قصص و روايات - قصص رائعة :

رواية شاطئ الجمر للكاتبة لولو الصياد الفصل الثامن

رواية شاطئ الجمر للكاتبة لولو الصياد الفصل الثامن

رواية شاطئ الجمر للكاتبة لولو الصياد الفصل الثامن

فوجىء نادر ومنصور انا هذه الفوضى ليست سوى بسبب وتين اقترب نادر ليرى ما يحدث وجد وتين تقوم بضرب شاب ما ووجه ينزف الدماء اقتربوا مسرعين حتى يخلصوا ذلك الشاب من يد تلك القطه المتوحشة...
نادر وهو يحاول ان يمسك يدها...
نادر: سببيه يا وتين كفايه فضايح...
وتين وهى تبعده عنها...
وتين بغضب: اركن انت على جنب كده خلينى اربيه...
منصور: كفايه يا بنتى عمل ايه ليكى...
الشاب: عمى منصور الحقنى هتموتنى...

منصةر بصدمه: باسل...
باسل يكون ابن صديق منصور وهو شاب متمتيز ولكن معروف بحبه للبنات...
وتين: وهى تضربه زياده: والله ما هسيبك غير وانت خلصان...
منصور: كفايه يا وتين علشان خاطرى...
فى نفس الوقت اقتربت سوزان وشهيره وسيف...
سيف: فى ايه يا جماعه ووتين بتضربه ليه...
نادر: بغضب: ماهو لو انت كنت راجل وواخد بالك مكنش ده حصل...
سيف: والله...

اقتربت فتاه بيدوعلى لبسها انها فتاه مستهتره الى حد ما وترتدى ملابس تكشف اكثر مما تغطى تدعى مارلين...
مارلين: ابعد عنه يا متوحشه سيبيه...
وتين تترك الشاب وتقترب من مارلين...
وتين: هى مين دى اللى متوحشه يا روح ماما ها انا هوريكى التوحش...
امسكت وتين الفتاه من شعرها وسط نظرات الجميع وسحبتها بقوه والقت بها فى حمام السباحه القريب منهم: هناك من كان يصور ومن كان يضحك والكثير مصدوم مما ما حدث...

مارلين: فى الماء وتبكى بغضب: بلغوا البوليس انا هحبسك يا متوحشه وكانت منهاره للغايه...
باسل: بضعف: وانا كمان هبلغ البوليس وهعمل فيها محضر...
فى نفس الوقت وصل مؤمن نصار والد باسل...
مؤمن مقترب من ابنه: باسل حصلك ايه ومين اللى عمل كده والله هاخد لك حقك وهيبات فى السجن ومبقاش من عيله نصار لو محصلش...
باسل وهو يشير الى وتين الواقفه ولا تعير احد اى اهميه وكانها بريئه مما حدث: هى دى يا بابا...

مؤمن بصدمه: بنت اللى عملت فيك كده...
باسل: دى مستحيل تكون بنت ابدا يا بابا...
وتين: بغضب: وانت مش راجل ابدا لم تحاول تمسك ايدى غضب عنى وكان لازم اعلمك الادب...
منصور مقترب من مؤمن: مؤمن انا بعتذر عن اللى حصل...
مؤمن: انت تعرفها...
منصور بصراحه: ايوه...
سوزان: تفتكر هيحصل ايه لوتين...
سيف: ربنا يستر وبابا يقدر يحلها ودى لان ممكن تتطور مؤمن نصار علاقاته كتير جدا وعاليه اوى...
سوزان: استر يارب.

سيف: بس تصدقى فرحان فى اللى عملته وتين...
سوزان: ليه كده...
سيف: اصله ولد مغرور وفاكر كل البنات هتموت عليه ومارلين دى هتموت عليه ومعتبراه ملكيه خاصه ليها...
سوزان: ربنا يستر...
...
مارلين الخارجه من الماء ترتعش: انا مش هسيبها ولازم اقدم فيها بلاغ وتتحبس...
مؤمن: استنى انتى شويه ممكن...
مارلين: اوك يا اونكل حاضر...
منصور: صدقنى انا بعتذر واللى انت عاوزه تعويض هعمله...
مؤمن: ممكن اعرف هى تبقالك ايه...

منصور: بصراحه هى تبقى بنت اختى وكمان تبقى...
مؤمن: تبقى ايه...
منصور: تبقى مرات ابنى نادر...
نادر: نعم...

الفصل التالي
جميع الفصول
روايات الكاتب
روايات مشابهة