قصص و روايات - قصص رومانسية :

رواية شظايا قلوب محترقة ج2 للكاتبة سيلا وليد الفصل الحادي والثمانون

رواية شظايا قلوب محترقة ج2 للكاتبة سيلا وليد الفصل الحادي والثمانون

رواية شظايا قلوب محترقة ج2 للكاتبة سيلا وليد الفصل الحادي والثمانون

قبل ساعتين من ذهاب يوسف الى ارسلان، خرج يوسف من غرفته بخطواتٍ ثقيلة، يشعر بثقلٍ على صدره، لا يعلم ماذا يفعل.
جلس أعلى درجات المنزل الخارجية، منحني الظهر، ساكنًا بشكلٍ مخيف. وعيناه معلَّقتان بمنزل عمِّه المقابل، كأنَّ روحه بأكملها هناك.
منذ شهر كامل، شهر لم يرَها فيه.
لم يسمع ضحكتها، لم يسمع حتى صوتها وهي تنادي اسمه بغضبها المعتاد.
ورغم محاولات إلياس الكثيرة لإعادتها، إلَّا أنها رفضت.

وأرسلان أيضًا أغلق الباب تمامًا في وجه أي محاولةٍ للصلح.

اليوم فقط، عرف أنها طلبت ورقة طلاقها.
هنا شعر وكأنَّ شيئًا ثقيلًا ارتطم بصدره بعنف.
تشبَّث بيده بحافَّة الدرج، حتى ابيضَّت مفاصله، بينما عقله يهمس له بقسوة: مش ده اللي كنت عايزه؟
ابعد بقى، وسيبها تعيش.
ما تظلمهاش معاك.
حتى لو بتموت فيك، وحتى لو راضية تكمِّل، إنتَ اللي المفروض تنهي كلِّ ده.
أغمض عينيه بقوة، لكن الذكريات هاجمته دون رحمة، وتذكَّر حديث طبيبه الآخير منذ سنة: قطعنا شوط حلو يا دكتور...

التحاليل اللي قدَّامي بتقول فيه تطوُّر ملحوظ.
رفع يوسف رأسه بسرعة، وكأنَّ أحدًا أعاد الروح لقلبه.
ابتسم بتوتُّر وسأل: يعني كده مبقاش فيه مشكلة؟
ابتسم الطبيب ابتسامة هادئة: إن شاء الله يا دكتور، بس للأسف مش النتيجة اللي في بالك.
أنا قلتلك، عايزين صبر.
اختفت ابتسامته تدريجيًّا: يعني إيه؟
تنهَّد الطبيب، ثم اعتدل في جلسته: لسه قدَّامنا شوية، لكن فيه أمل.
همس يوسف بصوتٍ ضعيف: يعني، حاليًا مفيش أمل؟

ساد الصمت للحظات، صمتٌ ثقيل جعل قلبه يرتجف قبل أن يسمع الإجابة.
نظر إليه الطبيب بأسفٍ صادق: إنتَ دكتور، ولازم نكون واضحين مع بعض، وأنا مش هضحك عليك.
حاليًا، مفيش أمل في الإنجاب.
هنا شعر يوسف وكأنَّ شيئًا انكسر داخله إلى الأبد.
ابتلع ريقه بصعوبة، ثم سأل بصوتٍ مبحوح: طيب، فيه دكتور في مصر قال ممكن أتوافق مع حد غير مراتي. هل الكلام ده صحيح؟
هزَّ الطبيب رأسه بالنفي مباشرة: على التحاليل دي، لأ.

المانع مش من المدام يا يوسف.
حاول تلطيف الأجواء بابتسامة خفيفة فقال: لكن لو عايز تتجوز مرَّة تانية ونجرَّب، معنديش مشكلة، فيه هنا مصريات حلوين، وكمان في الجامعة.
هزَّ رأسه سريعًا، وكأنَّ الفكرة نفسها طعنته: مش ده اللي أقصده، شكرًا يا دكتور.
خرج من شروده فجأة، وابتسم بحزن: حتى لو فيه أمل هتقدر تكون مع حد غيرها، دي بقت لعنة لقلبك، زي مايكون دخلت حياتك زي السحر لتقلبها.

زفرة مختنقة بغصَّة مؤلمة، مرَّر كفَّه فوق صدره ببطء، يشعر بأنَّ الألم يسحب روحه، لا يعلم ماذا عليه يفعل، يذهب إليها ويربت على قلبه وقلبها، أم يعاني بصمت حتى يخرجها للأبد من حياته؟
لكن فجأة، صدح صوت ضي داخل رأسه بوضوحٍ مرعب: أنا مش فارق معايا أخلِّف...
أنا كلِّ اللي عايزاه إنت.
ارتجفت أنفاسه بعنف.
ضغط على عينيه بيده، لكنه فشل في منع دموعه هذه المرَّة.

تذكَّر نظراتها، تمسُّكها به رغم قسوته...
وإصرارها الغبي على حبِّه رغم كل ما فعله بها.
فهمس بصوتٍ محطَّم: ليه ربطونا ببعض، ليه مبقتش شايف غيرك، ليه حبِّيتيني بالشكل ده؟
رفع عينيه مجدَّدًا نحو منزلها.
وهنا فقط أدرك الحقيقة التي كان يهرب منها.
أنَّه لم يكن يبتعد عنها ليحميها.
بل كان يبتعد، لأنه خائف أن يضعف أكثر وأكثر، وخائف أن يأتي يوم تنظر له فيه بحسرة لأنَّها حُرمت من طفل بسببه.

لكن المؤلم، أنها لم تكن يومًا تريده أبًا لطفلٍ فقط. كانت تريد طفلًا منه وحده.
نهض من مكانه يخطو دون وجهة، ليته يعلم ماذا يفعل لكي يسكن هذا الألم الذي ينزف بداخله.

وبمجرَّد أن وصل للممرّ، وصل إلياس. توقَّف يطالعه بصمتٍ طويل، لحركاته الضائعة ونظراته الشاردة، اقترب يهمس اسمه حتى رفع عيناه إليه: عدِّيت على والدتك؟
أومأ يوسف دون أن ينظر إليه: بقت أفضل الحمدلله، أنا من رأيي تاخدها مكان تغيَّر جو، هيَّ محتاجة تخرج.
رمقه إلياس بنظرةٍ طويلة، ثم قال بنبرةٍ تحمل ما بين العتاب والاختناق: مالكش دعوة، إنتَ اللي محتاج تغيَّر جو، أو محتاج أغسل المخ اللي جوَّا دماغك ده.

رفع يوسف عينيه إليه أخيرًا، عيون مرهقة، مطفأة، كأنَّ النوم هجرها منذ سنوات: ليه يا بابا، ليه حضرتك متحامل عليَّا؟
كنت فاكر إنك أكتر واحد هيحسِّ بيَّا، وبوجعي.
شعر إلياس بشيءٍ ينغرز بقلبه، لكنه أخفاه سريعًا وقال: تعال يا يوسف، عايز أتكلِّم معاك راجل لراجل.
تنهَّد يوسف بإرهاق وهو يمرِّر يده على وجهه: ماليش خلق والله، أنا نازل أشوف بلال وآسر، نلعب باسكت أو أي حاجة، جوَّايا طاقة سلبية هتموِّتني.

لكنَّه أمسك كتفه بقوَّة، قوَّة أب خائف أن يفقد ابنه وهو حي أمامه.
دفعه برفقٍ حازم نحو غرفة المكتب وأغلق الباب خلفهما.
اقعد، لكنه ظل واقفا فقال الياس: أنا أبوك يا أخي، ومن حقِّي أتكلِّم معاك شوية.
جلس يوسف ببطء، وأسند ظهره للخلف.
غرقت الغرفة بصمتٍ للحظات، و إلياس يراقبه ملامحه الشاحبة، عينيه الغارقتينِ بالإرهاق.

أخرج سيجارة وأشعلها، ثم قال بصوتٍ خافت: ممكن بقى تحكيلي، زي زمان؟
وحشتني قعدتنا يا يوسف...
حاسس إنِّ بينا حيطة عالية أوي، وكلِّ يوم بتعلى أكتر.
وأنا كنت بضحك على نفسي وأقول كبر، مبقاش محتاج أبوه.
ارتجف فكُّ يوسف بعنف.
تلك الجملة وحدها هدمت آخر شيء كان يحاول التماسك به.
أخرج زفرة طويلة ساخنة، كأنها خرجت من قلبٍ محترق لا من صدر إنسان.
ارتعش قلب إلياس وهو يراه يشيخ أمامه في لحظة.

همس إلياس بألم: ياااه يا يوسف...
للدرجة دي بعدنا عن بعض؟!
لمعت الدموع داخل عيني يوسف سريعًا، فرفع وجهه للأعلى وأغمض عينيه بقوَّة، يقاوم انهياره بصعوبة مذلَّة.
ابتلع غصَّته مرَّاتٍ متتالية، لكن صوته خرج مكسورًا رغمًا عنه: كنت محتاج القعدة دي من قبل جوازي.
من قبل ما حضرتك تجبرني على حاجة أنا مش عايزها.
أشار لنفسه بانفعال، وقال بصوتٍ مرتجفٍ مع دموعه التي انهمرت أخيرًا: بصِّلي يا بابا، عاجبك حالي؟

أنا لا عايش، ولا ميِّت، ولا قادر أحب، ولا قادر أكره.

تنفَّس بعنف، ثم ضحك ضحكةً مختنقة موجوعة: عارف أصعب حاجة إيه؟
إنِّي كل يوم بصحى من النوم حاسس إنِّي عايش ومش عايش.
ظلَّ إلياس صامتًا، صامتًا بشكلٍ مرعب.
لأوَّل مرَّة يرى ابنه بهذا القدر من الانكسار.
ليس غضبًا، ليس تمرُّدًا، بل رجلًا غارقًا حتى عنقه في الألم ويحاول النجاة وحده.
طالعه إلياس وقال: أنا ظلمتك يا يوسف،؟
هنا رفع يوسف عينيه إليه...
وكانت نظرته كفيلة بأن تهدم رجلًا كاملًا.

نظر إليه بوجعِ طفلٍ خذله والده للمرَّة الأولى في حياته...

هنا نهض إلياس من مكانه ببطء، قبل أن يطفئ سيجارته في المطفأة بعنفٍ خافت، ثم اتَّجه للمقعد المقابل ليوسف، وقال بصوتٍ منخفضٍ لكنه مثقل بما يكفي ليخترق القلب: ياااه...
ده كلُّه علشان حاولت أطَّمن عليك مع البنت اللي قلبك اختارها، وإنتَ رافض تعترف حتى لنفسك.
كنت فاكر إنَّك تقدر تهرب، لكن محدش بيهرب من قلبه يا يوسف.

وضع يوسف كفَّيه فوق وجهه يفركه بقوة، يحاول كتم غضبه حتى لا ينفجر بوجه والده.
ثم رفع عينيه إليه، وعيناه حمراوان من القهر: ليه حضرتك ربطت الموضوع بكده؟
إيه اللي خلَّاك تقول إن قلبي متعلَّق بحدِّ أصلًا؟
أنا مكنتش بخطَّط لجواز يا بابا، كنت عايز...
رفع إلياس يده يوقفه، وهتف بنبرةٍ أكثر حدَّة: ما تكمِّلش يا ابن إلياس.
أبوك مش جاهل، ولا عبيط.

أو تقدر تقول، اتلسعت بنفس النار دي قبلك، بس الفرق إنِّي كنت أعقل منك.
ابتسم يوسف بسخرية موجوعة، وأدار وجهه قليلًا: آه طبعًا، أنا المجنون اللي مبيفهمشِ حاجة.
انحنى إلياس بجسده نحوه فجأة، وحدَّقت عيناه بعيني ابنه بقوة: إنتَ مش مجنون...
إنتَ ضعيف يا ابن إلياس.
نزلت الكلمة عليه كصفعةٍ موجعة.
تابع إلياس بصوتٍ أثقل: للأسف، ما أخدتش من أبوك رزانته وقت المصايب.

