رواية شمس الصعيد الجزء الأول للكاتبة ياسمين علاء الدين الفصل السابع
فزاع وشمس في السياره واقتربو على قنا
توقفت سيارتهم في الاستراحه يشربون مشروب. كانو يجلسون معا في الاستراحه
اقترب شخص منهم ونادي على شمس.
تشنج فزاع واحتقان وجهه بالدماء من الغضب
والدم غلي في عروقه{ صعيدي بقي}.
شمس أدارت وجهها إلى من ينادي بفزع وتوتر
شمس با ستغراب: دكتور يوسف!
يوسف: اهلا يا شمس عامله ايه؟
شمس وهي تنظر إلى فزاع اللي كان بيولع: احم. الحمد لله.
أشارت إلى فزاع: فزاع ده دكتور يوسف القناوي كان بيدرسلي في الجامعه. ((وبصت ليوسف)). وده فزاع الهاشمي يبق...
يوسف قطعها و مد ايده لفزاع: فزاع الهاشمي انت كبير عائله الهاشمي صح
فزاع مد ايده وسلم بشده: اه انا
يوسف: اول مره اعرف ان شمس ليها اخ.
فزاع بغيظ: هههههه لا شمس الهاشمي تبق مرتي
يوسف وشه اتغير: احم. تشرفنا. اسيبكم انا
ابتعد يوسف وفزاع نظر لشمس بغضب. وهي نظرت في الارض.
وقف وحاسب وأمسك يد شمس وخرج من الاستراحه على السياره
ويوسف كان بيرقبهم هو كان بيحبها واتقدم بس ابوها رفض لان عائله الهاشمي بناتها مش بتتجوز من خارج العائله
بس طبعا فزاع ميعرفش الكلام ده.
في السياره فزاع ضاغط على يد شمس
شمس: فزاع سيب ايدي وبطل عصبيه. انا مالي باللي حصل
فزاع: انتي مالك ازاي. مشوفتيش وشه اتغير ازاي اما قولتله انك مرتي.
شمس: برضو انا مالي. هو اللي جه سلم وبعدين متهيالك هو اتفاجا بس. مفيش داعي تزعل
وتضيق. الموضوع بسيط
فزاع: لا مش بسيط. انا مسكت نفسي علشان مكسرش راسه.
شمس ضحكت ونظرت له بحب وضعت راسها على كتفه
شمس: اول مره اشوف الغيره في عيونك. بس احب اطمنك انا عمري ما قلبي دق لغيرك وله هيدق. انت فزاع قلب شمس
فزاع ابتسم وهدا على كلام حبيبته وشمس حياته
قبل راسها وضع يده عليها وقربها منه بتملك وحب
فزاع بيهمس في ودانها: بعشقك يا شمس قلبي
شمس ابتسمت: وانا كمان
فزاع: بس بقي علشان احنا مش لوحدينا. علشان متهورش عليكي
شمس ضحكت وحضنته جامد.
بعد وقت وصلو لبيت عائله الهاشمي. وضرب النار اشتغل ترحيباً بالعروسين. وكل البيت خرج يسلمو عليهم. وفزاع داخل وحطت ايده على كتف شمس وبيضحك
ناصره امه اول ما شفتهم وشافت الفرحه اللي في عينهم اطمنت وراحت حضنتهم وفضلت تقراي عليهم ايات القران لتحفظهم من العين وجابت ملح ورشت عليهم
وبعد السلام قعدو مع بعض. وفزاع كان قاعد جنب شمس وماسك ايديها
()
صقر قرب من فزاع: فزاع انت ماسك ايد شمس ليه هي هتهرب.
فزاع: خليك في حالك يا صقر. احسنلك
صقر بخوف: انا بقول اكده. انت الكبير
فزاع ضحك و بص ل عابد كان بيكلمه و امه وامال شدو شمس بعيد عنهم علشان يطمنو عليها
فزاع بصلها اما قامت وسكت علشان فاهم انهم عايزين يتكلمو معاها
خرجت النساء معا وصعدو لغرفه فزاع
امال: ها طمنيني
شمس بكسوف: كله تمام يا ماما
ناصره بفرحه: يا زينه البنات ربنا يحميكي ويبعد عنك العين.
