رواية شريط لاصق الجزء الأول للكاتبة يارا رشدي الفصل السادس عشر
استقلت السياره في الخلف وبجانبها رامز وفي الامام يجلس هادي استقل والدها السياره بعدما وضع حقيبتها في الشنطه الخلفيه للسياره
التفت الي الخلف ونظرت الي ثائر الواقف يتابعهم لم تبعد عينيها عنه حتي بعدما تحركت السياره وتدريجآ اختفت صورته شعرت بتلك الدمعه الساخنه الي سقطت علي وحنتيها مسحتها علي الفور وهي تعدل جلستها وتنظر من شرفه السياره لم تنتبه الي رامز الذي كان يتابعها وقال:.
هو اخوكي من امك ولا ايه صله القرابه بينكم يعني
ثائر
نطقتها بصوت مبحوح وهي تنظر من الشرفه ليقول هادي:
ايه سؤال الذكي ده ما قال ان صبري عمه
ايوه صح معلش مكنتش مركز سوري يا دنيا علي سؤال الغبي ده
التفت اليه وهي تقول بتوهان:
هه
ليجيبها رامز:
ده انتي مش معانا خالص
نظرت اليها والدها من مراه السياره وهو يهتف:
ده رامز اخوكي
ثم اشار بسبابته ناحيه هادي:
وده هادي ابن عمك ماهر وليكي اخ تاني عماد الكبير
كويس.
قالتها وهي تنظر الي شرفه السياره مره اخري
اخرج رامز من سترته هاتفه وهو يقول:
عندك فيس يا دودو عشان اضيفك عندي بس ابقي اعمليلي لايكات عشان عدد لايكات يزيد عندي وواتس كمان عندك ولا لا؟ عشان عدد الي بيشوفوا الاستوري يزيدوا عندي
رامز اهدي شويه
قالها انور بتهكم اما هي اخرجت من حقيبتها الموضوعه بجانبها الهاتف ومدت يديها ناحيه رامز وهي تقول:
اعمل الي انت عايزه موبيلي اهو
تناول منها الهاتف هاتفآ:.
هسجلك رقمي وابعت اد لنفسي علي فيس
ثم اقترب ناحيه والده وهادي وقال:
اسجلك ارقامكم انتو كمان ولا ايه ابعتلك اد يا بابا من عندها!؟
رامز ارحمنا شويه واسكت
قالها هادي، زفر رامز بضيق وهو يعود بجسده للخلف هاتفآ:
والله ما انا مسجل رقمك يا هادي عندها
احنا هنروح اسكندريه وهتعيشي معايا هناك يا دنيا
بس كده ثائر مش هيعرف يوصلي هو ثائر معاه العنوان؟! عرفوا يعني
قطب بين حاجبيه انور باستغراب وهو يقول:.
وانتي عايزه ثائر يعرف عنوانك ليه؟!
مش عارفه
قالتها وهي تغمض عينيها كاد رامز ان يتحدث ولكن اشار له انور ان يصمت..
منذ ان عاد الي عمله وهي تتشاجر معه بسبب ما فعله وحبسته لها اما هو كان ينظر اليها بتركيز وبرود تام
صرخت به في انفعال ;
ده ايه التناحه الي انت فيها دي انا بكلمك رد عليا
معلش اصلك عصبتيني روحت قولت اعكنن عليكي مش اكتر
واجابته استفزتها فهتفت هي:
انت ضيعت فرصه الشغل عليا اكيد اختاروا حد نهارده من الي قدموا
معلش بردو
انت بتحرق دمي ليه؟!
خلع قميصه وهو يقول:
شوفي نفسك قولتي ايه الصبح ولا نسيتي!؟
قولت اني قرفانه منك انت اتفاجات ولا ايه من معلومه دي؟! انا بقالي سنه علي فكره قرفانه منك مش الايام دي بس
ارتدي سترته وهو يقول:
طب اخفي من وشي دلوقتي عشان عايز اريح ساعتين واروح لبابا بعد كده شوفي وراكي ايه واعمليه
عقدت ذراعيه ثم هتفت بعناد:
انا مش متحركه من هنا مش هتحكم عليا انت اخفي من وشك ولا مخفيش
نظر اليها باستنكار وهو يستقل علي الفراش ويتابع ما تفعله بتسليه:.
ايه حركات العيال دي مش فاهم انا قولي بس ان عجبتك النومه في حضني ومكسوفه تقولي فيتجري شكلي وخلاص تعالي متكسفيش انتي صاحيه بدري ومحتاجه تريحي ساعتين
ثم تابع بوقاحه وهو يري نظرات الغضب في عينيها:
لو عايزه نطور الموضوع اكتر من حضن انا معنديش مانع اتمني والله
توردت وحنتيها بخجل ثم هتفت بزعيق وتوتر:
ده في احلامك تقرب مني
قالتها ورحلت علي الفور ليضحك هو هاتفآ ;
هنشوف يا غرام في احلامي ولا.
استعاد وعيه تدريجآ وهو يقول:
انا فين
اقترب منه ثائر هاتفآ:
في جهنم يا عمي
حرام عليك يا ثائر صبري مش ناقصك انت كمان
نطقتها لطيفه وهي تجلس بجانب زوجها
سيبه ماهو مش مكفيه الي عملته بنتك فيا مش كفايه ضيعت نظري لا وكمان ضيعت...
بتر عبارته بحسره واضحه لتقول لطيفه:
هتترمي في السجن وتاخد جزائها علي عملتها دي
اكد صبري كلامها وهو يقول:
انا هرميها في السجن مش هكست مره دي.
دنيا راحت مع ابوها وانت مش هتحبسها يا عمي ولو فكرت تحبسها انا هعرف ابوها كل حاجه وشوف انت بقي لما يعرف ان انت اغتصبت بنته هيعمل فيك ايه
هتف صبري بانفعال:
اخرس انا هبص لعيله زي دي! انت اتجننت ولا ايه دي و*** عايزه توقع بيني وبين زي ما عملتها قبل كده وحاولت توقع بيني وبين لطيفه
لتقول لطيفه:
عرفت تضحك عليك كويس انت كمان يا ثائر.
خلاص حلو انا هقول لابوها ويرفع عليك قضيه ويتعملها كشف طبي ويشوفوا بقي هي اتعرضت لاغتصاب ولا ابوها مش هيسكت وخصوصا ان دي بنته الي اتربت بعيد عنه وهياخد حقها منك
ليقول صبري باصرار:
انت مقربتش منها البت دي عايزه تلبسني تهمه وخلاص
صرخ به ثائر في انفعال:
وبكره سلوتيب كانت بتعمل ايه في اوضتها يوم ما ضربتك علي راسك كانت مرميه علي الارض ليه كنت بتكتم صوتها بيها مش كده زي ما هي قالتلي
ثم اشار اليه بتحذير:.
انا لميت الموضوع مع ابوها وقولتله ان دنيا عندها حاله نفسيه وده سبب الي عملته فيك ومحبتش احكيله الحقيقه كلها بردو عملت حساب ان انت الي مربيني ومحبتش انك تبهدل في حالتك دي لو فكرت ترفع عليها قضيه انت هعرف ابوها كل حاجه
شحب وجه صبري ماذا لو انكشف كل شئ سوف يلقي في السجن الم يكفي فقدانه بصره ورجولته بل وايضآ ان يلقي في السجن!
هتف صبري بجمود:
خلاص خلاص انا مش هبلغ عنها
ليقول ثائر:
تمام بدات تفهمني كده.
قالها ورحل لتقول لطيفه:
انت عملت في دنيا فعلااااا كده يا صبري اغتصبتها!