رواية شمس الصعيد الجزء الأول للكاتبة ياسمين علاء الدين الفصل الحادي عشر
سعاد جهزت الغرف وناصره أخبرتهم أن يصعدو ليرتاحو. و دخلت غرفتهاا وشمس صعدت. فزاع خرج يصلي العشاء في الجامع وصعد لشمس
شمس ابدلت ملابسهاا وتزينت بس كلام يتردد في اذنها وتفكر به
فزاع دخل عليها وهي كانت سرحانه ضمها
شمس: فزاع، صليت
فزاع: اه الحمد لله
شمس بتفك زراير قميصه: تقبل الله
أبدل ملابسه و جلس على السرير
هي جلست بجانبه، جذبها لتنام وهو وضع رأسه على كتفها لتداعب شعره
شمس: فزاع هو ممكن اسالك على حاجه.
فزاع: اسالي
شمس: هو انت كنت بتوصل مني مدرستها
فزاع رفع راسه وضحك جامد
شعرت بالغضب لتبتعد عنه. جذبها من يدها لتجلس على الفراش
شمس: يا سلام و بتضحك على ايه
ضحك أكثر
شمس: ابعد بقي كده. علشان مش هكلمك زعلانه منك. اكيد في بينك وبينها حاجه. وافتكرتها علشان كده بتضحك ومبسوط
تحكم في ضحكاته: احم. اصل شكلك عسل اووي وانتي غيرانه. عمله فيها ناصحه وبتسالي السؤال غلط
شمس: ايه اللي غلط بقي؟
فزاع: احم. خلاص كفايه ضحك.
شمس: قول لنفسك انت اللي بتضحك مش انا
فزاع: بصي ياشمس. عمري ما حبيت حد في حياتي غيرك. بحبك من وانتي صغيره وقولت الكلام ده قبل سابق بس انتي بتنسي. اما بقي مني دي فهي هبله. كانت بتفضل تزن على امي اني اوصلها المدرسه وامي كانت تقولي وصلها. كام مره مش كتير. وبعدين عمر ما كان في حاجه ما بينا. ولو كان في حاجه كنت اتجوزتها. بس كده
شمس: طيب انت كنت تعرف بنات
فزاع: مش هجوبك علشان سوال سخيف.
شمس بدموع: لا قولي الحقيقه جاوبني
فزاع اتعصب من بكائها لانه يري أن الأمر لا يستحق حزنها وله دموعها، وقف وجذبها لتقف امامه
ومسح دموعها: انتي ليه كده. قولتلك بحبك وبموت فيكي. مش كفايه كل ده
شمس: لا. جاوب على سؤالي
فزاع: اووف. ايوه كنت بعرف بنات بس كان مجرد كلام وهبل وانا صغير في ثانوي وعمر الموضوع ما تعدا اكده. طول عمري عحبك انتي. (نفخ)نكدتي عليا واستريحتي وله لسه في حاجه كمان. انا نازل.
شمس امسكت يده وهو وقف: فزاع بص في عيني
فزاع بصلها: نعم يا شمس
شمس ببراءه: قولي انك بتحبني وعمرك ما حبيت غيري وانت باصص في عيني. علشان لو بتكدب عينك مش هتكدب عليا
فزاع ضحك على كلامها وبصلها بتحدي وقالها: يا خربيت كده. بطلي الطفوله اللي فيكي دي. ياشمس انا مش بحبك. انا بعشقك وبموت فيكي. وطول عمري بحبك وبعشقك وعمري ما حبيت وله هحب غيرك. ارتاحي بقي.
شمس حضنته جامد وهو حضنها: بحبك يا فزاع وانت عندي كل حاجه من حقي اغير عليك. واخاف كمان عليك.
فزاع: وانا بقولك انا كلي ملكك ومتحرم عليا الستات غيرك. ارتحتي يا شمسي
شمس ضحكت ومسحت دموعها وطبعت بوسه على صدر فزاع. اللي ضحك ورفعها اليه وهي قبلته على شفتيه. هو اكمل ما بدائته.
في القاهره
اتصل صقر على ناصره واطمن عليها وعلى فزاع وشمس واخبرته انه عمه اشرف هنا هو ومراته وعيا
أولاده.
واخبرها أن تسلم عليهم
اغلق مع ناصره كانت ضحي بتتصل بيه
ضحي: كل ده انتظار. بتكلم مين على الصبح كده
صقر: هكون بكلم مين. امي يا ضحي ربنا يهديكي.
ضحي: اوك. كنت بطمن. اتاخرت ليه. مش قولتلي هوصلك
صقر: لسه بدري على ميعاد المحاضره
ضحي: لا. ما انت هتفطر معايا. مجهزه الفطار ومستنياك.
صقر: اه. الدلع ده وراه طلب
ضحي: هههههه. على طول قفشني كده
صقر: قولي عايزه ايه
ضحي: صحبتي كلمتني وفي رحله طالعه وعايزه اطلع معاهم اغير جو
صقر: لا الكلام على الموبيل مش هينفع. انا جيلك في الطريق. وقفل التلفون
ضحي في سرها ربنا يستر.