بتسيب وجعك يسوقك، وتكسر اللي حواليك وإنتَ فاكر إنك الوحيد المتألِّم.
عاد بظهره للخلف، لكنه لم يبعد عينيه عن يوسف لحظة: زعلان ليه. ومبهدل البنت معاك ليه؟
علشان إيه؟
علشان حاجة، اللي حصلَّك فيها ما يجيش ربع اللي حصلِّي.
عقد يوسف حاجبيه، بينما نهض إلياس ببطء من مكانه، وكأنَّ الماضي يسحبه للخلف.
وقف للحظاتٍ صامتًا، ثم ضحك ضحكةً حزينة باهتة، لا حياة فيها: تعمل إيه...

وفي لحظة تكتشف إنِّ حياتك اللي عشت تبنيها تلاتين سنة، مش حياتك؟
وإنِّ البنت اللي متجوزها، بنت أكبر عدوّ في عمرك؟
التفت إليه فجأة، وعيناه امتلأتا بمرارة رجلٍ لم يشفَ بعد: تعمل إيه لما الراجل اللي المفروض يبقى أبو مراتك، وعمَّك، صمت ثم اقترب خطوة، وأشار بإصبعه بمرارة: خلِّي بالك من كلمة عمَّك دي يا يوسف. لأنها أكتر كلمة كسرتني في حياتي.
بهتت ملامح يوسف وهو يراه لأوَّل مرَّة بهذه الهيئة...

ليس الأب القوي الصلب، بل رجلٍ يختنق من ذكرياته.
ابتلع الياس غصَّته، وصوته بدأ يهتزُّ رغم محاولته التماسك: الراجل ده، خطف مراتي، خطف بنته بنفسه، قالها بمرارة ودمعة فرَّت من جفنيه.
أغمض عينيه للحظة، وكأنَّ المشهد يُعاد أمامه حيًّا: واقف قدَّامها يهدِّدها يا ترفع قضية طلاق علشان تكسر أبوك، يا إمَّا يفتح بطنها، ويخرَّجك منها.

شهق يوسف بصدمة، بينما أكمل إلياس بنبرةٍ ثقيلة يكرِّر الكلمات:
يا ترفعي قضية طلاق، يا الواد اللي في بطنك ده ينزل ميِّت.
هزَّة عنيفة أصابت إلياس وكابوس الماضي يخنقه بذبحةٍ صدرية، وهو يواصل حديثه: أبوها كان عايز يقتل ابني قبل ما يتولد، بس علشان ينتقم منِّي.
ساد الصمت، صمتًا ثقيلًا حدَّ الاختناق، كان ينظر لوالده وكأنَّه يراه لأوَّل مرَّة في حياته.

كل تلك القوة التي طالما خاف منها، كانت تخفي تحتها رجلًا مذبوحًا من الداخل.
اقترب إلياس منه ببطء، ثم قال بصوتٍ خافتٍ مرهق: ومع كلِّ ده...
عمري ما خدت وجعي حجَّة أكسر بيها أمَّك.
ولا علَّقتها على حبل أخطائي، زي ما إنتَ بتعمل دلوقتي.
ثم أشار ناحية صدر يوسف: الوجع مش مبرَّر يا يوسف، الوجع اختبار.
يا يخلِّيك راجل يحتوي، يا يحوِّلك لشخص أناني.

اكتسى وجه إلياس بالغضب، غضب قديم، متراكم، يشبه الرماد الذي يخفي تحته نارًا لم تنطفئ يومًا.
اانت مشفتش حاجة، اللي قولته دا جزء
ثم قال بصوتٍ خرج مثقلًا بالنفور والألم/ تعمل إيه، لمَّا تكتشف إنِّ نفس الراجل اللي هوَّ عمَّك، طلع مهرِّب سلاح، وبيشتغل مع المافيا...
وإنتَ وقتها ظابط أمن دولة، وبنته مراتك؟

تجمَّد يوسف مكانه، بينما أكمل إلياس بعينينِ غارقتينِ بالماضي: تعمل إيه لمَّا يخطف أمَّك، ويحاول يعتدي عليها...
وأمَّك توافق تمشي معاه علشان تنقذني أنا ومراتي.
ارتفع صوته واختنق: تعمل إيه؟!
ثم انزلقت دمعة من عينه رغمًا عنه، دمعة مرَّت بطيئة على وجه رجلٍ اعتاد أن يبتلع وجعه وحده.
تنفَّس بعنف، وصدره يعلو ويهبط بقوَّة، لكنه أكمل: تعمل إيه لمَّا مراتك تهرب وهيَّ حامل...

وتسيبلك طفل لسه ما كمِّلش عشر سنين...
علشان عقلها صوَّرلها إنِّ اختفاءها هيخلِّيني أعيش سعيد؟
أخفض رأسه للحظة، ثم ضحك ضحكةً مكسورة أبكت قلب يوسف: بقيت أب وأم في نفس الوقت. وبرجع كلِّ ليلة أبص لمكانها في السرير زي المجنون...
مستنِّي الباب يفتح وتدخل تقولِّي: أنا رجعت.
ارتجف صوته أكثر: كنت بموت عليها، والناس كلَّها تقول ماتت.
وقلبي يقولِّي: لا، مستحيل تسيبني كده.

أدار وجهه بعيدًا، وكأنَّ الكلمات أصبحت سكاكين تمزِّقه: تعمل إيه لمَّا فجأة تضطَّر تعيش بهوية مش هوِّيتك.
وتدفن اسمك، شغلك، أحلامك، حياتك كلَّها؟، والست اللي اكتر واحدة شربتها الوجع تبقى امك
ثم التفت إليه بعينينِ حمراوين: لا الأب بقى الأب، ولا الأم بقت الأم
ولا الستِّ اللي كان كل حلمها تعيش وسط جوزها وابنها...
فجأة يجي خبر إنها انتحرت في النيل.
شهق ووضع يده فوق صدره وكأنه يحاول إيقاف الألم داخله.

هنا نهض يوسف سريعًا، وقد تبدَّلت ملامحه تمامًا، والصدمة سحقت غضبه، ولم يعد يرى أمامه سوى رجلٍ محطَّم.
اقترب منه بلهفة: بابا، خلاص، اهدى با.
لكن إلياس فجأة تعلَّق بذراع ابنه بقوة، كأنَّ يوسف أصبح آخر شيء يمنعه من السقوط.
رفع عينيه إليه...
وطالعه بنظراتٍ موجعة بشكلٍ لا يُحتمل، نظرةُ رجلٍ تعب من حمل العالم فوق كتفيه.
وقال بصوتٍ مرتجف: ورغم كلِّ ده...
أبوك لسه واقف.

ضغط على ذراع يوسف أكثر: لسه بحارب الدنيا كلَّها، علشانك إنتَ وأختك وأمَّك.
ثم سأله بمرارة: عمرك شفتني بكيت؟
عمرك شفتني اشتكيت؟
عمرك لقيتني رميت حملي على حد؟
صمت يوسف، وكلمات والده كانت تهدمه من الداخل.
اقترب إلياس أكثر، وأردف بنبرةٍ قاسية رغم ارتجافه: إنتَ بقى عملت إيه؟
دفنت راسك في الرمل، وهربت.
سيبت مراتك تضيع منك علشان وجع؟!

نظر مباشرةً داخل عينيه، نظرة اخترقت روحه: الراجل الحقيقي يا يوسف، مش اللي عمره ما بيتوجع.
الراجل الحقيقي هوَّ اللي بيتوجع، ويفضل واقف.
انهار يوسف بالكامل، بينما وقف إلياس أمامه يتنفَّس بصعوبة...
كأنَّ كلَّ كلمة يقولها تنتزع قطعةً من قلبه هو أيضًا.
ثم قال بصوتٍ خافتٍ متعب، لكنه خرج محمَّلًا بعمرٍ كاملٍ من الخبرة والخذلان: احمد ربِّنا، إنك لسه عايش مع أبوك وأمَّك.

شعر يوسف باختناقِ أنفاسه للحظة، بينما أكمل إلياس وعيناه تلمعان بوجعٍ دفين: لأن في ناس، بتقضي عمرها كلُّه تتمنَّى حضن واحد منهم، ومبتلاقيهوش.
ثم فجأةً لكزه بيده في صدره لكزةً موجوعة، رغم علمه أنه يذبح ابنه بها: احمد ربِّنا إنك عايش مع أبوك وأمَّك الحقيقيين، مش مزوَّرين.
شهق يوسف بخفوت، واتَّسعت عيناه وهو يرى الدموع تلمع داخل عيني والده لأوَّل مرَّة بهذا الشكل.
لكن إلياس لم يمنحه فرصةً للكلام...

أمسك قميصه فجأة، وسحبه نحوه بقوَّة حتى أصبحا وجهًا لوجه، ثم همس بصوتٍ مرتعشٍ كأن قلبه هو الذي يتحدَّث: زعلان علشان ربِّنا ما رزقكش بابن؟
طب سألت نفسك مرَّة، يمكن دي رحمة ليك؟
مفكَّرتش إن ربِّنا يمكن عوَّضك بحاجة أحسن يا غبي؟
وضع يده على صدر ابنه بقوة: عارف إنِّ الوجع صعب، وعارف إن نفسك تشيل ابنك، بس إنتَ مؤمن يا يوسف.
والمؤمن بيتوجع آه، بس بيرضى.

انكسرت نظرات يوسف أمام والده، اقترب إليه إلياس أكثر وسحب رأسه فجأة، يدفنه بعنقه كما كان يفعل وهو طفلٍ صغير.
ربت على رأسه ببطء، وقال بصوتٍ مختنق: يا أهبل...
مفيش أب في الدنيا مش نفسه ابنه يبقى أسعد منه...
ولا أم تستحمل تشوف وجع ابنها وتبقى مرتاحة.
هنا فقط انهار يوسف.
تعلَّقت يداه بوالده، وارتجف جسده بعنف وهو يحاول كتم بكائه، لكن شهقاته خرجت رغمًا عنه، شهقاتُ رجل ظلَّ قويًّا أكثر ممَّا يحتمل.

أغمض إلياس عينيه بقهر، واحتضنه بقوَّةٍ أكبر، وكأنه يحاول حماية ابنه من العالم كلِّه.
وبعد لحظات أبعده قليلًا، وراح يمسح على وجهه بحنانٍ أبوي موجع، ثم نظر مباشرةً داخل عينيه وقال: البنت بتموت فيك يا يوسف.
ارتعشت عينا يوسف فور سماعه اسمها دون أن ينطقه والده.
تابع إلياس بحزمٍ ممزوجٍ بالألم: إنتَ ما شفتش عملت إيه لمَّا طلَّقتها.
في واحدة في الدنيا تتنازل عن كرامتها بالشكلِ ده علشان راجل؟

ابتسم بحزنٍ شديد: ومين ضي.
هزَّ رأسه بعدم تصديق: إنتَ متخيِّل ضي تعمل كده علشان تنتقم منك؟
دي البنت ماتت معاك يوم الحادثة...
ومن يومها وهيَّ عايشة بنصِّ روح.
اتَّسعت عينا يوسف، وكأنَّ الكلمات طعنته مباشرةً في قلبه.
ربت إلياس على كتفه بحنا: روح لمراتك يا حبيبي...
ثم ابتسم ابتسامة متعبة، لكنها صادقة: خدها في حضنك، وارضى بنصيبك.
أخفض يوسف رأسه، بينما أكمل والده: ولو ربنا أراد يمنحك، هيمنحك.

ولو ما أرادش. يبقى أكيد شايلَّك حاجة أحسن.
رفع وجه ابنه بيده، وأجبره ينظر إليه: إياك تعترض على قدر ربِّنا يا ابني...
أصل الإنسان لمَّا يحارب قدره. عمره ما هيعيش سعيد.
ثم مرَّر يده على شعره بحنان: السعادة مش دايمًا في اللي إحنا نفسنا فيه...
السعادة أوقات بتكون في اللي ربِّنا اختاره لينا، حتى لو إحنا مش فاهمين حكمته دلوقتي.

