رواية شريط لاصق الجزء الأول للكاتبة يارا رشدي الفصل الخامس والثلاثون
والله دي حاجه بيني وبين بابا متدخلش انت فيها بقي اشغلك بالك بي اي حاجه غيري يا عماد اقولك اشغل بالك ازاي هتخلي مراتك تسامحك بعد ما فضحتها ليله فرحها شوف بس حل يخليها تقدر تبص في وشك
زعق عماد بانفعال:
انتي مين قالك الحكايه دي اكيد الحيوان الي جمبك
ليقول رامز:
انا مقولتش حاجه هي عرفت لوحدها انا مليش دعوه
لا يا راجل
نهضت وهي تقول:.
انا عرفت لوحدي سمعتكم بتكلموا قبل كده رامز ملهوش دعوه مش متقبل وجودي انت حر براحتك بس ده بيتي زي ما هو بيتك وحاول تقبل وجودي لاني مش هطلع من البيت ده غير وانا ميته علي قبري كده
ابتسم بسخريه هاتفآ:
ليه مش هيعدي عليكي جواز ولا انتي قطر الجواز فاتك خلاص؟!
حرك كتفيها قبل ان تردف:
لا ما هو انا مش ناويه اتجوز بصراحه
استدارت ورحلت وهي تفكر في كلمات عماد، لم تصدقه وتتركه يلعب بعقلها سوف تتاكد من والدها...
هي دنيا ليه مبتجيش شيفت بليل؟!
رفع عينيه عن الاوراق التي امامه وهو يقول:
هي طلبها كده
ثم تابع بتساؤل:
معلق بالك معاها ليه يا حاتم نفسي اعرف
بصراحه يا هادي انا بحبها
اكمل عندما لمح نظرات الغضب في عين هادي:
مش زي ما انت فاهم انا اتقدمت زمان لاانطي لطيفه وجوزها بس هما رفضوا حددلي معاد مع اونكل انور عشان اجي اتقدملها مره تانيه واطلب ايديها من والدها.
دنيا مش هتوافق انت مش فاهم هي نفسيتها مش مستقره مينفعش دلوقتي نهائي تدخل في علاقه وارتباط ده غير انها متعلقه بثائر بطريقه جنونيه طلعها من دماغك يا حاتم
متقلقش انا عارف كل حاجه عنها، ده انا كمان اعرف عنها حاجات انت متعرفهاش وصدقني انا بحبها بجد وعايزها
ضغطت هادي علي القلم الذي في يديه بقوه وهو يقول:
خدت رايها هي طيب؟!
اه ومتاكد انها هتوافق عشان كده بقولك شوفلي معاد مع اونكل انور
ليقول هادي بنفاذ صبر:.
انا مليش دعوه مش هاخد مواعيد لحد وبعدين نصيحه مني بلاش تكلم عمو دلوقتي لانه مش هيوافق
ليه يعني
نظر الي الاوراق وهو يقول بعصبيه:
اهو كده وخلاص يا حاتم بقولك ايه الي انت عايزه اعمله براحتك
تمتم حاتم وهو يري انفعال هادي وعصبيته:
ماله ده؟!
انت الي قولت لبت دي علي موضوع غرام صح
زفر رامز بملل وهو يقول:
قولتلك مش انا الف مره انت ايه مبتفهمش
ثم هتف بتحذير:
ملكش دعوه بدنيا كلامك سم الي بتبخه في وشها كل شويه تبطله انا مش هسمحلك تضايقها اكتر من كده
قهق عماد بقوه ثم قال:
هتعملي ايه يعني يا حيلتها عشان ال**** الي فوق دي
ليقول رامز بانفعال:
متغلطش فيها بشكل ده هي معملتلكش حاجه
طب يلا اتكل علي الله شوف وراك ايه
هتف رامز باقتضاب:.
اساسا انا كنت قايم ابقي خلي بالك من دراعك التاني بس
رحل رامز توقف امام غرفتها ثم طرق الباب برفق حتي اذنت له هي بدخول..
دلف الي غرفه وهو يقول:
انا قولت هاجي القيكي بتعيطي بقي ومنهاره وبتكسري كل حاجه في الاوضه بس شكلك بقيتي بارده اهو يلا ولا يهمك انا مجهز خطه انتقام منه ملهاش حق
رفعت حاجبيها باستغراب هاتفه:
خطه ايه؟!
