رواية شريط لاصق الجزء الأول للكاتبة يارا رشدي الفصل الرابع والثلاثون
نهضت هاتفه وهي تحرك يديها وذراعيها هاتفه بسخريه:
بشوفك في الاحلام وبرسمك وعايز اخطبك
واكملت بجديه:
انت عبيط ولا اهبل ولا ايه يعني
استدارت لترحل اما هو كان يلحق بيها وهو يهتف:
دنيا
ولكنه تراجع عندما تذكر حساب ذلك الطعام اخرج النقود ووضعها علي المنضده وهو يقول:
الله يحرقك يا رامز
فاق من شروده علي صوت دنيا وهي تقول:
عدي اكتر من مطعم وموقفناش انت بتدور علي مطعم معين ولا ايه؟!
اوقف سيارته واسند راسه للخلف وهو يقول بارتياح:
الحمدالله اننا مروحناش مطعم ده انا حصل في دماغي سنياريو ملهوش حل اقسم بالله
ضيقت بين حاجببها هاتفه:
مش فاهمه
اخوكي كان هيضعيني منه لله احنا نروح دلوقتي تستلمي شغلك وانسي قصه مطعم دي خالص
ومازالت علامات الدهشه علي وجهها ولا تفهم اي شئ من كلماته...
كل ما خططت له انقلب فوق راسها، ليتها لم توصل دنيا الي والدها...
لاول مره تفكر في دنيا، خمسه اعوام زوجها يعتدي عليها! وهي لم تشعر...
هي كرهت دنيا منذ ولادتها كرهتها بشده بسبب طلاق انور لها...
لمست راسها بيديها الفارغه من الشعر...
فكرت في البلاغ عن انور بما فعله بها هي وصبري ولكن تعلم جيدآ انه سوف يخرج منها هو قام بتجهيز كل شئ حتي تلك القضيه متاكده تمامآ انه هو التي خطط لها...
منذ ان عاد من تلك الشقه وهو يحبس نفسه في الغرفه تورط ورطه كبيره ولا يستطع الخروج منها!
فكر في الزواج منها ولكن تذكر استسلمها له وتجاوبها معه ايضآ...
هي لست بريئه كما كان يظن لست بريئه اطلاقآ!
كيف يثق بها زوجه له!
اغلق الهاتف حتي يتخلص من اتصالاتها ورسالها التي تتوسله بها ان لا يتركها ويتخلي عنها...
ابتسمت بسعاده وهي تبدا عملها تشعر بان كل شئ اصبح مختلفآ معها هادي اعطي لها حياه جديده بعملها هذا
قامت بتشغيل جهاز الحاسوب الموجود امامها ونظرت الي شاشته
مبسوط جداا انك هتشتغلي معانا
قالها حاتم الذي يقف امامها
رفعت عينيها عن شاشه الحاسوب وهي تهتف بخنق:
تصدق بالله انا مفيش حاجه معكننه عليا في شغل ده غير اني هشوف وشك
ليه كده يا دنيا انا عملتلك ايه يا بنتي عشان الكره ده كله
اجابته هي:.
كنت هتجوزني غصب عني وصممت علي كده وعرفي كمان ده غير انك
قاطعها حاتم وهو يقول:
كنت بلعب علي اونكل صبري يا بنتي والله
ومطلوب يعني!
ابتسمت وهو يميل براسه ناحيتها قائلا:
اتقدم لاونكل انور واطلب ايدك
اردفت وهي تبتعد عنه:
انا مش هتجوز حد لا انت ولا غيرك ولو فكرت تضايقني تاني انا هقول لهادي
هادي الي انتي رايحه جايه معاه؟! ما تيجي وتروحي معايا انا وتسيبك منه.
زفرت بضيق ولم تجيبه بعث حاتم في الاوراق التي امامها ثم تمسك بها وهو يقول:
اعملك بالورق ده مركب ولا قرطايس ونجيب لب نحطه فيهم وناكله
كادت ان ترد عليه وتلعنه ولكن توقفت عن الكلام عندما لمحت هادي وهو يقترب منهما
ها يا دنيا فهمتي الي قولتهولك ولا افهمك تاني
هتفها هادي الذي جاء توءآ
هتفت هي بالايجاب:
لا فهمت
انت واقف كده ليه يا حاتم؟!
هتف حاتم ;
كنت بشوف دنيا محتاجه حاجه ولا ايه فكري في كلامي انا هستني ردك.