أنا تعبان أوي يا بابا...
خرجت منه كأنَّها اعتراف رجلٍ وصل لآخر احتماله، لا مجرَّد جملة عابرة.
جلس يوسف منكسرًا، عينيه حمراوتان، واختنق صوته بصورةٍ موجعة: حاسس إنِّي ضايع، ومش لاقي شط أقف عليه.
نظر إليه إلياس طويلًا، ثم اقترب ببطء، واحتوى وجه ابنه بين كفَّيه كطفلٍ صغيرٍ ثم قال بصوتٍ هادئ، لكنَّه ممتلئ بالقوة: مش عيب إنِّ الواحد يقع، العيب إنه يفضل واقع وما يحاولش يقوم.

تنهَّد وهو يربت على رأسه برفق: مين فينا م ابيجيش عليه وقت يحس إنه تايه؟ بس الشاطر اللي يعرف يعدِّي.
نظر مباشرةً داخل عينيه، نظرة أبٍ يرى انهيار ابنه أمامه: يوسف، إنتَ دكتور، ومش أي تخصُّص، يعني المفروض أكتر واحد يعرف إنِّ كلِّ حاجة ليها حل، وإن العقل لازم يسبق الوجع.
تراجع يوسف للخلف يهزُّ رأسه بعنف، وكأنَّ الكلمات تخنقه أكثر: موضوع ضي صعب، أنا مش عايز أظلمها.

اختنق صوته وهو يكمل: مش عايز في يوم أشوف في عينيها نظرة ندم، حضرتك ما تعرفش ضي بالنسبالي إيه.
ضغط على صدره بيده يشعر بأنَّ قلبه يؤلمه: صعب عليَّا أكسرها، أو أوجعها.
حدجه إلياس بنظرةٍ غير راضية، وقال بحدَّةٍ موجوعة: وسهل اللي بتعمله فيها دلوقتي؟
صمت يوسف، بينما أكمل إلياس بنبرةٍ أقسى: على كده لو هيَّ عملت فيك زي ما أمَّك عملت، كنت هتقتلها؟

ارتجف جسد يوسف، لكن إلياس لم يمنحه فرصة للهروب: إنتَ ليه مش عايز تفرَّق بين الحب والتضحية يا ابن إلياس؟
ساد الصمت للحظات، صمتٌ ثقيل، كأنَّ كلَّ كلمة انغرست داخل صدر يوسف.
ثم قال إلياس فجأةً بنبرةٍ حاسمة: خلاص، الصبح تبعتلها ورقة طلاقها، خلِّيها تشوف حياتها.
رفع يوسف رأسه له بصدمة، بينما أكمل والده بقسوةٍ متعمَّدة: وصدَّقني، المرَّة دي أبوك مش هيقولَّك حاجة.

اقترب منه أكثر، وغرس عينيه داخل عيني ابنه: هتتحمِّل تشوفها مع غيرك؟
تجمَّد يوسف بالكامل.
أمَّا إلياس فتابع بصوتٍ هادر: هتتحمل تسلِّم حبيبتك لراجل تاني يا غبي؟!
ارتعشت أنفاس يوسف بقوة.
البنت بتحبَّك إنتَ، بس ما تختبرش حبَّها كتير، كلِّ واحد وله طاقة، وهيَّ طاقتها بدأت تخلص.
ابتلع غصَّته بصعوبة قبل أن يضيف: ده لو مخلصتش أصلًا.

أغمض عينيه للحظة، وكأنَّ صورة ضي اليوم ما زالت تطارده: أوَّل مرَّة أشوف ضي النهاردة واحدة أنا معرفهاش...
رفع عينيه إليه بحزنٍ حقيقي: دوست عليها كتير يا ابن إلياس، دوست لحدِّ ما مبقاش عندها قدرة تسمع اسمك حتى.
ردَّ على والده بصوتٍ ضعيف، متألِّم: ليه يا بابا، علشان مش عايز أظلمها معايا، هيَّ دلوقتي مش حاسَّة، بس بكرة هتندم.

نفد صبر إلياس أخيرًا، فضرب كفِّه بكفِّه وهو يهتف بانفعال: إنتَ غبي يلا، ثم أشار ناحية الباب بعصبية: امشي، شوف عايز تعمل إيه، تعبتني في الجدال.
صمت يوسف للحظاتٍ طويلة، ثم رفع عينيه بتردُّد قاتل: طيب، لو مرضيتش ترجع؟
توقَّف للحظة، ثم همس بخوفٍ حقيقي: تفتكر أضغط عليها؟ ولا يمكن هيَّ فاقت وشافت إنِّ ده أحسن لها.

كوَّر إلياس قبضته بقوة حتى برزت عروق يده، وكاد يصفعه، لكنه تراجع في آخر لحظة وقال بصوتٍ مرتجفٍ من الغضب: منتظر منها إيه، وإنتَ كلَّ شوية تحسِّسها إنها عديمة كرامة؟
اقترب خطوة، وأشار بيده نحو الطابق العلوي: أمَّك اللي فوق دي، قالتلي لو راجل طلَّقني.
ضحك بسخرية موجوعة: وهربت خمس سنين وهيَّ حامل.
ثم تابع وهو ينظر له بثبات: ورغم كده، أخدتها في حضني. عاقبتها بطريقتي، بس عمري ما حسِّستها إنها رخيصة عندي.

ثم تابع بصوتٍ خفيض، لكنه أشدُّ ألمًا: آه ضي غلطت، بس غلطت من إيه.
مش إنتَ السبب؟
اقترب منه ولكزه بصدره بقوة: قالتلك الكلام ده ليه؟ مش لمَّا حسِّت بإحساس الغدر.
احتدَّت أنفاسه: هيَّ كانت تعرف منين؟ ولمَّا عرفت اتجنِّنت، ونامت تحت رجليك.
توقَّف لحظة، ثم همس بمرارة: وإنتَ عملت إيه؟
خفض يوسف رأسه، عاجزًا عن الرد.

الستِّ لمَّا تفقد أمانها مع الراجل اللي بتحبُّه، تبقى جابت آخرها. ما بتبصش عليه تاني، بترميه ومش بتبصِّ وراها.
أشار له بغضب: وإنتَ كلِّ مرَّة بتحسِّسها إنَّها ولا فارقة معاك، رغم إنَّك بتموت فيها.
استدار إلياس متَّجهًا للسلِّم، ثم قال دون أن ينظر إليه: أنا مش هقولَّك تعمل إيه، إنتَ بتحبَّها حب كفاية يخلِّيك تصلَّح غلطك يا ابن إلياس.

توقَّف عند أوَّل درجة، واستدار بنصف جسده إليه: خدها في حضنك، وحسِّسها إنها أهمِّ حاجة في الدنيا.
ابتسم بحزنٍ خافت: هترمي كلِّ وجعك، وتأكَّد، كل ما تتعب معاها أكتر، كلِّ ما تحس بحلاوة الدنيا يا ابن إلياس.
ثم أضاف أخيرًا، وكأنه ينتزع الفكرة السوداء من رأسه بالقوة: وضي، مش عايزة غيرك.
ولو كانت خيَّرتك قبل كده...
فده علشان إنتَ مكنتش كفاية لأمانها.

صمت لحظة، ثم قال بصوتٍ خافت: قالتلي، يمكن طفل يربطنا، يمكن أحسِّ بالأمان.
تركه بعدها وصعد لغرفته.
أمَّا يوسف...
فظلَّ واقفًا مكانه، كأنَّ الكلمات سحقت كلَّ شيء داخله.
بدأت مشاهدهم تمرُّ أمام عينيه تباعًا، ضحكتها، دموعها، رعشة صوتها وهي ترجوه، أغمض عيناه، حتى اختنق صدره بالكامل.
تحرَّك أخيرًا للخارج بسرعة، أخرج هاتفه واتَّصل بها مرَّة، واثنتين، وثلاثًا...
لكن لا رد.

أغمض عينيه بإحباط، ثم اتجه نحو منزل بلال.
توقَّف أسفل المنزل، وأجرى اتِّصالًا.
جاءه صوت بلال متعبًا: خير؟
رد يوسف بصوتٍ خافت، لكنه يحمل انهيارًا واضحًا: بلال، أنا تحت مستنيك.
تنهَّد بلال على الطرف الآخر: اطلع، رولا نامت وتعبانة، مينفعش أسيبها.
ساد الصمت لثوانٍ.
ثم خرج صوت يوسف منخفضًا: تمام.
أغلق الهاتف وسحب نفسًا طويلًا، وزفره ببطء شديد...

كان يعلم أن ضي غاضبة منه. لكن لأوَّل مرَّة، يشعر برعبٍ حقيقي من فكرة أنها قد لا تعود إليه أبدًا.
صعد بخطواتٍ بطيئة مثقلة، وكأنَّ كل درجة تحت قدميه تسحب ما تبقَّى من قوَّته.
وقف بلال ينتظره عند الباب، وما إن وقعت عيناه عليه حتى أدرك حجم الخراب الذي بداخله.
أشار له بالدخول بصمت، بينما اتجه هو نحو غرفته.
دلف بهدوء، فوجد رولا غافية بإرهاق.

اقترب منها، وجلس على طرف الفراش يملِّس على شعرها برفق: حبيبتي، يوسف برَّة، أوعي تخرجي بالهدوم دي.
فتحت عينيها بصعوبة، ثم همست بصوتٍ متعب: جاي فيه حاجة ولَّا إيه؟
تنهَّد بلال وهو ينظر لها: معرفش.
أمسكت كفِّه فجأة: وحياتي، ما تزعِّلوش منك يا بلال.
نظر لها باستغراب، فأكملت بندمٍ حقيقي: من وقت ما عرفت حالته، وأنا زعلانة من نفسي أوي إني كلِّمته بالطريقة دي.

مال يقبِّل وجنتها بحنان: بتوصَّيني على أخويا يا بت؟
ثم ابتسم: نامي بدل ما أقلب عليكي دلوقتي.
ضحكت رغم تعبها، ثم اعتدلت بصعوبة بسبب ثقل حملها: بص، لو جاي يتكلِّم في موضوع ضي، حاول تساعده، أختك مخَّها جزمة.
رفع حاجبه فورًا: أختي برضو.
ضحكت بخفوت وأومأت: ما تجمعش، ماهو إنتوا الرجَّالة صعبين أصلًا.
ثم تنهَّدت بحزن: المهم، ضي حالفة تسافر ومش هتقعد هنا.
انعقد حاجباه: ليه؟

عضَّت شفتها بخجل: أصل، قولتلها إنه هيسافر.
شهق بلال بعدم تصديق: برافو عليكي يا رولا! ماقولتلك باباه مش هيرضى.
أشار لها بتحذير وهو يهمس بعصبية خافتة: لازم تنشكِّي في لسانك يعني؟
نفخت بضيقٍ طفولي: ماهي نرفزتني، وهوَّ استفزني ببروده.
هدأت ثم قالت: أنا تعبانة بسببهم، لأنِّي عشت وجع ضي أوي.
توقَّفت عيناه فوقها للحظة...
وتسلَّلت إلى رأسه صور أيامهما الأولى.

تنهَّد طويلًا، بينما همست رولا بحزن: بلال، إنتَ كنت غيره كمان.
ابتسم بسخرية موجوعة، فأكملت: وشوف كنَّا عاملين إزاي.
ثم رفعت عينيها إليه بصدق: يوسف طيب، وصعبان عليَّا أوي.
ابتلع غصَّته بصمت: ومتأكِّدة إنه بيموت في ضي، بس مش هيحاول يرجَّعها علشان الموضوع اللي قولت عليه.
توقَّفت لحظة، ثم أمسكت يده بقوة: لازم تتصرَّف.
همست بتأثُّر: عرفت من ضي إنها كانت مستعدَّة تتنازل عن كلِّ حاجة علشانه.

