رواية شمس الصعيد الجزء الأول للكاتبة ياسمين علاء الدين الفصل الثالث والثلاثون
ضحي وصقر رجعو على بيتهم وصقر ابتدي ينزل الشركه وفزاع وشمس حياتهم مستقره.
امال وناصره وضحي وشمس بيتجمعو مع بعض في البيت و
عابد ابو شمس بيتابع الارض
فزاع وصقر بيكبرو شركتهم. الولاد ابتدو يكبرو ويتعلمو المشي.
ضحي عرفت انها حامل وقررت تعمل مفاجاه لصقر
لبست واتشيكت وشغلت موسيقي هاديه وعملت عشا
صقر دخل البيت والموسيقي شغاله. ابتسم بمكر
وراح لضحي وحضنها: دي باين عليها ليله زي الفل.
ضحي ضحكت: اكيد. كله علشانك يا قلبي
ضحي شدت صقر من ايده وطلعت بيه على اوضتهم. قلعتله جاكت البدله وقالتله يغير وهي هتنزل تجيب العشا
طلعت بالاكل كان هو غير هدومه. وقاعدو يتعشو. وبعدين قامت وشدته يقوم معاها فتحت الدرج وطلعت ورقه التحليل وادتهاله. استغرب منها وفتحها وتنح بصلها وبص للورقه
ضحي بفرحه: ايه مالك. انا حااامل
صقر لسه متنح. وشويه فاق وشالها وهو حضنها وبيلف بيها وهي بتضحك.
صقر بفرحه: حامل. هكون اب. هكون اب
ضحي: اه. نزلني بقي. دوخت
صقر وقف بيها: من صغري و من يوم ما اتولدتي وانتي حبيبتي. وبعدين بقيتي مراتي ودلوقتي هتكوني ام عيالي. انتي كل حياتي. انتي فرحتي واغلي واحده في الكون. ربنا يخليكي ليا يا فرحه عمري. بعشقك
ضحي: ده انا اللي بعشقك وبتنفس عشقك
فزاع كان بيلعب مع الاولاد.
شمس: حبيبي عامل ايه
فزاع: بخير يا شمسي. انتي اخبارك ايه.
شمس: الحمد لله. انا بخير طول ما انت بخير. تعال نتمشي شويه
فزاع: تعالي ننزل الاسطبل بقالي كتير مروحتش
شمس وفزاع نزلو على الاسطبل وفزاع دخل لحصانه. وطلعه بره وركب عليه وشد شمس طلعها معاه. وبيجري بيه
فزاع حاضن شمس وبيهمس في ودنها: انتي مش معايا خالص
شمس: بفكر في حاجه.
فزاع وقف الحصان ونزل من عليه ونزلها. وخدها وقعدو
فزاع ضمه ليه: ها قولي ايه شغال تفكيرك.
شمس: بصراحه. عايزه نبني مدرسه للاطفال. هنا المدارس الكويسه بعيده وانا بفكر افتح مدرسه لغات. علشان زين وعز وزياد
فزاع: موضوع مش سهل. اصلاً لسه بدري على موضوع دخولهم المدرسه.
شمس: بس انا نفسي ابني مدرسه. انا عندي قطعه ارض بابا كتبهالي باسمي وانت عندك شركه ماقولات.
فزاع: يعني عايزاني ابنيلك المدرسه. معنديش مانع ابني مدرسه. بس هي مسؤوليه. وانا مش هكون متفرغ ليها. الشركه والارض. واخدين كل وقتي.
شمس: ما انا اللي هكون مسؤوله عن المدرسه
فزاع: ايه. لا طبعا. انا عمري ما هشغلك
شمس بصتله بضيق: ليه يا فزاع
فزاع: لانك جواهره وانا بحافظ عليكي. بعدين عندك وقت فراغ. قضيه مع الولاد.
شمس: بس انا عايزه اشتغل.
فزاع: وانا مش موافق
شمس: هقولك في ناس هتكون مسؤوله عن المدرسه. وانا هكون موجوده بشرف عليهم في وقت الصبح. انت بتكون في الشركه.
فزاع: انسي. لو نفسك نبني مدرسه بمواصفات اللي انتي عايزها علشان الولاد واهل البلد. انا معنديش مانع. انا شايفها فكره كويسه. بس انتي متنزليش تشتغلي
شمس: ليه. هو كل حاجه لا
فزاع: انا بغير عليكي. عايزه تشتغلي وكل واحد يكلمك شويه. واللي يبصلك. لا طبعاً مش موافق
شمس: انا هشتغل مع ستات مش رجاله. وبعدين فكر الاول
فزاع: مبدأ الشغل مرفوض ومش هفكر. انا موافق على اني ابني المدرسه.
شمس بزعل: اووف. كل حاجه لا. مش بتديني فرصه اجرب. وبعدين بقولك فكر الاول وقولي رائيك
فزاع بنرفزه: ايه. اووف دي. وبعدين انا كل حاجه بقولك عليها لا. ماشي. على العموم خلص الكلام في الموضوع ده. يلا نقوم نرجع.
رجعو بيتهم وهما متعصبين وزعلانين من بعض. فزاع اطمن على ناصره انها نامت وشمس كانت في اوضه الولاد ونامو. فزاع طلع في اوضه الولاد واطمن عليهم وبعدين دخل اوضه وشمس دخلت الاوضه. هو غير هدومه وطلع على السرير علشان ينام. وهي كمان غيرت وراحت علب السرير. بس مش عارفه تنام وله هو. بيتقلبو في السرير
فزاع: بطلي تتحركي على السرير كتير مش عارف انام
شمس: ما انت كمان بتتقلب كتير. وانا برضو مش عارفه انام منك.
