رواية شمس الصعيد الجزء الأول للكاتبة ياسمين علاء الدين الفصل الثاني عشر
في الصباح
استعد فزاع وذهب إلى شركته ليتابع عمله وشمس كانت نائمه لا يحب أن يزعجها صباحا
استيقظت شمس ونزلت لعمتها ناصره وحكتلها على ما حدث من مني وما حدث بينها وبين فزاع
هي ت
ناصره: شمس انا بقول عليكي عاقله وذكيه. بتصرفك ده خليتيها تعمل اللي في دماغها. هي مش هتقعد هنا كتير بكره او بعده هتمشي. بس ده جوزك ولازمن تحفظي عليه
شمس: يا عمتو ده زعقلي علشان قولتلو انزلها.
ناصره: هو اكيد مش قصده يزعق. هو بس مش عايز مشاكل. اهدي واضحكي خليها تغير اكتر منك
هدأت شمس على كلام عمتها: طيب اتصل بفزاع اصلحه
ناصره: لا. خليها اما يخلص شغل ويجي بليل
شمس: ماشي..
دخلت مني وناديه عليهم وهي بتضحك وبتغني شمس نظرت لها وضحكت حتى تغيظها أكثر
ناديه: ايه يا شمس مفيش حاجه جايه في السكه
شمس: حاجه ايه اللي في السكه
مني: قصدها يعني انتي حامل وله لا
شمس: لا. بس لسه بدري انا لسه عروسه بقالي شهر.
ناديه: انا حبلت في مازن من اول يوم
شمس: اممممم. كويس. لو في حمل اكيد هقولك
ناصره: خير يا بنتي متشغليش بالك وسيبيها على ربنا
مني قربت من شمس: ايه الاخبار. وفزاع عامل ايه. شوفته كان نازل متعصب ومتضيق
شمس ببرود: اه. اصله مكنش عايز ينزل ويسبني لوحدي وجتله مكالمه شغل واضطر ينزل علشان كده كان مضايق. شكراً انك بتخدي بالك من جوزي بس بنصحك خليكي في حالك وشوفيلك عريس تتجوزيه واشغلي بالك بيه.
مني: ما انا حطه عيني على حد. بس في حاجه تافهه واقفه ما بينا
شمس: عينك دي هتتعمي قريب لو بصتي على حاجه مش بتعتك.
مني: ومين قالك انها مش بتعتي دي ملكي انا من زمان
شمس: تؤ تؤ. معلوماتك غلط يا قطه. اللي عينك فيه لو ملكك كان هيكون ليكي و معاكي ومحدش يقدر يمنعه. بس انتي اللي فاهمه غلط. ده ملكي انا ريحي دماغك الهبله دي. انتي مش قدي.
شعرت مني بالحقد أكثر على شمس و خرجت من الغرفه.
شمس ابتسمت لناديه التي اتبعت ابنتها
حكت لناصره وظلو يضحكون معا على ما حدث
فزاع لم يحضر على الغداء
وفي المساء شمس صعدت لغرفتها وجلست في انتظار زوجها
ارتدت بيجامه شورت وتزينت وعندما سمعت صوت فزاع وضعت الهاند فري وشغلت اغاني. ومثلت أنها مندمجه ولم تلاحظ وجوده في الغرفه.
دخل فزاع الغرفه ونظر إلى شمس من أعلي لاسفل ولكنه تذكر أنها لا تحدثه ليتركها ويذهب إلى الحمام
أخد حمام دافئ وخرج تمدد على الفراش
غضبت شمس منه ومن بروده. لم يتأثر بها ولم يحدثها
فزاع اغلق النور لينام وهي اضأئته مره اخري. وظلو هكذا كذا مره.
فزاع: اووف. عايز انام اطفي النور وبطلي شغل عيال
شمس: انا بخاف من الضلمه
فزاع: . من امتي الكلام ده ما كل يوم بنطفي النور ونام.
شمس بعتاب: ما انت كل يوم مش بتنام غير اما انام انا الاول وانهارده هتنام تسبني صاحيه
فزاع: انتي زعلانه مش عايزه تنامي في حضني زي كل يوم. هعملك ايه
شمس: يعني واحده زعلانه مفروض تعمل ايه. ومش اي واحده كمان لا خد بالك انا مراتك وكمان حبيبتك
فزاع ضحك رغم عنه وقف واقترب منها.
شمس: ابعد كده. انا اصلا مخصماك علشان زعقتلي. وكمان مكلمتنيش طول اليوم وله كلت معايا.
فزاع: انتي اللي زعلانه والليله اللي فاتت نمتي وسبتيني وطول اليوم كنت مشغول في بيت عمي علشان اخلصه واخليهم يمشو والحمد لله بكره هيكون كل حاجه فيه خلصت ويمشو ونرتاح من مني وامها.
شمس قفزت بفرحه وحضنت فزاع وهو رفعها إليه
شمس: بحبك يا احلي فزاع في الدنيا
فزاع: هههههه. مضايقه منهم لدرجه دي.
شمس: البت دي اصلا خنيقه وبتضيقني. بس انسي خليك معايا. واحشتني اووي
فزاع: وانتي واحشاني اكتر يا شمسي...
ونامو بقي.