أغمض بلال عينيه للحظة، ثم قال بهدوء: تمام، هتصرَّف.
ربت على يدها: ارتاحي إنتِ.
لكنها أوقفته قبل أن ينهض: اتِّصل بضي خليها تيجي.
ابتسم يهزُّ رأسه: نامي يا حبيبتي، قولت هتصرَّف.
دثَّرها جيِّدًا، ثم خرج من الغرفة وأغلق الباب بهدوء.
وجد يوسف واقفًا في الشرفة، يستند بكفَّيه على السور الحديدي، وعيناه غارقتانِ في الظلام
اقترب منه ببطء: واقف كده ليه؟
استدار ينظر إليه بصمت.

اقترب بلال أكثر: تشرب إيه؟
هزَّ رأسه دون اهتمام: مش عايز حاجة، عايز أتكلِّم معاك شوية.
أومأ بلال: خلاص، هخلِّيهم يعملوا قهوة.
وبعد لحظات، توقَّفت الخادمة أمامهما.
اعملي قهوة للدكتور، وقهوتي.
تحت أمرك يا دكتور.
غادرت، و عاد الصمت بينهما.
صمتٌ ثقيل، متوتِّر. كأن كلَّ واحد ينتظر الآخر يبدأ الحديث.
حتى قطع يوسف السكون أخيرًا بصوتٍ منخفض: زعلان منِّي ليه يا بلال؟

نظر له بلال طويلًا قبل أن يرد: وإنتَ شايف إنك معملتش حاجة تزعَّل؟
تنهَّد يوسف بتعب: من إمتى حياتنا الشخصية بنربطها بعلاقتنا؟
رفع عينيه إليه: ياما حصل مشاكل، وعمرنا ما زعلنا من بعض.
أومأ بلال ببطء، ثم قال بصراحة موجعة: المرَّة دي جيت على أختي أوي يا يوسف.
اشتدَّت ملامحه: دوست عليها، ووجعتها وهيَّ مالهاش ذنب في أي حاجة.
أغمض يوسف عينيه للحظة: إنتَ عارف سبب المشكلة؟
عارف.
ساد الصمت ثانية...

ثم خرج السؤال من يوسف بصعوبة، وكأنه يخشى إجابته: من إمتى عارف؟
طالعه بلال، وعرف من نبرة صوته أنَّ أكثر ما يقتله ليس انكشاف سرِّه، بل شعوره بأنه أصبح ضعيفًا أمام من يحبُّهم.
نهض من مكانه، واتَّجه يجلس بجواره: أنا أخوك قبل ما أبقى ابن عمَّك، صح ولَّا لأ؟
ثم نظر له بثبات: شايف إنِّي ما استاهلش أعرف حاجة تخصَّك كده؟
صمت لحظة، ثم سأله بهدوء: زعلان علشان عرفت؟

ضحك يوسف بسخرية مكسورة، والتفت إليه بوجه تحوَّل إلى لوحةٍ من الألم: زعلان علشان اتعاملت وكأنِّي طفل.
ثم أكمل بمرارة: للدرجة دي بقيت ضعيف!
تنهَّد بلال: إنتَ اللي وصَّلتنا لكده.
مرَّر يوسف يده فوق وجهه بعنف وكأنه يحاول محو أفكاره: خلاص يا بلال، مش هنتكلِّم في القديم.
ثم رفع عينيه إليه بتعبٍ قاتل: المهم، عايز أعرف ضي عايزة إيه.
لو عايزة أطلقها...
قاطعه بلال فورًا بحزم: ضي بتحبَّك.

ومكنتش عايزة غيرك، بس إنتَ كسرتها.
ضحك يوسف بمرارة موجوعة: الكلِّ شايف إنِّي كسرتها، حتى إنتَ.
ثم أضاف بصوتٍ مختنق: إنتَ اللي المفروض عارف يوسف.
ردَّ بلال بهدوء عاقل: يوسف، مش مهم أنا عارفك إزاي.
أشار ناحية صدره: المهمِّ هيَّ حسِّت بإيه.
همس يوسف بضعفٍ مرعب: طيب أنا تعبان من غيرها، وتعبان بوجودها.
رفع عينيه إليه وكأنَّها تستغيث: ممكن تنصحني أعمل إيه؟
شعر بلال بالحزن الحقيقي عليه...

لأوَّل مرَّة يرى يوسف بهذا الانكسار.
تنهَّد طويلًا، ثم قال بهدوء: روحلها يا يوسف.
نظر له مباشرة: اتكلِّم معاها، ده لو إنتَ لسه باقي عليها.
اهتزَّت أنفاس يوسف فجأة...
ثم خرجت الكلمة منه بصوتٍ بالكاد سُمع: خايف.
اتَّسعت عينا بلال بدهشة: خايف؟!
مسح يوسف على وجهه بغضبٍ وعجز: خايف منها، وعليها.
ثم رفع عينيه التي كانت مليئة برعبِ.

-خايف أبصّ في عينيها، وألاقي إنها بطَّلت تحبِّني فعلًا. وخايف في يوم تندم إنَّها خسرت أمومتها.

دكتور بلال...
قاطعهم صوت الخادمة من خلف الباب، فرفع بلال رأسه بضيقٍ خفيف قبل أن ينهض معتذرًا: هشوف فيه إيه.
أومأ يوسف بصمت، بينما تحرَّك بلال للخارج بخطواتٍ هادئة، ليجد الخادمة تقف أمام الغرفة بتوتُّر: المدام رافضة تشرب اللبن يا دكتور.
تنهَّد بلال، ثم أخذ الكوب من يدها قائلاً: فيه كيس علاج في الصالون، هاتيه.
دلف للداخل، اقترب منها وهو يرفع حاجبه: رولا، مش قولنا بلاش شغل الأطفال ده؟

تمتمت بضيق وهي تتفادى النظر إليه: مش عايزة، أنا كنت نايمة.
جلس على طرف الفراش، ثم قرَّب الكوب منها قائلًا بنبرةٍ هادئة لكنَّها حاسمة: نشرب اللبن، ولَّا ناخد حقن؟
اتَّسعت عيناها، فاعتدلت بسرعة تسحب الكوب من يده بتذمُّر طفولي، بالتزامن مع دخول الخادمة وهي تضع كيس العلاج فوق الطاولة.
ابتسم بلال بخفَّة، وبدأ يفتح الأدوية ليعطيها المسموح بوقته.

تجمَّدت ملامحه وهو يحدِّق بأحد الشرائط بين أصابعه: إيه اللي جاب ده؟
رفعت رولا رأسها تنظر لما بيده، ثم قالت بعدم اهتمام: إيه يا حبيبي؟
رفع عينيه إليها: ده حبوب هلوسة، جاية ليه وسط علاجك؟
ضربت جبينها بكفِّها فجأة: أوبس، نسيت أقولَّك، ده آسر كان محتاجه، وشكله نسيه هنا. وإحنا جايين خلِّيته يجيب العلاج، فسألته على الشريط ده، قالِّي محتاجه لحد.

نظر لها بصدمة ممتزجة بضحكٍ ساخر: هلوسة لحد؟ الواد ده مجنون رسمي.
أخذ الشريط من فوق الفراش، ثم أشار لها بأحد أدوية الفيتامين: المهم، ما تنسيش ده، عشان هطلع ليوسف عيب سايبه لوحده.
ابتسمت بخبث وهي ترتشف اللبن: طيب اتِّصل بآسر وخلِّيه ياخد الشريط.
ثم ضيَّقت عينيها بفضولٍ طفولي: هيَّ الحبوب دي بتعمل إيه أصلًا؟
انفجر ضاحكًا، ثم قرص وجنتها بخفَّة: لا دي بتعمل حاجات كتير، لمَّا تكبري أبقى أقولِّك.

نفخت وجنتيها بغضبٍ مصطنع وهي تضرب يده: والله.
ضحك أكثر على ملامحها العابسة، فاستوقفته فجأة وهي تشير للشريط بشقاوة: طيب ما تاخدها إنتَ، عشان أشوف هيحصل إيه.
رفع حاجبه بابتسامةٍ خبيثة، ثم التقط الشريط ولوَّح به أمامها: بس كده؟ من عيوني.
قالها بمزاح، قبل أن يخرج من الغرفة.

جلس بعدها مع يوسف لبعض الوقت، يتبادلون الحديث. كان يوسف شاردًا، يردُّ أحيانًا ويتنهَّد كثيرًا، بينما بلال يحاول انتشاله من دوَّامة أفكاره.
وبعد جدالٍ طويل حول الذهاب أو التأجيل، زفر بلال بضيقٍ مصطنع ونهض: خلاص، صدَّعتني.
اتجه للمطبخ وهو يكمل: هعملَّك قهوة تانية، وهتشربها من غير جدال، عشان تروح لعمَّك رايق وتعرف تتكلِّم معاه.

عاد بلال بعد دقائق ووضع الفنجان أمامه: اشرب القهوة، وضروري تعدِّي عليها، كلِّ ما تتأخَّر هتخسر، رفع يوسف عينيه إليه أخيرًا وقال بصوتٍ متعب: خلاص، هعدِّي عليها، وزي ما قولت، لازم نتكلِّم وأشوف هيَّ عايزة إيه.
ربت بلال على كتفه بهدوء: يوسف، خلِّي نفسك طويل معاها. هيَّ واخدة على خاطرها منك، ومهما صار بينكم، البنت لسه بتحبَّك.
ومتبوظش الدنيا بعصبيِّتك كالعادة.

نهض يوسف بعد فترة وهو يقول: لازم نتكلِّم.
أومأ بلال وأشار إليه: طيب الحقها قبل ما تنام، عندها سفر للفيوم الصبح.
أمسكه من ذراعه ينظر إليه: عارف لو منك، أخدها في حضني، هيَّ هترفض في الأوَّل، بس أختي بتحبَّك وهتسامح، وإنتَ يا بغل حاول تحسِّسها إنَّك هتموت من غيرها.

وصل يوسف إلى منزل أرسلان بعد دقائق، كان يتحرَّك بثقل، خطواته لم تكن طبيعية.
يشعر وكأنَّ الأرض تميل أسفل قدميه. حرارة غريبة تسري بعروقه، وتشوُّش يضرب رؤيته على فتراتٍ متقطِّعة، بينما قلبه يخفق بعنف دون سببٍ مفهوم.
صعد الدرج مترنِّحًا قليلًا، يحاول التماسك، ثم طرق الباب ودلف للداخل دون انتظار.
رفعت غرام رأسها نحوه بصدمة: يوسف؟!

ابتسم ابتسامة واسعة غير متَّزنة: طنط غرام، أنا جعان أوي، ما كلتش من إمبارح، عايز كلِّ الأكل اللي عندك، وطلَّعيه في أوضة بنتك فوق.
قالها وتحرَّك نحو الدرج.
استوقفه أرسلان بحدَّة: رايح فين يلا اتجنِّنت؟
اقترب يوسف منه، وابتسم في محاولةِ الثبات منه: عمُّو حبيبي، جاي أتعشى مع مراتي، فيها حاجة دي؟
قالها ثم تحرَّك متجاوزًا إيَّاه.
يوسف!

أوقفته غرام سريعًا وهي تنظر لزوجها برجاء: أرسلان، علشان خاطري سيبه يطلع للبنت، يمكن يتصالحوا.
أشار لها بغضب: إنتِ تسكتي خالص؟!
لكن يوسف قاطعهم بضيقٍ طفولي: إنتوا هتتخانقوا ومش هتعشوني؟
ضحكت غرام رغم توتُّرها: أحسن عشا يا حبيبي.
التفت إليها أرسلان بصدمة: إنتِ بتشجَّعيه؟!
أومأت بعينيها برجاء: عشان خاطري، سيبهم يتكلِّموا.
زفر بضيق ثم أشار لأعلى: عشر دقايق بس، ولو سمعت صوت.

