رواية شمس الصعيد الجزء الأول للكاتبة ياسمين علاء الدين الفصل الثالث عشر
فزاع دخل لناصره وهو قلقان ووشه متغير
ناصره: مالك يا فزاع شمس تعبانه
فزاع جلس بجانبها وضمها
ناصره حضنته وطبطت على كتفه: قول يا بني في ايه
فزاع: شمس حامل
ناصره بفرح: الحمد لله. اخيرا هشوف عيالك
فزاع: الدكتوره كلمتني وقالتلي انهم عملو تحليل دم وطلعت حامل. بس انا خايف من الوقعه يكون حصل حاجه
ناصره: تف من بوقك يا ولدي. ربنا يجيب العواقب سليمه، خدها وروح لاكبر دكتور واطمن عليها.
فزاع: هي نايمه من التعب بليل هخدها اعملها اشعه واطمن
ناصره: خير يا بني. قوم صلي ركعتين لله بنايه فك الكرب وطلع صدقه لله يحفظلك مرتك وابنك. قوم يلا يا فزاع.
فزاع: حاضر يا حاجه. انا بعت عارف يجيب الدوا لشمس ابقي اديها وانا هروح الجامع اصلي.
خرج فزاع إلى المسجد وناصره أخذت الدوا من عارف واخبرت سعاد أن تصعد لترا شمس صاحيه وله نايمه
تأجل رحيل اسره اشرف من أجل ما حدث لشمس.
واشرف أخبرهم ان يضلو بجانب ناصره في وقت تعب شمس ويساعدها إذا احتاج إلى أي شئ.
مني لسعاد: انزلي انتي وانا هشوفها صحيت وله لا
دخلت مني غرفه فزاع وهي تشاهدها.
شمس بدأت تقلق فتحت عينيها. كانت مني واقفه وبتضحك عليها
شمس: ايه اللي دخلك هنا
مني بضحك: مزاجي. وانا الحاجه اللي بتيجي على مزاجي بعملها
شمس بتعب: اطلعي بره. انا مش عايزه اتكلم معاكي
مني: انتي مش شايفه نفسك في المرايا بقي شكلك عامل ازاي. ده فزاع اكيد اتخض اما شافك. يا تري هيبصلك كده ازاي
شمس: مال شكلي. انتي بس اللي عينيكي واحشه وشايفه الناس كلها واحشين. اطلعي بره
مني ضحكت وخرجت وهي تتراقص بمشيتها.
وقفت شمس من على الفراش واقتربت من المرايا وفزعت من وجهها كان نصف وجهها ازرق ومنتفخ. وفوق عينها يوجد الجرح
جلست تبكي وهي تشعر انها قبيحه.
سعاد اخبرت ناصره ان مني دخلت غرفه شمس
تضايقت ناصره وصعدت لشمس طرقت على الباب ودخلت كانت شمس تبكي
ضمتها وضلت تربت على ظهرها لتهدا وشمس تبكي فقط
بعد قليل وصل فزاع فهو يشعر بالقلق ولم يستطيع أن يظل بالخارج بعيدا عن شمس فتح الباب ليتفاجا من بكائها
فزاع: مالك ياشمس. انتي تعبانه في حاجه بتوجعك
رفعت راسها له ووجهها كله دموع: بص شكلي عامل ازاي
فزاع: يومين وهتكوني كويسه. وقفي بكي.
ضمته وفزاع طبطب عليها. وناصره تركتهم وهي تدعو الله أن يشفي شمس ويحفظ حملها
فزاع: بس بقي يا قلبي. اهدي علشان خطري
شمس: شكلي بقي وحش
فزاع: مين قال كده. انتي طول عمرك شمس
منوره. بس هي كدمات ويومين هتروح
شمس: انت مش مضايق من شكلي.
فزاع: هضايق من ايه. صلي على النبي يا شمس واهدي وبطلي تفكير عفش. انا عمري ما اضايق منك
شمس: خليك معايا
فزاع: انا على طول معاكي. انتي حبيبه قلبي.
ارتاحت شمس ونامت في احضانه. مازال يفكر وقلق
استيقظت شمس وفزاع كان بجانبها
أحضر الطعام وجلس يطعمها بيده ثم اعطاها الدواء
فزاع: شمس قومي هساعدك تلبسي ويلا ننزل للدكتوره
شمس: ليه ننزل. انا مش هنزل بالشكل ده. وشي كله وارم
فزاع بيحاول يتمالك اعصابه: يا شمس افهمي. هننزل نروح نعملك اشاعه
شمس: ما انا عملت اشعاتين وبعدين مش عايزه انزل.
