رواية شمس الصعيد الجزء الأول للكاتبة ياسمين علاء الدين الفصل السادس والأربعون
فزاع قعد هو وشمس مع زين وعز وزياد واتكلم معاهم.
شمس بصه لاودها بحيره مش عارفه تعمل معاهم ايه هما كده تخطو كل الحدود ومكنتش متوقعه منهم كده
فزاع: شمس مالك انتي مش معانا خالص
شمس: مفيش يا قلبي بس دماغي واجعني شويه
ال3 قلبهم بيدق وخايفين انها تحكي لابوهم حاجه
فزاع: تعالي ندخل وارتاحي شويه
زين: تعال يابابا في الاوضه انا جهزتها ودخلت الشنط فيها
فزاع مسك شمس من ايديها ودخل بيها الاوضه.
زين خرج لعز وزياد وقفل باب الاوضه عليهم
فزاع حضن شمس بحب: تحبي اكلم دكتور وله ننزل نروح مستشفي
شمس حضنته جامد: لا انا هكون كويسه. تعال نغير ونام شويه
غيرو هدومهم وفزاع نام وشمس نايمه في حضنه
زين بيتكلم مع عز وزياد في اوضته
زين: ينفع كده اللي حصل. شكلنا ايه قدام امكم
زياد: بص احنا المفروض ندفن نفسنا
عز: خلاص اللي حصل حصل. المهم تفتكرو هتقول لابوكم.
زياد: الله واعلم. احنا لازم نكلمها لوحدها وهنحاول نقنعها. انها متقولش حاجه
زين: ابوك لو عرف مش بعيد يقتلنا.
ال3 بيتكلمو وهما قلقني. هما بيحبو فزاع وبيخافو منه. مين اصل مبيخافش منه
فزاع راح في النوم وشمس اتاكدت من كده وبعدين سحبت نفسها من جنبه وخرجت للولاد
شمس دخلت على اوضه زين وقالتله يروح ينادي اخواته عشان عايزه تتكلم معاهم
زين وعز وزياد واقفين قدامها.
شمس: المنظر اللي شفتكم بيه بصراحه قرفني منكم. عمري ما كنت اتخيل ان ولادي انا اشوفهم في يوم من الايام كده.
عز بكدب: يا ماما دي اول مره
شمس: اول مره زي اخر مره. انتم عملتو كل حاجه حرام شربتو خمره. وكانو معاكم بنات وشكلهم استغفر الله العظيم.
انتم تحمدو ربنا. انا اللي شوفتكم مش فزاع. انتم متخيلين لو هو اللي شفاكم كان عمل ايه فيكم
زين: ماما انا اسف
شمس: تفتكر ان اسفك ده هو الحل.
زياد: لو سمحتي يا ماما. والله احنا ندمنين على اللي حصل. واسفين ياريت تسامحينا
عز: انا اسف يا امي. سامحينا. ومتقوليش لبابا
شمس: انتم خايفين من ابوكم ومش خايفين من ربنا
انتم عارفين حسابكم ازاي بعد الزفت اللي شربتوه 40 يوم بوقكم نجس واللي عملتوه مع البنات ده كارثه لوحدها. انتم ازاي ولادي اللي كانو على طول بيصلو
ال3 باصين في الارض ومش عارفين يردو عليها.
شمس: انا مش هقول طبعا لفزاع لانه هينصدم فيكم وكمان مش ضامنه رد فعلو. بس لو عرفت ان الموضوع ده اتقرر متلومش غير نفسك انت وهو فاهمين
ال3: فاهمين وراحو باسو ايديها وراسها
شمس: متفرحوش كده الموضوع منتهاش. انتم بدل ما بتحبو الستات كده وبتعملو حرام يبقي تتجوزو احسن
عز: ايه. لا طبعا. اقتليني احسن.
شمس: ليك عين ترد يا سافل. بعد اللي شفتك بتعملو. هتتجوز غصب عنك انتم دلوقتي عندكم 22سنه. وخلصتم جامعه. هفضل قاعده معاكم لحد اما تسحبو الورق وتنزلو تشتغلو في مصر. لا في قنا قدام عيني. لحد اما اجوزكم وتتلمو. بدل ما تعملو الحرام
زين: ماما موضوع الجواز ده صعب. انا مش بحب حد
شمس: اخرصو خالص
زياد: انا موافق اتجوز عادي. وهشتغل في شركه طيران مصريه
شمس: انت يا استاذ مش هتتجوز قمر
زياد: ايه. ليه.
شمس: كده ده عقابك.
زياد: لا انتي قولي لفزاع بيه احسن هو يعاقب
شمس: اخرس يا زياد. هما مش عايزين يتجوز وانت فاكر هتتجوز قمر. وانا بقولكم اللي انا عاوزه هو اللي هيمشي
ودلوقتي تتدخلو تستحمو وتتوضو وتصلو اقدامي وتستغفرو ربنا على المسخره اللي انتم عاملتوها
خرجت شمس وسبتهم في الاوضه
زين: جواز ايه ده. انا مش عايز اتجوز
عز: انا بكرهه الستات ومستحيل اتجوز. جواز ايه ونيله ايه. ده عقاب وله موت.
زياد بعصبيه: سيبوني في نيلتي مش هتجوز البت اللي هموت عليها. اهي راحت مني بسببك يا عز
عز بنرفزه: وانا مالي. ما انت خربها برضو وله نسيت
زياد: بس مش بنام مع حد وانت عارف
عز: ده زي ده. اهو كله حرام
زين وقف في النص ما بينهم: ايوه اضربو بعض عشان ابوكم يجي على صوتكم. وهو اللي يكمل الليله السوده دي
زياد: انا داخل اخد شاور قبل امك ما ترجع.
عز خرج من غير وله كلمه على اوضه. وهو بيفكر في كلام امه. هيتجوز مين هو بيكره الستات من وقت موضوع صافي
زين كمان مضايق وبيفكر ان امه ممكن تنفذ العقاب وتجوزه لوحدها هو مش بيحبها. هو صحيح قلبه مدقش لحد بس كان نفسه يتجوز من واحده بيحبها
زياد مخنوق وبيفكر في قمر اللي كان بيحلم باليوم اللي يتجوزها فيه. كان بيشغل نفسه بالهزار علشان يقلل تفكيره فيها. بس خلاص كده احلامه وحبيبته راحت.
ال3 خدو دوش وصلو وقاعدين يكملو تفكير في عقاب شمس.