بالأعلى...
فتح الباب دون استئذان، ودلف للداخل بخطواتٍ ثقيلة.
بحث عنها بعينيه، لكن الرؤية كانت تضطرب أمامه، الأشياء تتحرَّك ببطء أحيانًا، وبسرعةٍ أحيانًا أخرى. ظن من عدم نومه الجيد
توقَّفت عيناه على ثيابها الملقاة فوق الفراش.
اقترب منها ببطء، ثم التقطها بأنامله، ورفعها لأنفه يستنشق رائحتها بوله، مع خروج ضي من الحمَّام.

كانت ترتدي البورنس الأبيض القصير، وخصلاتها المبتلَّة ملتفَّة بمنشفة صغيرة، فقامت بنزعها، بينما قطرات الماء تنساب فوق عنقها ببطء.
تجمَّدت مكانها فور رؤيته: يوسف!
استدار نحوها ببطء. وقعت عيناه على هيئتها، نظرات مشتَّتة، وكأنَّها لا تريانها وحدها، بل شيئًا آخر معها.
تحرَّكت أنفاسه بعنف وهو يتأمَّلها من رأسها حتى قدميها، وكأنَّ عقله توقَّف عند هيئتها التي خطفت أنفاسه.

ابتلعت ريقها بصعوبة، ثم حاولت التظاهر بالقوة، وألقت المنشفة من يدها بغضبٍ متصنَّع حين وجدت نظراته إليها بتلك الطريقة: إنتَ إيه اللي جابك هنا؟
اقترب منها خطوة، ثم أخرى...
تأوَّه بخفوت وهو يضغط أصابعه فوق رأسه فجأة، وكأنَّ الألم يمزِّقه من الداخل.
الرؤية أمامه تشوَّشت أكثر.
صوتها بدأ يتداخل مع أصواتٍ أخرى داخل رأسه.
لكن رغم ذلك، لم يتوقَّف.
حتى وقف أمامها مباشرة.

كانت أنفاسه ساخنة ومضطَّربة، وعيناه معلَّقتان بها بطريقةٍ أربكت قلبها رغم غضبها. فجأة، سحبها إليه بعنفٍ مفاجئ.
شهقت بقوَّة حين اصطدمت بصدره: إنتَ اتجنِّنت؟!
دفنت أصابعها بصدره تحاول دفعه، لكنَّه شدَّها أكثر، وهمس بصوتٍ متحشرج مضطرب: وحشتيني...

ثم أغمض عينيه بقوة يحاول السيطرة، فتح عيناه بنظرةٍ مشوَّشة مؤلمة، كانت تهاجمه وتدفعه تبعده عنها بقوَّة، ولكن داخله قوة واحتراق، فقد سيطرته فسحبها لأحضانه يدفن وجهه بين خصلاتها المبلَّلة، يسحب أنفاسه منها وكأنه يسحب جرعته اليومية.
خرجت منه آهة موجوعة، عميقة، وكأنها خرجت من قلبٍ احترق طويلًا: وحشتيني أوي، حبيبتي.

ارتجف جسدها بعنف من قربه، ومن نبرة صوته التي ضربت قلبها، دفعت صدره محاولةً إبعاده، لكنه كان كالجدار، لم يتحرَّك.
رفع رأسه ببطء، وعيناه شبه غائبتين، ثم مرَّر أنامله على وجنتها بحنانٍ موجع: هونِت عليكي تبعدي عن حضني؟
نظرت له بذهول، أنفاسها تتسارع وهي تراقب اضطراب عينيه، وطريقته غير الطبيعية.
يو، يوسف، ابعد.
إنتَ شارب حاجة؟
قالتها وهي تدفعه بقوَّة أكبر.

تراجع خطوتين، ثم أمسك رأسه فجأةً وكأنَّ الدنيا تدور حوله.
تشوَّشت الرؤية أمامه للحظات...

رفع عينيه إليها مجدَّدًا، وابتسم.
ابتسامة مرهقة، ضائعة، لكنَّها ممتلئة بها.
دارت حوله تدفعه بغضب، ولم تراعِ حالته. وأشارت إلى الباب: إنتَ بتعمل إيه هنا، يلَّا اطلع برَّة.
اقترب منها من جديد ببطء.
تراجعت هي للخلف، وعيناه تتحرَّكان فوق جسدها بطريقةٍ جعلت قلبها يرتجف رغماً عنها. تخشى ان تضعف معه، دون ان تلقيه درسا لا ينسى.

همس بصوتٍ متعب: وحشتيني، إيه، مش وحشتك؟
رفعت ذقنها بعناد تحاول قتل ضعفها: لا، مش وحشتني.
اطلع برَّة.
حاصرها بين ذراعيه وبين الجدار.
هبطت عيناه على شفتيها المرتجفتين: لا؟
مش وحشتك إزاي؟
رفعت عينيها إليه، و أنفاسه الساخنة تضرب عنقها بعنف، تذيب كلَّ قوتها بالتدريج.
وتوحشني ليه إن شاء الله؟
إحنا خلاص، هنطلَّق.

تجمَّد قلبه على كلمتها، ثم انحنى حتى أصبح وجهه قريبًا جدًّا منها، وعيناه تائهتانِ داخل عينيها: مين قال كده؟
اختنق صوتها، من قربه وملامسة شفتيه لوجهها، فدفعته بعنف بعدما شعرت أنَّ مقاومتها تنهار أمام تلك النظراتِ المجنونة: ابعد يا يوسف، متبقاش مجنون، ثم
وضعت يدها على صدره لتمنعه...

لكن فجأةً جذبها إليه بعنف، وكأنَّ شيئًا انفجر داخله، ثم التهم شفتيها بقبلةٍ فوضوية مجنونة، قبلة بلا اتِّزان، بلا سيطرة، وكأنه يحاول إثبات أنها مازالت له.
شهقت وهي تحاول دفعه، لكن أنفاسها ضاعت تمامًا معه. في قبلته المجنونة، تقسم أنها للاول مرة تشعر بأنه يقبلها بتلك الطريقة، لكن فجأةً طرقاتٍ على الباب.
ضي، جبتلكم العشا يا حبيبتي.

ظلَّت تبعده لتجيب والدتها ولكنه سلب تنفُّسها، دفعته بقوَّة غاضبة إلى أن ابتعد عنها بصعوبة، يتنفَّس بعنف، بينما وقفت هي تحاول التقاط أنفاسها المرتجفة، وشفتيها ترتعشان بشكلٍ فضحها.
دخلت الخادمة بعدما أمرتها غرام والسماح من ضي وهي تدفع عربة الطعام، توقَّفت غرام عند الباب قائلة: يوسف جبتلك العشا، يارب يعجبك.
جلس يوسف على طرف الفراش يحتضن رأسه بكفِّه، وكأنه يقاوم ألمًا يفتك بعقله.

رفع رأسه بصعوبة على كلماتها وابتسم: تسلم إيدك.
نظرت ضي لوالدتها، ورغم نظراتها المرتبكة، أشارت إليه بارتجاف: خلِّيه ينزل ياكل تحت.
اقعدي مع جوزك واتكلِّموا، دنت غرام منها ونظرت لعينيها والعلامات التي تركها، فابتسمت بسخرية: دا منظر واحد جاي ياكل يا بنت أرسلان، اومال لو مش عايزة تطلقي، قالتها بتهكم، لتشعر ضي بالضيق ممه، اقتربت غرام بعدما لمحت صراع ابنتها.

لو طلَّقك هترتاحي، أنا معاكي مهما تقرَّري، بس اقعدي معاه، وقت الوجع والغضب بنقول كلام خارج سيطرتنا، وشكله ندم، ربِّنا يهديكوا، قالتها وخرجت، وأغلقت الباب خلفها.
نظرت ضي إليه، وكلماته تصغعها، فاندفعت نحوه بغضبٍ مرتبك: بقولَّك إيه ما تجنِّنيش، عشا إيه إن شاء الله؟!
إنتَ اتجنِّنت؟! اطلع برَّة أوضتي بدل ما أصوَّت، لكنها شهقت فجأةً حين جذبها بقوَّة نحوه، لتسقط جالسة فوق ركبتيه.

حاولت النهوض تصرخ فيه، لكنه أحاط جسدها بذراعيه بإحكام، مانعًا هروبها.
شوية هدوء يا مجنونة، جنِّنتي أبويا.
لكزته بعصبية وهي تهمس صارخة: ابعد! إنتَ شكلك مبرشم.
هزَّ رأسه وأطلق ضحكةً رجولية مرتفعة.
توسَّعت عيناها تهمس لنفسها: والله إنتَ ما طبيعي.
صمتت ثم قالت: جاي ليه يا يوسف، مش إنتَ طردتني.
لكنه لم يكن يسمعها، كان تائهًا داخل رائحتها، قربها، ملمسها. نظر لفتحة روبها.
يوسف بلاش جنان، امشي من هنا.

لم يستمع إليها بل دفن أنفه بعنقها يتمتم بصوتٍ مختنق: مجنون بيكِ يا حبيبة يوسف، يوسف مجنون بضي.
يوسف!
صرخت باسمه، لكن صوتها خانها.
وخانتها دموعها التي انسابت فوق وجنتيها رغماً عنها، تحاول التمسُّك بغضبها، بوجعها منه، بكلِّ ما فعله بها. تريد كرهه ونفوره لكن جسدها اللعين كان يضعف بين ذراعيه ككلِّ مرَّة.

وقلبها الألعن، كان يرتجف لمجرَّد أنه مازال ينطق اسمها بذلك الحبِّ المجنون. ونظراته التي جعلتها كالطائر بلا جناحين.
نظرت لعينيه التي لم تتزحزح عنها: متفكرش هسامحك.
نهض من مكانه واتَّجه إلى الحمَّام، يضع رأسه تحت صنبور المياه الباردة، توقَّف أمام المرآة ينظر لهيئته، ثم تناول المنشفة يمسح وجهه ويغمض عينيه: فيه إيه، مالك؟! معقول علشان وحشتك، اتجنِّنت مبقتش قادر تسيطر على نفسك.

تنفس بهدوء ثم خرج، توقَّف لدى الباب ينظر إليها، كانت تقف أمام الباب تعقد ذراعيها. اقترب منها مبتسمًا فأشارت إليه بتحذير: بطَّل جنان ويلَّا على بيتكم، تحرَّك يشير إليها: تعالي نتعشى وهمشي.
زفرت بغضب، ورغم ذلك تبسَّمت.
أشار بعينيه إليها بالجلوس، وعيناه ذهبت إلى روبها.
استدارت قائلة: هلبس الأوَّل: تعالي هنا، إيه هوَّ أنا مش جوزك.
لا مش جوزي.

رفع الغطاء عن الطعام، وأطلق صفيرًا: واو حماتي عاملة حمام. خليني اكل الحمام لما تغيري علشان اخلعك براحتي
استدارت تنظر للطعام، وتوسَّعت عيناها تضغط على شفتيها بغضب.
غمز إليها، وبلحظة جذبها لتسقط فوقه مرَّةً أخرى: تعالي أكِّلي جوزك يا روحي.
جوز حمام يطيَّروك يا حبيبي.
قبلةً سريعة على شفتيها يغمز إليها: كلِّ ما تتأخَّري هبوسك، عايز آكل الحمام دا كلُّه.

رفعت حاجبها ساخرة: ودا من إيه إن شاء الله، مفكَّر نفسك عريس.
دنا من شفتيها يهمس إليها: وأحسن عريس، تحبِّي تشوفي؟
لكزته غاضبة ونهضت من مكانها تعقد ذراعيها: كل ويلَّا على بيتكم، عايزة أنام.
ابويا طردني، ومراتي المجنونة حرقت البيت، مش قدامي غير حضن بنت عمي، وخاصة بالروب دا هيكون سهل في الخلعان
شهقت تسبه
قليل ادب ومش متربي
أمسك الحمامة يقلِّبها بين يده: سبحان الله، يوضع سرُّه في أضعف خلقه.

