رواية شمس الصعيد الجزء الأول للكاتبة ياسمين علاء الدين الفصل العاشر
وصل مساء ليجد البيت هادئ
دخل فزاع إلى الغرفه كانت شمس نائمه...
نظر لها بحب لفت نظره العشاء
يبدو أنها كانت في انتظاره.
اغلق الباب بهدوء حتى لا يزعجها وذهب إليها حملها بهدوء وراح على السرير يضعها ولكن شمس فتحت عينيها
فزاع بهمس: كملي نومك يا حبيبتي
شمس بنوم: اتاخرت ليه
فزاع: سامحيني كان في مشاكل واتحلت الحمد لله
شمس: انا عملتلك عشاء
فزاع: مش هاكل. كملي نومك انتي.
شمس وضعت يدها على رقبته: بس انا مش عايزه انام
فزاع بمكر: احسن برضو. قومي فوقي. وانا هدخل الحمام ثواني واجيلك يا شمسي
شمس وقفت من على السرير وظبطت نفسها في المرايا وأضات الشموع وشغلت موسيقي. فزاع أخذ دش وخرج وهو ينظر لها بإعجاب وحب يكبر يوم بعد يوم. اقترب منها
شمس: أرقص معايا سلو
فزاع: لازم سلو.
شمس: اه
فزاع: ينفع اكده. كبير عائله الهاشمي يرقص و سلو كمان.
شمس بدلع: بس انت معايا مش الكبير. انت زوجي حبيبي. صح
فزاع ضحك وقرب منها ووضع يده على خصرها وابدأ يتحرك معاها.
شمس: شوفت الموضوع سهل. بطل تعقد الامور
فزاع: ماشي ياست شمس. بس ايه الجمال ده كله شمس منوره
شمس: بحبك يا روح القلب. قولي شعر من اللي انت حفظه
فزاع: اممم
باحبّك حبّ صَعيدي جوّاني
باحبّك كِيف ما سكن الليل في صوت (فيروز)
وسكن الصوت في ليل قلبي وجُوّاني.
باحبك كيف نسيم الزرعة لما يطير في جو الريف وجو النيل وجواني
باحبِّك حُبّ حيَّاني
وزوّد شوقي للحُرقة ولِلُّقْيَا ولِلْفُرقَة
وللدمعة اللي تنزل تحرق الجوابات
ومُشتاقلِك وواحْشاني ومِحتاجلِك. باحبِّكْ
بَاحبِّك حُب كان مكسوف يبيِّن نفسُه قُدّامي
وكان يطلع لي في منامي
في صورة جوز عيون صافية
وبنت جمالها كله سَمَارْ
وأنا شايلِكْ عروس الدارْ
وضرْب النار في كفّ عمامي مامْبَطّلش.
غريب الحِلم لما يواعِد النّعسان ومايطوّلش
شمس: الله جميله. انت بتحب الجخ عشان من قنا
فزاع بضحك: اه بلديات بقي.
شمس ضحكت على صوت ضحكاتهم
فزاع: بقول كفايه اكده بقي. عايزك في كلمه سر.
ومرت الايام وصقر في القاهره لان الدراسه بدات
كان بيوصل ضحي معاه الجامعه الصبح. والحياه ما بينهم فيها شقاوه وحب ومش بتخلي من الغيره
وفزاع مشغول بالشركه والارض ومشاكل البلد وبيخطف الوقت يقضيه مع شمس حياته.
شمس لناصره: عمتو ما تيجي نخرج نتفسح
ناصره: عايزه تروحي فين
شمس: تعالي نركب مركب على النيل. بس انتي اللي هتقولي لفزاع
ناصره: ماشي. اطلعي البسي وانا هكلمه
شمس صعدت إلى غرفتها وابدلت ملابسها لتستعد للخروج ولكن عند نزولها سمعت صوت ضيوف
شمس: اووف هو ده وقته انا زهقانه.
توجهت لاسفل لترحب بالضيوف
ناصره: تعالي ياشمس سلمي علي
الحاج(اشرف)عم فزاع ودي مرته الست(ناديه) ودي (مني) بنتهم. وده (مازن) ابنهم.