فزاع: اشاعه تانيه غير اللي عملتيهم. اسمعي كلامي وبطلي تعارضي. علشان انا كلمتي اللي هتمشي
شمس بعند: وانا مش هنزل بالشكل ده. انا تعبانه اساسا. خليها يومين
فزاع بصوت عالي: لا هننزل دلوقت لازمن اطمن.
شمس: بتزعق ليه. هو غصب عني هنزل.
ناصره صعدت على صوتهم: في ايه يا فزاع صوتك عالي
فزاع: مش راضيه تنزل تروح تعمل الاشعه. وانا عايز اطمن عليها
شمس: يا عمتو وشي بايظ هنزل ازاي كده
ناصره: روحي معاه يا بنتي وطمنيه
شمس: ليه مصممين. طيب فهموني.
ناصره: عشان انتي حامل وفزاع خايف عليكي من الوقع.
صدمت شمس ونظرت للفزاع. لينظر إلى ناصره بعتاب. لانه لم يرد أن يقول لشمس غير اما يطمن عليها، جلست على الكرسي وسرحانه
فزاع قرب منها: شمس انا عايز اطمن. ولو لقدر الله في حاجه. يبق الحمد لله. بس عايز اطمن عليكي. ممكن تيجي معايا
شمس بصتله بتوهان وهو شدها من ايديها يوقفها
دخلت تلبس وعمتها ساعدتها ولفت الطرحه ونزلت مع فزاع وهما ساكتين ولكن يمسك ايديها يطمنها.
وصلو عند دكتوره وقطع كشف مستعجل ودخلت شمس ومعاها فزاع تعمل السونار. والدكتوره فضلت تشرح وطمنتهم ان الحمل بخير. واخيرا فزاع وشمس اطمنو
الدكتوره المدام حامل في 3تؤام
فزاع بصلها وضحك. وشمس: ازاي يعني مش فاهمه
الدكتوره: في كيسين في الرحم. كيس فيه نقطه دي اللي هي بتكون جنين والكيس التاني في نقطتين.
فزاع قبل راس شمس بفرحه وحب. وشمس سعيده ولكنه تشعر بالارتباك.
الدكتوره كتبتلهم على علاج تمشي عليه واخبرتها: اسبوعين وتيجي تاني
نزلو من عند الدكتوره والفرحه ماليهم. بس فزاع كان طاير من الفرحه يمكن اكتر من شمس
في البيت
دخل فزع بشمس عند والدته واخبرها على الخبر وهي كانت طايره من الفرحه ودمعت وحضنت شمس وفزاع
ناصره بدموع: متقولش لحد لحسن تتحسد انت ومرتك انا بحذرك. العين بتفلق الحجر. ومتقولش لعمك ولا مرت عمك عينيها وحشه
شمس ضحكت. وفزاع كمان بس قالها حاضر.
ناصره قالتلها ياخد شمس ويطلع بيها على اوضتها ترتاح.
شمس كانت تعبانه ودايخه من الوقعه وكمان من الحمل
حمللها وطلع بيها على فوق مني قبلتهم وبصتلهم بغيظ
فزاع دخل شمس ونايمها على السرير وحضنها وفضل يبوس فيها بحب وفرحه
فزاع: انا فرحان جداً كنت خايف يحصلك حاجه انتي وله اللي في بطنك. بس الحمد لله ربنا حفظكم ليا.
شمس: كنت خايف على واحد. بس ربنا بعتلك 3. فزاع: نعمه وفضل من عنده. انا هنزل اصلي لربنا وادبح كمان حاجه لله. ربنا يخليكي ليا ياشمس. انتي بجد منوره حياتي
شمس: ربنا يخليك ليا يا اغلي حاجه عندي
فزاع قرب ووضع يده على بطنها: هتبقي ام الرجال
شمس: وافرض طلعو بنات. هتزعل
فزاع: لا طبعا. دول رزق من عند ربنا. حد يكره الرزق
شمس: كلها 3 شهور ونعرف نوعهم
فزاع: المهم عندي انتي ربنا يحفظك ويخليكي ليا. ياشمسي.
خرج فزاع بعد اما شمس نامت وكان نازل بس قال لازم يروح لعمه يخبره أن يترك البيت
وانه لا داعي للجلوس أكثر، يجب أن تخرج مني حتى لاتضايق شمس
وقف امام باب غرفتهم وعندما أوشك على طرق الباب سمع كلامهم واتصدم...
يا تري فزاع سمع ايه!