رواية شمس الصعيد الجزء الأول للكاتبة ياسمين علاء الدين الفصل الثامن
في دوار عائله الهاشمي.
ارتدت شمس جلباب علبه نقوش صعيدي. كانت تبدو جميله جدا. وضعت الحجاب على شعرها وتوجهت لاسفل
كانت ناصره تجلس على المقعد وهي تقرأ القرآن.
رفعت راسها ناصره: ماشاء الله. ربنا يحميكي من العين يا بتي
شمس بابتسامه: شكراً يا عمتو. هو فين فزاع
ناصره: واقف بره مع صقر
شمس: هطلع انادي عليه علشان ياكول قبل اما يبدأ قاعده الصلح
ناصره: اقعدي وابعت البت سعاد
شمس: لا هطلع انا اشوفه.
وقفت وخرجت كان فزاع يقف أمام البيت
شمس خرجت إليه و وضعت يدها على كتفه لينظر لها فزاع. احمرت عينيه عندما رآها خارج البيت
ترك فزاع صقر وأمسك يد شمس ودخل البيت.
فزاع بعصبيه: ايه اللي طلعك كده يا شمس
شمس بعدم فهم: كنت بنادي عليك علشان تاكل. وبعدين انا لبسه الحجاب، بتتعصب ليه
فزاع: برضو متطلعيش انتي. ابعتي اي حد غيرك. افرضي في رجاله معايا
شمس بزعل: عمتو قالتلي انك واقف مع صقر. ولو كان في حد كنت رجعت.
ناصره خرجت على صوت فزاع: حوصل ايه، انت يا فزاع صوتك عالي و متعصب ليه
شمس نظرت له بحزن وصمتت
فزاع يأكلها النظره: مفيش يا حاجه حصل خير
شمس: عن اذنك يا عمتو انا هطلع.
صعدت شمس إلى غرفتها وهي حزينه وغاضبه من فزاع وعصبيته الغير مبررة.
في الاسفل
ناصره نظرت لفزاع بحده وهو فهم انها غاضبه منه
فزاع: هطلع اصالح شمس علشان زعلت
ناصره ابتسمت على حب ابنها: اطلع. ربنا يبعد عنكم العين ويهديكم.
فزاع نادي لسعاد وأخبرها أن تجهز الطعام
وتصعد به فوق عند شمس
صعد هو وطرق على الباب قبل أن يدخل كانت شمس جالسه على الفراش وتبكي
اقترب منها وجذبها لتقف امامه ومسح دموعها
فزاع بصوت دافي: متطلعيش تاني مره بره البيت
شمس: انا مطلعتش انا كنت بنادي عليك علشان ناكول مع بعض.
فزاع: . افهمي. انتي مش قمر لا. ده انتي شمس منوره وطالعه بالحلاوه دي قدام الناس. اعمل ايه بغير عليكي. نفسي اخبيكي جوه قلبي بعيد عن كل العيون...
شمس: وبعدين معاك. قولتلك مفيش في قلبي غيرك. ولا بشوف غير ك. ممكن تبطل غيره من غير سبب
فزاع: طيب اسمعي دي
غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها
يبقى يا غُلْبها.
اصلنا ناس على قد الطيبة
كلنا هيبة
والنسوان في بلادنا جواهر
طب لو عندك حتة ماس
حتخلّيها مداس للناس؟
ولا حتقفلي اوضة عليها بميت ترباس
يمكن حتى تأجري ليها جوزين حراس
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل
اللي لا ليه اخر ولا اول
اللي طلعت لقيتني صعيدي
شمس: هههههههههه. الله عليك وحافظ للجخ كمان
(ده اسم شاعر)
فزاع: بحبك يا شمس وبغير عليكي من الهواء افهمي بقي.
شمس: وانا بحبك يا قلب شمس.
سعاد طرقت على الباب ودخلت بصنيه الطعام
فزاع اطعم شمس بايده وبعد أن انتهى من تناول الطعام اغسل يده: هنزل للناس يا شمس. ياريت متخرجيش انهارده بره الأوضه
شمس: نعم، ليه بقي هتحبسني في اوضتي
قبلها من وجنتيها: انزلي بس متخرجيش من الدار يا شمس
شمس: حاضر يا كبير.
نزل فزع وانضم له صقر وعابد
بدأ الناس تتجمع من أجل الجالسه
فزاع اتفاجا بدخول يوسف القناوي الدكتور الذي كان يدرس لشمس في الجامعه مع عائله القناوي سلم عليهم بشموخ وهيبه وجلس
واجتمعت عائله الخفاجي مع الكبار وبدائت جلسه الصلح
وكل شخص من العائلتين يحكي عن ما حدث.