فزاع: خلاص انا هقوم انام في مكان تاني
شمس بزعل: لا. خليك انا اللي هقوم
فزاع: محدش هيقوم. تعالي هنا. مش عارف انام وانتي زعلانه
شمس ابتسمت نامت في حضنه وهو حضنها ونفسه في شعرها
شمس: مش بعرف انام بعيد عنك اصلاً.
فزاع: بحبك
شمس: وانا بعشقك. تصبح على خير
فزاع: وانتي من اهل الخير.
طلع نهار جديد وصقر وضحي بلغوهم بموضوع الحمل والكل فرح وباركلهم. فزاع كلم صقر على موضوع المدرسه واتحمس للفكره واقله انه هيساعد معاهم. وابتدي في الاجراءات والايام بتعدي والشهور
وضحي جننت صقر بحملها. بس في نفس الوقت مستحملها وعايشين حياتهم بجنون. و شمس وفزاع حياتهم هاديه ومليانه رومانسيه وحنان والاولاد مجنانهم و عاملين للبيت روح وشقاوه
شمس: انا خلاص اتجننت منك
زياد واقف هو وزين و عز قدام شمس وبيضحكو.
ناصره: يا بنتي سيبيهم. يلعبو براحتهم
شمس: ازاي بس يا عمتو. لازم يتعلمو ان كل حاجه بوقت
امال: لسه صغيرين. وبعدين هما اصلا وله في دماغهم وبيضحكو. ريحي نفسك. وشويه هيتعبو وينامو
ضحي كانت قاعده معاهم وصوتت: اااه. الحقوني شكلي هولد
كلهم جريو عليها. وبعدين اتصلو بصقر.
خدوها للمستشفي. وولدت جابت بنوته عسوله شكلها جميل جداً.
شمس شايلها وفرحانه بيها: حبيبت خالتو يا ناس. ماشاء الله زي القمر.
صقر: طبعاً. مش بنتي. اكيد قمر زي ابوها
فزاع: قمر بالستر. خدها آذن في ودنها ياصقر
صقر: آذن انت زي ما عملت مع ولادك. وانا هدخل اطمن على ضحي. انا بخاف اشيل الاطفال اللي لسه مولودين
فزاع وشمس ضحكو عليه. وهو دخل مع ناصره وامال وعابد في اوضه ضحي يطمنو عليها
فزاع شال البنت وآذن في ودنها وباسها من راسها وشمس قاعده جنبه وبتلعبها
شمس: قموره اووي يا فزاع. بس عامله ازاي
فزاع: جميله زي خالتها
شمس: نفسي في بنوته.
فزاع: بس انا مش نفسي لانك بنتي.
شمس: فزاع.
فزاع: عيون وقلب وعقل فزاع
شمس: بحبك والله
فزاع: انا بعشقك والله
شمس: ايه رائيك احنا نسميها جميله. لانها ماشاء الله حلوه اووي
فزاع بحب وهو شايل البنت: نسميها قمر وخالتها شمس
شمس ضحكت وبصت للبنت اللي على ايد فزاع.
شمس: حلو قمر لايق عليها
ضحي كانت بتخرف من البنج وفضلت تتكلم كتير وهما وافقين بيضحكو عليها. بعد شويه فاقت
امال وناصره وعابد اطمنو عليها وبيباركو ليها.
صقر قرب منها وباس دماغها: حمد لله على سلامتك ياقلبي.
ضحي: الله يسلمك. فين البنت عايزه اشوفها. انت شوفتها
صقر: اه شوفتها. هي بره مع فزاع وشمس.
ضحي: طيب خليهم يدخلو اشوفها
صقر: حاضر. انتي فضحتينا وانتي بتفوقي من البنج
ضحي: انا خرفت جامد
صقر: خرفتي. انتي قولتي بلاوي
ضحي: يا لهووي
صقر: خلاص يا ختي محدش غريب.
ضحي: ما انا مكنتش في واعي.
صقر: حصل خير. انا هطلع لفزاع.
صقر طلع ونادي عليهم ودخلو. وضحي شالت بنتها وهي فرحانه بيها وعمال تبوس فيها
شمس: فزاع اختار للبنت الاسم وسمها قمر. لانها ماشاء الله عليها جميله
ضحي: الاسم جميل جداً شكرا يا فزاع.
صقر: قمر صقر كمال الدين الهاشمي. اتصدق اسم حلو اووي
فزاع: تتربي في عزكم. وربنا يبارك فيها ويجعلها ذرايه صالحه
كلهم: يارب. وقضوا اليوم معاها والدكتوره اطمنت عليها وقالتلهم تقدر تخرج من المستشفي لانها ولده طبيعي.
خرجت ضحي على بيت امال وعابد علشان يعرفو يهتمو بيها وصقر راح معاها. بيبوس البنت من بعيد وبيخاف يشيلها
الولاد صممو انهم يشوفو البيبي االجديد. وراح تاني يوم شمس وناصره والولاد لبيت امال ليطمنو على ضحي
الولاد كانو فرحانين بالبيبي.
بعد اسبوع عمالو حفله سبوع وصقر دبح للبنت وكان يوم جميل.
والكل فرحان وخصوصا زين وزياد وعز.