رواية شمس الصعيد الجزء الأول للكاتبة ياسمين علاء الدين الفصل التاسع والثلاثون
عز كان بيتمشي بالحصان زي كل يوم وشاف صافي وهي قاعده تحت الشجره. نزل من على الحصان وقرب منها
عز: صافي
صافي وقفت: اهلا عز
عز: عامله ايه
صافي: الحمد لله. وانت عامل ايه
عز: انا الحمد لله.
صافي: طيب عن اذنك انا همشي علشان مش تضايق مني
عز: هضايق ليه خليكي قاعده. انا شوفتك وقولت اجي اسلم عليكي
انتي لسه تعبانه
صافي: لا. انا كويسه.
عز: متزعليش مني لو ضايقتك بالكلام المره اللي فاتت.
صافي: بصراحه زعلت منك. بس اما شوفتك نسيت الزعل
عز: اممم. انتي واقعه بقي
صافي ضحكت: تقدر تقول كده.
عز ضحك وهي فضلت تفتح في مواضيع علشان تجذبه ليها
عز في الاول كان بيسمع بس وبعدين ابتدي يستمتع بالكلام معاها ويشارك.
صافي بضحك: بس بقي وبعدين وقعت من على الحصاان
عز بضحك: تستاهلي علشان تحرمي تركبي تاني عليه
صافي: انت ممكن تعلمني
عز: لا مش هينفع.
صافي: ليه.
عز: لانك ممكن تقعي وانا هكون متحمل مسؤليتك ولو حصلك حاجه هزعل
صافي: انت بتخاف عليا
عز: مش حكايه خوف. بس هخاف تتاذي ولو اي حد مكانك هخاف عليه برضو
صافي: امممم. ماشي. ممكن اخود رقم الموبيل بتاعك
عز: ليه
صافي: علشان نتكلم مع بعض. مش احنا بقينا اصحاب
عز: بس مينفعش نتكلم مع بعض
صافي: هو انت كل حاجه بتعقدها كده. هات موبيلك كده
عز طلع الموبيل من جيبه وهي كتبت رقمها ورنت على نفسها وسجلت رقمها بصافي.
عز: انتي بلطجيه يعني
صافي: اه بلطجه. هاتلي بقي شكولاته وشيبسي
عز: انتي دخله على طمع. كل اما تشوفيني تطلبي مني شكولاته وشيبسي
صافي: اللي بحبهم بس اللي بطلب منهم شكولاته وشيبسي. يعني بطلبها منك ومن بابا
عز: ومامتك فين
صافي: ماتت من زمان وبابا هو كل حياتي وهو اللي مربيني
عز: ربنا يرحمها.
صافي: يارب. قوم بقي وخليها عربون الصداقه
عز ضحك: ماشي يا ست البلطجيه.
قام عز وجاب شنطه فيها الشكولاتات وشيبسي.
صافي بفرحه: شكرا. يا معلم
عز: معلم.
صافي: عندك اعتراض
عز: لا وهتعرض ليه. انتي مقتحمه حياتي
صافي: مش هتقدر تهرب مني. خلي بالك
عز: مبخفش على فكره
صافي فتحت الشيبسي وكلت منه: خد كل معايا
عز: مش عايز. يلا قومي علشان متتاخريش على البيت
صافي قامت وهو قالها: اوصلك
صافي: لا. خليلك البيت قريب اصلا. سلام
عز: سلام. وقف شويه يفكر فيها وازاي اقتحمت حياته كده وبعدين ركب على الحصان ورجع لبيته. زين شاف عز داخل.
زين: عز. عز. تعال
عز راح قعد معاه في الجنينه وكانت معاهم ناصره وامال
ناصره: كنت فين يا عز
عز: كنت بلف شويه في البلد. عاملين ايه
ناصره وامال: بخير الحمد لله
عز تلفونه بيرن بص فيه كانت صافي. كنسل عليها
زين: ما ترد يا بني تلفونك بيرن. مين بيرن
عز: مفيش ده حد رخم
زين: امممم رخم
امال: واد وله بنت يعني
ناصره: شكلها بنت
عز: اه. انتم هتحفلو عليا. صح
كلهم ضحكو. زين: صح كده. قول بقي مين
عز: ملكش دعوه.
زين: مسيرك يا ملوخيه تيجي تحت المخرطه
ناصره: هههههههههه عز هو الملوخيه صح
زين صح: يا تيته
امال: يبق انت المخرطه
زين: ايوه صح
عز: لا كده كتير. انا هطلع. سلام
عز طلع ودخل اوضته. وطلع التلفون اللي مبطلش رن من صافي. وفضل يتكلم معاها.
ناصره لزين: وانت يازين مفيش حد في حياتك
زين: لسه يا تيته. انا مش بفكر في المواضيع التافهه دي
امال: والنبي يا زين انت اعقل واحد فيهم. ربنا يحميك
زين: شكرا. يا تيته.
ناصره: بتفكرني بابوك وهو صغير. عاقل ورزين
زين: وانا اطول ابقي زي فزاع بيه
ناصره: ربنا يكملك بعقلك يا زين وتلاقي بنت الحلال اللي تصونك
قمر كانت قاعده بتلعب على تلفونها مع رحيم
زياد دخل عليهم: بتعملو ايه
رحيم: بنلعب جيم
زياد: اممم.
قمر: طلع موبايلك والعب معانا
زياد بعد تفكير: الموبيل فوق نسيته.
رحيم ببراءه: هطلع اجيبو واجيلك ماشي
زياد: شكرا يا برنس. مستنيك.
طلع رحيم يجيب موبايل زياد. وزياد طلع من جيبه سلسله دهب عليها قلب صغير وشكلها رقيق
زياد: قمر. ممكن تقبلي من السلسله دي
قمر: الله شكلها تحفه يا زياد
زياد: شوفتها وافتكرتك شكلها رقيق زيك
قمر وشها احمر واتكسفت وبصت في الارض
زياد: اتمني تلبسيه ومتقلعهاش من رقبتك. اتفضلي
قمر خدتها منه ولبستها. وهو باصصلها وفرحان انها لبستها
قمر قلبها بيدق وزياد كمان. حبهم برئ زيهم.
زياد: انا موبايلي معايا على فكره. بس انا قولت اسرب رحيم علشان اديلك السلسله
قمر ضحكت. وهو بيبتسم على ضحكتها
رحيم نزل: زياد موبايلك مش فوق. انا ممكن ارن عليه واعرف هو فين
زياد: لا. مترنش استني. انا افتكرت هو فين هخرج اجيبه وارجع العب معاكم. ماشي
رحيم: ماشي
زياد: شكرا. يا رحيم
رحيم: العفو
خرج زياد وقمر بتضحك عليه ورحيم بصلها ومش فاهم حاجه. دقيقه ورجع زياد
زياد: اهو لاقيته. يلا نلعب
رحيم: يلا.
بيلعبو مع بعض وزياد كل شويه يبص لقمر وهي كمان وشراره الحب ما بينهم مشعلله. واحلي حاجه فيه انه حب برئ.