رواية شريط لاصق الجزء الأول للكاتبة يارا رشدي الفصل الثاني عشر
هتف عماد بصدمه:
انت بتمد ايدك عليا عشان بنت لطيفه
دي بنتي يا عماد انا حاولت اوصلها زمان ومعرفتش بنتي الي اتحرمت منها
ليقول عماد:
ماما مش هتعيش معاك دقيقه واحده يلا يا ماما لمي هدومك وتعالي اقعدي معايا
جذب انور عماد من ياقه قميصه وهو يقول بزعيق
انت هتعمل راجل عليا يالااا روح اتشطر الاول علي مراتك الي بقالها سنه مش طايقه تبص في وشك
ازاحت زينب يد انوار عن ابنها وهي تقول:
كفايه بقي يا انور في ايه.
ثم التفت الي عماد واكملت:
حبيبي انا مش مضايقه من وجود دنيا وسطنا انور بابها ومن حقها تعيش معاه وتعيش مع اخواتها هي ملهاش ذنب بلي حصل زمان مش ذنبها ان لطيفه مامتها خانت اعز صديقه ليها وخطفت جوزها منها هي ملهاش ذنب في كل ده
يا ماما بلاش طيبه بتاعتك دي بقي اكيد لطيفه باعتها عشان تخرب حياتنا ايه الي فكرها بينا دلوقتي يعني
اجابته بابتسامه:
هيبان يا عماد لما تيجي تعيش معانا اذا كان في نيتها حاجه ولا لا.
نظر الي والده بتحذير قبل ان يرحل:
اقسم بالله يا بابا لو جرحت ماما تاني مش هسكتلك
ورحل عماد غير مهتم بزعيق والده...
وفي المساء
استيقظت علي صوت ثائر وهو يقول:
انا جبتلك الغداء قومي انتي مكلتيش حاجه بقالك يومين
اعتدلت من فراش وهي تنظر الي صنيه الطعام الموجوده بجانبها علي الفراش وثائر امامها، مسكت راسها بقوه من الالم ضغط علي راسها وهي تقول:
مش جعانه مليش نفس انا عايزه اروح اوضتي بس مش قادره اتحرك
لان جسمك فاضي كلي اي حاجه عشان تفوقي كده واعملي الي انتي عايزاه
رفعت عينيها اليه قائله بتساؤل وصوت ضعيف:.
هو انت مصدقني يا ثائر
ابتسم وهو يردف:
اخيررا صالحتي اسمي وقولتيه وانتي فايقه
طرحت عليه سؤالها مره اخري وهي تقول:
مصدقني يا ثائر؟
من امته عمي بيقرب منك يا دنيا؟! واشمعني دلوقتي قولتيلي محكتليش ليه اول ما جيت سكتي ليه وخبيتي سبتي ليه عمي يلعب في دماغي.
من يوم ما سافرت وسبتني خوفت احكيلك اول ما جيت تعمل فيه حاجه وتضيع نفسك اتكلمت وحكتلك لما لقيتك صدقته واتهمتني في حاجات انا معملتهاش واول ما حكتلك كدبتني قولت عليا سافله وكدابه زي ماما كدبتني انا دنيا الي مربيني وصدقت عمك ليه سافرت وسبتني جريت ورا احلامك ومشاريعك ومفكرتش فيا
صرخ بها في انفعال:
ومقولتليش ليه وانا هناك مردتيش ليه علي رسايلي وقولتيلي خبيتي ليه خمس سنين.
مسحت خديها بكف يديها من تلك الدموع وهي تقول:
كنت هتعملي ايه هتسيب مشاريعك وتنزلي؟!
اصدر تنهيده طويله وهو يقول:
الي حصل حصل خلاص مهم انك لازم تمشي من البيت ده وتبعدي عن عمي هو اصلا بعد الي حصله اكيد يعني مش هيقرب منك تاني بس بردو ابعدي عنه وخلاص اتجوزي حاتم شكله كويس وجدع كمان
اتسعت عينيها بصدمه هاتفه:
اتجوز حاتم!
اكمل عندما وجدها تنظر الي تلك الدبله المعلقه في يديها التي وضعها هو لها من قبل وهتف بضيق:.
مبقاش ينفع يا دنيا خلاص مبقاش ينفع يكون في بينا اي حاجه
نزعلت تلك الدبله المتعلقه في يديها بعنف والقتها عليه وهي تقول بجمود:
ودي كمان مبقاش ليها لازمه معايا،
يا دنيا افهمي صعب بنسبالي صعب مش بايدي
وضعت اطراف اناملها علي شفتيها هاتفه:
اشششش مش عايزه اي مبرررات منك
ثم تابعت وهي تتمسك بصنيه الطعام وتضعها امامها:
اخرج براه لو سمحت عشان اكل وافوق لنفسي كده وارجع اوضتي.