جلس بجانبها علي الفراش ثم اخرج هاتفه وهو يقول:.
غرام غيرت رقمها اكيد عشان تخلص من اتصالات صاحبك الي تحت انا بقي كلمتها فيس وطلبت رقمها شوفي بقي هعمل ايه
قام بالاتصال بغرام ودنيا تتابع ما يفعله بصمت وعندما وصل اليه صوته هتف هو:
ازيك يا غرام
بخير طمني عماد عامل ايه؟!
نطق رامز وهو ينظر الي دنيا:
انا مكلمك بخصوص عماد بس بلاش تضايقي نفسك
هتفت هي بهلع وقلق:
عماد حصله حاجه؟!
لا زي القرد بصي عماد اتفق معايا اني انزل بوست اكتب فيه انه انتحر عشان انتي تشوفيه وقلبك يحن وهو ولا انتحر ولا بتاع ده بس دراعه اتفتح بالسكينه في خناقه كده
ابتسمت بسخريه وهي تقول بتساؤل:
وانت متصل تقولي ليه يا رامز وتخرب الخطه العظيمه دي
عشان مش عايزك ترجعيله غير لما يردلك اعتبارك قدام الكل
وصل اليه صوتها وهي تقول:
انا عمري ما هرجع لاخوك اصلا مهمها عمل.
قالتها وانهت المكالمه القي رامز الهاتف هاتفآ بابتسامه:
شوفتي يا دودو
ليه كده ما يمكن كانت ترجعله
ليقول هو:
لا خليه متعذب كده عشان يعرف يتكلم ازاي بعد كده
ثم اكمل وهو يقول:
نرجع بقي زي ما كنا قبل ما عماد يعكنن علينا
نظرت له بعدم فهم لهتف هو يجذبها ويضع راسها علي فخديه مره اخري:
نامي كده
والله انت دماغ مع نفسك
قالتها وهي تبتسم ليقول هو:
قوليلي يا دودو لو ثائر قالك تعالي معايا شقتي هتروحي معاه ولا هترفضي.
رفعت راسها الي اعلي اليها وهي تنظر باستغراب هاتفه ;
ايه سؤال الغريب ده
جاوبي بس يعني لو قالك تعالي شقتي الي هنتجوز فيها عشان تشوفيها كنتي هتروحي؟!
اه كنت هروح عادي
لم تعجبه اجابته هتف بضيق:
انتي بتستهبلي تروحي ازاي شقه مع واحد لوحدكم!
ثائر مش غريب هو الي مربيني يا رامز
تنهد وهو يقول:
بس بردو متروحيش معاه شقه لوحدكم بلاش مياصه
حرك راسها باستنكار هاتفه:.
هو ثائر فين اصلا عشان اروح معاه ولا مروحش ده سافر خلاص ومش هيرجع تاني اصلا
لف خصلات شعرها علي اصابعيه وهو يقول:
طب بصي يعني نفرض ونتخيل كده انه خيرك بين انه ميسافرش بس تعيشوا مع بعض زي المتجوزين وانتو مش متجوزين توافقي؟!
ابتعدت عنه وهي تقول بغضب:
في ايه يا رامز؟!
مش قصدي حاجه وحشه عليكي اقسم بالله انا بس عايزه اعرف تفكيرك كبنت هيبقي ايه هتوافقي ولا لا!
لا مش هوافق طبعا
جدعه.
ومازلت لا تفهم اي شئ من اسئلته الغريبه هذه، ولما يسالها لها من الاساس...
هو انت ليه بتسالني الاسئله دي افهم يعني؟!
ليقول هو:
اهو اي مواضيع نرغي فيها وخلاص
اضاء هاتفه باتصال من زهوه نظر الي شاشه هاتفه باقتضاب ثم اغلق الهاتف باكمله وهو يقول:
مش هنخلص انا عارف
مين زهوه؟! وليه مردتش عليها وقفلت الموبيل كده
زفر رامز بضيق ثم هتف:
واحده ورطت نفسي معاها ورطه كبيره ومش عارف اخلص منها ازاي
ورطه ايه احكيلي.
لا ده موضوع كده متشغليش بالك انتي.