((اشرف ده عم فزاع ده راجل طيب وغلبان عنده ارض في البلد وبيت بس هو بيحب يسافر يشتغل بره وبياخد معاه مراته واولاده))
((اما ناديه: مرات اشرف دي مش سهله وعلى طول بتحبب تخطط. وتعمل في مصائب))
((مني: بنت عم فزاع مدلعه. كانت بتحبه من زمان بس هو مش في دماغه. عندها 25سنه))
((مازن: ابن عم فزاع ده صغير عنده 17سنه بس طيب. مشغول دائما بالموبيل)).
شمس سلمت عليهم بابتسامه: اهلا وسهلا نورتونا
جلست بجانب ناصره
مني بغيظ بتكلم امها في ودنها: دي بقي اللي اتجوزها فزاع. مش حلوه على فكره انا احلي منها
ناديه: ده انتي قمر.
اشرف: والله ياحاجه ناصره. انا كنت مسافر في شغل والعيال معايا ولسه جي من السفر. قولت اجي ابارك. واعتذر منك
ناصره: ربنا يقويك يا حاج. حمد لله على السلامه نورت قنا
ناديه: تسلمي يا حاجه. فين فزاع مهمل مرته ليه ده لسه عريس حتي.
ناصره: الشغل يا ام مني. انتي عارفه فزاع زين
ناديه: ربنا معاه. وصقر فين هو كمان
ناصره: رجع القاهره عشان الدراسه ابتدت
اشرف: هنقوم احنا ياحاجه ونبقي نيجي في وقت تاني يكون فزاع اهنا
ناصره: والله ما يحصل. انت هتقعد تتغدا معانا وانا هكلم فزاع يجي
مني: اه خلينا يا بابا. انا عايزه اسلم على فزاع وكمان هنقعد فين
ناديه بخباثه: هنقعد في اي فندق لحد اما الدار يتوضب.
ناصره: وده اسمه كلام يا حاج اشرف. بيت اخوك مفتوحلك في اي وقت تيجي اهنا.
اشرف: ما عهينفعش يا حاجه. كلها يومين وننقل للدار.
ناصره: والله ما يحصل. و(نادت على سعاد)
سعاد: نعم يا حاجه
ناصره: وضبي 3 غرف بسرعه وقوليلهم يحضرو الغداء
سعاد: امرك يا حاجه.
((جريت سعاد واخذت معاها كام بنت وطلعت تنظف الغرف)).
ناصره اتصلت بفزاع واخبرته أن يحضر ليرحب بعمله ويتناول الغداء
مني وناديه يرمقون شمس بغيظ وشمس مش في دماغها حاجه.
ومازن يجلس معاهم ولكنه مشغول بالموبيل.
واشرف يتحدث مع ناصره. مر الوقت وفزاع وصل
دخل من الباب وهو يرتدي بدله رماديه اللون جميله عليه
يبحث بعينه على شمس حياته
اول اما عينيه وقعت عليها ابتسم ابتسامه جذابه
وهي ضحكت وقفت وخرجت من الصالون لتذهب إليه تضمه. حضنها وقبل راسها.
ثم توجهه إلى الداخل يرحب ب عمه ومرات عمه ومني ومازن
وبعد السلام والتحيه جلس بجانب شمس
ومني تشعر بالعيد منهم. ولكن شمس في دنيا اخري مع فزاع.
الغداء جهز و جلسو على المائده كلهم
شمس ساعدت فزاع في خلع جاكت البدله واعطته لسعاد تضعه لاعلي.
رفع اكمام القميص و جذب الكرسي واجلس شمس بجانبه.
كل ذلك يحدث وعيون مني تراقب كل تلك التفاصيل وهي تشتعل من الحقد
انتهي من الطعام
ودخل فزاع يغسل يده في الحمام كانت شمس تقف أمام الباب بالمنشفه، خرج فزاع ليغمز لها وهو يجذبها إليه و خطف قبله سريعه منها من دون أن.
يلاحظ أحد. ولكن مني هي اللتي كانت تراقبهم والحقد يملاء قلبها
جلس فزع مع اشرف ومازن وهو يتحدث معاهم وشمس وناصره تتحدث مع ناديه. ومني تحاول أن تستفز شمس لتحرق دمها
مني لشمس: بس فزاع احلو اووي
شمس: هو اصلا حلو من الاول
مني: اه انتي هتقوليلي. ده البنات كلها كانت عتموت عليه وهو كان بيوصلني المدرسه. ويقولي سيبك منيهم
شمس بغيره: والله. هو كان بيوصلك المدرسه كمان.
