قصص و روايات - قصص رائعة :

رواية شريط لاصق الجزء الأول للكاتبة يارا رشدي الفصل العشرون

رواية شريط لاصق الجزء الأول للكاتبة يارا رشدي الفصل العشرون

رواية شريط لاصق الجزء الأول للكاتبة يارا رشدي الفصل العشرون

خرجت من الغرفه فهي قررت الذهاب الي ثائر والتحدث معه مره اخري وفي داخل احدي الغرف كان مستيقظآ امام لوحاته يقوم برسمها شعر بخطوات في الخارج نهض من مكانه لم يدري لما شعر انها هي صاحبت تلك الخطوات ربما لانها كانت في عقله منذ لحظات
رايحه فين شكلك بيقول انك خارجه
التفت اليه وهي تقول:
نازله القاهره هروح لثائر اتكلم معاه في موضوع
اللعنه علي ثائر هذا الذي تنطق اسمه في دقيقه اكثر من مره
هتف هادي بهدوء ;.

هتنزلي لوحدك استني طيب عمو طيب يصحي ويوصلك بالعربيه
لا انا هركب قطر معايا فلوس
اخرجت من حقيبتها تلك النقود التي اخذتها من زينب واكملت:
اهو بص معايا فلوس كتير هركب بيها القطار اكلم ثائر وارجع تاني
اقترب منها هادي وهو يقول:
ااه ايه ده وريني كده الفلوس دي كام كده عشان اشوف هيكفوا تروحي وترجعي بيهم ولا لا
ناولته النقود هاتفه:
ايوه الف جنيه اكيد هيكفوا.

بس انتي متعرفيش محطه القطار فين في اسكندريه ومفيش كمان قطارات بتوصل القاهره الصبح بدري كده هو انتي ايه مهم الي عايزه تقوليه لثائر؟!
مش عارفه
نطقتها بحيره واضحه ثم تابعت بشرود واضح:
بس انا عايزه اشوفه لاخر مره في حياتي
اخفي هادي النقود ثم قال ;
صعب تلاقي حاجه توصلك للقاهره دلوقتي استني لساعه عشره كده يكون في قطارات توصلك للقاهره
ينفع اقولك حاجه
اتفضلي
هتفت وهي تمسح علي وجهها بتوتر:.

انا حاسه بحاجه غريبه مش عارفه انا بقول ايه ولا بعمل ايه انا صاحيه من امبارح منمتش لاني مش عارفه انام انت فاهمني انا مش حاسه بنفسي
ثم تابعت وهي تنظر الي يديها وتحركها:
شوف ايدي بتحرك لوحدها مش انا الي بحركها هو انا ممكن اكون اتجننت فعلا زي ما ثائر قال بس لا والله انا مش مجنونه
اجابها بهدوء وابتسامه:
لا مش مجنونه ولا حاجه انتي اعصابك تعبانه بس مش اكتر تعالي اوصلك اوضتك تنامي شويه عشان اعصابك تستريح.

حركت راسها بالنفي وهي تقول بضيق:
مش عايزه انام
صاحيه بدري كده ليه يا دنيا
نطقها والدها الذي استيقظ علي صوتهما لتهتف هي ;
هروح لثائر القاهره
مفيش قطارات بدري كده تعالي يا دنيا نتكلم شويه مع بعض
ثم تابع عندما قبل ما تهتف هي:
ومتقلقيش مش هنقعد في اوضه ولا حاجه هننزل تحت في الصاله
تحركت مع والدها بهدوء اما هادي تنهد فهي سوف تصيبه بالجنون بافعالها هذه ورحل هو الاخر الي غرفته
جلسوا سويآ ليقول انور:.

عايزه ترجعي القاهره ليه حد ضايقك هنا
اشارت بسبابته سريعآ وهي تقول:
لا انتو ناس طيبه مش زي ماما وجوزها حتي مراتك طيبه ياريتها كانت هي الي ولدتني
وبدون اي انذار اطلق سؤاله فهو منذ الامس يفكر في ذلك الشئ لم يغفو لحظه واحده رتب تصرفاتها في عقله ولم يتوصل سؤي لشئ واحد
جوز لطيفه او ابن اخوه ثائر حاولوا يقربوا منك في اي وقت.

