رواية شمس الصعيد الجزء الأول للكاتبة ياسمين علاء الدين الفصل الأربعون
صافي كانت بتتصل بعز كتير لحد اما تعلق بيها وحبها
وفي يوم كانت بتكلمه
عز: بحبك
صافي: انا بموت فيك. بس ممكن اطلب منك طلب
عز: قولي يا حبيبتي
صافي: عايزه اقبل طنط شمس
عز باستغراب: اشمعانه
صافي: بجد نفسي اشوفها واتكلم معاها.
عز: انا مش حكي لامي على حاجه ما بينا
صافي: احكيالها قولها انك بتحبني وان انا عايزه اشوفها. وخليها تيجي النادي واتعرف عليها.
عز: انا مش فاهم حاجه. في الاول كنتي بتصري انك تعرفي كل حاجه عن امي وابويا. دلوقتي عايزه تقبليها
صافي: يبق انت بتضحك عليا وبتتسلي بيا
عز: اولا انا مش بتضحك عليكي. ثانيا انا وعدتك هخلص الجامعه واجي اتقدملك. ثالثا ليه مصره انك تقبلي امي
صافي بتعيط: انا امي ماتت ونفسي اشوف امك واقبلها لانك بتحبها وبتحكي عليها كتير.
عز: خلاص متعيطيش. انا هكلم امي وارد عليكي
صافي: اوك. سلام
عز: صافي متزعليش مني.
صافي: مش زعلانه خلاص. بحبك على فكره. وقفلت التلفون وهي بتتضحك
صافي قفلت التلفون
صافي: متخفش نفذت اللي قولتلي عليه. بس انت متاكد انهم السبب في موت ماما
هو: اه هكدب عليكي ليه. لازم ننتقم منهم
صافي: اصل عز ده طيب قوي
هو: بيمثل علكي. انتي متعرفيهمش. دول ناس شر. بس انا لازم اخد حقي منهم
صافي: هو قالي هيكلم شمس ويرد عليا. وانا هفضل وراه لحد اما اقبلها
هو: انا متاكد من زكائك. انتي تربيتي.
صافي ضحكت: متخفش بابا. لازم ارجع حق امي وانتقم منهم كلهم.
عز نزل لشمس
عز: ماما عايز اتكلم معاكي شويه
شمس: اتكلم يا حبيبي
عز: لا تعالي نخرج نتمشي بره واكلمك
شمس لبست الحجاب وخرجت مع عز اللي ماشي معاها حيران ومش عارف يبتدي منين
شمس: عز حبيبي اتكلم انا امك. عايز تقول ايه
عز: ماما انا اتعرفت بواحده. واتكلمت معاها
شمس: وبعدين
عز: بصراحه بحبها. بس هي عايزه تشوفك.
شمس: بص يا عز انا واثقه فيك انك مش هتعمل حاجه غلط. بس اظن انك عارف ان حرام تكلم بنت صح
عز: صح. بس انا بحبها وعايز اتجوزها
شمس: تجوزها ايه يا عز انت لسه صغير. وبعدين مين البنت دي واتعرفت عليها فين
عز حكالها اليوم اللي اتقبلو فيه وازاي عرفها
شمس: مش عارفه يا عز بس مش مطمنه شكلها جرئ قوي
عز اضايق: خلاص يا ماما لو مش عايزه تقبليها خلاص انا هقولها
شمس مسكت ايد ابنها: عز انت بجد بتحبها
عز: اه بحبها.
شمس: انا موافقه اشوفها. خليها تيجي البيت واقبلها
عز: هي عايزه تقبلك بره في النادي
شمس: طيب وهي متجيش البيت ليه
عز: مش راضيه بتقولي هتتكسف
شمس مش راضيه تزعل ابنها وفي نفس الوقت مش مطمنه ولازم تشوف مين اللي قلبت حياه ابنها و خليته يحبها
شمس: خلاص بكره الساعه 3 هقبلها في النادي. تمام
عز حضنها وباسها من خدها بفرحه: ربنا يخليكي ليا يا احلي ام في العالم.
شمس ضحكت وفرحت على فرحه ابنها واتمنت ان البنت دي تكون كويسه وتستحق عز لانه طيب جدا.
