رواية شريط لاصق الجزء الأول للكاتبة يارا رشدي الفصل التاسع والثلاثون
هتف هادي وهو ينظر الي الطبيب الذي امامه:
وليه متقولش ان حصل حاجه بينها وبين ثائر وبعد ما سابها وسافر اخترعت الكدبه دي؟!
حالتها النفسيه اكبر دليل علي كده
نهض هادي هاتفآ:
احنا لازم نمشي اكيد عمو قلقان علي دنيا.
انا مش همشي يا دنيا غير لما هادي يعرف كل حاجه ويعرفها هنا كمان وهو يختار
اتسعت عينيها بالرعب وهي تقول:
لا متقولهوش حاجه انت عايز مني ايه سيبني في حالي بقي
يعرف هادي ويختار ايه انا مش فاهم حاجه؟!
هتف حاتم وهو يصوب نظره ناحيه دنيا:
يعرف كل حاجه
وفي نفس اللحظه بحثت دنيا بعينيها عن اي شئ تقوم بضرب حاتم به ولكنها لم تجد سؤي تلك الزهريه تمسكت بيها في يديها ثم نهضت حتي تضربه بها.
لحقها رامز وهو يمنعها هاتفآ:
امشي يا حاتم معلش
قاومته دنيا وهي تهتف:
هقتله انا عايزه اقتله واخلص منه اوعي يا رامز
ايه الي بيحصل
قالها الطبيب الذي دلف الي تلك الغرفه
ليقول حاتم:
انت لازم تعرف كل حاجه يا هادي
اعرف ايه؟!
صرخت دنيا به هاتفه:
متكلمش ملكش دعوه بيا وبحياتي
اجابها باصرار وهو يقول:
لا هتكلم وقدام دكتور بتاعك كمان اسمع يا هادي دنيا من خمس سنين.
قاطعته دنيا وهي تلقي الزهريه عليه ولكن اخفض حاتم راسه ثم هتف هادي بانفعال:
دنيا لو سمحت اهدي وسيبي حاتم يقولي الي عنده قول يا حاتم من خمس سنين ايه؟
اونكل صبري اعتدي عليها انت بقي موافق تخطبها وتجوزها ومصدق وقتها انا هرجع القاهره واختفي خالص لا مش مصدق وفي شك جواك يبقي تبعد عن دنيا انا بحبها يا هادي وعايزاها
هتف رامز:
ثانيه كده انت بتقول ايه يا حاتم؟!
ثم التفت الي دنيا الواقفه بجانبه:.
كلام الي بيقوله حاتم ده حقيقي؟!
لم تنطق بحرف ليقول حاتم:
انا هكدب ليه يعني؟
واخيرآ هتف الطبيب:
حاتم بيقول الحقيقه الي دنيا مش عايزه تعرفها لحد
قولت ايه يا هادي لسه عايز دنيا؟
ابتعدت دنيا عنهما وهي تقول:
انا مش عايزه حد في حياتي مش عايزه اي حد
قالتها ورحلت علي الفور لحقها رامز هاتفآ:
استني مش هتعرفي تروحي لوحدك انا هوصلك تعالي
تحركت دنيا معه اما الطبيب هتف:.
ساكت ليه يا هادي انت لازم تتكلم لان دنيا في الوقت ده محتاجه تسمع منك انك مصدقها
هتكلم اقول ايه انا معنديش كلام اقوله
قال جملته تلك واستدار ورحل ليقول حاتم:
هو انت مينفعش تخليها تحبني وتجوزني؟! انا يحبها وراضي بكل حاجه فيها.
استقلت السياره بجانب اخيها هتف رامز:
مقولتيش ليه يا دنيا؟!
عشان مكنتش عايزه حد يعرف حاجه انا اتفضحت يا رامز هوري وشي ليك ولهادي ازاي بعد كده؟!
ارسل تنهيده طويله رامز ثم هتف:
بابا لازم يعرف حكايه دي
و عارف كل حاجه اصلا كل الي حصلي بسببه مفكرش يدور عليا ويشوفني فين
بلاش تظلمي بابا يا دنيا كل حاجه كانت غصب عنه
ابتسمت بسخريه علي تلك الكلمه ثم هتفت:.
ايوه كان خايف يجيبني اعيش عنده امك تفتكر ان جوزها اتجوز صاحبتها
حرك راسه باستنكار وهو يهتف:
اسكتي يا دنيا الله يرضي عليكي اما نشوف حل في مصيبه دي
تسائلت باستغراب:
مصيبه ايه؟!
مصيبه الي عمله جوز مامتك فيكي
اجابته دنيا:
مفيش مصيبه انا مش هتجوز ابدا ولا حتي هادي انا كنت عايزه يخطبني عشان اغيظ ثائر وابعتله صور وبعدين انهي خطوبه دي
اوقف رامز سيارته والتفت اليها وهو يقول:.
هو ده الي فكرتي فيه وشايفاه عدم جوازك هو الحل! طب تمام متجوزيش قوليلي كده هتكملي حياتك ازاي انا كام سنه وهتجوز وهسيب الفيلا وعماد الله اعلم ممكن يرجع لمراته او يتجوز وهادي كذلك وماما وبابا مش هيعيشوا دايما بعد عمر طويل طبعآ وقتها انتي هتروحي فين ولا هتعملي ايه هتقضي باقي حياتك لوحدك؟! لازم تجوزي ويبقي ليكي بيت
مش هتجوز حاتم انا بكرهه انتو ليه مش فهميني.