اليوم التالي
كان يرتدي ملابسه لتستيقظ شمس وتنظر له
فزاع: صباح النور على احلي شمس
شمس: صباح النور يا قلب شمس. ثواني هلبس وانزل افطر معاك
فزاع: هنزل انا وانتي اجهزي وانزلي ورايا نفطر مع بعض
نزل فزاع اولا وذهب لناصره بينما شمس دلفت إلى الحمام أخذت حماما وارتدت ملابسها وخرجت من الغرفه
كانت مني تقف على سلم بعد أن سكبت زيت على الدرج
نظرت لشمس من فوق لتحت وشمس بادلتها النظره.
وهي بتضحك ومخدتش بالها ان في حاجه على السلم وهي نازله تزحلقت من على السلم.
وصرخت بصوت عالي
ركض الجميع لمصدر الصوت. عندما راي شمس على الارض فاقده الوعي فزع و ارتجف قلبه بخوف حملها ووضعها على الاريكه
ناصره أحضرت الماء وورمتها على وجهها لتفيق
استيقظت شمس ضمها فزاع بخوف
فزاع: انتي كويسه
شمس: اه الحمد لله.
فزاع: ايه اللي حصلك. ازاي وقعتي كده.
شعرت بشئ دافئ يخرج من رأسها. ليجد فزاع دم يخرج من جبينها، لاول مره يشعر بالخوف كان عليها هي
ناصره: خدها على المستشفي يا فزاع، لازمن نطمن عليها
حملها فزاع و خرج بها على السياره. عارف السواق ركض وفتح الباب وصعد فزاع وهو يحمل شمس وضممها بخوف وناصره صعدت معه إلى السياره.
واشرف ومازن صعدو إلى سياره خلفهم وانطلقو إلى المستشفي
اما مني وناديه فنظفو السلم من الزيت حتى يمحو آثار الجريمه.
وصلو للمشفي والدكتور فحصها وقام بعمل اشعه على راسها شعرت بألم في ذراعها
قامت الطبيبه بعمل اللازم خيط الجرح في راسها وجبس يدها وقام بعمل تحليل دم
هي بصتلها وابتسمت بس هو خايف عليها لان الجرح كان فوق عينيها وعنيها بدأت تورم
ذهب إليها فزاع وضمها: الف سلامه عليكي. انا وانتي لا
شمس: بعد الشر عنك انا كويسه. الحمد لله. حصل خير
فزاع: وقعتي ازاي ياشمس
شمس: اصل بصراحه مكنتش بصه وانا نازله.
فزاع: ليه. كنتي بصه فين
شمس: مني كانت واقفه وانا بصتلها ومخدتش بالي واتزحلقت من على السلم
فزاع: يخربيت مني. انتي اتجنينتي. عجبك اللي انتي فيه.
شمس بحزن: انت هتزعقلي وانا تعبانه كمان.
فزاع نظر لها بغيظ ولكنه شد على ضمتها. دخلت ناصره اول اما شافت وجهه شمس شهقت
شمس: في ايه في حاجه في وشي انا مش حاسه بيه.
فزاع بص لوالدته وصمت
شمس: انا عاوزه ارجع البيت. يلا نروح
تحدث مع الطبيبه ووافقت على عودتهم للبيت.
حمل شمس التي كانت في حاله لا تحسد عليها وذهب بها إلى البيت
دخل كانت ناديه ومني يجلسون...
عندما رائتهم مني وهو يحملها شعرت بالغيرة ولكن سريعا ما ضحكت على شكل شمس
فزاع صعد شمس غرفتهم ووضعها على الفراش
فزاع: متتحركيش من على السرير. مفهوم.
شمس هزت راسها وشعرت بعدها بوجع في رأسها وضعت يدها على رأسها بايديها السليمه
فزاع بخضه: مالك حاسه بايه
شمس: دماغي بتوجعني اووي. هو الدكتوره مش كاتبه على مسكن.
فزاع: انا نسيت الاشعات والروشته هناك. هبعت حد يجبها
شمس بوجع: ماشي. بس بسرعه
فزاع نيمها وتوجهه إلى اسفل اتصل بالمشفي واخبرهم انه نسي الروشته والحاجه
احد العاملين في المشفي: كنت لسه هتصل بيك يا فندم ثواني وهحولك الطبيبه
توصل فزاع مع الطبيبه: استاذ فزاع حضرتك احنا عملنا للمدام تحليل دم علشان نطمن عليها والنتيجه ظهرت وهي حامل في اسبوعين.
فزاع بفرحه: بجد. شكراً اووي (وسكت وهو قلقان).
بس يا دكتوره الوقعه ممكن تكون اثرت على الجنين
الدكتوره: لو عايز تطمن هاتها تعمل سونار عند دكتوره النسا. وتطمن اكتر
اغلق الهاتف بعد أن أخبر الدكتوره انه سيبعث باحد ياخد الروشته والحاجه. واغلق معاها. وظل يفكر هل من الممكن أن تكون الوقعه ضرت بالحمل...
فزاع: اعوذو بالله من الشيطان الرجيم من الافكار اللي في دماغي. انا مش هقول لشمس حاجه غير اما اعملها السونار واتاكد انها بخير.