رواية شريط لاصق الجزء الأول للكاتبة يارا رشدي الفصل الحادي والعشرون
هتفت هي باعتراض:
لا هو عمل كده عشان كان فاكر انك مش هتصدق وعشان متحبسش
ومازلت تدافع عنه وواقعه في حبه كيف تمحو حب طفولتها من عقلها بهذه السهوله؟!
ابتعدت عن احضانه هاتفه:
شكرا انك صدقتني شكرا خالص شوف انت متعرفنيش غير امبارح وصدقتني ازاي
دودو صاحيه بدري كده ليه
قالها رامز الذي دلف اليهما الان ليقول انور:
هطلع اجهز عشان الشركه ونكمل كلامنا بعدين يا دنيا
ثم التفت الي رامز وهو يقول:.
متضايقهاش وبلاش تقل دمك معاها سامعني يا بتاع البنات ولا اعيد تاني
زفر رامز بملل هاتفآ:
فاهم فاهم
رحل انور ثم جلس رامز علي الاريكه وهو يردف بضيق:
ابوكي ده مبيعرفش يعمل حاجه في حياته غير انه يهزقني في الرايحه والجايه
بس طيب عارف لو كنت شوفت صبري او ماما مكنتش هتقول كده
انتي غريبه اوي مره تبقي هربانه منك علي الاخر وبتقولي كلام غريب ومره تانيه تكلمي وتبقي عاقله كده
قالها رامز وهو يطالعها باستغراب
اردفت هي:.
شايفني مجنونه صح
اجابها بنفي:
لا والله ده انا شايفك ست العاقلين متقوليش كده
اسندت راسها للخلف وهي تغمض عينيها هاتفه:
طب كويس
تعالي نتكلم سوا ايه رايك احكيلك علي بنات الي بعرفهم وازاي بكسر قلبهم واسيبهم قصص هتعجبك بجد
اعتدلت في جلستها وهي تقول:
وتكسر قلبهم ليه!
عشان يثبت انه دنجوان وجامد
قالها هادي الذي دلف توءآ ووجدها فرصه في التحدث معاها وهي هادئه هكذا
تجاهل رامز كلمات هادي ثم هتف:.
احكيلك يا دودو بصي يا ستي وركزي كده انا اي واحده بعرفها بتعلق بيا اقوم انا بقي استفيد من كده قوليلي ازاي
هتفت هي بتساؤل وتركيز:
ازاي
تنهد وهو يقول:
اقولها ابعتيلي صورتك وانتي في البيت كده طبعا هي هترفض وتقولي لا ومش عارف ايه وازاي ابعتلك صورتي وانا في البيت انت مجنون ولا ايه
اكدت هي كلماته هاتفه:
معاها حق ازاي تبعتلك صورها يعني.
عادي ايه مشكله يعني دي حتت صوره مش حكايه يعني مهم هي هتقولي لا وكلام ده اقوم انا بقي اقولها شكرا شكلك مش واثقه فيا سلام بقي عشان قلبي وجعني اووي حرام عليكم كلكم بتوجعوا قلبي كده كنت فاكراك واثقه فيا علي عموم شكرا واقفل معاها
طب ما كده هي الي سابتك مش انت الي سبتها
رفع احدي حاجبيه وهو يقول بثقه
فشررر مين دي الي تسيبني انا اسيب يا دودو متسابش
هتف هادي بضحك:.
استني بس انتي فاكره الحكايه كده خلصت لسه التقيل جاي قدام
وبرغم انه يحفظ تلك القصه التي يرويها رامز عليه كل يوم ولكنه شارك في الحديث حتي يختلط بدنيا..
اكمل رامز حديثه وهو يقول:.
اقفل فيس وواتس وكلام ده كام يوم كده واما ترن عليا مردش استني اما تستوي علي الاخر وابقي ارد اقولها بقي عايزه ايه انا تعبان والي فيا مكفيني ذنبي ايه اصحي بنزف دم من مناخيري عشان وحشاني وعايز اشوف صورتك حتي لو ياستي بقابلك في كليه بردو بحتاج صورك دي عشان اخدها في حضني قبل ما انام انا بكون مشتاقلك وطبعا يا دودو كلامي ده هيسحرها وتبعتلي صورها وكل حاجه انا عايزاها وفتره كده واسيبها وخدي بقي اتصالات كل دقيقه يا حبيبي ارجعلي يا رامز ارجعلي ابعدها عني ازاي بقي واخلص من زنها اهددها بالصور وافهمها لو اتصلت بيا تاني هشير صورها علي فيس انا اكيد مش هعمل كده بس تهديد وخلاص.
ده مش معناها انك مقطع سمكه وديلها وروش مفيش منك اتنين ده معناها سوري انك ندل يعني ومتساهلش الحب الي هي حبتهولك
ضيق بين حاجبيه وهو يقول:
انا اول مره حد يقولي ندل في وشي كنت بسمعهم بيقولوا من ورايا لكن في وشي عمرها ما حصلت ومن واحده كمان!
اجابته ببساطه وهي تنهض من مكانها:
يمكن عشان انت ندل فعلا
قالتها ثم رحلت تاركه رامز في صدمته من كلماتها،
اخرج هادي هاتفه ونظر اليه وهو يضحك بصمت حتي لا يثير غضب رامز.
جذبها من ذراعيها وهو يقول بضيق:
غرام بلاش استعباط ويلا معايا علي البيت انا قولتلك مفيش جواز كنت بلعب عليكي مش اكتر
جذبت ذراعيها وهي تهتف:
اوعي كده سيب ايدي انا مبقتش طايقه العيشه معاك وبجد بعد موضوع جوازك ده كرهتك وكرهت عيشتك كلها حتي لو مفيش جواز انا نفسي قفلت منك يا عماد بجد يعني
وانا مش هطلقك يا غرام
ثم تابع برجاء:
عشان خاطري بلاش كده انا اسف والله كنت فاكر ان لعبه دي ممكن تخليكي تنسي وتسامحيني.
بجد لعبتك دي انا حبيتها اووي بسببها بابا وافق اني اطلق منك واخلص بقي وكويس انك جيت في وقت الي بيكون في شغل لانه كان هيتخانق معاك جامد يلا كده اتفضل ومتورنيش وشك هنا تاني يا عماد
هتف عماد بتهكم:
همشي بس مش هطلقك هسيبك كده زي البيت الواقف.
احضر حقيبته سوف يرحل يمكث في اي مكان اخر حتي يرتب امور سفره لم يعد يطيق الفيلا بدون دنيا
وايضآ وجود لطيفه وصبري امامه يصيبه بالضيق
زفر بضيق عندما وجد حاتم يجلس مع لطيفه ويستمع الي ما فعلته دنيا بصبري
هتف حاتم بتساؤل:
طب معاكي عنوان اهلها الي هي قاعده عندهم
ليه ان شالله انت لسه مصمم تجوزها
قالتها لطيفه بضيق واضح ليجيبها هو ;
لا عايز اطمن عليها مش اكتر.
ريح نفسك هي مش هتقولك العنوان عشان هتخاف توصلها وتفضح جوزها عند ابوها والافضل انك متروحش تشوفها كمان سيبها تنسي كل حاجه تخص هنا وتبدا من جديد مع ابوها
قالها ثائر وهو يجذب حقيبته ثم رحل من الفيلا دون ان يهتم بكلمات احد منهم...