنه اني وماما يالله وقع كل يوم يكول والله مافارغ والله ماعندي وكت وره ماخلص الوكاله واختفي طلع واكع من تيل صاعد ديسوي كهرباء ومتكسر تكسر بحيث ايدي اليمنه كلها بلاتين والحوض مالته مفطور وطبعا اجتنه بنيه ثانيه اني سمعت بالخبر حسبالهم اتشمت بس المرض مابي شماته كتلهم شي بعد مات وانتهى وايده اليمنه بقت مجرد شكل وحركه بسيطه مااعرف ليش هذا إلى فهمته من حمودي الشركه الثانيه إلى داومت بيها بطلوني بسبب اوضاع المظاهرات كان اخر يوم داومت بي يوم 31/12/2019.
يعني اتسقبلت السنه واني بالبيت ماما قررت بعد معاناه ومشاكل تنطيني ايجار واحد من البيوت يعني تقريبا دخلي الشهر 600 حمودي مستقر بداومه ومخليتله خط ومرتاح بمدرسته وميمي حبيب امه خامس وشالع كلبي واني كاعده وساكته بالبيت لهنا وتخلص قصتي ومعاناتي اختصرت هواي منها واشكر كل المتابعات.
والمتابعين إلى عاشو ويايه حياتي بحلاتها ومرارتها واشكر كل إلى علقولي سواء بتعليق سلبي او ايجابي اتمنى استفاديتو من تجربتي ومن حياتي ونصيحتي لكل بنيه لتمشين وره قلبج ولتخضعين لكلام اهلج وانتي رافضته حكمي عقلج وخليج قويه ومعليج بكلام الناس لان مهما يكن الناس مترضى على اي احد سلامي للجميع وشكري الخاص للكاتبه المبدعه زهوري إلى قبلت تنشر قصتي ????????.
انا الكاتبه زهراء أمجد لهنا وانتهت قصه رفيف وكل معاناتها...
وان تتمنون الخير لرفيف فلتسالون عن الشخصيه إلى ضهرت بلقصه انسووها لان بسبب ذكره بالقصه تعرضت لمشاكل هواي...
البطل ماانسحب بس البطل كتب امور بالسرد صايره بين البطل والبطله والبطله رفضت اعتبرتها خصوصيات بيناتهم والبطل بقى مصر انو لازم ينقل الاحداث بدون اي نقصان او زياده.
فرجااا لحد يكول والشخصيه الجديده وين لان اعترضت رفيف عن نشر القصه وهوا بيها وماكدر بعد اذا نشرت حصير مشاكل لاالها اول ولا تالي لرفيف...
لهنا وذكرتلكم كل احداث رفيف الصارت لحد هسه
واصلا رفيف ناويه تذكر قصتها لحد متوصل للطلاق بجاسم لكن اني كتلها كمليها لحد هسه وهيه صارتلها مشاكل فاعتذر منكم.