رواية شمس الصعيد الجزء الأول للكاتبة ياسمين علاء الدين الفصل الثامن والثلاثون
الايام بتعدي والجو هادي في البيت
الولاد قدمو على الجامعه عن طريق النت ومع بدايه الدراسه هيسافرو.
في يوم عز كان زهقان خد الحصان بتاعه وفضل يلف شويه في البلد وفجاه في بنت ظهرت قدامه ووقعت. نزل بسرعه من على الحصان وفضل يفوق فيها
عز بخضه: انتي. يا انسه. فوقي. وبيخبط على خدها لحد اما البنت ابتدت تفوق وفتحت عينيها وتنحت شويه وبصه في عين عز
عز: انتي كويسه اتكلمي
البنت: اه الحمد لله. ايه اللي حصل.
عز: كنت راكب على الحضان ولقيتك مره واحده. وقعتي في الطريق. بس والله مجتش جنبك
البنت: ها. اصل انا كنت تعبانه وحسيت بدوخه. وتقريبا. اغمي عليا
عز كان رافع راسها ومقربها عليه علشان يفوقها.
عز: طيب قومي معايا. علشان شكلنا كده مش كويس. لو حد شفنا هيقول ايه
البنت بتحاول تقف. عز وقف وشدها من ايديها واقفها. وهي بتظبط هدومها
عز: طيب انتي ساكنه فين وانا هوصلك
البنت: انا مش من البلد انا جايه هنا لاهلي.
عز: يعني عارفه العنوان وله لا
البنت: طيب ممكن اقعد شويه هنا تحت الشجره استريح. لان انا حاسه بدوخه
عز: طيب اقعدي استريحي. وانا هجبلك عصير
البنت: وشكولاته معاك
عز: نعم
البنت: معلش اصلي دايخه. وهديك حقهم متخفش
عز: لا مش عايز فلوس. ثواني وارجع
عز ربط الحصان في الشجره. ودور على سوبر ماركت واشتري عصير وشكولاته وشيبسي ورجع للبنت
عز: اتفضلي
البنت خدت الشنطه: ايه كل ده. كتير اووي. شكرا. ليك.
عز: العفو. انتي لسه تعبانه
البنت: يعني. ممكن تقعد معايا شويه
عز: اوكي
عز قعد بعيد عنها شويه
البنت: انت اسمك ايه
عز: عز الهاشمي.
البنت: وانا صافي يوسف
عز: تشرفنا
صافي: شكلك جينتل مان
عز: اها. اشمعنا.
صافي: يعني انت متعرفنيش وساعدتني. وكمان قاعد معايا
عز: عادي يعني شوفتك تعبانه وبساعدك
صافي: وكمان متواضع
عز ضحك: انتي بتحللي شخصيتي. انا لسه عارفك من عشر دقايق
صافي: تكفيني اني اعرف عنك حاجات. بس قولي انت عندك كام سنه
عز: هو انتي هطلعيلي بطاقه.
صافي: بجد قول
عز: 18
صافي: امممم حلو. انا 17
عز: اظن كده انتي بقيتي كويسه. تعالي اوصلك بقي
صافي: تعرف اني بشوفك كل يوم
عز: انا، فين.
صافي: اوقات بشوفك على الحصان واوقات بشوفك مع ولدين وبتدخل الجامع. اصل انا بيت جدي جنب الجامع
عز: اها. انتي بترقبيني بقي
صافي ضحكت: تقدر تقول معجبه بيك
عز: انتي جريئه اووي
صافي: علشان قولت الصراحه
عز: في فرق بين الصراحه والوقاحه
صافي: كده. يعني انا وقحه
عز: متزعليش مني انا صريح. بس مينفعش بنت تقول لشاب انها معجبه بيه. هيفهم غلط
صافي: بس انت مش اي شاب. وبعدين شكلك مش نوع الشباب اللي بتتسلي بواحده.