مني: اه أصله. كان عيخاف عليه كيف عنيه. بس احنا سفرنا واتفجات انه اتجوزك انتي
((ونظرت لها بسخريه من أعلي لاسفل))
شمس اتغاظت: ومالها انا. ده فزاع بيموت فيا
مني بخبث: فزاع طيب وعيحب كل الناس. اساليني. انا اللي عشرته انتي كنتي في القاهره. وانا متربيه معاه هنا
شمس بغيظ: ههههههه. طيب
مني في سرها: انا هخليكي تتغاظي مني وتنكدي عليه عشان يكره يقعد معاكي. &&&&&&&&&&&.
عند صقر في الجامعه كانت لديه محاضره بعد ساعه اتصل بضحي ليعرف مكانها واخبرته انها في الكافيه حق الجامعه ذهب وجلس معاها
صقر: واحشاني
ضحي: وانت كمان. فاضي وله وراك حاجه
صقر: لا عندي محاضره كمان ساعه. ليه
ضحي: كنت هعزمك على الغدا. بس تتعوض
صقر: مره تاني. انتي عندك محضرات
ضحي: لا دي كانت اخر محاضره. بس هقعد معاك لحد اما يجي معاد محاضرتك. وبعدين همشي انا وانت اول اما تروح طمني عليك.
صقر بيكلم ضحي وهناك فتاه اقتربت لتتحدث إلى ك صقر
ضحي بتهمس في اذن صقر: اتلم وبطل ضحك
صقر: وانا عملت الحاجه. البت بتكلمني وبتسالني على حاجه
البنت واسمها سالي: بجد يا دكتور انت شرحك ممتاز. انت مرتبط
ضحي: وانتي مالك انتي. وعلى فكره اه مرتبط
سالي بتبص لصقر: بجد
صقر ضحك على غيره ضحي: اه بجد. متجوز كمان وبحب مراتي جداً
ضحي: شوفتي. امشي بقي بعيد
سالي: طيب. انتي بتتكلميي كده ليه.
ضحي: انا بكلمك لحد دلوقتي باحترام. بس بعد كده مضمنش نفسي ممكن اعمل ايه فيكي
صقر بصلها بغضب وبعدين بص لسالي: في حاجه تاني مش فاهماها
سالي: لا شكراً يا دكتور. ربنا يخليك لينا. سلام هشوفك في المحاضره
مشيت سالي. وضحي بصت لصقر: ايه بقي ده اللي حصل
صقر: ضحي انتي مش ملاحظه انك مزوده الموضوع اووي. انا معيد هنا مش طالب. يعني شئ طبيعي ان اي واحده تيجي تكلمني وتسألني على اي حاجه.
ضحي: يعني انت تقبل عليا ان في واحد يقف يكلمني
صقر بغضب: علشان يكون اخر يوم في عمرك. انتي اتجنينتي. مفيش وجه مقارنه بين ده وده. انا هنا قولتلك زفت معيد وبيسالوني. لكن انتي طالبه اللي جي يسالك هيسالك على اي تشرحي مثلا حاجه.
ضحي بدموع: انا بغير عليك وبعدين البنات معجبين بيك.
صقر وقد تفهم موقفها: اووف. ممكن تهدي. انا مقولتش متغريش. انا بقولك بالعقل واحده بتسالني على حاجه وانا بتكلم معاهم باحترم. صح.
ضحي: صح. بس اصل انت ضحكتك حلوه فبطل تضحك قدامهم
صقر ضحك بصوت عالي: والله انتي اللي حلوه. وحاضر يا ضحي مش هتضحك قدام حد. حاجه تاني
ضحي: امممم. بطل تبق حلو متحطش برفان وله تلبس هدوم شيك كده. وله
صقر: بس بس. اه في ايه. انتي لسعتي على الاخر
ضحي: بحبك اعمل ايه
صقر: ما انا بموت فيك. اعمل ايه
ضحي: متشوفش غيري. وخليني على طول قدام عينيك
صقر: انت مش قدام عيني. انتي جوه قلبي وعقلي وعيني. اهدي بقي.
صقر وضحي اتكلمو واوصلها إلى تاكسي وعاد إلى المحاضره.