رواية شريط لاصق الجزء الأول للكاتبة يارا رشدي الفصل الأربعون
اوقف سيارته وهو يفكر يحاول تصديق ما قاله الطبيب وحاتم ولكنه لم يقدر لما لم تكن كذبه هي من قامت بتالفيها علي حاتم وايضآ الطبيب؟!
يثق تمامآ ان حدث شئ بينها وبين ثائر اسند راسه علي عجله القياده عندما تذكر كلمات حاتم منذ خمس سنوات، وهو يراها في احلامه في تلك الفتره...
وقفت زينب امامها وهي تقول:
ولادي وقعوا في بعض بسببك انتي عايزه ايه يا دنيا لطيفه بعتاكي ليه عشان تخربي البيت زي ما هي عملت زمان؟!
انا مش جايه اخرب بيت حضرتك
هتفت زينب بتهكم:
انا نبهتك وخلاص لو حسيت يا دنيا انك بتخططي ل اي حاجه تضر ولادي هاكلك بسناني كله الا رامز وعماد انا مليش غيرهم
تصدقي بالله كنت فاكره انك طيبه طلعتي عكس كده عموما متخافيش حضرتك انا مش بخطط لحاجه عن اذنك.
استدارت ودلفت الي غرفتها ثم اغلقت الباب خلفها من الداخل بالمفتاح وبكت كل شئ في ذلك المنزل ضدها حتي زينب التي كانت تظنها امراه حنونه لم تكن كذلك اطلاقآ!
بحثت عن هاتفها ثم تصفحت تطبيق الفيسبوك بحثت عن الصفحه الخاصه بثائر ابتسمت وسط بكاءها وهي تنظر الي صورته الشخصيه فكرت بارسال له شئ ولكنها تراجعت عن هذا ضمت الهاتف بين قبضه يديها كل شئ بداخلها مازال متعلق بثائر...
هتفت الي والدها ;
انا لقيت شغل في صيدليه وهبدا من بكره
الي يريحك يا غرام اعمليه بس حاولي تفكري مره تانيه في عماد
انا مش هرجعله تاني خلاص صفحه واتقفلت مش هفكر في حاجه غير حياتي
تنهدت والدتها وهي تقول:
الصيدليه الي هشتغلي فيها قريبه من هنا ولا فين
توترت غرام وهي تقول:
لا مش قريبه من هنا خالص دي في منطقه شعبيه
هتروحي ازاي منطقه شعبيه لوحدك يا غرام؟!
قالها والدها بحده.
متقلقش يا بابا وارجوك بلاش ترفض انا ماصدقت لقيت شغل في مش مكان شعبي اوي يعني
وبعد معاناه استطاعت ان تقنعه بعملها في ذلك المكان هي تحتاج لبدايه جديده...
منذ ان عادت من المشفي وهي تقوم بالاتصال برامز ولكنه لا يجيبها. ارسلت له العديد من الرسائل تخبره ان يقوم بالرد عليها فالامر هام ولكنه تجاهل كل ذلك ايضآ...
دلفت والدتها الي الغرفه وهي تقول:
مش هتتعشي يا زهوه!؟
لا يا ماما مش جعانه انا تعبانه وهنام
جلست والدتها بجانبها هاتفه:
مالك يا زهوه فتره مش علي بعضك ومتغيره
اجابتها وهي تتمدد بجسدها وتستعد للنوم:.
مفيش حاجه يا ماما انا بس الفتره دي عندي ميدترم ومذاكره مش اكتر
ربنا معاكي يا حبيبتي ويوفقك..
قالتها وهي تطبع قبله علي فروه راسها، اطفئت والدتها اضاءه الغرفه وخرجت...
ضغطت زهوه علي بطنها بقوه وهي تقول:
يارب اخلص من المصيبه الي انا فيها دي ازاي ماما لو عرفت حاجه زي كده هتروح فيها وبابا ممكن يقتلني.
كنت فين يا عم هادي راجع نص الليل ما هو مش معني ان ابوك وامك رجعوا دبي تاني انت تمشي علي حل شعرك وترجع البيت نص الليل
هتف هادي اليه بجمود:
وليك نفس كمان تهزر يا رامز
يعني اعمل ايه تعبت من التفكير في مصيبه دنيا تخيل طلعت حكت لبابا
ليقول هادي باهتمام:
يعني عمو عارف الموضوع ده وصدقها؟!
هو انت مش مصدقها يا هادي ولا ايه
اجابه هادي:
انت مصدقها يا رامز؟!
اقولك الحق انا فكرت في الاول ان ممكن يكون حصل بينها وبين ثائر حاجه خصوصآ انها واقعه في حبه علي الاخر بس حسبتها بالعقل لقيت انها من اول ما جات هنا وهي كلامها كله عباره عن انها خايفه مننا فاكر اول يوم سالت علي ابواب عازله للصوت ومفتاح وكانت بتخاف اي حد يقرب منها ده هي فكت بعدين لما اطمنت لينا شويه ويوم ما ضربت عماد فضلت تقول انا قتلت صبري وخدت حقي والاهم من كل ده لما روحنا جبناها من القاهره فاكر كانت عامله ايه في صبري!؟ وقبلها كانت مضيعه نظره كل ده اثبات من وجهه نظري بس الي مجنني حاتم صاحبك عرف منين حكايه دي.
معرفش لما اقابله ابقي اساله وافهم منه
هتف رامز بالايجاب:
اه افهم منه وخليه يحدد يوم ويجي يطلب ايد دنيا وانا هحاول اقنعها حتي تتجوزه كام شهر وتطلق منه مهم انها يبقي معاها قسيمه طلاق وتقدر تجوز بعد كده اي حد
وليه تتجوز حاتم؟! ما انا قولتلك اني هخطبها وهي وافقت
يعني هتجوزها يا هادي!؟
قالها رامز بتساؤل ليجيبه هو:
انا استر عليها احسن من الغريب ده غير ان دنيا مش طايقه حاتم اصلا.
لا اظبط كلامك علي اختي هو ايه الي استر عليها؟! متاخدتش دنيا وانت شايفها واحده رخيصه في حاجه حصلت غصب عنها
انا مقولتش علي اختك انها رخيصه بس وارد جدآ يكون حصل بينها هي وثائر حاجه من غير ما تقولي حسبتها بالعقل وبتاع هي كانت عايشه مع ثائر في بيت واحد قبل ما يسافر ويغيب خمس سنين واكيد وقتها دنيا كانت صغيره ممكن في لحظه ضحك عليها وهي استسلمت له.
لم يدري لما ظهرت امام رامز صوره زهوه امام عينيه وهي تستسلم له بكل سهوله في ذلك اليوم طرد رامز تلك الفكره وهو يقول:
والي عملته في صبري وحاله الي جاتلنا فيها؟!
ممكن يكون صبري اعتدي عليها فعلا لما عرف الي عمله ابن اخوه معاها
لم يعجب رامز كلمات هادي تلك فهتف هو بضيق:
انت ليه ظالمها بشكل ده؟!
دي كلها افتراضات مش اكتر
يبقي الي يتجوز دنيا حاتم مصدقها ومش هيفضل يدي افتراضات زيك كده ولا يظلمها.
ارسل هادي تنهيده ثم قال:
اختك قلبت دماغي اشوفها في احلامي وارسمها كمان من قبل ما اشوفها ده شئ طبيعي!؟
ثم تابع بهدوء:
انا هتجوز دنيا يا رامز...