أخبرهم فزاع ان يتحدث من كان حاضر وشاهد على الواقعه وأن يتكلم بصدق حتى يستطيع أن يهدا النفوس ويحقق العدل بين الجميع.
بدأ يتحدث من كان شاهد وموجود
وقف شخص يحكي: اقسم بالله يا كبير هقول اللي حصل لا يشهد لدول وله لدول، واحد من عائله القناوي هزر واتريق على واحد من عائله الخفاجي وابتدت المشكله من هنا
فزاع بعد ساعات من الاستماع والكلام.
سمع للكل ووضحت الحقيقه أمامه، اشار للكل يصمت وبدأ هو بالكلام
فزاع: في أول الكلام أكده، صلو على الحبيب النبي
كلهم: عليه الصلاه والسلام.
فزاع: انا شايف ان الموضوع بسيط خصوصا ان الخناق كان بين صغار. لكن العيب على كبار العائلتين اللي مستنين لبعض غلطه، أولا أكده انا بحكم ان القهوه اللي اتكسرت عائله خفاجي هي اللي تصلح وتدفع تكاليفها لصاحب القهوه لان ابنهم هو اللي بدا بالتكسير...
ثانيا عائله القناوي هتقدم مبلغ كتعويض بالخساير وتعالج اللي اتصابو والعايلتين هيدبحو 4 اضحيه. وتتوزع لله. قابلين الصلح على الشروط دي وله حد عنده اعتراض.
يوسف القناوي وقف يتحدث: المفروض عائله الخفاجي هي اللي تنفذ كل الشروط دي
فزاع بنظره مرعبه: انت بتتكلم على اساس ان عائلتكم معملتش حاجه. ما انت سامع الشهود وشايف الخساير اللي حصلت بسبب عيال صغار بيهزرو على القهوه. ده اخر الكلام. وحكمي كان مخفف لان الخناقه مش كبيره بس المره الثانيه الحكم هيكبر.
ضرب بقوه على الارض بعصاه الابنوس الغليظه وهو ينظر للجميع: قابلين الصلح وله لا.
الكل صمت قليل وهما ينظرون إلى بعضهم البعض. ولم يتجرأ أحد على الاعتراض وافقو على شروط فزاع
فزاع بثبات: من بكره كل حاجه تتم وعارف موجود معاكم هيباشر اللي بيتم، واي حاجه حصلت ترجعولي. وانا هتصرف. في شئ تاني
كلهم قالو: لا.
بدات الناس تسلم على فزاع وتشكره ويخرجون بهدوء.
بينما وقف يوسف ونظر لفزاع بحقد وكراهية وخرج من غير اما يسلم
صقر لاحظ الموقف ونظر لفزاع ولكن الآخر ابتسم لأخيه.
وبعد ان انتهي و القاعه أصبحت فارغه
دخل فزاع البيت هو وصقر
صقر بارهاق: دماغي هتنفجر. انا طالع انام
فزاع: انا كمان. هشوف الحاجه واطلع انام
فزاع دخل لنصره كانت نائمه قبل رأسها واغلق عليها الباب مره اخري وصعد إلى شمسه
شمس أسرعت إليه وضمته بابتسامه وهو سعد لأنها لم تنم وكانت بانتظاره
شمس: كل ده بتصالح فيهم
فزاع: اه، لازم اسمع لكل طرف عشان احكم بالحق، الحمد لله، المشكله انحلت
شمس: ربنا يحميك من كل شر يا حبيبي.
جلس بارهاق على الفراش...
دخلت إلى الحمام وملئت حوض الاستحمام بماء دافئه.
شمس: فزاع يلا جهزتلك الحمام. ادخل ريح جسمك وهجبلك العشا
فزاع: ربنا يخليكي ليا يا قلبي انا هاخد حمام وبعدين انام. علشان عندي صداع جامد
دلف فزاع إلى الحمام وجلس في حوض الاستحمام وهو يشعر بارستخاء بعد ارهاق، وشعر بأهميته وتاثير شمس في حياته اللي خلتها منوره بحق.
انتهي فزاع وخرج من الحمام على السرير وتمدد لتدخل شمس إلى الغرفه وبيدها الطعام
شمس: قوم اتعشي الاول
فزاع: عندي صداع وعايز انام
شعرت بارهاقه
قدمت له عصير ال موز بلبن: اشرب العصير اللي بتحبه ونام، و مفيش اعتراض
اعتدل فزاع: امري لله. هاتي يا شمس
شرب وهي اخذت الكوب منه، تمددت بجانبه وظلت تداعب خصل شعره ليغمض عينه ويذهب إلى ثبات عميق.
ظلت تتأمل به ثم طبعت قبل رقيقه على شفاتيه ونامت بجانبه.