رواية شمس الصعيد الجزء الأول للكاتبة ياسمين علاء الدين الفصل الثاني والثلاثون
صقر وصل هو وضحي على فيلا البحر الاحمر. طلعو استريحو من الطريق وصقر خدها وخرجها وفسحها
عند شمس كانت بتقضي يومها في البيت مع الولاد وناصره وامال بيساعدوها. وفزاع في الشغل
في يوم صقر خد ضحي على لانش في البحر وكانت فرحانه لان صقر بيتفنن في إسعادها وكل يوم غير اللي قبله
صقر: البسي المايوه وتعالي ننزل البحر
ضحي: لا. انا خايفه احنا بعدنا اووي بالنش
صقر: انا بعدت علشان اما تنزلي تكوني على راحتك.
ضحي دخلت لبست وهو كان لابس المايو شالها ونط فيها وهي مسكه في رقبته وبتصوت
صقر: اطرشت. بطلي تصوتي. احنا في البحر سيبي نفسك وانا معاكي. بعرف اعوم مش هسيبك تغرقي
ضحي: كده يا صقر. انت عارف اني بخاف من البحر
صقر: علشان كده نزلتك. بطلي خوف وعيشي حياتك
ضحي: طيب امسكني كويس
صقر حضنها في المياه وبيحاول يعلمها تعوم. شويه وابتدت تتعود والخوف قل منها
صقر: لسه خايفه. انا شايف انك اتعودتي.
ضحي: لا مش خايفه. بس متبعدش عني
صقر: انا اقدر ابعد عنك. ده انتي روحي وقلبي
ضحي: قلبي انت.
صقر وضحي بيعومو وقضو اليوم في البخر وبعدين رجعو على البيت
عند شمس افتكرت ان انهارده عيد ميلاد فزاع. وفكرت انها تعمله مفاجاه. راحت اشترته بدله شيك وبوكيه ورد وبرفان اللي هو بيحبه. وراحت على الشركه وهي فرحانه.
شمس للسكريتره: فزاع جوه
السكرتيره: ايوه يا فندم. ثواني هبلغه
شمس: لا. انا هدخله. خليكي انتي.
شمس خبطت ودخلت وهو كان مركز في اللاب. سابت الهدايا على الترابيزه ووقفت قدام المكتب وهو مشغول باللاب
شمس: فزاع
فزاع رفع راسه بسرعه وهو مستغرب قام من على كرسي المكتب
فزاع بخضه: انتي كويسه. والولاد كويسن. طيب حد حصله حاجه
شمس مسكت ايده وقعدته على كرسي المكتب وقعدت على المكتب قدامه
شمس بتلعب في زراير قميصه: كلنا كويسين. متقلقش.
فزاع: الحمد لله. (واتعصب)ا. ازي يا هانم تخرجي من غير اما تقولي انك خارجه من البيت
شمس: انت بتزعقلي ليه. اعرف السبب الاول. وبعدين انا خرجت من البيت علشان اعملك مفاجاه. وانت بتتعصب عليا
فزاع: انتي لسه شوفتي حاجه. انا بتكلم كويس علشان احنا في الشركه. لكن لينا حساب اما نروح
شمس: انت مصمم انك تخليني ازعل منك. انا خرجت وجيتلك. مخرجتش اتفسح.
فزاع: خرجتي من غير لما اعرف. هو انا مش عارف احكم عليكي. قولت مفيش خروج غير اما اعرف انتي رايحه فين
شمس زعلت منه وقامت من على المكتب
فزاع بنرفزه: رايحه فين. هتمشي تاني من غير اما اعرف
شمس زعلانه وبصه في الارض: هرجع البيت خلاص. عارف السواق واقف تحت. هو اللي جابني هنا
فزاع بجديه: اتفضلي روحي. وكلامنا في البيت
شمس بزعل: الحاجات دي ليك. ونزلت.
فزاع قام من على المكتب وراح مسك بوكيه الورد كان عليه كارت مكتوب فيه
{ اليوم يوم ميلادك. وفي عيني اليوم عيد. كبرت في الدنيا سنه وفي قلبي سنين. الله يجعل كل ايامك فرحه وعيد. كل سنه وانت طيب يا حبيب قلبي }
فزاع فرح بكلمها بس اضايق انه زعلها. فتح الهديه التانيه كانت بدله شيك. و علبه فيها برفان{ إيف سان لوران. }.
قعد يفكر هيعمل ايه علشان يصلحها لانها اكيد زعلانه. اجل كل اجتماعته و كلم عارف السواق. ساله هو فين. قاله انه في الطريق للبيت قاله يلف ويرجع تاني
شويه ونزل وقف قدام الشركه.
شمس: انت رجعت ليه الشركه
عارف: اصل فزاع بيه قالي ارجع للشركه. تقريباً هيرجع البيت
شمس سكتت وهي زعلانه. رجع عارف ونزل لفزاع. وفزاع قاله ياخد الهدايا يرجعهم البيت بتاكسي وهو هيسوق العربيه.
فزاع ركب العربيه وساق. وشمس بصله في المرايا وساكته
اتصلت بالبيت اطمنت على الولاد وقفلت وفزاع خد شمس
في فندق
فتح باب العربيه وهي بصله ومستغربه
فزاع: انزلي مش هقف كتير. رجلي وجعتني
شمس: سمعت كلمه رجله وجعته. نزلت: تعبان نروح للدكتور.
فزاع: تعالي معايا.
دخل وكلم الريسبشن كان حاجز اوضه بالتلفون. خدها وطلع بيها لفوق وهي ماشيه معاه ومستغربه
دخل الاوضه كانت متزينه وفي تورته وشموع وورد
شمس: ايه ده.
فزاع: انهارده عيد ميلادي وعايز احتفل مع حبيبتي وبس
شمس بصتله بزعل ولفت ضهرها ليه
فزاع ابتسم على حركتها الطفوليه لف ووقف قصادها ومسل ايديها وباسها. وبعدين باس راسها
شمس: برضو مخصماك. انا كنت جايه علشان اعملك مفاجاع. تعمل فيا كده
فزاع: خلاص يا شموسه. انا بخاف عليك. ينفع تخرجي من غير اما تقولي
شمس: انا كنت عايزه اعملك مفاجاه لو قولتلك هتكون مفاجاه ازاي. ها.
فزاع: خلاص بقي. سماح المره دي. انهارده عيد ميلادي هتزعليني
شمس قربت منه وباست خده: كل سنه وانت طيب. ربنا يخليك ليا
فزاع: احلي عيد ميلاد علشان انتي معايا
مسك ايديها وراح للتورته وطفها وقطع قطعه واكلها في بوقها وهي اكلته وبعدين شغلت موسيقي ومسكت ايده حطتها على وسطها وايدها لفتها على رقبته ورقصت سلو معاه. قرب منها اووي وهي كمان والمسافه االي بينهم اختفت و.