شمس بكسوف: ربنا يخليكي يا عمتو
ضحي: انا مش فاهمه حاجه.
امال: لسه بدري عليكي. اتلمي يابت
ضحي: اووف. اشمعانه شمس عمالين تبوسو فيها وتتوشوشو في ودانها
امال: يا بت اتلمي. هديكي بالشبشب على بؤقك ده
ضحي سكتت وشمس ضمتها وظلت تمزح معاها
بعد وقت صعد فزاع ليبدل ملابسه من أجل جلست الصلح
ناصره: تعال يا زين الشباب. كيفك يا غالي
فزاع باس ايديها: بخير يا ام الرجال. انتي كيفك
ناصره: انا فرحانه بشوفتك يا والدي. شكلك فرحان ومبسوط
فزاع: الحمد لله، كله بدعواتك يا ست الكل.
ناصره: ربنا يسعد قلبكم دائما، اسيبك انا وانزل يا حبيبي
فزاع: هغير واحصلك علشان قاعده بليل
ناصره: رينا يقويك يا فزاع.
خرجت ناصره وامال وضحي واغلقو الباب وراهم
فزاع نظر لشمس و ضمها وقبل رأسها
فزاع بحب: واحشتيني
شمس: وانت كمان واحشني
فزاع وشمس في عالمهم الخاص.
ضحي كانت تسير في الحديقه وصقر شدها عليه
ضحي: خضتني. حرام عليك يا صقر
صقر: اه يا قلبي. في حد يتخض ويبقي قمر كده
ضحي: يا بني بطل اللي انت بتعملو. بابا لو شفنا هيبهدلنا
صقر: اووف ابوكي ده عليه تحكمات. فيها ايه لو كنا اتجوزنا وكملتي تعليمك واحنا مع بعض
ضحي بضحك: مش عارفه. ما تسأله
صقر: اضحكي يا ختي. هو انتي حاسه بحاجه
ضحي: شكلك عسل وانت متنرفز. كيوت خالص.
صقر: كيوت ايه. انا صعيدي وبعدين اتلمي وبطلي دلع. انا مش ناقص
ضحي: طيب. بحبك وربنا
صقر بيقرب: وانا بموت فيكي وبعشقك وب.
لسه صقر بيقرب حد نادي على ضحي
امال بتنادي: ضحي
ضحي بخضه: جايه يا ماما
ضحي: اوعي يا صقر. ماما بتنادي
صقر بيمثل انه بيعيط: اهي اهي. امك وابوكي هيشلوني
ضحي: بعد الشر عنك يا قلب ضحي. همشي انا. سلام.
ضحي دخلت لمامتها وعمتها وكان بيتكلمو وامها قالتلها تطلع تحضر الشنط علشان هيرجعو مصر علشان الدراسه هتبتدي
صعدت ضحي وهي حزينه لانها ستترك صقر.
فزاع استعد وارتدي الجلباب الصعيدي وصفف شعره الاسود الناعم ووضع العطر المفضل له
وواقف أمام المراه بهيبته يعدل من الجلباب وشمس واقفه قصاده وبتبصله باعجاب
شمس: قمر يا قلبي
فزاع: عيونك هي اللي قمر.
قبلته وهو حضنها.
شمس: انزل الاول اتغدا علشان تقدر تشوف اللي وراك. ربنا يعينك
فزاع: يارب. متتاخريش. عشان مش هاكل غير وانتي معايا
شمس: مش هتاخر.
نزل فزاع بهيبته ونادي على عارف وقاله يشوف المكان جهز عشان قاعده الصلح.
وقف يتحدث مع صقر في ما حدث ويتشاور معاه.