تفكر في ايه
هتف حاتم وهو يرتب عليه:
موضوع بيني وبينها هروح انا بقي اشوف السياح اخبارهم ايه
رحل حاتم بعد ان لوح لدنيا بيديه، هتف هادي بشراسه وهو ينظر الي دنيا:
ايه الموضوع الي بينك وبينه
مفيش حاجه ولا مواضيع
لم يصدق يشعر بوجود شئ بينهم، هو يعلم صديقه جيدآ ليس سهلآ، ولكن دنيا؟!
مر اكثر من يوم لم تختلف الاوضاع كثيرآ
منذ ساعات جالسه علي الاريكه وتضع علي فخديها الايمن صحن التسالي تتناوله وهي تشاهد التلفاز بتركيز..
اووه مكسرات ولب وفول سوادني
قالها رامز وهو يجلس بجانبها ويسحب من صحنها..
هتفت هي بتحذير:
لو خلصوا انت هتقوم تجيب تاني انا مش هسيب الفيلم
طيب يا اختي هبقي اقوم انا اجيب فيلم ايه ده علي كده
زفرت بضيق من انزعاجه قائله:
ما تسمع وانت ساكت يا رامز متاكلش دماغي معاك.
ليقول رامز:
اتغيرتي يا دودو فين ايام زمان اما كنتي خايفه تتكلمي ياااه يااااه يااااه
ما خلاص انت هتغني اسمع فيلم معايا وانت ساكت
مش هعرف اتفرج دماغي مشغوله وعندي مشكله كبيره
نظرت اليه بتساؤل وهي تقول:
مشكله ايه؟
تنهد قبل ان يقول:
لا مشاكل مش بتتحكي كده خالص
- امال بتتحكي ازاي
تمسك بصحن التسالي الموجود علي فخديها وضعه بجانبها ثم اشار علي فخديه وهو يقول
حطي راسك علي رجلي كده ونامي عشان اعرف احكيلك بتركيز ودقه.
ضحكت وهي تضع راسها كما طلب منها هاتفه:
اهو اخلص احكي
عندي حنان فظيع يا دنيا ومش عارف اديه لمين
نغزته بخفه في بطنه وهي تهتف:
انت بتهزر؟!
ما انتي مش فاهمه انا من زمان نفسي يكون عندي اخت صغيره تنام علي رجلي وانا العب في شعرها امنيه حياتي يا دودو والله
تمنت بداخلها لو انها تربت مع ابيها كان سوف بتغير العديد من الاشياء...
ثم تابع وهو يبعث بفروه راسها وهو يقول:
ايه اخبار شغلك مع هادي في فندق مبسوطه فيه؟
اه جددا وهادي كل يوم بيفهمني حاجه جديده في شغل ومعايا دايمآ
اممممممممممم حلو اوووي اوعي يكون هادي بيضايقك او بيرخم عليكي وخايفه تقولي
حركت راسها بنفي وهي تقول:
لا ابدا ده طيب وغلبان في نفسه كده اقولك حاجه بيني وبينك
قولي
ابتسمت هاتفه:
هادي شبه ثائر بظبط نفس كلامه وكل حاجه في ثائر موجوده في هادي
لسه بتفكري في ثائر
اصدرت تنهيده طويله وهي تجيبه:
بحاول انساه.
صمت كلاهما، شردت هي في ثائر اما رامز مسح علي شعرها برفق وعقله يفكر في زهوه ماذا يفعل معها!
بعد مرور القليل من الوقت
نظرت الي شاشه التلفاز وهو تقول بضيق:
ضيعت عليا الفيلم اهو خلص وملحقتش اشوف اخره
اعتدلت وهي تنظر اليه بغيظ واضح ليقول هو:
خدي بس كلي مكسرات وروقي دمك كده
اه خليها تاكل مكسرات تلاقها اول تدوقها وتشوفها وماشالله قاعده مربعه ولا كانه بيت ابوكي
قالها عماد الذي جلس امامهم توءآ.
لؤي رامز شفتيه باستنكار فعماد دومآ مصدر للازعاج وتدمير اللحظات السعيده
هتفت دنيا بثبات:
طب ما هو فعلا بيت ابويا يا عماد.
لا يا عسل بلاش تعيشي الدور اكتر من كده ابوك مش طايقك اصلا والسبب الي جابك تعيشه عشانه معانا امك الي جات هنا وخيرته يا اما ياخدك يا ترميكي في السجن وهو خاف علي نفسه وسمعته بابا لو كان عايزك كان دور عليكي من زمان اووي وكان هيوصلك بسهوله جدا بس مكنش عايزك عشان ميفكرش ماما بغلطه وانه اتجوز صاحبتها الانتيم.