رجعو البيت مع بعض وعز حاضن امه وبيتكلم معاها وهو فرحان وهي بتسمعه وفرحانه ليه
زين: ست الكل عامله ايه
شمس: بخير يا حبيبي
زين: جعان اووي يا امي
شمس: دقايق والاكل يكون جاهز. دخلت شمس وزين مسك ايد عز
زين: عز عايز اتكلم معاك
عز: قول يا زين في ايه
زين: انت لسه بتكلم البنت اللي حكتلي عنها
عز: اه.
زين: مش انت قولتلي انك هتقطع علاقتك بيها.
عز: مش عارف يا زين كنت فعلا هعمل كده. بس هي مرضيتش وبصراحه حبتها
زين: حبيتها ازاي يا عز
عز: من غير ازاي. هو الحب في ازاي. حاسس اني بحبها اووي.
زين: انت اصل شايف انها مناسبه انك تحبها
عز: اه شايف يا زين. وبعدين ده قراري وانا حر
زين: براحتك يا عز. بس انا بحبك وبخاف عليك
عز: متخفش يا زين.
زين وعز دخلو جوه ودقايق ووصل فزاع وصقر والعايله كلها اتجمعت وسط جو عائلي دافي و جميل.
[ وده كان الهدوء اللي قبل العاصفه ]
شمس مع فزاع
شمس: فزاع انا حكيتلك كل حاجه. بس بالله عليك ما تقوله
فزاع: انا شايف ان الموضوع غلط. هتروحي تقبليها بمناسبه ايه
شمس: بمناسبه ان ابني هو اللي طلب كده مني. وانا مش عايزه اكسر فرحته.
فزاع: البنت دي مش سهله يا شمس
شمس: هتعمل ايه بس يا فزاع. وبعدين انا عايزه اشوفها.
فزاع: خليها تيجي البيت
شمس: مش راضيه. افتكر انها خايفه او مش مطمنه. وبعدين اللي عرفته من عز انها يتيمه. وعايزه تتعرف عليا علشان عز حكالها عني
فزاع: انتي عايزه تروحي
شمس: اه.
فزاع: روحي بس متتاخريش. وخلي بالك على نفسك
شمس حضنته: حاضر يا حبي
فزاع حضنها بحب وجواه قلبه قلق بس مش عارف يفسر من ايه
عز كلم صافي وقالها على الميعاد وهي قالتله انها هتكون موجوده قبل الميعاد.
وطلع نهار جديد. كلهم فطرو مع بعض وقبل الميعاد
عز: يلا يا ماما اطلعي البسي بسرعه هنتاخر
شمس: مستعجل على ايه
عز: يا ماما علشان خطري. يلا بقي
شمس: هقوم حاضر
زين: رايحه فين يا امي
شمس: النادي
قمر: هروح معاكي زهقانه
ضحي: وانا كمان
كلهم: وانا. وانا
عز: معلش يا جماعه ماما هتروح لوحدها. علشان في حاجه ضروري هتعملها ونبقي نروح مره تانيه مع بعض
زين: اها. حاجه مهمه. ماشي
شمس طلعت لبست ونزلت مع عز.
عز ساق عربيته وراح هو وشمس على النادي
دخل كانت صافي قاعده لوحدها وقامت سلمت عليهم اول اما شافتهم
صافي: ما شاء يا طنط. شكلك صغيره. متاكده انك ام عز
شمس: شكرا يا صافي على المجامله. تسلمي
صافي: عز ممكن تسيبنا لوحدنا انا وطنط
عز: ليه هتقولو كلام سر
صافي ضحكت بدلع وشمس بصتلها اووي وحاسه انها مش سهله
صافي: يلا بقي علشان خطري. سيبنا وروح العب كوره او اعمل اي حاجه.
عز: ماشي خلاص. ماما اول اما تخلصي كلام رني وانا هاجي
شمس: ماشي يا عز
مشي عز واول اما بعد صافي قالت لشمس انها هتدخل الحمام ومشيت وشمس كانت قاعده لوحده
ابو صافي: اهلا بشمس الهاشمي
شمس بصدمه: انت
ابو صافي: ايوه انا. اتصدقي انك متغيرتيش كتير. لسه حلوه زي ما انتي
شمس: عايز ايه. اتفضل امشي
ابو صافي قاعد على الترابيزه: انتي اللي عايزه. اصل انا ابو صافي
شمس: نعمممم.