عز: وانتي تعرفي انواع الشباب
صافي: لا. بس بسمع من صحابتي. واكيد بعرف افرق.
على العموم اتمني اني مكنش ازعجتك. عن اذنك وقامت وقفت ومشيت
عز بصلها شويه وحس انه زودها في الكلام. بس مرديش يعتذر منها وله ينادي عليها. وسابها تمشي
ركب على حصانه ورجع الاسطبل ربط الحصان وطلع على اوضه بتاعته
اما زين فهو راح الشركه مع ابوه و عمه صقر.
قمر كانت في الجنينه وبتسقي الزرع وبتغني الدنيا ربيع والجو بديع اقفلي على كل المواضيع
زياد من وراها: ربيع ايه بس
قمر لفت بخضه: حرام عليكي. طيب كح وله اعمل صوت
زياد: كح كح. اهو. حلو كده
قمر: بايخ اووي
زياد: لسانك هيبتدي يطول وهقطعه.
قمر: اما انا بضيقك بتكلمني ليه. اتفضل ادخل
زياد: مين قال انك بتضيقني. بالعكس
قمر: بالعكس ايه.
زياد: بالعكس انتي مش بضيقني انتي بتشليني. ونفسي اجيبك من شعرك ده علشان ميت مره اقولك اتحجبي
قمر بصتله بغيظ: انا غلطانه اني بتكلم معاك.
ودخلت جوه البيت وهي مضايقه. وهو واقف مبتسم
كمل سقي الزرع وبيغني الدنيا ربيع والجو بديع
قمر دخلت مضايقه من صقر وامها شافتها
ضحي: مالك يا قمر زعلانه ليه
قمر: زياد يا ماما بيضيقني
ضحي: عملك ايه بس
قمر: قولتله يا بايخ وهو قالي هقطع لسانك
ضحي ضحكت بصوت عالي وشمس خرجت على صوتها.
شمس: بتضحكي على ايه ضحكيني معاكي
ضحي بضحك: زياد
شمس: بطلي ضحك بجد علشان افهم. شمس لقمر: احكي انتي
قمر: قولت لزياد يا بايخ وهو قالي هقطع لسانك. يرضيكي كده يا خالتو. كل شويه بيضيقني ويفضل يتعصب ويزعق في وشي.
شمس: متزعليش يا كوكي انا هقرصلك ودنه واظبطه
زياد دخل: اه اكيد اللمه دي عليا. والصغننه بتشتكي صح
قمر: ملكش دعوه بيا
زياد: بت اتلمي. لسانك ميطولش عليا. انا اكبر منك.
قمر: اووف. اكبر مني بقد ايه. دول كلهم 3 سنين هتقرفني بيهم
زياد بصوت عالي: قمر
شمس: ها كملو خناق قدمنا. يلا برافو روح بقي كمل واضربها
زياد: يا ماما هي اللي بتعصبني.
شمس: خلص الكلام. دلوقيتي اعتذرو من بعض. لانكم بتتعملو زي الاطفال الصغيره
ضحي: خلاص يا شمس. قمر غلطت علشان هي اللي ابتدت
زياد راح باس خالتو ضحي من خدها: والله يا خالتو انتي عسل.
شمس: استني يا ضحي بس. الاستاذ عامل فيها كبير وكل شويه يزعق. كده قمر هتزعل وهتكرهه تيجي هنا
زياد: بجد (وبص لقمر). هو انتي ممكن تكرهي تيجي هنا
قمر بصتله وسكتت
زياد اضايق: انا هطلع ياماما. عن اذنك يا خالتو
سيبهم وطلع الاوضه.
وضحي بصت لشمس: هو في ايه. انا مش فاهمه
شمس: هقولك بعدين. وبصت لقمر
قمر كانت مضايقه ان زياد زعل
شمس دخلت هي وضحي المطبخ. وقمر قررت تطلع لزياد
قمر طلعت وخبطت على الباب
زياد: ادخل.