شعرت بتوقف دقات قلبها بالاضافه الي شحوب وجهها ضغطت بيديها علي الاريكه بقوه لاحظ والدها ذلك فهتف ;
قوليلي الحقيقه ومتخافيش يا دنيا
هتصدقني؟!
اجابها في لهفه واضحه ;
هصدقك مين فيهم الي قرب منك يا دنيا؟!

صبري بس انا منعته والله هو الي كان مخلي الابواب فيه عازل للصوت محدش كان بيسمع صوت صراخي وبيجيب السولتيب يكتم صوتي خالص انا قولت لماما هي مصدقتش وقالتلي سافله وثائر كمان مصدقنيش في الاول وبعدين صدقني، انا خدت حقي منه شوفت عملت فيه ايه ثائر قالك اني مجنونه عشان متحبسش وقالي انك مش هتصدقني هو انت صح مش هتصدقني؟!
ووالدها في حاله صدمه كان يتمني ان تكون ظنونه خاطئه ولكن دنيا اكددتها ليته لم يسالها!

نظرت اليه برجاء وهي تقول ;
بلاش تعمل زيهم وتكدبني انا مش بكدب والله
وعندما لم تتلقي اجابه منه اخفت وجهها بين يديها هاتفه ببكاء:
يبقي مش هتصدقني زي ما ثائر قال طب ليه انا هكدب
شعرت بذراعيه وهو يضمها اليه هاتفآ:
مصدقك يا دنيا انا السبب يارتني كنت خدتك من لطيفه اول ما اتولدتي
صدقها والدها!
رفعت عينيها اليه هاتفه بعدم تصديق:
يعني انت مصدقني صح
مصدقك والله.

وبداخله يتوعد الي لطيفه وزوجها سوف يدفعهم ثمن ما فعلوا في ابنتهم.

بحث عنها في الشقه باكملها لم يجدها وخزينتها فارغه!
نظر الي ساعه يديه وهو يقول:
لمت هدومها وراحت فين ساعه عشره الصبح
تمسك بهاتفه وقام بالاتصال بها وفي نفس لحظه وصل اليه صوتها وهي تقول:
نعم
انتي فين!؟
هتفت هي بهدوء تام ;
سبتلك البيت لمراتك الجديده علي فكره انا هرفع عليك قضيه خلع ياريتك بجد كنت قررت تتجوز عليا من زمان كده
قالتها وانهت المكالمه ثم اخرجت الشريحه من هاتفها
هتف والدها بضيق:.

فكري تاني يا غرام الناس مش هتسيبك في حالك وانتي مطلقه
جلست بجانبه وهي تقول:
بابا عشان خاطري متغيرش رايك ايه يعني اما ابقي مطلقه عماد هيتجوز عليا يرضيك بنتك يجي عليها ضره تغيظها وتحرق في دمها ده غير انه كمان عايز يجيبها تعيش معايا في بيت واحد مش كفايه الي عمله فيا يوم فرحي كمان عايز يتجوز عليا
الي يريحك يا غرام انتي حره في قراراك
اما والدتها رتبت عليها وهي تقول:.

بكره يجيلها الي يصونها يا محمد ويكون احسن من عماد.

منذ ان اخبرت والدها بالحقيقه وهي تخفي ووجهها بين احضانه لم تصدق والدها صدقها!
عايزك تنسي يا دنيا كل حاجه حصلت في القاهره عند لطيفه وتبطلي خوف انتي هنا معايا في امان مفيش حاجه من الي حصلت هناك ممكن تحصل هنا فهماني؟!
وثائر ده كمان انسيه لو بيحبك كان وقف جمبك مش يحمي عمه علي حسابك ويطلعك مجنونه!

الفصل التالي
جميع الفصول
روايات الكاتب
روايات مشابهة