اهي البتاعة الصغيرة دي هتخليني اعرفك قليل الادب هيعمل ايه، الياس اصلًا نسي يربيني، متربي على ايدك ياروحي، غمز اليها
متجوز اجمل بنت هكون متربي، وكتاب الله ماينفع.

أفلتت ضحكة رغمًا عنها، هذا الرجل سيصيبها بالجنون حتمًا. جزت على اسنانها وابتعدت
كل يارب تشرق.
مضت خمس دقائق، إلى أن دفع عربة الطعام: الحمد لله. كدا الواحد ينام بهدوء.
قالها وهو يفرد ظهره على الفراش.
ضربته بقدمها: إنتَ هتعمل إيه يا دكتور؟!
اعتدل وقام بنزع قميصه.
إنتَ بتخلع القميص ليه، وبعدين مش ناوي تمشي؟
الله مش اتعشيت وأنا لابس القميص.
فيه حباية رز وقعت عليه، ولازم يتغسل.

دفعته بغضب اتجاه الباب: اطلع برَّة.
والله لو ما سكتيش لأخل ع هدومي كلَّها.
دا حتى حماتي مهتمية بيَّا ومعشياني حمام ورومي.
جحظت عيناها تشير إليه بتحذير: ما تعصبنيش، واطلع برَّة، روح بيتكم.
ماقولت، أبويا طردني، ومراتي حر قت بيتي. انتي كمان خرسة.

باقي مين عمِّي حبيبي، عنده بنت عايزة.
صمت ولم يكمل حديثه، قبل أن تلقيه بالوسادة: اطلع برَّة، اقترب منها يتلاشى ما تلقيه عليه: إنتي اللي جبتيه لنفسك.
أمسكها يسحبها إليه بقوَّة مع كلمات أرسلان بالخارج: إنتَ يا حيوان هتبات عندك؟
نظر إلى ضي وغمز قائلًا: أه، عايز أنام في حضن مراتي، ولو مش من غير هدوم كنت أخدتها بيتي دلوقتي لأنَّك كل شوية تزعجني.

سحبته غرام: كدا عاجبك. يارب تكون ارتحت، أظن لو ضي مش عايزاه كانت قفلت الباب كدا.
هزَّ رأسه وتحرَّك وهو يقول: مين قالِّك كنت عايز الطلاق، بس عايز أعلِّمه الأدب، بس كالعادة بنتك هبلة.
بالداخل استدار يضحك عليها.
أقسمت أنه لم يكن طبيعيًّا، تعلم أنه لن يفعل ذلك. دنت منه تنظر إليه: إنتَ تعبان؟
طالعها بعينينِ حمراوتين بشكلٍ أخافها، وأنفاسه تضرب صدره بعنف، بينما جسده كلَّه كان ينتفض باضطرابٍ لا يفهم سببه.

ضي أنا بحبِّك...
هزّت رأسها بدموعٍ متحجِّرة داخل عينيها: أنا تعبت، تعبت من حبَّك اللي كلِّ مرَّة يوجعني أكتر.
أغمض عينيه للحظة، ثم دفن وجهه بعنقها وهمس بصوتٍ مرتجف: مش قادر أعيش من غيرك. بحبِّك.

ارتجف قلبها رغمًا عنها، ذلك الصوت وحده قادرًا على إسقاط كل جدرانها، لكن الذكريات كانت أقسى، كانت تشعر أنَّ روحهما تؤذي بعضهما مهما حاولا الاقتراب.
ابتعدت عنه سريعًا، وبدأت تتحدَّث عن ما قاله وما فعله.

بينما هو شعر بزيادة حرارته تسري بعروقه، بشكلٍ أعلى من الأوَّل، ضربات قلبه تتسارع بشكلٍ مرعب، ورأسه يكاد ينفجر.
تذكَّر كلمات بلال فجأة...
اتَّسعت عيناه قليلًا، وكأنَّ عقله بدأ يربط أشياءً لم ينتبه لها.
اقتربت منه ضي تتحدَّث بانفعال: أنا بكلِّمك أهو، ساكت ليه؟
لكزته بصدره بخفَّة، فرفع عيناه إليها ببطء.
وقعت عيناه عليها، تجمَّد مكانه.

هيئتها أمامه، قربها، رائحتها، ارتجافة شفتيها، كلُّ شيء بدا وكأنه يشعل شيئًا مظلمًا داخله.
شعر بنفسه كذئبٍ يتربَّص بفريسته...
اقتربت أكثر حتى اختلطت أنفاسها بأنفاسه وهمست بعناد: إنتَ قولت هتطلَّقني. كلِّ شوية طلاق، مفكَّرني هتحايل عليك، أنا خلاص زهقت ومبقتش عايزة أكمِّل، رغم رفض قلبها لكلماتها إلَّا أنها قالتها في محاولة على السيطرة على ضعفها.

انقبض فكِّه بعنف، دفعها بقوَّة على الفراش.
دقائق بعدما فقد السيطرة بالكامل.
اعتدل وأنفاسه بدأت تتلاشى ورؤيته تتلاشى مرَّةً أخرى.

ثم ابتعد فجأة وكأنه يهرب من نفسه قبل أن يهرب منها. يجب أن يسيطر على مايحدث له، حتى لايؤذيها، اتَّجه سريعًا نحو الحمَّام، بينما كانت تراقبه بصدمة قبل أن تضرب الأرض بقدمها بعصبية: عايز يجنِّني! والله ما هيسكت غير لمَّا يخلِّيني أكلِّم نفسي.
لكن كلماتها توقَّفت فجأة...
وتعالت أنفاسها وهي تتذكَّر قبلته المجنونة منذ دقائق.

تحرَّكت ببطء نحو المرآة، وقفت أمامها تحدِّق بوجهها المبعثر، بشفتيها المرتجفتين، بخصلاتها التي أفسدها بين أصابعه. وعلاماته المجنونة التي تركها.
رفعت أناملها تلمس شفتيها، ثم أغمضت عينيها كأنها تخشى أن تضيع منها ذكرى تلك القبلة.
ثوانٍ فقط، ثم فتحت عينيها بفزعٍ من نفسها.
أنا فعلًا غبية زي ما طنط ميرال قالت.
عضَّت شفتيها وهي تهمس بخجلٍ غاضب: بترجعي ببوسة يا هبلة؟
رغم ذلك، ابتسم قلبها رغماً عنها.

وضعت يدها فوق صدرها وكأنها تعاتبه: بطَّلي غباء، كفاية ترخَّصي نفسك بقى.
اتَّجهت لغرفة الملابس وقامت بنزع ثيابها بعنف ودموعها تنساب، من رائحته التي تغرق جسدها.
هوت على المقعد بعدما ارتدت ثيابها، وأحاطت وجهها بكفَّيها تتنفس بعنف، كلَّما تذكَّرت ضعفها أمام لعنته...

بالحمَّام ظلَّ أكثر من نصف ساعة تحت المياه الباردة، يضرب كفَّيه بالجدار، بعدما تيقن من لعبة بلال.
خرجت تنظر لباب الحمَّام بعد تأخُّره: دا بيستهبل ولَّا إيه؟!
خرج على كلماتها، يحاوط جسده بمنشفة.
شهقت تنظر إليه بغضب: ودا اسمه إيه؟!
اتَّجه لهاتفه، ولم يرد عليها، وقام بمهاتفة أحد الخدم بجلب ثيابًا إليه.
وصلت تلكمه: إنتَ أكيد عايز تجنِّني!
ضي لو خايفة على نفسك ابعدي عنِّي دلوقتي، مش عايز أزعَّلك.

لا والله، خفت أنا ولازم أبعد، اتفضل يا محترم اطلع برَّة أوضتي دلوقتي.
أشار لنفسه وقال: أطلع بالفوطة يعني؟
ميهمنيش، إن شالله تطلع من غير هدوم خالص.
وماله. قالها ووضع يده على المنشفة لتصرخ باسمه تقترب منه كالمجنونة: أنا مش مسمحاك، سمعتني مش مسمحاك على اللي بتعمله فيَّا.
حاوط جسدها وضمَّها لأحضانه: خلاص اهدي، همشي، الهدوم تيجي وهمشي متزعليش.
رفع ذقنها ينظر لعينيها: كنتي وحشاني بس.

قالها قبل أن ينحني ويطبع قبلة على وجنتيها، مع طرقات الخادمة للباب.

بعد دقائق كان يقف أمام بلال، لكمة قوية على وجهه، أنا تعمل معايا كدا يامتخلف
ضحك الاخر يبتعد عنه بصوت مرتفع
كنت بعمل تجارب، المهم ايه الاخبار
اتجه اليه، ولكن هرب من امامه
انا عايز اعيش، ابني جاي في السكة.

بقصرِ الجارحي بعد أسبوع.
كانت تتحرَّك مع مرافقة أحضرها حمزة خصِّيصا لمراعاتها، جلست بالحديقة، ثم تناولت هاتفها وهاتفت والدتها: عاملة إيه حبيبتي.
أنا كويسة يا ماما، حضرتك عاملة إيه.
حبيبتي أنا كويسة، المهم خلِّي بالك من نفسك، ويبقى تعالي حفلة عمِّك، علشان ميزعلش.
هيَّ الحفلة دي ليه يا ماما؟
علشان بلال حبيبتي، معملناش حفلة لمَّا أخد الدكتوراه، وكمان افتتاح النادي الجديد.

أيوة عرفت من حمزة إنه خلَّص نادي كبير أوي، ربِّنا يوفَّقه ويزيده يارب.
يارب حبيبتي، حبيب تيتا عامل إيه؟
وضعت كفَّها على بطنها وابتسمت: الحمدلله يا ماما، كنَّا عند الدكتور وطمِّنا عليه.
عرفتي جنس الجنين يا شمس، إنتي في السادس دلوقتي صح؟
ابتسمت وقالت: في آخر الخامس حبيبتي، لا مسألناش على جنسه، حمزة رفض.
ربِّنا يكمِّلك على خير حبيبتي. سلِّمي لي على طنط دينا.
حاضر حبيبتي، وسلِّمي على يوسف وضي.

يوصل حبيبتي، قالتها وأغلقت الهاتف مع دخول إلياس: صباح الخير حبيبتي.
صباح الخير يا أبو يوسف.
اقترب من الفراش وأزال الغطاء عنها: لمَّا بتقولي أبو يوسف بحس إنِّي ملكت الدنيا يا ميرال، الواد دا قطعة من روحي، لكنه متخلِّف.
ابني مش متخلِّف لو سمحت.
ساعدها في الوقوف. وقام بنزع ثيابها وتبديلها بشيءٍ مناسب: يلَّا. كلِّنا هنفطر عندي النهاردة، يزن ورحيل جم تحت، وغرام كمان.
أمسكت ذراعيه وتساءلت بعينيها عن ضي.

ضمَّ رأسها وطبع قبلة فوقها: هتيجي متخافيش، سبيهم يصالحوا بعض.
ربِّنا يهدي يوسف ويرجَّعها.
عانق ذراعها بعدما وضع حجابها، أوقفته ثم دفنت نفسها بأحضانه: تعبتك أوي يا إلياس.
حاوط جسدها يضمُّها إليه، ثم دفن رأسه في حجابها: إلياس من غيرك ولا حاجة يا ميرال.
ابتعدت قليلًا تنظر إليه: ربِّنا يخلِّيك لينا يا حبيبي، وإن شاء تشيل حفيدك، عندي أمل في ربِّنا كبير.
إن شاء الله حبيبتي.