قمر فتحت الباب وواقفه متحركتش. زياد اتفاجا بيها ووقف
زياد: تعالي يا قمر. ادخلي
قمر برقه: لا مش هينفع ادخل. ممكن اسالك سؤال
زياد: طبعا. اتفضلي
قمر: هو انت بتكرهني
زياد: ايه. لا طبعا. هكرهك ليه. ليه بتقولي كده
قمر: لانك كل اما تشوفني بتزعقلي. لو مضايق من وجودي انا مش هاجي هنا تاني
زياد: لا طبعا انا مش بضايق من وجودك. ومش بزعقلك. تقدري تقولي بحب انكشك.
قمر: طيب ما تكلمني عادي. لازم تزعق بجد بضايق اما حد يزعقلي.
زياد: انا اسف لو ضايقتك. او عاليت صوتي عليكي. ممكن نعمل هدنه
قمر بفرحه: تمام اتفقنا. انا نازله.
ولفت ونزلت
زياد واقف متنح ليها وقلبي بيطنط جوه صدره
شمس: ضحي انا عايزه اقولك على حاجه. بقالي كذا يوم
ضحي: قولي يا بنتي في ايه قلقتيني
شمس: بصراحه كده زياد بيحب قمر.
ضحي ضحكت اووي
شمس: بتضحكي على ايه يا هبله.
ضحي: اصل انا كنت حاسه بكده. بس قولت لا لسه صغير
شمس: طيب ما صقر كان بيحبك من وهو صغير
ضحي: بس عمره ما قالي غير اما اتكتب كتابي واليوم ده اعترف انه بيحبني
شمس: تصرفاته كانت بتقول انه بيحبك. و بعدين زياد محترم
ضحي: طبعا انا عارفه ان زياد محترم. انا مش قصدي حاجه. بس زياد هيسافر وهيلف ويشوف بنات. اكيد هينسي الموضوع
شمس: مفتكرش. لانه كان عايز يتجوز قمر. وانا قولتله اما يخلص
ضحي ضحكت تاني.
شمس: هو انتي مينفعش تتكلمي كلميتين جد.
ضحي: انتي شايفه اني اللي بتقوليه ده جد. وعلى العموم مفيش جواز غير اما يخلص تعليمه. وكمان انا بحب زياد هو ابني وانا عارفه تربيته كويس وفرحانه انه بيحب قمر لاني هكون مطمنه عليها وهي معاه وعارفه انه هيحميها
شمس حضنتها بفرحه: ربنا يخليكي ليا يا ضحي. متتصوريش كلامك ريحني ازاي.
ضحي: وانتي كنت قلقانه من ايه.
شمس: اصل انا قولت لزياد يكمل تعليمه وهو كان خايف انها تتخطب او تروح منه. وانا قولتله اني هتصرف.
ضحي: متقلقيش. انا عمري ما هلاقي لقمر واحد زي زياد.
شمس: العيال كبرونا يا ضحي
ضحي: لا يا ختي انا لسه صغيره. وبعدين انا مش هجوزها دلوقتي لازم نخلص تعلمها الاول
شمس: عندك حق. ربنا يحفظهم ويحميهم
فزاع وصقر وصلو على الغدا واتغدو مع العائله كلها. وفزاع طلع يغير هدومه ويرتاح شويه ويشوف مشاكل البلد.
شمس مع فزاع فوق في الاوضه
شمس: فزاع انت بترهق نفسك اووي. و الدكتور قالك تخلي بالك من صحتك وكمان علشان رجلك متلتهبش
فزاع: شمس متخفيش بجد انا كويس وبعدين فكيت الجهاز اهو. اهدي بقي وبطلي قلق
شمس قعدت جنبه: مش هقدر ابطل اقلق عليك. انت روحي يا فزاع
فزاع بيطبع بوسه مع كل كلمه: حبيب قلب فزاع وروح فزاع وقلب فزاع وعقل فزاع و...