يا ستي اتجوزيه فتره واطلقي مهم يبقي معاكي قسيمه طلاق وتتجوزي بعدين الي ترتحيله وتنسي بقي حكايه صبري ومتقوليهاش لحد
حركت دنيا راسها بالنفي ثم قالت ;
لا يا رامز لا لا.
خرج الطبيب وهو ينظر الي احمد هاتفآ:
محتاجه تهتم باكلها كويس عشانها هي والجنين
جنين؟! هي زهوه حامل!
اوما الطبيب راسه بالايجاب وهو يهتف:
اه حامل في اسبوعين انت متعرفش ولا ايه!
اغمض عينيها بحسره واضحه بعد ان قال:
لا معرفش
رحل الطبيب بينما دلف احمد الي الغرفه ومازال لا يستوعب ما اخبره به الطبيب! زهوه حامل!
نظر اليها منذ ان وقعت عينيه عليه وهو يحبها كان ينوي التقدم لها وخطبها في اجازه اخر العام والان يكتشف انها حامل!
هتفت هي عندما فتحت عينيها بارهاق:
دكتور احمد
اعتدلت في جلستها وهي تنظر حولها ليقول هو:
كنت في شارع شوفتك مغمي عليكي جبتك المستشفي
ثم تابع بجمود:
مبروك انتي حامل يا انسه زهوه
حامل؟! حامل ازاي
ابتسم بسخريه وهو يقول:
زي ناس ايه متعرفيش حامل ازاي يا انسه.
ويكرر كلمه انسه علي مسامعها اكثر من مره انفضح امرها وانكشف كل شئ...
هتف هو بنبره حسره:
ليه يا زهوه ضيعتي نفسك بشكل ده انا كنت مستني السنه دي تخلص عشان اتقدملك ليه تصدميني فيكي كده
تقدملي انا!؟
قالتها بعدم تصديق وهي تشير بسبباتها ناحيتها ليجيبها هو:
ايوه اتقدملك انتي من اول يوم شوفتك فيه في سكشن وانتي شاغله بالي
انا!
انتي ليه شايفه نفسك قليله معنكديش ثقه في نفسك سايبه نص الكليه يتنمروا عليكي.
هتفت هي وعينيها تلمع بالدموع:
عشان هما معاهم حق انا مش حلوه طويله اوي وشكلي بشع وشعري كمان وحش
وطبعا مع اول واحد قالك كلمه حلوه روحتي رخصتي نفسك له ونتيجه انك حامل اهو
وضعت يديها علي بطنه هي الان تحمل في احشائها طفل من رامز ليكمل هو:
خساره يا زهوه
هو انت كنت هتخطبني فعلا
قالتها بتساؤل
كنت ناوي فعلا بس لاسف طلعتي رخيصه
سقطت دمعه من عينيها اما هو خرج من المكان باكمله صدمته بها كبيره كبيره للغايه...
كنتي فين يا دنيا
قالها والدها بلهفه واضحه
تجاهلته هي وركضت الي غرفتها ليجيبه رامز:
كانت عند دكتور النفسي بتاعها هادي جه؟!
لا هو مش كان معاك
هتف رامز:
كان معايا وبعدين مشي سيبك انت تلاقيه راح الفندق بتاعه
لتقول زينب:
مالك يا رامز شكلك مش طبيعي حصل حاجه
عماد لو ضايق دنيا تاني انا هاخدها ومحدش منكم هيشوفني ولا هيشوفها تاني
هتف عماد بسخريه:
دي واكله دماغك علي الاخر بنت لطيفه.
اه يا عماد بنت لطيفه واكله دماغي ابعد عنها انت بقي وطلعها من دماغك شويه يا ابني انت مريض طلعت مراتك ليله فرحها بفضحيه محترمه طب اصبر حتي لصبح تشوف الدنيا فيها ايه وفي الاخر عايزها ترجعلك وتعيش معاك باقي عمرها ووشها في وش واحد مريض زيك ودلوقتي بتطلع مرضك وتخلفك علي دنيا
لم يتحمل عماد كلمات رامز تلك قاطعه وهو يلكمه بقوه ورامز ايضآ بادله تلك اللكمه وحدث اشتباك بينهما فصل بينهما انور وهو يقول بانفعال:.
انتو هتضربوا بعض قدامي كمان في ايه منك لهو
انا مش طايقه ولا طايق حد في البيت ده
قالها رامز وهو يمسح فمه بقوه من الدماء
هتفت زينب:
لطيفه ضيعت بيتي زمان وجايه دلوقتي ببنتها توقع بين ولادي
قولتلك بلاش دنيا تيجي البيت هنا وانتي مسمعتيش الكلام
ليقول رامز بانفعال:
دنيا اصلا مفروض كانت تيجي البيت ده من يوم ما اتولدت
ثم التفت الي والده وهو يقول:
الي حصلها من صبري انت السبب فيه ذنبها معلق في رقبتك انت.
قالها ورحل لم يصدق انور اخبرت دنيا اخيها!؟