تجمَّع الجميع على طاولة الطعام، سوى من بلال ورولا. دقائق وكانت تتحرَّك بجواره ببطء، توقَّفت غرام واقتربت منهما تسحب كفَّيها بعدما أزاحت المقعد: عاملة إيه حبيبتي؟
الحمدلله حبيبتي.
كويسة يا ماما. ناقص بس تاكل العيلة.
ضحك الجميع على كلمات بلال، التفت يبحث عن ضي: ضي ويوسف فين؟
وصلت ضي في تلك اللحظة تلقي تحيَّة السلام: أنا جيت حبيبي.
توجَّه بنظره إلى إلياس: يوسف فين؟

نزل بدري، اللي اسمها دارين دي اتَّصلت بيه.
قالها إلياس وهو يضع الطعام أمام ميرال.
بينما ضي التي شعرت بنيران تحرق قلبها منه. لم تشعر بنفسها وهي تقول بنبرةٍ غاضبة: ورايح لها ليه على الصبح قليلة الأدب الغير محترمة دي؟
رفع إلياس رأسه إليها: يبقى اسأليه لمَّا يجي.
نهضت سريعًا تجمع أشياءها
أنا افتكرت عندي اجتماع، مش هقدر أفطر.
توقَّفت غرام سريعًا: هتمشي من غير فطار؟

قاطعها إلياس: مش النهاردة الجمعة، هوَّ إنتي عندك شغل بردو؟
ارتفع تنفُّسها، تعلم أنَّ عمَّها يتلاعب بها، استندت على طاولة الطعام أمام الجميع تنظر إليه: عمُّو إلياس صباح الورد على عيونك.
قالتها واعتدلت متَّجهة إلى سيارتها.
ضي. توقَّفت تسحب أنفاسها بهدوء ثم التفتت إليه ورسمت ابتسامة: نعم يا عمُّو.

هوَّ الشغل يوم الجمعة تدريب رياضي؟
أصلي شايفك يا حبيبة عمُّو رايحة الشغل بالترنج.
قالها إلياس وهو يرفع حاجبه بمكر، وعيناه تتفحصان هيئة ضي التي كادت تختنق، ردَّت ببراءة مصطنعة: بالظبط كده.
ضحك يزن بخفوت، لكن ميرال لكزته سريعًا أسفل الطاولة حين لمحَت نظرات أرسلان، الذي كان يراقب إلياس بصمت وعيناه معلَّقتان بضي.
أشار اليه وهمس بغيظٍ محبَّب: افطر يا أبو بلال، دي طليقة ابني، وحبِّيت أنكشها بس.

هنا انفجر يزن ضاحكًا، حتى مال بجسده للخلف وهو يضرب الطاولة بخفَّة: ليك يوم يا ظالم، شوفت يا أرسو؟
اللي قولته، اتقالَّك.
رفع أرسلان كفِّه على ذقنه، ثم نظر إلى إلياس بنظرةٍ تمتلئ بالتشفِّي المرح: كده تشمِّت فيَّا يا أبو طليق بنتي؟
ارتفعت ضحكات الجميع دفعةً واحدة، وتحوَّلت طاولة الطعام إلى حالةٍ دافئة مليئة بالحياة، كأنَّ البيت أخيرًا تنفَّس بعد أيام طويلة من التوتُّر.
حتى إلياس، ابتسم.

ابتسامة صغيرة بالكاد ظهرت، لكنها كانت كفيلة بأن تجعل ميرال تنظر له لثوانٍ بصمت، وعيناها تلمع بالسعادة.
بعد دقائق...
هدأت الضحكات تدريجيًّا، وانشغل الجميع بالفطور، بينما جلس إلياس ويزن مع أرسلان يتحدَّثون عن حفل المساء.
كان أرسلان يتكلَّم بحماس عن الترتيبات، ويزن يشاركه الحديث، أمَّا إلياس فكان صامتًا أغلب الوقت، يهزُّ رأسه أحيانًا، ويجيب بكلماتٍ قصيرة، لكن عيناه بقيتا تتبعان ميرال أينما تحرَّكت.

بمنزل آدم.
كانت تتحرَّك بخفَّة تلعب بمقابلة أخيها لعبة التنس، انتهت وخطت نحوه تضرب يده: مبروك يا هندسة.
داعب خصلاتها بابتسامةٍ حنون: إيه رأيك تيجي الحفلة بالليل، ماما قالت إنِّك رافضة.
عندي مذاكرة كتير، الترم أوشك على الانتهاء.
تمدَّد على العشب وأشار إليها بالجلوس: عملتي إيه مع دكتورك الغلس؟
أوعى تكون قولت حاجة لماما؟
لا حبيبتي. اطَّمني، المهم عملتي إيه؟
عادي مفيش جديد، اسمه إيه الدكتور دا؟

قاطعهم صوت إيلين: الفطار يا ولاد.

بمنزل طارق.
خرجت من غرفة طفلها، وجدته واقفًا أمامها ينظر إليها بصمت: عايز إيه يا مازن؟
بابا هيرجع إمتى؟
ممكن بالليل، فيه حاجة؟
مالكيش دعوة، قالها وتحرَّك بعض الخطوات ثم توقَّف يستدير إليها: إنتي اللي قولت له ياخدني لدكتور صح.
إنتي انسانة جشعة خبيثة، أنا مش مجنون يا خبيثة، والله لأنتقم منك إنتي والراجل اللي عامل أبويا.
لم تشعر بنفسها وهي ترفع كفَّها وتصفعه على وجهه بقوة.

توسَّعت عيناه، يضع كفِّه على وجنته ينظر إليها بكرة، ورغم حزنها ممَّا فعلته إلَّا أنها أشارت إليه بغضب: إنتَ فعلًا مش مجنون، لكن إنتَ قليل الأدب وعايز تتربَّى، أنا كنت ساكتة على قلِّة أدبك، لكن لمَّا يجي باباك لازم أقولُّه على بلاويك ودلوقتي على أوضتك، ومفيش خروج برَّة الأوضة دي لحدِّ ما تتربَّى كويس.
نظرة كارهة بغضبٍ حارق ثم تحرَّك من أمامها دون أن ينطق.

مسحت على وجهها: يارب إيه الواد دا، شارب لبن كره وحقد، إزاي الواد دا كدا؟!
حاولت ان تتنفَّس بهدوء، ولكنها فشلت فتحرَّكت إلى الحديقة.

مساءً صاخبًا بالأضواء والفخامة داخل كمبوند الشافعي...
كانت الموسيقى الهادئة تنساب بين الحضور، بينما انعكست الإضاءات الذهبية على الواجهات الزجاجية الفاخرة، ليبدو المكان وكأنه قطعة من الفخامة والروعة.
في تلك اللحظة...
دلف جاسر بمرافقة عز وياسين.

ترجَّل كلَّا منهم من سيارته بهيبةٍ اعتادها الجميع منهم، وما إن خطوا داخل الحفل حتى تبدَّلت الأجواء من حولهم، وكأنَّ اسم الألفي وحده كفيل بأن يمنح المكان ثِقله وهيبته.
التفتت الأنظار نحوهم تلقائيًا...
خطواتهم الواثقة، وحضورهم الذي يفرض نفسه دون محاولة.
اقترب أرسلان سريعًا لاستقبالهم، وعلى وجهه ابتسامة ترحيب واسعة: جاسر باشا، نوَّرتنا.

ثم صافح عز وياسين بحرارة وهو يتابع بفخرٍ واضح: نوَّرتونا وشرَّفتوا كمبوند الشافعي.
جاء صوته متزامنًا مع وصول إلياس إليهم، الذي وقف بجوار أرسلان بهدوئه المعتاد وهيبته التي لا تقلُّ عنهم شيئًا، ثم مدَّ يده إلى جاسر قائلًا: نوَّرتنا يا جاسر باشا.
صافحه جاسر بابتسامةٍ خفيفة تحمل الكثير من التقدير: أهلًا إلياس باشا.

ظلُّوا لبعض الوقت يتبادلون الحديث حول العمل والحفل وبعض المشروعات الجديدة، فاجتماع تلك الأسماء في مكانٍ واحد لم يكن أمرًا عاديًا أبدًا.
علي الجانب الآخر.
وضعت كفَّها على بطن رولا: حبيب عمِّتو عامل إيه؟
طفس زي أبوه، عايزني طول الوقت آكل، لمَّا بقيت زي البالونة.
ضحكت عليها، وطافت بعينيها عليها: فعلا بقيتي كرنبة يا روحي.
طيب مامتك عاملة عشا إيه في الحفلة دي؟ أنا جوعت.

ضحكت عليها بصوتٍ مرتفع، جعلت الجميع ينظر إليها، نهض بلال وتحرَّك إليهما: مالكم يا حلوين؟
مراتك هتاكلني، لسة ضاربة طبق محشي وبتقولِّي عايزة أتعشى.
أمسك كفَّ رولا، وساعدها بالنهوض: دا أقلِّ حاجة حبيبتي، دي بتسمِّي لسة.
شهقت ضي تنظر إلى بطنها المنتفخة: الله يكون في عونك يا حبيبي، دي عايزة طبَّاخ مخصوص.
بلال سيبك منها، أنا دايخة عايزة آكل.
كلي دراعي يا رولا، ينفع؟

لكزته تدفن وجهها بكتفه: ابنك اللي جعان، يرضيك تحرمه؟
ابني دا ابن. وضعت كفَّها على فمه: اسكت بقى، هتفضل ترغي وأنام جعانة.
وصل إليهما ينظر إلى رولا: مامتك بتسأل عليكي، جايبة لك طبق بسبوسة بالقشطة.
تركت ذراع بلال وتحرَّكت تبحث عن والدتها، توسَّعت أعين بلال: لا بجد كدا كتير.
ربت يوسف على كتفه وأشار بعينه بحركةٍ مزاحية: صعبان عليَّ، دي عايزة ونش.

نهضت ضي واقتربت منهما: حبيبي أي واحدة حامل بتبقى كدا، متزعلهاش، هيَّ ما بتكلش أصلًا، بتاخد الحاجة وخلاص.
التفتت إلى يوسف ترمقه بغضب: وإنتَ خلِّيك محضر خير، إيه اللي جابك عندنا؟
هزَّ بلال رأسه بيأس، وغادر، بينما استدار إليها ينظر إليها باشتياق.
سحب كفَّها وتحرَّك بها ألى ساحة الرقص، مع محاولة اعتراضها: يوسف سيب إيدي أنا مش هرقص، الناس بتبص علينا.
عندك ليَّا رقصة يا بنت عمِّي.

دار بعينيه بالمكان، ثم اقترب يرفع ذراعيها حول عنقه، وسحبها من خصرها يقرِّبها إليه: ارقصي يا أستاذة، خلِّينا نقفل الحساب اللي بينَّا.
التفتت حولها تهمس: الناس بتبص علينا، ابعد عنِّي.
تحرَّك مع الموسيقى يحرِّكها معه: لا بتتكسفي أوي، دا إحنا رقصنا تانجو وإحنا مطلَّقين، ولَّا وقتها الانتقام مكنش معرَّفك الصح من الغلط؟

أثار جنانها، فدنت برأسها تنظر لعينيه بقوة وقالت: مش أحسن ما أصاحب واحدة مش بتلبس هدوم ويعمل محترم وهوَّ مقضِّيها معاها.
توقَّف عن الرقصة ينظر إليها بذهول: مين دا اللي تقصديه؟!
ارتبكت للحظات من نبرنه إلَّا أنها رفعت رأسها تنظر إليه بقوة: تفتكر مين يا محترم؟
إنتي شيفاني كدا ياضي. حقيقي شايفة ابن عمِّك بلا أخلاق كدا؟! مش هقول جوزك اللي كنتي في يوم من الأيام بتنامي في حضنه.
قطع حديثهما صوت بكاء وصراخ.

التفتت سريعًا على صرخات رولا وكأنَّ وقت ولادتها جاء.
خطا يوسف سريعًا نحو الصراخ وخلفه ضي. توقَّفت الموسيقى، مع صرخاتها ومحاولة بلال السيطرة عليها: هموت يا بلال هموت. ضمَّها إليه: حبيبتي اهدي خلاص.
نظر لوالده: شكلها بتولد.
خد مراتك المستشفى الناس بتتفرَّج عليك.
انحنى يحملها وساعده آسر في حملها متَّجهين إلى السيارة، ركضت رحيل وغرام وراءهم.