تناول الدبله الملقيه ثم وضعها بجانبها قبل ان يرحل قائلا:
خليها معاكي يا دنيا وسامحيني
قالها ورحل لتبعد هي صنيه الطعام عنها وتضع تلك الدبله في قبضه يديها ثم اغلقتها وضمتها الي صدرها وهي تغمض عينيها لتسقط تلك الدمعه المحبوسه هاتفه:
ليه كده يا ثائر ليه.
رفع راسه اليها عندما وجدها تقف امامه تهتف بتساؤل:
مالك من وقت ما جيت من براه وانت مضايق
لمحت النبره السخريه وهو يقول:
يفرق معاكي يعني ايه حنيتي عليا وناويه تخليني احس اني متجوز
نفخت بضيق قائله وهي تستدير:
انا غلطانه
منعها من المغادره وهو يقبض علي يديها هاتفآ:
متبقيش قفوشه كده اومال مفيش يا ستي اتخانقت مع بابا
اجلسها بجانبه علي الفراس وهو يكمل:
طبعا هتساليني اتخانقت معاه ليه يا حبيبي؟!
لتقول هي بانفعال:.
مش هقول يا حبيبي متخترعش من دماغك
تجاهل كلماتها وهو يكمل حديثه:
انت هقولك مفيش يا روحي مشاكل عاديه متشغليش بالك تروحي انتي تصممي وتقوليلي هو انا مش مراتك حبيبتك ولازم تقولي كل حاجه وتقومي تقربي مني كده وتحطي راسك عند قلبي كده وتقوليلي احكيلي بقي مالك..
قال كلماته الاخيره وهو يضمها الي احضانه حركت جسدها حتي تتخلص منه هاتفه:
اوعي بقي بلاش استظراف انا غلطانه اني جيت اتكلم معاك والله.
اهدي كده هو انتي في حضن واحد غريب ده انا جوزك بقالنا سنه وشويه كمان تخيلي سنه وشويه من غير ما يكون عندنا بيبي صغير العب بيه الناس كلت وشي في شغل والله كل شويه يسالوني ايه يا عمده مفيش حاجه في السكه جايه
دفعته بقوه وهي تقول:
ابقي ريحهم وقولهم عمره ما هتيجي حاجه في السكه
رفع حاجبيه الايسر لاعلي هاتفآ:
يا ساتر يارب ليه كده بس
نهضت واقفه:
انت شكل مزاجكك رايق ونفسك خضره.
ما تسامحي بقي وتنسي يا غرام انا تعبت والله وندمت علي عملتي دي واحد غيري كان طلقك من زمان بس انا بحبك
كنت سمعتني لو بتحبني فعلا زي ما بتقول عارف لو كنت خليت الموضوع ده وشكك فيا بينا واستنيت لحد الصبح كان ممكن اسامحك بس بعد الي عملته صعب اسامحك يا عماد وياريت طلاق يجي منك فعلا علي اقل وقتها كل واحد فينا هيرتاح
غادرت تاركه اياه يلعن بداخله تلك الليله وما حدث بها! ويلعن غباءه بسبب فعلته!
قول ومصحف يا هادي طلع لينا اخت بنت!
اجابه هادي بتاكيد:
ايوه والله يا ابني انت مش فاكر جواز عمو زمان ولا ايه
فاكر طشاش كده ان بابا اتجوز علي ماما صحبتها ولما ماما عرفت طلقها كنت صغير وقتها فمش فاكر الموضوع اوي يعني
ثم اكمل بحماس:
مهم هتيجي تعيش معانا هنا
تسائل هادي باستغراب ;
وانت فرحان كده ليه دي اختك مش هينفع تشقطها يعني زي البنات الي بتعرفهم.
يا بووووي يا ولد العم فاهمني غلط خالص انت انا مبسوط ان هيبقي ليا اختك جديده وكده موضوع شيق تخيل كده فجاه يبقي ليك اختك
ضحك هادي وهو يقول:
طب متقولش كده قدام عماد لانه اتخانق خناقه جامده مع عمو بسبب موضوع ده
عماد ده معقد وبعد الي عمله مع مراته يوم الدخله اقتنعت انه معقد ومجنون كمان خلينا في مهم بس بابا هيروح يجيبها امته
ليجيبه هادي:
مش عارف والله بس اكيد في خلال اليومين دول.