قصص و روايات - قصص رائعة :

رواية شريط لاصق الجزء الأول للكاتبة يارا رشدي الفصل الثالث

رواية شريط لاصق الجزء الأول للكاتبة يارا رشدي الفصل الثالث

رواية شريط لاصق الجزء الأول للكاتبة يارا رشدي الفصل الثالث

اجتمعت العائلة علي المائدة وعلي راسها يجلس
(انور الصيفي) وعلي جانبه الايمن تجلس زوجته ( زينب ) وبجانبها ابناءها الابن الاكبر (عماد) والاصغر (رامز ) وعلي الجانب الايمن يجلس الاخ الاصغر لاانوار ( ماهر ) وبجانبه زوجته ( احلام ) وبجانبها يجلس الابن الاكبر لها ( هادي )
هتف انور بتساؤل:
مراتك يا عماد مجتش معاك ليه؟!
وضع المعلقه علي الصحن ثم هتف:
مفيش يا بابا تعبانه شويه
ليقول هو بجمود:.

من يوم ما اتجوزتها تعبانه يا عماد ولا هي لسه منسيتش عملتك بتاعه يوم الفرح
مط شفتيه بعدم رضا عندما فهم ما يلمح اليه والده لتقول والدته زينب:
خلاص يا انور حياتهم وهما احرار مع بعض
هتفت احلام بهمس لزوجها وهي تنغزه في ذراعيه برفق:
يعني يطلعها بفضحيه يوم فرحها وعايزنها تنسي وتيجي تتغدي معانا كمان
اجابها ماهر بصوت خافت:
ملناش دعوه يا احلام كلي وانتي ساكته
ايه يا عم رسام محدش شاف سامع صوتك ليه.

رفع هادي حاجبيه بتحذير وهو يقول:
خليك في الاكل الي قدامك يا رامز بدل ما افضحك عند البنات الي انت تعرفها
خلاص يا عم انت محدش يعرف يهزر معاك ابدا ايه ده
ثم التفت حول المتواجدين علي السفره ليقول بابتسامه ومرح:
منورين يا جماعه.

منذ ان غادر ثائر وهي علي حالتها هذه تنظر الي دبله التي في يديها حاولت خلعها اكثر من مره ولكنها لم تستطيع ليته لم يعود مره اخري ماذا لو اخبرته عما فعله بها عمه لم يصدقها بالطبع لم يصدقها فوالدتها لم تصدقها كيف سيصدقها هو؟!

ثائر بتساؤل:
هو انت ليه يا عمي غيرت ابواب الاوض وخليتها عازل للصوت
ليجيبه صبري بهدوء:
مفيش يا سيدي بس حسيت الابواب عازله للصوت اشيك في الفيلا وموضه كمان
نظر اليه بدهشه فهو يعلم عمه جيدآ اخر شئ يفكر فيه الموضه ليس من يهتم بتلك الاشياء وما علاقه باب عازل للصوت بالموضه؟!
تابع صبري:
مهم وصلت لحد فين مع دنيا في جوازكم
ربنا يهديها وتغير رايها
ليقول صبري:.

يارب لحسن دي حالتها بقت صعبه اوي زي مانت شوفت امبارح كانت عامله ازاي ده غير انها كذه مره تحاول الانتحار ونلحق تنقذها في اخر لحظه
اتسعت عينيه في ذهول وعدم تصديق:
انتحار!
ليقول صبري:
اكتر من مره يا ثائر والله
طب ليه تحاول تنتحر
اجابه صبري:
انا فكرت فيها كتير موصلتش غير لسبب واحد انتحارها كان بسببك من بعد ما سافرت وهي حاولت تموت نفسها ممكن عشان متعلقه بيك من وهي صغيره.

القي كلماته وهو يعلم جيدآ انها سوف تفقد ثائر عقله وبالفعل فعلت ذلك شعر بالذنب اكثر اتجاه دنيا تمني لو لم يغادر ويتركها
ابتسم صبري عندما لاحظ شرود ثائر فهتف:
ايه يا ابني روحت فين
فاق من شروده علي صوت عمه وقال:
معاك يا عمي.

وفي الليل
جذبها من ذراعيها بعنف هاتفآ:
هو انتي مش عايزه تنسي ابدآ يا غرام
انسي ازاي انك حولت ليله فرحي لجحيم جبت اهانتي وضربتني واتصلت بااهلي واهلك يتفرجوا، انسي ان بابا مد ايده عليا بسببك! ولا ان الدنيا كلها براه فاكره انك سترت عليا
والندم ينهش به يتمني لو يعود الوقت لتلك الليلة مرة اخري حتي لا يفعل ما فعله هذا..

غرام انا مكنتش فاهم او عارف يعني تفكيري خدني انك مش بنت غصب عني مفكرتش ابدا ان لازم يكون في دكتورة والكلام ده
اشارت بسبباتها نحو صدره هاتفه:
وانت فين ثقتك فيا ده احنا متجوزين بعد حب سنين
مسح علي شعره بضيق واضح هو من البدايه مخطئ مر عام وهو مازال يعاني معها من تلك الليلة.

- غرام انا صبرت عليكي كتير وقدرت الموقف الي انتي كنتي فية سنة مش شوية عشان تنسي وانتي مصممة متنسيش وانا بصراحه مش حاسس اني متجوز في احتياجات انا عايزها وانتي مانعة اني اقرب منك من يوم فرحنا وانا زهقت ولو الحال استمر كده انا هتجوز
القي كلماته ورحل، اتسعت عينيها بصدمة لم يكتفي بخذلانه لها يوم زفافها وصدمتها به بل والان يكمل ذلك...

يا زهوه والله انا مبحبش حد غيرك صدقيني كل بنات دي صحابي مش اكتر لكن انتي يا قلبي الي في قلبي انا محبتش غيرك
ضغط علي شفتيها بخجل بعدما توردت وحنتيها ثم هتفت بخيبه امل:
بس انا مش حلوه يا رامز يعني شكلي مش حلو وطويله كده لكن هما حلوين
كتم ضحكته بصعوبه وهو ينظر الي اصدقائه الذين قاموا بالضحك بصمت عندما استمعوا الي كلماتها من السماعه الخارجيه التي يشغلها رامز حتي يسمع اصدقائه حديثه معها.

حبيبي انتي قمر بلاش تقولي كده تاني ازعل منك محدش يملي عيني غيرك اصلا
ذابت من كلامه المعسول لتقول بتوتر:
ماما عايزاني هروح اشوفها وارن عليك باي يا روحي
انهت مكالماتها معه ثم القت هاتفها علي الفراش وهي تبتسم بسعاده وفرحه اما علي الناحيه الاخري انفجر الجميع من الضحك بلا توقف ليهتف احداهما:
يا جدع دي بتقولك وطويله كده هي مش حاسه بكارثه الي هي فيها دي نجفه يا عم وكمان وشها شبه وش رجلي اقسم بالله.

اجابه رامز وهو يضحك:
اصبر بس لما اديها علي دماغها بعد كام شهر هخليها مسخره الجامعه كلها استني عليا بس
ليقول شخص اخر:
انا هموت واشوف منظرها وقتها هيبقي عامل ازاي.

الفصل التالي
جميع الفصول
روايات الكاتب
روايات مشابهة