وهدأ المكان بعدما كان يضجُّ بالموسيقى وصرخات رولا. مع انسحاب المدعوين بعد اعتذار أرسلان.
ركض يوسف خلفهم بالسيارة ولحقته ضي.
استقلَّت السيارة بجواره: هوَّ دا موعد ولادتها ولَّا إيه، كانت بتقول لسة أسبوعين.
لم يرد عليها كل ماي فكِّر فيه حالة بلال الآن.
وصل بعد قليل، وجد بلال وآسر بالخارج: إيه فيه إيه؟
أشار للداخل: الدكتورة بتكشف عليها.
طيب مادخلتش مع مراتك ليه، إزاي تسبها لوحدها؟ ادخل علشان تطمِّن.

مش عارف بقى.
ربت على كتفه يشير اليه: ياله ادخل. ياله.
قالها يوسف بثبات مع خروج رحيل وغرام: ولادة، هتدخل عمليات.

تحوَّلت المشفى بالكامل إلى ساحةٍ تعجُّ بعائلة الشافعي، الجميع بالخارج يتحرَّك بتوتُّر، يدعو، يترقَّب، وكلُّ دقيقة تمرُّ عليهم كأنها عامٌ كامل.

بالداخل، كان بلال يقف بجوار الطبيب، لم يترك يد زوجته للحظة واحدة، أصابعه متشبِّثة بكفِّها كأنه يمنحها من روحه القوة. كان قلبه يتمزَّق معها.
يمسح دموعها بيدٍ مرتجفة ويهمس قرب جبينها: أنا معاكي يا حبيبتي، خلاص قرَّبنا.
تعلَّقت أصابعها بكفِّه بقوةٍ مؤلمة، بينما أنفاسها تتقطَّع من شدِّة الألم، وهو عاجز إلَّا عن احتضان يدها والدعاء بصمت. إلى أن ذهبت بنومها بسبب تخديرها، مضت دقائق وفجأة...

شقَّ صراخ الطفل الصغير المكان.
تجمَّد بلال لثانية، وكأنَّ العالم توقَّف حوله.
ثم التفت بسرعة ناحية الصوت، واتَّسعت عيناه بذهولٍ لم يعرفه من قبل.
صرخة واحدة فقط. حوَّلته من رجلٍ خائف إلى أب.
اهتزَّت شفتاه، وامتلأت عيناه بالدموع وهو يسمع بكاء ابنه للمرَّة الأولى.
اقتربت الممرِّضة تحمل الطفل الصغير بعدما انتهت من تنظيفه ولفِّه بعناية.
مدَّت الصغير إليه بابتسامة: ألف مبروك يا دكتور.

تناوله بلال بحذرٍ شديد، كأنه يحمل قلبه بين ذراعيه، ثم طبع قبلةً طويلة مرتجفة على جبينه الصغير، وأغمض عينيه للحظة، يحتضن تلك الرائحة الأولى التي ستظلُّ محفورة بروحه للأبد.
ابتسم وسط دموعه وهو يهمس: الحمد لله...
ثم رفع نظره للطبيبة سريعًا رغم لهفته عليه: دكتور الأطفال يشوفه.
ابتسمت الطبيبة بتفهُّم: أكيد يا دكتور، متقلقش.

ظلَّ يتأمَّل ملامحه الصغيرة بانبهارٍ طفولي، يمرِّر إصبعه على كفِّه الصغير الذي التفَّ حول إصبعه تلقائيًا، فارتجف قلبه بعنف.
يا روح أبوك إنتَ...
بعد فترة...
خرج خلف الفراش المتحرِّك الخاص برولا.
اقترب منها، وانحنى يقبِّل جبينها بحبٍّ عميق.
وفي الخارج...
خرجت الممرِّضة تحمل الطفل، اندفع الجميع بلهفة.
اقتربت رحيل أوَّلًا، وعيناها تلمعان بدموع الفرحة، فتلقَّفته بحنانٍ هائل: حبيبي، نوَّرت الدنيا يا قلب تيتا.

ضمَّت الصغير لصدرها بحب، ثم اقترب يزن بسرعة يحمل الطفل منها بحذر، وكأنه يخشى أن يؤذيه.
طبع قبلةً على رأسه الصغير وهو يبتسم بعينينِ دامعتين: أهلًا بأصغر شافعي.
ماشاء الله، ربِّنا يبارك ويحفظك.
استدارت رحيل خلف ابنتها، فاتَّجه يزن الى جلوس أرسلان الذي توقَّف.
حمله أرسلان: بسم الله، ماشاءالله.
ابتسم ودمعت عيناه، ثم ناوله لإلياس
سمِّ الله يا جدُّو، وسمِّي ابن الحلوف دا.

تلقَّاه وتمتم: بسم الله. قبلة فوق جبينه ثم همس: اللهمَّ إنِّي أستودعك هذا القلب الصغير الذي لم يعرف من الدنيا شيئًا بعد...
فلا ترِهِ حزنًا يبكيه، ولا وجعًا يكسره، ولا طريقًا يضلُّه.
رفع نظره إلى إرسلان وقال بصوتٍ مبحوح رغم ابتسامته الخافتة:
لا طبعًا، إنتَ جدُّه، وأولى بتسميته، ربِّنا يحفظه.
هزَّ أرسلان رأسه وعيناه معلَّقتان بالطفل الصغير: والله ما حد هيسميه غيرك.

ارتجف قلب يوسف بعنف، ونظر للرضيع المستلقي بين ذراعي والده، كأن العالم كلُّه انكمش داخل ذلك الكائن الصغير، اقترب بخطواتٍ بطيئة، خائفة. وعيناه تلتهمان ملامحه بولهٍ موجع: بابا، هاته، عايز أشيله.
أغمضت ميرال عينيها بقهرٍ وهي ترى تلك النظرة بعينيه، نظرة رجل يحاول لمس حلمٍ حُرم منه طويلًا. بينما هوت ضي مكانها بعدما خانتها ساقاها، وكأن المشهد كلَّه يطعنها من الداخل.

ربت أرسلان على كتف إلياس وقال بصوتٍ هادئ: سمِّي الولد، وادِّيه لعمُّه.
اختنق حلق إلياس، وامتلأت عيناه بالدموع رغمًا عنه، ياالله، كم كان هذا المشهد قاسيًا على قلب أبٍ يرى ابنه يتشقَّق أمامه بصمت.
ابتلع ريقه بصعوبة وسأل: هتسموه إيه، فين بلال؟
اقترب أرسلان منه، وهمس له باسم الطفل.
وهنا...
رفع إلياس عينيه نحو يوسف.

ولأوَّل مرَّة في حياته، شعر بالعجز الكامل، عجز أبٍ يتمنَّى أن ينتزع الألم من صدر ابنه بيديه، ولا يستطيع.
ارتجفت شفتاه، ثم رفع الطفل وأذَّن بأذنه بصوتٍ متقطِّع بالتكبير، وبعدها همس باسمه ثلاث مرات، وقلبه يرتجف مع كل حرف.
ثم اتجه نحو يوسف ومدَّ الطفل له بحذر: هتعرف تشيله؟ أومأ يوسف سريعًا، وما إن استقرَّ الصغير بين ذراعيه، حتى توقَّف الزمن.

شهقة مرتجفة خرجت من صدره، ضمَّه إليه بحنانٍ مرتعب، كأنَّ الطفل قطعة من روحه عادت إليه أخيرًا، راح يتأمَّل أصابعه الصغيرة، أنفه، وجهه، وكلَّما تحرَّك الطفل قليلًا، كان قلبه يرتجف أكثر.
أمَّا ضي، فكانت تراقبه بصمتٍ مكسور، تشعر أن كلَّ نظرة بعينيه تخبرها كم يتمنَّى أن يكون هذا طفله.
سمتوه إيه يا عمُّو؟
ابتسم بلال رغم دموعه على رؤية يوسف يحمله: تفتكر هسمِّيه إيه يا جو؟

رفع يوسف نظره إليه، ثم عاد ينظر للطفل الذي تشبَّث بإصبعه الصغير يبكي بخفَّة.
اقتربت الممرِّضة: الطفل يا جماعة...
لكن يوسف ابتعد به خطوة وهو يضحك وسط دموعه: بس يا سيدي، إنتَ مزعج زي أمَّك وأبوك ليه؟
ضحك الجميع بخفوت، بينما كان إلياس يراقب ابنه بحسرةٍ أدمت قلبه، ودعا بداخله بحرقة: اللهمَّ قرَّ عينه بطفلٍ من صلبه يا الله، و لا تحرمه هذا الشعور.
ثم ابتعد عن الجمع سريعًا حتى لا يفضحه وجعه.

تحرَّكت ميرال خلفه بعدما باركت لغرام ورحيل، بينما بقي يوسف واقفًا يحمل الطفل وكأنه يخشى أن تنتهي اللحظة.
وبعد دقائق...
اقتربت الممرِّضة وأخذت الصغير من بين يديه، فتعلَّقت عيناه به بصورة موجعة؛ وظلَّ يسير خلفها دون وعي حتى دخلت غرفة الأطفال ووضعته في فراشه الصغير.
وقف خلف الزجاج يراقبه بصمت...
كأنَّ قلبه تُرك هناك، داخل ذلك السرير الصغير.
توقَّف بلال بجواره وقال بهدوء: أنا سمِّيته يوسف.

التفت إليه يوسف بسرعة، واتَّسعت عيناه، ثم امتلأتا بالدموع فجأة: ليه عملت كده؟
لكزه بلال بخفَّة وهو يبتسم بعينينِ دامعتين: غبي، هقول إيه؟ بحب عمُّه الحمار، وعايزه يفضل معايا طول العمر.
هنا، تذكَّر يوسف كلمات ضي عن الاسم، فتكسَّرت ابتسامته المرتعشة، ثم جذب بلال إلى حضنه بقوة: مبروك يا حبيبي. ربِّنا يباركلك فيه ويحفظه.
صمت لحظة، ثم خرجت منه الجملة كطعنة: ويكون حظُّه أحسن منِّي...

أغمض بلال عينيه بألم، بينما أبعده يوسف برفق وقال: انا همشي وإنتَ روح لمراتك، وخلِّي بالك من ابنك، أوعى حد يقرَّب منه. قالها بابتسامة.
ثم استدار سريعًا قبل أن ينهار أمامهم.
خطا عدَّة خطوات، لكن دموعه سبقته هذه المرَّة، وانسابت رغمًا عنه، كتفاه تهتزَّان بصمتٍ موجع، وكأنه يحمل فوق صدره عمرًا كاملًا من الحرمان.
ظلَّ بلال يراقبه حتى اختفى آخر الممر.

ثم اتَّجه إلى أخته، التي كانت تبكي بصمت منذ رأت يوسف يحمل الطفل.
اقترب منها وضمَّها بحنان: الحقي جوزك، مش وقت زعل يا حبيبتي.
انهارت بين ذراعيه تبكي بحرقة: قلبي وجعني عليه أوي يا بلال، رغم وجعي منه.
ربت على كتفها بحنان: روحي له، هوَّ محتاجك دلوقتي أكتر من أي وقت.
أومأت وهي تمسح دموعها بصعوبة، فقبَّل جبينها بحنان وقال: يسلملي العاقل.
ابتسمت وسط دموعها: مبروك يا أحسن بابا في الدنيا.

ابتسم بلال بحب: الله يبارك فيكي يا حبيبتي، عقبالك إنتِ ويوسف إن شاء الله، عندي أمل، ربِّنا هيعوضكم.
شهقت ضي باكية: يارب يا بلال، يارب.
قالتها وغادرت المشفى بسرعة، وقلبها يرتجف خوفًا عليه.
أخرجت هاتفها واتَّصلت به مرَّة واثنين، وثلاثة...
لكن لا رد. وفجأة، أُغلق الهاتف نهائيًا.
هنا شعرت أنَّ قلبها سقط منها.

الفصل التالي
بعد 22 ساعة و 12 دقيقة.
جميع الفصول
روايات الكاتب
روايات مشابهة