بعد نص ساعه وصل صقر وضحي فتحت الباب دخل وسلم على امال زوجه خاله وجلس مع ضحي في الصالون
صقر: رحله ايه يا حلوه اللي عايزه تطلعيها.
ضحي: رحله للعين السخنه. ما تيجي تطلع معانا هتبق جامده
صقر: لا مش موافق وبعدين ابوكي يعرف الكلام ده
ضحي بزعل: لا لسه مقولتش. قولت اقولك انت الاول.
بس لا ليه. انا عايزه اخرج واغير جو
صقر: اخرجك انا.
ضحي بفرحه: بجد
صقر: اه. عايزه تروحي فين
ضحي: اممممممم. وديني دريم بارك.
صقر: الملاهي!
ضحي: اه وبعدين ندخل سينما
صقر: حاضر يا ضحي اللي انتي عايزه المهم متروحيش الرحله. وشيلي الموضوع ده من دماغك خالص.
ضحي بفرحه: ربنا يخليك ليا يا عمري
صقر: ويخليكي ليا
دخلت امال واخبرتهم ان الفطار على السفره وعابد في الخارج
وفطرو كلهم مع بعض. وبعدين نزلو راحو للجامعه.
عند فزاع وشمس
اتجمعو الصباح للفطار كان فزاع يرتدي جلباب.
مني بدلع: صباح الخير يا فزاع. نمت كويس.
فزاع كان يجيب ولكن شمس أجابت قبله
شمس: اه طبعا الحمد لله نام كويس. (وبهمس) اصله مش بيعرف ينام غير في حضني
مني شرقت: كح كح كح
ناديه بخضه: مالك يا حبيبتي. اشربي مياه. عين وصابتك
فزاع ضحك وقرب من شمس: مكنتش عارف انك شرسه اكده. قولتلها ايه. قلب حالها اكده
شمس: متشغلش بالك انت. انا هربيها من اول وجديد.
فزاع: يا شرس انت.
شمس بلهجه صعيديه: مش مرت الكبير. لازمن اكون اكده
فزاع ضحك وبهمس: انتي قلب وروح الكبير
اكملو الفطار من غير كلام فقط نظرات بين فزاع وشمس تكفي، وهناك من يشتعل من شمس
فزاع انتهي من الطعام وخرج مع اشرف عمه ومازن إلى الارض لانه كان يتابع ارضهم.
شمس جلست مع ناصره وحكت على حديث مني وانها غير متاحه من التعامل معاها.
مني وناديه بيخططو لشمس
مني: البت دي مش سهله انا لازم اخليها تطلق واتجوز فزاع انا بحبه من صغري. ليه يتركني
ويتجوز الزفته دي. فيها ايه زياده عني
ناديه: انتي احلي منها بكتير. هي بس تلاقيها ادلعت عليه وامه قالتله بنت اخوي واكيد اتجوزها علشان امه
مني: فزاع ده ملكي انا. انا بس اللي بحبه.
ناديه: انتي حاولي تشغليه بيكي. وانا البت دي هتصرف معاها.
في المساء
كانت مني في انتظار فزاع في الاسفل.
عندنا رائته ركضت اتجاهه جريت ومثلت انتا اصطدمت به أنها ستقع
فزاع بغضب: اتعميتي وله ايه. ما تبصي قدامك
مني بدلع: معلش يا فزاع (وبتقرب منه) اصلي كنت خارجه
فزاع: متخرجي وله تولعي وانا مالي. اوعي من سكتي. اوعي
فزاع دخل لغرف ناصره واطمئن عليها وسال على شمس أخبرتها انها بالاعلي. صعد لها.
شمس وقفت لاستقباله وهي تبتسم
فزاع: شمس قلبي عامله ايه
شمس: الحمد لله بخير طول ما انت معايا.
فزاع: قلبي وحياتي انا طول عمري معاكي.
غضبت وامسكت الجلباب لفزاع وهي تنظر إليه
شمس بعصبيه: ايه ده
فزاع: ايه في ايه. ايه حوصل
شمس: الروج ده جه منين
فزاع: اكيد منك
شمس: انا مش حطه اللون ده يا فزاع
فزاع راح للمرايا وبص على الروج: اه صح. يمكن من مني
وضعت يدها على خصرها: نعم يا خويا.
فزاع: اهدي يا مجنونه. وانا داخل البيت مني خبطت فيا وتقريبا الروج ده منها.
شمس: اوعي بقي. انا هنزل واتصرف معاها البت دي لازم تتربي، قليله الادب
فزاع امسك يدها: خلاص يا شمس. الموضوع ما يستهلش مشكله. ودول ضيوف عندنا
شمس: سيب ايدي. البت دي مش هتتلم. لازم اتصرف معاها
فزاع بحزم: قولت خلاص يا شمس. اقعدي ساكته
حزنت لانه منعها من الخروج وايضا لانه غضب عليها
تركته وذهبت إلى الفراش واغمضت عينها بحزن
أبدل ملابسه وتمدد على الفراش بجانبها حاول أن يقترب منها ولكنها ابتعدت عنه ليتركها.